Kombëtarja Shqiptare - (Lajme)

[Davius]

Kristalizohet lista anti-Poloni

Edhe pse nuk është zyrtare, gjithsesi kjo duket se do të jetë lista e futbollistëve që do të jenë nën urdhërat e trajnerit Brigel për miqësoren e 29 majit me Poloninë. Bëhet fjalë për 19 futbollistë, mes të cilëve spikat emri i Mehmet Dragushës, ndërkohë që të tjerët janë të fiksuar tashmë në listat e fundit të gjermanit. Konfirmohen nga futbollistët e kampionatit shqiptar Lici, Osmani, Dallku, Sina, Çipi, Lika, Xhevahir Kapllani dhe Hidi. Mes të grumbulluarve vazhdon të jetë edhe Strakosha, i cili edhe pse ka dhënë dorëheqjen, nuk u mungon grumbullimeve kuqezi. Kësaj here mungojnë Tare dhe Bogdani, që kanë impenjime me skuadrat e tyre në Itali. Rikthehet në këtë miqësore Besnik Hasi, i cili mungoi në ndeshjet me Turqinë dhe Greqinë pasi ishte i dëmtuar dhe Mehmet Dragusha, që e ka humbur prej kohësh vendin e titullarit tek Frankfurti.

Sikurse është bërë e ditur, kombëtarja shqiptare do të grumbullohet në Gjermani, në kushte mjaft të mira. Më datën 26 të këtij muaji pjesa e futbollistëve të kampionatit shqiptar do të niset për në Berlin, ku do të mbërrijnë edhe legjionarët e tjerë kuqezinj. Më datë 27 dhe 28 ekipi ynë do të qëndrojë në qytetin e Szcecinit, ku do të zhvillojë edhe stërvitje. Më datën 29 maj, ora 17.30, do të luhet ndeshja e planifikuar miqësore Poloni-Shqipëri. Pastaj, më datë 30, do të bëhet kthimi për në Shqipëri.

Lista anti-Poloni

Foto Strakosha, Ilion Lika, Isli Hidi, Xhevahir Kapllani, Florian Myrtaj, Ervin Skela, Altin Lala, Klodian Duro, Besnik Hasi, Edvin Murati, Geri Çipi, Suat Lici, Tefik Osmani, Elvis Sina, Altin Haxhi, Armend Dallku, Mehmet Dragusha, Bledi Shkëmbi, Ardian Aliaj

[zeus]

----------------------------------------------------------------

Trajneri i kombëtares shqiptare Hans Peter Brigel më në fund ka shpallur edhe listën e lojtarëve që do ketë në dispozicion për dy takimet me Gjeorgjinë në Tiranë dhe Danimarkën në Kopenhagen. Trajneri i kuqezinjve këtë herë ka preferuar të grumbullojë për këto dy ndeshjen 23 futbollistë, nga kampionatet e huaja, por edhe futbollistë të kampionatit shqiptar. Pothuajse të gjithë lojtarët më të rëndësishëm të kuqezinjve janë aty të gatshëm për të dhënë kontributin e tyre. Edhe Tare, i dëmtuar të dielën, do të bashkohet me ekipin menjëherë pas përfundimit të javës së fundit të kampionatit Italian. Nga kampionati shqiptar janë konfirmuar Lika, Hidi, Lici, Dallku, Çipi Sina dhe Osmani. Si për çudi, pas shumë kohësh rishfaqen emrat e Edmond Kapllanit dhe Mehmet Dragushës, prej kohësh të harruar nga trajneri Brigel, i cili këta dy lojtarë që luajnë në Bundesligën 2 nuk i grumbullon prej shumë muajsh. Sërish trajneri Brigel ka menduar të grumbullojë Redi Jupin një nga "legjionarët" më të mirë, i cili po shkëlqen në Turqi, por që në dy ndeshjet e fundit nuk ka qenë i pranishëm, pasi është i dëmtuar. Më shumë se ata që rikthehen në kombëtare, të bën përshtypje fakti i mospërfshirjes në ekip i disa emrave shumë të njohur të kuqezinjve. Kështu, as në Poloni dhe as për dy takimet eliminatore nuk do të jenë Edvin Murati, Alban Bushi, Altin Rraklli dhe Devi Muka. Për të parin mësohet se versioni zyrtar është dëmtimi në njërën këmbë, çka e ka lënë jashtë fushave të lojës futbollistin e Iraklisit për shumë kohë. Ndërkohë, për çudi, nuk është grumbulluar as Devi Muka, një lojtar që kohët e fundit gjithmonë ka qenë me ekipin kombëtar. Por vetë mesfushori i bardhebluve ka konfirmuar dje se nuk është grumbulluar në ekipin kombëtar, pasi i ka kërkuar leje për arsye personale trajnerit gjerman Hans Peter Brigel. Mbeten pa sqarime mungesat e 2 sulmuesve të njohur të kombëtares tonë, Alban Bushi dhe Altin Rraklli. Për mosgrumbullimin e tyre, asnjë nuk ka dashur të japë shpjegime dje në federatë. Ose të paktën të gjithë janë munduar që zgjedhjet t'ia delegojnë trajnerit të kombëtares, Brigel. Gjithsesi, më shumë se një zgjedhje teknike, pas mosgrumbullimit të Bushit dhe Rrakllit duket se fshihet "strategjia" e re e trajnerit kuqezi. Me zgjedhjet e fundit, gjermani ndoshta ka filluar revolucionin brenda ekipit kombëtar. Duke iu referuar listës, dy viktimat e para të "spastrimeve" brigeliane pas kritikave të ashpra ndaj gjermanit mund të jenë Bushi dhe Rraklli, që janë edhe dy golashënuesit më të mirë të kombëtares gjatë gjithë historisë së saj. Të paktën deri tani, asnjë nga lojtarët nuk ka ndonjë arsye të fortë për të mos u grumbulluar me kombëtaren. Për më tepër që Rraklli ka paraqitur një formë të shkëlqyer këtë sezon, ndërsa Bushi u rikthye në Shqipëri për të luajtur si e si që të kishte një vend në kombëtare. Dyshja e sulmit nuk është thirrur as në Poloni për t'u testuar para Gjeorgjisë dhe Danimarkës.
Gjithsesi, nuk mund ta themi me siguri nëse me të vërtetë trajneri Brigel ka filluar krasitjen e madhe brenda gjirit të kombëtares, apo kemi të bëjmë me një makiazh, sa për të mbyllur gojët e kritikëve të punës së gjermanit në krye të kuqezinjve. Këtë do ta vërtetojmë vetëm nga goja e tij në ditët në vijim.


