A duhet të heshte qeveria Shqiptar ndaj talljes se shtetit Grek me emigrantet?!..

[jonidapasho]

deri kur te behet ndonje skandal i madh qe do ta marri vesh gjithe bota dhe te vij Amerika te na zgjidhi problemet se ne nuk jemi te zote.

Mediat greke as nuk e vene ujin ne zjarr per kete ceshtje.
Po te dyshonin se ndonje Shqiptar do kishte vjedhur diku nuk do pushonte se brockollituri vrer per gjithe shqiptaret televizoni grek.


vete e kemi fajin per te gjitha keto qe po kalojme.

[Kallmeti]

Në nje pronancim te presidentit Shqiptar thuhej se edhe nderkombtaret nuk duhet te heshtin per kufirin me Greqine po sa do te degjohet zeri i presidentit kur zevendesministri yne i jashtem iu hedh fajin emigranteve se gjoja paskan ardhur me shumice(SA eshte paguar per ate deklerate per mediat greke?)

sipas ''Koha jonë''
"Nderkombetaret te mos heshtin per kufirin"
Presidenti i Republikes Alfred Moisiu u shpreh dje per te ripare formen dhe menyren e perfaqesimit te OSBE-se ne Tirane, por duke e konsideruar si domosdoshmeri pranine e ketij organizmi nderkombetar. Po ashtu ai ka kerkuar qe organizmat nderkombetare ne Tirane, te veprojne per sensibilizimin e gjendjes ne kufirin greko-shqiptar. Kete ai e deklaroi gjate nje takimi qe pati me ambasadorin e OSBE-se ne Shqiperi Gert Ahrens, ne prag te largimit te ketij te fundit nga Shqiperia. "Ka ardhur koha per te pare formen dhe menyren e perfaqesimit te OSBE-se ne Shqiperi, por prezenca e saj eshte e domosdoshme si nje lidhje e mirefillte me vendet e tjera ku ajo vepron", tha Presidenti Moisiu. Ndersa ambasadori Ahrens, duke biseduar rreth pranise se misionit te OSBE-se ne Tirane, tha se, "OSBE-ja eshte mysafir ne nje vend sovran dhe nese nuk i duhet atij vend, nuk mund te qendroje me". Ai vleresoi zhvillimet politike dhe institucionale gjate qendrimit te tij ne Tirane si ambasador. Duke iu referuar zhvillimeve te diteve te fundit ne pikat kufitare me Greqine, ku ne radhet e pafundme presin me mijera emigrante shqiptare, Presidenti Moisiu tha se pervec perpjekjeve te qeverise shqiptare per te stabilizuar situaten, duhet te luajne nje rol jo te vogel per sensibilizimin e opinionit nderkombetar edhe misionet e huaja qe veprojne ne territorin shqiptar. "Pavaresisht nga kontributi i qeverise shqiptare ne lidhje me veshtiresite e krijuara ne pikat e kalimit kufitar me Greqine, eshte mire qe per ceshtje te tilla te ndihet edhe roli i organizmave nderkombetare qe jane te pranishme ne vend", i tha Moisiu ambasadorit Ahrens. Ai nga ana tjeter vleresoi kontributin qe ka dhene kjo organizate europiane ne vendin tone, qe nga koha e vendosjes se kontakteve te para disa vjet me pare. "Ne jemi te interesuar te kemi marredhenie te mira me te gjitha organizmat qe veprojne ne Shqiperi. Do te doja te vecoja ndihmen qe OSBE-ja ka dhene gjate krizes se Kosoves dhe me pas, duke e vleresuar rolin e saj ne konkretizimin e ndihmes dhene vendit tone", perfundoi presidenti Moisiu. Ai i uroi ambasadorit Ahrens suksese ne misionet e tjera ku ai do te punoje me tej.

[Redi]

Nano ka qene edhe 4 here te tjera me pare Kryeminister dhe u kujtua tani ne 2002-in per ti bere kete kerkese Greqise? Po per te vajtur 10 here ne vit ne Greqi me pushime nuk perton ai?

Nga nje Kryeminister shqiptar mund te jete deklarata e pare, por kerkesa e pare per heqjen e gjendjes se luftes Greqise ndaj Shqiperise eshte bere vite me pare, nga Parlamenti Shqiptar.



Ndesa i vetmi politikan qe po reagon ashper ngaj Greqise sot eshte presidenti Moisiu.

