Kombëtarja Shqiptare - (Lajme)

[zeus]

-------------------------------------------

Trajneri i kombëtares shqiptare i ka habitur të gjithë teksa është parë të shtunën pasdite i pranishëm në ndeshjen që diletantët e Frankfurtit kanë zhvilluar në "Waldgirmes". Kampioni europian i 1980-ës ka parë nga afër lojën e Dragushës i cili tashmë nuk po gjen vend në ekipin e parë dhe luan te diletantët. Shqiptari në përgjithësi është paraqitur mirë, ndonëse Brigeli, sipas gazetës "Frankfurter Neue presse", nuk ka mbetur shumë i kënaqur.

-------------------------------------------

[Iliriani]

http://www.panorama.com.al/

Ka nje interviste te Igli Iares ne Panorama sot.

Igli kritikon trainierin Brigel e tifozat Kuqezi si me poshte.

1-Kritikon Brigelin per loje ne mbrojtje kur te luanim me sulm se ne nuk kishim ca te humbnin.
2-Kritikon tifozat qe mendojne ekstrem o fitore o humbje e nuk kane ekuliber e sipas atij tani qe dhe bebia e di qe ikem deklaron tani, se nuk kemi pasur shpresa as ne fillim.
Ne rradhe te pare -o humbje o fitore -kjo ka qene taktika e kombetares.
Kemi 5 HUMBJE e 2 FITORE nga loja e tille qe ai kritikon, si KAZ me 5 H.
Kur ekipet e jera,GEOR 2B -1F,DAN 3B-2f,TUR 3B-3F,GRE 2B-4F sic shihet rezultatet flasin vete ,kur ekipet e tjera kane barazime e fitore.
3-Me qesharakia deklaron me TUR ne hengrem 2 po dolem ne loje dhe rezikuam.
Po turku e fitoi lojen o Tare pse do perpiqej e lodhej kur kishte nje ndeshje tjeter e qe e fitoi,e beri 5 gola aty ku ne hengrem dy.

Pastaj me sinqeritet se deri para greqise ne jipnit shpresa per kualifikim.

Tare e kishte ne dore me grekun rastin,ja dha Raklli si llokume,ndeshja aq eshte nje gol, nuk e beri.
Bile Brigeli e ka fut cdo ndeshje kur te tjeret ose si ka mbledhur ose mbajtur ne stol e Tare ka kohe qe nuk jep ndonje gje ne kombetare e duke qene dhe nje lojtare me pak ne fushe si me grekun,e nje hapesire e hapur pas ne mborjte.

Ky eshte dhe gabimi taktik i trainierit ,luajtja ne sulm e sumli merr shume lojtare e nuk ka rezikshmeri e mbrojta e pa vleresuar dhe e fuqizuar me mesfushen.
Ekipet e vendeve te vogla luajne me mbrojtje e mesfushe te forte e kundersulm te shpejte.
Ne nuk luajme dote NE SULM se do hapemi keq pas,sic dhe e kemi pesuar .
Do qe mire te ishim realiste sic thote the Tare se do kishim luajtur me kembe ne toke ashtu sic luajti greku e morri europianin.
E perseris dhe nje here te kujtojme si fitoi greku europianin me ate ekip mesatar vetem nga taktikat e trainierit me mbrojtje te forte e kundersulm te shpejte.

4-Ankohej per grupin kur ne nuk do na vij me ky grupe, e kur te bien ne grupe si e kaluara GER e ANG e pastaj ca do besh se i ke dy vendet e zena direkte.

Te gjitheve qe nga Brigeli e Tare i kemi mbeshtetur ,e tani me dinjitoz ne ate se ca do kombetaria jone per te ecur para.
Per mua Tare ka dal ne pesion,sic e tregoi dhe me grekun eshte nje lojtare me pak ne fushe e eshte koha te behet nga e para kombetaria ,pavaresisht se mund te humbim dhe ndonje nga keto 5 ndeshjet, po do dalim te fituar me vone.
Dhe fitoret nje mos e llogarit me KAZ,tjetra me grekun e dime qe qe publiku, plus nje gol qe faji i mbrojtesit grek tjetra nga goditja standarte e nje mbrojtesi.
Akoma nuk kemi pare asgje nga sulmi yne vetem, sorrollatje pa funde te fusha e kundershtarit duke i ngjeshur ata ne mbrojtje, e pa rezikshmeri e produktivitet.
E kemi paguar kete sulm qe ri kote aty ku kundershtari eshte i ngjeshur e i forte me mbrojtjen e hapur nga pas e golat e ngrene.

