Kombëtarja Shqiptare - (Lajme)

[zeus]

----------------------------------------------------------

Kalimi i Igli Tares nga Bolonja te Lazio ka perfunduar sot. Me ne fund gjigandi i sulmit do luaje ne skuadren e kryeqytetit italian.

----------------------------------------------------------

[zeus]

-------------------------------------------------------

Një telefonatë zbulon vendndodhjen e Strakoshës. Këto ditë të nxehta të korrikut, legjenda e portës shqiptare, ashtu si gjithnjë të paktën në këta 15 vjet, nuk gjëndet në Greqi. Eshtë pikërisht telefonata e bërë dje, që zbuloi dje vendodhjen e tij. Pas formulimit të numrit, dëgjohet zëri i njohur i portierit tonë të madh.

"Jam në Itali,- përgjigjet Strakosha. - Kam ardhur me skuadrën e Akratitosit, ku aktualisht kryej detyrën e njërit prej trajnerëve. Po merrem krahas, të tjerave, me përgatitjen e portierëve të kësaj skuadre..."

Ndërkohë, në një njoftim të lëshuar nga klubi i Akratitos, thuhet:" "Klubi i futbollit Akratitos bëri të njohur se zëvendëstrajner u bë ish-portieri i njohur i kombëtares shqiptare, Foti Strakosha. Së bashku me Strakoshen do të punojë edhe trajneri i të rinjve të Panioniosit, Dhimitris Barbalas".

Pas njohjes me këtë njoftim ishte mëse e ligjshme biseda me ish-portierin e njohur të skuadrës sonë kombëtare. Ai thotë:
"Po, gjithçka është e vërtetë. Unë tani jam në Trento të Italisë së bashku me ekipin dhe i jemi futur një pune tejet serioze. Skuadra duket e motivuar në stërvitje, ndërsa unë jam i kënaqur me detyrën që më është ngarkuar. Sigurisht nuk është një punë e lehtë, aq më shumë që unë e kryej për herë të parë këtë. Kam tani një licencë të njohur trajneri dhe i plotësoj të gjitha kushtet për të drejtuar një skuadër. Ndoshta është një fat, që unë po e filloj këtë detyrë, duke bashkëpunuar me një nga emrat më të njohur të futbollit rumun, Ilia Dumitresku, i cili është edhe trajner i parë i ekipit. Besoj se gjithçka do të shkojë mbarë dhe ne do të paraqesim në kampionatin e sivjetëm grek një skuadër të kompletuar, të denjë për t'u ndeshur me ekipet e njohur të kampionatit grek të kategorisë A".

Skuadra e Akratitosit vjen në kategorinë A të kampionatit helen pas qëndrimit për një sezon në kategorinë B. Skuadra, e cila ka për uniformë fanelat me ngjyrë jeshile, është betuar se do të qëndrojë gjatë në kategorinë A. Për këtë në drejtim të saj ajo ka zgjedhur një nga emrat më të njohur të futbollit rumun, ish-trajner edhe tek AEK dhe Egalio të Athinës, Ilia Dumitresku. Edhe zgjedhjet e Strakoshës dhe të Barbalas janë quajtur të drejta dhe në përputhje me objektivat që do të synojë Akratitos.
Por, përveç stafit drejtues, skuadra që e ka qendrën në Ano Liosja, diku në periferi të Athinës, ka marrë në gjirin e vet edhe mjaft futbollistë të njohur, siç është portieri i madh rumun, Stelea, futbollisti i kombëtares bullgare Milan Petkov dhe futbollisti 24-vjeçar Nikola Vujoviç, sulmues i skuadrës Buduçnost të Titogradit.
Duke qenë një ndër trajnerët e bërë publik të kategorisë A të kampionatit grek, Foto Strakosha bëhet kështu trajneri ynë i parë, që drejton një skuadër të huaj të kategorisë superiore. Legjendari shqiptar e çon në 10 numrin e skuadrave të aktivizuar në kampionatin grek, duke shënuar edhe një rekord të këtij vendi përsa i takon pjesëmarrjes së një njeriu në skuadrat e ndryshme të kampionatit grek.

