Finalizohet shitja e Albtelekom kompanisë turke

[Forumisti]

Albo te thuash qe Biznesi shqiptar nuk mundet dhe ta inkriminosh gjith bizensin shqiptar si perdorues te lekeve te pista eshte nje veprim i marre

P.S. nderkohe qe ti flet dokra biznesi shqiptar operoi ne tregun bankar (shum me i veshtire se tregu i telekomunikacioneve) dhe prodhoi nje Bank e cila 2-3 vjet nga krijimi u ble nga Societe Genera per nje cmim 5 her me te larte se leket e investuara

Shqiptaret munden Albo. kurse keto parullat e tua antishqiptare jane mbulime qe te gjitha pasurit e vlefshme shqiptare ti perpijne te huajt

[njemik]

Na e la shenden dhe Telekomi
Shyqyr se ram rehat tani qe skemi gje me shit
keshilltaret e Sales vitin e ardhshem duhet te mendojne te nbejne ca shtetezime ne menyr qe nje vit para zgjedhjeve te kemi cte privatizojme...

[no name]

Albtelekom, monopoli transferohet tek privatet

E Merkure, 04 Korrik 2007

Blerina Hoxha

Shitja e Albtelekom tek kompania turke "Calik Group" pritet te transferoje monopolin ne sherbimet e telefonise fikse ne zonat urbane nga shteti tek privati. Kjo situatw pritet te krijohet nga shitja e gjigantit shqiptar te telefonise, i cili deri tani ishte ne pronesi te shtetit. Autoriteti i Konkurrences kerkon qe para se, te miratoje lejen ndaj Calik, ta konsultoje ate me baze te gjere. Burimet zyrtare ne Autoritetin e Konkurrences bene me dije se, prane Autoritetit eshte paraqitur nje kerkese nga ana e Calik Enerji Telekomunikasyon Hizmetleri A.S.("CETEL") per marrjen e autorizimit te perqendrimit per transaksionin e shitblerjes se 76 per qind te aksioneve te Albtelekom sh.a. Kerkesa eshte bere si rrjedhoje e shitjes qe beri Ministria e Ekonomise, Tregtise dhe Energjetikes ne cilesine e aksionerit te vetem te shoqerise Albtelekom sh.a, tek Calik Group. Paketa prej 11 400 000 aksione ka nje vlere nominale prej 1 000 leke aksioni, qe perfaqesojne 76% te kapitalit te Albtelekom, qe perfaqeson shumicen e te drejtave te votes ne Asamblene e Pergjithshme. Si rrjedhim, Calik Group perfiton ne menyre direkte kontrollin ekskluziv te plote te Albtelekom dhe ne menyre indirekte te "Eagle Mobile". Autoriteti i Konkurrences do ta shqyrtoje perqendrimin CETEL-Albtelekom mbeshtetur ne nenin perkates per procedurat e kontrollit te perqendrimeve.

AKL ka hezituar te jape ne menyre te menjehershme lejen per pronarin e ri te Albtelekomit nisur nga eksperiencat e meparshme. Telekomunikacionet konsiderohen sherbime strategjike dhe si te tilla, shitjet dhe blerjet qe behen ne keto sherbime kerkojne monitorim me te gjere. Aktualisht Autoriteti i Konkurrences sapo ka mbaruar nje proces hetimi ne kompanite celulare dhe se shpejti pritet te dale me konkluzione per masat qe duhet te ndiqen ne vazhdim, per te shmangur pozitat e oligopolit ne keto sherbime.

B.H.






kohajone

[njemik]

Rama deklaroi ne shkoder se ka pasur nje oferte Nga deutche Telecom per 300 milion euro.
Di njeri gje per kete?