[zeus]

---------------------------------------------------------

Që në fillim të fjalës së tij, gjermani kuqezi i ka konsideruar marrëzi shqiptare ato që janë shkruar në shtypin tonë sportiv, se ai ka integruar të rinj në kombëtare, në mënyrë që t'i shesë më pas ato dhe të përfitojë nga kjo punë.

"Këto janë marrëzi, për mua janë të pabesueshme. Unë nuk kam shitur asnjë lojtar. Asnjëherë nuk kam marrë para nga lojtarët. Le të vijë ai që e ka shkruar dhe të ma thotë mua këtë. Me sa po kuptoj dita-ditës, në Shqipëri ka disa njerëz vërtet të marrë, ashtu siç ka më shumë njerëz dhe gazetarë të mirë," - mohon ish-mbrojtësi i kombëtares gjermane, i pyetur për akuzat e drejtuara atij.

Më tej, duke folur për dy humbjet e fundit, që e kthyen kombëtaren shqiptare në origjinë, te loja konfuze, anemia në mesfushë dhe sulm dhe te gabimet foshnjarake në repartin mbrojtës, Brigeli nënvizon:
"Për mua, mungesat në skuadër dhe fati kanë qenë dy faktorët që Shqipëria ka pësuar dy humbje radhazi, kundër Turqisë dhe Greqisë, për eliminatoret e Botërorit 2006. Turqia ka qenë një ndeshje që nuk duhej dhe nuk e meritonim ta humbisnim. Bëmë gabime në katër minutat e para të lojës dhe u shokuam. Megjithatë, gjetëm forca të reagonim dhe iu afruam disa herë golit. Në Stamboll, disa lojtarë nuk ishin në maksimumin e formës së tyre, prandaj nuk dhamë atë që kishim menduar. Sikurse ju thashë, pësuam dy gola të shpejtë. Më pas kemi reaguar mirë, sipas mendimit tim. Kemi luajtur përpara dhe i kemi mbajtur nën presion turqit. Po ta kishim gjetur golin në fundin e pjesës së parë, ose nga fillimi i së dytës, edhe me pak fat, mund të dilnim me një pikë nga kryeqyteti turk."

Mirëpo Shqipëria u mund me të njëjtin rezultat edhe në Greqi, 2-0, ku zhvilloi një lojë tepër apatike dhe pa koncept. Për këtë, trajneri i kombëtares shqiptare, Hans Peter Brigel, jep mendimin e tij.
"Në Greqi kemi pasur shumë probleme me dëmtimet e lojtarëve. Pastaj, që nga fillimi i lojës ishim nën presionin e grekëve, pasi Greqia është një skuadër e fortë dhe këtë e kemi ditur. Prandaj kam thënë para ndeshjes se Greqia ishte favorite e padiskutueshme për të fituar, sepse u paraqitëm me lojtarë të rinj, si Tefik Osmani, që është vetëm 19 vjeç, apo Armend Dallku, i cili ishte i lënduar tri javë më parë dhe nuk ka mundur të bëjë paraqitje më të mirë. Siç e shihni, këto janë mundësitë e kombëtares që unë drejtoj. Për momentin nuk kemi lojtarë të tjerë," - pohon Brigeli.

Pyetjes nëse ka fajtorë për dy humbjet e kombëtares shqiptare, ndaj Turqisë dhe Greqisë, trajneri gjerman në stolin kuqezi i është përgjigjur ftohtë dhe pa ekuivoke apo mëdyshje:
"Jo, nuk ka fajtorë për të dy humbjet. Për mendimin tim, nuk mund të ketë faj dhe as të fajësuar. Kaq janë mundësitë e Shqipërisë për momentin, krahasuar me të tjerët në grupin e dytë. Pastaj duhet të kuptojmë që Shqipëria është Shqipëri, një vend i vogël, që në dy vitet e fundit ka arritur shumë. Unë jetoj në Gjermani dhe e di se të gjitha vendet ia kanë frikën kombëtares shqiptare. Kjo është diçka e rëndësishme. Gjithashtu, duhet të kuptojmë se është e pamundur në kaq kohë për skuadrën kombëtare që drejton unë që të niset nga 0 për qind dhe të arrijë në 100 për qind. Edhe ecuria e kombëtares shqiptare varet nga realiteti politik dhe social i vendit. Dalngadalë, ashtu si shteti shqiptar, edhe kombëtarja shqiptare do të futet në familjen europiane. Por në dy apo tre vjet, kjo s'mund të ndodhë. Duhet të kemi durim. Kush nuk e kupton këtë, ne s'mund ta ndihmojmë. Sot për sot ne mund të fitojmë një ndeshje kundër secilës skuadër, nëse lojtarët janë në formën e duhur, pa lëndime dhe pa ndëshkime, por jo të synojmë një finale botërori apo europiani. Për këtë duhet të tregohemi të gjithë realistë," - shprehet Brigel.

