Kombëtarja Shqiptare - (Lajme)

[Qerim]

Thirrja e Redi Juput eshte nje gje me mend e Brigelit. Ishalla i kane edhe atij ardhe mendte ne koke.

Forca Shqiperia !!!

[Iliriani]

Briegel: Ja Shqiperia ndaj Turqise e Greqise
E Diele, 20 Mars 2005
Bledar KUKA

Redi Jupi eshte rikthyer ne kombetaren shqiptare, per ndeshjet eliminatore te Kampionatit Boteror 2006, ndaj Turqise e Greqise. Kjo eshte risia e vetme e trajnerit kuqezi, Hans-Peter Briegel, ne listen e lojtareve qe do grumbullohen per takimet e 26 e 30 marsit, shpallur dje pasdite. Gjermani nuk ka lene jashte dy sulmuesit qe luajne ne Shqiperi, si Rraklli e Bushi (per me teper, ata shenuan dje), ndersa vazhdon te mos therrase as Fatmir Vaten dhe as Skerdi Currin. Portieri Foto Strakosha eshte thirrur, madje ne listen e botuar ne adresen zyrtare te FSHF-se, ai mbante numrin 1, por sipas marreveshjes te arritur ne javen e pare te marsit, Strakosha duhet te jete i gatshem vetem ne rast nevoje.

Portieri tjeter Beqaj nuk eshte thirrur, pasi nje dite me pare, FSHF njoftoi se ai kishte gruan te semure dhe duhej t'i qendronte prane. Ne ndeshjen e fundit ndaj Ukraines, Beqaj nuk ishte as ne stol, ndersa u perfol per nje ftohje te tij me trajnerin Briegel. Beqaj, madje u shpreh se "ndoshta duhet te qendroj rezerve qe te luaj per Shqiperine".

Ne mbrojtje vazhdojne te sundojne lojtare nga kampionati, si Osmani, Dallku e Sina, ndersa rikthehet nga pezullimi Elvin Beqiri, por ne forme shume me te mire eshte Adrian Aliaj, qe ndaj Ukraines luajti i demtuar. Briegel ka pritur deri ne perfundim te ndeshjeve te kampionatit shqiptar dhe me pas ka vendosur ta nxjerre per botim listen e ekipit. Kete e pohoi dje per "Radio +2", Shefi i Sektorit te Ekipeve Kombetare, Besnik Cela. "FSHF, - tha ai, ndersa kthehej nga Fieri ku kishte pare Lushnja-Partizani (1-3), - do flase me Briegelin tani, pas mbarimit te ndeshjeve te kampionatit dhe do te shikojme se kur do te dale lista. Ne te vertete, pjesa me e madhe e lojtareve dihet, por jane 2-3 te tille, qe kane mbetur ne pikepyetje. Ja, kemi marre vesh se Rraklli eshte ne forme te mire dhe madje ka shenuar gol shume te bukur".

Ndersa kjo bisede behej ne oren 16.30, ne ora 17.37 lista e kuqezinjve u botua ne adresen zyrtare te FSHF-se ne internet.

Ja plani i grumbullimit ne Antalya

Kombetarja shqiptare e futbollit do te grumbullohet ne Antalya te Turqise, per dy ndeshjet eliminatore te Boterorit 2006, ne Turqi dhe Greqi. Kete e ka bere te ditur per gazetaret, Shefi i Sektorit te Ekipeve Kombetare, Besnik Cela. "Grumbullimi ne Antalya, - ka thene ai, - do nise me 20 mars (sot) dhe jo me 21 sic ishte parashikuar me pare. Fillimisht, trajneri Briegel do kete ne dispozicion lojtaret e kampionatit shqiptar, ndersa ata qe luajne jashte do vijne nje dite pas ndeshjes te fundit te ekipeve te tyre. Afati i fundit per grumbullim eshte mbremja e se henes (neser). Parashikohet te behen dy stervitje ne dite, ndersa 24 ore para ndeshjes me turqit do behet udhetimi drejt Stambollit". Cela sqaron se ekipi do vendoset ne Hotelin "Seiss", ndersa ndeshja do luhet ne stadiumin "Inonu". Pas ndeshjes te se shtunes, kuqezinjte do kthehen ne Antalya ku do qendrojne edhe 2 dite dhe pastaj do udhetojne drejt Greqise. Ne Athine ata do vendosen ne Hotelin "Mariot", ndersa takimi do luhet ne stadiumin "Karaiskaki" te Pireut.