[njemik]

Telekom, gjermanët ofruan 320 milione euro
www.a1tv.al




Gjatë vizitës së tij në Shqipëri, në vitin 1999, pas deklaratave të shumta politike shpresëdhënëse, Kancelari gjerman, Gerhard Shrëder deklaroi në një prej fjalive përmbyllëse të deklaratës, se Gjermania kërkonte "Albtelekomin". Por "Telekomi" shqiptar nuk ishte ende gati për privatizim në ato kohë, ndërsa vendi i kish ende të freskëta plagët e trazirave të '97-ës. Vite, më vonë në 2005-ën, një konsorcium turk, gati anonim, u bë blerësi i ri i "Albtelekomit", përmes një procesi të shumëkritikuar e të përfolur për korrupsion nga qeveri e opozitë bashkë, me akuza që mbetën të njëjta, por thjesht ndërruan kah dhe autorësi pas zgjedhjeve të korrikut 2005. Në fund të muajit qershor 2007, ministri i Ekonomisë, Genc Ruli nënshkroi kontratën me Ahmet Calik, për blerjen e 76% të aksioneve të "Albtelekomit" nga firma turke, për 120 milionë euro.

Ndërkaq, investigime të javëve të fundit, të kryera nga "MAPO", kanë nxjerrë në pah detajet më të errëta të kësaj afere dhe humbjes që i është bërë shtetit shqiptar nga ujdia me firmën turke, ku së fundmi, drejtor i Përgjithshëm u emërua dhëndëri i Erdoganit. Qeveria shqiptare i ka kushtuar buxhetit të shtetit, qytetarëve të saj dhe investimeve në vend, plot 200 milionë dollarë, duke shpërfillur një ofertë alternative nga ajo e turqve të "Calik Enerji" për blerjen e "Albtelekomit".

Kësaj radhe oferta ka ardhur nga Gjermania, nga një firmë që quhet "Axos Capital", e cila, sipas të gjitha gjasave ka partner strategjik "Deutsche Telecom". Nga burime të revistës pranë institucioneve më të larta qeveritare, është mundësuar sigurimi i një dokumentacioni të bollshëm dhe informacioni shtesë, ku rezulton se gjermanët kanë ofruar plot 320 milionë euro për blerjen e "Albtelekomit", çka përkthehet në 200 milionë euro më shumë se oferta e turqve.

Revista kontaktoi "Axos", me seli në Hamburg, nga e cila mori konfirmimin se ata kishin shprehur interes për blerjen e "Albtelekomit", duke paraqitur një ofertë zyrtare për qeverinë shqiptare, e cila nuk ishte marrë parasysh. Ndërkaq, burime pranë qeverisë bëjnë të ditur se përfaqësuesit e firmës gjermane kanë zhvilluar disa takime në Tiranë me kryeministrin Sali Berisha dhe ministrat, Ruli, Olldashi e Basha.

Në këto takime, përfaqësuesit e "Axos" i kanë kërkuar qeverisë shqiptare të marrë parasysh të gjitha parregullsitë e "Calik Enerji" në tenderin për "Albtelekomin", si dhe paaftësinë e turqve për të përmbushur kushtet e tenderit, deri në muajt e parë të këtij viti. Ndërkaq, oferta është dërguar zyrtarisht me fax dhe e-mail.

Në një prej këtyre takimeve, gjatë paraqitjes zyrtare të ofertës në prani të Berishës dhe Rulit, ka qenë i pranishëm në të njëjtën tavolinë, si anëtar bordi i "Axos", Volker Rühe, ish ministër i Mbrojtjes i Gjermanisë, i partisë CDU, anëtar i Bundestagut gjerman nga viti 1976 deri në 2005-ën, bashkë me përfaqësues të tjerë të firmës gjermane. "Axos" i ka kërkuar qeverisë shqiptare të marrë në dorë situatën, duke marrë parasysh edhe auditin e "Deloitte" mbi procesin e privatizimit të "Telekomit" shqiptar, i cili, praktikisht e bën të pavlefshme kontratën me turqit. Por, qeveria thjesht u tërhoq, pas disa premtimeve fillestare, edhe këto të detyruara nga oferta superiore prej 320 milionë eurosh të gjermanëve, duke i shkaktuar buxhetit të shtetit një humbje prej 200 milionë eurosh, nëse merret parasysh oferta prej 120 milionë eurosh e "Calik Enerji".

