FC Barcelona, kampione në Primera Division

[Davius]

E kane merituar titullin kete sezon kane qene fenomenal ne te gjitha ndeshjet e liges dhe me shume merite Eto'o dhe Ronaldinjo kane qene te pa parashikueshem, thjesht edhe kundershtarit te rrepte i ja urojme titullin ne sepse jemi te denje se e kane merituar dhe eshte shume mire njerezit kur pranojne realitetin...

PS:
Real Madrid try again later, the line is byssy for the moment ppippppppppppppppp pippppppppppp

[inter_forever]

BARCELLONA feston titullin....

DEKO me RONALDINHON .....

RONALDINHO .....

[Davius]

Disa gazeta te perditshme spanjolle ne lidhje me titullin...

[Davius]

Fituan Titullin e pare qe nga 1999, nuk eshte dicka per te bere histori serpse dikush si shpesh e fiton kete titull.

[Davius]

Barcelona kampione e Spanjës që parmbrëmë!


Barcelona ka fituar titullin e 17-të kampion në Spanjë. Skuadra e Frenk Rajkardit mund të festojë kështu, dy javë përpara fundit të kampionatit, titullin e merituar, në fund të një edicioni të dominuar totalisht nga skuadra kalatanase. Pas gjashtë vitesh, në të cilat tri herë Reali dhe dy herë Valencia kanë fituar titullin, edhe "Kamp Nou" mund të festojë.

Një sezon i kushtëzuar nga dëmtime të shumta dhe nga eleminimi në turin e dytë të Ligës së Kampioneve, ka rezultauar i suksesshëm për katalanasit. Barazimi i Realit ja lehtësoi punën Barcelonës, e cila gjithsesi tregoi në fushën e lojës, gjatë gjithë këtij kampionati, se ishte skuadra më e fortë në Spanjë. Oskar Vales në portë, Pujol, Oleguer, Van Bronkorst dhe Beleti në mbrojtje, Deko, Ksavi dhe Markez në mesfushë si dhe treshja sulmuese Zhuli-Ronaldinjo-Eto, kanë qënë protagonistët e sezonit rekord të katalanasve.

Javën e ardhshme Barça do të presë Vilarealin në "Kamp Nou", atje ku do të zhvillohet dhe festa për titullin kampion.

[Davius]

Majorka: Në gjyq ndeshja Levante-Barça


Ekipi i Majorkës po mendon të ndërmarrë masa ligjore, pasi pretendimi i saj që ndeshjet e Realit dhe të Barcelonës të luheshin në të njëjtin orar, u hodh poshtë. Majorka shqetësohej se Barcelona, duke ditur rezultatin e ndeshjes së Realit, mund të toleronte në ndeshjen ndaj Levantes. Reali barazoi 2-2 ndaj Seviljes dhe Barcelona u duk e kënaqur me barazimin 1-1 ndaj Levantes. "U kemi kërkuar këshilltarëve legalë që ta studiojnë këtë çeshtje," - deklaroi drejtori ekzekutiv i klubit spanjoll, Hoze Markez.


Fillojnë festimet në Barcelonë...

Mijëra tifozë të Barcelonës kanë dalë në rrugët e qytetit katalanas dhe kanë festuar gjatë gjithë natës fitoren e titullit kampion nga skuadra e Rajkardit, pas barazimit 1-1 në Levante. Por një festë e vërtetë është zhvilluar edhe në Levante, aty ku pas takimit Ronaldinjo me shampanjë ka festuar titullin me 11 mijë spektatorët e pranishëm në stadium. Festimet më të mëdha do të zhvillohen të dielën e ardhshme në "Kamp Nou", kur Barcelona do të presë Vilarealin. Pritet të shpenzohen rreth 120 mijë euro, për një festë që do të grumbullojë rreth 500 mijë tifozë katalanas.