Nderkaq, pala shqiptare pret pergjigjen greke per te marre 5% te biletave te ndeshjes, qe i ka kerkuar per tifozet kuqezinj. Kjo, sipas medias greke, do te vendoset neser. "Sportime" shkruan se ky numer eshte 1.575 bileta, por federata greke e ka kushtezuar me kthimin e nje borxhi prej 7.000 eurosh. Por, sipas medias greke, tashme ky borxh paska shkuar ne 31.000 euro.

Lista e lojtareve

Portiere: Foto Strakosha (Panionios), Ilion Lika (Dinamo), Isli Hidi (Tirana). Mbrojtes: Tefik Osmani (Elbasani), Suad Lici (Vllaznia), Armend Dallku (Elbasani), Elvis Sina (Tirana), Ardian Aliaj (Oberhausen), Elvin Beqiri (Metalurg Donjeck), Lorik Cana (Paris SG. Mesfushore: Klodian Duro (Arminia Bielefeld), Altin Haxhi (Apollon Kallamarja, Ervin Skela (Arminia Bielefeld), Devis Mukaj (Tirana), Blendi Shkembi (Metalurg Zhaporozhnje), Altin Lala (Hannover 96), Redi Jupi (Diyarbakirspor). Sulmues: Alban Bushi (Dinamo), Florian Myrtaj (Catanzaro), Altin Rraklli (Tirana), Igli Tare (Bologna), Erion Bogdani (Verona).

[tani_26]

PABESIA GREKE.....


Greket u treguan edhe nje here te pabese sepse nuk u dhane bileta shqiptareve ne ndeshjen Greqi-Shqiperi....
Por edhe Federata Shqiptare e Futbolit u tregua e paafte perderisa nuk arriti te siguronte 5% e biletave qe i takonin ne baze te marreveshjes qe kane neshkruar te 2 Kombetaret ne fillim te sezonit.....


Ky eshte publikimi i Federates Greke te Futbolllit.....



[B]Mundial 2006


"Skudra shqiptare e futbollit nuk beri porositjen per biletat e ndeshjes Greqi-Shqiperi dhe per kete arsye Federata Greke e Futbollit vendosi qe 1.500 qe ishin per tifozat shqiptare tu jepen tifozave greke diten e Merkure 23/3/2005.....
Ky numer biletash eshte i barabarte me shumen 5% e cila u perket tifozave te skuadrave mysafire, ne baze te marreveshjes qe u nenshkruajt pas shortit per kualifikimin ne MUNDIAL 2006.
Ne kete marreveshje parashikohet gjithashtu qe porosia e biletave te kryhet e pakta 14 dite para ndeshjes...
Ju kujtojme se cdo tifoz ka te drejte te bleje deri dy (2) bileta. pasi ka treguar me pare pasaporten e tij...."

[zeus]

---------------------------------------------------

Bogdani dhe përfaqësuesja duket se po kalojnë një muaj mjalti. Të paktën kjo është ideja pas dy vjetëve që as nuk grumbulloheshit nga trajneri Brigel?

"Tani ka mbetur gjithçka prapa. Gjërat janë qartësuar dhe unë ndihem mirë këtu në përfaqësuese. E përsëris, ditët me ekipin kombëtar janë të shenjta dhe në planin futbollistik nuk ndërrohen me asgjë".

As me ndonjë ndeshje të rëndësishme të Veronës?

"Verona ka rëndësinë e saj. Skuadra luan për të hyrë në A dhe sigurisht që ka nevojë edhe për mua, por më vjen keq, nuk mund t'i përgjigjem këto ditë, se nuk mund të humbas shansin për t'u aktivizuar me përfaqësuesen".

Sa shanse ka Bogdani të luajë në këto dy sfida. Tare gjithashtu është në një formë të shkëlqyer?

