Finalizohet shitja e Albtelekom kompanisë turke

[Brari]

qe thua ti njemiku.. i albtelekomit..

fola un ahere per shitjen e "komit" turqve sepse u be ne prag votimesh..
zakonisht ne prag votimesh pushojne ceshtjet e pazareve sepse votimi sjell ndryshime ne pushtetet.. dhe nuku dihet cbenet me ate qe vjen e qe shkon..
pra bie era hile..
nashtithi Saliu thuhet se do ta rishikoje kte ceshtje..
asgje te keqe ska rishikimi i gjerave..

une nuk e di se cperfaqson sot telekomi ..
dikur i njihja strukturat e ekonomise shqiptare.. sepse na i kishin thene e sterthene e vec asaj ishin gjera te pandryshueshme..
psh dihej se ish njefar andon thanati ( ne koh te mehmet enver ave flas) direktor generall i post telekomunikacioneve.. ku perfishiheshin tere punet.. postare e telefono grafike..e me the te thash.. dhe zakonisht ne popull thuhej.. ptt.. ose shkurt ..do vete na posta te benj telegram apo coj kartoline apo te flas me kushon ne telefon..
tani un sdi se cfare ka ndryshuar e po ndryshon.. dhe sdi me se cfar lloji ndermarrjeje eshte ki albtelekomi e cfar drejton e cfar pune ben..
por nejse ska rendesi ..perderisa ka te beje me komunikimin..dmth ka te beje me elektroniken.. dhe meqense elektronika ka per baba markonin e bellin e teslat e edisonat.. i bie qe nje mjet komunikues.. kur kerkon modernizim..ti hedh site andej nga perendimi..ose nga lindja e larget ku jan japanet e tj elektroniksa te fuqishem..
pra turq e grek sma mbushin synë se i duhen nje komunikacioni modern shqiptar..sepse jan vende me teknologji te prapambetur krahasuar me baballaret qe thash me lart..
pra pa i ditur mire punet e permrenshme te shtetit e ekonomise.. dhe pa i ditur mire hallet konjukturat politike apo te borxheve financiare te shtetit.. smund te jap mendje per kto pazare..

por po te ish ne dor time.. une do e lidhja tekniken shqiptare.. pra dhe elektrotekniken dhe elektroniken.. e informatiken.. me USA-n.. Japanin.. sudkorene Francen.. .. Angline e gjermano skandinavine.. (italine spo e fus jo se skan teknike moderne por se.. duke ditur sa i krymbur eshte ai shtet me krijon mos besim) sepse ata dhe ne na vjedhshin.. ata pra gjigandet e teknikes moderne.. nuk na lene pa nje kocke fare.. pra me ata qe thashe fitojme kulture pune.. kulture organizimi.. dhe teknologji moderne e aftesim te teknikve tane.. pra shkojme drejt atyre te perparuarve..

kjo eshte pikpamja ime per kte ceshtje..

mirpo ne sdime se cka biseduar qeverria me turqit..
ne se di gje ti shkruaj o njemiku..

[hermes22]

Ty njemiku ste kane bere asgje
Mua me perjashtuan nga forumi
e hapa njehere temen me emrin Fatos Berisha apo Sali Nano
dhe ma hoqen se nuk kishte artikull nga shtypi
un thjesht u thoja se Berisha pasi skishte lene gje pa thene per Nanon lidhur me marreveshjen e Albtelecomit vajti ne Turqi dhe tha se mareveshja eshte e rregullt. Gjithashtu ne shkrim sillja disa raste te tjera te ngjashme si prokurimet e drejteperdrejta, ceshtjen e kakomese, ligjin e medias elektronike, mardheniet me Greqine, TECET e Vlores etj...dhe shtroja pyetjen se cili eshte ndryshimi mes Nanos dhe Berishes kur ky i fundit po ben gjithcka ka iniciuar Nano dhe per te cilat e akuzuar per korrupsion vjedhje mashtrim lidhje me krimin e organizuar...???
sic e thashe ma hoqen
E hapa per here te dyte duke shtruar per diskutim nje artikull te Shekullit dhe perseri ma fshine
tani na ngeli te shkruajme ketu per kete ceshtje madhore ndonese nuk eshte e njejta gje sepse titulli i keasj teme eshte i vjeter dhe nje person qe lexon titullin nenkupton abuzimet e nanos dhe hetimet e tyre gje e cila eshte pa interes per dy arsye
1 - Berisha e akuzoi per korupsion dhe lidhje me krimin e organizuar dhe me sa shohim nuk ka ndermend ta denoncoj ne prokurori
2 - Abuzimet i njeh gjithe shoqeria shqiptare e cila eshte dakord qe cmimi 120 milion euro eshte ta shesesh telekomin per nje cap buke.