Kundër Polonisë me lojtarë të rinj

Trajneri Brigel e sheh të ardhmen e kombëtares shqiptare te të rinjtë. Duke përfshirë edhe tri përballjet e fundit, ai ka afruar disa lojtarë të rinj në kampin kuqezi, për të cilët thotë se kanë të ardhme pozitive. "Duke filluar nga miqësorja me Poloninë, ne do të afrojmë dhe aktivizojmë disa lojtarë të rinj, që të gjithëve t'u jepet rasti të tregojnë veten. Kjo miqësore është me rëndësi, që ata të fitojnë eksperiencë, pasi janë e ardhmja e futbollit shqiptar në dekadën në vazhdim. Këtu kam parasysh lojtarë të tillë si Lika, Dallku, Osmani apo ndonjë tjetër. Këta janë lojtarë të rinj, që momentalisht nuk janë decizivë për kombëtaren shqiptare, por për një apo dy vite ata mund të jenë shtyllat kryesore të lojës së saj," - thote gjermani.

Arian Beqaj është i mirëpritur

Trajneri gjerman nuk ka përjashtuar mundësinë e thirrjes prapë në skuadër të portierit Arian Beqaj, i cili për shkaqe familjare ka refuzuar të paraqitet në dy ndeshjet e fundit, me Turqinë dhe Greqinë.
"Ky portier i duhet kombëtares shqiptare. Arian Beqaj ka pasur një problem me gruan e tij, probleme familjare, por, siç duket, ka pasur edhe një dëmtim, prandaj nuk u grumbullua për ndeshjet me Turqinë dhe Greqinë. Për mua, secili lojtar shqiptar është i mirëpritur në përfaqësuese, për të luajtur dhe për të shfaqur aftësitë e tyre. Këtu nuk përjashtohet as Beqaj," - pohon Brigeli.

---------------------------------------------------------

[Iliriani]

Tani duhet te punohet e rezultatet dalin ne ndeshje.

Po Brigeli ne ndryshim nga trainieret e tjere qe rine ne pune keto dite humbet.

Nuk e dime dhe si e ka kontraten me FSHF se nuk kemi pare ndonje trainier te punoj vetem 5 dite para ndeshjeve, se pastaj cdo gje eshte rastesi.

Kombetaria qe ndeshjen qe vjen duhet te behet e re ,se rezultatet tani nuk kane rendesi.
Ca rendesi ka te zesh nje vend nga 3 te fundit.
Ajo qe ka rendesi eshte te fitosh NJE KOMBETARE TE RE e gati per eleminatoret e tjera.
Po me sa e shikojme nuk po punohet.
Ne mund te eleminoheshim po ne menyre me dinjitoze,kishim plote mundesi te pakten ndeshjet brenda me DAN e UKR ti mirrnim barazim pa fole ate me GJEO, e leme ate sic eshte.E renditja ne grup do qe ndryshe.

Golat e ngrene te 5 ndeshjeve duket qarte nuk qene as mungese fati, as rastesi apo vetem gabime personale, ata te gjithe na gjeten gabimin tone ne skemen e lojes e na ndershkuan.

Per mendimin tim duhet filluar nga fillimi me lojtare te rinje,e te luajne forte me mbrojtje te gershetuar me mesfushen qe ne radhe te pare te mesojne si kombetare te marrian BARAZIM se kjo eshte njeshi pastaj vjen fitoria.
Greku skuader mesatare , me trainier te provuar me suksese me pare,me nje mbrojtje e nderlidhur me mesfushen, te forte e me kundersulm morri EUROPIANIN.

Ne duam qe nga ekipet e fundit te hidhemi e te luajm si Brazili ne sulm e fitojme te behem si ai!!!!!!!!
NUK LUAJM DOTE VETEM NE SULM NE SE NUK JEMI BRAZIL.
Me kete stategji vajtem dhe hengrem ato 5 humbje se nga pase ishim zbuluar.

