Finalizohet shitja e Albtelekom kompanisë turke

[inter_forever]

Shitja e ALBTELEKOM nga Nano tregon qarte , qe Nanos i eshte premtuar nje ''thele e majme'' nga kjo shitje ....

Me kete veprim Nano del nga loja...sepse kur PD te bllokoje shitjen ne parlament...Nano u thot turqve , qe nuk eshte faji im...PD eshte shumice dhe ma rrezoi ligjin...

Kurse ''thela e majme '' kushedi ku do jete duke fjetur me ndonje llogari bankare zviceriane ...

[Iliriani]

Socjalistet presin ca tu thote kryetari i tyre---ne kete moment shume delikat---ai iken ne turqi me drejtorin e doganave---per te Calik ???????te marri pjesen????

Me kryeminister batakxhi hajdut e pleher nuk ka si te behet me!!!!????

Socjalistet me Gramozin--- ne hall per numrin e votave e humbjen
Nano---------e ka hallin te numerimi i parave


Mosdorëzimi i Nanos dhe skandali i Albtelekomit
Nga Mero Baze

Kryeministri në detyrë Fatos Nano po përpiqet të shtyjë dorëzimin e pushtetit, duke e justifikuar atë me procedura ligjore, për të mbyllur një nga skandalet më të mëdha financiare në historinë e Shqipërisë, atë që ka të bëjë me shitjen e Albtelekomit tek një kompani inekzistente, e cila theu kontratën me shtetin shqiptar për të qenë pronare e Telekomit turk. “Calik Enerji Telekomunikasyon A.S” i cili ka blerë Albtelekomin vetëm me letra, nuk arriti të bëhet dot pronare e Telekomit turk dhe tani Albtelekomi shqiptar del që i është shitur jo një kompanie telefonash, por një kompanie fantazëm, e cila ka si asete në fushën e telekomit, vetëm vendimin e gjykatës që e ka regjistruar si shoqëri dhe pas saj qëndron një biznesmen turk në Shqipëri, i lidhur drejtpërdrejt me Fatos Nanon dhe qarqe të larta të qeverisë turke të përfshira në këtë skandal. Skandali shpërtheu dy ditë para zgjedhjeve në Shqipëri, kur Turk Telekomi iu shit një shoqërie të përbashkët arabo-libanezo-italiane, për 6,5 miliardë dollarë. Duke shfrytëzuar tensionin paselektoral në Shqipëri, Fatos Nano po përpiqet të demonstrojë forcë dhe vendosmëri për të mos e dorëzuar urgjent pushtetin deri sa të mbyllë letrat e këtij skandali të madh, me të cilin ai shpreson të devijojë në arkën e familjes së tij, miliona dollarë. Për ta ilustruar këtë ide, ai bën provokime të tilla si emërimi i Majlinda Ketës zëvendësministre Arsimi apo kthimi i Arben Ahmetajt në detyrë. Në të vërtetë problemi nuk është fare tek rezultati, por tek koha e dorëzimit të pushtetit. Fatos Nano po përpiqet të fitojë kohë dhe të humbasë durimin e opozitës, deri në përfundimin e këtij superskandali financiar duke i lënë socialistët e sinqertë të numërojnë gjithë ditën me gishta vendet në parlament dhe jo miliona dollarë, që ai po fut në xhep nga skandali me Albtelekomin. Ai ka udhëtuar dje drejt Turqisë me kupolën mafioze të familjes së tij, gruan e vet biznesmene Xhoana Nano dhe ish kryedoganierin Shpëtim Idrizi, i cili është i vetmi deputet që ka marrë mandatin duke vrarë komisionerin në qendrën e votimit. Ky është sekreti real që e mban Fatos Nanon ende të lidhur me zyrën e tij. Ai nuk shqetësohet as për humbjen e socialistëve, as për humbjen e PS, as për shkatërrimin e së majtës, as për fytyrën e sinqertë të Gramoz Ruçit, as për militantët e tronditur të PS-së, por vetëm për devijimin e miliona dollarëve në xhepat e tij. Ai nuk ka ikur as të qajë, as të festojë. Ai ka ikur të marrë paratë, që ia la në mes pa marrë, humbja e pushtetit. Dhe pas kësaj ai mund të mos kthehet më as në zyrë, duke i lënë rrugëve socialistët, që e kanë marrë seriozisht vendosmërinë e tij për të mos e dorëzuar pushtetin.