"E vendos trajneri se kush luan e kush jo. Paralelizmi me Taren nuk vlen. Kush njeh futbollin, e kupton se mund të luajmë shumë mirë edhe bashkë. Gjithsesi, është ende herët, ndeshja do ditë të fillojë dhe unë do t'i pranoj të gjitha vendimet e Brigelit".

Përfshi këtu edhe tribunën?

"Pse jo?! Teorikisht nuk ka asnjë arsye që unë të shkoj në tribunë, por për këtë skuadër përfaqësuese nuk do të më vinte keq ta bëja. I dashuroj ngjyrat kuqezi".

Në Greqi flitet se nuk do t'ju ndjekë asnjë tifoz?

"Nuk jam në brendësi të çështjes, por nga media kam mësuar se ka një kontradiktë të madhe në lidhje me biletat. Sigurisht që nuk më vjen mirë. Për ne tifozët janë shumë të rëndësishëm, të barasvlefshëm me lojtarin numër 12, ndërkohë që edhe ne e dimë se sa rëndësi ka një fitore për emigrantët tanë në Athinë e kudo në Greqi. Janë apo s'janë në stadium, do të bëjmë të pamundurën".

Më parë është Turqia?

"Edhe kjo është një sfidë e vërtetë, por më thoni një që nuk është për skuadrën tonë. Nuk ka asnjë ndeshje të lehtë dhe këtë duhet ta kuptojnë të gjithë".

Bogdani te Vijareali, Betis, Bilbao, Sampdoria apo Palermo sezonin e ardhshëm…?

(Qesh). "Edhe unë i lexova gazetat italiane të dielën. Janë vetëm zëra merkatoje. Për momentin dua të shkoj në Serinë A me skuadrën. Më intereson vetëm kjo dhe sigurisht rikonfirmimi me skuadrën përfaqësuese

---------------------------------------------------

[zeus]

------------------------------------------------------------

Risia e listës së trajnerit të kombëtares për dy ndeshjet e fundmarsit, Redi Jupi, nuk do të grumbullohet me ekipin përfaqësues. Këtë fakt e ka bërë të ditur vetë futbollsti shqiptar i Diarbakisporit, i cili këto ditë ndodhet në Tiranë. Jupi është shprehur se po vuan një dëmtim, i cili nuk e lejon të grumbullohet me ekipin kombëtar, që ka filluar dje përgatitjet për sfidën me Turqinë në Antalia.

"Unë nuk do të jem me kombëtaren shqiptare për dy ndeshjet e radhës me Turqinë dhe Greqinë. Kam probleme në gju. Dje bëra edhe rezonancën manjetike në Tiranë dhe doli që kisha një problem në këmbë. Kështu m'u desh t'i përgjigjesha "jo" ftesës së kombëtares shqiptare dhe trajnerit Brigel," - ka pohuar dje Redi Jupi.

------------------------------------------------------------

[zeus]

-------------------------------------------------

Portieri i kombëtares shqiptare, Fotaq Strakosha, ka folur për të ardhmen e tij në kombëtaren e Shqipërisë, për ndeshjen e së mërkurës kundër Greqisë dhe për synimet e Shqipërisë në grupin e dytë eliminator të Botërorit 2006.

- A është e vërtetë që jeni larguar nga kombëtarja shqiptare pas 15 vjetësh?

- Po, është e vërtetë. Kam folur me trajnerin tim dhe i kam thënë së dëshiroja të tërhiqesha, por Brigeli më kërkoi të bashkohesha me skuadrën për dy ndeshjet e ardhshme kundër Turqisë dhe Greqisë për mbështetje morale. Unë do të luaj vetëm nëse portierët e tjerë do të dëmtohen.

- Të mërkurën e ardhshme, Shqipëria do të përballet me Greqinë në stadiumin "Karaiskaqi". Cili është parashikimi juaj?

