Blero

[Davius]

Blero në Tiranë me të fejuarën, të pavendosur për martesën

Ka ardhur në Tiranë së bashku me të fejuarën e tij Nora. Në fakt nuk ndodh shpesh, që ajo ta shoqërojë në udhëtimet e tij nëpër koncerte apo aktivitetet e ndryshme ku Blero merr pjesë, por për ta Shqipëria është gjithmonë një rast i veçantë, ndaj edhe biondja bukuroshe nuk mund të mungonte. Pjesëmarrja e tij në Top-fest, ndoshta nuk do të diskutohej gjatë, sepse ky është një aktivitet në të cilin këngëtari nga Kosova nuk ka munguar, megjithatë këtë radhë më shumë se kurrë, duket se ardhja e Bleros në Tiranë ka qenë me kërkesën e fansave dhe adhuruesve, të cilët vazhdimisht i shkruajnë në faqen e tij në internet. Qëndrimi i tij në Tiranë nuk ka qenë shumë i gjatë, megjithatë Blero shpreson të jetë sërish, disa javë më vonë, në natën finale të festivalit. Edhe pse prej disa vitesh këngëtari kosovar është vendosur dhe jeton në Suedi me të fejuarën e tij, duket se ofertat e vazhdueshme për koncerte në vende të ndryshme të botës, e bëjnë që të udhëtojë shpesh, herë me Norën dhe herë vetëm. “Ajo nuk mund të jetë gjithmonë me mua, sepse ka shkollën dhe impenjimet e saj, por në raste të veçanta siç është Shqipëria na pëlqen të vijmë së bashku”. Pa dyshim, që Nora është gjëja më e shtrenjtë për Bleron, ndaj edhe shpesh përpiqet që imazhin e saj ta mbajë larg mediave dhe vëmendjes së tyre. Sa për martesën... “Ndoshta po, ndoshta jo”, shprehet Blero, duke mos dashur të zbulojë më shumë. Këngëtari tregon se në ditët kur është në Suedi, impenjimi i tij i vetëm është studioja muzikore, në të cilën kalon edhe pjesën më të madhe të kohës. “Kur jam në Suedi, pjesën më të madhe të kohës e kaloj në studio, por kohët e fundit kam qenë shpesh në lëvizje për koncerte të ndryshme”, tregon ai. Dhe duket se qëllimet e Bleros, për vazhdimësinë janë të qarta. Të paktën ai ndjen se është në një moment shumë të rëndësishëm për karrierën e tij muzikore. Pas daljes së albumit në gjuhën shqipe, këto ditë në Turqi ka dalë edhe albumi në gjuhën angleze. Më pas, ky album do të dalë edhe në Francë e në vende të tjera, kryesisht evropiane. “Unë kam shumë fansa në Shqipëri, Kosovë, Maqedoni e diasporë, por kam edhe fansa të huaj, nga vende të tjera. Për këtë arsye besoj se albumi në anglisht, që sapo ka dalë në Turqi do të ecë mirë. Shpresoj, që të kem sukses në tregun evropian dhe pse jo të jem ambasador për muzikën tonë”, ka treguar këngëtari. Gjithsesi mes impenjimeve muzikore, Blero shprehet, që herë pas here përpiqet të gjejë sadopak kohë edhe për fansat, ata që e mbajnë në jetë muzikën e tij. “Çdo ditë marr e-mail-e të shumta dhe natyrisht, që nuk mund t’iu përgjigjem të gjithëve, por përpiqem të kontaktoj sa më shumë me ta”. Por çfarë ndodh me fanset femra, duke ditur që dominojnë muzikën e tij? Mos ndoshta Nora është xheloze? Duket se jo. E fejuara e tij është një vajzë, që e kupton fare mirë rëndësinë që kanë fansat për një këngëtar. “Norës i vjen mirë dhe kënaqet nga fakti, që muzika ime pëlqehet”, vijon Blero, të cilit i është dashur të qëndrojë gjatë në dhomat e zhveshjes, për të pritur derisa një pjesë e fansave të largoheshin, në mënyrë që të mos krijohej konfuzion. Ndërsa nga jeta e natës në kryeqytet, këtë radhë ka hequr dorë. “Jemi të impenjuar me festivalin dhe nuk besoj se do të kemi kohë të dalim”, përfundon ai.

[DI_ANA]

Ore Davius po sa shpejt i merr vesh dhe ti keto gjera....lol

Blero me pelqen shume si kengetar,ka talent,ze mallengjyes,tekste te bukura kengesh....i uroj suksese te metejshme.

