Përkufizimi i "zotit"?

[KVS]

Ai(Zoti) eshte Krijuesi i gjithesise.

Ky nuk është përkufizim. Është njësoj si të të them: "Më jep përkufizimin e njeriut" dhe ti të më thuash: "Ai (Njeriu) është Krijuesi i poezisë". Kjo është thjesht një shpallje, jo përkufizim. Unë kërkoj përkufizimin. Nëse nuk e di ç'është përkufizimi, shko këtu.

Atehere di do perkufizimin e Zotit...
Unepo ta shreh ne menyren time te te menduarit oke...me kupto drejt....
Ti je i dashuruar dhe kete gje e ndien jo se e sheh...
te dhemb gishti dhe ti nuk e sheh dhimbjen....
Por ti sheh edhe gjithe kete natyre te mrekullueshme dhe megjithese nuk e sheh zotin ti mund te ndiesh nej fuqi mbinatyrore....
Por nese ti nuk e sheh kete ti nuk mund te thuash qe ajo nuk ekziston....

Shprehja më lart bën:
-----------
Por ti sheh edhe gjithe kete natyre te mrekullueshme dhe megjithese nuk e sheh X ti mund te ndiesh nej fuqi Y....
Por nese ti nuk e sheh X ti nuk mund te thuash qe ajo nuk ekziston...
-----------
ku:
zoti = X
mbinatyrore = Y

Përkufizo X dhe Y. Ti po flet në tym me dy të panjohura! Nuk mund të më përkufizosh X duke përdorur si përshkrues vetë X-in dhe madje një të panjohur tjetër Y!

Dhe sido që të jetë unë kërkoj përkufizimin e zotit, jo të dashurisë. Dashuria ka përkufizim. Ju lutem mos dilni nga tema. Tema quhet: "Përkufizimi i zotit", jo "Përkufizimi i njeriut, pikës, drejtëzës, planit, dashurisë apo qepës së ba Kolës" (dhe dikush këtu e bëri tashmë të qartë se të gjitha këto kanë përkufizim, kështu mos i sillni më për krahasim logjik se nuk vlejnë, thjesht po mbushni temën me to duke iu shmangur asaj çka kërkohet).

[ORIONI]

Ky nuk është përkufizim. Është njësoj si të të them: "Më jep përkufizimin e njeriut" dhe ti të më thuash: "Ai (Njeriu) është Krijuesi i poezisë". Kjo është thjesht një shpallje, jo përkufizim. Unë kërkoj përkufizimin. Nëse nuk e di ç'është përkufizimi, shko këtu.

Ti e daje se dike cfare eshte perkufizimi flet per perkufizimin sikur ai te jete i kufizuar vetem ne matematike dhe e asnje shkenc tjeter.

Perkufizimi eshte permbledhja me fjale pak, e cila shpeh ne vetevete shume domethenie dhe kuptime .

Pra une te thashe qe Zoti eshte Krijuesi i unversit .Eshte nje dhe cdo krijese ka nevoje per te.As ka lindur ke e as nuk eshte lindur dhe asgje nuk eshte i barabarte me Te i paster nga mangesite dhe te metat.

Pra ky perkufizim o ajshtajni lales i hedh poshte ato ypsilonat, iksat dhe zetat e tuaja qe jane fare pa kuptim se nuk po zgjedhin ekucion ketu.

[Ryder]

Un do dal te perkufizimi njerezor i Zotit. Pra te perkufizoj pjesen e Zotit tek ne dhe pjesen tone tek Zoti. Dmth do mundohem te gjej te perbashkten mes dy gjerave.

Gjithcka qe kalon nepermjet nesh behet automatikisht njerezore. Qofte ky botekuptimi jone per universin apo Zotin...po e fute dicka ne uje do laget apo jo?
Kshuqe edhe nqs na ka kontaktuar Zoti ne, kuptimi jone per kete kontakt do ishte njerezor...po e fute dicka ne m'ut, do vije ere apo jo?

Kshuqe pyetja shtrohet, cila esht ajo pjese njerezore qe ne i kemi atribuar Zotit?
Cila esht ajo influenca e njeriut qe ka kontaminuar Zotin? (ose anasjelltas)

Duke e pas parasysh qe njeriu perbehet nga vetedija (logjika, kontrolli etj) dhe irracionalja (emocionet) atehere po i marrim me radhe.