- Do të jetë një ndeshje e vështirë për Shqipërinë. Sigurisht, favoritë në këtë ndeshje janë grekët, jo vetëm se ata kanë fituar kampionatin europian, por edhe për diferencat në cilësinë e kampionateve përkatëse. Veç kësaj, ne do të kemi shumë mungesa, pasi shumë lojtarë janë të dëmtuar. Sigurisht, askush nuk mund ta parashikojë ecurinë e ndeshjes, pavarësisht diferencave në potenciale. Nëse favoritët do të fitonin gjithmonë, futbolli do të ishte një sport shumë i zbehtë.

- Cili është objektivi i Shqipërisë?

- Pas rezulteteve jo të favorshme që morëm në shtëpi, shanset tona që të përfundojmë të dytët në grup janë eliminuar dramatikisht. Gjithsesi, filozofia jonë është që të mos lëshojmë pe deri në fund.

- Së fundi, një mesazh për njerëzit që do të jenë në stadiumin "Karaiskaqi" gjatë ndeshjes Greqi-Shqipëri?

- Futbolli është një sport popullor që shkakton reaksion te masat. Dhe ne, lojtarët, fokusohemi në lojën tonë dhe përpiqemi të luajmë më mirë. Njerëzit duhet të shkojnë në stadium, të shijojnë ndeshjen dhe të brohorasin lojtarët.

-------------------------------------------------

[zeus]

----------------------------------------------------

Ndër të fundit që i është bashkuar kombëtares shqiptare në hotelin "Top Kapi" të Kemerit, ku po zhvillon grumbullimin para ndeshjes së 26 marsit me Turqinë, është mesfushori shqiptar i Paris SG-it, Lorik Cana. Ky i fundit, përmes një bisede telefonike, është shprehur se fakti i të konsideruarit të Shqipërisë "autsajder" në këto dy ndeshje nga kundërshtarët duhet shfrytëzuar në maksimum.

"Pas dy humbjeve që pësuam në fushën tonë, ky është treni i fundit i Shqipërisë për t'i mbajtur gjallë shpresat e kualifikimit. Humbja në Tiranë me Ukrainën, mendoj unë, nuk është se i ka bërë gjërat të pamundshme, por vetëm se ato janë vështirësuar ndjeshëm. E vetmja mundësi për t'i përmirësuar gabimet nga këto dy ndeshje të humbura në shtëpinë tonë është të arrijmë rezultate sa më të mira në Turqi dhe Greqi. Personalisht shpresoj për katër pikë, ndonëse edhe dy barazime nuk do të ishin keq. Vetëm kështu mund të shpresojmë të mbetemi pretendentë për t'u kualifikuar. E di se këto janë ndeshje shumë të vështira për të marrë pikë, por kjo është alternativa jonë. Ne jemi "autsajder", ata janë favoritë. Këtë gjë duhet ta shfrytëzojmë në maksimum. Turqia dhe Greqia duhet t'i fitojnë se s'bën ndeshjet me ne, ndryshe çdo rezultat tjetër do të ishte fatal për kundërshtarët në fjalë. Duke gjykuar kështu, them se kombëtarja jonë duhet të jetë më e çliruar psikologjikisht dhe nga tensioni i fitores me çdo kusht të vendësve, çka mund t'i japë atë që dëshiron në këto dy sfida të vështira," - ka pohuar nga Antalia nëpërmjet celularit të tij Lorik Cana.

Ai shtoi se Turqia, me rezultatet e fundit negative, kërkon ta përmirësojë imazhin dhe njëkohësisht të zbresë në renditje ekipin shqiptar, si një rival të momentit.

"Të dyja ndeshjet janë të vështira, sidomos ajo në Greqi, pas fitores që arritëm ndaj tyre në Tiranë. Ata do të mundohen ta kthejnë rezultatin, të hakmerren në njëfarë mënyre për atë që u shkaktuam në Tiranë shtatorin e vitit të kaluar. Me një fjalë, do të bëjnë çmos për të fituar ndaj nesh jo vetëm për të marrë 3 pikët, por edhe për t'i gëzuar tifozët e tyre. Nga ana tjetër, edhe ne do t'i luajmë të gjitha kartat. Besoj se ky është shansi ynë, prandaj nuk kemi çfarë të humbasim. Ata do të hyjnë me mendje te fitorja, ndërsa ne me kokë të ftohur. Para kësaj, është shumë i rëndësishëm një rezultat i mirë në Turqi, që do të na jepte mundësi më tepër për t'u përgatitur për atë ndeshje, pasi është fjala edhe për vullnet e moral," - nënvizoi lojtari me numër pesë i kuqezinjve.

