Lajmerim

[forum126]

Audio dokumentimi më i madh i Shejh Albanit në internet



Audiodokumentimin më të madh të derskasetave në gjuhën arabe të Shejh Albanit e ka bërë faqja islame tanimë shumë e njohur në internet “www.islamway.com “.

Përmes një mundi bukur të madh, faqja në fjalë, për qëllime të thirrjes (da’ves) në Islam, auditoriumit të saj të ndershëm ia ka paraqit këtë vepër të madhe.

Ne ua përcjellim lexuesve tanë shqiptarë një pjesë të përkthyer nga ajo që e kanë shprehur vëllezërit tanë në “islamway.com”:

“Rezultat shkencor i shkëlqyer i shejhut, muhaddithit Muhamed Nasiruddin Albani nga Shkodra-Allahu e mëshiroftë për mundin e dhënë, i paraqitur në një zinxhir prej 695 kasetave mbi të cilat është punuar me kujdes jashtëzakonisht të madh me qëllim që ajo të dalë në formë të bukur.

Pajisuni tash nga thesaret e dijes të cilat ua ka lehtësuar Allahu i Lartmadhëruar, përmes Albanit e nëpërmjet të faqes “islamway.com”.”

Fjala është për një rezultat shkencor kolosal dhe alim kolosal që tubohen në këtë zinxhir të madh të bekuar të cilat i tuboi dhe u kujdes për ta në mënyrë të veçantë Muhammed bin Ahmed Ebu Lejla el Etheri i cili e shoqëroi pandërprerë Shejh Albanin në jetën e tij dhe i regjistroi (inçizoi) diturinë dhe fjalët e tij dhe me këtë përcjellje ai i përngjajti Ebu Hurejres me përcjelljen e tij Pejgamberin alejhis-selam. Edhe pse dallimi është i madh ndërmjet të dy palëve, në përngjasim por qëllimi është i përbashkët, e ai është “Sunneti” i Pejgamberit të mbrojtur dhe Vulës së Pejgamberëve, Muhammedit, sal-lallahu alejhi ve sel-lem.

Nga punët që i kanë bërë vëllezërit tanë në “islamway.com” e të cilat i kanë theksuar, mund t’i veçojmë këto që vijojnë:

-Marja e lejes gojarisht nga Ebu Lejla el Etheri për përhapjen e koleksionit të tij të bekuar në faqen e “www.islamway.com”-it, për da’ve dhe pa qëllime komerciale.

-Huazimi i kasetave nga webmaster-i i faqes së “dijetarëve të hadithit dhe etherit” dhe të producentit të kasetave të cilat janë bërë në audio produkcionin “Ibën Rexheb” në Medinen e ndritshme, në Arabinë Saudite

-Shëndrimi i këtyre kasetave në “rm” dhe “mp3” format.

-Pastrimi dhe rregullimi i zërit në aspektin teknik dhe rregullimi i kualitetit të tij në formën më të lartë të mundur duke patur kujdes në ruajtjen derdhjes së zërit nga intonacionet e Shejh Albanit për dallim nga ajo që ka qenë në inçizimin origjinal dhe është bërë ngadalësimi i derdhjes së zërit në ato kaseta ku ajo ka qenë më e shpejtë se gjendja reale dhe përshpejtimi i saj në ato kaseta në të cilat derdhja e zërit ka qenë më e ngadalshme se gjendja reale dhe atë në shumë kaseta. Për këtë falemenderimi i takon vetëm Allahut s.v.t.

-Studimi i pllakave të “Ehlul Hadithi vel Ether” që kanë të bëjnë me këtë varg të bekuar dhe analizimi i hollësishëm i mungesave në të dy palët dhe tubimi i tyre në një vend që me këtë të bëhet tërësia e vërtetë në mes të audiokasetave dhe fajllave të kasetave që gjenden në “alathar.net” në gjithsejt 695 kaseta deri më tash, velhamdulil-lah .

Edhepse kasetat e lartpërmendura të Shejh Albanit janë në gjuhën arabe,ne shpresojmë se ato një ditë inshaAllah do të jenë të përkthyera edhe në gjuhën shqipe.

