Finalizohet shitja e Albtelekom kompanisë turke

[ArberXYZ]

Sipas lajmeve te TCH, 100 autoambulancat kushtuan 5.5 mil €, pra 55.000 per koke.

Keni te drejte, me falni.

Une nuk i kisha pare lajmet, por mendova se nje ambulance e blere 55 mije euro mu duk dicka e ekzagjeruar, kur fare mire nje mund te blihej me 10 mije.

Pataj me 5.5 milione euro ishte bere dicka me e mire, nje rruge per shembull. Harrova qe eshte kohe fushate dhe Nano ka filluar t'i beje dhurata miqve, sic eshte rasti i perfaqesuesit te benzit ne Shqiperi.

Gjithsesi borxhi duhet lare apo jo?

besova se kjo qeveri kishte nje fije llogjike...

[Brari]

nuk i duall kot Xhoana Erdogan efendise.. me ferexhe..

Kushedi sa kan xhvatur Tos ortodoksi me Erdogan musulmanin ne xhepat e tire..
Ca prandaj vene ne kisha e xhamija..
qe o Allah e Krisht na fal hajdutlleqet tona..
na ngfjit dora skemi cbejme..

[Qerim]

Mund te ma thote mua dikush pse Turqia eshte kaq e interesuar te investoje ne Shqiperi ?
Se fundmi mora vesh se BE i ka vene kusht Turqise qe te shesi makroveprat ne pronesi te shtetit n.q.s do te hyje ne BE.Pra edhe turk-telekom do shitet se shpejti ne duart e gjermaneve ,francezeve etj.
Fakti qe nuk u afruan investitore te fuqishem tek albtelekomi yne , do te thote me siguri se turktelekomi ka marre konsesusin e te gjithe te medhenjve.

Per mendimin tim do te perdoret pak a shume i njejti skenar si ne rastin e Vodafonit ,ku shumica e punonjesve qe punojne ne Shqiperi jane greke.
Pjesa qe do te vuaje, jane punonjesit shqiptare te Albtelekomit, te cilet do zevendesohen ne mase derrmuese me ata turq.

[amaro]

Turk telekom eshte firma shteterore me e sukseshme ne turqi, si me tel tokesor ku eshte pa konkurente ashtu si dhe ne fushen e internetit ku TTNet AdSL qe eshte dominuesi i tregut. Vjet Turk Telekom beri nje hap te madh perpara duke bere bashkimin e operatorit celular nr3 te turqise ARİA prone e italianve TİM me operatorin nr4 te vendit AYCELL prone e Turk telekom duke marre parasysh qe kjo martese qe ka emrin AVEA beri buje te madhe sepse pati nderhyrjen direkt te Silvio Berluskonit, dhe pas kesaj nderhyrja dhe nje strategjie shume te zgjuar te italianve Avea filloi te dali me fitim ku sot eshte kompania celulare numer 2 ne turqi.
shteti turk ka bere investime shume te medha pa u kursyer sepse duan ta privatizojne me nje shume sa me te madhe.
Siç po ndodh ktu ne forum qe ne diskutojme per çmimin e vertete te telekomit shqiptar, mediat turke kane 3 vjet qe diskutojne per çmimin e vertete te Telekomit Turk, duke bere qe tenderi per privatizimin te shtyhet 2 here.
Duke marre shkas edhe nga fotot qe dolen ne gazetat turke dje dhe sot ku Fatos Nano, Silvio Berluskoni dhe Tayyip Erdogan shume te lumturuar ndoqen bashke finalen e liges se kampioneve mund te them qe tenderi i Albtelekom eshte vendosur qe ti jipet TİM sepse nder ofertat me serioze per Turk Telekomin e ka dhene TİM e meqenese albtelekomin e ka marre turk telekom automatikisht albtelekom u kalon italianve. Fatosi prap beri ate qe din te beje me mire, duke parashikuar te ardhmen me pare se te tjeret dhe duke perfituar nga kjo.
Sa per çeshtjen e kesaj teme, mendoj qe shifra eshte shume e vogel dhe se ju dha turqve sepse Silvio i kerkoi Fatosit nje qe ti behej nje gjest i tille turqve.
Mendoj qe te gjithe kane dale te fituar perveç popullit shqiptar, sepse me ket hap turqia i afrohet tregut shqiptar ku ka kohe qe do te futet sepse eshte rruga me shkurter drejt tregut europian, gje te cilen e pengon lobi grek ne shqiperi, italia i afrohet me shume blerjes se telkomit turk ku fitimi eshte i sigurte, po ashtu shqiperia merr perkrahjen e italise per rrugen drejt Bashkimit europian, sa per popullin shqiptar do te duhet edhe te pakten nje dekade deri sa pushtetaret tane te luajn kartat ne favor te popullit pa u bere pjese e lojes se peshqve te medhenj. Nje gje tjeter eshte e veçante dhe te ben pershtypja sepse mbas kaq vitesh Fatosi po heq dore nga orientimi drejt greqise ku per shume specialista ekonomiste eshte nder vendet me te dobeta te europes nga ana ekonomike.