Esht prekur Zoti nga logjika? Jo...Zoti as qe kerkon qe ne ta kuptojme...truri i njeriut esht inferior prapseprap. Edhe sikur ne ta pranojme pa e kuptuar, Zotit nuk i ngel hatri. Pra Zoti ngelet i paprekur nga logjika njerezore. (dhe anasjelltas)

Esht prekur Zoti nga kontrolli jone?...kjo ma merr mendja esht absurde e s'ka nevoje per ta zgjat.

Kalojme te Emocionet. Frika...dashuria...adhurimi...padurimi...
Ca jane emocionet? Nuk jane dobesi te cilave sikur ti dorezohemi humbim kontrollin mbi vetveten?
Dhe ku i mbeshtesim ne gjithe keto dobesi?
Bash te Zoti...pra Zotin e kemi frike, e duam, e adhurojme dhe mezi presim per ta pa.
Kshuqe si mund te dale perkufizimi paraprak (njerezor) i Zotit? - "Kure per dobesite e njeriut".

Te shkojme me tej qe ta ngushtojme me tej ket perkufizim.

Deri tani mberritem te Zoti si "kure per dobesite e njeriut".
Tani perderisa karakteristikat e kesaj kure dalin nga botekuptimi i njeriut atehere jane karakteristika njerezore qe perdoren si e kunderta e dobesise...(si madheshtia, meshira, fuqia, durimi etj)....atehere c'fare eshte dicka njerezore qe esht e kunderta e dobesise?
Nuk esht forca?

Kshuqe ca esht perkufizimi perfundimtar i Zotit? (pjeses se Zotit qe egziston tek ne) - "Forca njerezore e projektuar tek dicka qe nuk preket nga logjika" (ose anasjelltas...pra dicka e palogjikshme mbartese e forces njerezore)...pra Zoti = zhvleftesimi i forces njerezore.

[KVS]

Zoti s'ka përkufizim, se po të përkufizohej s'do kish nevojë për besim. Koncepti i zotit është absurd në vetvete, me aq "përkufizime" sa kam dëgjuar unë deri më sot, ndaj dhe kërkon besim të verbër nga subjekte po të verbra.

Une besoj ne nje Zot te cilin e njoh me cilesite te cilat Ai e ka pershkruar veten ne Librin qe u zbriti njerezve qe ta njohin. Dmth.. togfjaleshi "diçka qe nuk ja kam idene" eshte i pavend. (Pune tjeter pastaj, e pranon ti apo jo; te e fundit keyword ketu eshte: besim)

Ti po perpiqesh te logjikosh egzistencen e Zotiti, kjo eshte dicka e kote, sepse vete ideja eshte e ndertuar ne dicka mistike qe kerkon besim dhe jo logjike.

Pra gjithçka bie në nivelin "unë besoj se X..."?! ku X është diçka që nuk perceptohet, që nuk konceptohet dhe që nuk arsyetohet?

Besimi është diçka jo-universale, jo-logjike, me aplikim të lokalizuar, kështu nuk ka vend tek kjo temë.

Një trajtim përse besimi fetar nuk përbën metodë logjike, si dhe koncept kontradiktor në vetvete, këtu (tema: Feja, koncept vetëzhvlerësues).


KVS

[KVS]

ku:
X = zot
Y = mbinatyrë
Z = plotfuqi

Qenie e mbi-natyrshme, e plotfuqishme, dhe perfekte, krijuese e gjithesise dhe gjithckaje brenda saj; egzitenca e te cilit bazohet ne besimIn individual

mbinatyrshme = Y = Qe nuk i nenshtrohet forcave te natyres qe njofim ne, si p,sh (por qe nuk kufizohen ne) vdekje, lindje, i nxehte, i ftohte, i vjeter, i ri, i bukur, i shemtuar, i zi, i bardhe etj etj....

Të natyrës që njohim ne, apo forcave të natyrës në përgjithësi, d.m.th. nuk i nënshtrohet vetë natyrës?