I bie qe Une qe jam i shqetsuar per abuzimin e tanishem dhe per faktin se telekomi po shitet dhe nuk ma ndjen fare per privatizimin e nanos sepse ate e hodhem poshte duhet te shkruaj ne nje teme me titull te lidhur me abuzimet e Nanos
ska problem edhe ketu ne do ta denoncojme kete vjedhje ne dem te popullit shqiptar...

[Iliriani]

AlbTelekomi eshte nje nga kompanite me te medha qe ne kemi ne dore, e qe me te vertet duhej perdorur mire.

Dhenia te kompania turke qe aq korruptive, sa qe i riti cmimin asaj qe te shitej shtrenjt, pra u be paraja aty direkt po ajo kompani nuk ka asnje autoritet per te mare kete pergjegjesi.

Do biem sic ram edhe per celularet ne kompani matrapazesh qe vine shfrytezojne rastin ne shqiperi per te bere para, me klasen drejtuse qe dihet si eshte, e dihet sa pare behet ne telefoni, e ne kete bizes qe pret pare kote.

Do qe mire ti jipej nje shteti te madh e nje kompanie qe me te vertet do ri riste presligjin.
Dhe bota ka kompani plote prestigjoze, qe punojne tamam , po shume nuk futen ne shqiperi se i bllokojne direk qeveritaret tane e futen vetem kompani matrapaze greke turke e te ketij niveli.
Shikoni banken austriake qe mori banken e kursimeve ca ndryshim nga bankat e vogla matrapaze te grekerve ka.
Po ka shume kompani prestigjoze ne bote qe te kemi fatin e tua japim dhe falas kompanite ne shqiperi vetem te hyne, se jo vetem bejne pune tamam po te risin vleren e vendit.
Po deri tani keto nuk hyne dote ne mocalin qe kane bere zhabat tane politike.

Berisha do bej gabim tia japi ketyre, e do ta shikoj me vone do humbi ne te gjitha drejtimet e do kete mbeshtetje edhe me te kufizuar sec ka, sado se do shpetoj nga ky problem elemetar e do bej ca pazare te ndyra nga pas skene, qe po te kishte tjeter mendie e tjeter politike nuk do kishte nevojen fare per to e do kishte me shume autoritet fuqi e pushtet.

Berisha dihet ka nje karrike e cdo gje e ben per te, e nuk eshte cudi te bej cdo gje, e cdo tabu ai e ka kaluar, eshte shitur te te gjithe e shet cdo gje per karriken.

Trazicion, sa te kalojme kete stad, e vendi te prodhoj nje drejtim e zhvillim tjeter, ne te ardhmen, me keto kompani matrapzesh do kemi te bejme e me keta politikan sa drite shkurter, sa te shkurter e kane shikimin e vleren e gjithe kete.

E duke bere keto pazare si ky i fundit, aq me shume po konsumojne veten e zhdukin cdo fije besimi e opinioni te mire qe kane pasur, duke sjell dhe fundin e tyre, qe kuptohet e mbajne veten tani vetem me keto matrapzlleqe, kur kishin 1000000000000000000........ mundesi si udheheqes ti kishin te gjitha.

Duke pare aq ngushte, e duke pasur vetem politiken e karrikes e si i trembur cdo pazar per te, ka ulur fuqine e vetes shume, e tani Berisha nga cqe dikure eshte nje politikan me shume ne listen e matrapazeve e vazhdon matrapazlleqet e Nanos me shoke.

