Hutbet e Muhamedit s.a.v.s.

[fjollat]

Fillimi i hutbeve të të Dërguarit të All-llahut

I Dërguari i Allahut pothuaj çdo hutbe e ka filluar në këtë mënyrë:

I falemi All-llahut. Atij i jemi mirënjohës, prej Tij ndihmë dhe falje kërkojmë. Tek Ai kërkojmë strehim nga veset dhe veprat e këqija. Atë që e përudhë All-llahu në rrugë të drejtë- askush nuk mund ta shpije në humbje, ndërsa atë që Ai e lë në humbje- askush nuk e përudhë në rrugë të drejtë. Dëshmojmë se nuk ka Zot tjetër përveç All-llahut dhe se Muhammedi a.s. është robi i Tij dhe i Dërguari i tij, të cilin me të vërtetë Ai e ka dërguar që ta sjellë sihariqin dhe të tërheq vërejtjen
para se të vijë çasti i Gjykimit. Ai që i nënshtrohet All-llahut dhe të Dërguarit të tij është në rrugë të drejtë, ndërsa ai që nuk i nënshtrohet Atij dhe të Dërguarit të tij është në humbje të sigurtë. I lutemi All-llahut, Krijuesit tonë, të na rradhisë ndër ata që Atij dhe të Dërguarit të tij i nënshtrohen, që e ndjekin kënaqësinë e Tij dhe që i ruhen zemërimit të Tij.
Ne jemi të Atij dhe Atij i përkasim.


Jeni të mirëseardhur të postoni

[fjollat]

Çdo gjë që do të vijë është afër


Çdo gjë që do të vijë është afër. Ajo që duhet të vijë nuk është larg. All-llahu nuk shpejton asgjë vetëm se atë do të shpejtojë dikush, as nuk do të ngadalësojë asgjë për shkak se atë dikush do ta ngadalësojë.

Çdo gjë zhvillohet ashtu siç dëshiron All-llahu, jo siç dëshirojnë njerëzit. All-llahu dëshiron një, njerëzit dëshirojnë një gjë tjetër, kurse ndodh vetëm ashtu siç dëshiron All-llahu, qoftë edhe sikur kjo mos tu pëlqejë njerëzve. Atë që All-llahu e afron, nuk mundet ta largojë askush, kurse atë që Ai e largon, askush s'mund ta afrojë. Asgjë nuk ndodh pa lejimin e All-llahut.

[fjollat]

Hutbeja e parë në Mekka


Kur është shpallur ajeti Kuranor:"Ti prediko botërisht atë që të urdhërohet dhe nga idhujtarët largohu" (el- Hixhr, 84), i Dërguari i All-llahut i ka ftuar bashkëqytetarët e vet në kodrinën e afërt Saffa dhe u tha:


"A do të më besoni nëse ju them se në luginën pas kësaj kodrine është vendosur ushtria armike që dëshiron të ju sulmojë?

-Po! Të besojmë. Ti asnjëherë nuk na ke gënjyer!- thanë ata.

-Me të vërtetë All-llahu më ka dërguar që t'ju paralajmëroj për dënimin e rëndë nëse nuk i besoni- shtoi i Dërguari"



Hutbeja e mbajtur në Saffa


Kur është shpallur ajeti Kuranor:"Dhe paralajmëro familjen tënde më të afërt" (esh- Shuara, 214), i Dërguari sërish tuboi bashkëqytetarët e vet, këtë herë familjen e vet më të afërt dhe në kodrinën Saffa, pas madhërimit të All-llahut, ua mbajti fjalimin vijues :


"Bariu nuk e gënjen kopenë e vet. Pasha All-llahun, sikur ta gënjeja tërë botën, juve këtë s'do t'ua bëja. Sikur ta mashtroja tërë botën, juve në lajthitje nuk do t'ju shpieja. Pasha All-llahun, nuk ka Zot tjetër përveç Tij, unë vërtet jam i Dërguari i All-llahut, dërguar juve dhe mbarë njerëzimit. Pasha All-llahun, ju do të vdisni sikur që flini, kurse do të ringjalleni sikur pas të fjeturit që zghojeni. Do të jepni llogari për çdo gjë që keni punuar. Për të mirën do të shpërbleheni me të mirë- me Xhennetin e amshueshëm, kurse për të keqen do të dënoheni me Xhehennem"