[angeldust]

E pra, ja ku e pame dhe pjesen tjeter nen uje te ajsbergut Albtelekom, ceshtje qe ne fillimet e saj mbeti disi ne prapaskene persa i perket medias, pasi te gjithe ishin te fokusuar ne fushata elektorale dhe zgjedhjet e tejzgjatura ne publikimin e rezultatit. Kjo u duk qe ishte nje kapak dinjitoz qe mbyll gjithe mega-skandalet qe beri Nanoja gjate gjithe kohes qe ishte ne pushtet.

Nuk eshte hic cudi qe ai dhe e shoqja te zhduken pa gjurme ne ndonje vend jashte shtetit me parate e tyre, pasi Berisha e ka futur njehere ne burg kete njeri dhe po te doje e ben prape dhe Nanoja e di kete. Nanos te gjitha faktet i dihen, por per sa kohe ai ishte ne pushtet vartesit e tij nuk guxonin t'i benin as gek, as mek. Vetem Berisha, dhe deri diku se fundmi Meta, kane arritur t'ja mbledhin litarin pas fytit.

Do t'i isha shume mirenjohese Berishes sikur ta fuste prape ne burg, por tani mafia Nano i ka bere milionat dhe mendoj se do te jete shume e veshtire. Nqs. do te shkonte puna deri atje, kjo do te ishte nje ndeshje midis polariteteve te kunderta: drejtesise dhe ndershmerise kunder korrupsionit prej parase. Zoti e ndihmofte Shqiperine!

[Lioness]

Kuvendi rrëzon shitjen e “Albtelekomit”

Demokratët hedhin poshtë me 68 vota marrëveshjen me turqit. PS, 30 vota pro, 7 abstenime



TIRANË - Parlamenti rrëzon marrëveshjen e qeverisë “Nano” për privatizimin e kompanisë së telefonisë fikse “Albtelekom sh.a” nga kompania turke “Calik Comunication”. Shumica e re parlamentare ka votuar dje kundër ratifikimit të marrëveshjes së nënshkruar mes qeverisë socialiste të drejtuar nga ish-kryeministri Fatos Nano dhe kompanisë turke “Calik Comunication”, e cila u shpall fituese nga tenderi i hapur ndërkombëtar i zhvilluar disa muaj më parë nën drejtimin e ish-ministrit të Ekonomisë dhe Privatizimit, Anastas Angjeli.

Pas një seance të stërzgjatur parlamentare, maxhoranca dhe opozita nuk kanë gjetur gjuhën e përbashkët për ratifikimin e marrëveshjes në fjalë, duke bërë të pavlefshëm të gjithë procesin e privatizimit, i zhvilluar në disa etapa tenderuese, duke votuar me 68 vota pro kundër miratimit të saj, 30 pro dhe dhe 7 abstenime. Por qeveria shqiptare mund të penalizohet nga kompania turke për anullimin e procesit të privatizimit të Albtelekomit. Sipas anëtarit të Komisionit të Ekonomisë, Aleksandër Biberaj, kompania fituese mund të padisë Ministrinë e Ekonomisë për mosratifikimin e marrëveshjes dhe të kërkojë dëmshpërblim.

Ndërkohë pas rrëzimit të marrëveshjes është miratuar projektvendimi që i hap rrugë fillimit të ekspertizës ndërkombëtare, e cila do të verifikojë nëse procedurat e ndjekura nga qeveria e mëparshme për privatizimin e kompanisë së telefonisë fikse “Albtelekom sh.a” nga kompania turke “Calik Comunication”, kanë qenë të rregullta dhe ligjore. Gjatë debateve para procesit të votimit, deputeti socialist Besnik Dervishi, propozoi që të mos merrej vendimi në këtë seancë dhe gjatë ditëve të mbetura deri më 21 shtator kur skadon afati i ratifikimit të draftmarrëveshjes, qeveria shqiptare të negociojë me kompaninë turke. Dervishi propozoi që për pasojë të shtyhej edhe afati i ratifikimit me disa muaj të tjetër. Por propozimi i tij nuk u mor në konsideratë nga shumica parlamentare. Nga ana tjetër edhe kryetari i Komisionoit parlamentar të Ligjeve, Spartak Ngjela, ka shfaqur rezervat e tij lidhur me procedurën që po ndiqte Parlamenti për ratifikimin e kësaj marrëveshjeje, dhe më pas ngritjen e grupit të ekspertizës ndërkombëtare. “Të gjejmë një vijë të mesme që t’ia paraqesim turqve. I japin kohë qeverisë të bëjë ekspertizën. Ky vendim juridikisht nuk zgjidh asgjë. Ose e ratifikojmë, ose jo dhe presim ekspertizën. Pse e doni ekspertizën pa u ratifikuar”, - tha Ngjela.