Shume i kenaqur ne 5 ndeshje te marrnim 5 BARAZIME nuk deshiroj FITORE[se nuk kemi ci duam,vetem te shfajesoj ca qe te shtyne favoret e pamerituara e do na lene ne kete nivel dhe ne eleminatoret e tjera]

Dhe per kete kemi mundesite 100% ,dhe ne Greqi, ndoshta nga halli,e me lojtare te rrinj treguam se luajme forte ne mbrojte te lidhur me mesfushen kur trainieri vendos keshtu.

[zeus]

-------------------------------------------------------

"E vetmja gjë e mirë e Panioniosit ishte Strakosha."
Kështu shkruan shtypi grek pas humbjes 3-0 të Panioniosit në Ksanthi. Foto Strakosha, edhe pse skuadra e tij pëson 3 gola, tregon një formë të shkëlqyer, duke e shpëtuar Panioniosin nga një humbje e thellë që mund të ishte një ndër humbjet më të turpshme në historinë e tij mbishekullore. Indrit Fortuzi shënon përsëri për ekipin e tij, por ndëshkohet edhe me një karton të verdhë. Beqaj luan ndeshjen e 25-të pa munguar asnjë minutë nga formacioni i tij.
Haxhi bëhet për herë të parë kapiten i Apollonit, ndërsa Salihi ende nuk e ka realizuar ëndrrën-gol. Kjo është panorama e asaj çka dhanë futbollistët shqiptarë që luajnë në Greqi javën e radhës në kampionatin e këtij vendi.
Mbi të gjitha, Strakosha në Ksanthi bëri një paraqitje të shkëlqyer, aq sa edhe pse pësoi 3 gola (asnjërin për faj të tij) portieri shqiptar u duartrokit gjatë. Ishte një rast i rrallë ky në fushat e futbollit. Thirrjet "Strakosha! Strakosha!" e shoqëruan ish-portierin e kombëtares shqiptare, teksa ai u drejtohej dhomave të zhveshjes. Në mëse 11 raste, legjendari shqiptar u bë i pakalueshëm. Dhe nuk bëhej fjalë për raste dosido, por për raste kur vetë portieri ishte vetëm për vetëm me sulmuesit kundërshtar.

Salihi, goli mbetet një ëndërr

Mban në fuqi rekordin si golashënuesi më i mirë i kampionatit shqiptar, por ende nuk ka shënuar në kampionatin grek. Sulmuesi shkodran Hamdi Salihi ka qenë që në fillim në përbërjen e skuadrës së tij. Ai u mundua mjaft, lëvizi shumë dhe pasoi saktë, megjithatë nuk arriti të ndryshojë sadopak formën e skuadrës së tij Panionios, e cila nuk tregoi thuajse asgjë në fushën e Ksanthit. Hamdi Salihi, i cili ka bërë një prezantim të shkëlqyer në ndeshjen e parë të tij me fanelën kuqeblu më 13 shkurt të këtij viti ndaj AEK-ut, nuk e ka gjetur ende golin. Salihi ka luajtur deri tani vetëm 316 minuta dhe nuk është aktivizuar në javët e 22-të dhe të 24-t.

Beqaj, ai që nuk njeh mungesa

Portieri shqiptar ka 25 javë që luan vazhdimisht, madje ai nuk ka munguar as edhe një minutë. Ai nuk ka hyrë asnjëherë si zëvendësues dhe nuk është zëvendësuar gjithashtu asnjë herë.
Edhe në ndeshjen ndaj Ergotelisit Beqaj luajti 90 minuta. Beqaj priti, por edhe ndjeu dy tronditje të trarëve të portës së tij.

Haxhi, edhe kapiten i Apollonit

Pasi ka provuar për herë të parë në jetën e tij të vërë në krah shiritin e kapitenit të ekipit tonë kombëtar, Altin Haxhi e ka provuar këtë në javën e 25-të të kampionatit grek edhe me Apollonin e Kallamariasë. "Pondët" kanë arritur të marrin një barazim me shumë vlera në fushën e Selanikut ndaj Arisit. Edhe pse për 45 minuta ata kanë luajtur me 10 lojtarë, Apolloni nën drejtimin e Altin Haxhit e ka çuar ndeshjen drejt barazimit pa gola. Altin Haxhi, i kthyer në formacion pas një kartoni të kuq të marrë në ndeshjet e mëparshme, në takimin ndaj Arisit luajti 90 minuta.

