Finalizohet shitja e Albtelekom kompanisë turke

[Ermal 22]

Skandal!
320 milione paskan ofruar gjermanet. Ku eshte opozita? Ku eshte parlamenti? Ku jane hetimet e ketyre pislleqeve??
Artikulli qe kerkoje Njemik--

Djali i Berishes drejtor tek CALIK
Data e Publikimit: 27/07/2007

Autori i Lajmit:
Lindita Cela
Kur nuk kanë kaluar ende një muaj nga shitja zyrtare e "Albtelekom", djali i Kryeministrit vihet në krye të drejtimet të kësaj kompanie. Shkëlzen Berisha, i kthyer nga Suedia, tashmë drejton operatorin e tretë të kompanisë celulare në Shqipëri. Burime pranë kësaj kompanie pohojnë për gazetën "Shekulli" se prej më shumë se dy javësh, djali i Kryeministrit është emëruar nëndrejtori i shoqërisë "Eagle Mobil", që tashmë menaxhohet nga kompania turke "Calik Energy".

Konsorciumi Turk "CETEL" Emërimi

Prej ditësh, një "BMW" e zezë parkohet brenda ndërtesës së "Albtelekomit". Fakti që në të udhëton djali i njeriut më të pushtetshëm të vendit bën jo vetëm rojet, por edhe zyrtarë të lartë të kësaj shoqërie, që t'i rrinë gati nëndrejtorit të sapoemëruar. Shkëlzen Berisha, prej dy javësh mban këtë post në kompaninë e tretë celulare në vend. Përveç burimeve të sigurta, lajmi konfirmohet edhe nga drejtues të Këshillit Mbikëqyrës të kompanisë, si dhe nga sekretaria e z.Berisha të Riut. Vajza që përgjigjet në nr.04229436, të thotë se nëndrejtori i kompanisë, z.Shkëlzen nuk është paraqitur sot në punë. Ndërsa personi që ka marrë përsipër të komunikojë me median në këtë kompani, nuk pranon të japë asnjë koment. I kontaktuar nga "Shekulli", përfaqësuesi i kësaj kompanie, që prezantohet me emrin Sokol Karapici, të thotë se komunikimi me median do të bëhet vetëm për interesa të kompanisë.

Gjithsesi, Sokoli të shpjegon se asnjë prej drejtuesve nuk ndodhet në zyrë dhe se kompania është në fazën e transferimit nga shteti shqiptar në kompaninë turke, pas zyrtarizimit të shitjes së kompanisë "Albtelekom" kompanisë turke. Ndërsa zëdhënësja e Ministrisë së Punëve Publike dhe e Telekomunikacionit, Erla Mëhilli, thotë se në bazë të kontratës së shitjes së kompanisë "Albtelekom" të drejtën ekskluzive për vendosjen e stafit të "Eagle Mobil" e kanë pronarët e rinj. Zëdhënësja të sqaron se, pikë e kësaj marrëveshjeje është që ish-drejtuesit e kompanisë së tretë celulare duhet të japin dorëheqjen dhe më pas, për fatin e tyre vendosin drejtuesit e shoqëria turke "Calik Energy" që kanë blerë këtë shoqëri. Kështu, nga sa thotë zëdhënësja e ministrisë, duket se drejtori i përgjithshëm aktual i kompanisë së tretë celulare, Arben Margilaj i ka ditët e numëruara. Në zyrat e kompanisë "Eagle Mobile" të thonë se drejtori është me pushime, ndërkohë që ndihet fuqishëm prezenca e nëndrejtorit të ri, Berisha. Emërimi i Shkëlzen Berishës është i vetmi ndryshim i bërë deri më tani në nivelet e larta të kësaj shoqërie, pas shitjes së kompanisë "Albtelekom" shoqërisë turke "Calik Energy".

"Eagle Mobile" është operatori i terë celular i krijuar me Vendim të Këshillit të Ministrave, që vitin 2003, si pjesë e paketës së shitjes së shoqërisë "Albtelecom". "Eagle Mobile" është premtuar se do të jetë në treg brenda muajit shkurt të vitit të ardhshëm. Pala turke është angazhuar që të investojë brenda kësaj kohe rreth 35 milionë euro për ngritjen e "Eagle Mobile" dhe ka pranuar që të heqë dorë nga shërbimi roaming, për të shfrytëzuar rrjetet e dy kompanive ekzistuese, AMC dhe Vodafone. Në ditën e nënshkrimit të kontratës së shitjes "Albtelekom" kishte një numër total prej 2233 punonjësish, ndërsa "Eagle Mobile" 29. Në opozitë, Berisha e ka akuzuar shpesh shitjen e "Telekomit" tek turqit nga ish-kryeministri Nano, por që nga ardhja e tij në pushtet kanë kaluar dy vjet dhe sërish, para më pak se një muaj, kompania u shit me të njëjtin çmim dhe operatori i tretë celular, që shpresohet se do të ulë tarifat e komunikimit, në të vërtetë nuk dihet kur do të dalë në treg.

Marre nga gazeta "Shekulli"

[Albo]

Gjatë vizitës së tij në Shqipëri, në vitin 1999, pas deklaratave të shumta politike shpresëdhënëse, Kancelari gjerman, Gerhard Shrëder deklaroi në një prej fjalive përmbyllëse të deklaratës, se Gjermania kërkonte "Albtelekomin". Por "Telekomi" shqiptar nuk ishte ende gati për privatizim në ato kohë, ndërsa vendi i kish ende të freskëta plagët e trazirave të '97-ës. Vite, më vonë në 2005-ën, një konsorcium turk, gati anonim, u bë blerësi i ri i "Albtelekomit", përmes një procesi të shumëkritikuar e të përfolur për korrupsion nga qeveri e opozitë bashkë, me akuza që mbetën të njëjta, por thjesht ndërruan kah dhe autorësi pas zgjedhjeve të korrikut 2005. Në fund të muajit qershor 2007, ministri i Ekonomisë, Genc Ruli nënshkroi kontratën me Ahmet Calik, për blerjen e 76% të aksioneve të "Albtelekomit" nga firma turke, për 120 milionë euro.

Shitjen e Telekomit nuk e ka firmosur kryeministri Berisha por kryeministri Nano, Berisha vetem sa insistoi qe kushtet e kontrates ekzistuese te forcoheshin apo permiresoheshin para se te behej shitja dhe kjo e zvarriti procesin me 2 vjet. Nese kontrata do te anullohej nga ekzekutivi shqiptar me turqit, shteti shqiptar do te hidhej ne gjyq nga turqit qe do ti kushtonte disa miliona dollare si demshperblim per prishje kontrate.

