Natasha..

[Brari]

Shekulli
--



Intervistë me Natasha Shehun, avokate e së drejtës ndërkombëtare, që pretendon se është vajza e fshehtë e Mehmet Shehut. Rrëfen për herë të parë se si takohej me Mehmet Shehun, i cili e ka njohur dhe dashur gjithë jetën, si u rrit nga gjyshërit në fshehtësi të plotë për identitetin e saj dhe pse vendosi ta bëjë publike historinë e saj pikërisht tani

Unë, vajza ilegale e Mehmet Shehut


Belina Budini

Quhet Natasha Shehu, por pakkush e kishte ditur se ishte vajza e Mehmet Shehut. “Kam qenë vajza e fshehtë e Mehmet Shehut”, - pranon ajo pas kaq vitesh, kur ka vendosur ta zbulojë këtë fakt, e detyruar nga rrethanat, pasi, siç thotë ajo, pa lejen e saj, në median shqiptare është publikuar testamenti i nënës së saj, Hava Isai. Në një intervistë të realizuar me telefon nga Shën Pjetërburgu, ku gjendet aktualisht, Natasha Shehu rrëfen, për herë të parë, historinë e saj. Ajo është avokate e së drejtës ndërkombëtare dhe punon e jeton prej vitesh në Itali. Është e martuar dhe ka dy fëmijë.

A është e vërtetë që ju jeni vajza e fshehtë e Mehmet Shehut?

Po, është mëse e vërtetë. Por unë kisha vendosur të gjeja një moment tjetër për ta rrëfyer këtë histori. Tani nuk ndodhem vetë në Tiranë dhe gjithçka që po thuhet pa praninë time atje, nuk më pëlqen. Aktualisht gjendem në Rusi dhe jam befasuar kur kam marrë vesh që historia ime është bërë publike. Në fakt, unë kisha vendosur ta bëja vetë publike një ditë këtë histori, por jo në këtë formë, duke përdorur testamentin e nënës sime.

Po tanimë historia ka dalë dhe ju duhet të bëni sqarimet e nevojshme. Ju e dini se rreth Mehmet Shehut ka shumë kureshti dhe opinioni publik kërkon të dijë të vërtetën nga goja juaj…

Se do ta rrëfeja këtë histori me telefon nga Rusia, nuk më kishte shkuar kurrë në mendje. Megjithatë, po përpiqem ta përmbledh shkurtimisht, edhe pse ndihem e vrarë që punët erdhën kështu dhe historia po mësohet në këtë mënyrë.

Pra, si u zhvillua kjo histori, sipas jush? E keni ditur gjithnjë që keni qenë vajza e Mehmet Shehut?

Jo vetëm që e kam ditur, por edhe e kam takuar dhe dashur shumë, ashtu siç më ka dashur shumë edhe ai. Në fakt, unë jam rritur nga gjyshërit e mi në Shqipëri, kurse mamaja është larguar nga Shqipëria për në Francë disa ditë pas lindjes sime dhe atje ka jetuar pjesën tjetër të jetës së saj. Por unë nuk e kam quajtur kurrë braktisje veprimin e saj, të ndikuar nga rrethanat, ashtu siç nuk e kam gjykuar kurrë babain tim pse nuk më njohu zyrtarisht. Rrethanat ishin të tilla që kjo gjë do t’i kishte kushtuar shumë shtrenjtë.

Sa shpesh e takonit Mehmet Shehun?
Të paktën një herë në muaj.

A dinin gjë për ekzistencën tuaj familjarët e Mehmet Shehut, gruaja e tij dhe djemtë?
Unë di që ata kanë qenë në dijeni të kësaj historie. Por në fakt, prezantim me ta nuk kam patur. E vërteta është që kjo histori nuk ka dalë asnjëherë hapur, është mbajtur e fshehtë nga të dyja palët. Si nga ana ime, ashtu edhe nga ana e tyre.

Po, a ju kishin pranuar ata?

Jo. Veçanërisht Fiqrete Shehu, nuk më duronte dot. Madje unë nuk kam mundur ta takoj babain në shtëpinë e tij pikërisht për këtë fakt.

Si vijoi jeta juaj në këto kushte?
Nuk kam patur një jetë të lehtë sigurisht, sidomos nga pikëpamja sentimentale. Jam rritur jetime te gjyshërit, pa mamanë dhe me një baba që, ndonëse më deshte shumë, e takoja një herë në muaj.

A ju ndihmonte ekonomikisht Mehmet Shehu?
Mund të them që në jetën time, për sa i përket anës materiale, për sa kohë babai ishte gjallë, nuk më ka munguar asgjë. Isha e suportuar nga ai për gjithçka, madje edhe për kurset e gjuhëve të huaja, shkollimin dhe të gjitha. Babai im, Mehmet Shehu, ka përmbushur të gjitha detyrimet e tij ndaj meje, duke m’i plotësuar të gjitha kushtet.

Kur e keni takuar për herë të fundit Mehmet Shehun?
Me sa më kujtohet, ditën e një parade, në 30 prill të 1979-ës ose 1980-ës. Ky ishte takimi i fundit dhe di të them që më ka munguar shumë. Ditën kur mësova për vdekjen e tij, m’u duk sikur u përmbys bota. Sepse ai për mua nuk ishte aspak një njeri i ashpër, siç e portretizojnë tani, por një baba i madh.

A keni ndonjë fotografi me të?

Jo, një gjë e tillë nuk ishte e mundur, për shkak të rrethanave që dihen. Historia jonë duhej të mbetej e fshehtë dhe e tillë mbeti. Në fakt, mamaja ime gjithnjë kishte dashur që unë të njihesha si vajza e Mehmet Shehut dhe qe testamenti i saj, i cili u bë nxitës për publikimin e kësaj historie që unë nuk doja ta bëja të ditur tani. Do të doja të kisha gjetur një moment tjetër për këtë.

A ka lidhje publikimi i historisë suaj pas kaq kohësh me ndonjë pretendim financiar apo tjetër, që ju keni ndaj trashëgimtarëve të Mehmet Shehut?
Jo, absolutisht jo. Unë nuk kërkoj asgjë. Thjesht kam dashur që të plotësoj dëshirën e mamasë sime, e cila ma ka lënë amanet një gjë të tillë, madje të shprehur edhe në një testament që unë nuk e di si ka arritur të publikohet pa lejen time.


Prononcim i Skënder Shehut, djalit të Mehmet Shehut

Skënder Shehu: Prindërit nuk më kanë folur kurrë
për një vajzë të fshehtë të Mehmet Shehut

Jeni në dijeni të historisë së fundit të publikuar në shtypin shqiptar në lidhje me babain tuaj, Mehmet Shehu. Natasha Shehu pretendon se është vajza e fshehtë e Mehmet Shehut dhe për më tepër, pohon se në familjen tuaj kjo gjë është ditur gjithmonë.

Nuk di çfarë t’ju them. Unë nuk e kam ditur një gjë të tillë dhe akoma nuk mund të them që e di, sepse një gjë të tillë nuk ma kanë thënë njerëz të besueshëm. Di aq sa kam vesh se është shkruar në shtyp.

Ajo thotë për “Shekullin”, se familja Shehu ka qenë gjithnjë në dijeni të këtij fakti, pra që babai juaj kishte një vajzë ilegjitime. A është e vërtetë kjo?

Jo, unë nuk mund të them gjë për këtë. Por as nuk mund ta përgënjeshtroj atë që thotë ajo. Nuk di kë ka parasysh ajo me familjen Shehu, sepse nuk mund ta di nëse për këtë kanë ditur apo jo, mamaja dhe babai im. Por unë vetë nuk kam patur dijeni.

Po me Bashkimin, vëllain tuaj, keni folur rreth kësaj tani që kjo histori është bërë publike?
Sigurisht që tani kam folur, por as ai nuk e ka ditur, ashtu sikurse edhe unë.

Pra, në familjen tuaj nuk është folur asnjëherë për të dhe nuk është se ju keni dashur ta mbani vetë të fshehtë?
Unë nuk kam dëgjuar të flitet kurrë për një histori të tillë në familjen time. Nuk më ka folur për të as mamaja, as babai im. Ne që jemi gjallë, nuk e kemi ditur. Ç’mund të them tjetër?

Si e keni pritur këtë dëshmi?
Me habi. Por nuk kam ndonjë koment në lidhje me çfarë thuhet, sepse jam jashtë kësaj historie.


HISTORIA
Sipas testamentit të Hava Isait, gruas që u dashurua në Shkollën e Partisë me Mehmet Shehun dhe që së bashku, siç shkruan ajo, vendosën të kishin një vajzë, të cilën Mehmeti e pagëzoi me emrin Natasha

Dashuria e fshehtë e Mehmet Shehut?!

