Kombëtarja Shqiptare - (Lajme)

[zeus]

------------------------------------------------------

- Igli, Bolonja duket se rrezikon disi me renditjen aktuale në Serinë A. Jeni shumë afër zonës së ftohtë...

- Po, është e vërtetë që këto javët e fundit nuk kemi marrë rezultate pozitive. Kemi disa javë që nuk kemi marrë rezultate të mira. Gjithsesi, them se nuk rrezikojmë rënien në Serinë B. Edhe forma e lojtarëve pas ndeshjeve me kombëtaret respektive në mars ra shumë. Aktualisht skuadra nuk ka atë formë sportive që kaloi 5 javë më parë. Gjithsesi, jemi skuadër solide dhe nuk rrezikojmë shumë.

- Ju kemi parë në televizor të inatosur kur pësuat një dëmtim afër zonës së Juventusit. Ndaj kujt ishte gjithë ai inat?

- Ndaj futbollistëve të Juves. Në atë rast ata nuk e ndaluan lojën, ndërsa unë isha i shtrirë në fushën e lojës i dëmtuar. Ishte Zambrota ai që më ndërhyri rëndë. Këtë e pranoi kur e pyeta gjatë ndeshjes. Me të vërtetë isha shumë i zemëruar me lojtarët e Juventusit që nuk treguan fair-play.

- Më 4 qershor, kombëtarja do të luajë kundër Gjeorgjisë, por stadiumi do të jetë bosh për shkak të dënimit të FIFA-s...

- Eshtë e vërtetë që kur luhet një ndeshje futbolli duhen tifozët. Ata do të mungojnë në këtë ndeshje, por kjo nuk është ndonjë gjë kushedi se çfarë. Takimi me Gjeorgjinë nuk vlen shumë për kombëtaren tonë. Do të zhvillohet vetëm për numër dhe nuk ka shumë vlera. Pra, është një ndeshje për moral nga ana jonë. Do të vlejë për të parë edhe elementin e ri për në kombëtare. Për sa u përket të tjerave, ky takim nuk vlen. Tashmë jemi larg dhe nuk mund të shkojmë në botëror siç menduam një çast. Pra, ndeshja me Gjeorgjinë nuk zbulon ndonjë surprizë të madhe.

- Në shtypin shqiptar, prej kohësh flitet për fundin e një brezi futbollistësh. A duhet të zëvendësohen ata me të rinj?

- Jam dakord që në një ekip kombëtar duhet të ketë ndryshime. Pra, të largohen futbollistë të një moshe të caktuar. Por në kombëtaren tonë ky rinovim është paksa i vështirë. Thuhet që duhet larguar një pjesë e futbollistëve veteranë të kombëtares, po kush do t'i zëvendësojë? Cilët janë këta lojtarë që mund t'i bëjnë punë kombëtares sonë? Ku janë këta lojtarë të rinj, të denjë për të na zëvendësuar ne, të vjetërve? Unë nuk shoh alternativa dhe ky është një problem i madh për kombëtaren tonë. Kampionati shqiptar është tepër i dobët, prandaj futbollistët që luajnë në të nuk mund t'i shqyejnë dyert e kombëtares, siç ndodh këtu në Itali apo edhe në vende të tjera me futboll të zhvilluar. Me sa di unë nuk ka më fluks futbollistësh shqiptarë që ikin në Europë, si dikur, çka tregon se kampionati shqiptar shikohet si një "treg" i varfër nga klubet e huaja. Mbase është dhe problem menaxhimi, megjithatë, të mirin s'e lënë të bierë në tokë, kudo të jetë. Duke gjykuar në këtë mënyrë, unë them se nuk duhet të nxitohemi dhe të ndërmarrim këto lloj aventurash. Ndryshimet në kombëtare duhet të bëhen sipas një plani të detajuar dhe të menduar mirë nga drejtuesit e skuadrës. Unë i kam parë të gjithë ata lojtarë që janë kandidatë të mundshëm për kombëtaren tonë, futbollistët e ekipit Shpresa, dhe them se akoma nuk ka lojtarë gati për të zëvendësuar dikë tjetër në kombëtare.

- Mos po tregoheni disi konservatorë në këto që po thoni?