[Davius]

Blero ikën nga Zippo i turpëruar, nuk këndon dot live

Duket se episodi i çuditshëm, që ka ndodhur fundjavën e shkuar në ambientet e Zippo club, i ka indinjuar paksa të pranishmit në atë lokal. Ndoshta askujt prej protagonistëve të asaj mbrëmjeje nuk ia kishte marrë mendja, që Blero një këngëtar i afirmuar në tregun shqiptar, e që tashmë po synon edhe tregun botëror nuk ishte në gjendje të këndonte live një këngë nga fillimi deri në fund. Ky lajm, që mbërrin në redaksi në formën e një thashethemi në fakt e ka burimin pikërisht tek disa nga të pranishmit e asaj mbrëmjeje tek Zippo. Ata tregojnë se Blero ndodhej në Tiranë fundjavën e shkuar dhe së bashku me disa miq, ka qenë për të kaluar disa orë të vona të mbrëmjes tek “Zippo”, një lokal i preferuar kohët e fundit nga shumë këngëtarë. Por, siç na tregojnë personat, që ndodheshin aty atë natë, shumë nga të pranishmit, nuk kanë mundur t’i rezistojnë dëshirës për të dëgjuar një këngë live, nga Blero, i pranishëm aty. Dhe nga ana tjetër as këngëtari kosovar nuk ka mundur të refuzojë. Pas shumë këmbënguljesh nga ana e të pranishmëve në lokal, Blero është ngjitur në skenë dhe mes shumë këngëve të repertorit të tij, ka zgjedhur këngën “Fotografia”. Thuhet se këngëtari është përpjekur shumë ta çonte deri në fund këngën e nisur, por përfundimisht nuk ia ka dalë. Dhe duket se ky fakt i ka irrituar pa masë të pranishmit, të cilët nuk e prsinin këtë dështim nga ana e Bleros. Diku u përfol se këngëtari ishte i sëmurë dhe kishte probleme me kordat, por kjo nuk e ka zbehuar aspak zhgënjimin e shkaktuar në sallë.

[Nolird]

Blero i ka kenget e mira por te vjedhura nga te tjeret

[dibrani2006]

DUETI BLERO & SHPATI. TOP FEST 2007.


http://www.youtube.com/watch?v=Lbf1V_OmsXM

[RaPSouL]

Blero kengetar me i njohur nderkombtarisht Shqiptare per momentin.

[dibrani2006]

Blero kengetar me i njohur nderkombtarisht Shqiptare per momentin.

Me qe ra fjala nderkombetarisht tregona se ku pervec qe e di ne Turqi ndoshta dhe ne Suedi ndoshta tregona ne cilin vend tjeter,sepse nuk kam shume njohuri per vendet te tjera nese din posto ndonje kopje apo link te jashtem.
flm.

[Blero_fan]

O Blero Po Na Cmende Te Gjithve. Je Njesh Fare. Vazhdo Keshtu. Urime Shpirti

[RaPSouL]

Blero sot u shfaq ne koncertin ne Prishtin qe u mbajt per hir te Ramush Haradinajt , ishte yll si cdoher i skenes..

[Davius]

Blero dhe Nora, moment pauze

Çdokujt i kujtohet pak vite më parë kënga “Kthehu ti”, një djalë biond, elegant, me një stil të veçantë look-u, një theks tipik të një shqiptari nga Kosova. Ishte pikërisht ajo këngë, ai videoklip që do ta bënte Blerim Muharremin, i njohur si Blero, një këngëtar mjaft popullor dhe të preferuar në të gjitha trevat shqiptare. Ashtu si çdo person tjetër VIP, ai u bë protagonist i shkrimeve mediatike që prej fillimit të karrierës deri në jetën e tij private, ku përfshihet dhe lidhja e tij me Norën. Pikërisht kjo lidhje do të përflitej prej kohësh, ndërkohë që Blero vetë konfirmon për “Bluetooth” se ai dhe Nora aktualisht janë në një moment pauze, por jo vetëm kaq. Sipas tij, planet për martesë kanë dështuar….

Deri para pak ditësh ndodheshit në Kosovë, më pas në Shqipëri, përse kjo shkëputje nga Suedia, për pushime apo punë?

Lëvizjet janë të shpeshta, sepse kjo i përket dhe punës time. Ndodhem këtu për promovimin e klipit të ri të albumit të ri me këngë të reja. Këto 2 ditë jam në Shqipëri, pastaj do lëviz.

Ndalemi te pushimet,planet tuaja, do të keni një periudhë pushimi total, apo do t’i përkushtoheni krejtësisht punës tuaj?

Kur jam me punë këtu, pushoj. Shfrytëzoj rastin për pushim në pishina, ose Durrës ose në Vlorë. Mbrëmjeve jam shumë i zënë. Nuk kam vendosur ende për pushime vjetore, 1 javë apo 2 javë, sepse nuk më premton koha. Shpresoj të shkoj diku për të pushuar.

