Finalizohet shitja e Albtelekom kompanisë turke

[Flori]

Pas gati dy vjet zënkash tekniko-ligjore mes shqiptarëve dhe turqve, palët kanë rënë dakord

"Calik Enerji" nënshkruan sot marrëveshjen për blerjen e shoqërisë


Albtelekomi" do të kalojë përfundimisht në pronësi të konsorciumit të "Calik Enerji" dhe "Turk Telecom". Marrëveshja përfundimtare nënshkruhet sot nga qeveria shqiptare, përfaqësuar nga ministri i Ekonomisë, Tregtisë dhe Energjetikës, Genc Ruli, dhe nga "Calik Enerji", përfaqësuar nga Ahmet Calik. Burime pranë Ministrisë së Ekonomisë konfirmuan për "Shqip" nënshkrimin përfundimtar të marrëveshjes, e cila finalizohet pas gati dy vjet zënkash e problemesh tekniko-ligjore të kontratës fillestare. Asetet që rrezikuan marrëveshjen janë "Eagle Mobile" dhe roamingu i brendshëm. "Eagle Mobile" u pengua me një tjetër vit nga qeveria shqiptare që të hyjë në treg, por finalizimi i kontratës me turqit do të sjellë që licenca e kësaj shoqërie të riaktivizohet menjëherë pasi firmat e Ahmet Calik dhe Genc Rulit të vendosen mbi letrën e kontratës. Por, operatorit të tretë celular mund t‘i duhen vite të hyjë në treg, përderisa "Calik" nuk do të gëzojë edhe roaming-un e brendshëm bashkë me "Albtelekomin".
Kjo do të thotë se nuk do të mund të përdorë rrjetet ekzistuese të dy operatorëve të tjerë celularë për një kohë të shkurtër, maksimumi dy vjet, derisa të ndërtojë kapacitetet e veta. Një praktikë e tillë, ndonëse zbatohet në vendet e Bashkimit Evropian, nuk është parë e arsyeshme të zbatohet edhe në rastin e "Calik Enerji" nga qeveria shqiptare, duke favorizuar haptazi dy kompanitë celulare, "Vodafone Albania" dhe "AMC". Aktualisht, tregu i telekomunikacioneve vlerësohet te 500 milionë dollarët dhe sipas një llogaritjeje direkte të ndarjes së konsumatorëve dhe shërbimeve që ofrohen, pronari i ri i "Albtelekomit" do të zotëronte brenda një harku dyvjeçar rreth 300 milionë dollarë nga totali prej 500 milionësh, nëse do të dispononte edhe roaming-un e brendshëm. Për të argumentuar pavlefshmërinë e kontratës, qeveria shqiptare realizoi edhe një audit nga Deloitte, i cili nxori shumë parregullsi. Në fakt, marrëveshja duhej të ishte rrëzuar me kohë nga vonesa e ratifikimit në Parlament të marrëveshjes së qeverisë me "Calik Enerji" për blerjen e 76% të aksioneve të Telekomit Shqiptar. Vonesë që, sipas Genc Rulit, automatikisht rrëzon kontratën mes palëve. Në këto kushte, Ruli e konsideroi auditin e Deloitte si një rekuizitë mbështetëse të një vendimi të pakthyeshëm. "Kjo çështje ka marrë fund", deklaroi ai gjatë një seance plenare në fund të 2005-ës, duke folur mbi rrëzimin e marrëveshjes me turqit, çka në fakt nuk ndodhi kurrë. Kritikët e marrëveshjes kanë akuzuar në më shumë se një rast qeverinë shqiptare se zvarritja e privatizimit bëhej në fakt thjesht e vetëm për të favorizuar celularët. Por, një nga faktorët që ka ndikuar në suksesin e marrëveshjes mund të jetë edhe karta e fundit që Kryeministri turk, Rexhep Taip Erdogan, përdori. Pas tentativave të përsëritura për të marrë dritën jeshile nga qeveria shqiptare në blerjen e "Albtelekomit", përfshi këtu edhe një vizitë të anuluar në Shqipëri, Kryeministri turk futi familjen në lojë. Dhëndri i tij, Berat Albajrak, u emërua para pak kohësh drejtor i "Calik Holding". Gazeta turke "Milliyet" ka bërë të ditur lajmin në faqen e saj të internetit, ndërsa thotë se Albajrak është specializuar për ekonomi në Nju-Jork, por është vetëm 26 vjeç. Rrethanat e emërimit dhe mosha e drejtorit të ri janë provë e seriozitetit të përpjekjeve të fundit të homologut turk të Berishës. Çunaku i Erdoganit cilësohet i suksesshëm nga gazeta turke. Por nga ana tjetër hidhen dyshime se në emërimin e tij në një moshë aq të re në krye të një kompanie me 15 mijë punëtorë dhe 2 miliardë dollarë kapital ka pasur ndikim edhe politika. "Milliyet" bën të ditur se veç lidhjeve politike, Albajrak është gjithashtu një i afërm i Ahmet Calik, president i kompanisë me të njëjtin emër. Mediat turke kanë lënë të nënkuptohet se pas këtij emërimi mund të ketë konflikt interesash. Por, duket se kjo lëvizje ka funksionuar, duke vënë në pah edhe interesin personal të Kryeministrit turk për të zotëruar asetet e shoqërisë së telefonisë fikse. Mesa duket është një ëndërr e bërë realitet. Telekomi shqiptar do të fillojë të flasë edhe turqisht.

