Kombëtarja Shqiptare - (Lajme)

[Qerim]

16-09-2005

Kastrati: Unë kuqezi, që ndaj Ukrainës

Driton Latifi


Bekim Kastrati mund të debutojë shumë shpejt me kombëtaren kuqezi. Procedura e pajisjes së tij me pasaportën shqiptare tashmë është në fazën finale. Madje, nëse bën paraqitje të mirë në ndeshjet e radhës në Bundesligë, Kastrati ka shans të ftohet edhe në ndeshjet që kombëtarja kuqezi do të zhvillojë kundër Ukrainës dhe Turqisë.
"Kam kontaktuar me FSHF?në, më saktësisht me Besnik Çelën. Kanë kërkuar nga unë disa dokumente që më është dashur t'i nxjerr në Kosovë. U kam dërguar gjithçka që më është kërkuar dhe tani jam duke pritur. Më kanë premtuar se do të mundohen që me kohë të ma rregullojnë pasaportën, në mënyrë që të jem i gatshëm për ndeshjet kundër Ukrainës dhe Turqisë. Bëhet fjalë të jem i gatshëm, po pastaj varet nëse ftohem nga trajneri Brigel, apo jo. Por, unë duhet të luaj në Bundesligë për ta arritur një gjë të tillë, andaj po angazhohem për një gjë të tillë",- tha Kastrati, pasi kishte përfunduar stërvitjen e paradites me skuadrën e tij.
"Kam biseduar edhe me ndihmëstrajnerin e kombëtares, Aksel Ros, i cili do të vijë për të ndjekur ndeshjen e së shtunës kundër Këlnit, ku jam i grumbulluar në 18?she dhe ku besoj se do të luaj",- shtoi më tej Bekim Kastrati.
Sulmuesi kosovar pret që në ditët e ardhshme ta vazhdojë kontratën profesioniste me klubin, me të cilën do ta ketë të sigurtë vendin në skuadrën e parë të Borusia Munshengladbahut.
"Disa skuadra të Bundesligës së parë dhe të dytë kanë shfaqur interesim për mua. Kontrata me Munshengladbahun përfundon pas një viti, por skuadra është e interesuar ta vazhdojë atë. Aktualisht jam i përqendruar te Munshengladbahu dhe kombëtarja shqiptare",- tha ai. Kastrati deri më tani i ka zhvilluar dy ndeshje me Munshengladbahun në Bundesligë, ku është aktivizuar si zëvendësues, ndërsa ka qenë titullar në një ndeshje të Kupës, ku edhe ka shënuar gol.

Marre nga sportishqiptar.com.al

Mua nuk me duket lojtar me vlere. Ekipet gjermane ne kupat europene po pesojne disfata njera pas tjetres, dhe lojtaret qe luajne atje nuk duhet te na mallengjejne.
Lojtar me vlera me duket Adrian Gashi qe luan me Valerengen ,e cila udheheq ne kampionatin norvegjez.

[dodoni]

Veshja kuqezi e Bekim Kastratit eshte nje gje shume e mire per kombetaren tone dhe per vet ate. I urojme sa me shume gola me kombetaren tone dhe me Mynhengladbahun.

Tani duhet sa me pare te veshim kuqezi edhe Ardian Gashin e Valon Behramin dhe poashtu edhe te rinjte e talentuar Besian Idrizaj (Liverpool), Jurgen Gjasula, Enis Alushi dhe Faton Toska (qe luajne me shpresat e Gjermanise), etj. etj.

[zeus]

-----------------------------------------

Organizmi më i lartë i futbollit në botë, FIFA, ka përcaktuar gjyqtarët e dy ndeshjeve që kuqezinjtë do të zhvillojnë në tetor me Ukrainën dhe Turqinë.

Kështu, në ndeshjen e parë, Ukrainë-Shqipëri, e cila do të zhvillohet më datë 8 tetor 2005, në orën 18.15, gjyqtar do të jetë Johan Verbist. Ndihmës të tij Klod Regour dhe Dani Hynes, të gjithë nga Belgjika. Gjyqtar i katërt, Peter Ververken, po nga Belgjika.
Ndeshja Shqipëri-Turqi do të luhet më datë 12 tetor, ora 18.00, në stadiumin kombëtar "Qemal Stafa". Gjyqtarë të ndeshjes janë Arturo Duaden Ibanez Juan Carlos Justre Himenez dhe Jesus Guadamuro nga Spanja. Gjyqtar i katërt Julian Santiago Rodriguez, po nga Spanja.

Burimi: Sporti

-----------------------------------------

[zeus]

------------------------------------------------------

Si ka rrjedhur karriera e Bekim Kastratit?