Sipas rastit të fundit: po arsyes, perceptimit dhe konceptimit i nënshtrohet? Sepse nëse është "përtej natyrës", "jashtë natyrës" a nuk i bie se nuk i nënshtrohet dot arsyes, perceptimit dhe as konceptimit?! Atëherë ç'është Y? Ti po thua se Y është njësoj si diçka që nuk është, sepse nuk perceptohet, nuk konceptohet dhe nuk i nënshtrohet arsyes e ligjit të natyrës. Pra, Y = asgjë? Nëse nuk konceptoj e perceptoj Y-in atëherë si mund të konceptoj perceptoj fjalinë tënde e më tej dhe X-in, që detyrimisht del i pakonceptueshëm dhe i paperceptueshëm?!

plotfuqishme = Z= fuqia e te cilit nuk ka kufij fizike apo mendore. P.sh (por qe nuk kufizohet ne)mund te krijoje universe, male, fusha, oqeane, levizi kontinente e planete, nje koker rere, nje qelize, 2 persona; njekohesisht mund ti shkaterroje ato; mund te levizi para dhe pas ne kohe, mund te fuse dhe heq mendime, programoje te ardhmen, mbaje nen kontroll 4 miljard+ njerez ne te njejten kohe etj etj etj

Nuk ka kufij fizikë dhe mendorë, pra, me fjalë të tjera: që mund të bëjë gjithça?!

Po nëse X mund të bëjë gjithçka, a mundet X të bëjë dot diçka që s'e bën dot? Pra X bën çdo gjë, edhe diçka që s'e bën dot!? Sepse edhe ajo çka s'bëhet dot, është diçka!

Nëse X mund të bëjë diçka që s'e bën dot, rrjedhimisht ka diçka që X s'e bën dot, por kjo bie ndesh me veten e përfundimi del që "Z është kontradiktë në vetvete".


Përfundimisht deri më tani:

X = e panjohur
Y = absurditet
Z = kontradiktë,


KVS

[ORIONI]

Po nëse X mund të bëjë gjithçka, a mundet X të bëjë dot diçka që s'e bën dot? Pra X bën çdo gjë, edhe diçka që s'e bën dot!? Sepse edhe ajo çka s'bëhet dot, është diçka!

Meqe ti po luan me lojra fjalesh jo qe po jep perkufizime mu pergjigj?

Kvs eshte asgjeja dicka dhe pse eshte dicka dhe nuk eshte asgje.?

.

Ja nje perkufizim tjeter madheshtor.

Zoti është Ai i Cili nuk ka të adhuruar tjetër me të drejtë përveç Tij. Ai është (i Përjetëshmi, i Pafillim dhe i Pambarim, Mbajtësi dhe Mbrojtësi i gjithçkaje që ekziston). As kotje as gjumë nuk e kap Atë, e Atij është çdo gjë në qiej dhe në tokë. Kush është ai që mund të ndërmjetësojë tek Ai përveçse me lejen e Tij. Ai di se çfarë u ndodh krijesave të Tij në këtë botë dhe çfarë do t'u ndodhë atyre në botën tjetër. Ata kurrë nuk do të përfshijnë ndonjë gjë nga dija e Tij, përveç asaj që Ai dëshiron. El Kurrsij-ja e Tij përfshin qiejt dhe tokën. Ai nuk ndjen aspak lodhje në ruajtjen dhe në mbrojtjen e tyre. Ai është më i Larti, më Madhështori" [El Bekare: 255].

[KVS]

Meqe ti po luan me lojra fjalesh jo qe po jep perkufizime mu pergjigj?

Nuk po luaj aspak me lojra fjalësh, kështu që lëri supozimet për tjetër temë. Nëse dëshiron përngjasim logjik, të asaj më lart, mund të ta jap. Por akoma më mirë po e risqaroj, meqënëse nuk e ke kuptuar:

Kvs eshte asgjeja dicka dhe pse eshte dicka dhe nuk eshte asgje.?

Asgjëja nuk është diçka, sepse asgjëja nuk është!

Këtu ti po përpiqesh të përdorësh analogji me një rast joanalogjik! Ç'lidhje ka rasti i "asgjësë" me rastin e "plotfuqisë". Ky quhet mashtrim në arsyetim (me përdorim analogjie të gabuar)!

Sidoqoftë, "ajo që nuk mund të bëhet" është "diçka", dhe kjo "diçka" quhet "pamundësi" (ose "pafuqi")! Pra, X në "plotfuqishmërinë" e tij/saj, ka diçka që nuk e bën dot, "të qenit të pamundur", "të pafuqishëm"! Rrjedhimisht, "plotfuqishmëria" është koncept kontradiktor në vetvete (thënë ndryshe: koncept kundërlogjik apo joreal).