Është vërtet një histori e jashtëzakonshme rozë, ajo që është publikuar këto ditë në shtypin shqiptar. Historia e një gruaje me origjinë nga Tepelena, që ka qenë e dashura e fshehtë e Mehmet Shehut dhe që të dy bashkë, siç ka lënë të shkruar ajo në një testament (pasi është ndarë nga jeta vetëm pak ditë më parë), kishin vendosur të kishin një vajzë, emrin e të cilës Mehmeti e kishte zgjedhur që më përpara nga letërsia ruse, pikërisht Natasha. Gruaja që shkruan se ka qenë e dashura e Mehmet Shehut, quhej Hava Isai dhe ishte dashuruar me Mhmet Shehun që në atë kohë ishte i martuar, gjatë kohës kur ndiqte studimet në Shkollën e Partisë në Tiranë. Ajo ka shkruar se në atë kohë, madje hynte e dilte në shtëpinë e Mehmetit, për shkak të një miqësie familjare. Sipas saj, Natasha ishte vajza që Mehmeti gjithnjë kishte dashur të kishte pas tre djemve. Megjithëse, siç shkruan ajo, dashuria ishte reciproke, kushtet i detyruan që të ndaheshin fill pas lindjes së vajzës. Me anë të një delegacioni, ajo thotë se Mehmeti mundi ta ndihmonte të shkonte në Paris, ku tanimë do të shkonte pjesën tjetër të jetës, gjatë së cilës u martua me një miliarder egjiptian dhe mori mbiemrin Hadibi. Arsyeja që e lë këtë testament, sipas saj, është se ka dashur t’i kërkojë falje vajzës së saj, Natashës, për dashurinë që nuk ka mundur t’i japë dot, për shkak të rrethanave të kohës dhe që ajo të njihet me identitetin e saj të vërtetë, si vajza e Mehmet Shehut. Në këtë testament ajo i lë trashëgim vajzës së saj edhe të gjithë pasurinë nga martesa e saj me një sheik egjiptian shumë të pasur.




Në lidhje me testamentin që është publikuar në një media shqiptare këto ditë.




17/05/2005

[Brari]

shekulli


----------

Djali i Mehmet Shehut, shkrimtari Bashkim Shehu, shpjegon se përse është i bindur që Natasha Shehu nuk është vajza e Mehmet Shehut. Përgënjeshtron fjalët e saj në lidhje me takimet dhe marëdhëniet jo të mira mes tyre dhe kërkon fakte për të vërtetuar tezën e saj. Por i kërkon falje, nëse kjo gjë do të rezultojë e vërtetë

Djali i Mehmetit: Natasha, jo motra ime


B. Budini

Nuk kam pasur asnjë lloj marrëdhënieje me Natasha Shehun; as jemi takuar, as i kemi shkruar njëri-tjetrit ndonjëherë. Në qoftë se Natasha Shehu pretendon të kundërtën, thotë një të pavërtetë.
Vëllai im, Skënderi, mund të flasë vetë. Sidoqoftë, mua më duket e çuditshme që Natasha Shehu e kontakton vetëm para pak kohe, ndërsa mbas katër ditësh i vdes e ëma, nga një sëmundje e pashërueshme, dhe pastaj nuk vonon të botohet testamenti i së ndjerës. Dhe, më tepër sesa një testament, ai i ngjan një interviste, pasi hiqen pyetjet dhe vihet një titull nga ato të stilit “Unë, filania, ju rrëfej”.
Pjesëtarët e tjerë të familjes Shehu kanë vdekur. Sa ishin gjallë, nuk më kanë thënë asgjë për Natasha Shehun, ndërsa tani që janë të vdekur, nuk kanë gojë të flasin.
Sikur të ishin të vërteta ato që pretendon Natasha Shehu lidhur me atësinë, do të gjendesha përballë një detyrimi të madh moral ndaj saj. Sepse do të ishte rigjetja e një motre të humbur. Për më tepër, një motër që rritet në kushte të tmerrshme, viktimë e një regjimi nga i cili edhe unë kam vuajtur, ndonëse në një formë tjetër. Dhe aq më e madhe do të ishte përgjegjësia ime morale ndaj motrës, duke qenë se babai im - sipas versionit të Natasha Shehut, që thotë se e do shumë – ka ndarë fëmijën e vet, në moshën 40-ditëshe nga nëna e saj. Detyrimin e madh moral që do të kisha ndaj një motre të tillë, do ta merrja përsipër me gjithë shpirt!
Mirëpo sa më shumë deklarata që dalin në shtyp, aq më fort bindem se e tërë kjo histori është e pavërtetë. Le të marrim vetëm një shembull: atësia e Natasha Shehut në dokumentet e saj të identifikimit në atë kohë figuronte me emrin “Mehmet Shehu”. Dëgjoni me kujdes:
Kemi qenë studentë, Natasha dhe unë, afërsisht në të njëjtën periudhë, po të kemi parasysh moshat përkatëse. Siç thashë, nuk njiheshim, sikurse as tani nuk njihemi. Porse në Universtitetin e Tiranës, ashtu si të gjithë studentët, u nënshtroheshim të njëjtave procedura karakteristike për një shtet policor: ndër të tjera, duhej të deklaronim jo vetëm si quheshin prindët, po edhe datëlindjen e vendlindjen e tyre, çfarë pune bënin, ku ishin, a ishin komunistë, a kishin qenë dënuar ndonjëherë e kështu me radhë. Në lidhje me Natasha Shehun, atësia e së cilës ka figuruar, siç thuhet, me emrin “Mehmet Shehu”, kush ka qenë ky, për ata njerëz të administratës së fakultetit që i shqyrtonin dokumentet? Ka qenë “shoku Mehmet”, babai i kësaj vajze? Atëherë, normalisht mekanizmi i fuqishëm i thashethemeve, sipas praktikës tradicionale ballkanike, do ta shpërndante lajmin brenda ditës dhe nga Vermoshi në Konispol. Apo mbas 1981-shit, ai që figuronte me emrin “Mehmet Shehu” në dokumentet e sekretarisë së fakultetit ka qenë “poliagjenti Mehmet Shehu”? Sepse Natasha Shehu vazhdonte të kryente studimet edhe mbas 1981-shit. Apo mos ndoshta, edhe para, edhe mbas 1981-shit, me emrin “Mehmet Shehu” njihej ndonjë person tjetër? Dhe kush është ky person tjetër me të njëjtin emër?
Mendoj se me këto pyetje duhet të fillojë kërkimi i së vërtetës. Dhe mendoj se në arkivin e fakultetit ku ka studiuar Natasha Shehu mund të gjendet përgjigjja e këtyre pyetjeve.
Gazetarët nuk e kanë të vështirë të shkojnë atje për të verifikuar, përveçse po të dëshirojnë të kundërtën, që të tororisen me thënie të njërit apo të tjetrit, me “ju rrëfej” e “s’ju rrëfej”, duke mbajtur pezull dyshimet dhe kureshtjet e lexuesve, gjë që do të sillte një shitje sa më të madhe gazetash.
Por ndoshta ka edhe mënyra të tjera verifikimi, që nuk më bien ndër mend. Sikurse ka edhe pohime të tjera të pabesueshme, në intervistat e Natasha Shehut dhe në testamentin e së ndjerës. Në qoftë se bindja ime del e gabuar, do t’i kërkoja Natasha Shehut publikisht dhe thellësisht falje. Në qoftë se bindja ime del e saktë, duke dalë, pra, që pretendimet e Natasha Shehut, të shpallura publikisht nuk janë të vërteta, ajo nuk duhet të më kërkojë falje mua, por duhet t’u kërkojë të gjithëve.

Bashkim Shehu
Barcelonë, 18 maj 2005


Dyshimet

Natasha Shehu: Jam e revoltuar
E pyetur në lidhje me dyshimet që ka ngjallur dëshmia e saj, Natasha Shehu shprehet e revoltuar dhe thotë se ndihet shumë e vrarë. Kërkesës së përsëritur të gazetës “Shekulli”, për fakte që të vërtetojnë atë që ajo pretendon, nuk preferon t’i përgjigjet, ndërsa shton se nuk e priste këtë qëndrim nga “vëllezërit” e saj, siç ka nisur t’i quajë tani djemtë e Mehmet Shehut, Skënderin dhe Bashkimin.

Përpjekje për t’u bërë e njohur? Rasti i ngjashëm i vajzës ilegale të Miteranit që më 1994-ën u zbulua nga “Paris Match”, dhe që deri atëherë mbahej e fshehtë si sekret shtetëror

Si vajza e Miteranit?