-------------------------------------------------------

[zeus]

----------------------------------------------------------

Klodian Duro, sipas të gjitha gjasave, në dy ditët e ardhshme do të firmosë për skuadrën e Këlnit. Futbollisti shqiptar, i cili prej kohësh është pa skuadër, ka pranuar dje në linjë telefonike se tratativat janë drejt fundit:
"Është e vërtetë, ka thënë Duro, jam shumë pranë nënshkrimit të një kontrate me skuadrën e Këlnit dhe besoj se në ditët në vijim gjithçka mund të zyrtarizohet. Por kujdes, sepse po flasim për merkato dhe gjërat, që duken aq pranë, ndonjë herë nuk realizohen". Telenovela mesa duket po mbaron me një "hapyy-end". Mesfushori i djathtë i përfaqësueses, i cili për shumë kohë ka kërkuar një skuadër të Bundesligës duket se ka rënë parimisht dakord me skuadrën, që këtë sezon është ngjitur në nivelet më të larta të futbollit gjerman. Për t'u habitur mbetet fakti, që në Këln, shqiptari do të gjejë të njëjtin trajner që ia bëri jetën shumë "të vështirë" te Arminia, Rapolderin. Megjithatë për momentin kjo gjë nuk përbën ndonjë shqetësim për vetë lojtarin:
"Ai më ka kërkuar vetë, kështu që "Nuk besoj se është ndonjë problem. Nuk mund të them se kemi pasur marrëdhënie të shkëlqyera me njëri tjetrin sezonin e shkuar, por këtu po flasim për profesionalizëm. Të dy ja kemi nevojën njëri-tjetrit. Pastaj unë e di shumë mirë që Rapolder nuk ka pasur kurrë asgjë në lidhje me aftësitë e mia, thjesht te Arminia nuk kishte shumë hapësira".

Duro duket i kënaqur nëse një kontratë e tillë zyrtarizohet, në fund të fundit të luash në kampionatin gjerman është gjithnjë një kënaqësi:
"Më vjen mirë vetëm për një gjë, që arrita të përmbush dëshirën time. Kam pritur gjatë dhe ndoshta kam refuzuar edhe oferta të rëndësishme për të luajtur në një skuadër të kampionatit gjerman. Ja arrita dhe nëse luaj me rregullsi mendoj se një gjë e tillë do të më ndihmojë shumë edhe për skuadrën përfaqësuese".
Duro ka qenë në qendër të merkatos gjatë gjithë kësaj kohe. Lojtari ka pranuar vetë disa kohë më parë që ka pasur disa kontakte me klube të Serisë A dhe B, por nuk arriti që të firmoste pasi ndjente vështirësinë e aktivizimit të rregullt:
"Po, është e vërtetë - thotë lojtari - do të isha ekstrakomunitar dhe një gjë e tillë të krijon vështirësi. Jam i lumtur që do të qëndroj në Bundesligë, megjithatë më duhet ta përsëris, asgjë nuk ka përfunduar zyrtarisht".

----------------------------------------------------------

[zeus]

---------------------------------------------------

Futbollisti i kuqezinjve Igli Tare, bën pjesë në listën e 22 futbollistëve të Lacios, që janë federuar për ndeshjen e radhës, që ekipi italian do të zhvillojë në kupën Intertoto. Kështu në listën e publikuar nga Lacio është edhe emri i Igli Tares. Lacio do të luajë në kupën Intertoto me Olimpikun e Marsejës.

---------------------------------------------------

[zeus]

-------------------------------------------------

Pas refuzimit të parë të Behramit për të qenë pjesë e kombëtares shqiptare, për të pranuar më vonë ftesën e Zvicrës (ka luajtur vetëm për U-19-n helvete), kosovari me pasaportë zvicerane, ka bërë të ditur dje në një deklaratë ekskluzive, se përfundimisht dëshiron të jetë pjesë e kuqezinjve të Shqipërisë dhe nuk ka më asnjë interes dhe dëshirë për t'i mbrojtur ngjyrat e helvetikëve.

"Unë e kam menduar gjatë këtë çështje, që për mua ka shumë rëndësi. Përfundimisht dua të luaj dhe të mbroj ngjyrat e Shqipërisë. Kësaj radhe kam dëgjuar zemrën time, e cila që nga fillimi ka rrahur vetëm për fanellën kuqezi të Shqipërisë,"- shpjegon Behrami i emocionuar, por edhe shumë i vendosur për vendimin e tij më të fundit, duke shtuar se është i vetëdijshëm se i ka dëshpëruar shumë bashkatdhetarët e tij, kur nuk e kishte pranuar ftesën e Shqipërisë.