[njemik]

Sja kam degjuar zerin Berishes keto ditet e fundit per telekomin
thon qe eshte ne itali
Mos ja la premtuar dhe Prodit
Se ai vetem fushat elektorale di me bo
ishalla i ka premtuar prodit telekomin se me i pas premtu uj dhe drita na ka flliq fare

[Albo]

Flet kryetari i Komisionit të Ekonomisë, Edmond Spaho

“Privatizimi i "Albtelekomit", pritet reagimi nga pala turke“

Privatizimi i "Albtelekomit" varet nga pala turke. Sipas kryetarit të Komisionit të Ekonomisë, Edmond Spaho, shitja e kompanisë së telefonisë fikse do të realizohet nga "Çalik Energy", vetëm nëse kjo e fundit pranon të përmbushë mangësitë e dokumentacioneve të zbuluara nga firma çeke, "Deloitte". Në një intervistë dhënë dje për gazetën "Tirana Observer", ai shpjegon të gjithë procedurat që pala shqiptare po ndjek për privatizimin e këtij institucioni.

Si po procedohet me privatizimin e "Albtelekomit"?

Ju e dini se ka përfunduar procesi i rishikimit të marrëveshjes me firmën turke nga një firmë konsulente e huaj. Ajo ka shprehur vërejtjet e veta ndaj përmbajtjes së kontratës dhe për procesin, të cilat janë të natyrës teknike. Së pari, i kërkohet firmës me cilën është negociuar deri tani, se nëse i pranon këto vërejtje dhe është e gatshme të hyjë në një proces rinegocimi. Me sa di unë, firma ka pranuar të hyjë në negocim më autoritetet shqiptare për këtë kontratë. Këtë e shikoj si një hap pozitiv, pasi shkurton shumë kohën për privatizimin e "Albtelekomit". Domethënë, të fillosh një proces të ri nga e para, do të dojë kohë dhe energji për ta realizuar.

Me këto vërejte që ka bërë kompania çeke dhe meqenëse qeveria ka thënë se privatizimi do të ndodhë brenda vitit, mendoni se do të ketë shtyrje të afatit?

Po është e vështirë të thuhet se kur do të përfundojë dhe kur "Albtelekomi" do t'i kalojë në pronësi, të themi, kompanisë turke. Nëse do të bjerë dakord me të gjitha vërejtjet që ka paraqitur kompania e konsulencës. E rëndësishme është që ky proces, procesi i rinegocimit, të fillojë sa më parë. Pastaj, në rrugën e diskutimeve edhe do të përcaktohet apo do të mund të gjykohet mbi kohëzgjatjen e tij dhe sa kohë do të kërkojë. Po me sa di unë, nga prononcimet e Kryeministrit, kompania turke ka mbajtur qëndrim pozitiv dhe nuk ka pasur qëndrim refraktar, është e gatshme të ulet me palën shqiptare dhe t'i shqyrtojë një për një të gjitha vërejtjet dhe të gjejnë zgjidhjen më të mirë të mundshme për të dy palët.

Kompania turke a ka paraqitur ndonjë projekt, pasi të blejë "Albtelekomin", ose një garanci që do të ulë tarifat e telefonisë dhe nuk do të krijojë një monopol?

Që në fazën e hartimit të marrëveshjes ka pasur një projekt për mënyrën së si do të veprohet më "Albtelekomin", çfarë investimesh do të kryen dhe si do të menaxhohet. Ka pasur një plan-biznesi, natyrisht edhe për këto ka pasur vërejtje. Një nga vërejtjet kryesore ka qenë që nuk është realizuar angazhimi për të sjellë "Turkish-Telekom" për të menaxhuar Telekomin, një kompani e mirëfillte e fushës. Sidoqoftë, këto do të rishikohen në frymën e diskutimit përgjithshëm që do t'i bëhet marrëveshjes. Besoj se do të ketë dhe rregullime. Me sa më kujtohet mua, në diskutimin që kemi bërë në tetor të vitit të kaluar, ka pasur mungesë garancish për kryerjen e investimeve nga pala turke dhe do të mund të merrej Telekomi, por mund mos mbajë premtimin e kryerjes së të gjitha investimeve, ndërkaq një çështje e tillë është evidentetuar edhe në raportin e firmës, e cila ka kryer edhe rishikimin e marrëveshjes dhe besoj se këto të gjitha do të adresohen në diskutimet e përbashkëta.