Oferta e "Axos", prej 320 milionë eurosh, prej të cilave 160 milionët e para, investim fillestar direkt dhe një investim shtesë prej 160 milionë eurosh në zhvillimin e infrastrukturës së telekomunikacionit në vend, kundrejt ofertës prej 120 milionë euro të Calik. Çka përkthehet në 200 milionë euro më shumë, rreth 4 herë sa buxheti i BE-së për Shqipërinë. Arsyet e refuzimit nuk mund të gjenden apo të thuhen formalisht, por janë të thjeshta për t'u marrë me mend.

Rekursi diplomatik

Çështja iu bë menjëherë e ditur komisionerit Olli Rehn, si dhe Kancelares gjermane, Anxhela Merkel dhe ministrit të Ekonomisë, Michael Glos. Duke qenë se firma gjermane nuk ka gjetur asnjë institucion ligjor në Shqipëri për t'ia adresuar këtë çështje, ndoshta edhe ngaqë shkeljet janë kryer nga vetë qeveria, vihet në pikëpyetje pavarësia e sistemit gjyqësor shqiptar. Në prill të këtij viti, ministri gjerman i Ekonomisë i kërkoi qeverisë shqiptare trajtim të drejtë të çështjes, ndërsa në maj, Komisioni Evropian dhe qeveria amerikane (disa nga investitorët e "Axos" janë firma nga SHBA) njoftohen mbi skandalin dhe fillojnë hetimet përkatëse, të cilat janë ende në proces. Kjo do të thotë se përfundimet e këtyre institucioneve mund të kenë pasoja të hidhura për qeverinë, të cilat mund të shndërrohen edhe në efekte negative për vendin.

Ndërkaq, përfaqësues të Komisionit Evropian, në një takim me përfaqësues të qeverisë shqiptare gjatë një takimi të kohëve të fundit mbi këtë çështje, përmes një ligjërate tejet formale dhe diplomatike, shprehën mbështetjen e tyre të fortë për një proces privatizimi të hapur dhe të ndershëm, duke i kërkuar qeverisë shqiptare një raport të detajuar mbi këtë privatizim.

Por, qeveria shqiptare nuk ia ka dorëzuar zyrtarisht raportin e Auditit të "Deloitte", zyrtarëve të Brukselit, për arsye që mund të merren me mend.

Oferta gjermane

"Axos" ka për qëllim ta zhvillojë "Albtelekomin" në qendër të shërbimeve të telekomunikacionit rajonal. Albtelekomi parashikohet të ofrojë shërbime konkurruese të telefonisë fikse dhe mobile (GSM dhe ËiMax) për 50% të popullatës deri në vitin 2012. Marrëveshja do të përfshinte përhapjen e shpërndarjes së teledensitetit (telefonisë fikse për 100 banorë) nga niveli 8% që është sot në 25% brenda 5 vitesh, si dhe ndërtimin e një rrjeti ËiMax, duke qenë se licenca për këtë teknologji do të përfshihej në transaksion. Gjithashtu, parashikohet reduktimi i listës së pritjes për t'u pajisur me numra të rinj, si dhe ulja e tarifave dhe ngarkesës së roamingut ndërkombëtar, sipas standardeve të BE-së. Rritja vjetore e biznesit parashikohet në 15%, ndërsa konkurrenca në treg do të pësonte një rritje të ndjeshme. Nga ana tjetër, firma zotohet se do të jetë në gjendje të lidhë në rrjetin e saj të telefonisë fikse rreth 120 mijë konsumatorë në vit. Duke folur për partnerin e saj strategjik, "Axos" thotë se bëhet fjalë për një operator lider në tregun evropian, duke theksuar se partneri rezervon të drejtën e blerjes së shumicës së aksioneve të Albtelekomit. Pas blerjes së 76% të aksioneve të "Albtelekomit", "Axos" dhe partnerët e saj, rezervojnë të drejtën e blerjes së 24% të aksioneve që mbeten në pronësi të shtetit, pas blerjes fillestare. Investimi për blerjen arrin një total prej 320 milionë eurosh, nga të cilat 160 milionë shkojnë për blerjen e 76% të aksioneve, ndërsa 160 milionët e tjera do të investohen deri në vitin 2012. Pagesa do të ndahet në faza. Faza e parë parashikon pagimin e 25% të vlerës, në datën e mbylljes së kontratës, 50% do të paguhet 60 ditë më pas, ndërsa 25% që mbetet, do të paguhet 120 ditë pas mbylljes së kontratës.