-------------------------------------------------------

[zeus]

---------------------------------------------

Mesfushori i kombëtares shqiptare, Lorik Cana, nuk do të lëvizë nga "Parc des princes" për tri vitet e ardhshme. Kjo, pasi ai ka arritur marrëveshjen e duhur me Paris Sent Zhermenin. Me një fjalë, Cana ka pranuar të zgjasë kontratën me klubin parizian deri më 30 qershor të vitit 2008.
Në fakt, prishtinasi 21-vjeçar, i cili po zhvillon sezonin e dytë si titullar i padiskutueshëm me ekipin e PSG-it, ka pasur edhe opcione të tjera më të favorshme financiarie në tavolinë, të cilat i ka refuzuar, duke mos ndërruar klimë. Ndër to bien në sy oferta ekipesh nga Italia, Anglia dhe Gjermania.
Marrëveshjen e arritur me parizianët e ka konfirmuar për "Sportin shqiptar" babai i tij, Agim Cana, dikur futbollist i Prishtinës, i cili aktualisht kryen punët menaxheriale të të birit. "Pas gjashtë muaj bisedimesh, më në fund kemi arritur marrëveshjen me Paris SG-in, duke e zgjatur kontratën e Lorikut me këtë klub deri më 30 qershor 2008. Tani, pasi janë fiksuar të gjitha detajet e kontratës, mund të them se jemi të kënaqur nga bisedimet e zhvilluara. Kontrata pritet të nënshkruhet brenda javës," - ka thënë Agim Cana.
Po pse mesfushori kuqezi i Paris SG-it vendosi të qëndrojë sërish në kampionatin francez, në një kohë që ka pasur oferta nga skuadra edhe më të mira se Paris SG-ni? Edhe kësaj pyetjeje i jep përgjigje babai-menaxher i tij, Agimi: "Refuzimi i ofertave të tjera më të favorshme, sidomos në aspektin financiar, ka lidhje me rrethana të tjera. Loriku, për një kohë shumë të shkurtër do të pajiset me nënshtetësi franceze, çka do t'i krijojë shumë lehtësi gjatë transferimeve të ardhshme. Pastaj morëm parasysh edhe interesin tonë, pra të prindërve të Lorikut, të cilin donim ta kishim pranë dhe ta shihnim çdo ditë. Familja jonë është integruar mirë në shoqërinë franceze, prandaj vendosëm që edhe Loriku të vazhdonte të luante në Paris."
Sikurse shihet, një nga futbollistët titullarë të kombëtares kuqezi, Lorik Cana, e ka bërë zgjedhjen e tij për 3 vitet e ardhshme. Ka preferuar të qëndrojë te Paris SG-ni, një skuadër e njohur europiane, e cila më së shumti merr pjesë edhe në Ligën e Kampioneve. Kosovari kuqezi është konsideruar tepër i vlefshëm nga drejtuesit e klubit parizian, prandaj kanë këmbëngulur që bashkëpunimi dypalësh të vazhdojë edhe në vazhdim.

---------------------------------------------

[zeus]

-------------------------------------------------------

Kombëtarja shqiptare ka shumë mundësi që grumbullimin e saj për ndeshjen me Poloninë të mos e bëjë në Shqipëri. Sipas zëdhënësit të shtypit në federatë, Lysien Nurishmi, trajneri Brigel dhe stafi drejtues i kuqezinjve kanë vendosur që kuqezinjtë të grumbullohen në Gjermani një ditë para takimit me polakët. Nga burime zyrtare në federatë bëhet e ditur se akoma nuk është vendosur përfundimisht lidhur me grumbullimin në tokën gjermane. Gjithsesi, gjasat janë që ekipi grumbullimin ta bëjë jashtë Shqipërisë ashtu si në 2003-shin para ndeshjeve me Irlandën dhe Zvicrën. Ky vendim është marrë për disa arsye. Në fillim sepse shumica e lojtarëve të kombëtares luajnë në Gjermani, Itali, Francë, Belgjikë dhe kështu do ta jetë më mirë për ekipin, pasi lojtarët nuk do të udhëtojnë njëherë drejt Shqipërisë dhe më pas drejt Polonisë. Por edhe për faktin se kështu ulen shpenzimet e biletave duke udhëtuar nga Gjermania për në Poloni. Sipas Nurishmit, ekipi do të grumbullohet më 28 maj në Gjermani dhe më 29 maj, pak orë para ndeshjes, skuadra të udhëtojë drejt Polonisë, ku do të zhvillohet edhe miqësorja. Të nesërmen, sipas planit që ka hartuar trajneri Brigel, kuqezinjtë do të kthehen në Tiranë për t'u përgatitur për ndeshjet e radhës që kombëtarja jonë do të zhvillojë me Gjeorgjinë dhe Danimarkën. Gjithashtu, dje është mësuar edhe orari i takimit Poloni-Shqipëri. Palët kanë vendosur që ndeshja të zhvillohet në orën 20.00.