Tani Kokedhima e kompani duan t'ia faturojne fajin Berishes, kur gazeta e tij ishte nje nga sponsorit kryesore te 8 vjeteve te pushtetit socialist ne Shqiperi. Ne 2005 Shekulli ishte shurdh-memece per aferat e korruptuara te Nanos me Erdoganin nga llozhat e stadiumeve te futbollit ne Itali. Sot mundohet te fabrikoje akuza fiktive ndaj qeverise qe Berisha kryeson. Dhe arrin deri atje sa fabrikon lajme te paqena sikur i biri i Berishes qenka bere i madh ne kompanine turke, lajm qe eshte pergenjeshtruar nga zedhenesi i qeverise si mashtrim i hapur publik.

Nese Telekomi u shit pak apo shume, e rendesishme per mua eshte qe ai u shit dhe procesi i privatizimeve po shkon perpara pasi jane keto privatizime qe do ti hapin rrugen hyrjes se kapitalit te huaj dhe zhvillimit ekonomik dhe teknologjik te vendit.

Albo

[njemik]

Prandaj e ke fshir 3 her shkrimin per djalin e Berishes ti Albo
Mashtrues ordiner

Përgënjeshtrim i Zëdhënësit të Kryeministrit, z.Dritan Mishto


27/7/2007
Sot, gazeta “Shekulli” hapet me titullin dezinformues “Djali i Berishës, drejtor te Çalik”, sipas të cilit djali i Kryeministrit është emëruar nëndrejtor i kompanisë “Eagle Mobile”, operatori i tretë celular në vend, i privatizuar tashmë nga kompania turke “Çalik”.

Ky artikull është një sulm personal familjar ndaj Kryeministrit dhe bazohet vetëm në trillime dhe gënjeshtra.

Zëdhënësi i Kryeministrit deklaron se djali i Kryeministrit nuk është emëruar nëndrejtor i kësaj kompanie.
Zoti Shkëlzen Berisha vazhdon të punojë aty ku ka punuar prej kohësh, në profesionin e tij, si shef i zyrës juridike të kompanisë “Eagle Mobile”.

[njemik]

Ne 2005 Shekulli ishte shurdh-memece per aferat e korruptuara te Nanos me Erdoganin nga llozhat e stadiumeve te futbollit ne Itali. Sot mundohet te fabrikoje akuza fiktive ndaj qeverise qe Berisha kryeson. Dhe arrin deri atje sa fabrikon lajme te paqena sikur i biri i Berishes qenka bere i madh ne kompanine turke, lajm qe eshte pergenjeshtruar nga zedhenesi i qeverise si mashtrim i hapur publik.



Albo

Albo hape kete tem ne vitin 2005 ta shohesh se sa her e keni cituar shekullin duke denoncuar shitjen e ALbtelekom dhe aferat e tjera koruptive te Nanos

Tani qe Berisha po vepron njesoj si nano sju ka ngelur vec te shani median

Ju kuptoj fare mir ne mjerimin tuaj

Tung

dhe mos haro ti fshish postimet si gjithmon mjeran

[njemik]

Ervin Qafmolla MAPO

E kotë të mundohesh të kapësh Jan Budden. Një ditë ai është në Nju Jork për të takuar investitorët mbi tronditjen e bursave, ditën tjetër në një skaj tjetër të globit. Mundëm të komunikonim me të në rrugë telefonike në një nga ish nga ish-republikat ruse të Kaukazit, ku ai ndodhej. Humbëm me këtë rast edhe mundësinë për të marrë një foto të tij, megjithëse argumentat që trajtuam në intervistën e mëposhtme e kompensojnë këtë defekt të vogël teknik.

Jan Budden, drejtori i bordit të Axos Capital, firma gjermane që kërkoi të blejë Albtelekomin, në një intervistë telefonike për “MAPO”-n hedh dritë mbi marrëdhëniet e shkurtra e të trazuara të firmës gjermane me qeverinë shqiptare, duke argumentuar se oferta gjermane mund të merrej parasysh edhe jashtë procesit të tenderit, për sa kohë tenderi ishte i parregullt. Ish-nëndrejtori ekzekutiv Deutsche Telecom rrëfen për takimet miqësore me Berishën e Rulin dhe premtimet e pambajtura të burrave të shtetit shqiptar. Por, qeveria thjesht u tërhoq, pas premtimeve fillestare edhe këto të detyruara nga oferta superiore prej 320 milionë eurosh të gjermanëve, 160 milionë euro cash dhe 160 milionë euro të tjera investime, duke i shkaktuar Shqipërisë një humbje prej qindra milionë eurosh, nëse merret parasysh oferta prej 120 milionë eurosh e Calik Enerji. Arsyet e refuzimit të palës shqiptare nuk mund të gjenden apo të thuhen formalisht, ndaj dhe Budden refuzon ta shpjegojë zyrtarisht refuzimin e palës shqiptare.

- Përse, sipas mendimit tuaj, qeveria shqiptare nuk e mori parasysh ofertën tuaj?
Nga pikëpamja komerciale, ligjore, strategjike dhe teknike, nuk kemi asnjë shpjegim. Qeveria aktuale dhe veçanërisht, vetë ministri Ruli, e përshkruan shitjen e Albtelekomit te Calik, si korruptive dhe në kundërshtim me interesat e vendit. Që nga ajo kohë (2005), qëndrimi zyrtar i qeverisë ndryshoi me 180 gradë, duke rezultuar në një garantim ekskluziviteti ndaj Calik dhe injoroi ofertat më tërheqëse (jo vetëm nga Axos, pavarësisht se oferta e Axos ishte më tërheqësja) në një proces artificial.

- Ministria e Ekonomisë thotë se “Axos nuk përmbushte kriteret e investitorit strategjik për një privatizim të këtij lloji, duke qenë se nuk është një kompani që operon në sektorin e telekomunikacioneve”. Cili është komenti juaj?
Axos dhe investitorët e saj kanë kryer mbi 200 investime në sektorin e telekomunikacioneve gjatë 20 vjetëve të fundit, në një total prej 4 miliardë dollarësh. Për më tepër, Axos ofroi një partneritet me një ndër operatorin kryesor evropian të telekomit, i cili ka blerë disa operatorë ish-shtetërorë në Evropë. Ky është kualifikimi që Shqipëria ka dashur gjithnjë ta ketë.

- Përse Axos nuk u paraqit para fillimit të tenderit?
Tenderi në fjalë “u ndot” pas deklaratave zyrtare të qeverisë së mëparshme. Kjo është arsyeja përse rezultoi vetëm një garues i pakualifikuar – ai që tani bleu Albtelekomin.

- A ekziston një mënyrë ligjore përmes së cilës oferta juaj mund të pranohej e prezantuar jashtë procesit të tenderit?
Duke qenë se nuk ka një proces ligjor tenderues, nuk ka si të ketë kufizime për një ofertë. Oferta u paraqit në përputhje absolute sipas standardet ligjore ndërkombëtare më të larta. Duke qenë se nuk ka një proces zyrtar ligjor, nuk ka asnjë arsye që kjo ofertë të mos merret parasysh. Për më tepër, pas dy vjetësh çdo proces privatizimi, në mënyrë automatike, duhet të ishte anuluar zyrtarisht apo duhet të ishin marrë parasysh oferta më tërheqëse në interes të vendit.

