Kombëtarja Shqiptare - (Lajme)

[Pasiqe]

Une s'e marr vesh pse Brigeli merret me kombetaren B e s'merret me kombetaren A.

Gjithe skuadrat e tjera po organizojne miqesore. Kombetarja jone do shkoje fare e papergatitur per eliminatore. Pritni po s'beri vetem nje miqesore te kalbur ne vere dhe ajo do jete grumbullimi i vetem para ndeshjeve eliminatore. E si rezultat do dalim te parafundit, duke lene vetem luksemburgun poshte.

[zeus]

---------------------------------------------------

Kuqezinjtë e kombëtares B e kanë fituar edhe ndeshjen e dytë në turneun e Norçias. Kundërshtarët e radhës për ta, dje, kanë qenë zviceranët e Juventusit të Zyrihut, të cilët nuk kanë qenë në gjendje të përballojnë vrullin e kuqezinjve tanë, që kanë arritur edhe fitoren e pastër 2-0, me gola të shënuar nga kapiteni Klodian Duro dhe sulmuesi Hamdi Salihi.

Shënues: K.Duro 55', Salihi 76'

Kombëtarja B:
Hidi, Teli, E.Xhafa, Dabulla, Muzaka (Beqiri 46'), Mehmeti, E.Bulku (Sina 75'), K.Duro, Bylykbashi, Shiba (Salihi 46)

Pas këtij takimi, kuqezinjtë e kombëtares sonë B udhëheqin grupin me 6 pikë të grumbulluara në 2 ndeshje.
Brigel, është shprehur mjaft i kënaqur me lojën e të përzgjedhurve të tij, të cilët në një kohë kaq të shkurtër ia kanë arritur të krijojnë grupin dhe të luajnë mjaft mirë taktikisht.

---------------------------------------------------

[zeus]

----------------------------------------------


"Duhet të jemi të përqëndruar totalisht rreth Kupës së Botës, pastaj të mendojmë rreth Evropianit, Shqipërisë dhe skuadrave të tjera. Ne duhet të mendojmë për atë që kemi përpara, i cili është një dedikim kolosal si për ne ashtu edhe për skuadrat pjesëmarrëse. Ne do të shkojmë në Botëror si pretendente për të fituar dhe kjo do përkushtim të plotë. Pas këtij aktiviteti, padyshim që vemendja e jonë do të përqendrohet tek Evropiani dhe skuadrat e tjera në grup. Shqipëria nga ana jonë do të ketë përkushtim vëmendjeje të njëjtë siç do të kenë edhe rivalët e tjerë."


----------------------------------------------

[miko]

Një shkrim tepër interesant sot tek rubrika Opinione e sportitshqiptar.


Në futboll nuk është si në politikë: një votë një pallat, por një votë, një fushë futbolli...!


Turneu fantazmë, të cilin e frekuentojnë vetëm shqiptarët me një ekip të pagëzuar kombëtarja B, është një shans i madh për shefat që po luajnë "bixhozin e zgjedhjeve". Ndërsa stadiumet janë boshatisur nga tifozët, rrugët janë mbushur me njerëz që bëjnë pazar me votat e asamblesë. Në futboll nuk është si në politikë: një votë një pallat, por një votë, një fushë futbolli...!