Janë të shumta dyshimet që qarkullojnë në opinionin publik pas deklaratës së avokates Natasha Shehu, se është vajza e fshehtë e Mehmet Shehut. Komentet janë nga më të ndryshmet, por të shumtë janë ata që e shohin këtë histori si përpjekje të saj për të qenë në qendër të vëmendjes dhe se avokatja mund të ketë interesa të tjera që fshihen pas kësaj deklarate të bujshme. Ndërsa nuk mungojnë rastet e fëmijëve ilegalë të politikanëve në botë, një nga rastet më të njohura është ai i vajzës ilegale të presidentit francez, François Mitterand. Vajza e tij, Mazarine Pingeot, që ka lindur në Paris më 1974, ka fituar prej kohësh statusin “legal”, dhe është njohur dhe pranuar nga vetë Miterani që, megjithatë, e mbajti të fshehtë për një kohë të gjatë. Sigurisht, fakti që është vajza e Miteranit i ka shërbyer asaj shumë dhe pas publikimit të këtij fakti, ajo është një nga personat më të njohur në Francë dhe së fundmi, publikimi i librit të saj me kujtime për jetën me François Mitterand është shndërruar në një sukses të menjëhershëm. Gazetat franceze dalin ende me titujt “François Mitterrand në kujtimet e së bijës ilegale”, megjithëse ekzistenca e saj është bërë e njohur qysh në vitin 1994. Deri atëherë ajo mbahej e fshehtë, edhe pse takohej me të atin dhe ruhej si sekret shtetëror. Mazarine Pingeot ka lindur në Paris më 1974, bijë e François Mitterrand dhe Anne Pingeot, nëpunëse në Muze d'Orsay. Identiteti i saj mbeti sekret deri më 1994, kur e përjavshmja franceze “Paris-Match”, publikoi një foto të saj me babain në një restorant. Në librin e saj “Gojë e qepur”, që është botuar në 28 shkurt të këtij viti në Francë, Mazarine ndërton një “portret të panjohur dhe shumë intim” të babait të saj dhe për herë të parë, përshkruan vitet e kaluara në krah të tij, të cilat deri vonë ishin ruajtur si “sekret i familjes dhe i shtetit”.




19/05/2005

[Brari]

Dritehijet e "vajzes" se Mehmet Shehut
E Premte, 20 Maj 2005
Te gjitha dyshimet pse historia e Natasha Shehut qe pretendon se eshte vajza ilegale e ish Kryeministrit komunist dhe me jetegjate te historise se shtetit shqiptar, mund te jete e trilluar. Qe nga botimi "pa dashje" i testamentit te nenes se saj, e deri tek pikepyetjet qe ngre djali i Mehmet Shehut, Bashkimi

Ditet e fundit, ne kulmin e fushates elektorale te zgjedhjeve te pergjitheshme parlamentare te 3 korrikut 2005, faqet e para te disa mediave kryesore te shkruara ne Shqiperi, e ka zene nje histori gjysem roze e gjysem e dyshimte. Duke mos dashur te paragjykojme pretendimet e protagonistes, avokates Natasha Shehu,- e cila pretendon se eshte vjaza e Mehmet Shehut nga nje lidhje jashtemartesore mes tij dhe nenes se saj Havase,- dhe as kolegeve tane, "Korrieri" nuk ka shkruar deri tani asnje rradhe per kete "scoop", thjeshte e vetem per aresyen se duke dashur te jemi serioze me lexuesit tane, ne mungese te te gjitha provave autentike qe do te hidhnin drite mbi te verteten, ky rast na eshte dukur me shume dritehije, ne rastin me te mire dhe i trilluar ne rastin me te keq.

"Testamenti"

Teksti i "testamentit" te Hava Isait (Habibi), nenes se avokates Natasha Shehu, eshte botuar fillimisht ne gazeten "Ballkan" nga korrespondentja e saj ne Vlore. Te nesermen, ne nje interviste per gazeten "Shekulli", Natasha Shehu pasi pohon se ajo eshte vajza e jashteligjshme e Mehmet Shehut thote: "Une kisha vendosur te gjeja nje moment tjeter per te rrefyer kete histori. Tani nuk ndodhem vete ne Tirane dhe gjithcka qe po thuhet pa pranine time atje, nuk me pelqen. Aktualisht gjendem ne Rusi dhe jam befasuar kur kam marre vesh qe historia ime eshte bere publike. Ne fakt, kisha vendosur ta beja vete publike kete histori, por jo ne kete forme, duke perdorur testamentin e nenes time". Dyshimet qe shtrohen pas kesaj jane: Si ka mundesi qe nje dokument kaq kofidencial per nje njeri, sic eshte testamenti,- e mbi te gjitha per nje "juriste te njohur te ceshtjeve nderkombetare",- e qe eshte hartuar jashte Shqiperise dhe mbajtesja e saj gjithashtu ndodhet deri ne Rusi, te bie ne dore te nje gazetareje ne Vlore, pa dijenine e te interesuares? A ka lidhje kjo me faktin se gazetarja dhe avokatja kane njohje te vjeter pune bashke, qofte edhe per shkak se Natasha Shehu ka qene burim informacioni per mediat, si avokate e familjareve te viktimave te tragjedise se Otrantos, ne Vlore?

Fshehja e gjurmeve te burimit te nxjerrjes se informacionit, eshte nje skeme e njohur per gaztearet. E, qe ketu nisen edhe dyshimet tona. Nese avokatja Natasha Shehu thote se deshironte qe ta bente publike vete kete histori, perse perdori kete "skeme". Perse ajo ka hyre ne lidhje me njerin nga "vellezerit" e saj, Skender Shehun qe ndodhet ne Suedi vetem 4 dite para se e ndjera Hava Isai (Habibi) te nderronte jete nga nje semundje e pasherueshme? Perse duhej qe protagonistja te priste pikerisht kete moment per te bere nje lidhje te tille, nderkohe qe ajo kishte kohe e mundesi prej plot 15 vjetesh ta bente kete hap. Nena e saj, Havaja ishte gjalle dhe takimi me djemte e "dashurise se saj te fshehte" mund te ishte e drejtperdrejte, e besueshme dhe fare normale per nje grua te shkolluar e te fisme si ajo dhe per djemte e ish- Kryeministrit shqiptar. Havaja fare mire mund t'i shpjegonte atyre versionin qe pretendon tashme vajza e saj Natasha, se ishte dashuruar me babain e tyre Mehmet Shehu, ne vitet '60 kur ajo ndiqte shkollen e Partise ne Tirane. Si nga kjo marredhenie kishte lindur nje vajze, si ishte detyruar nga babai i tyre ta braktiste ate pas 40 ditesh per tu arratisur ne Paris dhe t'i tregonte atyre edhe emrat e deshmitareve okulare, te gjalle apo te vdekur, qe kishin patur dijeni per kete marredhenie.

Ne vitin 1991, Natasha Shehu eshte regjistruar ne Fakultetin Juridik dhe atesine e ka shenuar Pelivan Shehu. Regjimi komunist ishte rrezuar ne ate kohe, perse ishte e detyruar ajo qe te shenonte nje atesi tjeter nga ajo natyralja? Dje, per "testamentin" e nenes se saj, Bashkim Shehu, djali i ish- Kryeministrit Mehmet Shehu shkruante ne media se "me teper sesa nje testament, ai i ngjan nje interviste, pasi hiqen pyetjet dhe vihet nje titull nga ato te stilit "Une, filania ju rrefej". Keshtu qe pyetja kurciale eshte: A eshte autentik testamenti qe pretendon Natasha Shehu? Nese po, perse nuk e ben publike ate, te shoqeruar me shkresen perkatese zyrtare, nga nje laborator i policise shkencore qe verteton autenticitetin e shkrimit dhe firmes se te ndjeres Hava?

Provat e munguara

Natasha Shehu eshte juriste dhe ne te tilla raste, ajo e di fare mire rrugen qe duhet te ndiqte per te vertetuar se eshte pikerisht vajza e Mehmet Shehut. E kjo rruge, nuk eshte kembengulja mediatike nepermjet deklaratave patetike dhe shpeshhere kontradiktore, por ajo ligjore e juridike. Avokatja fare mire mund te nxjerre nga materniteti i Vlores, ku nena e saj ishte detyruar ta lind'te, nje shkrese zyrtare nga regjistrat e ketij institucioni. Me pas, mund te nxirrte edhe nje certifikate lindje nga zyrat e gjendjes civile ku ajo ishte regjistruar. Te gjitha ketyre mund ti bashkangjiten keto lloj dokumentash edhe te trungut te saj familjar dhe te vertetoje se si arriti qe deri tani, te mbante per atesi, emrin e Pelivan Shehut.

Me pas, i vjen radha edhe njeres prej provave me te forta shkencore qe i ve vulen ne menyre shkencore te gjitha hamendjeve tona, sic eshte realizimi i analizave te ADN-se.

Nga ana tjeter, dyshimi i madh rreth gjithe kesaj tymnaje rritet edhe me tej, po te kemi parasysh se tashme te gjithe personazhet qe permenden ne "testament" dhe nga Natasha Shehu te cilet do te sherbenin tashme si deshmitare te dores se pare te ngjarjes, kane vdekur. E fundit ishte e ndjera Havaja, nena e saj. Ndersa fati i ish- Kryeministrit Mehmet Shehu tashme dihet, i Fiqerete Shehut po ashtu, por edhe i gjyshes se avokates e cila e ka rritur dhe nuk eshte i qarte fati i Pelivan Hysenajt qe ka mbajtur atesine e saj. Mungon nje fotografi i Natashes me Mehmet Shehun,- e cila pretendonte se e takonte cdo muaj, mungon nje foto e perbashket e ish- Kryeministrit me te dashuren e fshehte Havane. Dhe ceshte edhe me e keqja, askush edhe nga personat qe kane qene prane Mehmet Shehut gjate atyre viteve e qe jane gjalle e te lire te deklarohen, gjithashtu e mohojne kategorikisht te kene patur dijeni apo te kene qene prezent ne takimet e permuajshme te Natashes me Mehmet Shehun. Ish Kryeministri komunist, megjithese ishte i gjithepushtetshem, nuk ishte aq i lire sa te bridhte i vetem neper Shqiperi ne takime te tilla enigmatike si keto.