Lista e kombëtares:

Portierë
Ilion Lika
Isli Hidi
Foto Strakosha
Mbrojtës
Armend Dallku
Tefik Osmani
Geri Çipi
Adrian Aliaj
Suad Lici
Altin Haxhi
Elvin Beqiri
Mesfushorë
Klodian Duro
Ervin Skela
Besnik Hasi
Elvis Sina
Mehmet Dragusha
Altin Lala
Blendi Shkëmbi
Lorik Cana
Redi Jupi
Sulmues
Florian Myrtaj
Edmond Kapllani
Igli Tare
Erion Bogdani

----------------------------------------------------------------

[miko]

Sic e dini me date 28 maj ,skuadra jone zhvillon nje ndeshje miqsore me polonine !!

Mund te jepni Mendimet tuaja per sa i perket ksaj ndeshje ??

Ndeshje e vështirë por dhe një test shumë i rëndësishmëm përsa i përket ndërtimit së një ekipi që synon të arrijë vazhdueshmëri e rezultate pozitive siç është ekipi ynë Kombëtar.
Polonia është ekip i fortë kështu që mobilizimi i ekipit tonë duhet të jetë i madh në mënyrë tillë që të mos kemi ndonjë "tragjedi" miqësore.

Parashikimet nuk më pëlqejnë por uroj që Bringeli të bëjë më shumë eksperimente me lojtarët e rinj,në mënyrë të tillë që të vijë ai ndryshim i kaq pritur në ekipin tonë.


Gjithë të mirat

[Davius]

Kombëtarja, sot mbërrin në Poloni

Ekipi kombëtar shqiptar, prej ditës së djeshme, ka filluar grumbullimin për ndeshjen miqësore, që skuadra e drejtuar nga Brigeli do të zhvillojë me përfaqësuesen polake. Kështu, dje, rreth orës 15.30, futbollistët e kampionatit shqiptar si Lika, Hidi, Çipi, Dallku, Sina, dhe Lici nën drejtimin e shefit të sektorit të ekipeve kombëtare Besnik Çela dhe zëvendëstrajnerit të kuqezinjve Vladimir Ajazi, kanë marrë avionin e linjës "Malev" dhe i janë drejtuar Berlinit.

I gjithë stafi kuqezi që do të udhëtojë nga Tirana në Berlin me një ndalesë në Budapest dhe në tokën gjermane do të akomodohet në hotelin "Park Inn" rreth orës 20.30. Në këtë hotel, skuadrën do ta presë trajneri Brigel së bashku me stafin e tij gjerman, i cili ka mbërritur më parë në vendgrumbullimin e kombëtares. Veç trajnerit Brigel, në hotel pritet të jenë edhe të gjithë futbollistët e tjerë të kombëtares, të grumbulluar për ndeshjen me Poloninë. Sipas informacioneve, të gjithë "legjionarët" kanë udhëtuar drejt Berlinit.

Edhe Edvin Murati, me shumë gjasa, do të udhëtojë drejt Gjermanisë për t'iu bashkuar skuadrës para se kjo e fundit të kalojë në tokën polake. Menjëherë sot, në orën 10.00, skuadra jonë do të udhëtojë drejt Polonisë. Për këtë trasfertë, skuadrës sonë pala polake i ka vënë në dispozicion një autobus të federatës së futbollit. Kuqezinjtë do të zhvillojnë 170 kilometra derisa të arrijnë në qytetin Zcezcin, ku do të zhvillohet edhe ndeshja me polakët. Në këtë qytet, kuqezinjtë do të akomodohen në hotelin "Radison Sas". Pritet që skuadra jonë të zhvillojë një stërvitje shumë afër hotelit. Nuk dihet me siguri, pasi këtë do ta vendosë trajneri Brigel nëse do të zhvillojë një stërvitje apo dy stërvitje.

Edhe të shtunën, kuqezinjtë pritet të zhvillojë një stërvitje, por këtë herë në stadiumin, ku do të zhvillohet ndeshja rreth orës 17.00. Ndërkohë, takimi Poloni-Shqipëri do të zhvillohet në stadiumin e qytetit të Zcezcinit, "Pogon", në orën 17.30. Menjëherë pas ndeshjes, të gjithë kuqezinjtë do të udhëtojnë sërish me autobus drejt Berlinit. Të nesërmen, më 30 maj, skuadra jonë menjëherë në mëngjes do të niset drejt Tiranës. Në darkë, stafi kuqezi do të nisë zyrtarisht grumbullimin për dy ndeshjet eliminatore që skuadra jonë do të zhvillojë me Gjeorgjinë në Tiranë dhe Danimarkën në Kopenhagen.


300 tifozë shqiptarë për Danimarkë-Shqipëri
Në ndeshjen e 8 qershorit, mes Danimarkës dhe Shqipërisë, pritet që në stadium të jenë të pranishëm rreth 300 tifozë shqiptarë. 200 prej tyre do të jenë të përhershmit tifozët kuqezinj, ndërsa rreth 100 të tjerë do të jenë shqiptarë, të cilët kanë blerë një biletë në FSHF për të parë këtë takim të kombëtares sonë.

[Davius]

Polonia, "banko-provë" për Muratin

Shefi i sektorit të ekipeve kombëtare në federatë, Besnik Çela, ka pohuar dje se edhe mesfushori i kuqezinjve, Edvin Murati, mund të grumbullohet me kombëtaren për ndeshjen me Poloninë. "Aktualisht mund të them vetëm se Murati ka shumë mundësi që të jetë në Poloni për t'u provuar nga trajneri Brigel. Nuk mund të them me siguri nëse do të jetë apo jo.