Turqit e "Çalik": Nuk heqim dorë

Kompania turke "Calik Enerji" ka deklaruar se nuk do të tërhiqet nga kontrata e bërë me qeverinë e fundit socialiste për blerjen e Albtelekom. Ahmet Calik, president i kompanisë, u shpreh se problemet me kontratën nuk kanë të bëjnë me "Calik Enerji", po me qeverinë shqiptare. Ahmet Calik, i cili ka firmosur kontratën e shitjes me ish-ministrin e Ekonomisë, Anastas Angjeli, tha se kompani "Calik" është shpallur fituese e tenderit. Duke folur për raportin hetimor të "Deloitte&Touche", "Calik" u shpreh se përfundimet janë të pavërteta.

Gerald BILBILI, Eriona YMERI
Tirana Observer

[Forumisti]

Biznesi shqiptar ofron 150 milione Euro për Albtelekomin


http://www.a1tv.com.al/index2.php?faqe=lajmi&lajmID=3726


Në tavolinën e kryeministrit Berisha “hidhen” 150 milionë euro për të blerë Albtelekomin.

Kësaj radhe janë bizneset kryesore shqiptare që, të bashkuar në një konsorcium të krijuar enkas për këtë qëllim, kanë vendosur të ofrojnë shumën marramendëse për blerjen e operatorit telefonik, në pronësi të shtetit shqiptar.

Shumë prej këtyre bizneseve kanë qenë të interesuara edhe më parë për të investuar në fushën e telekomunikacionit, veçanërisht në privatizimin e Albtelekomit, por sipërmarrja e tyre është frenuar nga strategjitë qeveritare për ta shitur këtë operator vetëm në kompani strategjike ndërkombëtare me eksperiencë dhjetëravjeçare në telefoninë fikse.

Mesa duket, fakti që qeveria shqiptare ka ndërruar mendim dhe duket e gatshme që ta shesë Albtelekomin edhe në operatorë pa shumë eksperiencë në këtë fushë, i ka shtyrë biznesmenët shqiptarë që të ofertojnë një vlerë 25 për qind më e lartë sesa oferta që turqit e Calik Enerji kanë dhënë për blerjen e 74 për qind të aksioneve të Albtelekom sh.a.

“Jemi të gatshëm të negociojmë një kontratë me qeverinë shqiptare për të blerë të njëjtën përqindje aksionesh sa edhe Calik Enerji, me një çmim prej 150 milionë eurosh,” u shpreh dje për gazetën “Biznesi” Endri Puka, koordinator i konsorciumit shqiptar për privatizimin e Albtelekomit.

Sipas tij, qeveria duhet ta shohë më interes të veçantë këtë ofertë pasi, përveçse po ofrohen 30 milionë euro më shumë sesa janë dhënë deri më tani për Albtelekomin, nga ana strategjike është mirë që, të paktën njëra prej kompanive kryesore të telekomunikacionit të kontrollohet nga biznesi shqiptar.

Nga ana tjetër, vazhdoi zoti Puka, ne kemi një projekt mjaft konkurrues edhe përsa u përket tarifave dhe jemi të gatshëm që në një marrëveshje të mundshme me qeverinë shqiptare të marrim përsipër t’i ofrojmë konsumatorit shqiptar tarifa mjaft ekonomike, në një kohë rekord.

Ai thekson se biznesi shqiptar është i gatshëm të përballojë çdo konkurrencë dhe se konsorciumi i krijuar, jo vetëm ka ofruar një çmim më të lartë për blerjen e Albtelekomit, por është i gatshëm të konkurrojë me këdo, përsa i përket shifrës së investimit, tarifave për konsumatorin dhe kohës kur tarifat e zbritura mund të ofrohen në treg.