Pjesa tjetër e shkrimit tënd është propagandë fetare dhe jo përkufizim. Për të kuptuar se ç'është përkufizimi shko këtu (shkrimi i dytë i kësaj teme).


KVS

[FLORIRI]

Nuk po flasim për ekzistencën e zotit, por për përkufizimin e zotit, siç thuhet qartë dhe në titull të çështjes.
KVS

Kjo fjali eshte celesi i temes.Pra gabimi i KVS qendron ne faktin se kerkon perkufizimin e dickaje para se te jape mendimin mbi egzistencen e nje krijuesi.

Ti KVS ne baze arsyes pohon qe ka nje krijues qe formesoi dhe dha jete?

Perkufizim: Krijues,Rregullues,I ditur,I panevojshem,I plotfuqishem.
Shpjegim,
1-"Krijues"---Eshte pranuar njezeri nga te gjithe kopetentet e arsyes njerezore qe jeta nuk ka lindur vetvetiu,eshte nje dore e fuqishme qe beri te mundur te linde.Pra kete e kane thene ata qe kaluan jeten e tyre nder laboratore.Nje shkenctar ateist Rus i hyri punes per te vertetuar se jeta ka lindur vetvetiu ne toke.Punoi shume i erdhi koha e vdekjes e se fundi tha qe mund te kete ardhur nga ndonje planet tjeter,lind pikpyetja...Po atje kush e krijoi?

2-"Rregullues"---Edhe kjo shpjegohet ne menyre llogjike nga shkenctaret.Masat,distancat,ceshtjet ne univers te japin te kuptosh qe eshte nje rregullues qe percakton ne menyre precize.E kunderta e kesaj qe lenda mund te vetorganizohet eshte hedhur poshte me kohe.

3-Te jesh krijues dhe rregullues domosdoshmerisht verteton perkufizimin e te qenit i ditur.

4-"I panevojshem"----Meqe e do me llogjike..Ka arsye e mendje te shendoshe qe te pranoje se nje krijues dhe rregullues i asaj qe krijoi ka nevoje nga dicka qe eshte mbrenda mundesise tij.

5-"I plotfuqishem"---Ai qe krijoi nga e para dhe rregulloi dicka ka arsye qe ta mohoje plotfuqishmerine e Tij ndaj asaj qe krijoi.

Pra perkufizimi nuk mbetet me X e Y

Sidoqoftë, "ajo që nuk mund të bëhet" është "diçka", dhe kjo "diçka" quhet "pamundësi" (ose "pafuqi")! Pra, X në "plotfuqishmërinë" e tij/saj, ka diçka që nuk e bën dot, "të qenit të pamundur", "të pafuqishëm"! Rrjedhimisht, "plotfuqishmëria" është koncept kontradiktor në vetvete (thënë ndryshe: koncept kundërlogjik apo joreal)
KVS

Kjo pyetja jote eshte njelloj me ata qe thone se nese Zoti eshte i pafund..A mund te krijoje nje gur te madh sa vetja?I plotfuqishem don te thote qe ben gjithcka por jo qe behet gjithcka.Ti ne kete rast ngaterron kopetencat e Zotit me mundesite e Tij.

[KVS]

Kjo fjali eshte celesi i temes.Pra gabimi i KVS qendron ne faktin se kerkon perkufizimin e dickaje para se te jape mendimin mbi egzistencen e nje krijuesi.

Unë kërkoj të di përkufizimin e asaj që fetarët quajnë "zot". Supozimet tuaja janë supozimet tuaja personale, dhe nuk i përkasin çështjes. Mund ta nisni fjalinë, ashtu si dhe të tjerë kur shprehin supozime, me togjet "supozoj se", "besoj se", "kam përshtypjen se", etj.

Ti KVS ne baze arsyes pohon qe ka nje krijues qe formesoi dhe dha jete?

Ç'do të thotë krijues? Qenie që shndërron një material në material tjetër apo që riformon materialin apo që ristrukturon materialin apo...? Pra, diçka që ekziston në natyrë, e rrjedhimisht diçka materiale, e rrjedhimisht diçka e kufizuar nga natyra që vepron mbi veten e vet? Pra lëndë që vetëorganizohet?

