Si nepërkë e etur për ujë dhe zjarr

[M_u_Z_a]

Po e cel kete teme te re, duke huazuar nje poezi nga libri im i dyte "Imazhet kane ftohte".
Do doja qe e tera te ishte ne rolin e titullit te temes, por ngaqe nuk mundesohet nga ana teknike, po ia le privilegjin vargut te pare.


.......


si nepërkë e etur për ujë dhe zjarr
të jam lidhur e tëra pas trupit në një përqafim vdekjeprurës
duke lëpirë ethshëm të djeshmen
rrëshqas çmendurisht kilometrave epshndjellëse të lëkurës
shaloji kuajt e psherëtimave
lëshoji të rendin mbi mua
më ler të të djeg me vullkane vibrimesh

ringrihu prej hirit për të rishkruar legjendën tonë të re
në pergamenë përqafimesh


.
.
.

[M_u_Z_a]

.......



dikur në mbretërinë e largët
të asaj që si e vërtetë më shfaqet dhe humbet
ti ishe mbret
unë e jota hije
mes ulërimash shthurja të pathururat ëndrra
ti më këndoje këngë që si dije
tash
jam princeshë në mbretërinë e të vdekurve
skeptrin e zjarrtë
shtrengoj mes shalësh
se
duart
puthja e djallit mi mbërtheu
tek therja nën këmbet e tua një ndjenjë të harruar
e ti
lotoje të pathënën e fshehur
sot
jam unë e harbuar
për ty
që rrugësh të rigjeta
grimcuar
po ti qep copëzat e hirta me buzët e lagështa
një identik për të krijuar
një identik me ty
të mbërthej me të trëndafiltat shalet e mia të hajthme
i uleras botës që sytë ti hedhe mbi mua
dhe ti ngujoje aty
.
.
.

[M_u_Z_a]

Puthje të kuqe…


Lëkurën…
me lule putjesh të kuqe ,
do të ta qëndis...
E nëse “djall”, ti s’më lëshon,
do përgjakem
si pas shpërbërjes së himenit së pari here…
Buza ime e bardhë,
……………..do dëshmojë vetpërplasjen,
Gjuha e kuqe,
gjarpërinë që shfaqet diku tjetër
................................dhe godet të tjerë…
E vërtetë,
që në jetë ndodh jo rrallë herë…
Eja,
një copë kohë dhe ik, ik sërish.
Se jam unë ajo,
që me lule gjaku,
puthjesh,
lëkurën do të ta qëndis…
Vdekur apo gjallë,
pak rëndësi ka,
përderisa dhimbja nuk vdes asnjëherë…
dhe e verteta
nga sytë e përlotur,
copëza të çmendura retinash gris...
Ti nuk je kavie
që përvidhesh hijeve.
As merimangë që end e end “të keqen” paturpësisht…
As maniak që josh pa fund vetveten.
Është tjetërkush që fjalën e bën pis…

Struku si bebe në trupin tim të qumshttë
Se…lëkurën…
me lule puthjesh të kuqe,
do të ta qëndis…

[GeoF]

Pershendetje Muza !
Jeni magjikisht e kendshme ne vargezim.
Keni nje ritem si nje frymemarrje vrapuesi qe shkon drejt..., majave te mprehta te metaforave te tua.
E bukur, e bukur kjo "Puthja e kuqe".....
Genti

[M_u_Z_a]

Pershendetje Muza !
Jeni magjikisht e kendshme ne vargezim.
Keni nje ritem si nje frymemarrje vrapuesi qe shkon drejt..., majave te mprehta te metaforave te tua.
E bukur, e bukur kjo "Puthja e kuqe".....
Genti

Te falenderoj qe me lexon dhe vlereson Gent!
Dje kam shkruar disa vargje per mikun tone te perbashket "S".
Me pas i hodha nje sy librave te tij poetike dhe romanit. Mendova: "Pse nuk kane pak me shume fat krijuesit?"
Realisht, ai eshte me shume fat perderisa mendja e tij eshte e ndricuar nga nje talent brilant. Por a mjafton vetem kjo?
Gjithsesi, pasi ta sjell neser ketu ne forum poezine, do doja mendimin tend.

Respekt per ty,
M_u_Z_a

[trysil]

Këto poezi dallohen nga shumica e poezive në forum...

Gjuha, figuracioni, intertekstualiteti, gradacioni dhe hapësira ku shtrihet mesazhi poetik, tregojnë se autori/ja, nuk kanë hyrë në botën e poezisë si në një uikend, por në një gjurmim më të thellë të mundësive shprehëse të artit poetik.

Kujdes:Një mjegullnajë e tragjidicitetit t' i mbulon vargjet herë-herë...


suksese!

[M_u_Z_a]

Këto poezi dallohen nga shumica e poezive në forum...

Gjuha, figuracioni, intertekstualiteti, gradacioni dhe hapësira ku shtrihet mesazhi poetik, tregojnë se autori/ja, nuk kanë hyrë në botën e poezisë si në një uikend, por në një gjurmim më të thellë të mundësive shprehëse të artit poetik.

Kujdes:Një mjegullnajë e tragjidicitetit t' i mbulon vargjet herë-herë...


suksese!

Te falenderoj qe me vlereson trysil!
Por me shume te falenderoj per keshillen tende.
Eshte i vertete konstatimi yt. Jam distancuar prej tragjikes shpesh, por...ajo hyn tek une nuk e di se nga cila porte, dritare a oxhak ne menyre te pavetedijshme...