[no name]

Nenshkruhet shitja e Albtelekom

Merr fund procesi i privatizimit te albtelekomit. Ministri i ekonomise genc ruli dhe presidenti i Calik Hollding firmosen kontraten e shitjes te 76 perqind te kompanise Albtelekom me nje vlere 120 milion euro. Firmat u hodhen, nenpranine e ministrit te
transporteve Olldashi, homolug te tij turk dhe ministrit shqiptare te mbrotjes Fatmir Mediu. Pas shume negocitash palet kane rene dakort per transferimin e aksioneve. Albtelekomi do te drejtohet nga nje konsorcium mes Calik dhe Turktelekom, gjithashtu ata duhet te vene ne pune komapnine e trete
celulare. Kontrata do te ratifikohet nga parlamenti shqiptar,
nderkohe qe deri ne shtator, muaj ky qe Calik do te marre plotesisht kontrollin albtelkom do te drejtohet nga menaxhere turk dhe shqiptare. Mesohet qe gjate neogociatave qe nga pala shqiptare jane drejtuar dhe mbyllur nga ish zevendes ministri i ekonomise Gjergj Bojaxhi eshte rene dakort qe 70 milion dollaret qe Albtelkom ka fituar 2 vitet e fundit te merren nga shteti shqiptare, nderkohe qe per Calik eshte hapur mundesia per futjen edhe ne sektorin energjitik.

[Forumisti]

E shiten dhe telekomin per te permbushur mareveshjet e fsheta te Nanos
Tani ngelet vec ta vem dhe nanon president qe te vertetohet plotesisht teza se gjith keto vite na kan udhehequr kopilat e Enver Hoxhes Nr 1 Ramiz Alia Nr 2 Sali Berisha dhe nr 3 Fatos Nano

Ptu far e keqe komuniste qe nuk u shkulke dot nga gjiri i vendit tim



Ministri i Ekonomisë Tregtisë dhe Energjetikës Genc Ruli, në emër të qeverisë dhe Presidenti i Konsorciumit Turk ‘CETEL’ Ahmet Calik kanë firmosur sot kontraten e shitjes së kompanise Albtelekom sh.a.

Në fjalën e tij në ceremoninë e organizuar me këtë rast, ministri Ruli tha se ndihej mjaft i kënaqur për këtë nënshkrim kontrate ‘Sepse kemi arritur të marrim shumë më tepër nga kontrata e parë; jo sepse fituam shumë më tepër se sa në kontratën e parë.