Diçka për albumin dhe klipin e ri?

Albumi i ri “Falma” që promovoj, ka titullin e këngës së realizuar në bashkëpunim me kolegun tim, Shpat Kasapin. Bashkëpunoj me një rreper amerikan që quhet Prototip. Kam realizuar me të një këngë R’B, e lezetashme.

Mysafirë të tjerë në këtë album janë 2 rreperë nga Kosova; Halli dhe Cheepsi në këngën “Ama buzën”

Diçka më tepër për këngën dhe videoklipin e ri?

“S’e di” është kënga më e re, me një tekst interesant, ritëm interesant, i zhanrit R’B. Videoklipi është xhiruar në Suedi falë bashkëpunimit me të njëjtën kompani dhe regjizor që realizova këngën ‘Mos më refuzo”. Tematika e klipit janë njerëzit konfuzë, që nuk marrin dot vendime. Videoklipi ende nuk është shpërndarë nëpër Tv.

E gjen veten ndopak te ky videoklip?

Patjetër.

Çfarë mendon për këngët komerciale?

Është përgjegjësi e artistëve. Nuk kam asgjë kundër. Ndonjëherë dhe kërkohen. Në një farë mënyre jam pro, nëse punohen bukur.

Mesa dimë, keni tentuar dhe tregun europian në njëfarë mënyre, si po ecën në këtë përpjekje?

Albumi në anglisht është lancuar në Skandinavi dhe Turqi. Sipas atyre të kompanisë sime, po ecën mirë. Në fund të korrikut, albumi do të promovohet dhe në shtete të ndryshme.

Blero ke ndonjë profesion tjetër të preferuar?

Diçka që dua është futbolli. Merrem kur kam kohë, por jo dhe aq shpesh.

Sa i disponueshëm është Blero për jetën e tij private, konkretisht dhe për të fejuarën tuaj?

Në këtë periudhë nuk jam shumë i disponueshëm. Unë dhe Nora kemi marrë pak pauzë.

Ç’do të thotë pak pauzë?

Unë i përkushtohem pak punës, ajo shkollës.

Lidhur me marrëdhënien tuaj me Norën, ndonjë dasmë në plan?

Në të ardhmen e afërt,jo. Planet kanë qenë, por kanë dështuar.

Po të ndalemi te jeta private, flitet se jeni parë në një koncert dhe më pas në një pub me një bjonde që thuhet se është nëj balerinë italiane, si është e vërteta?

Shpifje absolute, nuk është e vërtetë. Nuk lexoj në internet, nuk merrem fare në internet, sepse e di që aty mund të gjesh gjithçka..Mund të gjesh aty gjëra që nuk janë të vërteta. Duke qenë se e di që aty ka gjëra jo të vërteta, nuk merrem fare me internetin, nuk lexoj asgjë aty.

Ajo çka bën më së shumti përshtypje tek publiku rezulton të jetë dhe looku juaj, disi i veçantë, i zgjidhni vetë veshjet, apo ndonjë konsultë e veçantë nga dikush?

Të them të drejtën, unë pak a shumë vendos vetë për veshjen time. Normal që kam njerëz që merren me mua, por në fund vendos vetë. Nuk ka rëndësi kostoja, stili...mund të jenë veshje të shtrenjta, por mund të jenë dhe të lira..vendos vetë. Nuk nguroj të vesh diçka që mund të jetë kundra. Atletet e bardha më pëlqejnë shumë. I kam shumë qejf.

Ku mbetet më shumë Blero, tek klasikja apo sportivja në veshje?
Sportive.

Varsja e bardhë që mbani në qafë, ndonjë domethënie?

Kam 6 vjet që e mbaj dhe nuk e kam hequr kurrë. Arsyeja personale.

Vizitoni shpesh Shqipërinë, vini vetëm për çështje pune?

Po, vij shpesh në Shqipëri. Vij për të falënderuar fansat e mi duke qenë i pranishëm. Nuk dua të jem për ta si një fantazmë, dëshiroj të jem i pranishëm në aktivitete, koncerte...

Ku keni më shumë fansa Blero?

E pamundur të them se ku kam më shumë fansa. Jam mirëpritur në Shqipëri, në Kosovë dhe Maqedoni.Nuk mund të them se ku kam më tepër dhe ku kam më pak fansa.

Kush janë miqtë tuaj më të afërt në Shqipëri?

Miku im më i afërt në Shqipëri është Sinan Hoxha. E kam mik shtëpie dhe shok shumë të mirë. Kam dhe të tjerë, por atë e kam më përzemër.

Dhe në fund diçka për të thënë Blero?

Falënderoj të gjithë fansat e mi për mbështetjen.