[Brari]

shekulli


--


Fushata, PS-ja i ofroi BG&R 2 milionë USD

Griffith: Zgjedhja mes PS-së dhe PD-së, përsa i përket ofertave, nuk është rast i rrallë që na bie të zgjedhim

Nevila Perndoj

TIRANË- Kompania amerikane “Barbour Griffith&Rogers”, që aktualisht po organizon fushatën e PD-së, ka refuzuar një shumë të majme parash që PS-ja i ka ofruar për të zhvilluar fushatën e saj zgjedhore. Kjo është bërë e ditur dje nga drejtori ekzekutiv i BG&R, Lanny Griffith, gjatë një konferencë për shtyp të zhvilluar me liderin e opozitës, Sali Berisha, dhe këshilltarin mediatik të disa fushatave të presidentit amerikan Bush, Stuart Stevens. I pyetur nëse ishin të vërteta zërat se PS-ja u kishte afruar atyre një ofertë trifish më të lartë se PD-ja, Griffith u përgjigj: “Në lidhje me zgjedhjen mes PS-së dhe PD-së, përsa i përket ofertave, nuk është rast i rrallë që na bie të zgjedhim midis konkurrentëve në biznes dhe në politikë. Vite më parë ne bëmë zgjedhjen nëse do të vendosnim duke u bazuar tek ana e biznesit, ose do të vendosnim duke u bazuar te politika, te mesazhet e tyre. Dhe ne kemi vendosur që të bashkëpunojmë me ata aktorë me të cilët kemi një pasion dhe ndajmë të njëjtat parime”, - tha Griffith. Ndërkohë burimet nga PD-ja bënë me dije dje për “Shekullin”, se menjëherë pas nënshkrimit të kontratës mes PD-së dhe kompanisë amerikane, BG&R, kësaj të fundit i erdhi një ofertë nga PS-ja me një shumë parash rreth 2 milionë dollarë. Kjo ishte oferta e parë. Ndërkohë që kompania amerikane refuzoi. Të njëjtat burime shtuan se kontakti i dytë mes drejtuesve të BG&R dhe socialistëve duket se është zhvilluar vetëm para disa kohësh, ku zyrtarë të lartë të PS-së e rritën ofertën e parave, me qëllim që BG&R të prishte kontratën me PD-në. Për ofertën e PS-së ka folur dje edhe kryetari i demokratëve, Sali Berisha. ”Ne kemi një traditë të shkëlqyer me republikanët dhe kompania BG&R është një kompani lobiste republikane. Ju nuk e dini se Fatos Nano ka ofruar shuma marramendëse, jo vetëm kësaj kompanie, por shumë të tjerave. Edhe disa prej tyre që janë bipartizane apo të krahut tjetër, nuk kanë pranuar dhe e kanë refuzuar. Pse? Sepse klientin e pashpresë askush nuk do ta marrë dhe kjo jo për ndonjë problem zyrtar”, - tha ai, duke shtuar se kryeministri Fatos Nano tashmë nuk mund të mbrohet më. “Çfarë mendoni ju se mund të mbrojë kush Benzin dhuratë 360 mijë $ ryshfet? Çfarë mendoni ju se mund të mbrojë kush kompanitë e helikopterëve dhe autobusëve, të cilat tri vjet më parë nuk kishin as 3 mijë $ të ardhura të deklaruara, apo udhëtimet e tij nga një kazino te një tjetër, duke lënë nga 100 mijë $ që janë në agjencitë e huaja të regjistruara, apo hedhjen në kanal të qytetarit, të cilin, pasi e shtypi, nuk e dërgoi as në spital? Klientë të tillë janë të pambrojtur”, - tha Berisha. Në këto kushte, kryetari i demokratëve i ka dhënë përgjigje edhe interesimit të medias për akuzat e socialistëve lidhur me transparencën që duhet të bëjë PD-ja për fondin e parave që i janë dhënë kësaj kompanie. “Financimi është më transparenti që Shqipëria ka njohur në historinë e saj. I tëri është mbledhur nga 100 nëndegët tona dhe është kontribut i anëtarësisë dhe mbështetësve tanë në një kuotë të caktuar të arsyeshme. Asgjë përveç transparencës nuk mund të ketë në këtë proces”, - tha ai. Në fakt, kjo është e njëjta deklaratë që lideri i opozitës, Sali Berisha, mbajti rreth dy muaj më parë në konferencën e parë për shtyp, ku u prezantua pikërisht drejtori ekzekutiv, Lanny Griffith. Asokohe, kryetari i demokratëve është shprehur se ka një kontratë profesionale, e cila do të trajtohet sipas përshkallëzimit të punëve. Berisha qartësoi gjithashtu se shpenzimet po përballoheshin të gjitha nga një tagër i caktuar i nëndegëve dhe se ky detyrim është shpërndarë në zonën e ultësirës në pjesë të barabarta dhe në zonën lindore e juglindore. Duke iu referuar gjithnjë daljes së parë publike të BG&R, burimet e Partisë Demokratike saktësuan para dy muajsh se selia blu do të harxhonte plot 500 000 euro për fushatën. Secila prej 100 nëndegëve do të paguante plot 5 000 euro në favor të kompanisë amerikane.