Përfundimisht, kjo gjë do të vendoset në ditët në vijim. Gjithsesi, Murati është shumë afër grumbullimit," ? ka përfunduar Çela. Duket se Brigeli ka ndryshuar mendje për mosgrumbullimin e mesfushorit kuqezi, i cili prej disa muajsh është i dëmtuar në këmbë

[zeus]

-------------------------------------------------------------

Kombëtarja shqiptare ka mbërritur dje në Poloni dhe menjëherë është akomoduar në hotel "Radison Sas", që do të jetë edhe rezidenca e skuadrës tonë gjatë qëndrimit në këtë vend. Sipas informacioneve zyrtare, grupi ka qenë i plotë, ku të 18 futbollistët janë bashkuar me ekipin. Së bashku me lojtarët e grumbulluar nga gjermani është bashkuar edhe mesfushori i Iraklisit, Edvin Murati. Ky i fundit, vetëm në një moment të dytë u grumbullua me skuadrën kombëtare, pasi mendohej se ishte i dëmtuar. Por, Murati nga ana tjetër, është shprehur se është gati të luajë futboll dhe dëmtimi tashmë është histori e shkuar. Probleme në kufirin polak ka pasur futbollisti Florian Myrtaj, i cili ka qëndruar gjatë në doganën polake, derisa është sqaruar gjithçka për problemin e vizës. Dje kuqezinjtë kanë zhvilluar një stërvitje shumë afër hotelit, ku është akomoduar skuadra kombëtare. Nga kuqezinjtë i vetmi që nuk është stërvitur me grupin ka qenë Ilion Lika. Portieri i kombëtares vazhdon të ketë probleme në muskujt e barkut. Fizioterapisti Bulinger po bën të pamundurën që ai të jetë i gatshëm për ndeshjen me Gjeorgjinë. Stërvitja më shumë ka qenë fiziko-taktike. Burime të sigurta pranë kuqezinjve janë shprehur se trajneri Brigel në ndeshjen e së dielës pritet të testojë lojtarët që kanë qenë të dëmtuar gjatë kësaj kohe, por edhe lojtarët që janë rezerva të ekipit kombëtar. Në radhë të parë gjermani duket se dëshiron të testojë mbrojtjen pas riaftësimit të Çipit. Hapësirë në mesfushë, një pjesë loje, duket se do të ketë edhe Bledi Shkëmbi, zëvendësuesi natyral i Skelës te kuqezinjtë. Rast për të treguar vlerat e tij do të ketë edhe Mehmet Dragusha, që rikthehet në kombëtare pas shumë kohësh, dhe Hasi i ardhur nga dëmtimi. Ndërkohë, në sulm Kapllani duhet të tregojë se vlen për të luajtur në kombëtare. Për më tepër që durrsaku është një nga benjaminët e trajnerit Brigel. Me sa është deklaruar, trajneri gjerman kërkon të testojë të gjithë lojtarët para takimit zyrtar me Gjeorgjinë, që skuadra jonë do ta zhvillojë me dyer të mbyllura, për shkak të dënimit të FIFA-s.

-------------------------------------------------------------

[Davius]

Miqësorja, edhe Murati me kuqezinjtë

Kombëtarja shqiptare ka mbërritur dje në Poloni dhe menjëherë është akomoduar në hotel "Radison Sas", që do të jetë edhe rezidenca e skuadrës tonë gjatë qëndrimit në këtë vend. Sipas informacioneve zyrtare, grupi ka qenë i plotë, ku të 18 futbollistët janë bashkuar me ekipin. Së bashku me lojtarët e grumbulluar nga gjermani është bashkuar edhe mesfushori i Iraklisit, Edvin Murati.

Ky i fundit, vetëm në një moment të dytë u grumbullua me skuadrën kombëtare, pasi mendohej se ishte i dëmtuar. Por, Murati nga ana tjetër, është shprehur se është gati të luajë futboll dhe dëmtimi tashmë është histori e shkuar. Probleme në kufirin polak ka pasur futbollisti Florian Myrtaj, i cili ka qëndruar gjatë në doganën polake, derisa është sqaruar gjithçka për problemin e vizës. Dje kuqezinjtë kanë zhvilluar një stërvitje shumë afër hotelit, ku është akomoduar skuadra kombëtare. Nga kuqezinjtë i vetmi që nuk është stërvitur me grupin ka qenë Ilion Lika. Portieri i kombëtares vazhdon të ketë probleme në muskujt e barkut. Fizioterapisti Bulinger po bën të pamundurën që ai të jetë i gatshëm për ndeshjen me Gjeorgjinë. Stërvitja më shumë ka qenë fiziko-taktike.

Burime të sigurta pranë kuqezinjve janë shprehur se trajneri Brigel në ndeshjen e së dielës pritet të testojë lojtarët që kanë qenë të dëmtuar gjatë kësaj kohe, por edhe lojtarët që janë rezerva të ekipit kombëtar. Në radhë të parë gjermani duket se dëshiron të testojë mbrojtjen pas riaftësimit të Çipit. Hapësirë në mesfushë, një pjesë loje, duket se do të ketë edhe Bledi Shkëmbi, zëvendësuesi natyral i Skelës te kuqezinjtë. Rast për të treguar vlerat e tij do të ketë edhe Mehmet Dragusha, që rikthehet në kombëtare pas shumë kohësh, dhe Hasi i ardhur nga dëmtimi.

Ndërkohë, në sulm Kapllani duhet të tregojë se vlen për të luajtur në kombëtare. Për më tepër që durrsaku është një nga benjaminët e trajnerit Brigel. Me sa është deklaruar, trajneri gjerman kërkon të testojë të gjithë lojtarët para takimit zyrtar me Gjeorgjinë, që skuadra jonë do ta zhvillojë me dyer të mbyllura, për shkak të dënimit të FIFA-s.

[zeus]

---------------------------------------------------

Shqiperia ku humbur miqesoren me Polonine me rezultatin 1 - 0. Polaket kane arritur ta shenojne golin e vetem te takimit 35 sekonda pas fillimit te ndeshjes me ane te futbollistit Zuravcki.


Kuqezinjte ne kete takim kane bere nje paraqitje te mire. Loja ka filluar me kete formacion per kombetaren tone:

12. Isli Hidi - 4. Armando Dallku, 19. Tefik Osmani, 3. Geri Cipi, 11. Adrian Aliaj - 6. Besnik Hasi, 14. Altin Lala, 13. Ervin Skela, 18. Klodian Duro, 16. Mehmet Dragusha - 9. Florian Myrtaj

Ne pjesen e dyte Brigel ka hedhur ne fushen e lojes Lici, Haxhi, Shkembi, Murati, Kapllani respektivisht ne vend te Hasi, Aliaj, Skela, Dragusha, Myrtaj.