Por ministri i Financave, Ridvan Bode, është shprehur se projektmarrëveshja do të rrëzohej dhe pas dy muajsh qeveria ta risillte sërish, kur edhe të kishte përfunduar ekspertiza ndërkombëtare. Ndërsa kryetar i grupit parlamentar të PD-së, Bamir Topi, është shprehur se, nëse nuk miratohet brenda datës 21 tetor, në këtë ditë gjithçka është negociuar në këtë marrëveshje, rrëzohet në mënyrë automatike. Ndërkohë kreu i grupit parlamentar të socialistëve, Pandeli Majko, tha gjatë diskutimeve se ishin bërë dy ekspertiza ndërkombëtare për privatizimin e kompanisë “Albtelekom sh.a” nga Banka Botërore dhe nga kompania italiane IMI, të dyja në vlerë 2 milionë dollarë. Sipas tij, pala negociuese e qeverisë së mëparshme nën drejtimin e ish- ministrit Angjeli ka pyetur edhe shërbimet sekrete për të marrrë të dhëna mbi kompaninë që më pas u shpall fituese.

[kleadoni]

Pse duhet te shikojme vetem anet negative te privatizimit!?
Edhe une jam dakord qe vlera eshte mjaft e vogel,e cdo privatizim po behet nga shtetet e tjera,perfshire edhe bankat,por kur shteti shqipatar nuk eshte i afte te vazhdoje vete perpara....si i behet!
Ne shqiperi i vihet rendesi partive politike,.tani qe erdhi demokratikja i hoqen te tere drejtorat e i kane zevendesuar me demokrat,une i referohem nje fakti real, ku nje drejtor i albtelekomit eshte zevendesuar me nje ekonomist demokratik. si mendoni ju,qe nje "ekonomist" mund te drejtoje nje poste...nderkohe qe ky luan rolin e drejtorit,e nje tjeter luan rolin e ekonomistit...dmth mungon inxhinieri e jane dy ekonomista.
Si mendoni qe do eci perpara shqiperia,e pastaj themi pse kemi probleme te lidhemi ne telefon me shqiperine...sepse prishen centralet e nuk di njeri ti rregulloje....

[Sabriu]

Ku ka në Shqipëri demokraci,demokracia do ligj,rend,e rregill,njëherit edhe përgjegjësi etj.Ndoshta zotërinj e keni fjalën për demokracinë serbo-greke në Shqipëri.

[Qerim]

Shitja e Albtelekomit eshte nje gur prove nese ne Shqiperi do te ndodhi nje 97` tjeter ose jo.Ne qofte se Albtelekomi shitet tek nje firme apo shtet prestigjios, d.m.th se Shqiperia ka hyre ne rruge te mbare dhe Sali Berisha eshte personi i duhur per shtetin shqiptar dhe se fantazma e 97` ka ikur pergjithmone.Shtetet e huaja ose kompanite serioze i ndjekin me vemendje zhvillimet politike ne Shqiperi dhe e dine me mire se ne ,nese do te kete trazira ose jo.Sot mora vesh se kompania greke e kazinose i kishte shitur lire aksionet e saj tek nje firme tjeter qipriote.Ky largim me ngjan me ate te minjve qe parandjejne termetin dhe largohen nga ndertesa e rrezikuar.