Por, fati i Mehmet Shehut paska qene i thene te jete vertete me i cuditshmi nga te gjithe njerezit qe e kane drejtuar kete vend. Ishte Kryeministri me jetegjate i gjithe historise se shtetit shqiptar, por me fatziu prej tyre. Pasi nuk mjaftoi fundi tragjik i vetevrasjes se tij, bashkeshortes qe i vdiq ne burgjet e regjimit qe drejtuan, i nje djali qe pati fundin e te atit, apo edhe i endjes per 20 vjet me radhe i dy djemve qe i mbijetuan burgjeve komuniste, per ti gjetur eshtrat. E atehere kur te gjithe menduan se me ne fund, edhe per Mehmet Shehun erdhi dita qe te prehej i qete ne nje varr te thjeshte ne varrezat publike te periferise se Tiranes, arkivoli i tij, serish nuk po gjen qetesi. Nje grua, nene dhe juriste, eshte ne kerkim te atesise dhe te nje varri tjeter prane Mehmet Shehut, ate te nenes se saj, Havase. Nese e gjitha kjo vertetohet, atehere Natasha Shehu padyshim do meritonte respekt te thelle dhe e ka te siguruar qe tani, te shpallet gruaja e vitit dhe historia e saj shume shpejt mund te fitoje oskar, e denje per nje skenar filmi hollivudian. Ne te kunderten, avokatja e te drejtes nderkombetare do te ishte e denje per damken: Mashtruese nderkombetare.





korrieri

[Brari]

vajza e mehemetit
intervista

Personalisht kam dëgjuar poshtërsi të paimagjinueshme për orgjitë në Bllok


Liljana Hoxha: Të vërtetat pas “vajzës së Mehmetit”



Mina Hysa
Liljana Hoxha, një ndër njerëzit që ka jetuar mes kullinave të Bllokut, shpreh dyshimet e saj për ekzistencën e “vajzës së Mehmetit”. Në një intervistë të dhënë për gazetën, gruaja e djalit të Enver Hoxhës ka shumë pikëpyetje lidhur me deklaratat e Natasha Hoxhës.