Së fundit ne i lutemi të Lartmadhërishmit që vëllezërit në këtë faqe islame për punën që e kanë bërë t’i shpërblejë me xhennetet e Tija më të larta. Amin.

Emin Limani

Wien

02.03.2005

http://www.albislam.com/albani/albani.asp?NrArtikull=43
http://www.albislam.com/ResultKerkim...=T%EB+gjith%EB

[ShkodraniNY]

FORUMI MUSLIMAN I SHQIPËRISË

Deklaratë për Shtyp
3/6/2005
http://www.forumimusliman.org/pershtyp.html

Ditën e mërkurë, më 2 Qershor 2005, në emisionin Fahrenheit
të drejtuar nga gazetari Sokol Balla në televizionin Vizion
+, është debatuar në lidhje me ‘fenë dhe politikën në
Shqipëri.’ Në këtë emision ku ishin të ftuar Ardian Ndreca,
Mark Marku, Fahri Balliu dhe Ilir Kulla është përdorur një
gjuhë tejet ofenduese dhe fyese ndaj Islamit. Ndër personat
më ofendues ndaj fesë Islame në Shqipëri dhe besimtarëve të
saj ishin botuesi i gazetës 55 dhe drejtuesi i Institutit
Demokristian ‘De Gasperi’, Fahri Balliu dhe sekretari i
Komitetit të Kulteve pranë kryeministrit, Ilir Kulla. Ky i
fundit ka nje funksion ligjor te tille qe e obligon të
mbajë qëndrime mjaft të matura ndaj çdo bashkësie fetare
operuese në Shqipëri. Në vend që të luajë rolin e
koordinuesit të marrëveshjeve ndërmjet bashkësive fetare
dhe Këshillit të Ministrave, përkundrazi merr përsipër që
në emër të institucionit që përfaqëson (Këshillit të
Ministrave), të fyejë botërisht bashkësinë fetare më të
madhe në Shqipëri, Bashkësinë Islame. Ky qëndrim i tij
është jo vetëm i pamatur nga pozicioni që ai përfaqëson dhe
aspak i favorshëm edhe për zgjedhjet e ardhshme në të
cilat, zoti Kulla kandidon për deputet, por është në
kundërshtim me të gjitha kartat ndërkombëtare të të
drejtave të njeriut dhe Kushtetutës së Republikës së
Shqipërisë.

Sipas Kullës dhe Balliut, në Shqipëri, Islami portretizohet
si rrezik, dhe konvertimi i shqiptarëve në Islam në kohën e
Perandorisë Osmane u trajtua si një tragjedi. Për më tepër
dhe në mënyrë shumë ofenduese, z. Kulla shkoi deri aty sa
të kërkojë që shteti shqiptar të marrë nën kontroll
Komunitetin Musliman të Shqipërisë në të cilin sipas tij po
kërkojnë të penetrojnë besimtarë të edukuar në botën arabe.
Duke patur parasysh që ish-gazetari Kulla është ai i cili
duhet të koordinojë mbarëvajtjen e feve në Shqipëri dhe jo
të shkatërrojë pamvarësinë e fesë Islame dhe as të
orkestrojë fushata diskriminimi kundër besimtarëve
muslimanë, Forumi Musliman i Shqipërisë shpreh indinjatë të
thellë me ndërhyrjet në çështjet e brendshme të Islamit dhe
muslimanëve në Shqipëri nga një aparatçik i kryeministrit
Fatos Nano.

