Kombëtarja Shqiptare - (Lajme)

[zeus]

-------------------------------------------------

- Për herë të parë në Stamboll, keni qenë kapiten i kombëtares sonë. Si e ka ndjerë veten Igli Tare?

- Për çdo lojtar është kënqësi e veçantë të mbajë shiritin e kapitenit të ekipit kombëtar. Një kënaqësi të tillë e pata edhe unë në ndeshjen ndaj Turqisë, por...

- Por çfarë?

- Kisha shumë dëshirë të fitonim, pra meqë këtë gjë e kisha për herë të parë, dëshëroja që të arrinim një rezultat pozitiv.

- Mos ndoshta ky rezultat pozitiv do të jetë në ndeshjen ndaj Greqisë?

- Po të më pyesin para ndeshjes se do të humbnim në Turqi dhe do të fitonim në Greqi, do ta firmosja megjithë dëshirë.

- Sa ndeshje keni zhvilluar gjithsejt ndaj ekipit grek?

- Më duket se 4.

- Pra keni një njohje të mirë ndaj këtij ekipi?

- Po, them se kam.

- Cila është pika më e dobët e skuadrës greke?

- Besoj se skuadra greke nuk ka pikë të dobët. Greqia është skuadra që mban titullin kampion i Europës. Është një skuadër mjaft kompakte. Por unë them se pika e dobët e tyre është që ata të mos jenë në ditë të mirë.

- Është folur shumë për marrëdhëniet midis Tares dhe Zagoraqisit?

- Marrëdhëniet midis meje dhe Zagoraqisit janë krejtësisht normale. Ai ka pasur nevojë për t'u integruar në skuadrën tonë të Bolonjës dhe unë ia kam dhanë këtë ndihmë me shumë dëshirë.

- Është një rast i veçantë, që dy pjesëtarë të një skuadre të huaj, siç jeni ju te Bolonja, jeni edhe kapitenë të dy skuadrave kundërshtare. Ju kapiten i Shqipërisë dhe Zagoraqis kapiten i Greqisë. Çfarë mund të thoni për këtë rast?

- Për mua kjo nuk ka shumë rëndësi kjo.

- Atëherë cili mund të jetë çelësi i një suksesi ndaj Greqisë?

- Unë them se duhet të mundohemi për të dhënë diçka më shumë se në ndeshjet e kaluara, sepse e dimë që ndeshja me Greqinë ka një rëndësi të veçantë.

- A mendoni se do ta bëni këtë gjë?

- Kemi ardhur me këtë qëllim. Që të mos humbasim.

- Pra të fitoni?

- Dua të ju them se edhe problemet nuk i kemi të pakta.

- Gjatë ndeshjes Greqi-Shqipëri nuk do të ketë shqiptarë në shkallët e stadiumit. Çfarë do të thotë kjo për një futbollist tashmë me një përvojë të gjatë si Igli Tare?

- Gjë e mirë nuk është. Ne do të kishim shumë dëshirë që shqiptarët të ishin në stadium. Por unë mendoj se këto masa sheteti grek i ka marrë për shkak të sigurisë në ndeshje, për të mos pasur probleme.

- Pra e ndjeni mungesën e tyre?

- Shumë. Ndaj do të luajmë më me dëshirë pikërisht për këta tifozë që janë shumë pranë nesh.

- Cili është mesazhi i kapitenit të kombëtares së Shqipërisë, Igli Tare për bashkatdhetarët e tij?

- Përshëndetjet më të mira. Ata kanë qenë gjithnjë pranë nesh, ata kanë qenë frymëzimi ynë. Tifozët tanë, edhe pse nuk do të jenë në stadium, përsëri do të mbeten për ekipin tonë një burim frymëzimi. Dua t'i falënderoj nga zemra dhe me një rezultat pozitiv t'i japim një kënaqësi shpirtërore.

- A do të shënojë Tare kësaj radhe?

- Dua të jem i sinqertë me ju dhe lexuesit. Në ekipin kombëtar nuk kam qenë edhe aq i suksesshëm, por në qoftë se do të shënoja ndaj Greqisë, do të kisha kënaqësinë më të madhe.

