Kombëtarja Shqiptare - (Lajme)

[Bledari]

Shqiperi 3 - 2 Gjeorgji
6', 55' Tare 85' Burduli
33' Skela 90' Kobiashvili



Kualifikimi - 04 Qershor 2005 20:30 (ora lokale)
Qemal Stafa - Tirana


Dritherima ne fund per Shqiperine
Shtune, 4 Qershor 2005
Ne Grupin e 2 per kualifikimin per ne Kupen e Botes FIFA, Shqiperia fiton me mertine 3-2 kunder nje Gjeorgjie qe eshte shume e derteminume.


Ankth ne fund
Ne 55 minuta, skuadra pritese fiton me rezultatin 3-0 dhe duket qe ka nje fitore te lehte. Gjithsesi, Gjeorgjia arrin te shenoj dy gola ne 5 minutat e fundit, kunder Shqiperise qe duket shume e nervozume.


Me porta te mbyllura
Ne Tirane luhet me porta te mbyllura mbas denimit qe FIFA i ka dhene FSHF.
Pritesit, ama nuk kane veshtiresi per te shkuar ne avantazh. Ne minuten e 6' Igli Tare driblon kunder portieri Zviadi Sturua dhe shtyn topin drejte rrjetes.


Tre golesh Shqiperia.
Ne minuten e trete shtese te pjeses se pare, Shqiperia dyfishon shifrat 2-0 me ane te Ervin Skela te nje asis te bukur te dhene nga Erion Bogdani. Ne minuten e 10 te pjeses se dyte, Tare realizon dhe golin e dyte personal te tij dhe te treten per Shqiperine dhe Hipotekon fitoren.


Rikthimi i Gjeorgjise ne Fund te ndeshjes.
Kur Shqiperia ul ritmin e lojes atehere Gjeorgjia fillon e sulmon. Mbas nje shtylle te Levan Kobiashvili te nje goditje denimi. Vladimir Burduli shenon nga distanca 5 minuta nga fundi i kohes se rregullt. Ne minutat shtese, Kobiashvili shkurton distancen ne 3-2, por Shqiperia reziston deri ne fund dhe merr tre pikeshin ndaj Gjeorgjise.


Tansferta kunder Danimarkes
Fal kesaj fitorje, Shqiperia afrohet 6 pike kundrejt Greqise dhe me pike te barabarta me Danimarken, qe do te perballet te Merkuren.
Gjeorgjia ne vendin e gjashte, do te luaje me Kazakistanin ne fushen e tij me daten 17 Gusht.


Teksti Mare nga: Uefa.com
Perktheu Dhe Pershtatur ne Shqip: Bledari & Klevi
Qershor 2005

[zeus]

----------------------------------------------------------

Edvin Murati

"Fituam një ndeshje të mirë, por duhet të kishim kujdes, pasi Gjeorgjia shënoi dy gola në fund të lojës. Por, nga ana tjetër, mbahet mend tripikëshi. Ndiej keqardhje që tifozët nuk ishin këtu. Shpresoj që ndeshjen e ardhshme të jenë nëpër tribuna. Tani shkojmë në Danimarkë ndoshta për të marrë diçka tjetër të mirë."