---------------------------------------------------

[miko]

Nr.1

Ndeshja e djeshme me Poloninë ka treguar formën reale të kuqezinjve para sfidave me Gjeorgjinë dhe Danimarkën

Kombëtarja, ajo që ka harruar të shënojë

Pavarësisht rezultatit 1-0 për polakët, duhet thënë se miqësorja e djeshme ka rezultuar një test pak a shumë pozitiv për kombëtaren tonë, në prag të dy ndeshjeve zyrtare të radhës me Gjeorgjinë dhe Danimarkën. Themi kështu, pasi loja e kuqezinjve tanë ka qenë e pëlqyeshme, madje në total, në aspektin e zotërimit të topit apo edhe e kombinacioneve mes futbollistëve, kemi dominuar ndaj vendësve polakë. Megjithatë, duhet pranuar se tendosja e kombëtares polake nuk ishte në nivelin e një ndeshjeje zyrtare, çka mund t'u ketë lejuar më tepër hapësirë futbollistëve tanë. Në ndryshim nga miqësoret e shkuara të kombëtares sonë, ajo e djeshmja dalloi pikësëpari në numrin e futbollistëve të aktivizuar nga Brigeli. Shijen e lojës e provuan të gjithë ata që kishin udhëtuar për në Poloni, me përjashtim të Ilion Likës, i cili nuk ka dashur të rrezikojë, pas atyre problemeve me muskujt e barkut. Trajneri Brigel, edhe në udhëzimet që jepte nga stoli, kësaj here dukej qartë se nuk ishte shumë i dhënë pas rezultatit, si në të shkuarën, në të tilla ndeshje, por në modulet e lojës dhe skemat taktike që përdori sipas futbollistëve. Gjermani e ka nisur miqësoren e djeshme me Poloninë me Hidin në portë, ndërkohë që para tij vinte mbrojtja, e përbërë nga katër futbollistë, Çipi dhe Tefik Osmani në qendër, ndërsa nga krahët Aliaj dhe Dallku. Pra, kishim të bënim pak a shumë me një mbrojtje të përbërë nga futbollistë të kampionatit shqiptar, veç Aliajt. Para tyre, si gjithmonë, në mesfushë figuronin emrat e Skelës, në rolin e organizatorit, Lalës dhe Hasit në rolin e shkatërruesve, ndërsa Duro e Dragusha pozicionoheshin nga krahët. Kësisoji, i vetëm në sulm mbetej Florian Myrtaj.
Fatkeqësisht, ndeshja nis me gol për vendësit, që në minutën e parë, duke bërë që polakët të luanin taktikisht në vazhdim dhe jo shumë të tendosur. Nga ana tjetër, tanët krijojnë volum të madh loje, arrijnë të shkojnë deri te zona e portierit polak, por çalojnë në finalizim. Myrtaj është konfuz në disa raste për shënim, teksa vonon shumë, pa e vënë në rrezik portën e skuadrës polake. Veç tij, për sulmin duket se mendon edhe Skela, bashkë me Duron dhe Dragushën nga krahët, të cilët gjuajnë disa herë nga larg, por pa sukses. Vendësit janë më inferiorë në zotërimin e topit, sepse e presin skuadrën tonë në gjysmëfushën e tyre, duke tentuar kundërsulmin e shpejtë. Madje, janë perfektë në aplikimin e pozicionit jashtë loje, ku bien disa herë "viktima" kuqezinjtë tanë. Sidoqoftë, pavarësisht volumit mjaft të madh të lojës që ne krijojmë, fare pak e gjejmë kuadratin e portës mike. Një dobësi e evidentuar dukshëm kjo në ndeshjet e fundit. Pjesa e parë përfundon me rezultatin 1-0 në favor të polakëve, të cilët thjesht administruan golin e shënuar që në minutën e parë të ndeshjes. Në pjesën e dytë fillojnë zëvendësimet për të dyja palët. Me kalimin e minutave të pjesës së dytë, trajneri Brigel nxjerr nga loja Myrtajn për Kapllanin, Dragushën për Muratin, Skelën për Shkëmbin, Aliajn për Haxhin, Hasin për Licin dhe Duron për Sinën, duke i dhënë secilit një mundësi për të treguar veten. Nëse flasim për ata që e nisën pjesën e parë si titullarë, duhet thënë se portieri Hidi pati pak punë, duke mos u gjendur në pozita të vështira, për të treguar çfarë është në gjendje të bëjë. Meritë kjo e Geri Çipit në qendër të mbrojtjes, i cili, sidomos në dyluftimet ajrore me sulmuesit kundërshtarë, doli gjithnjë fitimtar. Pas tij nuk ngelet as Tefik Osmani, i cili formoi një duet të kënaqshëm me Çipin në qendër të mbrojtjes, me përjashtim të një rasti në pjesën e parë, kur njëri nga sulmuesit polakë i "trullosi" të dy së bashku. Natyrisht, e parë në kompleksitetin e një miqësoreje, edhe dy lojtarët e krahut, Dallku dhe Aliaj, mund të thuhet se ishin në lartësinë e duhur. Nëse Dallku tregoi se ka rritje nga ndeshja në ndeshje, për sa i takon sigurisë në vetvete dhe në rolin që kryen, tek Aliaj nuk u pa ajo freskia fizike, ai galopimi i gjatë në krah, deri në vijën fundore të portës kundërshtare, për të krosuar. Kjo mbase vjen nga fakti se ka disa kohë pa luajtur një ndeshje zyrtare, kur dihen problemet që ka pasur me klubin e tij që pas ndeshjes me Ukrainën. Mesfusha konfirmoi sërish një Lalë të kudogjendur, tepër punëtor dhe agresiv në shkatërrimin e manovrës sulmuese të kundërshtarit, një Has jo në mundësitë e tij reale, një Skelë disi të përgjumur, një Duro që djersiu shumë, por e teproi me ndonjë veprim individual, dhe një Dragushë "jashtë loje". Ky i fundit, përveç dy-tri rasteve të ndonjë depërtimi individual nga krahu i majtë i sulmit kuqezi, nuk arriti të shkrihej me lojën e skuadrës. Gjë që lidhet patjetër me mosaktivizimin e tij së pari në skuadrën ku luan, Frankfurti, dhe mungesën në kampin kuqezi prej disa ndeshjesh. Konfuz në veprimet sulmuese rezultoi edhe Florian Myrtaj, i cili në dy-tri raste, nëse do të kishte shpejtësinë dhe nuhatjen e një sulmuesi "race", mund edhe të kishte barazuar. Për sa u takon atyre që e luajtën pjesën e tyre në këtë ndeshje si zëvendësues, mbresëlënëse ishte loja e Shkëmbit, i cili regjistroi të vetmen gjuajtje për të qenë të kuqezinjve në portën polake. Futja e tij në fushë i dha një tjetër ritëm mesfushës sonë, e cila shikoi më shuma nga porta vendëse. Murati, i cili vjen nga një dëmtim i gjatë dhe mosaktivizim me Iraklisin, demonstroi defiçenca në lojën e tij, jo vetëm në aspektin fizik, por edhe të fantazisë në veprimet individuale, që e dallojnë këtë futbollist nga të tjerët. Me nota pozitive duhet vlerësuar edhe minutazhi që luajti Altin Haxhi, i cili mbetet një "violinë e parë" për trajnerin Brigel, pavarësisht viteve që ka mbi shpatulla. Zëvendësuesi i Myrtajt, Edmond Kapllani, nuk la ndonjë shenjë në këtë ndeshje, duke mos përbërë aspak "kërcënim" për të zënë vendin e titullarëve të tjerë në këtë repart, si Tare, Bogdani, apo edhe Bushi e Rraklli. Të tjerët, Sina dhe Lici në mesfushë, nuk patën aq kohë në dispozicion sa për ta treguar veten.
Pra, nisur edhe nga këto vlerësime individuale të futbollistëve që luajtën dje, duket se testi-Poloni para ndeshjeve me Gjeorgjinë dhe Danimarkën, ka rezultuar pozitiv për Brigelin. Të besuarit e tij, kush më pak e kush më shumë, kanë treguar se nuk e kanë lëshuar veten, pavarësisht përfundimit të një sezoni të gjatë dhe të ngarkuar futbollistik. Pavarësisht se kanë humbur, dje, ata kanë luajtur mirë. Nga ajo që dha në këtë miqësore, në pamje të parë, duket se skuadra jonë përfaqësuese ra në sy për mirë. Pa u verbuar nga humbja e ndeshjes, mendojmë se trajneri Brigel tashmë po nxiton të riparojë disa mangësi serioze, që kuqezinjtë i paraqitën dukshëm në ndeshjet paraardhëse me turqit dhe grekët. Duke pasur parasysh se në ndeshjet zyrtare të radhës do të kemi edhe Taren me Bogdanin në sulm, apo edhe ndonjë titullar të përhershëm kuqezi, që dje mungoi, shpresojmë që kombëtarja jonë të zhvillojë sërish ndeshje me nivel, të paktën në shtëpi me Gjeorgjinë. Kësaj here jo vetëm për rezultatin teknik të ndeshjes, por edhe për tifozët e shumtë kuqezinj, që s'mund ta shohin nga afër më 4 qershor, pasi jemi të dënuar nga UEFA.