-------------------------------------------------

[zeus]

----------------------------------------------------

Eshte shoqeruar me incidente dhe gjeste antishqiptare ndeshja e shpresave mes Greqise dhe Shqiperise e perfunduar me rezultatin 2 me 0. Tifoze greke kane grisur flamurin tone kombetar ne stadium si dhe kane kenduar kenge antishqiptare. Gjate zhvillimit te ndeshjes ne stadiumin grek gjendeshin shume pak shqiptare, nderkohe ne perfundim te saj pritet qe trajneri i skuadres shqiptare, gjermani Hans Peter Brigel te japi nje konference shtypi per ndeshjen e neserme midis kombetares shqiptare dhe asaj greke.

----------------------------------------------------

[zeus]

---------------------------------------------------------

Trajneri i Shpresave Hasan Lika ka deklaruar pas ndeshjes:

"Nuk mund ta kuptoj sesi Greqia, nje vend i qyteteruar dhe me histori, kerkon te beje politike nepermjet futbollit!"

---------------------------------------------------------

[zeus]

---------------------------------------------

Trajneri i Kombëtares shqiptare, Hans Peter Brigel, dorëzohet përpara ndeshjes së sotme me Greqinë. Në një konferencë për shtyp të dhënë dje në mbrëmje në Athinë, gjermani i Kombëtares sonë, e ka konsideruar ndeshjen e sotme si shumë të lehtë për Greqinë. Sipas tij, ekipi kombëtar shqiptar, për arsye dëmtimesh, ka shumë mungesa, sidomos në mbrojtje. “Kjo do të jetë një ndeshje e lehtë për Greqinë”,- ka thënë dje në konferencën për shtyp gjermani Brigel.

Kjo është hera e parë që trajneri i Kombëtares sonë të futbollit dorëzohet përpara një ndeshjeje dhe parashikon humbjen e ekipit që drejton. Ndërkohë, trajneri i Kombëtares greke nuk e ka lëshuar veten me deklaratat e tij dhe është treguar më i matur. Ai ka insistuar në faktin që kjo ndeshje duhet të jetë vetëm një ndeshje futbolli, pa sulme raciste.

“Fatkeqësisht ne kemi shumë probleme për arsye të dëmtimit të një numri lojtarësh, shumica e të cilëve në mbrojtje. Për këtë arsye besoj se do të jetë një ndeshje e lehtë për Greqinë”, -tha dje gjatë konferencës për shtyp Brigel. Sipas tij, ekipi do të përpiqet të luajë fort dhe të japë më të mirën por kjo nuk mund të mjaftojë kundër një kundërshtari si Greqia.

“Padyshim që ne do të përpiqemi për më të mirën, do të luajmë fort dhe lojtarët e mi do të japin të gjitha mundësitë e tyre. Greqia është favorite dhe ne nuk kemi se çfarë të humbim. Çdo rezultat, përveç humbjes, do të jetë shumë pozitiv për ne”,- tha më tej Brigel.

Ai nuk është aspak i shqetësuar nga fakti që skuadra e tij ka kaq shumë forca policore përreth duke shtuar se një gjë e tillë nuk është në të mirë të futbollit. Kur iu kërkua që të komentonte atmosferën që do të jetë në stadiumin “Karaiskaqi” ai kujtoi kohën kur ishte vetë futbollist dhe tha: “E di si është atmosfera në stadiumet greke, pasi përpara 20 vjetësh luajta në Selanik kundër PAOK me Veronën, edhe atëherë na sollën në stadium me forca policore”.

Gjatë konferencës së djeshme për shtyp, Brigel iu shmang përgjigjeve të cilat kishin të bënin me taktikën që do ndjekë skuadra në fushë. Ndërkohë, i pyetur në lidhje me karakterin e veçantë që do të ketë ndeshja për shkak të marrëdhënieve jo të mira që ai ka me homologun e tij gjerman që drejton Greqinë, Brigel u përgjigj se është një ndeshje ndërmjet Greqisë dhe Shqipërisë jo ndërmjet tij e Rehagelit.

Ndërkohë, presidenti i Federatës Shqiptare të Futbollit, Armando Duka, tha: “Shpresojmë që të gjithë ta konsiderojnë këtë si një ndeshje futbolli dhe jo të përdoret nga njerëz që duan ta shfrytëzojnë për qëllime të tjera”.

