Kryeministri Kosumi pranon ftesën e kryeministrit serb për bisedime

[Davius]

Kryeministri Kosumi pranon ftesën e kryeministrit serb për bisedime, por jo edhe për datën dhe vendin e takimit

Prishtinë, 18 maj

- Kryeministri i Kosovës Bajram Kosumi i është përgjigjur pozitivisht ftesës së kryeministrit të Serbisë Vojisllav Koshtunica për një takim bileteral, por ka kundërshtuar propozimin që takimi të mbahet më 25 maj në Prizren.
Kryeministri Kosumi në letrën dërguar kryeministrit serb Koshtunica ka kërkuar që Serbia më parë të njohë arritjet pozitive që janë bërë në Kosovë kohët e fundit.

Burimi

[Davius]

Kryeministri Kosumi në letrën dërguar kryeministrit serb Koshtunica ka kërkuar që Serbia më parë të njohë arritjet pozitive që janë bërë në Kosovë kohët e fundit.

Nuk ka nevoje qe Serbia hic te njoh arritjet ne Kosove se nuk ka kurrfare rendesie ne ai thote se mire jane punet ne Kosove ose keq eshte puna.
Kosova duhet te mendoje si shtet me vete dhe nuk ka kurrfare rendesie se cka mendojne zyrtaret serb atje ne Beograd...

Dicka te shtoj: Maqedonine e njeh bota si shtet te pavarur pa mare parasysh se Greqia s'ja njeh emrin, Bullgaria kombin dhe Serbia fene...por ne si shtet jemi ne kete bote...pse valle te mos ndodh e njejte edhe me Kosoven, pak pune se cka mendon Beogradi ne vazhdojme me ndertimin e shtetit tone...dhe shume shpejt te fitojme pavarsine formale...

Thjesht nuk duhet te na mbrren ajo ndjenja se cka do te mendoje Serbia per ne...

[Llapi]

Kryeministri Kosumi ka marrë ftesën zyrtare për t’u takuar me Koshtunicën – mbetet të caktohet data e takimit

Kryeministri i Kosovës Bajram Kosumi ka konfirmuar se e ka marrë ftesën zyrtare nga homologu i tij serb Voisllav Koshtunica për t’u takuar më 25 maj në Prizren. Duke mos dashur të komentojë më shumë rreth këtij takimi, kryeministri Kosumi tha se sot do të publikojë vendimin e tij nëse do të takohet me kryeministrin serb, Koshtunica dhe i është përgjigjur asaj pozitivisht, mirëpo ka kundërshtuar propozimin e homologut të tij serb, që takimi të mbahet më 25 maj në Prizren.


Po ashtu kryeministri Kosumi, në letrën dërguar kryeministrit të Serbisë, ka kërkuar që Serbia ti njohë arritjet pozitive që janë bërë në Kosovë kohët e fundit.


RTK 18/05/2005 11:20:21
----------------------------------------------

Mesiq nuk shkel vendin e tij, Kosumi i gatshëm të bisedojë pa kushte me Serbinë


Prishtinë, 17 maj 2005 (Kosovapress) Time: 18 : 50

Përderisa presidenti kroat Stipe Mesiq ka anuluar vizitën e tij të paraparë në Serbi dhe Mal të Zi për shkak të një tubimi çetnik të organizuar nga shteti serbo-malazez në Ravna Gorë në përkujtim të çetnikut serb Drazha Mihajlloviq, kryeministri i Kosovës, Bajram Kosumi përveç që ka shprehur gatishmërinë për t’u takuar me qeveritarët serbë, ai asnjëherë nuk ka kushtëzuar bisedimet me Beogradin.

[Davius]

Qenka dy tema te ngjajshme ne lidhje me kete por besoj se do te bashkohen nga Albo.

Ju flm per mirekuptimin...

[Harudi]

... Bajram Kosumi përveç që ka shprehur gatishmërinë për t’u takuar me qeveritarët serbë, ai asnjëherë nuk ka kushtëzuar bisedimet me Beogradin.