[Davius]

Rajkard: Ua kushtoj titullin futbollistëve

Frank Rajkard, trajneri i Barcelonës, ka deklaruar pas titullit të fituar nga skuadra e tij ndaj Levantes, se këtë sukses ua kushton futbollistëve të tij: "E meritojnë festën në fund të këtij sezoni të lodhshëm. Ky titull është i tëri për ta. Barcelona është një skuadër e madhe, por pas kësaj fitoreje jemi edhe më të fortë dhe të bashkuar me njëri-tjetrin. Dua të falënderoj futbollistët e mi dhe drejtuesit katalanas, që krijuan një skuadër të fortë, e cila ua shpërbleu sakrificat e tyre në merkato." Përsa i përket ndeshjes së të dielës, në të cilën katalanasit barazuan 1-1 në Levante, trajneri holandez u shpreh: "Vuajtëm shumë për të marrë një rezultat pozitiv. Por kjo është bukuria e këtij titulli. Kemi sakrifikuar dhe punuar shumë për të. Kësisoj, festa në fund do të bëhet dhe më e madhe.

Më pas, Rajkardi ka komentuar faktin se presidenti i Majorkës, Metju Alemani, ka kërcënuar se do ta hedhë në gjyq Barcelonën dhe Levanten, për atë që bënë në 20 minutat e fundit të ndeshjes. "Ne e filluam ndeshjen duke e ditur se na mjaftonte barazimi për të fituar titullin dhe pas golit të Levantes bëmë çmos për ta arritur atë. Në momentin që barazuam, rezultati i kënaqte të dyja skuadrat dhe ndoshta për këtë ra tempi i lojës. Çdo ndeshje ka historinë e saj dhe historia e ndeshjes Levante-Barcelona u vendos 20 minuta përpara fundit, kjo është e gjitha." Presidenti i Majorkës i ka kritikuar të dyja skuadrat, të cilat nuk sulmuan asnjëherë në 20 minutat e fundit dhe, sipas tij, ishte bërë kompromis ndërmjet të dyja palëve.


Samuel Eto: Bëra detyrën time
Pas fitores së titullit nga Barcelona, Samuel Eto, sulmuesi kryesor i kësaj skuadre dhe autor i 23 golave në këtë kampionat, u shpreh: "Jam shumë i lumtur dhe tani mund të festoj një titull shumë të vështirë. Kemi punuar shumë për këtë ditë dhe tani e meritojmë. Tani do të përpiqem të fitoj titullin e golashënuesit më të mirë në këtë kampionat, pasi detyrën time për Barcelonën e kam përfunduar për këtë kampionat."

Barcelona
Viti i themelimit: 1899
Stadiumi: "Kamp Nou" (kapaciteti: 98,772)
President: Joan Laporta
Trajner: Frank Rijkard
Trofetë: 17 tituj kampion, 24 Kupa të Mbretit, 1 Ligë Kampionesh, 4 Kupa Kupash, 3 Kupa UEFA, 2 Superkupa Europe, 5 Superkupa Spanje.
Futbollisti me më shumë ndeshje: Migueli, 391 takime (1973-1988).
Futbollisti që ka shënuar më shumë: Sezar, 194 gola (1942?1955).
Blerja më e shtrenjtë: Mark Overmars (35.5 milionë dollarë).
Shitja më e shtrenjtë: Luis Figo (56 milionë dollarë).
Fitorja më e thellë: 10-1 ndaj Taragonës, në vitin 1949.
Humbja më e thellë: 12-1 ndaj Bilbaos, në vitin 1931.

Fakte interesante:- Barcelona është e vetmja skuadër në Europë që ka marrë pjesë në të gjitha edicionet e kupave të Europës, që nga viti 1955.
- Barcelona, së bashku me Bilbaon dhe Realin e Madridit, ka marrë pjesë në të gjitha kampionatet e Primera Divizionit, që kur filloi të zhvillohej kjo veprimtari në vitin 1928.