-------------------------------------------------------

[JaCk_DaniELs]

Sa per kete tem jam pak me nerva sepse kemi shume lajtar qe jane shume po shume pordhace me falni per fjalorin po keta te ngrijne nervat ne maksimum

Dhe sa per trajnerin ska faj trajneri qe lajtaret jan pordhace qe keshtu:
ne deri kur te luajm me shpitrte ath do fitojme ok me shume inat per kete teme po ju shkruaj

[Dick Johnson]

Jo gjithmonë realiteti duhet ndërtuar në mënyrë kaq naive 19-04-2005

Flamuri vlen më shumë sesa një "lojë"
Sporti - Online


Nga Lisandër Saraçi Unë nuk jam dakort me ato që kishit shkruar pak kohë më parë z. Zekaj. Më lejoni t'ju pyes nëse grekët kanë vërtet ndonjë arsye historike për ta urryer Shqipërinë. Me sa di unë, jo. Madje, shumë grekë në fillim të shekullit vinin e merrnin dokumente shqiptare për të emigruar në Amerikë. Pra, s'duhet të kenë pasur ndonjë "fiksim" kaq të madh me ne. Dhe si për ironi të fatit, është pikërisht komuniteti grek në Amerikë ai që bën më tepër propagandë antishqiptare dhe financon helenizimin e Jugut të Shqipërisë. Ju thoni që u fishkëllye himni grek në Tiranë. Jam plotësisht dakord që qe diçka e gabuar. Sa për parullat antigreke, nuk duhet të shpifni, sepse është shkruar edhe në media që tifozët shqiptarë në marrëveshje me qeverinë nuk shpalosen asnjë parullë raciste antigreke. "This is not Portugal" është thjesht një parullë futbollistike. Por, sidoqoftë, as flamurin nuk ua grisi njeri dhe as nuk u prek me dorë ndonjë tifoz grek, ose interes grek në Shqipëri. Po ata çfarë bënë? Na vranë e na rrahën jo vetëm në "rang" huliganësh e individësh, por edhe në "rang" shtetëror (të paktën, me sa di unë, policia është pjesë e shtetit). Ju i justifikoni sjelljet e grekëve me fjalën "derbi". Unë jetoj prej 15 vjetësh në Francë dhe dy ose katër herë (nëse ndeshen në kupa) në vit dëgjoj të njëjtat gjëra që përmendni edhe ju, në ndeshjet PSG-Marsejë. Po a keni dëgjuar ju ndonjëherë që të ndodhin gjëra të tilla në ndeshjet e Francës? Kur luan kombëtarja, njeriu përveç krenarisë për kombësinë, që i shtohet edhe nga adrenalina, ndien edhe një përgjegjësi që të japë imazhin më të mirë të vendit! Edhe greket, atë që paskan për të dhënë si imazh, e dhanë. Se në fund të fundit, nuk po i akuzon njeri për gjë. Thjesht po themi që grekët janë nga të fundit e Europës dhe që s'kanë më asnjë pikë të përbashkët me paraardhësit e tyre, që vunë bazat e demokracisë, duke e paguar me jetën e tyre dhe me të cilët krenohen akoma sot. Pastaj më duket se edhe me turqit derbi është edhe për ne edhe për grekët. Por turqit as na fishkëllyen dhe as na grisën flamurin! Edhe grekët (kanë shumë më tepër "kunja" me turqit se sa me ne) nuk guxuan t'i prekin me dorë kur luajtën në Greqi (dhe as nuk fituan për më tepër), se e dinë shumë mirë që turku i "shfaros" për 24 orë. Ky, pra, na qenka mentaliteti grek. T'i godasim këta, se s'kanë ç'të na bëjnë. Se edhe pasi t'i vrasim dhe t'i lëmë para derës së spitalit si qen, qeveria e tyre do na thotë "faleminderit" dhe do u flasë për miqësinë e mirë midis dy popujve. Do "gjenden" (për të mos thënë paguhen) edhe disa gazetarë që do të thonë nëpër media se sa të mirë janë grekët. Ju flisni edhe për integrim apo për pritje me krahëhapur në vitet '90. Por ndoshta kemi edhe përkufizime të ndryshme për mikëpritjen. Se kur të marrin në punë se kanë nevojë dhe të paguajnë më pak se gjysma e asaj që të takon se je shqiptar, kjo quhet shfrytëzim dhe jo mikpritje!!! Kurse integrim nuk mund të quhet dalja në televizor e disa personave të veçantë. S'keni se si mos ta dini që në Greqi jetojnë rreth 800.000 shqiptarë dhe prezenca e një bashkatdhetari