"Telekomi" u shit për "2 lekë"

Nga ana financiare, ky privatizim paraqitet një marrëveshje e paprecedent. Duke marrë parasysh fitimin e shoqërisë prej 20 milionë dollarësh dy vitet e fundit, "Calik" po e blen "Telekomin" shqiptar për 120 milionë euro, por me 20 milionë dollarë brenda. Pjesa tjetër është vlera e aseteve ekzistuese të shoqërisë shqiptare të telefonisë dhe më në fund mbetet vlera që "Calik" e paguan vërtet. Në fakt, fitimi i këtij viti llogaritet në fillim të 2008-ës, dhe orientimi i tij varet nga bordi i "Albtelecom", i cili vitin që vjen do të flasë turqisht. Kjo situatë privatizimi, paraqitet e pakrahasueshme ndër 28 privatizime telekomesh në Evropë. Vlera e aseteve të paluajtshme të Albtelekomit llogaritet në 107 milionë euro, inventari total i materialeve dhe pajisjeve vlerësohet në 4 milionë euro, aktivet qarkulluese llogariten në gati 74 milionë euro dhe paratë cash 19 milionë euro. Kjo do të thotë se totali i aseteve të "Albtelekomit", llogaritet në 206 milionë euro, çka po blihen nga turqit e "Calik Enerji", ku drejtor është dhëndëri i Erdoganit, për 120 milionë euro. Kjo është një tjetër shkelje e hapur në privatizimin e "Telekomit" shqiptar, i cili sipas vlerësimeve ndërkombëtare, llogaritet të ketë një vlerë nga 300-550 milionë euro. Ndërkaq, është e sigurt tashmë se me injorimin e ofertës prej 320 milionë eurosh nga "Axos Capital", qeveria i ka kushtuar vendit një humbje prej të paktën 200 milionë eurosh.

Ofertat e "Axos"

19-20 mars 2007: Përfaqësues të firmës takohen me kryeministrin Sali Berisha dhe disa ministra të kabinetit.

5 prill 2007: Dorëzohet oferta e parë (300 milionë euro), në ndjekje të takimeve zyrtare të marsit.

25 maj 2007: Dorëzohet oferta e dytë (320 milionë euro), në prani të kryeministrit Berisha, ministrit Ruli, Olldashi dhe këshilltarëve të tyre.

Kronologjia e ndërlikimeve diplomatike

24 prill 2007: Ministri gjerman i Ekonomisë i kërkon qeverisë shqiptare trajtim të drejtë të çështjes.

4 maj 2007: Komisioni Evropian dhe qeveria amerikane njoftohen mbi skandalin dhe fillojnë hetimet përkatëse, të cilat janë në proces sot e kësaj dite.

8 maj 2007: Qeveria gjermane merr një dokument të datës 24 prill, nga ministri Ruli, drejtuar Sekretarit të Shtetit gjerman, Bernd Pfaffenbach, ku ministri mundohet të sqarojë pozicionin e qeverisë shqiptare në këtë aferë.

Kronologjia e tenderit

2005 (fillim): Të ardhurat e "Albtelekom" 100 milionë euro, fitimi neto 13 milionë euro, duke përfshirë një licencë mobil. Penetrimi i telefonisë fikse 10%. Historikisht, ndërmarrja më e keqmenaxhuar në Evropë. Kërkesë shumë e madhe për investime kapitale dhe nevojë urgjente për partnerë që mund të ofrojnë përmirësime teknologjike.

Këshilltar i privatizimit "San Paolo IMI". Gjashtë emra u listuan në prill të vitit 2005, ndonëse disa prej tyre nuk shfaqën asnjë formë interesi apo thjesht u tërhoqën, pasi kryeministri Fatos Nano, shpalli preferencën e tij për "Calik Enerji":

o Telecom Slovenia

o Samsung / South Korea Telecom

o Western Wireless

o Communicorp (Irlandë)

o MTC-Alkarifi Group (Kuvajt/Egjipt)

o Calik Enerji / Turk Telecom

Maj 2005: Si rrjedhojë "Calik" është i vetmi që ofron 120 milionë euro. Gjithkush tjetër humb çuditërisht interesin për të marrë pjesë në tender.