Ja c'thote GZ-ja

--------------------------------------------------------------

Greqia është një vend anëtar i i NATO-s dhe i ka të gjitha kushtet që probleme të tilla t'i përballojë"

Presidenti: Një problem teknik mund të ketë pasoja politike

Kufiri, Moisiu thërret ambasadorin grek: Kujdes


--------------------------------------------------------------------------------

Presidenti Moisiu kërkoi dje që qeveria greke ta vlerësojë më shumë situatën e krijuar në kufirin shqiptaro-grek, që të mos marrë ngjyrime politike. "Një problem teknik mund të ketë pasoja politike, nëse nuk reagohet në kohë", i tha Moisiu ambasadorit grek, Iliopoulos.

Presidenti Moisiu në takimin me ambasadorin grek kërkoi nga ky i fundit një angazhim më të madh të qeverisë greke për zgjidhjen konkrete të situatës së rënduar në pikat kufitare me Greqinë, ku mijëra emigrantë presin radhën për t'u rikthyer në punë atje. "Nuk ka arsye të qëllimshme nga shteti grek për krijimin e një situate të tillë. Kjo është dhe pasojë e legalizimit të një numri të madh emigrantësh shqiptarë që ndodhen në Greqi, si dhe e përmirësimit të kushteve të tyre ekonomike që u krijojnë mundësinë të kthehen në vendlindje për pushime", theksoi ai. Megjithatë Moisiu shtoi se duhet lënë hapësirë që këto shkaqe të çojnë në shndërrimin e tyre me pasoja politike në marrëdhëniet midis dy vendeve. Besoj në mungesën e një qëllimi të paramenduar, por edhe një problem teknik mund të ketë pasoja politike nëse nuk reagohet në kohë. Këto probleme e kapërcejnë kuadrin e marrëdhënieve bilaterale, kur paraqesin elementë të një krize humanitare", tha Moisiu. Ai shtoi se Greqia është një vend anëtar i Bashkimit Europian dhe i NATO-s dhe i ka të gjitha kushtet dhe mundësitë që probleme të tilla t'i përballojë më së miri. "Pas këtij precedenti qeveritë e dy vendeve do të jenë më efikase në eliminimin e situatave të tilla". Moisiu pranoi se fluksi i madh i emigrantëve ndikoi në këtë situatë të krijuar, por ajo duhej të ishte vlerësuar më shumë nga pala greke. "Unë e besoj befasinë, por kjo situatë zgjati shumë dhe fakti se është hera e dytë që merren masa serioze, të cilat e lehtësojnë këtë problem, tregon se autoritetet greke, sidomos ato lokale, nuk janë vlerësuar sa duhet", theksoi Moisiu. Ambasadori grek, Dimitris Iliopoulos, tha se ky numër i madh emigrantësh nuk pritej dhe nga ana greke u morën masa të menjëhershme për përmirësimin e gjendjes. "Por ajo që është më e rëndësishme, është gjetja e një zgjidhjeje për të ardhmen. Nga ana e qeverisë greke janë menduar disa masa që do të lehtësojnë fluksin e emigranmtëve në raste pushimesh apo festash", tha ai. Në këtë drejtim përfaqësuesi grek përmendi hapjen e pikës kufitare të Tri Urave, rritjen e personelit në periudha të tilla, përmirësimin e pajisjeve teknologjike dhe mundësinë e vënies në punë së linjave të transportit detar midis dy vendeve.

[Kallmeti]

Urime Redi e verteta eshte ashtu siç thua por çfare mund te presim prej Nanos i cili ha darka dhe dreka me antishqiptarin me te madh në bote kryetarin e lobit grek ketu në Amerike(dhe fton edhe nje nxenes tjeter te tij dhe te enverit mzatin Ilir Meta qe te shijojne BAHKE GJELLEN FREE TE ANTISHQIPTARIZMIT )Shpresojme qe presidenti Moisiu te mos stepet në rrogen qe ka nisur...SHPRESOJME....SHPRESOJME....