--------------------------------------------------------------------------------------------------------

Nr.2

Trajneri i kombëtares sonë, hans Peter Brigel, vlerëson lojën, por kritikon ekipin për golin e pësuar

Brigel: Shpërdorojmë shumë para portës

I mërzitur ka qenë dje pas takimit me Poloninë trajneri i kombëtares shqiptare, Hans Peter Brigel. Më shumë se te loja, gjermani e ka pasur mendjen tek goli që pësoi skuadra dhe që u dha fitoren polakëve në miqësoren e djeshme. Sipas tij, gabimi i bërë dje, kur skuadra u ndëshkua që në fillim, është bërë edhe më parë në ndeshjen me Turqinë. "Nuk jam aspak i kënaqur në fund të kësaj ndeshjeje. Kjo sepse humbëm ndaj një skuadre të mirë, por që nuk e meritonte sot që të fitonte. Futbollistët tanë humbën shumë raste për gol para portës së polakëve. Nuk jam aspak i kënaqur edhe me faktin që pësojmë shumë shpejt gol. Kjo është e pakonceptueshme. Nuk është hera e parë që ndëshkohemi kështu. Kaq shpejt kemi pësuar gol edhe në ndeshjen e Turqisë, gjë që nuk është aspak normale," ? është shprehur dje në konferencën e shtypit gjermani kuqezi.
Gjithsesi, Brigeli dukej se kishte mbetur disi i kënaqur nga loja që ka zhvilluar skuadra e tij në takimin e djeshëm me Poloninë. Sipas tij, vetë fakti që skuadra pati raste për shënim, tregoi shumë në fund të ndeshjes. "Nuk e meritonim të humbisnim në këtë takim. Një barazim do të kishte qenë i pranueshëm për të dy palët. Gjithsesi, plani ynë për të marrë diçka nga ky takim nuk u realizua dot. Megjithatë, mendoj se në tërësi luajtëm mirë dhe e dominuam për mjaft minuta lojën, edhe pse nuk arritëm të shënonim dot një gol, që do të na kishte dhënë barazimin dhe më pas ndoshta edhe diçka më shumë. Edhe kundërshtari nuk ishte në ditë të mirë, fakt nga i cili nuk arritëm të përfitojmë. Rrjedhimisht, u mundëm dhe nuk kam ç'të them gjë tjetër, veçse të uroj kundërshtarët dhe të përgatis ekipin për ndeshjen e ardhshme, që do të luajmë pas pak ditësh në Tiranë," ? ka përfunduar gjermani.

--------------------------------------------------------------------------------------------------------

Nr.3

Mesfushori i kuqezinjve flet përmes linjës telefonike pas ndeshjes miqësore me Poloninë