Liljana thekson në intervistë edhe mundësinë e një debati tjetër, pas atij të dashurisë së fshehtë të Mehmetit. E gjithë kjo, për Liljanën bën pjesë në një lojë tjetër, më shumë politike sesa duket. Sidoqoftë, ajo thekson se në deklaratat e Natashës, ka shumë vende të zbehta, të paqarta dhe që meritojnë një rishikim tjetër.
Natasha Shehu pretendon se është vajza ilegale e Mehmet Shehut. Një numër i madh personash që kanë jetuar pranë ish-kryeministrit e rrëzojnë një fakt të tillë. Cili është mendimi juaj?
Me vjen keq se përveç se një ilariteti fillestar të natyrshëm, në zbulim të një elementi sado thelbësor të jetës private, që nuk mund të zbehë rolin në historinë e Shqipërisë të personaliteteve si Mehmet Shehu, shfaqet furishëm egërsia e mbrojtjes instiktive nëpërmjet kundërshtimit, mospranimit “apriori” nga dëshmitarë të konsideruar kryesorë për këtë çështje, sikur të kishim të bënim me një krim.
Gjithmonë njerëzit kanë pëshpëritur për marrëdhëniet e byroistëve e bllokmenëve e shpesh është folur edhe për fëmijë ilegale. A keni dëgjuar për ndonjë histori të tillë të ndodhur para viteve ’90?
Personalisht kam dëgjuar poshtërsi të paimagjinueshme nga koncepti im mbi dashurinë, familjen, shoqërinë (pse jo edhe thjesht sex-in si nevojë), për orgjitë në Bllok, sidomos me thashethemet në vitet 89 e këtej. Fjalë të tilla i kam konsideruar fushatë të ndyrë, madje politike kundër ish-anëtarëve të Byrosë së PPSH-së e familjeve të tyre, me përjashtime të rastit, si në çdo komunitet njerëzor, çka është e paevitushme. Duke u ngritur mbi këto keqdashje nuk mund t’i mohoj edhe pse nuk di raste të dashurive të vërteta jashtëmartesore në Bllok. Megjithatë unë do t’i konsideroja si fakte madhështore e të papërsëritshme të jetës së individit e jo të vesit të tij, nga të cilat nuk mund të bëjë përjashtim natyror qoftë edhe Mehmet Shehu. Prandaj edhe nëse znj. Natasha pretendon se është e bija, kjo fushate mediatike me një investigim të tillë fyes për autoritetin e ish-kryeministrit shqiptar, për bijtë e tij, për vetë pretendenten si vajzë jashtë martese, por edhe për shoqërinë nuk ishin të nevojshme. Kjo gjë më shqetëson duke më krijuar bindjen se bëhet me një qëllim të caktuar, pra jo thjesht për denigrimin e figurës së Mehmet Shehut, por që synon akoma më tej.
Të gjithë dëshmitarët pranë Mehmet Shehut e kundërshtojnë faktin e ekzistencës së një fëmije ilegal. Ju si e komentni një gjë të tillë?
Mjerisht nuk mjafton vetëm bindja për të mohuar faktin nëse Natasha është apo jo e bija e Mehmet Shehut, ndonëse gjatë rrëfimit të saj ka momente ku nevojiten sqarime të mëtejshme. Kjo vjen së pari nga mosdija reale, nga kushtet e një ruajtje hermetike të sekretit çka një kryeministër mund t’i realizojë për raste të veçanta gjithmonë me ndihmën e besnikërisë së rojeve të tij apo prej frikës për të thënë të vërtetën, sidomos prej instinktit vetëmbrojtës trashëguar kryesisht nga diktatura që një gjë që s’duhet të dihet, as duhet të pohohet e jo më të vërtetohet. Pikërisht kështu po veprohet prej dy vjetësh me shëndetin e Enver Hoxhës, në një kohë kur vetë Nexhmije Hoxha, fëmijët e saj, Sulo Gradeci e përgjithësisht ekipi i mjekeve preferojnë të heshtin për të mos kundërshtuar në mënyre absurde e qesharake siç edhe kanë tentuar. Të një rëndësie të veçantë janë dëshmitë faktike si ajo e komandantit të Sazanit, Naim Muhaj i cili deklaron: “Mehmet Shehu nuk ka qenë në ishullin e Sazanit në vitin 1973, kur pretendon ta ketë takuar për herë të parë Natasha, 13-vjeçare”. Po aq domethënëse janë edhe dëshmitë e njerëzve të thjeshtë nga Selenica që e njohin Natashën që në bark të Dedes shtatzënë, të asaj që sot Natasha e quan gjyshe, apo të motrës së saj, vajzës tjetër të Dedes, nga Saranda etj.
A e besoni ju një histori të tillë?
Personalisht kam qarë shumë për fatin e foshnjës që thithte gishtin e gjyshes në vend të gjirit të s’ëmës, për nënën e syrgjynosur e lënë vajzën pas, për dëshminë e atësisë së babait (për sytë e së bijës) , për të luajtur bashkë me të duke rrëshqitur në govatë prej druri. Për kushedi sa raste të tilla të mbetura në anonimitet, në humbje gjurmësh, apo në pamundësi objektive për të ditur fatin e të shtrenjtëve të tyre. Shqetësimi im edhe më i thellë, përveç fatit të trishtë të vajzës e dashurisë së Mehmet Shehut (në rast se rezulton i vërtetë) çka më nxit ta analizoj edhe më tej këtë histori është: Çfarë ndodhte e për më keq çfarë sajohet ende në kupolën, ku dukej se udhëheqësit e perandorisë së pushtetit totalitar ishin të imunizuar nga lëndimet njerëzore (përveç rrezikut të përhershëm për t’u cilësuar “Armik i Popullit”)
Pse i thoni këto?
Fakti është që dosja për vetëvrasjen e Mehmet Shehut (varianti zyrtar i vitit 1981) që realisht ngërthen në vetvete shumë nëndosje si të Fiqirete Shehut e të bashkëpunëtorëve të tyre, apo të vetë Kadri Hazbiut, tek i cili është lënë deri më sot dyshimi për presion para vetëvrasjes, është jo vetëm e paezauruar krejtësisht, por mendoj se çështja Natasha Shehu shërben për ta rihapur qëllimisht atë. Kjo bëhet për ta rikompozuar konform evoluimeve që nga ’81-shi e deri sot, kur dyshohet gjithmonë e më shumë për vrasjen e tij. Vajza apo jo e Mehmet Shehut, kjo avokate ndërkombëtare merr përsipër të deklarojë madje të vërtetojë më pas në gjyqin e Strasburgut, që Mehmet Shehu është vrarë. Ndonëse vetëvrasja nën presion e ish-kryeministrit për mua dhe Sokolin ka qenë e barazvlefshme me një krim politik, një qëndrim i tillë publik nga një specialiste, në dukje krejtësisht e pavarur aq me tepër që pretendon të jetë e bija, na bën të dyshojmë se ky supozim ka shumë të ngjarë, ndonëse sot preket rastësisht gjoja nën sebepin e daljes publike te vajzës së fshehtë të Mehmet Shehut që pak rëndësi ka.
Nuk dyshoni se kjo mund të jetë thjeshtë një lojë e ngritur nga vetë Natasha Shehu?
Për të mos u ndalur shumë gjatë sot, po përmend disa pyetje thelbësore gati retorike:
Si shpjegohet se edhe pse duket sikur ka ndodhur pa dijeninë e Natashës, në media përcillet papritur testamenti i Hava Hatibit dhe pikërisht nga një gazetare që me përgjegjësi të plotë timen , duke e pësuar vetë prej saj, deklaroj se është në shërbim të Ramiz Alisë e Nexhmije Hoxhës?
Përse Natasha lidh kontakte me Skënder Shehun vetëm disa dite para vdekjes së nënës së saj, pra përpara botimit të testamentit s’dihet se si, por siç thotë të paprogramuar prej saj?
Përse nëna e saj syrgjynoset në vitin ‘60 pa të bijën ? (e donte Mehmeti pranë vajzën e tij? Pranë i thënçin!)
Nga kush e ruajti jetën e të dashurës Mehmet Shehu në ato vite kur Enver Hoxha dhe Nexhmije Hoxha ia njohën, ia falen, ia fshehën historinë e dashurisë madje e ndihmuan Hava Hatibin, sipas dëshmisë së saj dhe të Natashës, kundrejt theksit të të dyjave për armiqësinë e Fiqirete Shehut ndaj tyre?
Si shpjegohet diferenca në vite e arsimimit të lartë të saj jo nën kujdesin e Mehmet Shehut siç ka pohuar, por pas vdekjes së tij në vitet ‘91-95 e këtej, kundrejt faktit që në vend të emrit të të atit në amzë është emri i gjyshit të saj nga e ëma e jo emri i Mehmetit si babai i pretenduar?
Nëse ajo arrin të vërtetojë nëpërmjet ADN-së se është e bija e Mehmet
Shehut përse duhej zhvilluar më tej kjo çështje në publik, çka edhe në qoftë se nuk varej nga ajo, përveç natyrës grabitqare të medias për lajme të tilla të lë shijen e keqe të një sulmi të ri mbi Mehmet Shehun?
A i ka menduar këto Natasha si bijë e denjë e tij?
A mjafton që ajo të dalë me potere në mbrojtje të tij, duke i vlerësuar të “atin” përpara popullit shqiptar me shprehjen se “Mehmet Shehu është dy here hero, që s’ka vrarë asnjeri prandaj duhej të prehej në varrezat e Dëshmorëve?
Prandaj edhe duke kuptuar situatën emotive të saj, duke pretenduar se kjo çështje i ka dalë totalisht nga dora, duhej pasur kujdes të mos përdorej publikisht për interesa të atyre që sipas saj e vranë Mehmet Shehun. Në vend të saj mund të investigohej në familje, përderisa për mentalitetin e shqiptarëve, sidomos te bashkëkohësve të Mehmetit, jeta private e tij duhej respektuar.
Çfarë mendoni për familjarët e Mehmetit, si reaguan ata?
Për sa i përket reagimit të familjareve të Mehmet Shehut respektoj nipin Kujtim Shehu për objektivizmin humanizmin dhe emancipimin e shprehur prej në lidhje me këtë çështje. Krahasuar kjo sidomos me qëndrimet jo të pakomentueshme të të bijve të Mehmet Shehut, njëri për hipokrizi në raport me “të motrën” dhe skeptik në media sipas saj, dhe tjetri në sulm për ta kundërshtuar medoemos, kur edhe pse mund të dyshojë ende nuk duhet të nxitohet. Megjithatë duke i konsideruar këto mënyra reagimesh si e drejtë e tyre dhe si sjellje specifike të individit kryesisht sipas dimensioneve shpirtërore dhe jo medoemos të kulturës, e kuptoj që është e dhimbshme për ta, sidomos në raport me kujtimin e nënës së tyre. Ajo që më befason është se Bashkim Shehu sërish keqpërdor e deformon faktet gjoja parimisht në politizim të problemit duke rënduar vetëm Enver Hoxhën bashkë me gruan e tij, çka e ka refren të vjetër. Edhe pse metikuloz ai haptaz “keqkupton” dëshminë e Natashës.
“Natasha Shehu -thotë ai, deklaron se Enver dhe Nexhmije Hoxha kanë pasur dijeni për faktin se Mehmet Shehu ka pasur një fëmijë jashtë martese. Për këtë ai e kishte nisur të dashurën në Francë, fakt ky që nuk u komentua nga e veja e diktatorit, Nexhmije Hoxha e as nga byroistë të tjerë” (Panorama, 19 maj 2005) kur Natasha përsërit edhe pas reagimit të Bashkim Shehut:
“Jam shprehur se, e ka thënë në letër edhe nëna ime, këtë fakt nuk është e lehtë ta pranosh. Nëse kthehesh prapa në kohe, Enveri dhe Nexhmija kanë qenë në dijeni, duke na mbrojtur e ndihmuar. Për këtë ne u jemi mirënjohëse. Nexhmije Hoxha duhet ta pranoje këtë fakt, pasi ka bërë një mirësi dhe nuk ka pse të heshtë” (Ballkan 19 maj 2005)
Le t’ia lëmë Bashkimit të gjykojë vetë për këtë. Më duhet të them se komenti i tij në kundërshtim të Natashës, se vajza ilegale e të atit nuk mund të kryente studimet me emrin Natasha Mehmet Shehu në sistemin e Enver Hoxhes, sidomos pas vitit 81, pra pas vdekjes së Mehmet Shehut, është tërësisht abuziv e tendencioz. Kjo për faktin se Enver Hoxha mund ta toleronte këtë shmangie nga normat ideologjike e morale për kryeministrin si i pazëvendësueshëm për Shqipërinë, që në vitet ‘60 sipas Natashës dhe Hava Hatibit, por edhe pas ‘81 edhe pse i cilësuar si poliagjenti Mehmet Shehu,ndaj familjes së tij Enver Hoxha aplikoi luftë klasash të diferencuar. Fatbardha Shehu, gruaja e të ndjerit Vladimir Shehu u la krejtësisht e lirë dhe fëmijët nuk patën asnjë lloj pengese, duke mos u përzierë me aferat agjenturore të pjesëtarëve të tjerë të familjes.
Me sa duket Bashkim Shehu ende s’e ka kuptuar që sot loja për dosjen Shehu luhet ndryshe dhe jo me çfarë i detyrohet ai ish-shefit të shërbimit sekret shqiptar, Ramiz Alia, që në gjallje të Enver Hoxhës, kur ai kryente dënimin në burg.
Nëse i bën në mënyrë refleksive për të shmangur ndonjë sulm ndaj Fiqirete Shehut, kjo bën efekt të kundërt. Dihet që Fiqireti ishte agjente e UDB-së dhe së fundi Havaja me Natashën e cilësojnë si armike të tyre duke dalë në mbrojtje të Nexhmije Hoxhës. Ndërsa nga anëtarët e Byrosë politike e personelit të shërbimit pranë Mehmet Shehu rreshtohen në urdhrat e vjetër “s’dimë gjë, s’është e mundur”. Bën përjashtim vetëm Ramiz Alia i cili thotë: “Se besoj, por nuk e kundërshtoj” si dhe Nexhmije Hoxha që thotë: “Për momentin s’dua të prononcohem”, çka do të thotë që njëkohësisht edhe nuk e mohon. E gjithë kjo interpretohet si një parapërgatitje për t’i dalë përpara pistës së vrasjes së Mehmet Shehut, që nëse rezulton kështu , sipas tyre ata automatikisht mbeten jashtë.
Për këtë arsye çështja e dosjes së Mehmet Shehut, e cila ka shkuar deri në manipulim të opinionit publik, duhet të ndalet me kaq. Njëkohësisht ia lëmë në dorë familjes Shehu të zgjidhë problemet e saj qetësisht, duke mos denjuar të presim ndjesë nga kurrkush në rast mashtrimi publik, pasi mitomania është mjaftueshmërisht e turpshme! Në rast vërtetësie, kjo grua si avokate ndërkombëtare që tashmë mbron çështjen e grave kosovare të përdhunuara nga genocidi serb, së pari duhej të tregonte minimalisht maturi profesionale përballë zhurmës së krijuar me qëllim denigrimin e autoriteteve të historisë sonë kombëtare, për interesa të saj personale apo të rrjeteve antikombëtare.