Nano: As unë e as PS-ja nuk kemi
kontaktuar me amerikanët e BG&R
Kryeministri Nano ka mohuar dje kategorikisht përmes një deklarate për shtyp, mundësinë e kontaktimit nga ai ose nga Partia Socialiste të kompanisë amerikane BG&R. ”Në asnjë rast kryeministri dhe kryetar i PSSH-së, Fatos Nano dhe Partia Socialiste që ai drejton, nuk kanë kontaktuar me këtë subjekt. Kjo edhe për faktin e thjeshtë që diferencat në mënyrën e të vepruarit janë të mëdha dhe natyrisht kurimi i imazhit të kësaj pjese të politikës (së Berishës) padyshim kërkon edhe ekspertë ndërkombëtarë, pasi paraqet probleme të rënda dhe të thella me të kaluarën dhe të tashmen, me papërgjejshmërinë dhe dizekuilibrin që përcjell me veprimet e tij ndaj publikut”, - thanë dje burime pranë kryeministrit. Ndërkaq, të njëjtat burime shtojnë se “me këtë rast vërejmë me shqetësim mungesën e plotë të transparencës për financimin (sipas tarifave që ofrojnë kompani të tilla në shifra dramatike) gjë që e bën Partinë Demokratike edhe në vazhdim të shfaqet e pasinqertë dhe manipuluese të fakteve përpara opinionit publik”.






31/05/2005


--

mohon nano.. pse jo.. as plakun e shkallnurit nuk e hodhi ai ne kanal.. as Vishen nuk e zhduken ne Krrab gangot e tije e te Xhines..
50 vjet mashtroi i jati.. le te mashtroj dhe nano nja 2o se sbenet qameti a derbardhe..

[Vizioni]

Ndoshta problemi me i madh eshte sepse gjera te tilla lejohen, dhe ne si qytetar, rrjedhimisht pronare te ligjeshem te kesaj pasurie, me mosveprimet tona, lejojme slandale te tilla. Minimalisht duhet te ndeshkojme me vote shperdoruesit.

[Xhuxhumaku]

Ismet Hamiti: Në debatin për shitjen e “Albtelekomit” duhet të ndërhyjë Enti Rregullator i Telekomunikacioneve

“Calik Enerji”, hapi faqen zyrtare në internet 10 ditë para tenderit

“Calik Enerji”, fituese e tenderit të “Albtelekomit”, 10 ditë përpara shpalljes së ofertuesve ka ndërtuar websitin zyrtar