Redi Jupi

"Në këtë ndeshje u mundova të bëj punën time. Unë e thashë që kur erdha që nuk bëj dot mrekullira. Do të bëj atë gjë që e bëj edhe në ekipin tim. Ishte mirë që rikthimi koincidoi me fitoren e ekipit. Sidomos kur ekipi fiton, të gjitha gjërat janë në përmirësim dhe vlerësohen me superlativa. Megjithatë, kemi shumë gjëra për të pasur kujdes, pasi Danimarka nuk është Gjeorgjia dhe takimin e ardhshëm duhet ta shohim me optimizëm. Ne jemi lojtarë profesionistë. U bënë vite që e bëjmë këtë punë dhe them se edhe publiku ka bukurinë e tij. Do të ishte më mirë sikur sot publiku të ishte në stadium. Fati qëlloi që duhet të rikthehesha në kombëtare dhe të gjeja një stadium bosh, edhe pse me fitore. Me këtë 3-pikësh kemi arritur të shkëpusim Gjeorgjinë dhe të jemi pak më të sigurt. Megjithatë, për këtë grup do të jetë decizive ndeshja në Danimarkë. Shpresoj që të marrim pikë në Danimarkë. Ekipi fiton moral dhe pikë dhe për objektivat e mëpasmë të marrim një koeficient më të lartë. Shpresojmë që t'i arrijmë të gjitha këto që thashë, pasi më parë nuk kemi pasur rezultate të mira."

Elvin Beqiri

"Ndeshja ishte relativisht e vështirë, pasi Gjeorgjia është një skuadër e vështirë. E filluam mirë takimin, por nga fundi lëshuam pak. Kuptohet, kjo edhe sepse është fund sezoni dhe ka lodhje në këmbët tona. Besuam në këtë fitore dhe ia arritëm qëllimit. Ky takim ka qenë shumë i rëndësishëm për sulmin, pasi kishte disa kohë që nuk shënonte. Them se ia arritëm qëllimit. Përsa u përket golave të pësuar në fund, them se nuk duhet të ndodhin më."

----------------------------------------------------------

[zeus]

-------------------------------------------

Kombëtarja shqiptare, pas fitores 3-2 me Gjeorgjinë, ka filluar përgatitjet për takimin e radhës zyrtar me Danimarkën. Kuqezinjtë, dje, rreth orës 16.00, kanë zbarkuar në Aeroportin "Nënë Tereza" për të marrë avionin e linjës që do të t'i çonte në Danimarkë. Kuqezinjtë kanë udhëtuar me linjën ajrore "Malev", duke bërë një ndalesë në Budapest, dhe më pas nga kryeqyteti i Hungarisë në drejtim të Kopenhagenit. Skuadra jonë së bashku me ekipin U-21 janë vendosur në hotel "Marriot" dhe për 4 ditë ky hotel do të jetë rezidenca e kuqezinjve. Sot pasdite, kuqezinjtë pritet të zhvillojnë stërvitjen e parë në tokën daneze, në afërsi të hotelit. Ndërsa të martën pritet të zhvillohet dhe stërvitja në stadiumin, ku do të luhet takimi mes përfaqësueses daneze dhe asaj shqiptare. Ndeshja është caktuar të luhet në orën 20.00 me atë lokale, ditën e mërkurë.

Dëmtimet

Pas takimit me Gjeorgjinë, nga kuqezinjtë tanë kanë rezultuar me probleme dy futbollistë. Bëhet fjalë për Erion Bogdanin dhe Altin Haxhin. Për sa i përket Bogdanit, sot mësohet se ai nuk ka asnjë problem dhe nuk ndien ndonjë dhimbje në këmbë. Ndërkohë, për Haxhin akoma nuk është vendosur përfundimisht se çfarë problemi ka. Në ditët në vazhdim do të mësohet më qartë nëse ka ndonjë problem serioz apo jo.

Grupi

Më në fund, pas shumë ndeshjesh, ekipi ynë nuk do të vuajë mungesën e lojtarëve për arsye kartonësh. Edhe Hasi, që në fillim u mendua se ishte i skualifikuar, nuk rezultoi i tillë. Të vetmit lojtarë që rrezikonin skualifikimin kanë qenë Lici, Strakosha, Bushi dhe Muka.

Stërvitja

Dje, në plazhin e Durrësit, kuqezinjtë kanë zhvilluar një stërvitje të lehtë. Në të kanë marrë pjesë futbollistët që nuk u aktivizuan në takimin e djeshëm apo që ishin të skualifikuar për arsye kartonësh. Ndërkohë, pjesa tjetër më shumë është qetësuar në ambientet e hotel "Adriatikut". Pas ndeshjes, Brigeli e kishte lënë ekipin të lirë dhe vetëm sot paradite lojtarët janë grumbulluar.