Gani Kodra: Mehmeti nuk e ka takuar Natashën në Sazan

Ish-kryetari i degës së Sigurimit të Byrosë Politike, Gani Kodra, për deklarimin e Havasë mbi takimet që ka pasur me Mehmet Shehun në Paris prononcohet posaçërisht për gazetën se një fakt i tillë nuk qëndron absolutisht. Jo vetëm kaq, por ai në mënyrë absolute rrëzon edhe thëniet e Natashës se e ka takuar në ishullin e Sazanit kur ka qenë 13 vjeçe dhe aty ka mësuar “të vërtetën” e rrallë, sepse ai nuk i është ndarë kryeministrit për asnjë moment. Këtë deklaratë të prerë ai e mbështet me faktin se si jashtë vendit edhe brenda tij ai nuk është shkëputur për asnjë çast nga Mehmeti. Konkretisht ai shprehet: Mehmeti u detyrua të shkonte në Francë, sepse duhej të bënte një operacion urgjent nga hemorroidet. Klinika ku u shtrua quhej “PASSY”. Ne që e shoqëronim me gjithë mjekët dhe rojet bëheshim plot 9 persona. Po të shtosh edhe shoqëruesin apo rojet franceze bëheshim shumë. Kjo tregon fare mirë se Mehmet Shehu ishte nën një mbikëqyrje absolute. As një bulëz djerse nuk mund t’i dilte pa e marrë vesh të gjithë ne. U vendos nën kontrollin e rreptë të mjekëve.
Doktor Llambi dhe unë, së bashku me shoqëruesin francez u vendosëm sërish në korridor. Aty rrinim, aty flinim, duke e pasur nën kontroll në çdo çast. Edhe telefonin e dhomës e kishim ne dhe ai nuk komunikonte dot me askënd pa dijeninë tonë. Gjatë kësaj kohe, përveç doktor Llambi Ziçishtit, vinte edhe Isuf Kalo, i cili në atë kohë ndodhej për specializim në Paris. Po kështu edhe në vizitën tjetër që ishte e fundit dhe që u bë në vitin 1973 ndodhi e njëjta gjë aq më shumë se shoqërohej edhe nga Fiqireti.
Po kështu edhe fakti se Havaja shkonte në shtëpi nuk qëndron. Aty çdo hyrje dhe dalje bëhej nën një procedurë që nuk jua merr mendja. Edhe unë që isha kryetar i degës apo edhe një ministër po të vinte, do t’u nënshtrohej procedurave. Unë kur shkoja, i thoja Aliut që ta njoftonte. Duhet të keni parasysh se hyrja për te shtëpia e Mehmet Shehut bëhej nën vëzhgimin e dhjetëra e dhjetëra njerëzve, të cilët ishin vetëm për këtë punë.
Po kështu edhe në Sazan që Mehmeti ka qenë dhjetëra herë për gjah apo edhe për të inspektuar reparte ushtarake dhe ju them me garanci që nuk ka takuar absolutisht asnjeri dhe aq më tepër një fëmijë. Nuk ishte e mundur që Mehmet Shehu t’i thoshte një 13-vjeçareje se ishte babai i saj dhe kjo të mos dëgjohej nga askush. Dhe ta dini se, në qoftë se do të kishte ndodhur një gjë e tillë, ne të paktën sot do t’i kishim vënë në dijeni djemtë e tij dhe nuk do t’i linim në këtë gjendje befasie dhe çudie që po kalojnë. Unë dhe shokët e mi që kemi qenë pranë Mehmetit nuk u themi tjetër gjë djemve, veçse i garantojmë se nuk ka ndodhur asnjëherë një veprim i tillë.

panorama

[Brari]

vajza e mehmetit
zbulimi

Zyra Shehu (Koroneci) mbyll historinë: Ajo do ketë gjetur ndonjë pasuri të gjyshit në Turqi


Flet motra: Eshte loje, Natasha genjen



sarande/ shpresa dine
Motra tregon gjithçka. Natasha Shehu, avokatja që pretendon se është e bija e Mehmet Shehut, nuk ka asnjë lidhje me ish-kryeministrin. Ky është fundi i historisë.

Një fund i dhunshëm, ashtu sikur ishte edhe fillimi. Historia e dashurisë së fshehtë të Mehmetit, lindja e një vajze me emrin Natasha, janë të gjitha një lojë. Media dhe historianët mund të flenë të qetë. Ndryshimin në jetën e Mehmet Shehut e shpiku fantazia e Natasha Hoxhës.Dje gazeta kontaktoi me motrën e Natashës. Zyra Shehu (Koloneci) jeton në lagjen “Kodër” të Sarandës. Ajo tregoi gjithçka për gazetën. Zyraja është njeriu të cilin Natasha e telefonoi nga Rursia, para një muaji dhe i “vodhi” identitet. Jeta e motrës së madhe Zyrasë, është transformuar nga Natasha dhe është kthyer në jetën e një personazhi tjetër, Havasë. Sipas dshmisë së motrës, Natasha e kishte thirrur me emrin Hava dhe i kshte premtuar se do ta bënte të njohur në të gjithë Evropën. Zyraja tregon për gazetën se të gjitha bisedat e muajit të fundit me Natashën i janë dukur të çuditshme. “Fola para një muaji me Natashën dhe më tha: Si je, si shkon moj profesorja ime, moj e tilla, moj e këtilla, moj Zyra, moj Hava”, tregon motra e Natashës nga Saranda. Dhe si të gjitha historitë e trillura, edhe kjo e Natashës, dyshohet se është bërë për para. Babai i nënës së Natashës dhe Zyrasë ka qenë me origjinë turke. Në fund, për të zhdukur të gjitha aludimet dhe për të mbyllur përfundimisht të gjitha mundësitë e abuzimit Zyraja, motra e madhe e Natashës shton: “Ne jemi familja Shehu dhe Natasha është motra jonë e vogël. Nëna jonë është Dedeja dhe babai Pelivani”.
A mund të na thoni se kush jeni ju?
Unë jam Zyrakua, (Zyraja) motra e madhe e gjithë fëmijëve të familjes Shehu. Nëna jonë quhej Dede dhe babai Pelivan. Unë jam e datëlindjes 1938, 67 vjeç. Kam mbaruar shkollën e Partisë. Pra jam unë ajo që kam mbaruar shkollën e Partisë në vitin 1965. Fillimisht kam mbaruar shkollën për mësuese në Tiranë, në qytetin e nxënësve, siç bëhej atëherë me kurse 9-mujore. Po në këtë zanat, mësuese, kam dalë në pension. Vëllai i madh quhet Banush Shehu, që vjen pas meje, pastaj është Shefqeti, Nadirja, Shkëndija, Vasilika, Leonora, Mbarimja dhe Natasha është e fundit, pra motra e vogël. Gjithë jetën motër të vogël e kam njohur Natashën. Bile kam përafërsisht një fëmijë me moshën e Natashës, datëlindja 1958 që është Luli, vajza ime e madhe. Çuditemi shumë me këtë problem që ka lindur. Kë pyeti gazetarja që ka bërë artikullin e parë.
Në çfarë moshe ka jetuar Natasha me ju?
Kur ka lindur Natasha unë kam qenë e martuar. Madje po prisja me padurim që të lindte mamaja. Ishim në Tepelenë atëherë kur më erdhi telegrami që Deda lindi vajzë.
Kush ia ka vënë emrin Natashës?
Emrin ia ka vënë vëllai i madh, Banushi, ai që është në Borsh. Ai kishte parë në atë kohë një film sovjetik, “Aljosha” dhe ia vuri emrin Natasha.
Ka pasur ndonjë dyshim gjatë jetës suaj që Natasha të mos ishte motra juaj?
Jo, jo. Në asnjë mënyrë.
Atëherë si e quan ti gjithë këtë?
Një bllof i Zenepe Lukës, apo kush e bën. Nisem nga artikulli, kur e pashë u çudita.
Gjatë kësaj kohe që ka ndodhur kjo, ju keni folur në telefon me Natashën?
Foli para një muaji atje dhe më tha: Si je, si shkon moj profesorja ime, moj e tilla, moj e këtilla, moj Zyra, moj Hava, se çfarë më ngatërronte mua dhe atëherë unë thashë me vete, “ik se bën gallatë kjo, si gjithmonë”. Kur ke filluar shkollën e Pedagogjikes, vazhdoi Natasha përsëri bisedën në telefon. Ku e ke bërë? “Në Qytet të Nxënësve”, iu përgjigja. Po shkollën e Partisë, më pyeti kur e ke bërë. “Unë e shkreta s’mbaj mend tani, iu përgjigja. Po më ngatërroheshin vitet. Dhe sipas llogarive të mia, i bie që ta kem mbaruar në 1965. Në vitin 1968 kam lindur, Aurelin, djalin.
Pas tërë këtyre pyetjeve që Natasha, të ka bërë në telefon, ti nuk e pyete veten përse bëhej e gjithë kjo?
Fare, se bënte gallatë. Do të të rehabilitoj, më tha, do të bëj deputete të Evropës. “Eh gallatë bën kjo dreq”, thashë me vete. Mbiemrin, - më tha, se keni pasur Shehu? “Shehu e kemi pasur, - i thashë unë përsëri në telefon. E keni ndërruar nga frika? “Jo, - i thashë, s’e kemi ndërruar nga frika”.
Kur të zuri në gojë mbiemrin nuk pate ndonjë dyshim?
Po, po. Bile dyshova se më incizoi.
Të tha në telefon se të incizoi?
Jo, unë dyshova, sepse fjalët e saj më vinin të shkëputura nga telefoni, vinin larg. Po pse duhet të më akuzojë? Ma vesh mua se kam dashuruar Mehmet Shehun. Që thotë s’është Zyraja, është Havaja? (Në këto çaste, një revoltë e brendshme shpërthen në mimikën e fytyrës së Zyrasë. Duart dhe buza fillojnë t’i dridhen dhe fjalët i thotë shumë shpejt)
Në fisin tuaj, vetëm ti e ke mbaruar shkollën e Partisë?
Unë, vetëm unë. As ka pasur vajzë tjetër nga Tepelena, siç thotë Zenepe Luka, “vajza e bukur tepelenase përgjunji Mehmet Shehun, që e dashuroi”.
E ke njohur ndonjëherë Mehmet Shehun ti?
E kam njohur si gjithë të tjerët për kryeministër. Dhe kishim respekt për atë kohë që ishte.
Sa fëmijë ke ti Zyra?
Unë kam 7 fëmjë. I harrova fare dhe fëmijët e mi. Kam gjashtë vajza dhe një djalë, Aurelin.
Dhe je e martuar në Tepelenë?
Jo, jam e martuar në Lushnjë dhe pastaj kam ardhur këtu. Në Sarandë po bëj 20 vjet.
Saranda është e vogël dhe unë nuk kam fytyrë të njohur?
Epo kam qenë mësuese në fshatin Gjashtë. Kam dalë në pension si mësuese me 60 për qind. Kam librezë pensioni, ku i kam të hedhura të gjitha vitet e punës. S’kam qenë as në Francë dhe as jam martuar me ndonjë arab apo egjiptian. Allah, allah! Unë jam martuar me një copë fshatar nga Lushnja.
Po nëna juaj, Deda, me se është marrë?
Nëna ime fillimisht me sa mbaj mend unë ka punuar në maternitetin e Selenicës, pastruese, pastaj në Fermë.
Në ç’moshë ju ka lënë nëna?
Ajo po bën 10 vjet që ka vdekur. Ka vdekur pas 1990 dhe ka vdekur në moshë të madhe. Kur ka qenë 15 vjeç më ka lindur. Gjatë gjithë jetës më ka thënë se është martuar shumë e vogël, se kishte qenë jetime dhe se me origjinë ishte nga Kalivaçi i Tepelenës. I ati i kishte vdekur në Turqi. Mos ka gjetur ndonjë pasuri të gjyshit kjo (dyshon për Natashën)? Unë jam Zyraja dhe Hava s’ka e nuk do të ketë kurrë.
Natasha pretendon se është e regjistruar në certifikatën e lindjes me emrin e gjyshit, Natasha Pelivan Shehu?
Çfarë gjyshi moj, Pelivan është emri i babait tonë.
Po emri i nënës si ka qenë?
Zade, dhe i kemi folur Dede.
Përse nuk i keni kërkuar që të sqarojë në telefon të gjitha ato që janë thënë nëpër gazeta?
Nuk më del. Sot kishte marrë nusen time dhe i kishte thënë: Nuk qe Zyraja ajo që e përjashtoi Fiqiretja? Mua më përjashtoi Fiqiretja se kishim probleme familjare, moj motër, jo se kishim…
Të përjashtoi nga Partia?
Unë u përjashtova vetë. Në atë kohë Fiqiretja ishte drejtoreshë në shkollën e Partisë. Shkova atje dhe i thashë se kam ca probleme familjare, se jam ndarë dhe ky është burri i dytë. Jam martuar prapë po në atë vit që u ndava, në Barbëllinjë të Lushnjës.
Keni bërë debat me të?
Po, ajo ishte drejtoreshë e shkollës dhe i vajta dhe i thashë: Kam ca probleme. Ka mundësi të më ndihmosh, se unë nuk qëndroj dot. Ç’isha unë atëherë, një 25 – 26 vjeçe. Por ajo më tha: “Ti je komuniste dhe duhet t’i zgjidhësh vetë problemet e tua”. Atëherë prit, - i thashë unë, dhe i hodha teserën e partisë. Ajo, mbaj mend, që e priti në duar. Kaq ishte. Nuk u shënua asnjë procesverbal dhe ika. Ika e lashë partinë dhe u martova. Me burrin e parë kisha tre fëmijë. I kam gjallë dhe i kam në Tiranë.
Natasha erdhi të jetonte me ju në Sarandë. E keni marrë ju atë gjithmonë me vete?
Jo, moj motër. Natasha ka qenë me nënën tonë.
Edhe nëna juaj këtu në Sarandë ka qenë?
Po edhe shtëpinë këtu lart e ka.
Edhe nëna juaj atje rrinte me Natashën?
Sigurisht, e kishte vajzë Natashën. Unë dua të më gjejë Havanë, atë që shkruan Zenepe Luka, atë dua të më gjejë. Ku është kjo Havaja, se Havanë unë nuk e njoh fare. Në familjen tonë nuk ka Hava fare. Kërkoj nga gazetarja që ka bërë artikullin e parë te “Ballkani”, ku e ka Havanë, të gjallë apo të vdekur. Neve nuk na ka vdekur ndonjë motër, ndërsa nëna ime ka dhjetë vjet që ka vdekur, dhe ka vdekur në Itali te Natasha. U shtrua këtu në spital, e mori ajo, se i vinte keq për nënën dhe vdiq atje.
Me kë ka qenë e martuar Natasha këtu?
Me Sulo Hodo, me origjinë përmetar dhe tani banon në Tiranë. Edhe ai e di që nuk kishte vjehrrë Havanë. Ai njihte vjehrrë Dedenë. Nuk ndenji shumë kohë i martuar.
Mos është ndonjë tjetër që flet në emër të Natashës?
Ku e di unë. Sikur të ishte ashtu, Natasha të vinte e të sqaronte këtë punë.