[fjollat]

Hutbeja e parë në Medine


O njerëz, mendoni së pari për veten dhe dijeni se çdokush nga ju, kur të vdesë, do ta lë kopenë e tij dhe do të vijë para Krijuesit të vet, të cilit nuk i nevojitet as shpjegues, as ndërmjetësues, kurse çdonjërin prej jush do ta pyesë: A nuk të ka ardhur i deleguari im të të komunikojë? A nuk të kam dhënë pasuri dhe nder? Nga tërë ajo, çke lënë për vete? Njeriu shikon edhe djathtas edhe majtas, por nuk sheh asgjë. Shikon para vetes dhe i shfaqet Xhehennemi. Kush dëshiron të shpëtojë nga zjarri, le të bëjë mirë, qoftë edhe me gjysëm hurmë. E kush nuk e ka atë, atëherë le të flasë fjalë të mira. Shpërblimi për çdo vepër të mirë është dhjetë, deri shtatëdhjetë herë më i madh se vepra e bërë. Mbi ju qoftë paqja dhe mëshira e All-llahut.

[fjollat]

Hutbeja në namazin e parë të xhumasë


I falem All-llahut. Atij i falënderohem. Prej Tij ndihmë, falje dhe udhëzim kërkoj. Atij i besoj. Atij I jam mirënjohës. U kundërvihem atyre që I janë mosmirënjohës. Dëshmoj se vetëm All-llahu është Zot, Një dhe i Vetmi, që s'ka shok. Dëshmoj se Muhammedi është rob i Tij dhe i dërguari i Tij. All-llahu e ka dërguar Muhammedin me udhëzim dhe fe të vërtetë, me këshilla të mira, në periodin kur për një kohë kishte pushuar dërgimin e të dërguarve të Tij, kur njerëzit humbën rrugën e drejtë, kur dituria ishte e paktë, kur koha ishte ndalur, kur Çasti i llogarisë ishte afruar. Ai që i nënshtrohet All-llahut të tij dhe të dërguarit të tij është në rrugë të drejtë. Ai që nuk i nënshtrohet All-llahut dhe të dërguarit të Tij është në humbje të madhe."

[fjollat]

Në rend të parë ju këshilloj që t'i frikësoheni All-llahut. Gjëja më e mirë që ndonjëri nga ju mund t'ia rekomandojë shokut të vet është ta nxisë atë për botën tjetër dhe t'i urdhërojë frikë ndaj All-llahut. Ruajuni asaj që All-llahu ua ka ndaluar.Nuk ka këshillë më të mirë se kjo. Nuk ka ibadet më të mirë se ky.

Devotshmëria është garancioni më i madh në botën e ardhshme. Kush plotëson borxhin e vet ndaj All-llahut, fshehtas dhe haptas, duke dëshiruar me këtë vetëm kënaqësinë e All-llahut, këtë do ta ket kapitalin më të madh në botën e ardhshme, kur do t'i nevojitet më së tepërmi, ndërkaq çdo gjë tjetër që ka vepruar do të dëshirojë ta ket sa më larg.

All-llahu ju paralajmëron për dënimin që vie prej Tij.
All-llahu është i mëshirshëm ndaj robërve të Tij.
Është Ai të folurit e të cilit është i vërtetë dhe premtimi i të cilit do të përmbushet. Këtu s'ka kurrfarë dyshimi, sepse Ai thotë: "Fjala Ime nuk ndryshon dhe unë nuk jam despot ndaj robërve të Mi."

[fjollat]

Keni frikë nga All-llahu tash dhe në të ardhmen, fshehtas dhe haptas.
"Dhe kush i frikësohet All-llahut- Ai ia shlyen të këqijat dhe ia shton shpërblimin."