Nuk dihet saktë përse kemi mbetur peng në Norçia. Ajo që dihet me siguri është se e injoruam edhe një herë kampionatin për një turne fantazmë, ku nuk njihen as pjesëmarrësit. Për ironi, edhe punonjësit e hotelit në Norçia u treguan të gatshëm të formonin një ekip, që kombëtarja B e Shqipërisë të vazhdonte ekzistencën. Me humor thuhet se Brigeli, kur tha se do të grumbullonte 18 pikë në eliminatoret e Europianit, ka llogaritur edhe ato që do të marrë në Norçia...
Nëse tifozët e pakët që mbledh kampionati mallkojnë Norçian, shefat e kanë gjetur futbollin e tyre këto ditë pa ndeshje. Po luhet "futbolli i votës", që për presidentët e klubeve është shumë më argëtues se sa ai i fushës. Ky është shpjegimi që asnjë trajner
klubesh nuk shfaqet në gazeta për të denoncuar një turne që po vdes kampionatin çdo dimër. Dhe zhgënjehesh pastaj kur lexon gazetat dhe prek hipokrizinë e presidentëve dhe trajnerëve, që premtojnë se do të bëjnë spektakël kur të fillojë kampionati, por "harrojnë" të thonë pse u ndërpre kampionati. Cili është fitimi i tyre? Norçia e këtij sezoni nuk duhet të krahasohet me ato të kaluarat: futbolli është ndalur që të vrapojnë të gjithë pas zgjedhjeve. Nuk është koincidencë që shumë ndeshje kampionati kanë qënë produkt i kësaj hipokrizie. Vetëm një shembull: shefi i klubit të Tiranës, Shkëlqim Muça, pak kohë më parë akuzoi federatën se prodhon një politikë në favor të Elbasanit. Ndërsa këto ditë, shikojmë se vetë Muça dhe donatori Halili propozojnë për në asamble atë që akuzonin, Armand Dukën.
Ndërsa stadiumet janë boshatisur nga tifozët, rrugët janë mbushur me njerëz që bëjnë pazar me votat e asamblesë. Në futboll nuk është si në politikë: një votë një pallat, por një votë, një fushë futbolli!


Autori: Gëzim Sinemati



Marrë nga www.sportishqiptar.com.al

[miko]

Akoma nuk është përcaktuar përfundimisht se cila skuadër do të luajë më 1 mars në Tiranë


Do të jetë Lituania apo jo ekipi kundërshtar i kuqezinjve në miqësoren e 1 marsit? Në Federatën Shqiptare të Futbollit ende nuk janë të qartë nëse pikërisht Lituania do të jetë ekipi që do të zbresë në "Qemal Stafa" më 1 mars. Dje jemi interesuar nëse me të vërtetë kuqezinjtë pas shumë kohësh kanë gjetur një miqësore për 2006 ën. Gjithsesi, edhe dje, deri në orën 16.00, në Federatën Shqiptare të Futbollit nuk kishte mbërritur asnjë përgjigje nga ana lituaneze që të konfirmonte miqësoren mes Shqipërisë dhe Lituanisë më 1 mars. Këtë fakt e ka bërë të ditur zyrtarisht dje edhe zëdhënësi i shtypit i federatës, Lysien Nurishmi, që i pyetur pikërisht për këtë problem, nuk ka ditur të japë asnjë përgjigje. "Ashtu siç është publikuar edhe në shtyp, ne si federatë i kemi dërguar një faks federatës lituaneze për të konfirmuar miqësoren në fjalë. Deri tani ata nuk na kanë sjellë asnjë përgjigje, ndonëse ndeshja mendohet se do të luhet në Tiranë," është shprehur dje Nurishmi. Ky i fundit ka shtuar se nuk di asnjë hollësi në lidhje me miqësoren e 1 marsit. Në fakt, pala lituaneze, në faqen elektronike të UEFA s pohon se më 1 mars kombëtarja e tyre do të zhvillojë një ndeshje miqësore në Tiranë, në stadiumin kombëtar "Qemal Stafa" kundër Shqipërisë. Sipas tyre, mbeten për t'u përcaktuar vetëm detajet e vogla të ndeshjes, pasi palët kanë rënë parimisht dakord. Ndërkohë, në FSHF, të gjithë ngrenë supet dhe nuk dinë të thonë nëse kjo miqësore do të zhvillohet. Madje ka nga ata që thonë se pikërisht është federata ajo që nuk e dëshiron këtë miqësore, sepse ajo zhvillohet pikërisht 2 ditë pas zgjedhjeve për president të federatës. Në këto kushte, asnjë prej punonjësve dhe drejtuesve të këtij institucioni nuk do ta kishte mendjen tek miqësorja, por tek zgjedhjet. Gjithsesi, duke lënë pas edhe këtë hamendje sërish të shpon një tjetër fakt. Nga njëra anë, UEFA konfirmon një miqësore Shqipëri Lituani, ndërsa nga ana tjetër FIFA në faqen e saj elektronike pohon gjëra të tjera. Në fillim, FIFA konfirmon në faqen e saj se më 1 mars kuqezinjtë do të luajnë një miqësore me Bosnjën dhe më 22 mars një miqësore me Austrinë. Por në fakt deri tani të dyja këto skuadra nuk kanë pranuar të luajnë me kuqezinjtë dhe kanë zgjedhur kundërshtarë të tjerë. Edhe Kosta Rika ishte një tjetër skuadër që nuk pranoi të luante me Shqipërinë më 1 mars dhe në fund zgjodhi një fat tjetër. Aktualisht vetëm Gjeorgjia do të luajë me kuqezinjtë më 22 mars dhe kjo është miqësore e konfirmuar. Ndërkohë nëse konfirmohet Lituania për kuqezinjtë, lituanezët do të ishin kundërshtarët e parë për këtë vit në një miqësore.