- Një futbollist ka shënuar dy herë nga shtatë gola në ndeshje të Primera Divizionit dhe në të dyja ato ndeshje ka qenë protagoniste Barcelona. Skuadra katalanase ka pësuar shtatë gola nga Bata i Bilbaos, në vitin 1931, dhe ka qenë sulmuesi i Barçës, Ladislao Kubala, ai që ka shënuar shtatë gola në fitoren 9-0 ndaj Sportingut të Gijonit, në vitin 1952

[Davius]

Barça, "magjistarët" e Spanjës

Barcelona mund të festojë fitimin e titullit kampion në Spanjë, në fund të një sezoni madhështor, të bazuar te futbolli spektakël. Skuadra katalanase duroi deri në fund presionin e Realit të Madridit dhe për këtë, fitorja e tyre merr më shumë vlera. Reali i Luksemburgos u përpoq deri në fund të ushtronte presion ndaj Barcelonës, por kjo e fundit fitoi katër ndeshje radhazi dhe pas barazimit në Levante, feston titullin e 17-të kampion në Spanjë, kur duhen edhe 180 minuta nga fundi i sezonit.

Ato që e bënë fitoren e Barcelonës edhe më të rëndësishme, ishin dëmtimet e shumta që e goditën këtë skuadër që në fillim të sezonit. Mbrojtësit Gabri dhe Edmilson, mesfushori Mota dhe sulmuesi Larson nuk kanë qenë në dispozicion të Rajkardit në pjesën më të madhe të sezonit. Trajneri holandez, në muajin e fundit, nuk ka mundur të përfitojë edhe nga shërbimet e sulmuesit argjentinas, Maksi Lopez, edhe ky i dëmtuar pas ndeshjes ndaj Reali, të humbur në "Bernaneu".

Grupi kompakt dhe dëshira për të fituar ishte ajo që i dha avantazh Barçës përballë Realit të emrave të mëdhenj, i cili për të dytin vit radhazi e mbyll sezonin pa fituar asgjë. 24-vjeçari Samuel Eto, me golat e tij, u hakmor edhe ndaj presidentit Florentino Perez, i cili nuk e konsideroi të denjtë për të qenë "galaktik". Kamerunasi ka tani mundësinë të shpallet edhe shënuesi më i mirë në Primera Divizion. Pa dyshim, me 24 golat e shënuar, Eto ka qenë një nga pikat më të forta që e ndihmoi Barcelonën në fitimin e titullit kampion, që mungonte prej gjashtë vitesh në "Kamp Nou".

Që në sezonin e kaluar, pas një starti të dobët, Barcelona tregoi se ishte një skuadër pretendente dhe, nën drejtimin e Ronaldinjos, e mbylli kampionatin në vendin e dytë, pas Valencias. Sivjet ndodhi gjithçka ndryshe, Barcelona e fillon kampionatin me dhjetë rezultatet pozitive radhazi dhe treshja sulmuese, Zhuli-Larson-Eto, premtojnë spektakël. Në fillim të tetorit, katalanasit i marrin kreun Valencias, për të mos e lëshuar deri në fund të kampionatit. Pikërisht, ish-kampionët e Spanjës ishin të parët që u dhanë lamtumirë pretendimeve për titull. Barcelona përfiton edhe nga dështimi i Kamaços si trajner i Realit dhe shkëputet në krye. Deportivo La Korunja, vendi i tretë i sezonit të kaluar, është një tjetër kundërshtar që del shumë shpejt nga lufta për vendet e para.

Barcelona ka pësuar tri humbje të mëdha në këtë sezon. Atë 3-0 në Vilareal, atë 2-4 në "Kamp Nou" ndaj Atletikos së Madridit dhe atë të humbur me të njëjtin rezultat në "Bernabeu" ndaj Realit. Pjesa tjetër e sezonit ka qenë thuajse perfekte për skuadrën e Rajkardit, e cila duhet thënë se i vuri vulën fitores së titullit, pas fitores ndaj Valencias, një javë më parë. Kështu, pas gjashtë sezonesh, Barcelona më në fund është rikthyer te suksesi. E ka bërë diçka të tillë me një skuadër të re dhe të uritur për sukses, e cila ka fituar menjëherë zemrat e tifozëve katalanas. Këta shpresojnë të mos u duhet edhe shumë kohë përpara se të festojnë trofeun e ardhshëm.

[Davius]

Festime ende vazhdojne......................

[ClaY_MorE]

Suksese pra ekipit te barcelones edhe pse duket qe ketu ska asnje tifoz me barcen