I pyetur për dy ndeshjet e fituara me Turqinë, në fushën e kësaj të fundit, Cana ka pohuar: "Ndeshjet e fituara më parë me turqit nuk duhet të merren parasysh, sepse kanë qenë shumë kohë më parë dhe kanë qenë miqësore. Por për mua do të jetë interesante, sepse në të gjitha ndeshjet ne e kemi udhëhequr lojën, kurse tani kundërshtari duhet ta udhëheqë lojën, ndërkohë që ne duhet të shfrytëzojmë rastet e krijuara.

Për një kthim të mundshëm të tij në mbrojtje, Loriku shton: "Nuk e kam menduar fare këtë gjë. E di se kemi mungesa në mbrojtje, por unë jam këtu për t'i shërbyer kombëtares, kudo ku ajo ka nevojë. Nëse trajneri mendon ashtu, jam i gatshëm. Nuk është hera e parë që kam luajtur në mbrojtje. Këtë detyrë e kam bërë edhe në ekipin tim, ndonëse roli im është mesfushor."

----------------------------------------------------

[zeus]

--------------------------------------------------------------------

Veterani i portës kuqezi do të ketë të veshur fanellën me numrin 12 kur të zbresë në fushën e stadiumit “Inonu” të Stambollit. Siç duket trajneri Brigel nuk resht së surprizuari shqiptarët në prag të ndeshjeve. Kështu, mësohet se ai ka vendosur që t’ia besojë sërish vendin midis dy shtyllave, portierit 39-vjeçar, cili vetëm tre javë më parë kishte deklaruar tërheqjen nga përfaqësuesja e Shqipërisë. Trajneri gjerman kishte në mendje të emronte Arjan Beqajn si zëvendësin e Strakoshës, por portieri kosovar ka prishur planet e tij. Pasi mori thirrjen e kombëtares, ai deklaroi se nuk do të bashkohej me grupin, pasi doktorët e kishin këshilluar të qëndronte pranë gruas, e cila pak ditë më parë ka sjellë në jetë një vajzë. Pra, Beqaj refuzoi, ndërkohë që vetëm tri ditë më parë ai, në një prononcim të tijin për shtypin shqiptar deklaroi se do të sakrifikonte dhe do të vihej në dispozicion të kuqezinjve.

Mirëpo, kjo gjë nuk u mor parasysh nga stafi teknik i skuadrës, që kishte marrë me vete në Turqi tre portierë dhe nuk mund të kthente në shtëpi njërin nga portierët. Pas kësaj të gjithë menduan se në vendin e Strakoshës do të luajë Ilion Lika, zëvendësi natyral i tij. Portieri i talentuar dinamovit prej vitesh është grumbulluar rregullisht me kombëtaren dhe të gjithë menduam se pas tërheqjes së Strakoshës dhe me mungesën e Beqajt, do të ishte ai njeriu që do të bëhej numri një. Edhe pse Strakosha u tërhoq, Brigel i kërkoi të ishte pranë skuadrës për këto dy ndeshje. Prania e tij u argumentua me faktin se eksperienca e tij do të ishte një plus në planin moral për grupin e kuqezinjve. Por me sa duket tekniku gjerman ka frikë t’i besojë portën Likës dhe do të hedhë në fushë si titullar Strakoshën ndaj Turqisë, duke i dhënë atij fanellën me numrin 12. Ka gjasa që edhe në ndeshjen ndaj Greqisë, një takim mjaft delikat do të jetë pikërisht ai, portieri që do të mbrojë portën kuqezi.