Nga ana e tij, trajneri i ekipit grek, Otto Rehagel, u ka bërë thirrje tifozëve grekë që të mos kryejnë akte dhune. “Entuziazëm po, por jo fanatizëm. Ne duhet të jemi shumë të kujdesshëm sepse nëse ndodh gjë, FIFA do të na dënojë. Duam që tifozët tanë të na mbështesin por në atë mënyrë si e bënë gjatë kampionatit europian të Portugalisë”,- tha Rehagel. Sipas tij, Greqia duhet ta fitojë këtë ndeshje pasi nuk ka asnjë rrugë tjetër.

Ndërkohë Fisas, një prej lojtarëve grekë që luan me Benfikën është shprehur se Greqia do të hyjë në botëror pasi ka një ekip të mirë.

---------------------------------------------

[zeus]

--------------------------------------------

Ne porte Ilion Lika, mbrojtja me Elvin Beqiri, Armend Dallku, Lorik Cana dhe Besnik Hasi.
Në mesfushë mund të luajnë Alban Bushi, Altin Haxhi, Altin Lala dhe Ervin Skela. Sulmi do të formohet nga dyshja e provuar edhe me Turqinë Erion Bogdani dhe Igli Tare.

Ekipi grek pritet të luajë me Antonis Nikopolidis, Yourkas Seitaridis, Angelos Basinas, Theodoros Zagorakis, Stelios Giannakopoulos, Angelos Haristeas, Zisis Vryzas, Yannis Goumas, Michalis Kapsis, Giorgos Karagounis, dhe Costas Katsouranis

--------------------------------------------

[zeus]

------------------------------------------------------------

Lajmet e fundit mbi kombetaren njoftojne mungesen e Hasit ne ndeshjen kunder Greqise. Anderlecht nuk e ka lejuar futbollistin te bashkohet me Shqiperine.

------------------------------------------------------------

[REJDI]

Pershendetje Tifozet kuq e zi !!!

I uroj kombetares tone fat dhe suksese ndaj skuadres se Greqise !!!

Mendoj se do marrim nje rezultat pozitiv , pamvaresisht se kemi shume pak tifoze ne stadiumin e Athines dhe nga epersia e madhe greke !!

RROFTE SHQIPERIA !!

Rejdi

[zeus]

-----------------------------------------------------

Incidentet e djeshme ne stadiumin 'Nea Smirni' te Athines mund t`i kushtoje kombetares se Shpresave greke humbjen e ndeshjes ne tavoline dhe denimin e fushes. Ulja e flamurit shqiptar nga shtiza dhe djegia e tij nga ana e tifozeve greke beri qe ndeshja mes Greqise dhe Shqiperise te shtyhet per 10 minuta.

Gazeta autoritare greke 'Kathimerini' shkruan sot se, sipas rregullave te UEFA-s, kombetarja shqiptare mund te fitoje tre pike megjithese takimi perfundoi 2-0 ne favor te grekeve. Gjithsesi është UEFA, organizmi më i lartë i futbollit në Europë, që do të vendosë për ndeshjen e të martës me Shpresave greke dhe atyre shqiptare.

-----------------------------------------------------

[zeus]

-------------------------------------------------

Trajneri i kombetares shqiptare Hans Peter Brigel ka shpallur formacionin zyrtar te skuadres per ndeshjen e vlefshme per eleminatoret e boterorit "Gjermani 2006", Greqi-Shqiperi. Gjermani Brigel ka surprizuar gjithe sportdashesit duke lene ne stol Igli Taren dhe aktivizuar sulmuesin Erjon Bogdani. Vendimi i Brigelit mund te shpjegohet me faktin se Bogdani eshte me i afte teknikisht dhe mund te japi me shume se sulmuesi tjeter i skuadres, Tare. Nderkohe porta, ashtu si dhe ne ndeshjen me Turqine do te mbrohet nga Ilion Lika, ndersa ne mbro jtje do te luajne Lici, Cana, Osmani, Beqiri dhe ne mesfushe: Haxi, Skela, Lala, Duro, Muka. Tifozet shqiptare ne Greqi do e ndjekin ndeshjen nga nje projektor i vendosur para sheshit te bashkise, ku ashtu si dhe ne gjithe rruget e Athines gjithcka eshte nen kontrollin e policise.

-------------------------------------------------

[R2T]

100 Shqiptare kane hyre ne stadium, dhe jane rrethuar me gardh policash speciale.. E pra dhe gjithe masat qe moren Greket nuk arriten ti lene jashte fushe Shqiptaret. Dikush do brohorase sot per kombetaren tone ne ate stadium...bravo u qofte e pacin fat djemte tane si ne fushe dhe perreth saj..