- A keni ndonjë koment në përgjithësi, mbi deklaratat që ministri Ruli ka dhënë për median shqiptare mbi këtë proces dhe përfshirjen tuaj?
Është në interesin parësor të një ministri të Ekonomisë që të forcojë pozitat e ekonomisë kombëtare. Varianti i ofruar (rreth 200 milionë euro më shumë për Shqipërinë), impakti strategjik i afrimit me BE-në dhe disponimi i një partneri strategjik i cili është një ndër 5 kompanitë më të mëdha të telekomunikacionit në botë, është një zgjedhje që duhet ta bëjë qeveria juaj. Është brezi i ardhshëm i shqiptarëve, i cili dëshiron një ‘state of the art’(nivelin më të lartë) të infrastrukturës së telekomunikacionit – dhe që dëshiron të lidhet menjëherë me internetin (Axos ofroi të lidhë të gjitha shkollat me internet dhe të financojë një universitet telekomunikacioni).

- Jemi në dijeni të faktit se jeni takuar me Kryeministrin Sali Berisha. Çfarë u premtoi ai përfaqësuesve të Axos?
Në dy takimet që patëm në pranverë dhe në verë, të ndjekura nga një drekë me Kryeministrin, ne gjetëm një nivel të lartë interesi në tërheqjen e një investitori strategjik për Albtelekomin. Kryeministri në mënyrë specifike na kërkoi që në takimin e parë të dorëzonim një ofertë, e cila më vonë do të konsiderohej e drejtë në “procesin” e shitjes. Ndërkaq, në një konferencë të gjatë telefonike me Prof. Dr. Horst Teltschick, ish shef i stafit të Kancelarit Kohl, tashmë kryetar i Konferencës së Sigurisë së Mynihut (një konferencë e tillë e famshme u zhvillua në pranverë, ku u takuan liderët botërore, për shembull, vitin e shkuar u takuan Putin, Gates dhe Merkel), ai (Berisha) konfirmoi preferencën e tij për një partner të vërtetë evropian, çka do të ishte në interesin më të mirë të Shqipërisë.

Sikundër jemi informuar, ka një hetim në proces e sipër nga Komisioni Evropian dhe qeveria amerikane mbi procesin e privatizimit të Albtelekomit. A keni dijeni se në ç’pikë ndodhet ky investigim dhe/apo cili është fokusi parësor i hetimit ndërkombëtar?
Nuk mund të komentoj…

Perdja e hekurt mbi
aferen “Albtelekom”

Si qeveria shqiptare vazhdon të fshehë kontratën e shitjes me Calik Enerji, duke anashkaluar standardet bazë të transparencës dhe duke shpërfillur Kushtetutën e Shqipërisë

Duke anashkaluar oferta serioze si ajo e gjermanëve të Axos Capital, qeveria shqiptare duket se e ka mbyllur përfundimisht paktin me turqit. Axos ofroi një total prej 320 milionë eurosh për telekomin shqiptar, nga të cilat 160 milionë shkojnë për blerjen e 76% të aksioneve, ndërsa 160 milionët e tjera do të investohen deri në vitin 2012. Por, nga ana tjetër, qeveria nuk ka pranuar as të publikojë kontratën e shitjes së Albtelekomit te turqit, një çështje që sipas të gjitha argumenteve dhe gjasave, ka marrë fund, në dobi të palëve nënshkruese dhe në dëm të popullit shqiptar. Qeveria shqiptare mban peng prej vitesh tashmë, kontratën e shitjes së Albtelekomit te Calik Enerji. Megjithëse kontrata fillestare e vitit 2005, pësoi një sërë modifikimesh deri në maj të 2007-ës, kur turqit hodhën firmën finale mbi letrën që i bën pronarë të 74% të aksioneve të telekomit shqiptar, asnjë variant i saj nuk është bërë publik.
Në fakt, duke qenë se Albtelekomi mbtetet një aset publik, të paktën për 26% të aksioneve që nuk janë ende në pronësi formale të shtetit, çdo qytetar shqiptar disponon të drejtën kushtetuese të njihet me kontratën e shitjes, për të cilën gojët e liga thonë se është një dokument dy-tre faqesh. Por, kontrata nuk është publikuar kurrë, ndonëse qeveria e djathtë premtoi para dhe pas fitores së zgjedhjeve të korrikut 2005, se ajo do të ishte “qeveri e transparencës”. Për më tepër, duke qenë se kontrata e Albtelekomit u ratifikua në Kuvendin e Shqipërisë, normalisht duhej të ishte publikuar në formë zyrtare, por diçka e tillë nuk ka ndodhur. Nga ana tjetër edhe vetë auditi i Deloitte nuk u publikua kurrë, ndonëse media arriti të sigurojë pjesë të tij dhe të publikojë diçka.
Por, vetë qeveria nuk ka bërë as transparencën më të vogël mbi çështjen e Albtelekomit, ndonëse bëhet fjalë për një aset të vyer të pasurisë kombëtare, që ka kaluar përmes një procesi privatizimi tërësisht informal. Kjo për sa kohë nuk ka pasur asnjë publikim zyrtar të negociatave, kontratës fillestare, problemeve të saj të evidentuara nga shqyrtimi sekret i Deloitte, vete fshehja e raportit të auditit të Deloitte dhe në fund, perdja që qeveria ka lëshuar mbi kontratën finale të blerjes së telekomit shqiptar nga turqit. Kjo tymnajë mbi këtë “proces” dëshmon për përfshirjen e interesave jo fort të virtytshme të qeverisë në një nga privatizimet që duhej të kishte qenë shembullor për nga rëndësia dhe interesat afatgjata të të gjithë shqiptarëve që përfshihen në të.