Klodian Duro: Nuk e meritonim humbjen

Në kampin kuqezi nuk është se e kanë përtypur humbjen e fundit që skuadra bëri me kombëtaren polake dje në Pogon. Një nga ata që ka luajtur shumë mirë është edhe mesfushori i kuqezinjve Klodian Duro. Ky i fundit ka zhvilluar dje në Pogon të Polonisë një ndeshje shumë të mirë, madje duke pasur edhe disa raste për shënim, por pa mundur të shënojë një gol, që për të gjithë skuadrën do të kishte qenë shumë i vlefshëm. Vetë Duro, pas ndeshjes, është shprehur se jo vetëm ai, por e gjithë skuadra nuk e përtyp dot një humbje me një gol në minutën e parë të lojës. "Të them të vërtetën, jo sepse luajta, por nuk e merituam humbjen. Pësuam një gol që në sekondat e para që, për mendimin tim, mund të evitohej. Nuk e di, por po na bëhet si sëmundje pësimi i golave që në minutat e para të lojës. Të gjithë pas ndeshjes këtë thamë, madje tani duhet të mundohemi të mos goditemi më në këtë mënyrë, pasi nuk është e drejtë të humbasësh për një episod," ? është shprehur dje Duro.
Ndërkohë, mesfushorii krahut të djathtë të kuqezinjve ka folur edhe për ndeshjen në përgjithësi. Sipas tij, ndeshja në Czescin ka qenë një takim që ka vlejtur për të gjithë. "Të gjithë e kemi parë veten tonë para takimeve që kemi tani e tutje. Treguam se jemi në gjendje të mirë, paçka se nuk ishim të gjithë. Trajneri pa edhe ata futbollistë që kanë qenë të dëmtuar dhe që nuk kanë luajtur me skuadrat e ture," ? ka pohuar dje elbasanasi.
Duro ka shtuar nëpërmjet telefonit se ekipi ynë nuk e meritoi humbjen. "Skuadra në përgjithësi luajti mirë dhe ne nuk e kemi merituar aspak humbjen. Luajtëm shumë mirë, duke pasur edhe raste për shënim. Gjithsesi, vazhdojmë të dënohemi nga fati dhe golat që pësojmë që në fillim".
Duro ka hedhur sytë edhe në ndeshjen e radhës që skuadra jonë do të zhvillojë të shtunën e ardhshme me ekipin e Gjeorgjisë dhe më pas me Danimarkën në Kopenhagen. Sipas Duros, skuadra jonë ka dalë nga lufta për një vend në botëror. "Ndaj Gjeorgjisë do të luajmë pa tifozë dhe kjo do të jetë një minus i madh për ne. Aktualisht duhet të paraqitemi sa më mirë. Për mendimin tim, skuadra duhet të synojë vetëm tri pikët. Vetëm kështu mund të gëzojmë të gjithë ata që nuk do të jenë në stadium këtë herë. Për sa i përket Danimarkës, them se duhet të luajmë një herë me Gjeorgjinë dhe më pas të shohim," ? ka mbyllur deklaratën e tij mesfushori i kombëtares sonë, Klodian Duro.

-------------------------------------------------------------------------------------------------------

Nr.4

Kuqezinjtë, pavarësisht se kanë humbur 1-0, kanë bërë një figurë të mirë në miqësoren e djeshme

Polonia, testi gjeneral para Gjeorgjisë

Poloni - Shqipëri 1-0
Polonia
1.Boruc
2.Baszczyñski (Kaczorowski 86')
3.Blos
4.Bosacki,
5.Kiezbowicz (Karwan 46')
6.Kosowski (Stolarczyk 46')
7.Radomski (Zieñczuk 75')
8.Sobolewski
9.Krzynowek
10.Zhurawski (Slusarski 63')
11.Frankowski (Niedzielan 46')
Trajner: P.Janas

Shqipëria
1.Hidi
2.Dallku
3.Osmani
4.Çipi
5.Aliaj (Haxhi 73')
6.Hasi (Lici 85')
7.Lala
8.Skela (Shkëmbi 65')
9.Duro (Sina 78')
10.Dragusha (Murati 46')
11.Myrtaj (Kapllani 46')
Trajner: H.P.Brigel
Shënues: Zhuraski 1'
Gjyqtar: Mikael Veiner (Gjermani)
Karton i verdhë: Aliaj

1'- Pas 30 sekondave, polakët shënojnë golin e parë. Skuadra jonë humbet topin në mesfushë, pas një anësoreje të gabuar të Dallkut. Frankovski merr një top ecën përpara kombinon me Zhuraskin. Ky i fundit kalon pa problem mbrojtjen tonë dhe me qetësi shënon golin e parë të takimit.
6'- Çipi ndërhun keq dhe goditje dënimi për polakët. Gjuan Krzynovski, por pret i sigurt Hidi.
9'- Rasti i parë për tanët. Aliaj hedh një top të gjatë për Myrtajn, që pason menjëherë tek Duro. Ky i fundit godet por pa shumë pretendime.
15'- Duro mer krahun e djathtë. Gjuan afër portës polake, por vetëm jashtë.
16 - Sobolevski merr një top të gjatë, hyn në zonë, por Osmani e kalon topin në goditje këndi në momentin kur polaku kërkonte të godiste portën.
19'- Kosovski merr një top nga e majta, kalon Aliajn, pason në qendër për te Frankovski, që gjuan menjëherë por pret i sigurt Hidi.
20'- Sulm për tanët. Skela arrin të dalë para portierit kundërshtar. Kërkon të shënojë, duke kaluar topin poshtë këmbëve të portierit polak, por Boruc pret pa probleme.
27'- Hasi jep një top të gjatë nga mesfusha për Myrtajn. Sulmuesi ynë vetëm për vetëm me një mbrojtës polak, godet, por topi kthehet sërish tek ai. Myrtaj pason tek Dragusha, që gjuan menjëherë, por jashtë kuadratit të Borucit.
29'- Myrtaj zbulon bukur Duron. Mesfushori kroson menjëherë për tek Dragusha. Këtë herë, kosovari nuk godet por kërkon të kalojë një top mbi kokën portierit polak. Por Buruk, i vëmendshëm, pret pa probleme.
30'- Kombinim Skela-Myrtaj. Vlonjati, në zonë, nuk godet, por preferon të pasojë për Myrtajn, që gjuan, por topi kapet nga portieri polak.
37'- Duro merr krahun e djathtë, pason në qendër për Skelën. Mesfushori ynë që luan në kampionatin gjerman vonohet, duke u dhënë mundësi polakëve të spastrojnë zonën.
39'- Insistim i gjatë i tanëve para zonës polake. Lala pason bukur për Myrtajn, që gjendet i vetëm para portierit Boruc. Vlonjati gjuan dhe topi ndalon në rrjetë. Por për gjyqtarët goli është i pavlefshëm, pasi Myrtaj është konsideruar në pozicion jashtë loje. 43'- Kryznovek pason bulur për Frankovskin. Sulmuesi polak rrotullohet bukur, kalon bukur Çipin, gjendet para portës sonë, godet, por jashtë kuadratit të Hidit.
46'- Pjesa e dytë fillon sërish me një rast për polakët, por që nuk finalizohet nga Niedzelan.
53'- Karvan kalon Çipin, kroson nga krahu i djathtë për në qendër. Zhuraski godet me të parën nga 20 metra, por jashtë porte.
57'- Duro insiston gjatë në krahun e djathtë, futet në zonë, por rrëzohet. Për gjyqtarin gjerman gjithçka e rregullt, edhe pse elbasanasi pretendon për 11-metërsh.
65'- Radmoski gjuan nga larg, por vetëm jashtë porte.
66'- Kundërpërgjigjen kuqezinjtë. Kapllani merr një top del i vetëm para portierit polak, por në momentin final shtyhet nga Klos dhe Boruk zotëron topin.
68'- Shkëmbi, i sapofutur në fushë, provon me një gjuajtje nga 25 mertra. Por Boruc, i vëmendshëm, e pret gjuajtjen e Shkëmbit.
70'- Goditje këndi për kuqezinjtë. Hasi kroson për Kapllanin, por Boruk grushton, duke spastruar zonën.
78'- Niedzelan kroson në qendrën e zonës tonë për Slusarsin. Gjithsesi, ky i fundit nuk godet dot, pasi krosi nuk është i saktë. 81'- Rast për tanët. Kapllani pason për te Shkëmbi, që godet menjëherë, por grushton Boruc. Murati, pak hapa larg portës, godet, por më parë anësori ngre flamurin, duke e zënë mesfushorin tonë në pozicion jashtë loje.
88'- Goditje këndi për tanët. Kroson Shkëmbi, por Klos spastron zonën.