Altin Xhikneli

TIRANË- “Kompania e cila është shpallur fituese e tenderit për privatizimin e kompanisë “Albtelekom”, “Calik Enerji”, vetëm 10 ditë para shpalljes së ofertuesve për blerjen e “Albtelekom” ka ndërtuar websitin e saj zyrtar. Ky është një tregues mjaft i qartë sesa serioze është kompania e cila ka blerë një nga pasuritë më të mëdha të shqiptarëve”, - është shprehur dje Ismet Hamiti, ekspert i telekomunikacionit në Kosovë dhe ish-zyrtar i Bashkimit Ndërkombëtar të Telekomunikacioneve në një takim të organizuar nga lëvizja Mjaft, në hotel “Tirana International”. Duhet thënë se websiti i kompanisë fituese “Calik Enerji”, përmban një informacion mjaft të cekët, ku shumë lidhje (link) nuk funksionojnë dhe i tërë informacioni në websitin e kompanisë është 11,38 KB, pra sa një dokument i thjeshtë teksti. “Gjatë 10 viteve të fundit kam pasur rastin të ndjek zhvillimet e fundit në fushën e telekomunikacionin shqiptar, me shpresë së gjërat do të shkojnë drejt përmirësimit, duke pasur parasysh rëndësinë kombëtare të kësaj infrastrukture. Kur tjetërsohet një pasuri kaq e madhe si infrastruktura telekomunikuese, arsyeja kryesore është se diçka e tillë duhet të jetë në shërbim të kombit. E nëse ky argument nuk përmbushet, nuk ka se si të konsiderohet i suksesshëm procesi i shitjes së një pasurie të tillë”, - shprehet Hamiti. Ai shprehet se të gjitha kompanitë janë të prirura drejt përfitimive në rrugë informale apo formale, por nëse është shteti abuzues, gjithsesi këto investime do t’i kthen publikut në forma investimesh në infrastrukturë, shkolla etj. Por, nëse abuzuesi është një privat sidomos i huaj, atëherë gjendja është dhe më e keqe, pasi ky përfitim mbetet tërësisht për atë, shtoi ai. “Unë them që në debatin për shtijen e “Albtelekom” duhet të ndërhyjë Enti Rregullator i Telekomunikacioneve (ERT). Sigurisht, në një treg me përfitime të mëdha, ERT-ja do të jetë nën presion të madh për të rregulluar tarifat dhe marrëveshjet në dobi të konsumatorëve”, - tha Hamiti. Më pas ai vazhdoi duke treguar një oponencë mbi mendimin se më një marketing më të mirë do të mund të thitheshin investitorë strategjikë me peshë në tregun e telekomunikacionve. “Unë nuk mendoj si disa njerëz si Kokalari, që me anë të një marketingu më të mirë do të vijnë plot e përplot kompani të huaja për të privatizuar “Albtelekomin” apo dhe ndonjë tjetër. Të huajtë dinë t’i bëjnë hesapet më mirë se ne. Ato nuk investojnë në një vend, duke mos bërë të gjitha llogaritë, që nga hapësirat ligjore e deri te niveli më vogël i përfitimeve. Oreksi i kompanive për të përfituar në mënyrë të paligjshme, po vjen duke u rritur”. Por në asnjë mënyrë, shprehet eksperti i telekomunikacioneve, “Albtelekom” të shitej në prag zgjedhjesh dhe në mënyrë jotransparente. Mendoj që shoqëria civile duhet që t’i drejtojë disa pyetje qeverisë për shitjen e “Albtelekomit”, tha ai. E para, përse “Albtelekom” do të shitet? Kësisoj, qeveria duhet të bëjë transparencë mbi arsyet që do të shitet kjo pasuri e më pas duhet t’i shpjegojë publikut se çfarë fiton ai nga shitja e tij, pasi në fund të fundit, qëllimi i shitjes së një pasurie publike është përfitimi i komunitetit, argumenton Hamiti. Fakti që deri në shpalljen e fituesit të tenderit mbeti vetëm një kompani ofertuese, tregon vetë se procesi nuk ishte i rregullt, shton ai.
Madje Hamiti ka shpjeguar dhe marrëveshjet aktuale të interkonjeksionit, të cilat, sipas tij, janë diskriminuese kundrejt kompanisë shtetërore “Albtelekom”. Konkurrentët, Vodafone dhe AMC, bëjnë ndërmjet tyre një konkurrecë me fushata promocionale kozmetike dhe joreale, tha ai
Deutche Telekom
“Para 7-8 vjetësh kompania gjermane “Deutche Telekom”, planifikoi të blinte një kompani në Shtetet e Bashkurara të Amerikës. Duke qenë se qeveria gjermane ishte aksionere e “Deutche Telekom”, debati dhe marrëveshja arriti deri në Kongres, ku u hodh poshtë për arsye sigurie, pasi kompania amerikane do të kishte akses në të gjitha telefonatat kombëtare të Gjermanisë”, - u shpreh gjatë takimit të djeshëm Ismet Hamiti. Imagjino kur një qytetar shqiptar nuk merr dot as vizë për të shkuar për të vizituar atë shtet, ne i japim atij një kompani, tha ai duke argumentuar se prania e një shteti tjetër në Telekomin e një vendi bëhet vetëm në ato raste shumë të veçanta dhe vetëm kur ka reciprocitet. Kështu, pronësia e huaj në aksionet një kompanie telefonie duhet të trajtohet me kujdes, përfundon Hamiti.