[Albo]

KOMPANIA "DELOITTE CZECH”, HEDH POSHTE PRIVATIZIMIN E ALBTELEKOMIT

Hidhet poshte akti i shitjes se kompanise shteterore Albtelekom tek turqit Çalik Energy , kjo nga kontrolli qe i eshte bere proçesit nga kompania çeke "DELOITTE Czech Republic”. Nga hetimi i bere , ne raport rezulton se Çalik Energy nuk i ploteson kushtet per te qene drejtor strategjik. Kompania turke ka mangesi te theksuara ne dokumentacion dhe mbi te gjitha , nuk eshte pajisur me çertifikaten e cilesise e quajtur ISMN – Pin .

Kjo çertifikate kerkohet ne dokumentacionet e privatizimit , pasi eshte nje nder garancite kryesore qe tregon per cilesine e sherbimit te kompanise. Tjeter shkelje e konstatuar eshte fakti , qe marreveshja qe eshte bere mes Çalik Energy dhe kontrates se operuar mes Turkish Telekom nuk jep asnje garanci. Ne perfundim te raportit vihet ne dukje se gjate gjithe kohes kompania turke ka pasur nje akses te ndjeshem ne kete proces .

Qeveria socialiste ne 23 qershor 2005, vetem pak kohe para zgjedhjeve elektorale ka nenshkruar kontraten e jashteligjshme te privatizimit me nje vlere prej 120 milion euro per blerjen e 76% te aksioneve shteterore firmes turke “Çalik Energy “, kontrate kjo e cila nuk u ratifikua me 13 tetor 2005 ne Kuvend.

Nderkaq, qeveria aktuale me ane te nje tenderi te zhvilluar ne te cilen kane qene pjesemarrese 8 kompani, firma çeke "DELOITTE Czech Republic" eshte zgjedhur si kompania qe do te kontrolloje procedurat e ligjshmerise se kontrates se privatizimit te "Albtelekom", per shumen prej 172.110 euro, rezultate keto te cilat kane treguar mangesite e shitjes. Procesi i transparences i ndermarre nga qeveria, ka qene per te hedhur drite mbi procesin se si u be privatizimi i "Albtelekom" nga qeveria e meparshme socialiste, nese ka pasur probleme juridike, apo kemi te bejme me interesa klienteliste si dhe per te dhene rekomandimet se si duhet te behet nje proces i tille sa me mire ne te ardhmen.

Nderkaq ministri i Ekonomise, Genc Ruli, ne Komision Hetimor te telefonise celulare te zhvilluar ne muajin qershor tha se brenda vitit 2006 do te shpallet tenderi per privatizimin e kompanise se telefonise fikse "Albtelekom”. Me pas ministri theksoi se objektiv i qeverise eshte privatizimi i Albtelekomit ku me perfundimin e proçesit te investigimit, do te kalohet ne proçesin e privatizimit.

Ministri Ruli, nder te tjera tha se, “i eshte kerkuar ndihme per kete proçes BERZH it dhe IFC, per te afruar konsulencen per perzgjedhjen e nje kompanie konsulence per privatizim, e cila te mund te siguroje nje model privatizimi, kushtet, proçesin e tenderimit te hapur nderkombetar, deri ne kontraten qe do te negociohet”, u shpreh Ruli.

Sonila Isaku

[Albo]

Një raport konfidencial i “Deloitte&Touche”, tregon shkeljet e bëra në kontratën me “Calik Enerji”

Albtelekom, kontrata me “Calik Enerji”, e jashtëligjshme

Ka pasur favorizime, ku të gjitha ndryshimet janë në favor të “Calik”. S’ka pasur siguri dhe cilësi shërbimi

Florian Papadhimitri

TIRANË- Ashtu siç edhe pritej, kontrata e shitjes së gjigantit të telefonisë Albtelekom me Calik Enerji, është hedhur poshtë. Një raport konfidencial i Deloitte&Touche, i zbuluar nga një prej televizioneve të Tiranës, bën të ditur se kontrata me turqit është cilësuar si e jashtëligjshme dhe e pavlefshme. Raporti i Deloitte&Touche vë në dukje mangësitë dhe shkeljet në kontratën me Calik Enerji, si dhe procedurat e ndjekura për të arritur deri në kontrastin përfundimtare të shitjes së Albtelekom. Sipas këtij raporti konfidencial, gjithçka e parashikuar në këtë kontratë ka qenë në favor të kompanisë Calik Enerji dhe kjo është bërë nga Ministria e Ekonomisë. Pas shqyrtimit të dokumentacionit përkatës dhe procedurave të ndjekura, raporti i hetimit të shitjes së Albtelekomit nga kompania Deolite &Touche ka arritur në konkluzionin se kontrata është e jashtëligjshme.

