Shpat Kasapi

[crudelia]

Shpati eshte nje "fag" i shemtuar qe sdi me kendu fare
mendimi i 90% te shqiptareve ky jo vetem i imi

[missgenta]

Un Se Kam Qef Shpatin...sme Peqejne Kenget E Atij..dhe Sh Si Pede Hihhhi Po Nejse Nejse --- Mendimi Im

[Davius]

Shpat Kasapi, me një modele durrsake

Tashmë është vërtetuar se cila është vajza, me të cilën këngëtari i njohur maqedonas Shpat Kasapi po del kohët e fundit.

Ajo është një modele nga Durrësi dhe quhet Vita. Madje për Shpatin thonë se është marrosur keq pas kësaj vajze. Vita është një nga mikeshat e ngushta të këngëtares dhe modeles Rezarta Shkurtaj. Tani është vërtetuar se përse Shpati vjen kaq shpesh në Shqipëri. Lajmi është vërtetuar nga njerëzit që u rrinë pranë. Madje ata janë parë bashkë edhe në vendet më publike të Tiranës. Është pikërisht Vita, e përzgjedhura e tij mes mijëra vajzave, që kërkojnë të njihen me të. Shpat Kasapi nuk i është ndarë Vitës, së cilës po synon që t’ia fitojë zemrën gjithmonë e më tepër. Edhe pse shumë vajza të Tiranës ç’nuk do të jepnin për të ndenjur me Shpatin.

[MiLaNiStE]

sme pelqen muzika ktit
edhe nonji bukuri e rrall sosht

[Sirena_E_Vogel]

Disa kenge i ka te bukura ky... po nuk e di pse po si stil muzike dhe kengesh eshte pak i njejte me Ermalin...

[rina_]

Loti m'pikon –Shpat Kasapi....

I gënjyër dua të t'harroj
Se ai ty më nuk të don
Se ai ty po të lëndon

Do të vish tek un përsëri
Këtë shum mir un e di
Tek un lind veq ngrohtësi

Loti m'pikon
Shpirti më vajton
Kjo xheloziAZemrën ma shkatrron
E vetmja dashuri
Ishe vetëm ti
Lotët s'mund ti fshi
hë_ë_ë_ë
Mendoj për ty
Për mua mendon
Kjo largësi
Nuk po më lejon
Pse ma bën kët lojë
Nuk mund të duroj
Jo s'jemi njësoj

Unë kam qarë
Oh sa shum kam qarë
Gjith gëzimet mi ke marr
Tani lotët më janë tharë
Nuk e di se ku të kërkoj
Dhimbja sytë mi verboj
Dhe tani veten dënoj

Loti m'pikon
Shpirti më vajton
Kjo xhelozi
Zemrën ma shkatrron
E vetmja dashuri
Ishe vetëm ti
Lotët s'mund ti fshi
(Lotët s'mund ti fshi)

Mendoj për ty
Për mua mendon
Kjo largësi
Nuk po më lejon
Pse ma bën kët lojë
Nuk mund të duroj
Jo s'jemi njësoj
(Jo s'jemi njësoj)

hë_ë_ë_ë


hë_ë_ë_ëLoti m'pikon
Shpirti më vajton
Kjo xhelozi
Zemrën ma shkatrron
E vetmja dashuri
Ishe vetëm ti
Lotët s'mund ti fshi
(Lotët s'mund ti fshi)

Mendoj për ty
Për mua mendon
Kjo largësi
Nuk po më lejon
Pse ma bën kët lojë
Nuk mund të duroj
Jo s'jemi njësoj
(Jo s'jemi njësoj)


kenga ime e preferuar e tij...qe cdo here qe e degjoj...shum me pelqen...

[diviner]

e se ketu paska shum thashetheme po u tregoj nje te vertet ne lidhje me kete kengetar . se pari per veten time kjo muzik me ngre nervat se dyti ato gjeste qe ka ki kengetar nuk jan te vetat po i ka nga ajo.... e bardha pra si i thoni .... kolumbeze .....

[rrezarta]

nje fillim i mbare per shpatin ,por nje renje e dukshme kohet e fundit .ndoshta fajet i kan kenget dhe perzgjedhja e dobet e tyre.ritme dhe melose sllave kjo nuk i shkon per shtati nje djaloshi si ty shpati.

