Turqia,ne prage te laikciteti apo İslamizimit total...

[Stefan07]

Deklaratat e Erdoganit në lidhje me zgjedhjet presidenciale

Kryeministri turk Rexhep Taip Erdogan, deklaroi se deri javën e ardhshme do të bëjë publik kandidatin e partisë së tij për zgjedhjet presidenciale në Turqi. Kjo deklaratë e z. Erdogan erdhi pas vendimit të këshillit ekzekutiv të Partisë për drejtësi dhe zhvillim të Turqisë e cila atij i ka dhënë kompetenca absolute për të marrë vendim në lidhje me kandidatin e kësaj partie në zgjedhjet presidenciale. Analistët politikë kanë komentuar në dy mënyra deklaratën e kryeministrit turk. Këto fjalë të z, Erdogan tregojnë se ai dhe partia e tij, për shkak të pozitës së veçantë që ata kanë në parlamentin turk, do të kenë fjalën e parë në lidhje me zgjedhjet e ardhshme presidenciale në Turqi. Për këtë arsye, Rexhep Taip Erdogan dëshiron që deri në çastet e fundit të vazhdojë ndjeshmëria në lidhje me kandidatin e partisë së tij për zgjedhjet presidenciale. Pritja e prezantimit të kandidatit të partisë në pushtet për zgjedhjet e ardhshme në Turqi, para së gjithash është vdekjeprurëse për partinë Laike, nacionalistët dhe ushtarakët e Turqisë. Ata ditëve të fundit kanë organizuar protesta masive kundër kandidimit të mundshëm të z. Erdogan në zgjedhjet presidenciale në Turqi. Ata mendojnë se presidenti i Turqisë duke të jetë shembull i sekularizmit dhe ndjekës i idealeve të Ataturkut. Ata gjithashtu besojnë se Erdogan për shkak të prirjeve të tij pro-islame, nuk i plotëson këto kushte dhe përpiqen me çdo kusht që të pengojnë hyrjen e tij në garën presidenciale në Turqi. Sipas kësaj pikëpamje, Erdogan, përvojat që ai ka fituar në postin e kryeministrit do ti shfrytëzojë për të marrë edhe postin e presidentit të vendit. Kurse, komenti i dytë që bëhet ndaj fjalëve të z. Rexhep Taip Erdogan, flet për atë se ai për disa arsye, ndoshta nuk do të kandidohet në zgjedhjet presidenciale në Turqi. Lideri i partisë së djathtë moderatore në Turqi, ka deklaruar se ai beson që Erdogan nuk do të kandidojë në këto zgjedhje. Kurse analistët politikë besojnë se kryeministri aktual turk Erdogan, është duke u përballur me presione të shumta, nga njëra anë partia e tij kërkon marrjen e postit të presidentit, kurse nga ana tjetër, grupet kundërshtare kërkojnë mos kandidimin e tij. Ndoshta ky është shkaku që këshilli ekzekutiv i partisë në pushtet, z. Edorgan i ka dhënë kompetenca të plota që ai vet të merr vendimin në këtë drejtim. Ekziston mundësia që Erdogan të emërojë një person të besuar për zgjedhjet presidenciale dhe vet të vazhdojë të drejtojë partinë për zgjedhjet vendimtare të parlamentit turk që do të zhvillohen nga fundi i vitit, sepse sipas kushtetutës turke, presidenti i vendit nuk duhet të ketë asnjë prirje partiake. Mirëpo, disa njerëz të afërm të z. Erdogan dhe ndoshta edhe vet ai, besojnë se më nuk do të përsëritet një rast i këtillë për marrjen e postit të presidentit të vendit.