Ç'farë dallimi,në informim!-Kosovapress dhe BBC

Kosumi merr ftesë zyrtare për takim

Muharrem Nitaj
Korrespondenti i BBC-së në Prishtinë




Kryeministri i Kosovës, Bajram Kosumi ka marrë një ftesë zyrtare nga kryeministri i Serbisë, Vojisllav Koshtunica, me të cilën ai fton kolegun e tij nga Prishtina, në një takim të përbashkët i cili do të mbahej në Prizren me datën 25 të këtij muaji.
Njoftimin për BBC-në e konfirmoi, zëdhënësi i qeverisë së Kosovës, Daut Dauti.

Ai ka deklaruar se ftesa është pranuar me kënaqësi dhe kryeministri Kosumi është duke i kthyer një përgjigje homologut të tij serb, Koshtunica.

Në përgjigjen e kryeministrit Kosumi, ka bërë të ditur zëdhënësi Dauti, thuhet se kryeministri Kosumi edhe më parë e ka shprehur gatishmërinë e tij për t'u takuar me zyrtarët serb.

Kryeministri Bajram Kosumi shkruan se nevojiten përgatitje për realizimin e këtij takimi dhe duhet që para realizimit të tij të arrihet një marrëveshje rreth vendit se ku do të mbahet takimi dhe kohës së takimit.

Ai në përgjigjen e tij shkruan gjithashtu se Kosova është përcaktuar të ketë marrëdhënie të mira me vendet fqinje në këtë kuadër edhe me Serbinë.

Prandaj është përcaktim i saj që të ketë bisedime me përfaqësuesit e të gjitha vendeve fqinje, aq më tepër me Serbinë, me të cilën Kosova, thotë kryeministri Kosumi, ka shumë probleme të pazgjidhura, të trashëguara nga e kaluara.

Zëdhënësi Daut Dauti tha se kryeministri Kosumi në përgjigjen e tij, ka kërkuar që ky takim të jetë takim i dy palëve të barabarta.

[Davius]

Kosumi mirëpret dëshirën dhe vullnetin e Kryeministrit të Serbisë

Prishtinë, 19 maj - Pas ftesës për një takim që ka radhur nga zyra e Kryeministrit të Serbisë, Voislav Koshtunica, Kryeministri i Kosovës Bajram Kosumi ka bërë këtë deklaratë:
"Mirëpres dëshirën dhe vullnetin e kryeministrit të Serbisë, z. Koshtunica, që të takohet dhe të bisedojë me kryeministrin e Kosovës.
Dëshiroj të theksoj sërish se jam i gatshëm të takohem me z. Koshtunica për të biseduar për problemet ekzistuese në mes të dy vendeve tona dhe për progresin e dialogut teknik të filluar.
Vendi im, Kosova e re, e lirë dhe demokratike, dëshiron të ketë mardhënie të mira fqinjësore me Serbinë. Ne tashmë kemi krijuar mardhënie të mira me të gjitha shtetet fqinje.

Të gjitha vendet e rajonit dhe ato evropiane, gjithnjë e më shumë janë duke shprehur mirëkuptim për zhvillimet e reja në Kosovë.
Veçanërisht, me Serbinë duhet të bisedojmë për shkak të problemeve që kanë mbetuar pa u zgjidhur nga e kaluara e vështirë. Kosova, por besoj edhe Serbia, dëshirojnë të jenë vende demokratike, të integruara në familjen evropiane. Këto janë arësye të mjaftueshme që të promovohet një fqinjësi e mirë dhe të themelohet një politikë e paqës në mes të dy vendeve.
Poashtu, në drejtim të krijimit të marrëdhënieve të mira në mes të dy vendeve tona, mirëpres një sinjal të qartë të kryeministrit të Serbisë për pjesëmarrjen në Institucionet e Kosovës të atyre politikanëve serbë të cilët janë duke i bojkotuar ato.
Duke patur parasyshë rolin vendimtar të bashkësisë ndërkombëtare në Kosovë, është në interes të të gjithëve ndihma që kjo bashkësi të ofrojë edhe në takimin tim me z. Koshtunica".