- Jo, aspak. Thjesht po them një të vërtetë, që duhet ta pranojmë të gjithë. Sikurse e dini edhe ju, kohët e fundit në kombëtare janë afruar mjaft të rinj, të cilëve trajneri Brigel nuk ka ngurruar t'u japë shansin për ta merituar fanellën kuqezi. Ju, a mund të më thoni një talent shqiptar që nuk i është dhënë mundësia për të luajtur me kombëtaren shqiptare, pra i është mbyllur dera e saj? Madje bëmë çmos edhe për Behramin, që kishte probleme me dokumentacionin dhe s'kishte pasaportë shqiptare.

- Këtu në Tiranë mendojnë se Brigeli duhet të japë llogari për rezultatet. Madje ka nga ata që kërkojnë edhe dorëheqjen e tij...

- Jo gjithmonë për rezultatet e dobëta faji është i trajnerit. Në rastin tonë përgjegjësia e rezultateve jo bindëse bie edhe mbi futbollistët. Madje ka edhe shumë faktorë të tjerë që kanë të bëjnë me ecurinë jo fort pozitive të kombëtares sonë në ndeshjet e fundit.

- Konkretisht...

- Në qoftë se do të kishim qenë të gjithë të gatshëm, do të kishim luajtur së bashku të 11 lojtarët e formacionit bazë, tani do të flisnim për një kualifikim në botëror. Por, që pas ndeshjes me Gjeorgjinë, gjithmonë formacioni bazë ka pasur mungesa. Ne nuk kemi një nivel të lartë te zëvendësuesit dhe kjo është një dobësi për skuadrën tonë që nuk ka shumë futbollistë.

- Federata prej disa kohësh ka vendosur të hapë zyra për gjetjen e talenteve në Europë...

- Eshtë një ide shumë e mirë e federatës sonë. Gjithsesi, problemi ynë kryesor mbetet infrastruktura. Nëse arrihet të investohet në fusha futbolli, të rinjtë do të kenë mundësi të stërviten dhe të luajnë bukur futboll.


------------------------------------------------------

[zeus]

-------------------------------------------------

FIFA ka përcaktuar gjyqtarët për takimin e radhës të kuqezinjve. Kështu, ndeshjen Shqipëri-Gjeorgji do ta drejtojë një 3-she rumune. Kryesor do të jetë Aleksandru Dan Tudor, ndërsa ndihmës të tij Kristian Nica dhe Aurel Onita. Ndërkohë, për ndeshjen e 4 qershorit, mësohet se FIFA ka vendosur të dërgojë në Shqipëri edhe një punonjës të sigurisë, Valter Gak, nga Zvicra. Ky person do të vëzhgojë nga afër të gjithë mbarëvajtjen e ndeshjes, e cila, siç dihet tashmë do të zhvillohet me dyer të mbyllura, për shkak të dënimit të komisionit të disiplinës së FIFA-s.

-------------------------------------------------

[Qerim]

-------------------------------------------------

FIFA ka përcaktuar gjyqtarët për takimin e radhës të kuqezinjve. Kështu, ndeshjen Shqipëri-Gjeorgji do ta drejtojë një 3-she rumune. Kryesor do të jetë Aleksandru Dan Tudor, ndërsa ndihmës të tij Kristian Nica dhe Aurel Onita. Ndërkohë, për ndeshjen e 4 qershorit, mësohet se FIFA ka vendosur të dërgojë në Shqipëri edhe një punonjës të sigurisë, Valter Gak, nga Zvicra. Ky person do të vëzhgojë nga afër të gjithë mbarëvajtjen e ndeshjes, e cila, siç dihet tashmë do të zhvillohet me dyer të mbyllura, për shkak të dënimit të komisionit të disiplinës së FIFA-s.

-------------------------------------------------

Do ishte mire qe te mblidhnim ca leke dhe t`ju benim noi dhurate ketyre rumuneve, se rumunet si popull jane shume te korruptueshem.