Auditi i Deloitte
Raporti i Deloitte Chez Republic nxori në pah handikape shumë serioze të kontratës fillestare, duke sugjeruar rinegociim të disa pikave. Shitja e dyshimtë, e mbetur në hava e Albtelekomit nga konsorciumi anonim turk Calik Enerji, i hetuar nga firma Deloitte Czech Republic, përfaqësia çeke e auditorit ndërkombëtar Deloitte, kushtoi 172 mijë euro, kur kjo shoqëri fitoi tenderin ndërkombëtar për firmën e cila do të hetonte privatizimin e stigmatizuar të telekomit shqiptar. Që në fillim të përfundimeve të auditit të kryer është nënvizuar se pjesëmarrja në tender kufizohej vetëm për “shoqëri të specializuara në telekomunikacion”.
Sipas këtij raporti, Calik Enerji nuk i përmbushte kushtet për të qenë një investitor i besueshëm, pasi ai vetë nuk gëzonte asnjë lloj eksperience në telekomunikacion. Deloitte tregon se katër shoqëri u paraqitën në garën për privatizimin e telekomit, duke përfshirë edhe konsorciumin e Truk Teklecom dhe Calik Enerji. “Megjithatë, oferta e e 6 majit 2005, u dorëzua vetëm nga CETEL (Calik Enerji Telekomuikasyon), me sa duket, pasi Turk Telekom nuk u lejua të blinte aksione, ngaqë vetë Turk Telekom po privatizohej ndërkaq”, thotë Deloitte. Në raport theksohet se: “CETEL-i si shoqëri, në vend të ishte konsorcium, nuk përmbushte kushtet e një investitori strategjik”.
Më pas, Calik-u nënshkroi një marrëveshje, ku përfshihej edhe bashkëpronësia e Turk Telekom në privatizimin e telekomit shqiptar, por sipas Deloitte, kjo marrëveshje paraqiste mangësi, pasi duke qenë se CETEL-i fitoi tenderin, Turk Telekom nuk ishte i detyruar të merrte pjesë në pronësinë e Albtelekomit, ndërkaq që përfshirja e telekomit turk mund të komprometohej edhe vështirësitë që ai mund të haste gjatë dhe pas privatizimit, veçanërisht, për sa i takon ndarjes së aksioneve të tij. Një tjetër parregullsi që auditori në fjalë ka vërejtur gjatë procesit është koha e zgjatur që u është vënë në dispozicion konkurrentëve në dorëzimin e dokumentacionit të kërkuar, sipas ftesës që u ishte bërë paraprakisht shoqërive në garë. Gjithashtu, Deloitte ka evidentuar një rast të thyerjes së Marrëveshjes së Konfidencialitetit nga njëri prej tenderuesve, por nga ana tjetër, nuk ka mundur të gjejë gjurmë të ndonjë penaliteti ndaj këtij rasti e as nëse kjo shkelje ka shkaktuar pasoja negative te ndonjëri nga konkurrentët e tjerë dhe në krejt procesin e tenderimit.
Ndërsa, ndryshimet që i janë bërë marrëveshjes së tenderimit për shitjen e aksioneve të telekomit shqiptar, kanë rezultuar pothuaj në të gjitha rastet në favor të CETEL-it, ndërsa njëkohësisht, këto ndryshime janë gjetur të kenë shkelur edhe obligimet e Shqipërisë ndaj Organizatës Botërore të Tregtisë. Për më tepër, sipas Deloitte, Ministria e Ekonomisë ka favorizuar CETEL-in për roaming-un kombëtar, pa marrë parasysh pasojat ligjore që sjell ky ndryshim. Mbi këtë pikë janë gjetur fakte që të paktën një nga operatorët e telefonisë së lëvizshme – Vodafone Albania – beson se kjo është një shkelje e vetë licencës së saj, duke favorizuar operatorin e tretë (praktikisht Eagle Mobile), në kurriz të dy operatorëve ekzistues.
“Nuk ka fakte që ministria të ketë marrë parasysh pasojat mbi operatorët ekzistues”, përforcon raporti. “Ne vërejmë se me gjithë lëshimet e bëra nga ministria gjatë procesit të negociimit, çmimi i ofruar nga CETEL-i nuk ka ndryshuar gjatë kësaj periudhe”, vijon konkluzioni i Deloitte. Gjithashtu, sipas auditit të kryer, vihet re se nuk janë marrë parasysh çështje të sigurisë kombëtare lidhur me kalimin e pronësisë së Albtelekomit te Calik Enerji, ndryshe nga sa kanë bërë disa vende të rajonit. Ndërsa, qeveria shqiptare rezulton të mos ketë ushtruar si duhet të drejtat e saj në pjesën e aksioneve që zotëron, ndryshe nga sa rezulton nga eksperienca ndërkombëtare e privatizimeve të ngjashme të një rëndësie të lartë.

[no name]

ERT kërkon shpalljen OFNT të Albtelekomit

Sipas Entit, Albtelekom mund të imponojë çmimet në tregun e telefonisë fikse, pasi nuk ka konkurrencë


Pas përplasjeve me kompan
itë celulare, për shpalljen e
tyre Organizma me Fuqi të
Ndjeshme në Treg, Enti Rregullator
i Telekomunikacioneve ka filluar
betejën edhe me Albtelekomin
e sapoprivatizuar. ERT-ja ka
kërkuar së fundmi shpalljen si Organizëm
me Fuqi të Ndjeshme në
Treg (OFNT) të kompanisë më të
madhe të telefonisë fikse në vend.
Në një raport të publikuar kohët e
fundit nga ERT, thuhet se Albtelekom
zotëron fuqi të lartë
kundërvepruese ndaj operatorëve
ruralë, duke imponuar
kështu çmimet e telefonisë fikse,
në mënyrë të njëanshme dhe jashtë
rregullave konkurrenciale. Por
ERT-ja shkon edhe më tej kur e
akuzon Albtelekomin për mungesë
transparence në lidhje me tarifat
e tranzitimit për thirrjet hyrëse
ndërkombëtare. "Kjo është një
sjellje antikonkurruese, që transmetohet
me efekte negative edhe
në tregjet e terminimit të thirrjeve
në operatorët e tjerë, fiks dhe celularë
në Shqipëri, duke sjellë për
pasojë çmime më të larta për përdoruesit",
thuhet në raportin e
ERT-së. Në mungesë të ndërhyrjes
së ERT-së, Albtelekomi do
të mund të impononte tarifa terminimi
në rrjetin e saj edhe më të
larta se tarifat aktuale. Për këto arsye,
ERT-ja ka konkluduar se Albtelekomi
sh.a. përmbush kushtet
për t‘u shpallur OFNT, në tregun
e terminimit të thirrjeve drejt
numrave gjeografike në rrjetin fiks
Albtelekom. Por, kompania e sapoprivatizuar,
tashmë pronë e
turqve të "Calik", duket se gëzon
pozita të forta edhe në tregun e
ofrimit të shërbimeve të internetit.
Sipas ERT-së, marrëdhëniet
e Albtelekomit me ofruesit e shërbimit
internet janë krejtësisht të
parregulluara, çka kërkon ndërhyrje
në këtë treg. Sipas të
dhënave zyrtare, Albtelekomi
ruan pozita thuajse monopol
edhe në tregun e thirrjeve të
origjinimit në rrjetin fiks. Në fakt,
gati 90 për qind e thirrjeve fikse në
Shqipëri kryhen nëpërmjet Albtelekomit,
ndërsa pjesa tjetër
prej shoqërive celulare dhe operatorëve
ruralë. Ky tregues, që është
i qëndrueshëm prej disa vitesh,
tregon aftësinë ndikuese të Albtelekomit
në këtë treg.
Tranzitimi i thirrjeve
Albtelekomi ka humbur
ndjeshëm pjesë të tregut në tranzitimin
e trafikut hyrës ndërkombëtar
me destinacion pajtimtarët
e tij, ata të operatorëve
ruralë dhe abonentët e kompanive
celulare. Kjo, për shkak
të liberalizimit të këtij tregu.
Ndonëse deri para pak vitesh, çdo
thirrje që kryhej nga jashtë qoftë
kjo drejt një numri fiks apo celular
duhet të kalonte nëpërmjet Albtelekomit,
tashmë kjo nuk ndodh
më për shkak të fuqisë në rritje të
dy operatorëve celularë. Të dy
këta operatorë kanë kapacitete të
larta financiare dhe janë prezentë
në shumë vende të botës, sidomos
atyre fqinj, përmes filialeve të kompanive
të tyre mëmë "Vodafone
Group" dhe "Cosmote". Kjo ka bërë
që të dy operatorët celularë të rrisin
trafikun e shkëmbyer direkt me
botën pa ndërmjetësinë e Albtelekomit.
Gjithsesi, kjo nuk i ka dobësuar
pozitat e Albtelekomit në tregun
e telefonisë fikse, çka ka bërë
që ERT-ja të kërkojë shpalljen e
kësaj shoqërie OFNT. Kjo do t‘i jepte
të drejtë Entit që të përcaktonte
vetë tarifat e telefonisë fikse, me
qëllim uljen e tyre në rastet kur dyshohet
se çmimet e propozuara nga
vetë shoqëria janë abuzive.
Tregu i telefonisë fikse
Telefonia fikse në Shqipëri është
zhvilluar me ritme shumë të ulëta
krahasuar me atë të telefonisë
celulare. Sipas të dhënave nga ERTja
në vitin 2000 në Shqipëri ekziston
rreth 153 mijë përdorues fiks
dhe vetëm 29 mijë përdorues celularë.
Aktualisht, raportet janë
përmbysur, teksa telefonia fikse
regjistron vetëm 291 mijë përdorues
kundrejt 1.9 milionë përdoruesve
celularë Shqipëria renditet
vendi i tretë në rajon me përqindjen
më të ulët të penetrimit të
telefonisë fikse për banorë, duke
lënë prapa vetëm Bosnjën dhe Kosovën.
Aktualisht, në vendin tonë
në 100 banorë vetëm 10 janë pajtimtarë
të telefonisë fikse, në një
kohë që për celularët ky numër
është 60.