[Kapriçozja ELB]

sa e apasjonuar pas ketij kengetari moj e uruar hahahaha sa na le pa mend me keto qe shkruan ha-ha--(kujt i thon lloqke se me shkrive nga te qeshurit dreq )

HahahaHaha Alnosa m'dhive gazit me kto qe shkrujte ma cipër.. je shum origjinale per zotin.. tamam... me te drejte e ke pyt se ene un sjam shum ne dijeni te ksaj fjale....kam nje ide ... po mos qente ajo qe menoj un ...



DHE SA I PERKET SHPATIT: Me pelqejne kenget e tij shum.. i madh esht vallaj ( te pakten per mua) dhe si per ti van kapakun eshte edhe shum i paraqitshem... po vetem emrin e ka pak te çuditshem ( gje pa ransi kjo po vetem thashe...)

[Davius]

Rikthehet Shpati, çmenden vajzat
Këngëtari është duke përgatitur një album me këngë në anglisht

Sot, kur kohët e radhave kanë perënduar, duket vërtetë paradoksale ajo çfarë ka ngjarë të premten pasdite në ambientet e ish- ekspozitës “Shqipëria Sot”. Dhe natyrisht grupi i të rinjve të grumbulluar aty rreth orës 15, nuk kishte se si të mos tërhiqte vëmendjen e kalimtarëve. Sepse në fakt tani, që e kemi harruar disi nocionin e mbajtjes së radhave dukuri të tilla ngjajnë të pazakonta. Por me sa duket fenomeni radhë këtë herë është spostuar tek njerëzit e njohur të skenës dhe ekranit. Mund të mendohet e pabesueshme dhe e vështirë për t’u përshkruar me fjalë, por në të vërtetë të gjithë gjimnazistët, që shtyheshin me forcë përpara derës së ekspozitës kishin vetëm një qëllim: të shihnin këngëtarët e tyre të preferuar, pjesëmarrës në festivalin Top-fest. Në pamundësi për t’i pranuar të gjithë, drejtuesit e këtij eventi janë detyruar ta mbyllin derën përpara kohës së zakonshme për të mos e hapur, madje as për vetë punonjësit dhe stafin, sepse sa herë dera hapej të rinjtë provonin të shtynin për të hyrë brenda. E natyrisht të paktë ishin “fatlumët”, që arritën të hyjnë për të parë nga afër meshkujt trendy të skenës muzikore, Shpat Kasapi, Blero dhe Adrian Gaxha, të cilët kanë kënduar në të njëjtën ditë në skenën e Top-fest. Ndërsa ata me më pak fat, gjithsesi janë treguar të duruar deri në fund për t’i takuar këngëtarët pas përfundimit të festivalit. Sigurisht, në këtë turmë të çorientuar të rinjsh dominonin femrat, të cilat dëgjoheshin, që flisnin me njëra-tjetrën: “Nuk iki që këtu pa takuar Shpatin”, ndërsa të tjera përgjigjeshin se nuk ju interesonte Shpati, por kishin ardhur për Bleron. Në fakt, sa herë flisnin për fanse nuk kishim menduar ndonjëherë, se këngëtarët tanë e kishin seriozisht, por me sa duket edhe në Shqipëri paska adhurues të çmendur, që janë gati të shtyhen e të djersiten për orë të tëra, vetëm për një autograf me Shpat Kasapin. Kurse ata me më shumë fat, mund të kenë në celularin e tyre një fotografi me të.