-------------------------------------------------------------------------------------------------------

Nr.5

Janas: Shqipëria, skuadër e fortë

Menjëherë pas ndeshjes Poloni?Shqipëri ka folur edhe trajneri i kundërshtarëve tanë, Pavel Janas. Sips njëshit të stolit polak, skuadra e tij nuk është se ka zhvilluar ndonjë ndeshje të mirë dje në Pogon. "Përgjithësisht ishte një ndeshje dhe lojë e hapur. Gjithsesi, nuk është se kemi luajtur shumë mirë. Në rast se në ndeshjen me Azerbajxhanin luajmë kështu si sot, nuk besoj se kemi shumë shanse për të fituar. Pashë që në fushë nuk kishim ndonjë lojtar që të frymëzonte ekipin. Mungonte motivimi i përgjithshëm, ndoshta ngaqë tashmë jemi në fund të sezonit futbollistik. Nuk mund të them se Shqipëria është më e fortë se Azerbajxhani. Gjithsesi, them se skuadra shqiptare është e fortë dhe në përgjithësi luajti mirë. Kundërshtarët tanë dinin të luanim mirë edhe pa top, çka dëshmon për përpjekje serioze që ka bërë trajneri i tyre. Them se në përgjithësi ishte një ndeshje miqësore e mirë, por e fituar me meritë nga skuadra jonë," ? ka përfunduar trajneri polak Janas.

---------------------------------------------------------------------------------------------------

Marrë nga www.sportishqiptar.com.al

[zeus]

------------------------------------------------------

- Kohet e fundit emri juaj është bërë i njohur në mediat Europiane ,sidomos në ato suedeze, pasi golat qe juve keni shenuar kane bere jehone deri ne Shqipëri. Mund te na tregoni me shume, kush është Jetullah Bahtiri, dhe nga jeni?

- Quhem Jetullah Bahtiri, por të gjithë më thrrasin Toni. Jam i lindur në fshatin Lisicë e cila gjindet në afërsi të Mitrovicës. Në vitin 1992 kur kam qenë 3 vjeçar kam ikur se bashku me familjen prej Kosoves, dhe kam ardhur në Suedi me prindërit e mi, vëllain dhe motren. Kur kam qenë 11 vjeçar fillova të luaj futboll me një ekip këtu në Trelleborg.

- Ju thate qe keni nisur futbollin në vitin 1999, ka qenë ndonje anëtar i familjes qe të ka shtyre të merresh me futboll?

- Po, pikerisht ka qenë djali i hallës sime.

- Ka pas ndonje arsye të veçantë qe ti ke pritur aq shumë?

- Them se po pasi futbolli nuk më ka pelqyer aq shumë dhe nuk e kam njohur sportin aq mirë në fillim.

- Por ekipi i parë cili ka qenë?

- Ekipi im i parë ka qenë Trelleborg FF

- Futbolli tani është diçka qe të pelqen apo ka ndonje arsye tjeter qe te shtyn te luash futboll?

- Natyrisht qe nga viti ne vit mua futbolli më pelqen më shumë, dhe kur jam njohur me mirë me sportin, kam kuptuar, qe ka edhe mundësi të fitosh para duke luajt.

- Ende je në ekipin e Trelleborgut, por tani je edhe në ekipin e pare. Si po kalon?

- Dua të thëm se po kaloj mirë, është më e veshtire se të luash me shpresat, por në ekipin "B" deri tani po shkojn punët shumë mirë,dhe vetem po pres shansen per te luajtur në ekipin "A".

- Je sulmues, por në kohen e fundit ke luajtur edhe në mesfushë? Ku të pelqen më se shume?

- Kam mundësi qe te luaj ne te dyja pozicionet ,veçanerisht si mesfushorë i krahut. Por tani trajneri më sheh si sulmues dhe ky rol më pelqen.

- Në Trelleborg je i bashkuar me disa Shqiptarë të tjerë si: Fisnik Shala, Alban Jusufi, Haris Berisha dhe Xhezair Idrizi. Takohesh me bashkëatdhetarët rregullisht,dhe cilin do te donit më shume si bashkëlojtar?

- Normalisht me Alban Jusufin kaloj shumë kohe, pasi të dy stervitemi me ekipin "A". Të gjithë jane bashkëlojtar të mirë, mirëpo Haris Berisha është një mik dhe një lojtar qe i kalon të gjithë. Mendoj qe ky djalosh është më i miri si bashkëlojtar qe e kam patur deri tani.

- Në kohen e fundit jeni aktivizuar në kombëtaren suedeze (U17), ç´fare do te na thoni për ketë?

- Më pelqen qe kam pasur shansin të tregoj veten jashtë kufirit të Suedisë.

- Keni debutuar kunder Polonisë, keni pasur ndonje ndenje të veçantë kur jeni futur në fushë?

- Patjeter, eshte nje ndjenje e veçantë te perfaqësosh një shtet.

- Loja perfundoj me fitoren suedeze. juve keni shenuar tre gola, keni qenë i kënaqur me debutimin?

- Po, si jo mbasi fituam 4-1 dhe kam shenuar 3 golat e parë, shumë i kënaqur kam qenë. Para lojes kam patur deshirë te shenoj nje gol, por punet shkuan më mirë se sa une parashikova.