Kuriozitet

Më në fund, ekipi kombëtar ka thyer rekordin e 8 pikëve të grumbulluara në një fazë eliminatore. Me fitoren e djeshme, kuqezinjtë u ngjitën në kuotën e 9 pikëve. Më parë, 8 pikë kishte gumbulluar kombëtarja e Bajkos më 1995-ën dhe ajo e Brigelit edicionin e kaluar për Euro 2004-ën.

-------------------------------------------

[zeus]

-------------------------------------------------------------

Kombëtarja shqiptare, pas një udhëtimi të gjatë, ka mbërritur në Danimarkë. Ashtu siç ishte përcaktuar edhe më parë, kuqezinjtë janë akomoduar në hotelin më të mirë të Kopenhagenit "Marriott". Rreth orës 17.00, kuqezinjtë kanë marrë rrugën dhe në një fushë sportive pranë hotelit kanë zhvilluar stërvitjen e parë në Danimarkë. Trajneri Brigel ka pasur në dispozicion të gjithë futbollistët kuqezinj. Përjashtim ka bërë vetëm Altin Haxhi, i cili është dëmtuar në ligamente dhe kështu nuk ka mundur të stërvitet dhe për 4 javë do të bëjë pushim absolut. Gjendja e grupit kuqezi është shumë e mirë. Vetëm Edvin Murati akoma nuk është 100 për qind të formës së tij. Me mesfushorin e Iraklisit vazhdon të punojë fizioterapisti Akim Bulinger. Pjesa tjetër e grupit po kalon një gjendje të mirë. Asnjë shqetësim nuk ka as portieri Ilion Lika, që para ndeshjes me Gjeorgjinë ka vuajtur nga muskujt e barkut.

Dje, kuqezinjtë kanë zhvilluar një stërvitje të ndarë në dy grupe. Futbollistët që janë aktivizuar në takimin me Gjeorgjinë kanë zhvilluar një stërvitje të lehtë. Ndërkohë, një stërvitje më të fortë kanë zhvilluar ata lojtarë që nuk kanë luajtur apo kanë luajtur vetëm pak minuta në takimin e së shtunës. Sipas informacioneve, me grupin është edhe Igli Tare, i cili duket se do të qëndrojë me ekipin kombëtar edhe për ndeshjen me Danimarkën. Për sa i përket pjesës tjetër, gjithçka është "ok". Trajneri Brigel, para takimit është shprehur se në fushë ditën e mërkurë mund të hedhë një skuadër mbrojtëse, kjo duke ditur se danezët do të luajnë me një skuadër që do të kërkojë vetëm të fitojë.
Ndërkohë, kuqezinjtë edhe sot pritet të zhvillojnë një stërvitje në Danimarkë, por këtë herë në stadiumin ku do të zhvillohet ndeshja ditën e mërkurë.

-------------------------------------------------------------

[dodoni]

Te dy keta duhet te largohen nga kombetarja dhe FSHF sa me pare.
Duka per pune te dobet ne ftesat per ne kombetare te talenteve tane jashte, kurse i dyti per mosaftesi ne trajnimin e kombetares. Brigel nuk ka qene asnjehere trajner, eshte hera e pare qe behet trajner tek ne. Ai mund te kete qene lojtar i mire por trajner nuk eshte fare.

Ne FSHF duhet te vijne njerez qe do arrijne te "kombetarizojne" gjithe talentet shqiptare jashte, dhe te arrij te bashkoj kampionatin e Kosoves me te Shqiperise per te forcuar keshtu kampionatin shqiptar dhe gjithe futbollin shqiptar.

Kurse, trajner duhet te merret ndonje trajner i huaj qe eshte trajner me te vertete, apo ne mungese parash, te merret ndonje shqiptar qe ka pervoje, ka kualifikimet me moderne te trajnimit, dhe eshte shume profesional ne punen e tij.