Arsyet

Në bazë të raportit përfundimtar që ka nxjerrë filiali çek i kompanisë Deloitte & Touche, e cila, me kërkesë të qeverisë shqiptare, ka hetuar kontratën e shitjes së Albtelekomit, arrihet në konkluzionin se gjithçka e përfshirë në këtë kontratë ka qenë e dhënë në favor të kompanisë turke Calik Enerji. Në raportin e kompanisë hetuese është arritur në konkluzionin se kompania turke, Calik Enerji, nuk i plotëson kushtet për të qenë një investitor strategjik, kriter ky që e kërkon ligji. kKompania Calik Enerji ka mangësi të theksuara në dokumentacion dhe, mbi të gjitha, nuk është e pajisur me certifikatën e cilësisë, e quajtur ISO 9000. Kjo certifikatë kërkohet në dokumentacionin e privatizimit, pasi është një ndër garancitë kryesore që tregon për cilësinë e shërbimit të kompanisë. Por, në mungesë të saj është vetë qeveria ose Ministria e Ekonomisë e cila vendos ta pranojë ose jo kompaninë në procesin dhe garën e privatizimit. Tjetër shkelje e vënë re është fakti që marrëveshja që bëri në atë kohë Calik Enerji me Turk Telekom nuk jep asnjë garanci. Kjo pasi, siç është bërë prezent edhe në media, në atë kohë Turk Telekomi ishte në proces privatizimi, dhe marrëveshja e lidhur nuk parashikonte asnjë lloj detyrimi. Ndër mangësitë e Calik Enerji dhe kontratës së përpiluar mes saj dhe Ministrisë së Ekonomisë, ishte marrëveshja për të drejtën e Roaming. Në raport vihet në dukje se kjo e drejtë do t`i jepej Calik Enerji jo vetëm në shkelje me ligjet shqiptare, por në shkelje me ligjet ndërkombëtare. Në përfundim të raportit vihet në dukje se gjatë gjithë kohës kompania turke Calik Enerji ka pasur një akses të ndjeshëm në këtë proces. Sipas hetimit rezulton se që nga marrëveshja paraprake e deri në marrëveshjen përfundimtare të shitjes, ndryshimet e bëra kanë ndodhur vetëm në favor të kompanisë turke. Tashmë i takon qeverisë të vendosë nëse do të kthehet tenderi nga e para. Kryeministri Berisha pritet që në fillim të muajit tjetër të bëjë një vizitë zyrtare në Turqi, ku dhe mund të bisedohet për privatizimin e Telekomit nga kompani turke. Qeveria ka paguar rreth 170 mijë euro për të kryer ekspertizën e privatizimit te Albtelekom.

Shkelje

Është vënë re një ndryshim dhe zvogëlim i tekstit të reklamave që Ministria e Ekonomisë ka publikuar në tre media ndërkombëtare për privatizimin e Albtelekom. në raport thuhet se ka një ndryshim të tekstit të reklamës që është botuar tek revista ekonomike “The Economist”. Teksti në këtë të përjavshme ishte ndryshe nga ai i botuar te “The Wall Street” dhe te “The Financial Times”. Ndërkohë janë bërë ndryshime që në marrëveshjen paraprake në favor të Calik Enerji. Në raport thuhet se Calik Enerji ka pasur avantazh për gjithçka.