Një rrugë e gjatë dhe e mundimshme. Në moshën 16-vjeçare u largova nga Kosova, duke luajtur tek ekipet e moshave të vogla në një klub rajonal të NRV-së. Pas dy vjetëve në kategorinë junior kalova tek seniorët (të rriturit). Nga viti 1998-2001 i humba tri vjet (kështu i quaj tani) duke luajtur nëpër ligat e ulëta të Gjermanisë. Ndërsa në sezonin 2001-2002, në moshën 21-vjeçare, u largova për në FC Vegberg-Beeck në ligën IV. Prej aty filloi në të vërtetë karriera ime e futbollit.

Kemi dëgjuar se keni qenë te PAOK-u i Selanikut?

Te Arisi i Selanikut më saktësisht. Bëhet fjalë për sezonin 2002-2003. Me ftesë të drejtuesve të klubit grek shkova një javë në provë dhe pas OK-it që dha trajneri gjerman, Bernd Kraus, të cilin e njihja përmes menaxherit tim dhe zyrtarëve të klubit, nënshkrova një kontratë dyvjeçare me klubin grek të kategorisë së parë. Fatkeqësisht nuk pata sukses në këtë aventurë. Vetëm dy ditë para fillimit të kampionatit, trajnerin gjerman Kraus e larguan nga posti i tij, kështu që mbeta i vetëm duke u ballafaquar me shumë probleme në një klub, që gjendej në një kaos të vërtetë. Pas disa muajve dhe një dëmtimi të rëndë u ktheva në Gjermani i zhgënjyer nga ajo aventurë e shkurtër greke.

Si e shikoni të ardhmen tuaj te Borusia Mynshengladbah, ku ia dolët të linit pas një idhull të Bundesligss si Xhiovane Elber?

Qëllimi im kryesor është që në këtë sezon të aktivizohem sa më shumë në ekipin e parë dhe të shënoj sa më shumë gola. Kemi sulmues shumë të mirë në grup, kështu që konkurrenca është shumë e fortë. Për sa i përket Xhiovane Elberit, secili prej nesh e di se kush është Elber dhe për mua është fat i madh që më është dhënë rasti të luaj në një ekip me një lojtar të tillë.

Keni kontaktuar me FSHF-në dhe keni nisur procedurat për pasaportën. Ç'ndjeni kur mendoni se do të luani me kombëtaren?

Vetëm kur dëgjoj emrin e kombëtares është një ndjenjë e jashtëzakonshme. Ditët e fundit kanë qenë ditët e suksesshme dhe shumë të këndshme të karrierës sime. Por nëse unë do të kem fatin e do të thirrem për të luajtur me kombëtaren kuqezi atëherë, sigurisht që ky do të ishte kulminacioni. Jam realist dhe mendoj që më duhet të bëj paraqitje të mira në Bundesligë, por sigurisht që jam i gatshëm t'i përgjigjem kësaj ftese.



------------------------------------------------------

[zeus]

--------------------------------------------------

Zyra e zbulimit të talenteve shqiptare në Suedi, ka mundur të piketojë deri tani rreth 70 futbollistë shqiptarë që militojnë në ligat e ndryshme të vendeve skandinave.

Këtë e ka konfirmuar shefi i kësaj zyre, kosovari Albert Bunjaku, i cili njëkohësisht është edhe zëvendëstrajneri i ekipit të Degerforsit, që militon në kategorinë e dytë suedeze. Bunjaku u caktua vetëm një muaj më parë në krye të kësaj zyre të FSHF-së, dhe e veçanta është se ai nuk ka kërkuar shpërblim për këtë punë. Pra, ai e ka marrë përsipër këtë detyrë vullnetarisht, pa pagesë. "Gjatë muajit të parë unë mund të them se jam shumë i kënaqur me rezultatet e arritura dhe se përkundër vështirësive të ndryshme do të arrij premtimet që kam bërë, shkruan Bunjaku në një raport të tijin për punën e bërë. Thelbi kryesor është natyrisht lokalizimi i talenteve me prejardhje nga viset shqiptare, të cilët gjenden në Skandinavi (Suedi, Norvegji, Danimarkë si dhe Finlandë), trajnimi i tyre drejt rrugëve të suksesit të mëtejshëm dhe natyrisht afrimi i tyre në përfaqësuesen e futbollit të Shqipërisë". Më tej zëvendëstrajneri i Degerfosit ka shpjeguar dhe projektin e tij si dhe zonat në të cilat ai ka shtrirë kërkimet e tij. Bunjaku ka zbuluar deri tanimë plot 70 talente, që aktivizohen në klubet e ndryshme të Suedisë. "Unë kam arritur të kontaktoj me të gjitha ekipet dhe kam lokalizuar të gjithë talentet shqiptare në klubet suedeze, duke filluar nga klubet më të njohura si Malmö FF, Örgryte, Helsinborg, Halmstad, etj. Deri tani janë lokalizuar 70 talente, ndërkohë që hapi tjetër do të jetë afrimi i tyre për trajnime profesionale", vijon Bunjaku. Së shpejti ai do të organizojë grumbullimin e tyre, që do të zhvillohet në akademinë e futbollit në Degerfors dhe në këto "zbore" mund të jenë të pranishëm edhe përfaqësues nga FSHF-ja dhe nga Kosova. Klubi Degerfors IF ka shprehur gatishmërinë të japë ndihmën rreth mundësisë së shfrytëzimit të ambienteve dhe materialeve për stërvitje. Duke filluar nga përdorimi i palestrës me bar artificial në kohë dimri e deri në fushat e gjelbra në verë. Sipas Bunjakut, grumbullimi i parë do të bëhet në muajin dhjetor 2005. Ndër të tjera do jetë i mundur edhe përdorimi i programit të analizës "Sport code elit program", që sot përdoret vetëm nga klubet dhe federatat e futbollit më të mëdha në botë.