Degjova qe Lala eshte duke u kerkuar nga Shalke tani, urojme qe te kaloj tek ta kete sezon. Bogdanit i urojme te kaloj tek ndonje nga superkipet qe jane duke e kerkuar (Udineze, Real Betis, Villareal etj.). Keshtu edhe gjithe lojtareve tjere shqiptare i urojme nje merkato sa me te suksesshme sepse eshte shume me rendesi per rritjen profesionale te tyre dhe keshtu edhe te kombetares sone.

Poashtu, edhe ekipeve shqiptare qe do marrin pjese ne kupat e Europes kete vit i urojme sa me shume suksese dhe kalimin e sa me shume tureve.

Trajneret shqiptare duhet te punojne sa me shume me lojtaret shqiptaret ne kampionatet tona, qe ti bejne ata lojtare sa me te medhenje, si ne aspektin fizik ashtu edhe ate teknik.

Urojme qe te marrim sa me shume pike dhe nje pozicion sa me te larte tani ne kete boteror dhe nje kualifikim ne Euro 2008.

Tu-tung

[viganv]

"Kombëtarja", ende me sytë nga Amerika



Federata Shqiptare e Futbollit ende beson se turneu i Amerikës, ku do të merrte pjesë kombëtarja shqiptare, mund të zhvillohet. Dje, zëdhënësi i shtypit në FSHF, Lysien Nurishmi, ka pohuar për të gjithë gazetarët se akoma ekzistojnë shpresa që turneu të zhvillohet. "Nuk mund të them që turneu i Amerikës është mbyllur përfundimisht, edhe pse 6 futbollistë nuk i kanë marrë vizat. Ne po bëjmë të gjitha përpjekjet që gjithçka të shkojë sa më mirë. Kështu, ne i kemi dërguar Ambasadës Amerikane dhe shoqatës së shqiptarëve në Detroit listën prej 50 futbollistësh, të cilët janë federuar në FIFA. Në të nuk bëjnë pjesë vetëm 3 futbollistë, Pinari, Gallo dhe Dhëmbi. Gjithsesi, kjo nuk do të thotë se ne do të vazhdojmë luftën me ambasadën. U kemi kërkuar organizatorëve të turneut që të bëjnë të pamundurën që futbollistët tanë të pajisen me viza nga Ambasada Amerikane në Tiranë. Sektori i ekipeve kombëtare ka kontaktuar me zotin Pit Dedvukaj, i cili është marrë me organizimin e turneut, për të bërë të pamundurën që gjithçka të shkojë sa më mirë. Ky i fundit, dje ose sot, duhet të sjellë përgjigje në FSHF nëse do të vazhdojnë procedurat për turneun e Amerikës apo jo. "Ne, që pas refuzimit të vizave, kërkuam që turneu të anulohej, por ka qenë kërkesa e palës shqiptare në Amerikë që gjithçka të shkonte deri në fund dhe turneu të zhvillohej medoemos," ? është shprehur dje zëdhënësi i shtypit. Ky i fundit, gjithashtu dje, ka pohuar se e vetmja rrugë që kombëtarja të marrë pjesë në turneun e Amerikës është ndërhyrja e lobit shqiptar atje për të siguruar vizat edhe për ata lojtarë që u janë refuzuar nga Ambasada Amerikane. Sipas tij, nëse edhe me ndërhyrjen e organizatorëve kjo ambasadë nuk ndryshon qëndrim, atëherë është e kotë që gjërat të kërkohen me kokëfortësi. Në të kundërt, nëse ndodh që pala amerikane premton që të japë vizat, atëherë kombëtarja do të marrë pjesë në turneun e Amerikës me rastin e pavarësisë së SHBA?së. Gjithsesi, turneu nuk do të zhvillohet në datën e caktuar, por do të zhvendoset për pak ditë. Nga ana tjetër, sot, në Ambasadën Amerikane pritet të paraqiten të gjithë zyrtarët që do të marrin vizën për në SHBA. Së bashku me drejtuesit e federatës pritet të jenë edhe lojtarët e Dinamos.