Blerësi i Albtelecom

Calik nuk është një emër shumë i panjohur në botën financiare shqiptare. Gjatë vitit 2003 u përfol shumë për blerjen e 60% të aksioneve të Bankës Kombëtare Tregtare nga Calik Bank, një bankë turke e themeluar së fundi, me total asetesh prej vetëm 42 milionë dollarësh. Një hetim i Bankës së Shqipërisë nxori në pah se kandidati për blerjen e BKT-së ishte praktikisht një sajesë biznesmenësh aventurierë. Si pasojë e kësaj, kryetari socialist, Fatos Nano, kërkoi mosrizgjedhjen e guvernatorit të atëhershëm, Shkëlqim Cani, dhe e rrëzoi këtë të fundit, duke e akuzuar se “nuk jep garanci për socialistët”, në mbledhjen e grupit parlamentar socialist, që vendosi mosparaqitjen e emrit të Canit si një nga kandidatët për postin e guvernatorit. Calik ka hapur gjithashtu një faqe web, www.calikenerji.com.tr, ku tregon se ka një degë telekomunikacionesh dhe se në Turqi ofron shërbimin VoIp. Ky është një shërbim telefonik që ofrohet duke përdorur internetin dhe që praktikisht mund të ofrohet nga çdo ISP në të gjithë botën. Sipas ekspertëve të telekomunikacionit, bashkimi i emrit të Turk Telekom, e cila është një kompani historike, por që nuk është dalluar asnjëherë si kompani e fortë, bëhet thjesht për të fshehur blerësin e vërtetë. Gjithashtu, Ismet Hamiti, ekspert i telekomunikacionit në Kosovë, ish-zyrtar i Bashkimit Ndërkombëtar të Telekomunikacioneve (BNT), me seli në Gjenevë, shprehet se kompania turke Calik Enerji, e cila është shpallur fituese e tenderit të Albtelekomit, e ka ndërtuar faqen e saj zyrtare në internet, vetëm 10 ditë përpara shpalljes së ofertuesve.

Të dhënat për Albtelecom

Totali i aseteve: 1,2 miliardë euro
Kapitali aksioner: 135 milionë euro
Xhiroja vjetore: Rreth 12,5 miliardë lekë
Fitimi maksimal i arritur: 4,5 miliardë lekë në vitin 1999
Fitimi minimal i arritur: 110 milionë lekë në vitin 2002
Numri i klientëve: 230 mijë
Objektivi për 2005: 430 mijë klientë
Plani i investimeve në 2005: 3,3 miliardë lekë
Plani i zhvillimit: Teknologjia ISDN, Shërbimi i televizioneve kabllore, interneti, shërbimet e transaksioneve financiare etj.
Tregu potencial: 600 deri 800 mijë
Asete shtesë: Licenca e tretë celulare
Asete specifike: Linjat e fuqishme të interkonjeksionit ndërkombëtar lindje–perëndim (Bari–Stamboll), lidhja e interkonjeksionit me Malin e Zi, me Kosovën (ku është në shumë drejtime monopol) dhe me Greqinë

Shekulli

[Albo]

Ahmet Calik u shpreh dje se “Calik Enerji”, është fituese e tenderit ndërkombëtar dhe pret të nënshkruajë kontratën

Turqit: Nuk heqim dorë nga blerja e Albtelekomit

“Për sa i përket kontratës së shitjes së Albtelekom, është një pikë ku pengesë ka pasur qeveria shqiptare dhe jo Calik”

Florian Papadhimitri

TIRANË- Kompania turke “Calik Enerji”, ka deklaruar se nuk do të tërhiqet nga kontrata e bërë me qeverinë e fundit socialiste për blerjen e Albtelekom. Në një prononcim të bërë dje, Ahmet Calik, president i kompanisë, u shpreh se problemet me kontratën nuk kanë të bëjnë me Calik Enerji, po me qeverinë shqiptare. Ahmet Calik, i cili ka firmosur kontratën e shitjes me ish-ministrin e Ekonomisë, Anastas Angjeli, tha se kompani Calik është shpallur fituese e tenderit. Duke folur për raportin hetimor të Deloitte &Touche, Calik u shpreh se përfundimet janë të pavërteta. Në një intervistë të dhënë dje për një nga televizionet e Tiranës, Ahmet Calik, tha se të gjitha debatet mbi këtë privatizim nuk e cenojnë faktin që ai është investitori që ka fituar tenderin për privatizimin e kompanisë më të madhe të telefonisë fikse në vendin tonë. “Në lidhje me këtë çështje dhe me një raport të Deloitte&Touche, ne nuk kemi asnjë të dhënë zyrtare. Për sa i përket kontratës së shitjes së Albtelekom, është një pikë ku pengesë ka pasur qeveria shqiptare dhe jo kompania Calik. Ajo është fituesja e tenderit që u zhvillua nga shteti juaj dhe, për momentin, po presim rezultatet e kontratës së nënshkruar mes dy palëve”, është shprehur dje Ahmet Calik. Ai, në intervistën e dhënë, ka shprehur dëshirën për të investuar në Shqipëri. “Ne jemi një grup që kërkojmë të bëjmë investime, sidomos në Shqipëri”, tha Calik.