Nuk ka rëndësi ç'them unë. Vetë arsyeja si metodë me aplikim universal thotë se: meqënëse probabiliteti që jeta të formohet nga lëndë inorganike ekziston, atëherë kjo ka ndodhur, pasi kushtet që kjo të ndodhë janë plotësuar (koha e madhe, hapësira e madhe, etj.). Që probabiliteti që kjo të ndodhë nuk është shumë i madh e provon dhe fakti që në këtë hapësirë të gjithësisë kemi konstatuar vetëm Tokën si planet me jetë. Nëse do të kishte probabilitet më të madh atëherë do të kishte dhe planete të tjera me jetë. Probabiliteti është faktual dhe i përket realitetit objektiv, këtu nuk shtrohet çështje besimi. (Por kjo është jashtë temës. Nëse dëshiron të flasësh për këtë mund të hapësh temë të posaçme. Tema këtu është: "Përkufizimi i zotit.")

Perkufizim: Krijues,Rregullues,I ditur,I panevojshem,I plotfuqishem.
1-"Krijues"---Eshte pranuar njezeri nga te gjithe kopetentet e arsyes njerezore qe jeta nuk ka lindur vetvetiu,eshte nje dore e fuqishme qe beri te mundur te linde.

Asnjë fakt - thjesht racionalizim vulgar. Madje nuk është pranuar aspak njëzëri dhe shkenca e bazuar mbi teorinë e probabilitetit thotë pikërisht të kundërtën. Dhe teoria e probabilitetit është faktuale (si çdo teori shkencore).

2-"Rregullues"---Edhe kjo shpjegohet ne menyre llogjike nga shkenctaret.Masat,distancat,ceshtjet ne univers te japin te kuptosh qe eshte nje rregullues qe percakton ne menyre precize.E kunderta e kesaj qe lenda mund te vetorganizohet eshte hedhur poshte me kohe.

Asnjë fakt - sërish racionalizim. Madje nuk është hedhur aspak poshtë se lënda nuk mund të vetëorganizohet.

3-Te jesh krijues dhe rregullues domosdoshmerisht verteton perkufizimin e te qenit i ditur.

Rjedh prej tyre si përfundim, po, por çështja është se nuk ke vërtetuar gjë prej dy premisave (krijuesin dhe rregulluesin), thjesht po flet me besimin tënd dhe racionalizim/interpretim mbi atë besim. Ende Fakt=0.

4-"I panevojshem"----Meqe e do me llogjike..Ka arsye e mendje te shendoshe qe te pranoje se nje krijues dhe rregullues i asaj qe krijoi ka nevoje nga dicka qe eshte mbrenda mundesise tij.

Racionalizim. Vazhdon fakt=0. Ti thjesht po noton në besimin tënd.

5-"I plotfuqishem"---Ai qe krijoi nga e para dhe rregulloi dicka ka arsye qe ta mohoje plotfuqishmerine e Tij ndaj asaj qe krijoi.

Kjo pyetja jote eshte njelloj me ata qe thone se nese Zoti eshte i pafund..A mund te krijoje nje gur te madh sa vetja?I plotfuqishem don te thote qe ben gjithcka por jo qe behet gjithcka.Ti ne kete rast ngaterron kopetencat e Zotit me mundesite e Tij.

I plotfuqishem don te thote qe ben gjithcka por jo qe behet gjithcka.

Do të thuash se X ka mundësi ta bëhet i pafuqishëm, por nuk e bën? Po këtu nuk po flasim për qëllimet e X, sepse fillimisht nuk dimë ç'është X, (le pastaj a ka qëllime X apo jo, etj.).

Këtu është çështja se vetë koncepti i "plotfuqishmërisë", e theksoj vetë koncepti është kontradiktor, pra joreal. "Plotfuqishmëria" s'mund të jetë! Kjo u provua më lart, jo interpretimi i cilitdo besimtar për kompentencat apo mundësitë e një X të panjohur.


KVS

[KVS]

Perkufizim: Krijues,Rregullues,I ditur,I panevojshem,I plotfuqishem.