Shqip

[no name]

Prokuroria, hetim shitjes së kompanisë "Albtelekom"

Task-Forca: Përzgjedhja e firmës fituese, në mënyrë abuzive

Skualifikimi nga gara i firmës gjermane, "Axos", për privatizimin e kompanisë së telefonisë fikse, "Albtelekom", është bërë objekt hetimi nga Task-Forca në Prokurorinë e Tiranës. Kronikat dhe artikujt e mediave për këtë kontratë, të cilat raportonin se firma gjermane kishte ofruar 200 milionë euro më shumë se kompania turke "Çalik", kanë detyruar prokurorët dhe hetuesit e seksionit kundër informalitetit të verifikojnë procedurat e zhvillimit të tenderit. Grupi hetimor ka sekuestruar procedurat e tenderimit, si dhe ofertat e dy kompanive që pretendonin pronësinë e gjigandit të telefonisë fikse në Shqipëri. Nga verifikimet paraprake ka rezultuar se firma fituese nuk ka dhënë ofertën më të lartë për "Albtelekom"-in.

Hetim qeverisë

Në një hark kohor shumë të shkurtër, Prokuroria e Përgjithshme konfirmon hetimin e dytë për qeverinë "Berisha". Pas rrugës Durrës-Kukës-Morinë, vartësit e Kryeprokurorit Theodhori Sollaku konfirmojnë se kanë nisur një hetim ndaj shitjes së "Albtelekom"-it. Në sitën e organit të akuzës janë drejtuesit e Ministrisë së Ekonomisë. Rezultatet e para të hetimit bëjnë fjalë për një abuzim, gjithsesi në ditët në vazhdim do të mësohet për vlerën reale të abuzimit. Nga një llogaritje e thjeshtë e grupit hetimor, rezulton se firma gjermane "Axos" ka ofruar 200 milionë euro më shumë se kompania turke. Gjithsesi, në fund të vlerësimit të ofertave komisioni ka vendosur të shpallë fituese firmën turke, duke "injoruar" ofertën gjermane. Kjo e fundit, me një letër drejtuar kabinetit "Berisha", shprehte pakënaqësitë e përzgjedhjes së firmës fituese.

Ofertat e paraqitura

Prokuroria ka marrë në dorëzim një kopje të ofertës së paraqitur nga kompania gjermane. Sipas ofertës, "Axos" kishte si qëllim ta zhvillonte "Albtelekom"-in në qendër të shërbimeve të telekomunikacionit rajonal. "Albtelekom"-i parashikohej të ofronte shërbime konkurruese të telefonisë fikse dhe mobile për 50% të popullatës deri në vitin 2012. Përveç 200 milionë eurove shtesë, krahasuar me ofertën fituese të "Calik", marrëveshja do të përfshinte përhapjen e shpërndarjes së teledensitetit nga niveli 8% që është sot, në 25% brenda pesë vitesh, si dhe ndërtimin e një rrjeti WiMax, duke qenë se licenca për këtë teknologji do të përfshihej në transaksion. Në ofertë parashikohej reduktimi i listës së pritjes për t‘u pajisur me numra të rinj, si dhe ulja e tarifave dhe ngarkesës së roamingut ndërkombëtar sipas standardeve të BE-së. Rritja vjetore e biznesit parashikohej në 15%, ndërsa konkurrenca në treg do të pësonte një rritje të ndjeshme. Prokuroria tha se në ofertën e saj kompania gjermane zotohej se do të ishte në gjendje të lidhte në rrjetin e saj të telefonisë fikse rreth 120 mijë konsumatorë në vit. "Axos" shkruante se bëhej fjalë për një operator lider në tregun evropian, duke theksuar se partneri rezervon të drejtën e blerjes së shumicës së aksioneve të "Albtelekom"-it. Por gjithçka është hedhur poshtë nga qeveria shqiptare, e cila preferoi 120 milionë eurot e turqve, përballë 320 milionë eurove të gjermanëve, çka solli edhe hetimin e Prokurorisë së Tiranës. Një tjetër abuzim, sipas akuzës, është mospublikimi i kontratës nga ana e Ministrisë së Ekonomisë. Gjithashtu, dikasteri i ministrit Genc Ruli nuk ka publikuar edhe itinerarin dhe dokumentacionin e zhvillimit të këtij tenderi.