[Tigrimelara]

Do ti vije radha edhe Greqise
Ajo dite nuk eshte large
Asgje ne kete bote nuk eshte e rastesishme edhe radhet me Emigrante
Shqiperia po exe perpara Greqia po dobesohet .
Ne do jemi fitimtare

[Kallmeti]

kOMPJUTERAT GREKE NE NJE KARIKATURE

[Kallmeti]

Greqia: Shqiptarët u ndëshkuan pse sollën lekë në atdhe
Deklarata skandaloze të ambasadorit të Greqisë në Korçë, Iliopulos, lidhur me krizën më të fundit në kufi
Duke treguar investimet në Shqipëri si një kosto të justifikueshme, ambasadori grek ka lajmëruar se e njëjta sjellje do të shfaqej në Kakavijë e Kapshticë edhe gjatë vitit të ardhshëm
Grekët kanë nxjerrë në dritë shkaqet e krizës së fundit në kufi, si dhe kanë paralajmëruar shtetin shqiptar për kriza të reja diplomatike dhe ndërkufitare. Këtë gjë e ka bërë të ditur, ambasadori grek në Shqipëri Iliopulos, pas një vizite në qytetin e Korçës. Gjatë vizitës, ambasadori grek është takuar me autoritetet e larta të Korçës, si me prefektin dhe kryebashkiakun, ku u ka thënë atyre se faji për krizën në kufi, ka qenë i vetë emigrantëve shqiptarë. "Emigrantët shqiptarë paguan koston e udhëtimit, sepse lekët që fituan në Greqi i lanë në Shqipëri", ka deklaruar ambasadori grek Iliopulos. Ai shtoi më tej, se "shteti grek i ka shërbyer shumë kohët e fundit shtetasve shqiptarë që punojnë atje, prandaj ka pritur prej tyre dhe një investim më të madh në këtë vend, që po i mban për më tepër se 10 vjet". Por e vërteta është krejt ndryshe për shtetasit shqiptarë, që prej më tepër se 10 vitesh ndërtojnë Greqinë, duke punuar njësoj si skllevërit në Egjiptin e lashtë. Gjatë këtyre viteve që shqiptarët janë në Greqi, atyre u janë bërë aq shumë padrejtësi, sa dhe vetë shtetasve grekë duhet t'u vinte keq. Por mesa duket, kjo punë nuk do të përfundojë me kaq, pasi diplomatët grekë kanë paralajmëruar kriza të tjera në marrëdhëniet diplomatike me Shqipërinë, kjo si kundërpërgjigje ndaj përpjekjeve diplomatike të Shqipërisë zyrtare. Në një kohë që gjendja në doganat shqiptare në kufi me Greqinë, nuk është stabilizuar akoma, nuk dihet se çfarë "surprize" tjetër i pret shtatasit shqiptarë që punojnë atje, sidomos pas paralajmërimeve më të fundit, që vijnë prej diplomatit grek në Shqipëri. Paralajmërimi për një krizë të re, ka qenë në thelb deklarata e ambasadorit grek në Tiranë, Iliopulos, pas një takimi dje me kryebashkiakun e Korçes Gjergj Duro dhe përfaqësues të tjerë të pushtetit lokal. Gjithashtu, Iliopulos ka theksuar se, "emigrantët shqiptarë që punojnë në Greqi, po paguajnë çmimet e suksesit pas pajisjes së tyre me leje qëndrimi, rritjes së mirëqenies dhe ky është shkaku pse u rrit fluksi, sepse pushimet i kaluan në vendlindje e paratë i lanë në këtë vend. Kështu morën përsipër koston për kthimin në Greqi". Por sipas përfaqësuesve të qeverisë shqiptare, kjo situatë është pasojë e neglizhencës së pajustifikueshme të palës greke. Në lidhje me këtë çështje, ka diskutuar dhe Këshilli i Sigurimit, që është mbledhur nën drejtimin e presidentit të Republikës, Alfred Moisiu.

[Kallmeti]

Çeshtja çame në senatin amerikan, nervozon, qarqet shovene greke, sespe ky fakt ndërkombëtarizon çështjen e padrejtësisë historike ndaj shqiptarëve

Prapaskenat politike, që bëjnë të vuajnë emigrantët në kufi


--------------------------------------------------------------------------------

Ilir KULLA

Tashmë radha e gjatë e emigrantëve shqiptarë në Greqi, në doganat jugore të vendit tonë është kthyer në një krizë politike të pamohueshme në mes të dy vendeve.