[viganv]

Turneu u Amerikës, ëndërra e një nate vere...



Turneu në Shtetet e Bashkuara të Amerikës, që do të zhvillonte kombëtarja shqiptare, mund të konsiderohet i dështuar. Kështu, maskarada që kishte nisur kohë me parë me pranimin e disa ndeshjeve miqësore në Amerikë, ka dështuar, edhe pse në FSHF kanë ngulmuar për të udhëtuar përtej Oqeanit. Ashtu siç pritej, edhe dje, në FSHF nuk kishte ardhur asnjë garanci nga organizatorët e turneut për të marrë vizat në Ambasadën Amerikane. Kështu që i gjithë stafi i kombëtares shqiptare dhe futbollistët e Dinamos, së bashku me ata që u ishte refuzuar viza, nuk janë paraqitur në sportelet e Ambasadës Amerikane. Ky fakt është pohuar dje zyrtarisht edhe nga zëdhënësi i shtypit në federatë. Sipas tij, ishte e kotë që pjesa e mbetur e drejtuesve të FSHF?së dhe stafi i kuqezinjve të paraqitej para dyerve të ambasadës për të aplikuar për vizë. "Ishte e kotë që të këmbëngulnim, sepse nuk mund të shkonim me një pjesë të ekipit. Deri tani që flasim, nga pala shqiptare në Amerikë nuk na ka ardhur asnjë garanci. Kështu që ne si federatë vendosëm të mos paraqitemi për të marrë vizë. Do të ishte e kotë, pasi atyre lojtarëve që u ishti refuzuar viza nuk mund t'ua merrnim më," ? është shprehur dje zëdhënësi i shtypit në FSHF. Ky i fundit ka konfirmuar se tashmë turneu i Amerikës, ku do të merrte pjesë kombëtarja shqiptare, ka dështuar, pasi skuadra nuk mund të udhëtojë drejt tokës së premtuar për shkak të mohimit të vizave nga Ambasada Amerikane. Në fakt, këtë pseudoturne të kombëtares shqiptare në pik të verës ka qenë pikërisht gazeta "Sporti shqiptar" këtu e tre muaj më parë që e ka denoncuar si një aktivitet pa asnjë vlerë dhe që e kthente kombëtaren tonë në një trupë cirku. Madje, duke aluduar edhe për probleme të tjera, sidomos vizash, që mund të implikonin kuqezinjtë në këtë miqësore. Më kot edhe mbajtja e fshehtë e emrave të lojtarëve dhe manovrave të federatës, sepse e vërteta ka dalë në sheh dhe FSHF nuk ka mundur ta menaxhojë problemin që, sipas titullarëve të saj, nuk është faj i federatës, por i organizatorëve të turneut amerikan. Pra, edhe një herë tjetër këtë sezon, skuadra kuqezi ka ngrënë një grusht të fortë, por këtë herë nga shteti amerikan.

[viganv]

Turneu i Amerikës, zyrtarisht i anuluar


Nuk kishte se si të ndodhte ndryshe. Pas andrallave të shumta rreth pajisjes me vizë të futbollistëve që do të mernin pjesë në këtë turne, vjen dhe prononcimi zyrtar i FSHF?së, që, me anë të shefit të ekipeve kombëtare, Besnik Çela, ka deklaruar anulimin e këtij turneu aq shumë të përfolur në mediat sportive. "Pas problemeve të shumta që hasëm në Ambasadën Amerikane, FSHF?ja vendosi ta anulojë këtë turne. I kemi dërguar edhe organizatorëve një faks, ku u bëjmë të ditur edhe shkaqet e këtij dështimi,"? ka deklaruar Besnik Çela.