Kush i frikësohet All-llahut do të arrijë ç'dëshiron. Devotshmëria e mbron njeriun nga dënimi, e ruan nga urrejtja dhe përbuzja. Ajo ia ndrit fytyrën, e ngrit në shkallë më të lartë, kurse Krijuesin e tij e kënaq. Merreni këtë gëzim që ju ofrohet. Mos u bëni të pakujdesshëm ndaj urdhërave të All-llahut.

O njerëz, All-llahu ua ka dhënë Librin e Vet dhe ua ka treguar rrugën e vet, që t'i dallojë ata që janë të sinqertë nga ata që nuk janë. Bëhuni të mirë ndaj të tjerëve, ashtu siç All-llahu është i mirë ndaj jush.

[fjollat]

Kundërvehuni armiqëve të All-llahut dhe luftoni për hir të All-llahut, ashtu siç duhet të luftohet!
Ai ju ka zgjedhur juve... (el Haxhxh, 78) dhe ju ka quajtur muslimanë, që të shkatërrohet kush është shkatërruar pas argumentit dhe të jetojë kush jetoi pas argumentit të qartë. (el Enfal, 42).

Nuk ka fuqi pa All-llahun. Përmendeni më shpesh All-llahun dhe punoni për të mirën e asaj bote. Kush plotëson borxhin e vet ndaj All-llahut, i mjafton All-llahu si mbrojtës nga njerëzit tjerë, sepse All-llahu u merr jetën njerëzve e jo njerëzit All-llahut.
Ai i posedon njerëzit, njerëzit nuk e posedojnë Atë.
All-llahu është më i madhi.
Nuk ka forcë e fuqi pa All-llahun.

[fjollat]

Besimtari jeton ndërmjet dy frikave

I dërguari i All-llahut një të premte, të pranishmëve në namazin e xhumasë, pas madhërimit të All-llahut u mbajti fjalimin vijues:

"O njerëz, ju keni shenja treguese, prandaj ndiqni shenjat tuaja treguese. Ju keni cakun tuaj, prandaj shkoni drejt tij. Besimtari jeton ndërmjet dy frikave: të së kaluarës, tek nuk e di se ç'ka bërë All-llahu me te, dhe të së ardhmes, për të cilën nuk e di se çfarë i ka caktuar All-llahu."

Prandaj, çdonjëri prej jush të marrë nga vetja për vete. Nga dunjallëku i tij për Ahiretin e tij. Prej rinisë për pleqërinë. Prej jetës për vdekjen.

Pasha All-llahun, nën pushtetin e të cilit është jeta e Muhammedit, pas vdekjes nuk ka pendim, pas dunjallëkut nuk ka vendqëndrim përveç Xhennetiti apo Xhehennemit.

Po ua them këtë dhe lus All-llahun të na falë.

[fjollat]

Kërkoni falje prej All-llahut


Përcillet nga Xhabir ibn Abdull-llahu se i dërguari i All-llahut me një rast as'habëve të tubuar ua mbajti fjalimin vijues:

"O njerëz, kërkoni falje nga Krijuesi juaj para se të vdisni. Bëni vepra të mira para se të ziheni me punë edhe më shumë. Vendoseni lidhjen me Krijuesin tuaj me dhikr të shpeshtë dhe me sadaka publike dhe të fshehtë. Do të furnizoheni, do të shpërbleheni dhe do të shpëtoni"


Dijeni se All-llahu ua ka bërrë obligim namazin e xhumasë, në këtë vend, në këtë muaj, në këtë vit e deri në Ditën e Gjykimit. Ai që namazin e xhumasë e konsideron të parëndësishëm, apo e mohon gjatë jetës sime, apo e mohon pas vdekjes sime, kurse e ka imamin, qoftë ai i drejtë apo i pa drejtë, nuk do të përfshihet me bekimin e All-llahut, as që do të ketë çfarëdo dobie nga namazi, zekati, haxhxhi, agjërimi i tij dhe nga veprat tjera të mira deri atëherë kur të pendohet. Kush pendohet, All-llahu ia pranon pendimin.

Femra nuk mund t'i bëhet imam mashkullit, as i padituri, të diturit, as laviri besimtarit, përveç nëse e detyron forca.