--------------------------------------------------------------------

[miko]

FSHF "braktiset" nga FIFA




Federata Shqiptare e Futbollit, e vetme me shpatulla pas murit për punën e biletave të mohuara nga Federata Greke e Futbollit. Kështu, dy ditë pas protestës së FSHF?së në FIFA, kjo e fundit dje ka dërguar në federatë përgjigjen në lidhje me protestën që federata jonë ka dërguar ditën e hënë. Sipas komunikimit zyrtar, FIFA i është përgjigjur federatës sonë, duke thënë se për protestën e saj nuk mund të bëjë dot asgjë. Sipas drejtuesve të FIFA?s, mosmarrëveshja mes federatës shqiptare dhe asaj greke nuk mund të zgjidhet nga FIFA. Ky insitucion nuk ka asnjë kompetencë për këtë çështje. Kjo sepse ekipet kanë nënshkruar një memorandum mes tyre dhe jo në prani të FIFA?s. Kështu edhe çështja e 5-përqindëshit të biletave është problem midis dy federatave. FIFA gjithashtu ka këshilluar federatën tonë që të mundohet që çështjen ta zgjidhë me gjuhën e dialogut. Gjithsesi, duket se kjo rrugë nuk llogaritet më, pasi palët tashmë i kanë konsumuar pothuajse të gjitha rrugët. Federatës sonë, për të kërkuar të drejtën i mbetet vetëm një rrugë: hedhja në gjyq e Federatës Greke të Futbollit për çështjen e biletave. Këto të fundit tashmë janë qarë nga FSHF?ja, që edhe një herë ka marrë një goditje të rëndë nga grekët, të cilët vazhdojnë të tregohen të ulët, duke i trajtuar shqiptarët me përbuzje.




Biletat e shqiptarëve u shiten grekëve



I kanë quajtur "Letra Magjike". Në fakt janë biletat që u takonin shqiptarëve. U tha se u shitën në një kohë rekord. Do të ishte e turpshme t'i përmendje sadopak e jo më të bëje propagandë me një veprim tërësisht antihuman. Të paktën biletat që u takonin shqiptarëve, u duheshin dhënë atyre. Por nuk ndodhi kështu. "Në më pak se 2 orë u zhdukën biletat, që nxori në shitje EPO për ndeshjen me Shqipërinë. Qysh herët në mëngjez ishin krijuar radhë të gjata jashtë sportelit në sheshin "Korai" në qendër të Omonias dhe 1500 letrat magjike që nuk morën shqiptarët u dukën të pakta për nevojat e tifozërisë greke". Sikur të mos mjaftonte ky njoftim, që i jepte fund çdo shprese të shqiptarëve për të parë nga afër ekipin e tyre, në një sajt tjetër shkruhet: "Nga EPO-ja u deklarua se u shitën të biletat që u hodhën në treg në sportelin e Athinës. Dhe shitja e tyre u bë siç pritej, qetësisht". Për këtë federata falënderon popullin edhe për entuziazmin në prag të ndeshjes me Shqipërinë më 30 mars. Ndërkohë, po kjo federatë u kujton njerëzve të vet, që të mos mbeten vende bosh, por të plotësohen ato që kanë lënë kundërshtarët e biletave?! Me siguri që në këtë federatë duhet të kenë shkuar me dhjetëra kërkesa nga shqiptarë të ndryshëm. Patjetër që ajo është informuar se shumë shqiptarë edhe pse e kanë ditur që nuk mund të marrin biletë kanë ndenjur pranë sporteleve me shpresë se dikush do të kujtohet edhe për ta. Por më kot. Dhimbja e tyre shpirtërore për të parë kombëtaren kuqezi, greqisht është përkthyer si mosdashje



Marrë nga www.sportishqiptar.com.al







Kot fare Fshf-ja.....

Ato punë duheshin sqaruar me "kolegen" e saj.....biles me kohë dhe jo ditët e fundit

Pse më ngjan mua sikur ti kenë "rregulluar" punën dy Federatat në të tillë mënyrë që të evitojnë incidente të mundshme....

Gjithë veprimet qesharake të Federatave këto ditë mua këtë përshtypje më japin...



Suksese Kombëtares në këto dy ndeshje të vështira...

[zeus]

-------------------------------------------------------

Sapo pashe se ndeshja Turqi-Shqiperi do te transmetohet direkt ne faqen:

.

megjithese nuk e di si do jete nga ana cilesore!



-------------------------------------------------------