Burimi: Panorama
--------------------------------------------------

[zeus]

-----------------------------------------------------------------

Trajneri i kombëtares shqiptare, Hans Peter Brigel, më në fund është bërë i gjallë, duke publikuar listën e lojtarëve që do të grumbullojë për ndeshjen me Ukrainën dhe Turqinë më 8 dhe 12 tetor. Ndryshe nga ndeshja me Kazakistanin, Brigeli do të ketë në dispozicion edhe Klodian Duron dhe Adrian Aliajn, të cilët kanë munguar së fundi për shkak se njëri nuk kishte ekip (Duro), ndërsa tjetri (Aliaj) vuante një dëmtim dhe nuk ishte aktivizuar me Brestin në ligën e dytë franceze. Ndryshe nga sfida e fundit zyrtare me Kazakistanin, jashtë ekipit kombëtar ka mbetur mesfushori që luan në Zvicër, Ansi Agolli, i cili nuk bën pjesë në planet e Brigelit për trasfertën në Ukrainë dhe ndeshjen në shtëpi me Turqinë. Për sa i përket pjesës tjetër të grupit, janë po ata lojtarë, të zakonshmit në ndeshjet eliminatore të Botërorit 2006. Në listë figuron edhe emri i gjigantit tonë kuqezi, njëherësh kapiten i kombëtares, Igli Tares, i cili nuk ka luajtur në dy ndeshjet e fundit, në miqësoren me Azerbajxhanin dhe në sfidën zyrtare me Kazakistanin. Sikurse dihet, kuqezinjtë tanë, në dyjavëshin e parë të tetorit, do të përballen me dy nga ekipet më të forta të grupit të dytë eliminator.

Më 8 tetor, kuqezinjtë do të përballen në Dnjepro me Ukrainën, të parën në grupin tonë dhe të kualifikuar tashmë për në finalet e Botërorit 2006, dhe 4 ditë më pas me Turqinë që lufton për vendin e dytë në grup në "Qemal Stafa". Pa pikë dyshimi që ndeshja me Turqinë do të jetë në epiqendër të të gjithë grupit 2, pasi do të vendosë se cila skuadër do të kualifikohet për të shkuar në eliminatoret e Botërorit të Gjermanisë. Sikurse është planifikuar nga FSHF-ja dhe trajneri Brigel, skuadra nën e gjermanit kuqezi pritet që për dy ndeshjet në fjalë të grumbullohet në Gjermani. Kombëtarja do të akomodohet në Karlsruhe, ku do të bëjë përgatitjet e duhura për dy sfidat e radhës me Ukrainën dhe Turqinë nga data 3 deri më 6 tetor. Më pas, kuqezinjtë do të udhëtojnë drejt Ukrainës për të zhvilluar takimin e parafundit eliminator. Menjëherë një ditë më pas kuqezinjtë do të udhëtojnë drejt Tiranës për t'u përgatitur për ndeshjen vendimtare në grupin e dytë kualifikues me Turqinë. Themi vendimtar, sepse tri skuadra, Turqia, Danimarka dhe Greqia synojnë vendin e dytë, për ta vijuar më pas luftën në play-off, për një vend në fazën finale të Botërorit 2006. Nga ana tjetër, kombëtarja jonë synon të lërë kësaj here dy skuadra pas, çka do të mundësonte një short më të favorshëm për europianin e radhës. Në këtë luftë është e përfshirë kombëtarja jonë dhe Gjeorgjia, se cila do të zërë vendin e pestë.