I gjithë ky ndryshim kishte ndodhur pas bisedave të para që kishte
bërë Behrami me kapitenin e kombëtares, Igli Taren, po ashtu i ardhur te Lacio ditë më parë. "Sapo bisedova me Iglin dhe ai më premtoi se pajisja me pasaportë shqiptare nuk do të jetë e vështirë,"- shtoi plot gëzim kosovari.

Behrami e kishte marrë edhe ftesën nga trajneri i kombëtares së
Zvicrës, Kobi Kuhn (Zvicra momentalisht është e para në grupin
kualifikues për Botërorin 2006), por siç shpjegon ai vetë, tani nuk ka më dëshirë t'i mbrojë ngjyrat e Zvicrës dhe shpeshherë edhe nuk u është përgjigjur telefonatave të shumta nga stafi i kombëtares zvicerane.

"Të them të drejtën, përfaqësuesit e Zvicrës shpesh më telefonojnë, por unë nuk kam pranuar të flas me ta. Thjesht nuk mund të luaj për një kombëtare, ku nuk e ndiej veten të lumtur. Dëshira ime e flaktë që nga fillimi ka qenë që të luaja për Shqipërinë dhe besoj se kjo çështje do të rregullohet shpejt,"- vazhdon më tej Behrami rreth dëshirës së tij të madhe për t'u veshur kuqezi.

Ai të enjten është prezentuar zyrtarisht nga Lacio pas bisedimeve të gjata dhe të mundimshme dhe tregon se ndjehet i nderuar që do të luajë në serinë A. "Jam shumë i lumtur. Kjo me siguri se është një arritje e madhe në karrierën time. Të luash në serinë A nuk është punë e vogël dhe mua tani më mbetet të përgatitem sa më mirë dhe të jem sa më parë në 11-in e Lacios,"- tregon Behrami për përshtypjet e tij të para në skuadrën romane.
Behrami do ta veshë fanellën numër 85 deri më 2010. "Kam nënshkruar me Lacion deri në vitin 2010 dhe nuk të përshkruhet gëzimi im. Gjithashtu edhe me kushtet kontraktuale kam mbetur i kënaqur dhe tani duhet të shpaguaj në fushën e blertë besimin që Lacio ka treguar për mua. Mezi po pres të vij ky moment. Sa i përket pritjes që më bënë, ajo ka qenë fenomenale. Që nga mbërritja ime në aeroportin e Romës, ku po më pritnin zyrtarët e Lacios, e deri kur shkuam në qendrën stërvitore, kuptova se ky është një klub i madh,"- tregon Behrami për ditën e parë të tij si bardhekaltër.

Tare: Behrami do të vishet kuqezi

Kapiteni kuqezi, Igli Tare, në një bisedë telefonike e ka pranuar se ka biseduar rreth çështjes së kombëtares me Behramin. "Po, kemi biseduar dhe them se ai do të vishet kuqezi. Behrami ka ndenja të forta patriotike dhe do të ishte lojtar i vlefshëm për kombëtaren. Shpresoj se çështja do të rregullohet me angazhimin e të gjithëve,"- tha Tare për, i cili ka biseduar edhe me babain e Valonit, Ragip Behramin.

-------------------------------------------------

[zeus]

---------------------------------------------

"Federata Shqiptare e Futbollit është e gatshme dhe do të bëjë të pamundurën që Valon Behrami të veshë fanellën e kombëtares shqiptare."
Eshtë ky qëndrimi zyrtar i FSHF-së pas deklaratës bombë të Valon Behramit i cili ka pohuar se vazhdon të jetë i interesuar që të veshë fanellën kuqezi. Dhe me njëherë në federatë këtë lajm e kanë pritur pozitivisht.

"Mund të them se ishte një lajm pozitiv për kombëtaren tonë. Federata nga ana e saj do të bëjë të pamudurën që Valoni të marrë nënshtetësinë shqiptare dhe të luajë për Shqipërinë," - është shprehur dje zëdhënësi i shtypit në federatë.