Marrë nga www.sportishqiptar.com.al

[zeus]

-------------------------------------------------

Rezonanca e djeshme ka treguar se Erjoni ka nje demtim te grades se dyte ne muskulin kryesor te kofshes se majte. Sulmuesi i Sienes dhe i kombetares shqiptare do te mungoje te pakten per nje muaj.

-------------------------------------------------

[zeus]

-------------------------------------------------

Shqipëria do të luajë më 1 mars ndeshjen miqësore me Lituaninë, në stadiumin tone kombëtar “Qemal Stafa”. Ky lajm është konfirmuar më në fund dje nga Federata Shqiptare e Futbollit. Kështu, sipas zëdhënësit për shtyp në FSHF mësohet se tashmë mund të konsiderohet zyrtare miqësorja mes Shqipërisë dhe Lituanisë.
Në bazë të informacioneve zyrtare në federatë, ende nuk është përcaktuar se në cilën orë do të zhvillohet takimi. I sigurt është fakti që ndeshja do të luhet në stadiumin kombëtar "Qemal Stafa". Skuadra lituaneze pritet që të vijë në Tiranë pikërisht më 27 shkurt, ditën që do të zhvillohet edhe asambleja zgjedhore e FSHF së. Sipas informacioneve, ata do të akomodohen në hotelin "Sheraton". Ndërkohë, Lituania me të vërtetë mund të jetë një kundërshtar i mirë për kuqezinjtë, që në muajt e ardhshëm për eliminatoret për Euro 2008-ën do të përballen me Bjellorusinë, një tjetër skuadër e ngjashme me Lituaninë. Për skuadrën tonë, kjo është miqësorja e parë pas shumë kohësh pushim. Deri tani vetëm Gjeorgjia ka thënë "po" për një miqësore më 22 mars të këtij viti.

-------------------------------------------------

[zeus]

-----------------------------------------------

Kombëtarja B shqiptare ka njohur vetë fitoren në turneun e Norçias. Kuqezinjtë dje kanë arritur fitoren e 3 të brenda 6 ditëve. Përballë dje lojtarët e kampionatit shqiptar, që aspirojnë një vend në kombëtare, kanë pasur skuadrën e kategorisë së dytë rumune, Gaz Metan Media, të cilën e kanë mundur me rezultatin e ngushtë 1 0. Golin për kuqezinjtë e ka shënuar në pjesën e parë mbrojtësi shkodran i Besës, Kraja, në minutën e 20 të, pas një rrëmuje në zonë, me kokë, duke arritur të shënojë golin e vetëm të takimit. Ndeshja në pjesën e parë ka qenë e mirë, ku Brigeli ka hedhur në fushën e lojës skuadrën më të mirë. Në pjesën e dytë, gjermani ka bërë shumë ndryshime, duke zëvendësuar të gjithë lojtarët. Gjithsesi, loja në 45-minutëshin e dytë nuk ka qenë e kënaqshme. Skuadra ka ndier lodhje, kjo edhe prej erës shumë të fortë që ka shoqëruar gjithë takimin. Në fund të 90-minutëshit, kuqezinjtë kanë mundur të fitojnë për herë të tretë në turneun e Norçias me rezultatin 1-0 kundrejt Gaz Metanit. Me fitoren e djeshme, kuqezinjtë largohen nga Norçia të pamposhtur si asnjëherë tjetër. Kjo e sivjetmja është paraqitja më e mirë e kuqezinjve në turneun e Norçias. Më parë, skuadra jonë kombëtare është mundur nga ekipe të dobëta të kampionatit rumun apo edhe hungarez. Shqipëria ka luajtur me këtë formacion: Lika, Dabulla (Kote), Beqiri, Kraja, Sina, Allmuça, Bulku, Vrapi, Veliaj, Abilaliaj, Shiba. Trajner: H.P.Brigel