Unë thjesht po përpiqem të shoh se a është logjike e konseguente fjalia e mësipërme, prandaj dhe ky zhvillim i temës. Pra, ende kemi:

1-"Krijues"---Eshte pranuar njezeri nga te gjithe kopetentet e arsyes njerezore qe jeta nuk ka lindur vetvetiu,eshte nje dore e fuqishme qe beri te mundur te linde.
...
Meqe e kerkon ne baze teksteve fetare do ta jap shpjegimin qe i behet nga fete monoteiste.Krijues eshte thene ne kuptimin qe nga agjeja krijon dicka.

Nuk e kërkova në bazë të teksteve fetare, unë kërkoj përkufizimin. Por duke kuptuar përfundimisht se këtu nuk mund të ketë përkufizim të mirëfilltë, sepse siç dhe ti thua, këto vijnë nga "tekste fetare" të cilat thjesht "besojnë se", atëherë të paktën po kërkoj një fjali logjike prej secilës feje në të cilën aderoni (krishterizëm, judaizëm, myslimanizëm, krishterizëm, bahaizëm, jehovaizëm, etj.).

Që ti rikthehem citimit tënd: Kur thua "Krijues", e ke fjalën për krijimin e diçkasë nga asgjëja apo për shndërrimin e inorganikes në organike (jetë) apo për të dyja bashkë?

Eshte pak a shume e njejte ne shpjegimin llogjik qe mund ti japesh krijimit "dickas" nga asgjeja.

"Shpjegim logjik" të diçkasë nga asgjëja? Ky "shpjegim logjik" quhet "racionalizim" FLORIR i dashur. Racionalizimi nuk është logjikë. Kjo, si metodë shfajësimi/demagogjie, mund të ketë dhënë dikur rezultat, por tash nuk pi më ujë. Sidoqoftë do ishte me interes të dij "shpjegimin logjik" të krijimit të diçkasë nga asgjëja.

4-"I panevojshem"----Meqe e do me llogjike..Ka arsye e mendje te shendoshe qe te pranoje se nje krijues dhe rregullues i asaj qe krijoi ka nevoje nga dicka qe eshte mbrenda mundesise tij.

Ka gjëra që janë jashtë mundësisë së X?

5-"I plotfuqishem"---Ai qe krijoi nga e para dhe rregulloi dicka ka arsye qe ta mohoje plotfuqishmerine e Tij ndaj asaj qe krijoi.

I plotfuqishëm mbi atë që krijoi? Pra, jo i plotfuqishëm mbi gjithçka, por thjesht mbi atë që krijoi?

Termi i plotfuqishem nuk duhet keqkuptuar.Eshte pak a shume e njejte ne shpjegimin llogjik qe mund ti japesh krijimit "dickas" nga asgjeja.Pra edhe njehere ke ngaterruar kopetencat me mundesite.Egzistenca e Zotit nuk eshte e ngjashme me egzistencen tone.

Plotfuqishmëria është koncept kontradiktor në vetvete, pa hyrë fare në atë se cili e ka këtë veçori (p.sh. X). Ti më thua mos ta keqkputoj. Atëherë shpjegomë kuptimin "tënd të mirë" të plotfuqishmërisë.

Pjesa tjetër e shkrimit tënd është jashtë teme. Ti më pyete për mendimin tim si u krijua jeta e t'u përgjigja me:

meqënëse probabiliteti që jeta të formohet nga lëndë inorganike ekziston, atëherë kjo ka ndodhur, pasi kushtet që kjo të ndodhë janë plotësuar (koha e madhe, hapësira e madhe, etj.).

Organikja krijohet nga inorganikja (apo në vija të trasha të dyja janë thjesht kombinim i materies) në bazë të probabilitetit. Dhe mundësia që jeta të jetë krijuar në gjithësi gjatë kohës së ekzistencës së gjithësisë ekziston, ndoshta jo pikërisht mbi Tokë, siç thotë shkrimi yt më lart, por në gjithësi, po. Unë nuk kam më tepër informacion për këtë gjë, dhe kjo gjithashtu nuk i përket temës. Këtë e sqarova dhe më lart në postin e mëparmë:

(Por kjo është jashtë temës. Nëse dëshiron të flasësh për këtë mund të hapësh temë të posaçme. Tema këtu është: "Përkufizimi i zotit.")

por ti gjithsesi vendose të përgjigjeshe pikërisht ndaj asaj që është jashtë teme!

Nëse dëshiron mund të hapësh temë të posaçme për krijimin e organikes nga inorganikja, tek forumi shkencës.