Kështu sipas informacioneve zyrtare Behrami në bashkëpunim me FSHF-në, duhet të fillojë menjëherë plotësimin e dokumentacionit. Në federatën tonë të bëjnë të ditur se Behrami duhet të bëjë një deklaratë që nuk dëshiron të luajë me Zvicrën, por me kombëtaren shqiptare. Këtë deklaratë ai duhet ta çojë në FIFA dhe te federata zviceriane. Gjithashtu kosovari duhet të plotësojë të gjitha kërkesat për të ndërruar shtetësi.

"Menjëherë sa të përfundojë të gjithë dokumentacionin, ne do të lëvizim dhe gurët tanë. Madje edhe do të marrim avokatin që kishim thënë më parë. Gjithçka është në dorë të Valonit dhe federatës zviceriane. Nëse kjo federatë do të thotë "po" largimit të Behramit, atëherë gjasat janë që futbollisti i ri i Lacios të bëhet pjesë e kombëtares shqiptare," - është shprehur zëdhënësi i shtypit.

Pra thënë më thjesht gjithçka është në dorë të zvicerianëve, të cilët kanë në dorë të ardhmen e Behramit në kombëtaren shqiptare pasi shtetësia shqiptare është një procedurë pa shumë probleme. Ndërkohë federata jonë pas një shkëputje të gjatë ka rifilluar punën për të veshur kuqezi Behramin. Në fakt ka qenë insitimi i kapitenit Tare që ka bërë të mundur që kjo çështje të hapet sërish.


Sporti

---------------------------------------------

[Pasiqe]

E kam thene edhe me pare dhe e perseris: Behrami ben si ata kalamajte e vegjel qe perplasin kembet. Deri tani kam lexuar 5 deklarata te Behramit:

1. Dua te luaj me Shqiperine;
2. Dua te luaj me Zvicren;
3. Dua te luaj me Shqiperine;
4. Dua te luaj me Zvicren;
5. Dua te luaj me Shqiperine.

Ceshtja eshte shume e thjeshte: Behrami duhet te vere firmen te formulari qe avokati i ka pergatitur prej kohesh e te mos na caje me tajaren, po te luaje se nuk do merremi me nje qurrash njezetvjecar.

[miki_al2001]

E kam thene edhe me pare dhe e perseris: Behrami ben si ata kalamajte e vegjel qe perplasin kembet. Deri tani kam lexuar 5 deklarata te Behramit:

1. Dua te luaj me Shqiperine;
2. Dua te luaj me Zvicren;
3. Dua te luaj me Shqiperine;
4. Dua te luaj me Zvicren;
5. Dua te luaj me Shqiperine.

Ceshtja eshte shume e thjeshte: Behrami duhet te vere firmen te formulari qe avokati i ka pergatitur prej kohesh e te mos na caje me tajaren, po te luaje se nuk do merremi me nje qurrash njezetvjecar.

qyrrat e te cilit vlejne jo me pak se 2.miljon e 800 mije EURO.vetem qyrrat .ndersa per cfare luan merr rroge.pra sqenkan dhe aq pa vlere qyrrat e Behramit

[Pasiqe]

qyrrat e te cilit vlejne jo me pak se 2.miljon e 800 mije EURO.vetem qyrrat .ndersa per cfare luan merr rroge.pra sqenkan dhe aq pa vlere qyrrat e Behramit

Dinjiteti i kombetares shqiptare eshte me i larte se qyrrja Behrami, fitofte 2 milione apo 200 milione. Mund te jete talenti me i madh, kjo s'do te thote qe une te pranoj faktin qe ai shfrytezon lutjet e shqiptareve per ta pasur ne kombetare per te bere presion ndaj zviceraneve qe ta marrin direkt ne kombetare te pare.

Ka nje vit e gjysem qe luan pingpong me FSHF-ne dhe federaten zvicerane: si perfundim besoj se do rrije me ne sepse helvetikeve ua ka shpifur, kurse ne e kemi stomakun e forte, pra gelltisim edhe qyrre!

[miki_al2001]

zombie me fal por ne nuk e njohim mire pranej sduhet ta paragjykojme.ne intervisten e dhene igli tha per behramin se eshte nje cun i mire dhe shume i forte kombetarisht.kuptohet nuk eshte mire te jete i lekundur por me sa une arri te kuptoj ai ka friken e asaj se mos ndoshta sarrin dot te luj per neve ngaqe akoma seshte zgjidhur kjo pune.