Kombëtarja B e Shqipërisë, e cila ndodhet në Itali për të marrë pjesë në turneun e Norçias, çuditërisht do të mbërrijë sot në Tiranë. Lajmi është bërë i ditur dje në federatë. Kështu, zyrtarisht, të gjithë gazetarëve në federatë, zëdhënësi i shtypit u ka thënë se kombëtarja B, që merr pjesë në turneun e Norçias, do të mbërrijë ditën e shtunë paradite, ndryshe nga ç'ishte parashikuar në fillim të turneut. "Nga kontaktet që kemi pasur këto ditë me drejtuesit e kombëtares në Norçia, mund të them se ekipi, ndryshe nga çfarë ishte parashikuar, do të jetë që sot në Tiranë. Sipas informacioneve, kuqezinjtë do të jenë në Shqipëri që sot dhe jo të hënën, sepse në Norçia tashmë nuk ka ngelur asnjë ekip. Të gjitha skuadrat e tjera kanë ikur, ose do të ikin, kështu që ekipi kombëtar B nuk ka çfarë bën vetëm në Norçia. Në këto kushte, drejtuesit vendosën që ta kthejnë skuadrën në Tiranë, pasi nuk ka kuptim që të vazhdohet të qëndrohet deri të hënën në Norçia," është shprehur Nurishmi. Gjithsesi, fjalët e zëdhënësit të shtypit në FSHF janë shumë pak bindëse. Vetëm drejtuesit e lartë të federatës e dinë përse kuqezinjtë kanë braktisur turneun e Norçias para kohe.

Shekulli
-----------------------------------------------

[zeus]

--------------------------------------------------

Ervin Skela ka shënuar golin e tij të dytë për Kaizerslauternin. Mesfushori vlonjat ka qenë autori i golit të dytë për të tijtë, shënuar në minutën e 88-të, në ndeshjen e zhvilluar me Verder Bremenin. Skuadra e Skelës ka fituar 2-0 në një trasfertë të vështirë dhe vlonjati kuqezi ka qenë në një ditë mjaft të mirë. Goli i Skelës, i dyti për Kaizerslauternin, e ka ndihmuar skuardën e tij të sigurojë 3 pikë për mbijetesën në Bundesligë. Duhet përmendur fakti që mesfushori i kombëtares sonë e ka shpëtuar K'lauternin nga një gol i sigurt, pas një krosimi nga këndi. Në vijën fatale të portës së tij, kur topi po shkonte drejt rrjetës, Skela e ka larguar rrezikun.

--------------------------------------------------

[miko]

Kosovari i Jonikosit në Greqi, Arian Beqaj, do të jetë pjesë e kuqezinjve që nga miqësorja me Lituaninë