Respekt per ty
Suzana


Eja…në hënë…



Eja…
të bëjmë dashuri në hënë
duke përqeshur
……....shtrojën e ftohtë…të origjinës!
Të çmendemi në hënë
duke pikuar
…......të lëngshmet rrëkeza ekstaze…!
Eja,
të harbojmë në hënë…
……...lëshuar pacipërisht tek njëri tjetri
………………………..si në të fundit ditë të jetës…!
Eja, përvëlohemi me hënën…!
Hapësira të vdesë
e koha, te perëndojë nën avujt e nxehtë të pasionit.
Hiri të ushqejë shkretëtirën tokë
dhe ta blerojë…
Eja pra, të bëjmë dashuri në hënë…!

[ajzberg]

Te falenderoj qe me vlereson trysil!
Por me shume te falenderoj per keshillen tende.
Eshte i vertete konstatimi yt. Jam distancuar prej tragjikes shpesh, por...ajo hyn tek une nuk e di se nga cila porte, dritare a oxhak ne menyre te pavetedijshme...

Respekt per ty
Suzana


Eja…në hënë…



Eja…
të bëjmë dashuri në hënë
duke përqeshur
……....shtrojën e ftohtë…të origjinës!
Të çmendemi në hënë
duke pikuar
…......të lëngshmet rrëkeza ekstaze…!
Eja,
të harbojmë në hënë…
……...lëshuar pacipërisht tek njëri tjetri
………………………..si në të fundit ditë të jetës…!
Eja, përvëlohemi me hënën…!
Hapësira të vdesë
e koha, te perëndojë nën avujt e nxehtë të pasionit.
Hiri të ushqejë shkretëtirën tokë
dhe ta blerojë…
Eja pra, të bëjmë dashuri në hënë…!

Dashuri kozmike si metali i skuqur , i perveluar,zhytur ne akullin e henes,bah me ka folur Mondi per ju dhe gjithmone te kam lexuar,por kjo poezi me goditi ne shenje.

[M_u_Z_a]

Dashuri kozmike si metali i skuqur , i perveluar,zhytur ne akullin e henes,bah me ka folur Mondi per ju dhe gjithmone te kam lexuar,por kjo poezi me goditi ne shenje.

Ajzberg, te falenderoj duke u ndjere "e vogel" para vleresimit tend...!
Nuk di ne i kam sjelle ma pare keto dy poezi. Jane e shkeputur prej librit "Imazhet kane ftohte". Te pershendes:


MËNGJES I ÇMENDUR…



Mirëmëngjes hapësirë!
Je më e vogël se liria.
Flakur shkujdesur në syrin tim.

Mirëmëngjes,
i gërmuquri plak që rrëmon plehrat në cepin e rrugës,
tretur në përjetësinë e hapave.

Mirëmëngjes mendje!
Tinëz u largove hijesh,
duke i shuar kohës afatin e skadencës.

Mirëmëngjes hiri im,
endur krizantemave në fushën e përflakur të shpirtit.

Mirëmëngjes,
ti, rrezja e munguar e dritës,
që lëmon puthjesh qiellin blu.

Mirëmëngjes i tulaturi zog,
që luan mes acarit dhe jetës
tangon e përbaltur të ekzistencës.

Mirëmëngjes Olimp!
Ti, Zotat i lëshove dimrit,
për të ngritur haremin, këtu.






HOME SWEET HOME...



E ëmbla shtëpia ime...
Mbështjellë me çarçafët e ngrohtë të fjalëve.
Mbuluar me çatinë e ritmeve...

.
.
.

[feneri]

Po e cel kete teme te re, duke huazuar nje poezi nga libri im i dyte "Imazhet kane ftohte".
Do doja qe e tera te ishte ne rolin e titullit te temes, por ngaqe nuk mundesohet nga ana teknike, po ia le privilegjin vargut te pare.


.......


si nepërkë e etur për ujë dhe zjarr
të jam lidhur e tëra pas trupit në një përqafim vdekjeprurës
duke lëpirë ethshëm të djeshmen
rrëshqas çmendurisht kilometrave epshndjellëse të lëkurës
shaloji kuajt e psherëtimave
lëshoji të rendin mbi mua
më ler të të djeg me vullkane vibrimesh

ringrihu prej hirit për të rishkruar legjendën tonë të re
në pergamenë përqafimesh


.
.
.

më ler të të djeg me vullkane vibrimesh

Gjithë kjo pjetisje metaforash në lirikën e Muzes del vullkan vibrimesh.Po ! E në rrethana që të shpeshtën bijnë, nga sjellja e tillë siç ndodhin ndarjet, si mund të mos ndjehet djegia? Këtë nismë meditative të lirikës së Suzanës, e përshëndes me këto vargje :


TINGULL

( Asaj që më sjell agim )


Përballë pergamenit një tingull rri
Si orë pa ndalur troket tik-tak.

Në hieroglife është shkruar një histori
Duke shtri blerimin në zemër bën jatak!


S'është tingull që grryen si bisturia në plagë
Por të ysht për shpresa - të kallë për blerim.

Në ritmin e vrullit është amanet pa vrragë
se të flak errësirën e të sjell agim!

Çfarë dehje që se ka puhia e pranverës
As gurra e lirikës të shtruar në pergamenë .

Ashtu bëhet nektari në horizontin e sferës
se tingulli magjik - johonë e shndërron dhenë !

###

Gjithë ky horzont i hapur - gjithë kjo Yllësi
Më ka vënë në hark meditimi - se Ti je gjithësi...!