Hetimi
Para pak ditësh, një dokument konfidencial i raportit hetimor të Kompanisë Deloitt&Touche vinte në dukje se në kontratën me Calik Enerji dhe në procedurat e ndjekura për privatizimin e Albtelekom, ka shkelje të konsiderueshme. Në raport thuhet se konsorciumi turk, i prezantuar në privatizimin e Albtelekom, nuk ka garanci për shërbimin që duhet të kryejë si operator i telefonisë. Në këtë pikë është bërë e qartë se kjo kompani nuk zotëron certifikatën e standardit të shërbimit ISO 9000. Përveç kësaj, kjo kompani është vlerësuar si një investitor jostrategjik dhe i aftë për të blerë një kompani të përmasave të Albtelekom.

Tenderi
Pasditen e katër majit të vitit të shkuar është bërë dhe hapja e ofertave për dy kompanitë shtetërore, ARMO dhe Albtelekom. Pavarësisht se priteshin nga dy oferta për secilën kompani, e pranishme me ofertën e saj ka qenë vetëm një konsorcium turk që ka kërkuar të blejë “Albtelekomin”, duke ofruar 120 milionë euro. “Turk Telekom”, ka dorëzuar ofertën pranë Komisionit të Vlerësimit të Ofertave, duke kërkuar privatizimin e 76 për qind të aksioneve, ofertë kjo që është pranuar nga komisioni. Nga zyrtarë të Ministrisë së Ekonomisë u tha se, pavarësisht nga oferta e vetme, gjithçka do të vazhdojë sipas procedurave dhe brenda tri javësh Komisioni i Vlerësimit të Ofertave dha përgjigjen për ofertën e paraqitur. Për blerjen e “Albtelekom”, përveç “Turk Telekom”, u ofrua dhe “Konsorciumi Telecom Korean”, kompani koreane, e cila është tërhequr dje nga gara. Në projektet për privatizimin e “Albtelekomit” është parashikuar të shitet edhe licenca për kompaninë e tretë mobile.


Kontrata
Pas një tenderi të mbyllur për mediat, me datë 23 maj të vitit të kaluar, qeveria shqiptare, atë kohë socialistë, firmosi një kontratë me konsorciumin turk, për të shitur 76 për qind të kompanisë shtetërore Albtelekom. 76 për qind e aksioneve do të shiteshin për shumën e 120 milionë eurove. Anastas Angjeli, ministri i Ekonomisë së asaj kohe, firmosi me Calik Enerji Telekomunikasyon një konsorcium, i përbërë nga Calik Enerji dhe Turk Telekom, sipas tenderit ndërkombëtar të fituar në maj të 2005-ës. Calik Enerji ishte kompania e vetme ndërkombëtare që bëri një ofertë për të blerë aksione të Albtelekomit. Dhjetë kompani të tjera, të cilat vinin nga shtete të tilla, si Sllovenia, Koreja, SHBA-ja, Kuvajti dhe Irlanda u shfaqën të interesuara për kompaninë e telefonisë, por nuk dhanë ofertë.


Të dhëna për Albtelekom
Viti Të ardhurat Fitimi para takimit
1999 10 miliardë 4,5 miliardë
2000 10 miliard ë 3,8 miliardë
2001 12,5 miliardë 2,7 miliardë
2002 12,8 miliardë 110 milionë

Zëri Shuma
Totali i aseteve 1,2 miliardë euro
Kapitali aksioner 135 milionë euro
Xhiroja vjetore Rreth 12,5 miliardë lekë
Plani i investimeve 2005 3.3 miliardë lekë
Plani i zhvillimit Teknologjia ISDN, Shërbimi i televizioneve kabllore, interneti, shërbimet e transaksioneve financiare etj
Tregu potencial 600 deri 800 mijë abonentë
Asete shtesë Licenca e tretë celulare
Asete specifike Linjat e fuqishme të interkonjeksionit ndërkombëtar lindje – perëndim (Bari – Stamboll), lidhja e interkonjeksionit me Malin e Zi, me Kosovën (ku është në shumë drejtime monopol) dhe me Greqinë.

Shekulli