Genc Ruli në dorën e "Sollakut"


Pas ish-ministrit të Transporteve, Lulzim Basha, i cili akuzohet për tenderin e rrugës Durrës-Kukës, tashmë një tjetër anëtar i kabinetit "Berisha" po verifikohet nga Task-Forca kundër informalitetit. Grupi hetimor tha se ka filluar procedimin penal për mënyrën e përzgjedhjes së firmës fituese gjatë privatizimit të kompanisë "Albtelekom". Hetuesit nuk bëjnë të ditur nëse do e thërresin për shpjegime apo jo ministrin e Ekonomisë, ndërsa saktësojnë se nëse gjatë hetimeve rezulton i implikuar, atëherë do ta transferojnë dosjen në Prokurorinë e Përgjithshme. Kjo e fundit është organi kompetent për hetimin e personave me imunitet. Ndërkohë, disa ditë më parë Ministria e Ekonomisë njoftoi se oferta që kompania gjermane "Axos" kishte dërguar për blerjen e "Albtelekom"-it, nuk mund të merrej parasysh për shkak se tenderi për privatizimin e shoqërisë më të madhe të telefonisë fikse në vend ishte mbyllur që në vitin 2005. Ministria e drejtuar nga Genc Ruli ka sqaruar zyrtarisht se kompania gjermane është trajtuar me kujdes, seriozitet dhe ndershmëri, por nuk mund të quhej e vlefshme për arsyen e lartpërmendur.


Gjermania, Rulit: Tregohuni të ndershëm në privatizim


Drejtuesit e kompanisë gjermane "Axos", si dhe Sekretari i Shtetit gjerman, kanë reaguar pas shpalljes fituese së firmës "Calik" për privatizimin e "Albtelekom"-it. Bernd Plaffenbach, Sekretari i Shtetit gjerman, me anë të një letre drejtuar ministrit të Ekonomisë, Genc Rulit, dhe ish-ministrit të Transportit, ka deklaruar se përzgjedhja e kompanisë fituese duhet të jetë e ndershme dhe transparente. Plaffenbach ka siguruar drejtuesit e Ministrisë së Ekonomisë se kompania "Axos" ka baza të forta financiare, si dhe paraqet një garanci për marrjen e pronësisë së "Albtelekom"-it. Ndërsa përfaqësuesi i kësaj firme, Jan Budden, në një intervistë nuk do të nguronte ta quante privatizimin një farsë. "Nga pikëpamja komerciale, ligjore, strategjike dhe teknike, nuk kemi asnjë shpjegim. Kreu i qeverisë aktuale, kur ishte në opozitë, e cilësoi shitjen e ‘Albtelekom‘-it te kompania ‘Çalik‘ si korruptive dhe në kundërshtim me interesat e vendit. Që nga ajo kohë (2005), qëndrimi zyrtar i qeverisë ndryshoi me 180 gradë, duke rezultuar në një garantim ekskluziviteti ndaj ‘Çalik‘ dhe injorancë ndaj ofertave më tërheqëse, jo vetëm nga ‘Axos‘, pavarësisht se oferta e ‘Axos‘ ishte më tërheqësja, në një proces artificial. Tenderi në fjalë ‘u ndot‘ pas deklaratave zyrtare të qeverisë së mëparshme. Kjo është arsyeja përse rezultoi vetëm një garues i pakualifikuar, ai që tani bleu ‘Albtelekom‘-in", do të deklaronte Budden.

Ndërkohë, Ministria e Ekonomisë ka hedhur poshtë edhe raportimet e mediave, sipas të cilave kompania gjerman "Axos" kishte ofruar për blerjen e "Albtelekom"-it rreth 320 milionë euro. "Në letrën e saj, kompania shpreh si çmim blerjeje shifrën 140 milionë euro, pa iu referuar mënyrës së pagesës dhe investimeve në 5 vjet prej 160 milionë eurosh. Në këtë kontekst, METE thekson se ‘Calik‘ ka një çmim shitjeje prej 120 milionë eurosh, që do të paguhen, dhe ndërkohë qeveria shqiptare mori nga ‘Albtelekom‘-i përpara firmosjes së kontratës rreth 70 milionë USD", thuhet më tej në njoftim. Po kështu, Ministria e Ekonomisë pretendon se kompania gjermane "Axos" nuk e përmbushte kushtin e investitorit strategjik për një privatizim të tillë, duke mos qenë kompani që vepron në fushën e telekomunikacionit. Ndërkohë, ministria ka përgënjeshtruar edhe zërat për një prishje të marrëdhënieve me qeverinë gjermane. Duke i quajtur si të pabaza faktet e raportuara nga media. Kjo ministri ka deklaruar se "spekulimet mediatike për prishjen e marrëdhënieve me qeverinë mike gjermane, për shkak të këtij transaksioni, janë tërësisht të pabaza dhe nuk u përgjigjen fakteve që demonstrojnë për rritje të partneritetit ndërmjet dy vendeve".



Gazeta Shqip

[njemik]

Pas mbylljes së hetimeve për Rrëshen-Kalimash, Prokuroria e Tiranës ka marrë në dorë procedurat e privatizimit të “Albtelekom”
Skualifikimi i kompanisë “Axos” dhe shkeljet ligjore në verifikim. Dëmi paraprak, 200 mln euro

TIRANË- Pas hetimit të dosjes Rrëshen-Kalimash, Prokuroria e Tiranës merr në dorë një tjetër çështje të diskutuar, ku dyshohet se i janë shkaktuar dëme të mëdha buxhetit të shtetit. Procedurat e shitjes së Albtelekomit po hetohen prej ditësh nga Task-Forca e luftës kundër krimit ekonomik pranë Prokurorisë së Tiranës. Kanë mjaftuar disa numra të gazetës “Shekulli” që denoncuan skandalin e shitjes së Albtelekomit, kompanisë turke “Çalik”, me çmim dy herë më të ulët se oferta e kompanisë gjermane “Axos”, që organi i akuzës të nxitet për të filluar hetimet. Ky lajm konfirmohet nga burimet zyrtare pranë Task-Forcës së ngritur vetëm pak ditë më parë.

Grupi i prokurorëve që tashmë ka në dorë dosjen “Albtelekom” i është referuar edhe rezultateve të Kontrollit të Lartë të Shtetit, pas inspektimit të bërë pranë Albtelekomit, për mënyrën e tenderimit dhe më pas shitjes së kompanisë telefonike Albtelekom. “Hetimet kanë filluar kryesisht nga seksioni i krimit ekonomik pranë prokurorisë së kryeqytetit, por me formimin e Task-Forcës, dosja ka kaluar në duart e tyre për hetime të mëtejshme. Ndërkohë, gjatë hetimeve paraprake ka rezultuar se Ministria e Ekonomisë ka skualifikuar pa shkak nga tenderi i privatizimit kompaninë gjermane “Axos”, edhe pse kjo kompani kishte ofruar një çmim dy herë më të lartë se kompania fituese “Çalik”-thuhet nga hetimet e prokurorisë. Po sipas këtyre burimeve, gjatë ditëve në vazhdim, oficerët e grupit hetimor priten të zbarkojnë pranë Ministrisë së Ekonomisë dhe kompanisë “Albtelekom”, që të verifikojnënëse është e nevojshme, të sekuestrojnë dokumentet zyrtare për procedurat e tenderimit, prokurimit, vendimet e nxjerra nga Këshilli i Ministrave për shitjen e Albtelekomit dhe kopjen e kontratës së privatizimit mes Albtelekom dhekompanisë turke, “Çalik”.