panorama




--------------



di llafe..

kur vate nanua ne Vlore para ca kohesh per te "festuar" viktimat e Otrantos.. i duallën para dy grupe viktimash..
njeri qe duartrokiste na kenaqsia qe shihnin mes gjirit te tire Komanandin ..pra shokin Nano.. dhe nje grup tjater qe i kerkoj llogari nanos..pse nuk ke care b.ithe per hallin tone..

ne grupin e duar trokitsave bente pjese dhe kjo natasha si avokate e viktimave qe mbronte zirtarisht interesat e tyre ne proces-gjyqet qe zhvilloheshiin mes Italaneve (Labce) dhe pales se viktimave..

Ata te grupit protestues hodhen deklarata kunder interesimit hipokrit te shtetit shqiptar per hallin e tire dhe akuzuan pikerisht kete Natashen qe sipas ketire ..kishte tallur mullaqet me interesat e viktimave dhe kishte kollofitur miljona nga italanet te cilet sipas ketyre Shteti italan i kishte taksur per Viktimat..
pra per her te pare kesaj Natashes i ka dalur emri si hajdute-mashtruse..

dhe ashtu duhet te jete..
e dija qe kur i duall emri nashti kesaj tashes si sheh-lere gjoja.. do keishte nonjë qellim te ulet kjo mashtruse fenomenale..

te shohim cdo bënet ne të ardhmen..

[Brari]

Korrieri
--


Epidemia Natasha dhe kulturkellira jone

E Marte, 24 Maj 2005

Nga Fatos Lubonja

Para pak kohesh me qelloi te shoh nje dokumentar televiziv amerikan mbi historine e nje personi qe kishte vrare gruan e pare dhe qe, megjithate, kishte arritur te jetonte per nje kohe te gjate i pandeshkuar ne saje te aftesise per te mashtruar gra te tjera te pasura te cilat e mbanin me te holla. Kishte arritur t'i fshihej policise amerikane per afro njezet vjet- gjersa me ne fund e kapen.

Kur i kerkuan nje psikologu shpjegimin e suksesit te tij ai tha nje te vertete shume te thjeshte: "Suksesi i mashtruesit bazohet ne prirjen qe kane qeniet normale per te besuar."

Tani, sa here shoh mashtrues e te mashtruar qe adhurohen mes vetit,- e per kete mjafton te hapesh televizionet e gazetat tona,- me kujtohet kjo thenie. Mu kujtua edhe keto dite qe gazetave tona u ka rene nje epidemi e re mashtrimi, virusi i se ciles kesaj here e ka emrin Natasha.

Nje Natasha befas u shfaq ne faqet e para te gazetave tona me foto te medha te sajat ne faqe te pare shoqeruar me titujt bombastike se na qenka e bija ilegale e ish kryeministrit Mehmet Shehu. Dhe jo ne nje, por ne pese a gjashte te perditeshme qe konkurronin se kush do ta bente me grishes lajmin- qe ne fakt ishte lehtesisht i pergenjeshtrueshem. Madje ajo i ftoi edhe per debat televiziv dy djemte e Mehmetit.

Reagimi i pare i njerezve qe, megjithese kane prirjen normale per te besuar kane edhe dy pare mend per te dyshuar, ishte pak a shume ky: Mire nje te cmendure i hipen ne koke te dale ne gazete, po gazetat pse jane cmedur?

Dhe ketu ceshtja behet me e koklavitur sesa duket, sepse, sado te marre te jene kryeredaktoret e gazetave, sado te paafte, ata jane ne gjendje te kuptojne qe nje lajm qe e nxjerrin, madje ne faqe te pare, me foto te madhe, do verifikuar perpara se te botohet.