Arian Beqaj, portieri kosovar që luan prej vitesh me mjaft sukses në kampionatin grek, do të rikthehet në radhët e kuqezinjve. Ai do të jetë i grumbulluar me kombëtaren për ndeshjen e radhës miqësore me Lituaninë, që do të zhvillohet në "Qemal Stafa" më 1 mars. Kësisoj, duket se mosmarrëveshjet e Beqajt me drejtuesit e ekipit tonë kombëtar, konkretisht me Brigelin, duket se janë lënë pas krahëve nga të dyja palët. Një lajm i tillë bëhet i ditur nga burime pranë trajnerit të kombëtares dhe pranë futbollistit në fjalë. Në fakt, vetë Beqaj ka deklaruar herë pas here se nuk e ndiente veten të përjashtuar nga kampi kuqezi, ku ka qenë i pranishëm prej kohësh, si rezervë e Foto Strakoshës, por lënia e tij në tribunë në ndeshjen me Ukrainën i acaroi mjaft marrëdhëniet e tij me trajnerin Brigel. Ky i fundit nuk e thirri pas kësaj ndeshjeje më Beqajn në kombëtare, duke vepruar pak a shumë si me Bogdanin, pas ndeshjes së kombëtares sonë në Zvicër. Megjithatë, trajneri ynë kuqezi duket se e ndien nevojën e shërbimeve të kosovarit të Jonikosit në Greqi, në prag të eliminatoreve të Euro 2008-ës. Duke qenë se ndeshja me Lituaninë është një test i mirë për të gjithë kuqezinjtë, Brigeli ka vendosur ta ketë nën urdhra Beqajn, për të parë nga afër formën e tij sportive. Në fakt, shtysa për ta rikthyer në kombëtare Beqajn duket se ka qenë vetë futbollisti në fjalë, i cili, sipas shtypit grek, po kalon një periudhë të shkëlqyer sportive dhe është përfshirë disa herë në 11-shen e javës të kampionatit helen. Në këtë vendim, për ta bërë sërish pjesë të kuqezinjve Arian Beqajn, ka ndikuar deri diku edhe dëshira e futbollistëve titullarë të kombëtares, siç është rasti i Erion Bogdanit, i cili ka pohuar se Beqaj duhet të thirret patjetër në kombëtare, pasi është mjaft i nevojshëm. Po kështu, gjatë qëndrimit të tij në Tiranë, edhe Bledar Kola, ish-futbollisti i mirënjohur kuqezi, ka thënë fjalën e tij tek drejtuesit e kombëtares, duke u shprehur atyre fjalët më të mira për paraqitjen e kosovarit në kampionatin grek. Me një fjalë, duket se janë pjekur të gjitha kushtet që Arian Beqaj të bëhet sërish pjesë e kuqezinjve, duke nisur që nga miqësorja e 1 marsit me Lituaninë.
Përveç tij, në miqësoren e radhës duket se do të jenë edhe dy emra të rinj nga kampionati shqiptar, pjesëmarrës në turneun e Norçias së fundi. Edhe pse jo zyrtarisht, burime pranë trajnerit Brigel pohojnë se Dorian Bylykbashi i Partizanit dhe Erion Xhafa i Dinamos do të jenë pjesë e kampit kyuqezi për miqësoren me Lituaninë.
Bogdani: Beqaj e ka vendin në kombëtare
Erion Bogdani, mikun e tij më të ngushtë ka portierin kosovar të Jonikosit, Arian Beqaj, i cili po kalon një formë të shkëlqyer sportive në kampionatin grek. Megjithatë, ai ka mbetur deri tani jashtë kombëtares së Shqipërisë pas disa polemikave me trajnerin gjerman Brigel. Në lidhje me rikthimin e mundshëm të Beqajt në kombëtare, Erion Bogdani ka pohuar: "Nuk diskutohet, Beqaj e ka vendin në kombëtaren e Shqipërisë. Ai jo vetëm tani, por edhe më parë, ka qenë njëri ndër portierët më të mirë që ka pasur ndonjëherë Shqipëria, së bashku me Strakoshën. Ai ka pasur disa probleme me Brigelin, por kjo nuk ka shumë rëndësi. Kur bëhet fjalë për interesin e kombit, pra të kombëtares sonë, këto gjëra duhen anashkaluar. Edhe unë më parë kam pasur disa keqkuptime me Brigelin, por tani çdo gjë është në rregull. Kështu duhet të ndodhë edhe me Beqajn. Për mendimin tim, Beqaj me të vërtetë do të ishte një ndihmë e madhe për Shqipërinë në eliminatoret e Euro 2008," - përfundoi Bogdani.


Marrë nga www.sportishqiptar.com.al




Lajm shumë i mirë për Kombëtaren.Urime dhe suksese Arianit sepse është një sportist i shkëlqyer e një njeri korrekt.