[zeus]

----------------------------------------------------

Kundërshtari i kuqezinjve për miqësoren e gushtit, me të gjitha gjasat do të jetë ekipi i Azerbajxhanit. Një lajm i tillë është bërë i ditur nga vetë presidenti i FSHF-së, Armand Duka. Ky i fundit, i pyetur në lidhje me një miqësore të mundshme të kuqezinjve në muajin gusht, ka zbuluar emrin e kundërshtarit më të mundshëm. Sipas tij, me të gjitha gjasat kundërshtari i kuqezinjve në miqësoren e mesgushtit do të jetë ekipi i Azerbajxhanit. "Për datën e lirë të gushtit mund të them se kundërshtari me shumë mundësi do të jetë ekipi i Azerbajxhanit. Kjo skuadër pritet të vijë në Tiranë dhe të zhvillojë një miqësore me ekipin tonë. Tratativa kemi zhvilluar pritet vetëm konfirmimi zyrtar i palës kundërshtare," - është shprehur dje për këtë çështje presidenti i FSHF-së, Armand Duka. Pritet që ndeshja mes ekipit kombëtar shqiptar dhe atij azerbajxhanas të zhvillohet më 17 gusht në Tiranë.

----------------------------------------------------

[zeus]

--------------------------------------------------------

Gjermani Brigel e ka komentuar katastrofike kohën kur ju luanit në përfaqësuese?

"Ok, problemi nuk është kaq i thjeshtë. Trajneri Brigel ka bërë shumë gjëra pozitive me skuadrën shqiptare të futbollit, por gjithashtu të mos harrojmë se efekti i një të huaji në Shqipëri gjithnjë shoqërohet me njëfarë kompleksi inferioriteti shumë të madh. Ndoshta një të huaj e lëmë të punojë… Sa për atë kohë katastrofike, po e pranoj ka qenë vërtet e tillë".

E keni parasysh rëndësinë e kësaj që po thoni, vërtet jeni i bindur për këtë?

"Epo, katastrofike ka qenë, sepse atëherë trajneri i përfaqësueses merrte sa merr tashmë punëtori i fushës. Ne e paguanim vetë biletën për të ardhur në kombëtare dhe nuk kemi parë ndonjëherë premio prej 500 mijë dollarësh. Sa për rezultatet, pastaj është tjetër gjë… Nuk mund të pranoj asnjë që t'i emërtojë kështu. Unë di të them që ne atëherë kemi fituar dy herë me Moldavinë, kemi barazuar me Bullgarinë dhe me Uellsin, kemi mundur me Birçen Greqinë në mes të Athinës, për të mos folur për nivelin e klubeve shqiptare në fundin e viteve '90".

Thuhet se përfaqësuesja nuk ecën se në Shqipëri nuk ka fusha…?

"Po, sigurisht që kjo është një ndër arsyet, por nuk mund të përdoret si mjet justifikimi nga ana e gjermanit Brigel. Përpara se të merrte përfaqësuesen shqiptare, me siguri dikush ia ka thënë se në Shqipëri kjo gjendje është. Se çfarë ofron stadiumi i Rrogozhinës këtë të gjithë e dinë, por si duket Brigel ka preferuar dollarët e shumtë dhe fushat në momentin e ofertës i janë dukur të gjitha jeshile. E prapë nuk është i gjithi faji i tij…".

Po i kujt është?

"Është shumë e thjeshtë, Turqia dhe Greqia në fillimin e viteve '80 kanë qenë pak a shumë në nivelin tonë. Shikojini ku janë tani: njëra e treta në botë, tjetra kampione Evrope. Nuk besoj se bënë ndonjë mrekulli trajnerët e huaj. U ndërtuan strukturat e nevojshme, me plane afatgjata, u përforcuan klubet, u punua me të rinjtë. Një qytet në Turqi mund të ketë më shumë se 20 fusha futbolli… Gjërat janë të lidhura në zinxhir, të rinjtë rrisin cilësinë e kampionatit, kampionati rrit cilësinë e përfaqësueses".

A është Kushta për një trajner të huaj në përfaqësuese?