[viganv]

Kuqezinjtë, po shpjegimet për humbjen?



Kombëtarja shqiptare, të mërkurën në mbrëmje, pas takimit në Kopenhagen, ka mbyllur fushatën 15-ditore për 2 ndeshjet eliminatore me Gjeorgjinë, Danimarkën dhe miqësoren me Poloninë. Pas përfundimit të këtyre takimeve, i gjithë stafi i shqiptar kuqezinjve është kthyer në Shqipëri. Dje, nga drejtuesit e kombëtares në federatë ka qenë vetëm shefi i sektorit të ekipeve kombëtare, Besnik Çela. Ky i fundit ka informuar për trasfertën daneze të kuqezinjve. Sipas tij, për këtë ndeshje ishim marrë të gjithë masat organizative, duke filluar nga udhëtimi e deri tek lëvizjet e kombëtares. Shefi i sektorit të ekipeve kombëtare nuk ka dashur të përzihet fare me anën teknike të ndeshjes. Dhe kjo është më se normale, sepse sektori i ekipeve kombëtare merret me organizimin e punëve të kuqezinjve.
Me shpjegimin e problemeve të kombëtares merret eksluzivisht stafi i kuqezinjve dhe trajneri i tyre, Hans Peter Brigel. Gjithsesi, ata nuk ishin në FSHF. U bë e disata herë që trajneri nuk vjen në Tiranë për të dhënë shpjegimet e rastit për humbjen në Danimarkë. Ai udhëton drejt Gjermanisë për të filluar pushimet. Tashmë është bërë e modës që vetëm kur gazetarët shkruajnë di]ka pikante për kombëtaren, nga ana e stafit kuqezi vjen ndonjën reagim. Kjo nuk është normale, sepse të gjithë në Tiranë, media e shkruar dhe elektronike, kërkojnë shpjegimet e rastit për ndeshjen me Danimarkën. Madje trajneri e ka për detyrë që të vijë këto ditë për të bërë punën e tij.
Të shpresojmë që në të ardhmen të kemi një ndryshim dhe vetë zoti Brigel të jetë këtu për të dhënë shpjegimet e rastit.
Duke iu kthyer Danimarkës shefi i sektorit të ekipeve kombëtare, Besnik Çela, ka pohuar dje se nuk ka qenë e vërtetë që kombëtarja kishte probleme me motin e keq në Danimarkë. "Thjesht ne kërkuam që të na vinin nga Shqipëria disa xhupa për skuadrën që do të qëndronte në stol, pasi ditën e parë bënte ftohtë. Vetëm kaq, pjesa tjetër e pajimeve ishte marrë me vete. Po kështu, edhe pala daneze i qëndroi korrekte protokollit dhe na ndihmoi me të gjitha ato që kishim kërkuar. Mund të them se nga ana organizative gjithçka ishte më se normale," - është shprehur dje shefi i sektorit të ekipeve kombëtare. Gjithashtu, Çela, i pyetur në lidhje me turneun që kuqezinjtë do të zhvillojnë në Amerikë, është shprehur se projekti është në duart e sektorit të tij.
"Po, është e vërtetë që kombëtarja jonë ka për të zhvilluar një turne disaditor në Amerikë. Në këtë vend pritet të zhvillohen disa ndeshje miqësore. Për momentin mund të them se do të shkojmë në Amerikë me një skuadër mikse, të drejtar nga trajneri i kombëtares sonë, Hans Peter Brigel."
Sipas tij, gjermani ka dhënë pëlqimin për këtë turne, që do të zhvillohet në fillim të korrikut. "Deri tani që flasim mendohet që në Amerikë të udhëtojë trajneri Brigel me një skuadër të përbërë nga lojtarë që kërkojnë një vend në kombëtare apo që janë pjesë e kombëtares dhe që trajneri kërkon t'i vëzhgojë edhe një herë. Gjithsesi, kjo nuk është përfundimtare, pasi mund të ketë shumë mungesa të lojtarëve dhe kështu nga federata mund të vendoset që në Amerikë të shkojnë 21-vjeçarët. Për më shumë do të merrni vesh në ditët e ardhshme," - ka përfunduar Çela.