- Emri juaj menjehere pas ndeshjes u bë i njohur, thuhet edhe qe keni pasur kontakte me disa klube jashte Suedisë, është e vertet?

- Po është e vertet qe kam pasur kontakt me ekipe nga Europa.

- Ndonje emer të veçantë?

- Juventusi më ka kerkuar...

- Të kane kontaktuar personalisht, apo e keni degjuar këtë nga media?

- Më ka bërë një "agent" i Juventusit një telefonatë, nuk dua të futem aq thelle në ketë çeshtje por mund të them se më ka kerkuar ta gjej një agent personal dhe te nisem për Itali, të luaj në "provë" me Juven.

- Dhe si jeni përgjigjur juve?

- Përgjigja ka qenë qe unë ende jam i ri dhe dua ta perfundoj gjimnazin para se të levizi, dhe Juventusi më kerkoj të shkoj për të luajt me Shpresat, jo me ekipin e pare.

- Por të themi se do te ju kerkoje një ekip më i vogel,atehere si do ti pergjigjeshit?

- Nuk e di, deshira ime është qe të luaj në ekipin "A" të Trelleborgut dhe të kem sukses në Suedi dhe tani nqs. Do te kem fat, dhe nqs. kam ndihmen e Zotit do të shkoj në një ekip më të madhë.

- Përndryshe si e parashikoni të ardhmen e Trelleborgut, kryesoni tabelen në ligen e dytë të Suedisë, dhe po kaloni një formë të shkelqyer. Do të luash në ligen e parë vitin e ardhshem?

- Nuk e di çfare të them, shpresoj për më të mirën, pastaj shikojmë si do shkojne punët..

- Të flasim prap për të kaluaren tënde, keni ardhur në Suedi i vogel. Keni vizituar Kosoven pas lufte?

- Natyrisht..

- E sheh Kosoven si shtepi, apo si vend ku jeni turist?

- Jo jo patjeter qe e shoh si vendin timë dhe një ditë të bukur do të kthehem për gjithmonë..

- Por futbollin Shqiptar, e përcillni? Kombëtaren p.sh.?

- Sa kam mundësi, në TV i shikoj ndeshjet e kombëtares..

- Në muajin e kaluar ekipi U19 e Shqipërisë jane nisur për Serbi dhe Mal të Zi për të luajt kualifikimin Evropian. Ndoshta do të kishte pëlqyer më shumë të debutoje në kombëtare aty dhe jo në Poloni?

- Haha...nuk di çka të thëm. Po patjeter qe do te më kishte pëlqyer më shumë të shenojë 3 gola kunder Serbisë se sa kundra ndonje ekipit tjeter...

- Kemi pas nevojë, Serbia na gjunjëzoj dhe na mundi 7-1 edhe pse talentat Shqiptar nuk mungojnë në Evropë. Por shumë jane në Diasporë dhe i perfaqësojnë shtete te tjera. A mendoni qe juve do kishit pranuar një ftesë për kombëtaren Shqiptare?

- Nuk e di, jam ende shumë i ri dhe kam nevojë qe ta tregoja veten ne ekipet e mëdha në Evropë. Do doja qe te rritem me nje ekip te madh, me një kontratë të mirë, atehere patjeter qe e kisha pranu ketë ftesë

- Por ju kurrë nuk keni pas kontakt me FSHF-në?

- Jo...

- Dua të ju tregoj për dy Shqiptar, ndoshta i njihni. Lorik Cana dhe Valon Behrami, të dy jane si ti të lindur në Kosovë. Cana ka luajt në PSG kurë i ka ardhur ftesa për kombëtaren franceze dhe atë të Zvicrrës. Por Cana nuk i pranoj dhe kontaktoj me FSHF:it dhe ju tregoj qe ka deshirë ta përfaqësojë Shqipërinë. Ndersa Behrami i cili luante tek Verona ka qenë i deshiruar nga Juventusi, Tottehami dhe te tjerë, ka thënë se dua ta përfaqësojë Shqipërinë para Zvicrrën. Por në fund e ka zgjedhur Zvicrrën me shpjegimin qe me helvetet mundë të luaje më shumë në botërorin dhe kampionatin Europian. Ç'thua ti për ketë?

- Hmm, nuk e di, Cana ka luajtur në një ekip të madhë ku ka patur mundësi të prezantohet më mirë ndersa unë tani për tani nuk e di si do kisha bere se nuk jam i afirmuar. Po patjeter qe nese do te kisha luajtur për Kombetaren atehere kisha luajtur me gjithë zemer, ndërsa për tjeter vend do te kisha luajtur vetem per te treguar veten.

- Ok, dua të tregoj qe Cana ka luajt kunder kampionatit të Evropës, Greqisë në Tiranë dhe pas fitores së madhe të kombëtares sonë se bashku me mijëra Shqiptare ne Prishtinë, Mitrovicë, Shkup, Tiranë dhe në anembanë boten kane vallezuar tërë naten. Ndersa Valon Behrami u demtua rëndë dhe ende nuk është kthyer në maksimumin...

- Tani kalojmë tek pyetjet të shkurta, Mitrovica apo Trelleborgu?

- Aty ku e kam familjen, aty dua të jem edhe unë

- Champions League me Juventusin, apo në kampionatin botëror me fanellen kuqezi?

- Me fanellen kuqezi në kampionatin boteror.

- Cili ekip ju pëlqen më shume?

- Real Madridi dhe Kombëtarja Shqiptare.

- Të shenosh në Beograd apo të çosh Trelleborgun në ligë të parë?

- Pse jo të dyjat?

- Deshira e madhe në fushen e futbollit?

- Te shenoj gjithmone per skuadren time.

- Toni Bahtiri dhe Haris Berisha në kombëtaren Shqiptare apo Toni Bahtiri dhe Zllatan Ibrahimoviq në Juventus?

- Toni Bahtiri dhe Haris Berisha në Shqipëri patjeter.

- Se fundi, ku është Toni Bahtiri pas 10 viteve?

- Aty ku deshiron Zoti.

- Atehere ju falenderojmë qe gjetet kohë per kete interviste, dhe në emer të gjithë Shqiptarëve ju urojme suksese me futbollin.
Mirëupafshim në Kosovën e pavarur, dhe te shënosh gola per ngjyrat kuq e zi!

Mirëupafshim..

------------------------------------------------------