"Po, pse jo kjo është një tezë interesante, por jo pa u pjekur kushtet. Federata Shqiptare e Futbollit duhet të mendojë më shumë për të ndërtuar një futboll të ndershëm dhe për të rritur cilësinë në vend, dhe gjithashtu për të përparuar në infrastrukturë, sepse vetëm kështu mund t'i kërkosh llogari edhe objektiva një të huaji. Në kushtet ku po flasim, askush nuk mund t'i thotë Brigelit se përse nuk arrihen rezultate. Ai dhe kushdoqoftë në vend të tij do të të japë një përgjigje të pakontestueshme: nuk ka fusha… Të ndërtojmë çdo gjë dhe pastaj të marrim një të huaj. Shembulli është i qartë: këtë bërë Greqia përpara se të ulte në stol Jordaneskun apo Rehagelin".

Gjithsesi, nuk duhet të jetë vetëm çështje investimesh, skuadrat shqiptare në vitet '80 bënin namin, ndërkohë që tani mezi kalojnë ture mediokre?

"Cilësisht ndryshimi është i madh, unë mbaj mend që ne luanim kundër gjigantëve të futbollit evropian dhe arrinim rezultate të shkëlqyera. Kemi përballuar Barcelonën e Linekerit, Shusterit dhe Zubizarretës dhe ky nuk ishte thjesht një episod, sepse edhe Tirana e Partizani arrinte në shumë vite rezultate të mira kundër të mëdhenjve të Evropës. Ndryshimi është i qartë: atëherë kishte konkurrencë në fushë, brenda skuadrës dhe në kampionat. Mos harroni që stadiumet ishin plot…".

--------------------------------------------------------

[niku-nyc]

Ekipit shqiptar i duen vetem lojtar te rinj per te ardhmen dhe ata te vjetrit duhe ti hapin rrug ktyre te rinjve per eksperience. Na duen lojatr prsh si Behrami qe zgjodhi Zvicren, Gjasula...plus dhe ata qe lujn jasht qe akoma mund te behen me pashaport shqiptare ne qoftese federata punon me shum.

[zeus]

----------------------------------------------------------

Majkëll Rilli nga Anglia do të jetë gjyqtari i ndeshjes Danimarkë-Shqipëri, e cila do të zhvillohet më 8 qershor. Lajmi është bërë i ditur nga FIFA, organizmi më i lartë i futbollit në Botë. Ndihmës të Rilit do të jenë David Babski dhe David Brajan. Gjyqtar i katërt Mark Heskli po nga Anglia. Kujtojmë që Shqipëri në ndeshjen me Ukrainën e ka gjykuar një tjetër anglez Stiv Benet. Ndërkaq, ndeshja Danimarkë-Shqipëri do të luhet në Kopenhagen në orën 20.00.

----------------------------------------------------------

[zeus]

-----------------------------------------------------

Ka dhuruar gjithçka ky fund kampionati: bukuri, spektakël, surpriza. Ka dhuruar plot gola, 23 gola, ku njëri prej tyre mban firmën e të njohurit Indrit Fortuzi. Ka dhuruar 31 kartonë të verdhë, ku asnjë prej tyre nuk u takon futbollistëve tanë.
Kampionati grek ka ruajtur deri 2 javë para përfundimit enigmën e fitimit të tij. Por ai ka ditur të ruajë edhe surprizat për futbollistët tanë.

Rikthimi i Edvin Muratit e ka shtuar më shumë buzëqeshjen në kampin bardheblu të Selanikut. Asi shqiptar i ka munguar skuadrës së tij që nga 28 nëntori i vitit të kaluar, pas një dëmtimi në këmbë gjatë ndeshjes Iraklis-Egalio. Pas asaj dite, futbollisti ynë ka qenë nën kujdesin e vazhdueshëm të mjekëve francezë. Lojtari më i shtrenjtë i Iraklisit ka bërë deri tani një stërvitje të diferencuar, për të arritur maksimumin e tij pikërisht këto ditë, kur ai e ndien veten mjaft mirë. Lajmeve të përfolura për aktivizimin e tij, Murati iu përgjigj me një "po". Edvin Murati tha se ishte i gatshëm të luajë.