Reagimi ekstrem politik i mediave greke, madje i atyre më liberale, kundër shqiptarëve tregon qartë se periudha e "muajit të mjaltit" në mes Tiranës dhe Athinës zyrtare ka përfunduar, për t'ju rikthyer sërish erërave të ftohta të kohëve më parë. Shprehja e ambasadorit helen në Tiranë, zotit Iliopulos, se "emigrantët shqiptarë paguajnë çmimin e pushimeve të tyre", tregon qartë për nivelin e nervozizmit të Athinës zyrtare në raport me Tiranën, pas qëndrimit korrekt, koherent dhe të prerë të presidentit shqiptar Moisiu në lidhje me këtë çështje. Natyrshëm lind pyetja a janë kompiuterat e policisë greke shkaku i vërtetë i kësaj ftohje të madhe, i nervozizmit masiv grek, të shfaqur dhe manifestuar me shprehje ekstreme si ato të njëhesimit të Shqipërisë me Al Kaedën etj?

Shkaqet e vërteta të krizës
E vërteta mbi shkaqet e krizës aktuale me Greqinë duhet kërkuar në të kaluarën historiko-politike në mes dy kombeve, në interesat e mëdhaja ekonomike në rajonin e Evropës Juglindre dhe në krizën moralo-politike, e cila ka përfshirë shoqërinë kaotike greke.

Historia e formimit të shteteve nacionale në Ballkan nuk do të ishte e mundur pa traktatin e Shën Stefanit, i cili shënoi dhe fillimin e mbarimit otoman. Ky fakt solli shkëputjen gati të shpejtë të kombeve të tilla si bullgarët, grekët dhe serbët nga perandoria si dhe krijimin e shteteve të tyre nacionalë. Nga këtu lind arsyeja, se pse këto shtete si busull politike gjatë gjithë historisë së tyre kanë pasur qarqet fetare bizantino-ortodoske në Rusi, madje edhe gjatë periudhes së sundimit komunisnë Moskë(përjashto Greqinë). Në këto kushte janë krijuar edhe raportet e këqija në mes shqiptarëve dhe shtetit grek. Shkëputja nga perandoria e grekëve, e serbëve dhe e bullgarëve la disa shoqëri feudale homogjene në kërkim të një identiteti dhe territoreve të reja për tu shtrirë. Kjo bëri që këto shtete të themeloheshin dhe forcoheshin në kurriz të kombëve të tjera dhe luftrave për territore dhe pasuri, që u bë kundër tyre.

Çështja çame në senatin amerikan
Në rastin konkret qarqet shovene greke me në krye udhëheqjen fetare ortodokse që e përjetuan lindjen e shtetit të tyre si lindjen e një shteti shqiptaro-grek, për shkak rolit të pazëvëndësueshëm të shqiptarëve etnikë atje për krijimin e shtetit grek, e ndjenë veten të detyruar të spastronin Greqinë nga shqiptarët. Për këtë duhej një pretekst dhe preteksti ishte feja. Në historinë e tyre shovenët grekë në raport me shqiptarët kanë përdorur gjithnjë si pretekst politikat e pushtuesve që kanë sunduar shqiptarët (si otomanët apo fashistët italianë), për të bërë të mundur spastrimet e shqiptarëve etnikë nga vendlindja e tyre në tokën helene. Është ky fakti që nervozon qarqet histerike shovene-religjoze në Greqi, sa herë që bie fjala për padrejtësitë njerëzore dhe krimet që ata kanë bërë ndaj shqiptarëve në krahinën e Çamërisë apo atë të Sulit. Ndaj dhe sa herë ndodh kështu grekët nuk harrojnë të na kujtojnë se shqiptarët më parë paskan qenë turq, se turqit janë myslimanë dhe se këta paskan vrarë grekët e krishterë dhe dokrra të tilla...

Diskutimi i të ashtuqujturës çështje çame në senatin amerikan, nervozon, qarqet shovene greke, sespe ky fakt ndërkombëtarizon këtë çështjen e padrejtësisë historike ndaj shqiptarëve.