Qershor 2005: Pavarësisht qëndresës së opozitës për të pezulluar negociatat me "Calik", para zgjedhjeve, për shkak të fakteve për korrupsion dhe paracaktimit preferencial të fituesit, qeveria e atëhershme socialiste finalizoi shitjen e parë, para ndryshimit të qeverisë.

Tetor 2005: Menjëherë pas zgjedhjeve, qeveria e re, nën kryeministrin Sali Berisha, ndali transaksionin dhe shpalli një tender të ri. Parlamenti nuk e ratifikoi shitjen e mëparshme.

Maj (15) 2006: Qeveria përcaktoi departamentin e "Deloitte & Touche" në Pragë për të rishikuar tenderin.

Gusht (15) 2006: Deloitte shpall (jo publikisht) rezultatet e saj. Por, në vend që të kryheshin hetime mbi korrupsionin, vetëm sa u vlerësua se Calik nuk i përmbushte kërkesat e tenderit. Rezultati u konsiderua "jo ligjor". Sipas burimeve jo zyrtare, firmës iu tha të ndërpriste hetimet e mëtejshme.

Gjatë viteve 2005/2006/2007: Presioni politik nga Kryeministri turk rezultoi në rifillimin e negociatave me Calik Enerji, duke mbërritur në një marrëveshje për të siguruar një periudhë afatgjatë me tarifa të larta interkonjeksioni për kompanitë ekzistuese celulare.

Mars (mes) 2007: Ministri Genc Ruli vendos një tjetër afat përfundimtar që Calik të përmbushë kriteret e tenderit, deri në mes të prillit (veçanërisht për kapitalin e investimit dhe partnerin strategjik).

Prill (fillim) 2007: Axos Capital prezanton një ofertë superiore (jo vetëm) financiarisht, e cila nuk u mor parasysh nga qeveria.

Prill (mes) 2007: Calik shpall një marrëveshje të re me Turk Telecom. Por, marrëveshja nuk ishte arritur, përderisa Ruli zgjat afatin edhe një herë, deri në fund të majit.

Qershor (mes): Nënshkruhet kontrata me Calik Enerji, pavarësisht hetimeve mbi firmën, ofertave superiore dhe shqetësimeve të Komisionit Evropian mbi këtë çështje. Ndërkaq, Shqipëria po zgjedh një president të ri, duke rrezikuar edhe zgjedhje të parakohshme dhe Ruli shpejton ta mbyllë kontratën para se diçka e tillë të ndodhë.

[Hyllien]

Mesaduket kane qene te gjitha per fondin qeveritar, jo per xhepat e qeveritareve, sic bene Turqit. Turqit or daje e dijne mire si te korruptojne. Kane qene perandoria me e pakorruptueshme sepse i paguanin me rroga te majme puntoret e tyre dhe nuk i linin shkas qe te benin tradhti. Prandaj Ali Pashai shikohet si nje figure monstruoze dhe e pakuptimte, sepse i gezonte te gjitha.

Shif kur te hapin dhe ndonje plazh turistik tani ne jug me 1/10 e cmimit qe do fitonim po te ishte ndonje kompani tjeter.

[Gunnar]

mesa kuptova une nga shkrimi, cmimi i ofruar ka qene 160 meleona se 160 te tjerat kane qene parashikuar per investime ne kompani ne vietet ne vazhdim, dmth buxhetit te shtetit do ti shkonin 160 meleona.

nejse, nga titulli nuk duket keshtu te pakten......

[njemik]

buxhetit te shetit i shkonin 160 melona direkt si dhe perfitonte indirekt nga investimi sepse do ngelesh aksioner me 1/4

[Morning star]

120 deputete nga 1 milion Euro..

E siguruan jeten legenat.


Turp te shitet AlbTelekomi per 120 milion Euro, vetem godinat i benin aq.. mos themi per aparaturat etj etj..

Njerez te korruptuar legene

[njemik]

Dini gje ku shkoi ajo tema "Djali i Berishes drejtor tek Calik Telecom