Prandaj problemi qe shtrohet nuk eshte thjeshte pse mashtron Natasha, (madje ajo mund te kete njemije justifikime sepse dihet qe mitomania, qe shpesh shoqeron mashtrimin, eshte nje semundje), por pse mashtrojne gazetat.

Per shpjegimin e kesaj pyetjeje ne median e kafeneve, ende te pa privatizuar, prandaj dhe te pablere nga politika, qarkullojne sot per sot disa variante. Po perpiqem te rreshtoj ato me kryesoret qe me ka zene veshi.

I pari eshte ai me i rendomti se vetem keshtu mund te shiten gazetat ne krize. Pike dhe kaq. Shume e thate. Packa se kjo thatesire hap nje teme shume te njome: ate se ku mbaron prirja normale e shqiptareve per te besuar dhe ku fillon budallalleku i tyre, sepse, te pretendosh te shesesh me shume gazeta ne kete menyre, do te thote ta konsiderosh lexuesin tend budalla?

Nje variant tjeter, me i njome, eshte se Natasha ka mashtruar disa kryeredaktore duke u premtuar se po e botuan lajmin se ajo eshte e bija e Havase dhe Havaja e dashura e Mehmetit, Natasha mund ta paraqese kete si deshmi jashte shtetit dhe keshtu do te trashegoje nje goxha pasuri (sepse Havaja na paska vdekur vetem pak kohe me pare dhe burri egjyptian i paska pas lene nje goxha trashegim) dhe kryeredaktoret, afermendsh, do te kene kesisoj 10% -shin qe u takon automatikisht, njelloj si politikanet per tenderat. Sipas ketij varianti pronaret e gazetave nuk dine gje. Kemi te bejme me perdorim te gazetave nga gazetaret ashtu si perdoren institucionet e administrates shteterore nga punonjesit e saj te ulet per perfitime te vogla, nga ato qe nuk i hyjne ne sy shefit te madh.

Ka edhe nga ata (te paket ne fakt) qe thone se e gjithe kjo gjurulldi u be per te pergatitur daljen ne skene te kandidatures se te birit te Mehmet Shehut si kandidat i Partise Agrare ne Tepelene.

Por ka edhe nje variant me te njome se te tjeret, qe e ka dukjen paska paranojake, por, megjithate, jo aq sa lajmi per Natashen: Sipas ketij varianti kjo pune nuk duhet marre aq thjesht: kemi te bejme me nje pune te orkestruar nga nje apo disa zyra- ca thone te SHISH-it ca te SHIK-ut, ca te tjere te ish Sigurimit ca te tjere te Partise Socialiste- me qellim largimin e vemendjes se publikut nga problemet e medha qe ka vendi, aq me teper tani ne fushaten elektorale. Sipas nje sondazhi te fundit te nje OJQ-je qe bashkepunon me te huajt, pas epidemise "Natasha", eshte rritur me disa pike perqindja e atyre socialisteve qe, te merzitur nga martesa e dyte e Nanos, kishin vendosur te votonin per LSI,- pasi Mehmeti mbetet shtylle e forte e PS dhe dalja e nje te dashure tregon se kjo parti ka qene progresiste prej kohesh. Dicka si puna e Miteranit.

* * *

Personalisht epidemine e re "Natasha" prirem ta shikoj si faqe kulturore gazetash. Si nje kullim kulturor te periudhes qe po jetojme ku mashtrimi dhe brockullimi jane instumentet kryesore te komunikimit mes njerezve,- qe nga Kryeministri e biznesmenet tane me te pasur e inteletkualet tane me te shquar e deri tek lypesi me i mjere i rruges. Por edhe si instrument pushteti, mos e merrni me shaka. Kemi te bejme ne fakt me thelbin e kulturpushtetit te kesaj epoke qe fare mire mund te quhet kulturkellire. Une ve bast se Natasha do te dale se shpejti ne emisionin e televizionit kombetar TVArberia te Arjan Canit "Zone e Lire" dhe Cani do te beje gallate te lire me te, e do te na defreje te gjitheve kellirisht- vecanerisht do te defreje eliten ne pushtet te stresuar nga punet e renda te dites dhe nga shpifjet e poshtra per korrupsion- duke e pyetur Natashen per politiken e madhe globale e per gjera te vogla lokale. Cfare do t'i sugjeronte Natasha Bushit per eksportimim e demokracise ne Irak; c'mendim ka Natasha per mallrat e lira kineze qe po fusin ne krize Europen dhe SHBA; a e takoi Putinin kur ishte ne Moske e cfare i tha ay per Moisiun; c'mendon ajo per liberalet e rinj shqiptare, po per Mjaftin, per te majten dhe te djathten shqiptare, per sulmet e Lubonjes ndaj pronareve te mediave? E ne fund do t'i thote: betohu per koken e Edi Rames dhe te Kac Caushit se eshte e vertete qe je e bija e Mehmet Shehut! Dhe Natasha me siguri do te thote: betohem!, edhe per koken e Fatos Nanos! Dhe pastaj, ne fund te emisionit, do te dalin sponsorizuesit: Vodafon, AMC, Birra..., Uji... e me the te thashe qe do te permbyllen me siglen perfundimtare: ky emision special u krye nen kujdesin e Ministrit te Kultures, Rinise dhe Sporteve Blendi Klosi.

Une madje do tu rekomandoja edhe Klosit edhe Canit edhe gazetareve te tjere te nxitojne te gjejne, sa eshte gjalle, nese nuk ka vdekur akoma, Kolonel Nasip Meten, i cili ka mundesi te kete lidhje me Natashen se andej nga Selenica me duket se ishte edhe Nasipi. Po edhe po nuk pati lidhje farefisnore, vetem mire do t'i beje shtypit dhe medias sone elektronike dhe kulturkellires sone ne pergjithesi kontakti me kolonelin. Cili eshte Nasip Meta do te thoni ju? Nasipi eshte nje ish kapterr andej nga Selenica qe, pasi e futen ne burg dhe e sollen ne Spac, e gradoi veten Kolonel te Aviacionit Gjerman te Luftes se Dyte Boterore.

Nasipi tregonte histori te hatashme qe do t'i mrekullonin lexuesit e gazetave dhe spektatoret e televizioneve tona. Le pastaj sikur te futej tek Kafazi i Arte i News 24 Nasipi cfare mrekullie do te ishte! Ai ne kafaz te hekurt dhe bente cudira. Mjafton te tregoje historine se si, kur avioni i tij ngrihej e fluturonte mbi Londer, e gjithe Britania dridhej nga tmerri dhe lajmi vinte gjer ne Itali: "Attenzione attenzione,- ulerinin radiot italiane- il colonello Nasip Meta sta bombardando Londra." Dhe kjo, madje, do te na ngreje lart edhe breket e kranarise kombetare, qe sikur na kane rene pak poshte keto kohet e fundit. Aq i fashmem u be Nasipi sa Hitleri e ngarkoi te shkonte te takonte Curcillin. "Kur e takova, thoshte Nasipi, barkmadhi ngriu ne vend:- Ti mor Curcill pisi, i thashe, a do te rrish urte apo do te ta zhdukim Gadishullin Britanik nga faqja e dheut? Kishte edhe ate kurven, Elisabeten, me vete, qe nuk pipetiu fare gjate gjithe takimit."

Me seri mund te vazhdojne historite e Nasipit. Qe nga dashuria e zjarrte me Greta Garbon (hajde seks hajde!) e me the te thashe e deri tek takimet me Enverin, Mehmetin, Kadriun, Beqirin.

Por kam edhe nje propozim shekullor: Sandren e Dardanit qe gjer tani nuk ka dale ne shtyp. Cila eshte Sandra e cili eshte Dardani? Dardani kishte vuajtur si Nasipi nga diktatura e gjate dhe kohet e fundit i'u lodh shume truri dhe filloi t'i fanepseshin gjera te cuditshme. Nga keto fanepsje me interesantja ishte ajo sikur njeri nga gardianet e Burrelit, ai me karaduzi, i ishte qepur gruas se tij, Sandres. Dhe sa here i vinte kjo fanepsje, kudo qe ishte: ne dhome, ne qeli ndeshkimore, duke ngrene, i ulur ne hale, Dardani fillonte e thoshte pa pushim me ore te tera: "Mbahu Sandra!", "Mbahu Sandra!", "Mbahu Sandra!" Dhe vetem keshtu lirohej. Po cila ishte Sandra do te thoni ju? Kush i vardisej ne te vertete Sandres se bukur (hem ne Tirane, hem, andej nga Blloku)? Se kot nuk i fanepseshin Dardanit ato gjera. Nuk e tregoj sepse kerkoj edhe une shperblimin tim (material, te kuptohemi). E shes, madje shtrenjte kete material, se nuk e di njeri pervec meje. Ma ka thene nje nga kapot e sigurimit te Bllokut. Deri ketu po e le, sa per te ndjellur gazetaret, por ju siguroj se do te jete lajmi i shekullit.





.......

[BlueBaron]

... Hahahahahahahahahaha, kom qesh me gjith shpirt ket rradh me ket Kolonel Nasip Meten ...