Konkurenca ekonomike rajonale
Një tjetër shkak që ka ngritur temperaturën në termometrin grek është situata ekonomike në rajonin e Evropës Juglindore. Në vitet e fundit Greqia është munduar të marrë rolin e liderit ekonomik në Evropën Juglindore. Me teoritë e integrimeve rajonale, të nismave dhe iniciativave të ndryshme kapitalet greke kanë luftuar për lidership politik dhe ekonomik në rajon. Në një farë mënyre e njëjta gjë ka ndodhur dhe në Shqipëri. Fatkeqësisht sinjalet pozitive të dhëna nga qeveritë e ndryshme shqiptare për një politikë ndryshe me Greqinë, me anë të favorizimit të kapitaleve greke në tregun shqiptar, janë interpretuar si dobësi dhe përulësi të politikës së Tiranës zyrtare dhe jo si një mendësi evropiane për zhvillime dhe integrime. Përballë ndryshimeve të kurseve politike për ekonominë nga politika shqiptare, që synojnë liberalizimin e mëtejshëm të politikave ekonomike (qeveria Meta 2-Majko dhe tani ajo Nano) kapitalet greke e ndjenë veten të rrezikuar nga konkurrenca ekonomike. Ky regres tremb politikën greke, pasi kjo do të thotë se në rrugën e integrimeve nuk do të ketë liderë dhe ushtarë, por partneritet në kushtete konkurrencës ekono-mike globale. Bindja greke se një tërheqje ekonomike nga Shqipëria, do të dobësonte prezencën ekonomike greke në Maqedoni, Serbi dhe Bullgari është reale. Ky do të ishte një shembull që do ti printe ndryshimeve në politikat ekonomike edhe në këto vende, në kushtet e alternativave ekonomike dhe jo të prepotencave ekonomike të krijuara nga monopolet politikë. Në rastin konkret me Shqipërinë grekët i nervozojnë dy projekte strategjike ekonomike rajonale. Korridori i Adriatikut që synon Evropën qëndrore, Durrës-Prishtinë-Beograd-Budapest dhe ndryshimi i linjës politike shqiptare në raport me administrimin e politikave energjitike. Afrimi me kapitalet multinacionale perëndimore, nxjerr jashtë loje projektet greke të furnizmit me energji, gaz dhe naftë të ballkanit nga Selaniku në Shkup dhe më tej në Beograd apo dhe Prishtinë e më pas në Tiranë. Në kushtet e një paqe politike që rrjedh nga konsensusi në mes forcave kryesore politike dhe të ndryshimit të kursit në politikën e jashtme të Tiranës zyrtare, Athina zyrtare mundohet të gjejë pretekste politike mbi stabilitetin rajonal. Vetëm kështu mund të shpjegohet mbështetja fanatike e Athinës zyrtare në dobi të Gjeorgjevskit dhe bandës së tij.

Terrorizmi dhe opozita qytetare
Akuzat e medias greke për gjoja prezencën e Al Kaedës në Shqipëri, në të vërtetë përmban nervozizmin grek për një riafrim të Shqipërisë me Turqinë, që është edhe aleati më i fortë i SHBA-ve në luftën e egër kundër terrorizmit ndërkombëtar. Futja e Abdullah Oçalanit dhe e organizatës së tij në listën e organizatave ndërkombëtare të terrorizmit global, nuk ishte vetëm një fitore historike e autoriteteve zyrtare turke ndaj terrorizmit, por ishte dhe një grusht ndaj mbështetjes institucionale dhe politike të Athinës zyrtare që deri tani kishte supportuar politikisht kauzën kurde. Kjo do të thotë që përpara Shqipërisë në listën e terrorizmit global është Greqia, me 17 Nëntorin, Abdullah Oçalanin etj. Në kushtet e këtij degradimi politik në Greqi po krijohet një opozitë e shoqërisë civile greke që mendon ndryshe, nga qarqet shovene shpesh të afërta me pushtetin. Këto qarqe mendojnë se mund të bëhet një politikë ndryshe në rajon. Se këto politika varen nga integrimet dhe mentalitetet e partneritetit të lidhura ngushtë me interesat progresiste eko-nomike. Për këto qarqe është e qartë që sjellja harbutëshe e autoriteteve greke me emigrantët legalë shqiptarë në kufinj, jo vetëm që nuk i shërben Greqisë evropiane, por e kthen atë mbrapa në shumë vite. Imazhi i Greqsië që sajon armiq shqiptarë, UÇÇ dhe Bin Ladena në Shqipëri, është qesharak. Ky imazh bën që në vend që të afrohet miqësia në mes dy popujve miq, të zënë vend idetë fanatike bizantine të kombëve armiq, në luftë madje edhe me ligj. Kjo shtresë qytetare, intelektuale dhe evropiane në Greqi është në konflikt të hapur me llogjikat e vjetra që po çojnë Greqinë në humbjen e alencave strategjike me perëndimin dhe SHBA.