Ilir Kulla, ka deklaruar edhe herë të tjera nëpër media se
në KMSH ekzistojnë dy rryma, njëra radikale dhe tjetra e
moderuar. Kjo deklaratë e cila nuk pranohet nga vetë
KMSH-ja dhe besimtarët muslimanë, jo vetëm se është
përçarëse, por mbi të gjitha është defamuese për imazhin e
fesë Islame në Shqipëri. Duke qënë se z. Kulla dhe Balliu
janë ofendues të vazhdueshëm të identitetit të muslimanëve
shqiptarë dhe vetë fesë Islame, Forumi Musliman i
Shqipërisë, i bën apel Presidentit të Republikes si garant
i Kushtetutes shqiptare, prokurorise si organ i ndjekjes
penale, si dhe organizmave ndërkombëtare që operojnë në
Shqipëri, të marrin masa për t’i dhënë fund islamofobisë që
përhapet nga disa qarqe të caktuara në Shqipëri, duke i
konsideruar keto akte qe bien ndesh me lirinë e besimit dhe
sigurinë e qytetarëve. Persekutimi i qytetarëve mbi baza të
besimit të tyre, konsiderohet si shkelje e të gjitha akteve
ndërkombëtare ku Shqiperia aderon si dhe të Kushtetutës të
Republikës së Shqipërisë.

Praktika të besimtarëve shqiptarë si mbajtja e mjekrës,
shamitë etj të cilat përbëjnë shqetësim për z. Kulla dhe
Balliu, janë norma fetare që garantohen nga nenet e
Konventës Evropiane të të Drejtave të Njeriut, si dhe nenet
10 e 24 të Kushtetutës së Republikës së Shqiperisë. Por me
sa duket kultura juridike dhe informacioni i këtyre
njerëzve në lidhje me këto të drejta themelore njerëzore
është nën minimumin qyetar të pranueshëm dhe jo më në
nivelet që kerkohet të jenë të informuar këta persona
publikë. Praktikimi i normave fetare është një e drejtë
kushtetuese dhe konvencionale që i takon çdo individi që
jeton në Republikën e Shqipërisë.

Shqetësimi që z. Kulla dhe Balliu kanë nga fakti se
hoxhallarët dhe disa besimtarë në Shqipëri mbajnë mjekra,
shihet nga Forumi Musliman i Shqipërisë si pjesë e
islamofobisë dhe anti-muslimanizmit politik që
sponsorizohet në vendin tonë nga qarqe anti-shqiptare dhe
raciste.

Për sa më sipër, Forumi Musliman i Shqipërisë i apelon
Institucioneve shtetërore shqiptare, Presidentit të
Republikës, organizatave për mbrojtjen e të drejtave të
njeriut në Shqipëri, dhe ambasadave të huaja, që deklaratat
publike të bëra nga z. Kulla si përfaqësues i qeverisë
shqiptare, dhe Balliu të merren shënim, pasi bien ndesh me
këto dokumenta ndërkombëtare dhe shtetërore të të drejtave
të njeriut:

Kartën Universale të të Drejtave të Njeriut të OKB-së, ku
Shqipëria është anëtare dhe detyrohet të zbatoje
përcaktimet e saj.
Konventen Evropiane të të Drejtave të Njeriut të Këshillit
të Evropës, ku Shqipëria është anëtare.
Karten Evropiane të të Drejtave Themelore të Bashkimit
Evropian, e cila duhet të zbatohet në mënyrë të
padiskutueshme nga të gjitha shtetet anetare si dhe nga
vendet që aspirojnë të bëhen pjesë e këtij Bashkimi.
Kushtetutën e Republikës së Shqipërisë që është dokumenti
themelor i shtetit shqiptar, për sa i perket garantimit të
të drejtave dhe lirive themelore të njeriut, dhe sidomos
atij të ndërgjegjes dhe besimit fetar.
Normat e Kodit Penal të Republikës së Shqipërisë që jane
vendosur për të mbrojtur dinjitetin dhe mosdiskriminimin e
shtetasve mbi baza fetare.
Si perfundim, ne, i bëjmë thirrje zotërinjëve Kulla, Balliu
dhe të tjerë, përfaqesues ose jo te institucioneve
shtetërore, që të kërkojnë falje publike për diskriminimin
dhe fyerjen që i bëjnë besimtarëve muslimanë, dhe
islamofobinë që shfaqin herë pas here në mediat tona.

[forum126]

DIsa prej mesimeve te Sheik Albanit ne shqip do ti gjeni ne faqen www.alb-islam.com www.alb-islam.net ne seksionin dijetaret.