[zeus]

-----------------------------------------------------

Kalimi i gjigandit të sulmit të Bolonjës Igli Tare te Lacio, tani është vetëm çështje orësh. Shtypi italian ka arritur të zbulojë edhe ndonjë detaj të marrëveshjes paraprake që ka arritur kapiteni i kombëtares sonë me presidentin e Lacios Lotito. Sipas gazetës së njohur italiane "Gazzetta dello sport", marrëveshja është arritur për tre sezone mbi bazën e 550 000 eurove në sezon. Pritet vetëm akordi ndërmjet klubeve të Bolonjës dhe Lacios. Në fakt, gazeta e përditshme "Liberta", pohon se edhe klubet kanë rënë dakord mes tyre për këtë transferim. Igli Tare do të mbyllë një boshllëk të madh në sulmin e Lacios, pasi largimi i Bazanit është pothuaj i sigurtë. Futbollisti i ardhur nga Sampdoria sezonin që kaloi, është shprehur se kërkon të rikthehet te ish ekipi i tij. Në këtë aspekt aktivizimi i Tares si titullar tek Lacio është mëse i mundur. Kapiteni i kombëtares sonë është shprehur mjaft entuziast për aventurën e tij te re në kryeqytet. Megjithëse zyrtarizimi i këtij kalimi nuk është bërë akoma, Tare është i avantazhuar në këtë drejtim. Kontrata e tij mbaron në vitin 2006 dhe Bolonja nuk do të rrezikonte kurrsesi t`a humbiste me parametër zero. Edhe në aspektin ekonomik klubi bolonjez do të ishte i interesuar për këtë transerim. Rënia në serinë B e ka privuar klubin nga të ardhura të konsiderueshme që fitoheshin nga të drejtat e transmetimeve në serinë A. Për të stabilizuar disi situatën financiare klubi i Bolonjës detyrimisht duhet të shesë lojtarë që rëndojnë buxhetin, siç bëri me Lokatelin ose siç do të bëjë edhe me Igli Taren. Nga ana tjetër e kampit kemi një situatë krejt ndryshe. Presidenti i Lacios, Klaudio Lotito, ka një projekt mjaft ambicioz. Pasi e ka shpëtuar klubin nga falimentimi i sigurtë, ai po përpiqet të ndërtojë një skuadër sa më kompetitive në të ardhmen. Vetë ai po merret me problemet e merkatos. Edhe akordi i arritur me Igli Taren i dedikohet shumë këtij të fundit, pasi ai bisedoi personalisht me kapitenin e kombëtares sonë në vilën San Sebastiano. Duke parë zhvillimet e merkatos tek Lacio, mund të themi pa frikë se merkatoja e këtij viti ka qenë "shqiptare". Edhe në mesfushë synimi kryesor i merkatos është një futbollist me origjinë shqiptare. Lacio kërkon të marrë nga Verona, Valon Behramin, i lindur në Mitrovicë të Kosovës dhe banues në Zvicër. Në këtë rast problemi është disi më i ndërlikuar, pasi politika e re e klubit nuk lejon shpenzime të shumta. Futbollisti kërkohet në formën e huazimit për një vit me të drejtë blerje, gjë që refuzohet nga dy klubet që e kanë në pronësi, Verona e Xhenoa. Megjithatë ka akoma kohë për të arritur ndonjë marrëveshje të mundshme. Me ose pa mbështetjen e Valon Behramit, Tare do të jetë ndër shtyllat kryesore të sulmit lacial. Rekordi i tij prej shtatë golash në sezon mund të thyhet që në vitin e parë të qëndrimit te Lacio.

-----------------------------------------------------