në një emision televiziv i bën ta ndjekin atë. Pra, ky është një gjest komercial dhe jo integrim! Ju flisni për integrim në arsim dhe, për fatin tuaj të keq, keni shkruar në të njëjtën ditë ku tek "Shekulli" (gazetë e po të njëjtit grup mediatik) shkruhet për një vajzë 15-vjeçare të rrahur barbarisht nga një prind grek në mes të shkollës, i cili më tej kërcënon edhe të atin. A nuk ishin prindërit grekë ata që protestuan që flamurin mos ta mbante një vajzë shqiptare, edhe pse ajo ishte më e mira e shkollës? Ju flisni për shqiptarë që i sheh nëpër institucione dhe unë s'ju kundërshtoj dot, se nuk di asgjë për këtë. Po ama s'e besoj se janë nëpër institucionet e drejtësisë. Te "Shekulli" gjen dy raste shqiptarësh që kanë fituar në Strazburg kundër shtetit grek. Ju flisni edhe për martesat greko-shqiptare si një faktor integrimi! Të më falin të gjithë, po unë e shoh si tregues të vështirë për t'u integruar. Ndoshta gabohem, po në shumicën e rasteve që kam parë, vetë kjo del në pah. Për mua, fjala integrim nënkupton barazi të drejtash dhe marrje e asaj që të takon, dhe jo thjesht pak më shumë të drejta ose mirëqenie se sa kur ke qenë klandestin. Ju na përmendni ndihmën e grekëve për atletikën shqiptare në shenjë mirënjohjeje për punën që u bë nga shqiptarët në Greqi për ndërtimin e komplekseve olimpike. Për këtë duhet t'u themi një "faleminderit" për edukatë. Në fund të fundit, atë ndihmë shqiptarët e kanë paguar me gjak (9 shqiptarë të vdekur në ndërtimin e atyre komplekseve). Sidoqoftë, ky është një gjest po aq fisnik nga ana e tyre sa ç'ishte jofisnike mospërmendja e tyre në asnjë moment gjatë lojërave. Pa përmendur pastaj tërë ato medalje që ka fituar Greqia falë sportistëve shqiptarë, të cilëve u ka ndryshuar edhe emrin dhe për të cilët na është borxhlije se ata sportistë janë formuar në Shqipëri. Dhe në fund thoni që të mos i japim futbollit ngjyra politike dhe shtoni që të flasim për humbjet dhe jo për grisjen e flamurit. Pra, nga njëra anë, duhet ta konsiderojmë futbollin një lojë dhe asgjë më tepër dhe nga tjetër ta vëmë sipër flamurit. Të më falni zotëri, por personalisht edhe unë, si shumë shqiptarë, e dua flamurin "pak" më shumë sesa "thjesht një lojë". Sidoqoftë, nëpër media nuk u është vënë ndonjëherë faji grekëve për humbjen as nga lojtarët dhe as nga specialistët. Dihet që si Turqia si Greqia kanë ekipe shumë më të forta se ne, në letër. Por futbolli nuk është shkencë ekzakte për fat, prandaj çdokush ka të drejtë të shpresojë. Por askush nuk gëzon të drejtën të të mohojë ndjekjen e ekipit tënd. Unë kam qenë në Gjermani dhe Zvicër për ta parë kombëtaren dhe në të dy rastet ka pasur 12-13000 shqiptarë në shkallët e stadiumit dhe ata i kishin blerë biletat si unë në sportelet e stadiumit, ku askush nuk i ka pyetur për nënshtetësinë apo i ka kërkuar pasaportën. Me rregull treshi, sa shqiptarë mendoni se do ishin në stadium në Pire (kur dihet që ne jemi rritur dhe "edukuar" me radhat e gjata, kështu qe s'do ta kishim problem blerjen e biletave) n.q.s nuk do t'u ishte mohuar e drejta nga racizmi shtetëror grek dhe pasiviteti i qëllimtë i qeverisë sonë? A nuk mendoni se 10-15000 veta do të ishin një mbështetje goxha e rëndësishme për çunat e kombëtares? Zotëri, n.q.s e keni shkruar këtë shkrim nga dëshira naive për t'i hedhur ujë zjarrit, keni bërë gabim. Përndryshe keni bërë faj. Nuk mjaftojnë 3-4 intelektualë që protestojnë për të shfajësuar sjelljen e grekëve. Edhe në Gjermani me mijëra u ngritën kundër Hitlerit, por gjermanët akoma edhe sot paguajnë për gjynahet e tij. Paralelizmi është i ekzagjeruar, por edhe racizmi shtetëror grek është po aq i ekzagjeruar.