Asnjë vajzë në zemrën e këngëtarit


Zemra e Shpat Kasapit është e lirë. Edhe pse ndoshta adhurueset e tij në Shkup e diasporë, mund të jenë lodhur po aq sa vajzat shqiptare në dyert e Top-fest, duket se asnjëra nuk ka arritur ta bëjë të dridhet zemrën e këngëtarit. I njohur për pamjen tërheqëse, po aq sa edhe për këngët e tij, Shpat Kasapi është shndërruar në mashkullin e preferuar të shumë vajzave, si në Shqipëri edhe jashtë saj. Por pavarësisht këtij fakti, pavarësisht thashethemeve për lidhjet e tij të qëndrueshme e të paqëndrueshme duket se momentalisht në jetën e Shpatit nuk ka asnjë vajzë, ose të paktën kështu pohon ai. Dhe arsyeja është e thjeshtë: nuk ka gjetur ende njeriun e duhur. Një vajzë të sjellshme dhe të sinqertë, që t’i përshtatet dhe të dijë ta bëjë për vete. Shpati nuk po kërkon shumë, por ndoshta adhurueset e tij, janë aq të dhëna për ta kontaktuar sa që, ndonjëherë i harrojnë edhe rregullat elementare të mirësjelljes, vetëm për të marrë një autograf apo një foto me të. Ka ardhur në Tiranë tre ditë më parë pas përfundimit të një turi koncertesh në Shtetet e Bashkuara të Amerikës, së bashku me këngëtaren shqiptare Rovena Stefa. Ka qëndruar në kryeqytet jo më shumë se tri ditë dhe sot është nisur sërish drejt Maqedonisë, ku e presin të tjera impenjime. Megjithatë duket se ditët e qëndrimit në kryeqytetin shqiptar i kanë mjaftuar Shpatit, jo vetëm për prezantimin në Top-fest, por edhe për të takuar miqtë e kolegët, e madje edhe për të shijuar diellin e ngrohtë të prillit në disa prej lokaleve të Tiranës. Gjithsesi, siç shprehet vetë, duket se ardhja në Tiranë dhe bashkëpunimi me Bleron në këngën “Falma”, nuk kanë pasur si qëllim as çmimin e parë dhe as daljen në finale, por thjesht praninë e tyre tek publiku shqiptar. “Ishin ofertat nga simpatizantët, që më bindën të marr pjesë në Top-fest”, tregon këngëtari, duke shtuar se çmimin nuk e sheh si të rëndësishëm. Rreth bashkëpunimit me Bleron, Shpati shprehet se ka lindur krejt natyrshëm. Pasi kanë dëgjuar muzikën kanë vendosur të këndojnë në duet e madje edhe tekstin e kanë shkruar së bashku. Por duket se impenjimet dhe synimet aktuale të tij shkojnë më larg. Përveç studimeve në fakultet, gjithmonë e më tepër ai po i kushton vëmendje muzikës, duke synuar pse jo edhe tregun ndërkombëtar në një të ardhme jo shumë të largët. Paralelisht me albumin e ardhshëm që pritet të dalë në qershor, Shpati është duke punuar edhe për një album me këngë të reja në gjuhën angleze. Për këtë album, për të cilin shprehet se e ka marrë seriozisht punën, ai nuk dëshiron të vendosë afate kohore megjithatë shton se synon, që përmes tij të hyjë në tregun botëror. Njëkohësisht në Shkup, ai është duke punuar edhe për dy videoklipe të reja, që do të jenë në ekran në muajin maj. Në këtë mënyrë, gjithmonë e më shumë do të ketë mundësinë të jetë pranë fansave për të cilët shprehet se nuk janë vetëm femra. “Sigurisht në muzikën time dominojnë fanset femra, por ka edhe meshkuj, që i pëlqejnë këngët e mia”, tregon Shpati dhe shton se përpiqet herë pas here të gjejë kohë për t’iu përgjigjur e-maileve apo mesazheve që fansat i shkruajnë.


Shpati: Modelen nga Durrësi e kam vetëm shoqe

Prej kohësh gazetat në Tiranë kanë shkruar për një lidhje sentimentale të Shpat Kasapit me një modele nga Durrësi. Madje edhe vetë bukuroshja, Vita ka folur për këtë marrëdhënie, që e shikonte si fillimin e një lidhjeje serioze duke folur edhe për puthjen e parë, që ende nuk e kishte shkëmbyer me Shpatin. Për më tepër, të dy i kemi parë në një festë në Durrës duke kërcyer së bashku e më pas fotot janë shpërndarë në disa prej gazetave. Por pavarësisht këtyre, Shpati e mohon këtë marrëdhënie, duke shtuar se me Vitën janë thjesht shokë dhe e gjithë kjo histori, që sipas tij nuk dihet se nga ka dalë, nuk ka asgjë të vërtetë. “Vitën e kam shoqe të ngushtë dhe njihemi shumë mirë”, shprehet ai, por pa ditur të shpjegojë, përse Vita e ka pranuar lidhjen me të. “Nuk e di pse – thotë - nuk di, që ajo të ketë folur”, duke shtuar se këto fjalë nuk kanë ndikuar në prishjen e miqësisë mes tyre.