Duke hyrë më në detaje të këtij projekti, mësojmë se bizneset shqiptare zotërojnë deri më sot 74 për qind të aksioneve të konsorciumit të krijuar, ndërkohë që pjesa tjetër, ajo prej 26 për qind, mund t’i takojnë një kompanie amerikane me eksperiencë në menaxhimin dhe teknologjinë e telekomunikacionit. “Me kompaninë amerikane jemi ende në negocim dhe, nëse nuk do të biem dakord, atëherë pjesa prej 26 për qind do t’u shpërndahet bizneseve të tjera shqiptare, që qëndrojnë në listën e pritjes,” sqaroi koordinatori i projektit.

Nëse do të biem dakord, shoqëria amerikane do të jetë aksionare në konsorcium, si dhe do të kryejë menaxhimin e Albtelekomit për 5 vitet e para, duke filluar nga momenti i privatizimi.

Ndërkaq, për të siguruar shumën monetare prej 150 milionë eurosh, do të kërkohet ndihma e institucioneve kredituese vendëse e të huaja. “Gati 50 milionë euro do të sigurohen nga institucionet ndërkombëtare në formën e kreditimit; pjesën e mbetur prej 100 milionë eurosh bizneset shqiptare do ta mbulojnë nga kapitalet që disponojnë,” tregoi Puka, koordinatori i projektit.

Në projekt parashikohen një sërë masash, si dhe një plan i detajuar investimi, i përqendruar kryesisht në rinovimin e teknologjisë, nëpërmjet të cilit do të mundësohen bisedat me kosto të ulët drejt rrjetit fiks dhe atij të lëvizshëm, si dhe një sërë shërbimesh të tjera për konsumatorin fundor.

G.S.


www.a1tv.com.al

[hermes22]

30 milion euro me shume nuk jane per tu neglizhuar

[Lunesta]

Shume mire, me mire ta mbajme ne sesa te huajte.

[njemik]

eshte per tu pershendetur qe biz shqiptar ka ofruar 30 milion euro me shume e jo 30 milion me pak
Si gjithmon shteti shqiptar nuk ben asnje favorizim per biznesin vendas perkundrazi politikanet shqiptar kurre skan dashur qe shqiptaret te bejne hajer e kushedi sa jane nxire qe jane bashkuar nje grup shqiptaresh e duan te blejne telekomin. eshte per te ardhur keq por duhet ta pranojme se kane arritur shqiptaret qe ti luten qeveris qe ti trajtoje njesoj me te huajt ne vendin e tyre…kur duhet te ishte e kunderta. qeverite e gjithe botes marin nisma e ligje te favorizojne bizneset e tyre. qeverite shqiptare bejne te kunderten. edhe berisha qe per demagogji thote te kunderten eshte po aq tradhetar dhe puthator (brekeulur) sa Fatos Nana. por skane faj ata faj kemi te gjithe ne qe i kemi lene fatet tona ne doren e tyre

P.S. Jam kurioz cdo te beje berisha tani se me sa di une i ka premtu erdoganit qe do ta coj deri ne fund aferen koruptive te nisur nga Nano

[Albo]

Ministri i Ekonomisë: Ende nuk kemi filluar negociatat, po përfundojmë raportin e investiguesve

Telekom, 6 muaj negociatat me turqit

Ruli: Jemi duke përgatitur kushtet e kontratës që do ndryshojnë


Mirvjena Dizdari
Rinegocimi i kontratës së privatizimit të “Albtelekom”-it parashikohet të zgjasë rreth 6 muaj.

Qeveria shqiptare ende nuk ka filluar negociatat me shoqërinë turke “Calik Enerji Telekomunikasyon A.S”, ndërkohë që një grup pune i Ministrisë së Ekonomisë dhe Ministrisë së Punëve Publike do të fillojë shqyrtimin e kushteve të kontratës, të cilat do të rinegociohen me turqit. Ministri i Ekonomisë, Tregtisë dhe Energjetikës, Genc Ruli, ka deklaruar se kontrata e privatizimit të “Albtelekom”-it nuk ka filluar ende të negociohet. Sipas kreut të Ekonomisë, është në përfundimin e plotë raporti i investiguesit, i cili do t’i dërgohet palëve të ndryshme, si kompanisë që ka qenë përzgjedhur në tenderin e parë, apo institucioneve financuese si BERZH-i.