Lista e ekipit kombëtar

Ilion Lika
Isli Hidi
Elvin Beqiri
Armend Dallku
Tefik Osmani
Besnik Hasi
Adrian Aliaj
Lorik Cana
Ervin Skela
Edvin Murati
Blendi Shkëmbi
Altin Haxhi
Elvis Sina
Redi Jupi
Altin Lala
Klodian Duro
Florian Myrtaj
Edmond Kapllani
Erion Bogdani
Alban Bushi
Igli Tare

-----------------------------------------------------------------

[Pasiqe]

Behrami e tradheton perfundimisht Shqiperine duke iu pergjigjur thirrjes se Zvicres.

http://www.uefa.com/competitions/Wor...Id=348521.html

Per te gjithe ju qe akoma besonit se qyrraveci do luante me kuqezinjte: Ja ku eshte zagari.

[miki_al2001]

seshte faji ti ne fakt.behrami eshte shume patriot ai ka lind ne mitrovice.kurre se ka mohuar qenien shqiptar.por nuk donte cela besniku ne fakt qe ai te ishte me shqiperine ose ne fakt kur donte ishte teper vone.lexoje arsyen me pare zombie qe te bindesh pse ai cun slu per ne po per zvicren.

[Pasiqe]

Miki al, une kam lexuar cdo deklarate te Behramit italisht dhe gjermanisht (shqip s'ka dhene ndonjehere sepse s'di mire). Aq mire e kam ndjekur punen e tij sa me vjen neveri nga vetja qe jam marre me Behramovicin.

Behrami po te donte, merrte pashaporten shqiptare dhe deklaronte qe s'donte te luante me Zvicren (kombetaren A). Me pas do te mund te luante per Evropianin 2008 per Shqiperine. Cela dhe Duka u pergjeruan qe ta marrin, po eshte Behrami qe s'do shtetesine shqiptare.

Behrami, perpos kesaj ka dhene shume intervista kontradiktore duke i bere presion kombetares zvicerane qe po mos e merrnin sa me shpejt, do luante me Shqiperine. Ketu ai ka shfrytezuar ndjenjat e tifozave shqiptare. Une nuk e fal.

Eshte me mire te mos flasesh fare e te luash me Zvicren sesa te thuash "do doja te luaja me Shqiperine" e te perdoresh memedhene si menyre per t'i bere shantazh njerkes, Zvicres qe ta marre.


Nuk e ka mohuar qenien shqiptar, thua ti. Qe eshte shqiptar ben mu: Valon, Behram, myslyman nga Mitrovica, c'te jete tjeter?

Per sa i perket faktit qe ti thua qe qenka patriot, patriotizmi tregohet me vepra si e treguan Besnik Hasi, Mehmet Dragusha e Lorik Cana e jo me llafe e intervista.

Shnet Miki al, e mos e mbro me sepse qelbet peshku. Po e mbrove me je i shame nga Behrami.

[zeus]

------------------------------------------------------------------

Erion Bogdani, një nga sulmuesit më në formë në ndeshjet e fundit të kombëtares, është i bindur se ekipi kuqezi nuk do të zhgënjejë në ndeshjen e parafundit në Ukrainë.
Sipas "Bogut", është e vërtetë që skuadra ukrainase është shumë e fortë, por, nga ana tjetër, përqendrimi në këtë takim për ta është i ulët, pasi Shevçenko me shokë tashmë janë në botëror dhe me të gjitha gjasat nuk do të japin maksimumin. Kjo, sipas Bogdanit, është një plus për skuadrën tonë, e cila kërkon që të marrë pikë në trasfertën e Dnjepros.
"Nuk diskutohet që është një ndeshje shumë e vështirë, pasi ukraina është e fortë. Gjithsesi, ata nuk luajnë për një objektiv. Ne nga ana tjetër nuk kemi përse të ruhemi dhe të humbasim. Pra, thënë më shkurt, ne do të kërkojmë ta fitojmë këtë ndeshje, ose të paktën të marrim një pikë. Edhe pse luajmë në trasfertë, ne do të kërkojmë që të marrim pikë në Ukrainë. Kjo do të ishte e vlefshme për skuadrën tonë," është shprehur para këtij takimi Bogdani.

Sulmuesi i Sienës në kampionatin italian është shprehur gjithashtu se shpreson të shënojë sërish me ekipin kuqezi në një ndeshje zyrtare pas dy golave me Danimarkën dhe Kazakistanin.
"Natyrisht që synimi i një sulmuesi është goli. Shpresoj që të shënoj sërish me ekipin kombëtar shqiptar. Gjithsesi, më parë dua të luaj mirë. Golat janë në plan të dytë. Edhe me Turqinë shpresoj të zhvilloj një ndeshje të mirë. Do të luajmë përballë një skuadre të fortë, e cila do të synojë me çdo kusht fitoren. Gjithsesi, ne kemi objektiv për të marrë sa më shumë pikë dhe kështu nuk do t'i bëjmë favor asnjë ekipi," ka përfunduar Bogdani.

------------------------------------------------------------------