[zeus]

-----------------------------------------

Dje, në ambientet e kompleksit të ekipeve kombëtare në Kamzë ka filluar "zbori" 3-ditor me futbollistët e kampionatit shqiptar. Kështu, të gjithë lojtarët e grumbulluar nga Brigeli, që janë akomoduar në hotelin "Adriatik", kanë zbarkuar rreth orës 16.00 në fushat sportive të Kamzës. Me grupin kanë qenë të gjithë lojtarët e grumbulluar nga trajneri Hans Peter Brigel. Para stërvitjes, trajneri gjerman ka zhvilluar një mbledhje me të gjithë lojtarët e grumbulluar në këtë "zbor". Për çudi, vetëm trajneri ka qenë i pranishëm në mbledhje, ndërsa Rosi dhe Ajazi kanë preferuar të qëndrojnë jashtë, duke mos dëgjuar atë çka ka dashur të thotë gjermani.

Para fillimit të stërvitjes, Brigeli ka pranuar të flasë edhe për median. Në fillim, gjermani i ka habitur të gjithë gazetarët teksa është shprehur se "zbori" që ka organizuar këtë herë do të jetë i fundit për këtë sezon. Pra, të gjithë lojtarët që do të grumbullohen për ndeshjen me Poloninë do të dalin nga ky "zbor". Nga ana tjetër, për sa i përket kualifikimit, Brigeli ka pohuar se skuadra jonë ka ndonjë pretendim të vogël, pasi nuk i dihet ecurisë së grupit.

"Ne luajmë në një nga grupet më të vështira dhe pas shortit biseduam me shumë ekspertë. Të gjithë thoshin se Shqipëria nuk mund të marrë më shumë se 5 pikë. Ne kemi marrë deri tani 6 pikë dhe mund të marrim edhe më shumë. Çdo gjë avash-avash. Brenda 2 vjetëve nuk mund të shkosh nga 0 në 100. Edhe në futboll është si në politikë. Ke ulje dhe rritje. Ekipi ka afruar në skuadër mbi 5 lojtarë të rinj. Për shembull, në Greqi ne kemi aktivizuar 5 lojtarë të rinj në formacionin e parë dhe prapëseprapë u kritikuam. Dhe u mundëm nga kampionët e Europës dhe të 3-t në botë. Gjithsesi, reputacioni ynë është rritur në Europë, ndërsa këtu në vend ka nga ata që nuk dëshirojnë të punojmë," - është shprehur dje gjermani.
Ky i fundit nuk i ka shpëtuar as interesimit të medias në lidhje me të ardhmen e tij në stolin kuqezi. "Ju më pyesni nëse do të qëndroj edhe pas përfundimit të kontratës që kam me federatën. Unë ju them se kontrata ime përfundon në gusht 2006. Do të vazhdoj të punoj deri në fund. Nëse drejtuesit e federatës shprehen se duhet të punoj akoma, do të pranoj. Nëse ata vendosin të kundërtën, është punë për ta. Gjithsesi, unë vazhdoj të punoj," - e ka mbyllur këtë temë gjermani.

Për sa i përket "zborit", mësohet se në vend në Muzakës, i pamundur për t'u grumbulluar në "zbor", do të jetë futbollisti i Dinamos Enkel Alikaj. Ndërkaq, stërvitja ka filluar me një vrap të lehtë dhe më pas trajneri Brigel ka preferuar të zhvillojë një seancë stërvitore të karakterizuar nga goditjet në portë. Stërvitje të diferencuar ka zhvilluar futbollisti shkodran Suad Lici.

-----------------------------------------