01/06/2005
KATEGORIA: Ekonomi Shekulli.

[Xhuxhumaku]

“Problemi kryesor i kësaj marrëveshjeje është se të gjitha gjërat janë projektuar në disfavor të konsumatorëve”

Kokalari: “Privatizimi i “Albtelecom-it” është abuziv”

Gary Kokalari: Privatizimi i “Albtelecom-it” ka qenë jonormal dhe jotransparent, që në fillimet e këtij procesi

Ervin Qafmolla

TIRANË- Shqiptaro-amerikani Gary Kokalari, deklaron se privatizimi i “Albtelecom-it” ka qenë abuziv dhe jotransparent. Ky qëndrim i presidentit të Fondacionit të Trashëgimisë Shqiptare në SHBA, njëherësh edhe këshilltar financiar i Merrill Lynch & Co. në Manhatan, u bë i ditur gjatë një takimi të organizuar dje nga lëvizja qytetare “Mjaft!” me përfaqësues të shoqërisë civile, qytetarë dhe median. “Shqetësimet tona mbi telekomunikacionin në Shqipëri janë më të hershme se kjo ngjarje, dhe lidhur me “Albtelecom-in” në veçanti, problemet dhe mashtrimet kanë filluar që në fillim të procesit të privatizimit”, - tha Kokalari. Sipas tij, falë diskutimeve me ekspertë të fushës, u kuptua se kompania që aktualisht ka blerë “Albtelecom-in” nuk është serioze. “Problemi kryesor i kësaj marrëveshjeje dhe i të tjerave të ngjashme me të, është se të gjitha janë projektuar në disfavor të konsumatorëve, duke u vënë shqiptarëve mbi supe çmimet më të shtrenjta në botë të telefonisë celulare”, - tha Kokalari. Ai solli si shembull një ofertë të një kompanie amerikane, të publikuar në gazetën “New York Times”, sipas të cilës, vetëm me 40 dollarë në muaj mund të flisje brenda SHBA-së për sa kohë telefonuesi kishte mundësi dhe fuqi ta mbante telefonin hapur. “Ju siguroj dhe besoj se ju e dini mirë, se i njëjti shërbim në Shqipëri do të kushtonte të paktën 10 herë më shumë”, - shtoi Kokalari. Sipas tij, arsyeja për këtë gjendje është se ka mospërputhje të mëdha në marrëveshjet ndërmjet “Albtelecom-it” dhe operatorëve privatë celularë dhe këto marrëveshje janë projektuar kundër konsumatorëve, në mënyrë që të përfitojnë qeveritarët. “Procesi i shitjes së “Albtelecom-it’ nuk është zhvilluar në mënyrë normale dhe transparente, dhe nuk më pëlqen mënyra se si e shitën këtë kompani dhe fakti që gjithçka u krye para zgjedhjeve”, - deklaroi Kokalari.
Lista fantazmë e Angjelit
Sipas presidentit të Fondacionit të Trashëgimisë Shqiptare në SHBA, gjithçka filloi kur ministri i Ekonomisë, Anastas Angjeli, deklaroi se kishte një listë blerësish. “Një listë fantazmë”, sqaroi Kokalari, duke paraqitur e-mailet që kishte marrë nga dy nga “ofertuesit” e listës së shpallur, Western Wireless dhe nga Samsung. “Jo. Samsung nuk operon në atë linjë biznesi. Firma vetëm u siguron pajisje përdoruesve”, shkruan një përfaqësues i kompanisë “Samsung”, në përgjigje të një e-maili, ku Kokalari e pyeste nëse Samsung kishte shfaqur interes për Albtelecom-in. Ndërsa përgjigjja e kompanisë amerikane “Western Wireless” është edhe më e drejtpërdrejtë: “Nuk e kemi idenë se ç’është kjo “Western Wireless SHBA”, por të sigurojmë se nuk kemi interes të hyjmë në garë për Albtelecom-in. Ne kemi takuar ca zyrtarë shqiptarë më parë, dhe ndoshta, ata duke u nisur nga kjo, kanë vendosur të na përfshijnë, ose bëhet fjalë për ndonjë grup tjetër”.
Gjithashtu, Kokalari deklaroi se kishte marrë informacion nëpërmjet një e-maili konfindencial nga Turqia, se kompani turke kishin lidhje të brendshme mbi marrëveshjen e Albtelecom-it.
Hetimi i marrëveshjes
“Mund të ekzistojë mundësia që kjo është një marrëveshje e mirë, por nga ana tjetër, ka mënyra të ndryshme për ta vlerësuar këtë transaksion”, - u shpreh Kokalari, duke shtuar se kushdo që do t’i fitojë këto zgjedhje, duhet të hetojë mbi transparencën e procesit të shitjes. Nga ana tjetër, ai e quajti “barcaletë” hetimin e opozitës mbi Albtelecom-in. “Në SHBA, në raste të ngjashme, ngrihet një komision dypalësh me ekspertë të fushës përkatëse për të vlerësuar situatën”, - tha Kokalari. “Nuk jam shumë i sigurt se kush është blerësi, dhe nuk jam i sigurt nëse edhe vetë qeveria e di diçka të tillë”, - shtoi ai. Kokalari përfundoi duke theksuar se e vetmja mënyrë për t’i shmangur abuzimet e këtij lloji, është të ushtrohet presion që administrata shtetërore të forcojë mekanizmat dhe institucionet e saj.