Burimi: Kosova

[Davius]

Zyrtarët e qeverisë serbe nuk pranojnë që ta trajtojnë Kosumin si kryeministër të një vendi fqinj

Shekulli

PRISHTINË -

Zyrtarë të qeverisë së Serbisë kanë deklaruar se kushtet që paraqet Bajram Kosumi për fillimin e bisedimeve, që qeveria e Serbisë ta trajtojë si kryeministër të vendit fqinj, “dalin nga sfera e realitetit dhe në fakt, vetëm shërbejnë që dialogu të shtyhet”. Nëpërmes një kumtese për shtyp, qeveria e Beogradit përsërit se lë të hapur ftesën për Kosumin, që të bisedohet pa kurrfarë parakushtesh rreth problemeve në krahinë. “Një bisedë tolerante, pa kurrfarë kushtëzimesh dhe gatishmëria për kompromis nuk ka alternativë dhe për këtë arsye presim që, me kohë, Kosumi, megjithatë ta pranojë ta fillojmë dialogun”, - thotë kumtesa, si përgjigje në letrën zyrtare të kryeministrit të Kosovës Bajram Kosumit, dërguar një ditë më parë homologut të tij serb Vojisllav Koshtunica. “Vendi im, Kosova e re, e lirë dhe demokratike, dëshiron të ketë marrëdhënie të mira fqinjësore me Serbinë. Ne tashmë kemi krijuar marrëdhënie të mira me të gjitha shtetet fqinje. Të gjitha vendet e rajonit dhe ato evropiane, gjithnjë e më shumë janë duke shprehur mirëkuptim për zhvillimet e reja në Kosovë”, thoshte letra e Kosumit, e cila ka nxitur reagimet e Beogradit, që dëshiron ta shohë Kosovën ende si pjesë të Serbisë.
ORA dhe PDK-ja: Të hartohet platforma e bisedimeve

Ndërsa bisedimet mes Prishtinës dhe Beogradit në nivel të lartë zyrtar po bëhen gjithnjë e më tepër të mundshme për t’u zhvilluar, politikanët e tjerë të Kosovës kanë kërkuar të dinë se çfarë do të bisedohet në këto takime.
Kështu dje, dy partitë opozitare në Kuvendin e Kosovës, PDK-ja dhe ORA, kanë kërkuar nga kryeministri Bajram Kosumi që të sqarojë se për çka do të bisedojë me homologun e tij serb, në takimin që është paralajmëruar të mbahet së shpejti. Duke folur në fillim të seancës së rregullt të Parlamentit, lideri i PDK-së, Hashim Thaçi, tha se axhenda dhe pikat e diskutimit me Beogradin duhet të jenë të qarta dhe kërkoi që kjo çështje të diskutohej në këtë seancë si një çështje e ngutshme, meqë tashmë kryetari i Kosovës dhe kryeministri kanë shprehur publikisht gatishmërinë për t’u takuar me homologët e tyre serbë. “Prishtina duhet të ketë një platformë të qartë për bisedimet me Beogradin...

Kjo nuk është çështje e dëshirës së individëve për t'u takuar apo e një partie apo tjetre, por e tërë Kosovës dhe popullit të saj”, - u shpreh Thaçi. Kërkesën e PDK-së e mbështeti edhe ORA. Ylber Hysa nga kjo parti tha se çështja e decentralizmit, e paraparë për t’u diskutuar nga Kuvendi, është e lidhur ngushtë me bisedimet dhe “është e mira që të dyja të jenë në rend të ditës”. Ai tha se kryeministri tashmë ka folur publikisht për këto bisedime, dhe se duhet të jetë i përgatitur të flasë edhe para deputetëve.
Por kryeministri Kosumi, i cili ishte i pranishëm në sallë, për të folur rreth decentralizimit kërkoi që t’i jepet më tepër kohë për t'u përgatitur dhe premtoi të paraqitet në një seancë tjetër, para se të ndodhë takimi me Koshtunicën.

“Me kënaqësi do t'i drejtohem Kuvendit dhe të diskutojmë për atë që do të flitet në takim me kryeministrin e Serbisë, por duke marrë parasysh rëndësinë e çështjes, kërkoj pak kohë për përgatitjet e duhura”, - tha ai. Dy grupet parlamentare të partive në pushtet, LDK-ja edhe AAK-ja, kanë përkrahur qëndrimin e kryeministrit. Para se propozimi i PDK-së të vihet në votim nga kryeparlamentari Nexhat Daci, shefi i grupit parlamentar të PDK-së, Jakup Krasniqi, tha se ata e tërheqin kërkesën, “me kusht që debati të ndodhë para se bisedimet e homologëve të kenë filluar me Beogradin”.