Kontrata e nënshkruar nga qeveria e Fatos Nanos me kompaninë “Çalik”, sipas raportit të auditit që ka bërë firma “Deloitte & Touche” ka pasur shkelje të mëdha ligjore, që sipas raportit duhej rizhvilluar tenderimi dhe më pas të bëhej kontrata e shitjes”-pohojnë burime nga grupi hetimor. Ndërkohë, qeveria e kryesuar ngaSali Berisha, edhe pse me një vendim të Këshillit të Ministrave me ardhjen në pushtet ka vendosur pezullimin e zbatimit të kontratës së shitjes së Albtelekomit, dy vjet më pas ia rishiti përsëri kompaninë turke të “Çalik” me të njëjtën vlerë që kishte tentuar ta shiste qeveria e Fatos Nanos, me 120 milionë euro. Kështu, me shitjen e kompanisë Albtelekom, shteti shqiptar ka humbur rreth 200 milionë euro nga skualifikimi i gjermanëve të kompanisë “Axos Capital”, të cilët ofruan rreth 320 milionë euro. Mësohet gjithashtu se shkelje janë hasur edhe në tenderimin e blerjes së 200 mijë portave ADSL, me vlerë 10 milionë euro, në kohën kur kompania “Albtelekom” i ishte shitur “Çalik” nga qeveria e asaj kohe. Kontrolli i Lartë i Shtetit, në raportin e tij të vitit 2006 ka konstatuar një sërë shkeljesh në tenderin 10 milionë dollarësh të njoftuar nga “Albtelekom”. Sipas raportit të KLSH-së, “me vendimin nr.48, datë 23.8.2006, Këshilli Mbikëqyrës i kompanisë ka autorizuar shoqërinë “Albtelekom” sh.a. të prokurojë blerjen për 200 mijë porta ADSL, me një vlerë prej 10 milionë euro, sipas relacionit të Drejtorisë, si dhe fondi të sigurohet me kredi bankare, edhe pse Albtelekom ishte në proces privatizimi. Tenderi i mësipërm për të blerë 200 mijë porta ADSL u zhvillua në mesin e muajit mars të vitit 2007, ndërsa kompania “Albtelekom” u shit tek turqit 2 muaj më vonë.

Skualifikimi i kompanisë “Axos” zë pjesën më të rëndësishme të hetimit

Oferta e skualifikuar, 200 mln euro më shumë se “Çalik”

TIRANË- Në ofertën e paraqitur, kompania “Axos” kishte shprehurqëllimin për ta zhvilluar “Albtelekomin” në qendër të shërbimeve të telekomunikacionit rajonal. Albtelekomi parashikohej të ofronte shërbime konkurruese të telefonisë fikse dhe mobile (GSM dhe ËiMax) për 50 % të popullatës deri në vitin 2012. Përveç 200 milionë eurove shtesë, krahasuar me ofertën fituese të “Çalik”, marrëveshja do të përfshinte përhapjen e shpërndarjes së teledensitetit (telefonisë fikse për 100 banorë) nga niveli 8 % që është sot në 25 % brenda 5 vitesh, si dhe ndërtimin e një rrjeti ËiMax, duke qenë se licenca për këtë teknologji do të përfshihej në transaksion. Gjithashtu, në ofertë parashikohet reduktimi i listës së pritjes për t’u pajisur me numra të rinj, si dhe ulja e tarifave dhe ngarkesës së roamingut ndërkombëtar, sipas standardeve të BE-së. Rritja vjetore e biznesit parashikohej në 15 %, ndërsa konkurrenca në treg do të pësonte një rritje të ndjeshme. Nga ana tjetër, firma zotohej se do të ishte në gjendje të lidhte në rrjetin e saj të telefonisë fikse rreth 120 mijë konsumatorë në vit. Duke folur për partnerin e saj strategjik, “Axos” thotë se bëhej fjalë për një operator lider në tregun evropian, duke theksuar se partneri rezervon të drejtën e blerjes së shumicës së aksioneve të kompanisë. Megjithëse mjaft premtuese, kjo firmë u skualifikua nga procedurat e blerjes së “Albtelekom” pa ndonjë arsye, çka përbën edhe një pjesë të rëndësishme të hetimit të prokurorisë.

SKUALIFIKIMI

“Axos”: Privatizimi ishte një farsë

TIRANË- Skualifikimi i padrejtë nga gara për privatizimin e Albtelekomit i ka acaruar përfaqësuesit e kompanisë telefonike gjermane “Axos”. Edhe pse kishin ofruar 200 milionë euro më shumë se kompania turke “Çalik”, së cilës iu “dhurua” privatizimi, “Axos” iu mohua e drejta nga ministri Genc Ruli për të arritur këtë synim. Një gjë e tillë u prit me pakënaqësi dhe replika të mëdha nga përfaqësuesit e kësaj firme. Madje, përfaqësuesi i kësaj firme, Jan Budden, në një intervistë për median shqiptare nuk do të nguronte ta quante privatizimin një farsë. “Nga pikëpamja komerciale, ligjore, strategjike dhe teknike, nuk kemi asnjë shpjegim. Kreu i qeverisë aktuale, kur ishte në opozitë e cilësoi shitjen e Albtelekomit te kompania “Çalik” si korruptive dhe në kundërshtim me interesat e vendit. Që nga ajo kohë (2005), qëndrimi zyrtar i qeverisë ndryshoi me 180 gradë, duke rezultuar në një garantim ekskluziviteti ndaj “Çalik” dhe injorancë ndaj ofertave më tërheqëse”,-ka pohuar kohë më parë përfaqësuesi i kësaj firme.

www.shekulli.com.al

[no name]

Shitja e Albtelekomit, në prokurori zyrtarët e Ministrisë së Ekonomisë

Prokuroria e Tiranës pret disa fletë-thirrje, privatizimin e kompanisë të telefonisë fikse