Rinegocimi
“Ministria e Ekonomisë së bashku me Ministrinë e Telekomunikacioneve, së shpejti do të nisin shqyrtimin se cilat do të jenë kushtet për optimizimin e privatizimit, që do të paraqesë qeveria shqiptare dhe më pas do të fillojmë negociatat”, ka deklaruar Ruli. Lidhur me kohën e përfundimit të privatizimit të “Albtelekom”-it, kreu i Ekonomisë ka deklaruar se, në qoftë se edhe nga pala tjetër do të ketë vullnet për të arritur në negociata të shpejta dhe në përfitim reciprok, rinegocimi do të zgjasë jo më shumë se 6 muaj. Procesi i investigimit të privatizimit të “Albtelekom” u krye nga firma “Deloitte Czech Republik B.V.” Në raportin e kompanisë çeke theksohet se në kontratë janë bërë disa shkelje. Sipas tyre, kontrata mes qeverisë shqiptare dhe kompanisë turke “Calik Enerjy”, për privatizimin e “Albtelekom”, ka shumë probleme. Sipas raportit, I cili ende nuk është bërë publik nga institucionet shtetërore, kontrata që është lidhur me konsorciumin turk nuk ofron asnjë lloj garancie.
Por, gjatë vizitës në Turqi, kryeministri Sali Berisha deklaroi se do të rinegociohej kontrata me turqit për privatizimin e “Albtelekom”-it, e cila është në vlerën 120 milionë euro.

Biznesi
Në Kryeministri për “Albtelekom”-in ka ardhur një tjetër ofertë, rreth 30 milionë euro më e lartë sesa oferta e turqve. Rreth 15 muajsh pas privatizimit, në skenë ka dalë sërish biznesi shqiptar si me një ofertë të fortë për blerjen e aksioneve. Konsorciumi, i cili para dy vitesh kërkoi të ishte pjesë në procesin e privatizimit, tani ofron 150 milionë euro për kompaninë e vetme të telefonisë fikse në Shqipëri. “Jemi të gatshëm të negociojmë një kontratë me qeverinë shqiptare për të blerë të njëjtën përqindje aksionesh sa edhe ‘Calik Enerji’, me një çmim prej 150 milionë eurosh”, ka deklaruar Endri Puka, koordinator i konsorciumit shqiptar për privatizimin e “Albtelekom”-it.


120 milione
euro është vlera me të cilën shoqëria turke “Calik Enerji Telekomunikasyon A.S” u shpall fituese në tenderin e zhvilluar një vit më parë, për privatizimin e kompanisë “Albtelekom”

150 milione
euro ka ofruar një konsorcium shqiptar për privatizimin e “Albtelekom”. Bizneset shqiptare zotërojnë 74% të aksioneve të konsorciumit, ndërsa 26% mund t’i takojnë një kompanie amerikane


vlera
Shoqërisë turke “Calik Enerji Telekomunikasyon A.S” do t’i kërkohet një çmim më i lartë sesa vlera prej 120 milionë eurosh, që është ofruar në tender. Çmimi i blerjes së 76 për qind të aksioneve të “Albtelekom” ka qenë një ndër kërkesat më të forta të qeverisë.

Penalitetet
Qeveria do t’i kërkojë shoqërisë turke që në kontratë të vendosen kushte të tjera investimesh dhe penalizimesh për rastet e vonesave. Kjo, sipas specialistëve, do të ndikojë në rritjen e investimeve nga ana e kompanisë, që do të bëjë privatizimin e “Albtelekom”-it.

Ekskluzivitetet
Qeveria shqiptare do të kërkojë që në kontratë të hiqen të gjitha ekskluzivitetet që ka kompania “Albtelekom”, si dhe të ofrojë shërbimin e internetit me tarifa të lira. “Albtelekom” është operatori i vetëm urban i telefonisë fikse në vend.

Panorama