"Kam zhvilluar këto ditë një stërvitje me ngarkesë të plotë dhe do të jem në fushë pikërisht të dielën në derbin e Selanikut, Aris-Iraklis," - pohoi asi shqiptar.
Rikthimi i Edvin Muratit në fushën e blertë është një lajm i mirë jo vetëm për Iraklisin apo edhe për vetë kampionatin grek, por edhe për kombëtaren e Shqipërisë. Në lidhje për këtë problem, Murati sqaron:
"Gjithçka ka qenë në funksion të kombëtares, e kam fjalën edhe për këtë zgjatje të kohës. Unë tani kam arritur formën e duhur dhe jam plotësisht i gatshëm jo vetëm për të luajtur në kampionatin grek, por për të qenë që tani në dispozicion të trajnerit të kombëtares." Në fakt, kuqezinjtë e kanë ndier shumë mungesën e tij. Mjafton të kujtosh ndeshjet me Ukrainën, Turqinë apo edhe Greqinë për të kujtuar se sa e domosdoshme ka qenë prania e tij.

Futbollisti sedërli mezi pret të veshë edhe një herë fanellën kuqezi për të treguar se ka shumë për t'i dhënë asaj. Të dielën, Murati do të jetë në fushën e lojës. Do të jetë një rikthim, që pritet me një interes të veçantë jo vetëm në Selanik, por sidomos në Tiranë. Tashmë Murati e ka thënë fjalën e tij: "Unë jam gati"!

Indrit Fortuzi, goli i 5-të

Ka qenë pikërisht minuta e 45-të e ndeshjes Iraklis-Kalithea, kur Indrit Fortuzi ka ngritur peshë entuziazmin e tifozëve vendës pas asaj goditjeje fluturimthi, që veç rrjeta mund ta ndalte. Ky ishte goli i parë i vendësve, që u pasua edhe nga 4 të tjerë. Iraklisi fitoi 5-1 ndaj bluve të El Pasos, duke treguar hapur synimet e saj për një vend në kupat e Europës. Edhe pse ka luajtur vetëm 833 minuta në 12 ndeshje, futbollisti tiranas është golashënuesi më i mirë i skuadrës së tij. Ai i ka tundur 5 herë rrjetat e portave të skuadrave kundërshtare, duke u bërë sulmuesi kryesor i Iraklisit, të cilët tani thonë se "po luajti Fortuzi, patjetër që do të shënojë". Ndërrimi i tij në minutën e 67-të ishte më tepër i detyruar. Pas asaj fitoreje të thellë, Iraklisi nuk kishte se çfarë të bënte tjetër, ndaj për ta ruajtur për derbin e Selanikut, trajneri Savas Kofidhis bëri zëvendësimin e duhur.

Ndeshja e 3-të e Strakoshës

Panioniosi kishte në portë Foto Strakoshën. Portieri shqiptar edhe në këtë takim tregoi vlerat e tij. Ai u ndëshkua me gol në minutën e 39-të pas një gjuajtjeje fluturimthi të futbollistit të Arisit, Sanhurgo. Por pastaj Strakosha, i cili kurrsesi nuk ishte fajtor për golin e pësuar, kreu pritje të shkëlqyera, duke u bërë siguria e portës së tij. Ishte kjo arsyeja që ai u aktivizua 90 minuta.

Haxhi, jo ai i ditëve të mira

Apolloni i Kallamariasë ka arritur një fitore të suksesshme në Athinë, duke mundur 3-2 skuadrën vendase, Halkidhona. Futbollisti ynë, Altin Haxhi, edhe pse u aktivizua 90 minuta, nuk ishte ai i ditëve të tij më të mira. Sidoqoftë, ai mbetet pika më e fortë e skuadrës së tij dhe faktori ndoshta vendimtar që kuqezinjtë e Kallamariasë të mbijetojnë në kategorinë e të mëdhenjve.

-----------------------------------------------------

[Moltisanti]

Sic e dini me date 28 maj ,skuadra jone zhvillon nje ndeshje miqsore me polonine !!

Mund te jepni Mendimet tuaja per sa i perket ksaj ndeshje ??

[Davius]

Polonia eshte nje skuader teper e forte dhe shancet qe Shqiperia te fiton kete miqesore jane 0. Kjo nuk eshte per shkak se nuk kam besim tek djelmoshat e Brigelit por kjo krejt vjen si pasoje e rezultateve te dobeta qe kane treguar dhe rezultateve te mira qe tregojne polaket kohen e fundit.

Realiteti eshte hidhur por duhet pranuar se nese nuk e pranojme ate kurre ne jete nuk mund te perparojme. (Thenie e vjeter kineze)