Prokuroria e Tiranës ka prerë disa fletë-thirrje për procedurat e tenderit të kompanisë "Albtelekom". Nën hetim nga organi i akuzës janë komisionerët e vlerësimit të ofertave, për të cilët janë ngritur dyshimet se kanë abuzuar në mënyrën e përzgjedhjes së fituesit. Gjithsesi, pritet që pas verifikimeve paraprake të ofertave të vërtetohen edhe abuzimet e vërejtura. Lajmi bëhet i ditur nga burime pranë Prokurorisë së Tiranës. Sipas tyre, pas ish-ministrit të Transporteve, Lulzim Basha, i cili akuzohet për tenderin e rrugës Durrës-Kukës, tashmë një tjetër anëtar i kabinetit "Berisha" po verifikohet nga Task-Forca kundër informalitetit. Grupi hetimor tha se ka filluar procedimin penal për mënyrën e përzgjedhjes së firmës fituese gjatë privatizimit të kompanisë "Albtelekom". Hetuesit thanë se do të thërresin për shpjegime ministrin e Ekonomisë, Genc Ruli. Nëse gjatë hetimeve rezulton i implikuar, atëherë do ta transferojnë dosjen në Prokurorinë e Përgjithshme. Kjo e fundit është organi kompetent për hetimin e personave me imunitet. Ndërkohë, disa ditë më parë, Ministria e Ekonomisë njoftoi se oferta që kompania gjermane "Axos" kishte dërguar për blerjen e Albtelekomit, nuk mund të merrej parasysh për shkak se tenderi për privatizimin e shoqërisë më të madhe të telefonisë fikse në vend ishte mbyllur që në vitin 2005. Ministria e drejtuar nga Genc Ruli ka sqaruar zyrtarisht se kompania gjermane është trajtuar me kujdes, seriozitet dhe ndershmëri, por nuk mund të quhej e vlefshme për arsyen e lartpërmendur.

Skualifikimi nga gara i firmës gjermane "Axos", për privatizimin e kompanisë të telefonisë fikse "Albtelekom", është bërë objekt hetimi nga Task-Forca" në Prokurorinë e Tiranës. Kronikat dhe artikujt e mediave për këtë kontratë, të cilat raportonin se firma gjermane kishte ofruar 200 milionë euro më shumë se kompania turke "Çalik", kanë detyruar prokurorët dhe hetuesit e seksionit kundër informalitetit të verifikojnë procedurat e zhvillimit të tenderit. Grupi hetimor ka sekuestruar procedurat e tenderimit, si dhe ofertat e dy kompanive që pretendonin pronësinë e gjigantit të telefonisë fikse në Shqipëri. Nga verifikimet paraprake ka rezultuar se firma fituese nuk ka dhënë ofertën më të lartë për "Albtelekom"-in.

Në një hark kohor shumë të shkurtër, Prokuroria e Përgjithshme konfirmon hetimin e dytë për qeverinë "Berisha". Pas rrugës Durrës-Kukës-Morinë, vartësit e Kryeprokurorit Theodhori Sollaku konfirmojnë se kanë nisur një hetim ndaj shitjes së Albtelekomit. Në sitën e organit të akuzës janë drejtuesit e Ministrisë së Ekonomisë. Rezultatet e para të hetimit bëjnë fjalë për një abuzim, gjithsesi, në ditët në vazhdim do të mësohet për vlerën reale të abuzimit.



Gazeta Shqip

[no name]

Albtelekom, thirren Ruli, Bode dhe Angjeli

Redinalda Caushaj
E Merkure, 10 Tetor 2007


TIRANE - Prokuroria e Tiranes vendos te therrase dy ministra aktuale dhe nje ish-pararendes te tyre, per te dhene shpjegime rreth ceshtjes se privatizimit te “Albtelekom”. Burime zyrtare nga Prokuroria e Tiranes thane dje, per gazeten “Koha Jone”, se Genc Ruli, Ridvan Bode dhe Anastas Angjeli, eshte vendosur te thirren gjate diteve ne vazhdim, per te folur mbi informacionet qe dine rreth privatizimit te gjigantit te telefonise ne vend. Dy prej tyre jane perkatesisht ministrat aktuale te Ekonomise dhe Financave. Ndersa i treti ka qene minister i Ekonomise, gjate kohes qe jane kryer tratativat e para te shitjes se institucionit te telefonise fikse qe prej kater vjetesh ka ne brendesi dhe licencen e “Eagle Mobile”. Burimet nga grupi hetimor i ceshtjes, nuk saktesuan daten kur do te pyeten tre zyrtaret, por konfirmuan se kjo eshte ne plan te realizohet brenda javes ne vazhdim. Sipas tyre, behet fjale per nje procedure, qe duhet te mbaroje sa me shpejt, pasi dosja hetohet nga departamenti i ri i Task-Forces. Objekt i hetimit eshte fakti perse “Albtelekom” u shit me te njejtin cmim prej 120 milione eurosh, te kontestuar dy vjet me pare dhe arsyet qe cuan ne rilidhjen e kontrates.

Nje muaj me pare, sektori i Task-Forces ka terhequr dosjen nga Prokuroria e Pergjithshme, e cila prej me se nje viti mbante dosjen ne arkivat e saj, pas debatit te nisur per shitjen e “Albtelekom” te firma turke “Calik”. Shkak per te thirrur ish-ministrin Anastas Angjeli dhe ata aktuale, Genc Ruli e Ridvan Bode, eshte bere informacioni qe ata kane per kete ceshtje, gjate kohes qe jane kryer procedurat dhe pse eshte vonuar procesi. Burime nga organi i akuzes thane per gazeten se per shpjegime do te thirren edhe zyrtare te tjere, qe kane dijeni rreth ceshtjes, per te cilen heton prokuroria. Hetimet, te cilat kane nisur dy vjet me pare, kane lidhje me kontraten midis kompanise turke “Calik Enerji”, fituese e tenderit per blerjen e telefonise fikse ne vendin tone dhe blerjes se operatorit te trete celular ne vend.

Mesohet se i pari qe do te jape shpjegime eshte Anastas Angjeli, i cili, dy vjet me pare, mbante postin e ministrit te Ekonomise ne qeverine socialiste. Ai eshte nje nga personat qe do te merret ne pyetje per dosjen “Albtelekom”. Shkak i thirrjes se Angjelit eshte pikerisht fakti qe ky i fundit, dy vjet me pare, ka firmosur te njejten kontrate me firmen “Calik” per shitjen e institucionit te telefonise fikse. Nderkohe qe, pezullimi i shitjes u be menjehere kur ne pushtet erdhi Partia Demokratike, e cila akuzoi se shitja ishte bere me afera korruptive. Nderkohe qe, kohe me pare, u be e mundur edhe shitja e Albtelekomit serish, me te njejtin cmim, 120 milione euro, kontrate e firmosur me “Calik” nga ministri i Ekonomise, Genc Ruli. Nderkohe, sipas burimeve, ministri i Financave, Ridvan Bode, se bashku me Rulin, kane qene dy nga personat e qeverise “Berisha”, qe, sipas prokurorise, kane dijeni per kete ceshtje e duhet te japin shpjegime.






Kohajone