01/06/2005
KATEGORIA: Ekonomi.

[Xhuxhumaku]

Gary Kokalari i është drejtuar Komisionit Federal të Komunikimeve, për të hetuar mbi mashtrimet e qeverisë shqiptare

Kokalari iu drejtohet institucioneve amerikane për telefoninë në Shqipëri

Ervin Qafmolla

TIRANË-Shqiptaro-amerikani Gary Kokalari, president i Fondacionit të Trashëgimisë Shqiptare në Amerikë, i ka kërkuar Komisionit Federal të Komunikimeve (FCC) në SHBA të hetojë mbi çmimin e thirrjeve telefonike ndërmjet Amerikës dhe Shqipërisë. Sipas Kokalarit, i cili i drejtohet këtij institucioni në cilësinë e taksapaguesit amerikan, ka arsye të besohet se çmimet janë rritur artificialisht, si rezultat i manipulimit të tregut, përmes marrëveshjeve të fshehta ndërmjet qeverisë shqiptare që kontrollon Albtelekomin, dhe dy operatorëve privatë celularë, Vodafone dhe AMC. “Nëse ky informacion verifikohet, këto marrëdhënie përbëjnë një komplot ndërmjet drejtuesve të qeverisë shqiptare dhe ekzekutivëve të telekomunikimeve në sektorin privat, i projektuar për të mashtruar telefonuesit që lidhen me Shqipërinë,” shkruan Kokalari në letrën dërguar Komisionit amrikan Federal të Komunikimeve. Ai e argumenton këtë mundësi duke treguar se nga dy telefonata që ai ka bërë nga Nju Jorku në Shqipëri, njëra në një linjë fikse dhe tjetra në një rrjet celular, kanë rezultuar që të dyja me një shifër identike prej 5.26 dollarë për minutë, nga e njëjta shoqëri amerikane, Verizon, përmes së cilës u realizua lidhja. Sipas Kokalarit, ky rast duhet të përbëjë një shqetësim serioz për FCC-në, sepse një përqindje e lartë e këtij trafiku telefonik nis nga SHBA-ja dhe për pasojë, ka efekte të pafavorshme për qytetarët amerikanë.

01/06/2005
KATEGORIA: Ekonomi

[Antitrup]

Turptelekom thuaj se lan nam keta gjakshitsa te degjeneruar.