Ndjehem i sigurtë, sepse partenerët tanë sot jane shumë më të fortë në eksperiencë se 2 vjet parë; ndjehem i sigurtë sepse partneret tanë janë shumë më të fortë financiarisht se 2 vite më parë; dhe ndjehem i qetë, sepse këto 2 vite për asnjë nga palët nuk ishin vite të humbura kot’.

Për ministrin Ruli këto nuk kanë qenë vite të humbura kot pasi kontrata e firmosur sot, është shumë më e balancuar në të drejta dhe detyrime për palët dhe nuk ka riskun e përfundimit nëpër arbitrazhe e gjykata. ‘Nuk ishin vite të humbura kot për Qeverinë Shqiptare, pasi përmirësimet e kontratës janë të tilla që japin garancinë e zbatimit te saj;

Mbi të gjitha mendoj se nuk është kohë e humbur as për konsumatorin shqiptar, pasi kontrata jep garancinë e zhvillimit të një konkurrence të efektshme në tregun e telekomunikacioneve, që së shpejti do të jetë shume i dukshëm në çmimet e shërbimeve që do të ofrohen si dhe cilësine e tyre’.

Një falenderim të veçante minsitri Ruli i ka kushtuar sot konsulentit të METE tonë në këtë transaksion (konsurciumit të përbërë nga Tonucci&Partners, Banca IMI dhe Bain&Company), të cilët gjatë kësaj periudhe kanë dhënë një kontribut të çmuar në negocimin e kontratës.

Në fjalën e tij, ministri Ruli i ka kujtuar edhe njëherë CALIK dhe TURKTELECOM se qeveria shqiptare është e vendosur në zhvillimin e sektorit të telekomunikacionit dhe do të ndjekë me shumë kujdes realizimin e ‘business plan’-it të paraqitur. ‘Krijimi i një ambienti të përshtatshëm për konkurrencën e drejtë dhe të ndershme, është premtimi që ne japim sot, dhe që për Qeverinë Shqiptare është një detyrim që kalon caqet e çdo detyrimi tjetër kontraktual; është një detyrim ndaj konsumatorit shqiptar dhe ndaj investitorëve dhe ne jemi të vendosur ta zbatojmë’.

Në fund, ministri Rili i ka uruar pune të mbarë Grupit Calik në Shqipëri, tashmë prezent në dy sektorë strategjikë; atë bankar nëpërmjet BKT dhe në telekomunikacion.

PERMIRESIMET E KONTRATES

1.Statusi i Bleresit

Në ndryshim nga kontrata e parë, aksionet e Albtelecom do të zotërohen nga një kompani ku Turk Telecom do të zotërojë të paktën 20% të kapitalit. Për më tepër që një kontratë menaxhimi me Turk Telecom është firmosur për administrimin e Albtelecom.

2.Gjendja financiare e Bleresit

Gjendja financiare e Blerësit në krahasim me 2 vite më parë është më e konsoliduar; kështu CALIK (që është akioneri kryesor i CETEL) ka vendosur për rritjen e kapitalit themeltar për ta bërë atë në përputhje me kërkesat që ishin në tenderin e vitit 2005 si dhe do japë një letër garancie (përveç garancise bankare për pagimin e çmimit) për të garantuar detyrimet që ka CETEL sipas kontratës.

3.Pagimi i cmimit

Në ndryshim nga kontrata e parë, që parashikonte një pagim me këste për një vit, pagimi i çmimit do të bëhet i menjëhershëm (upfront payment) me bërjen efektive të kontratës.

4.Heqja e detyrimeve që bien ne kundershtim me ËTO

Në përputhje me rekomandimet e raportit të Deloitte, nga kontrata janë hequr një sërë parashikimesh (siç eshte rasti i roaming kombtëar) që kishin riskun ta vendosnin Qeverine Shqiptare në kushtet e shkeljes së marrëveshjes me ËTO (OBT).

5.Business Plan

Në kontratë janë parashikuar penalitete shumë të forta për mosrrespektimin e “business plan”-it të paraqitur nga Blerësi.

6.Pjesëmarrja në keshillat mbikëqyrëse

Për të pasur një kontroll të vazhdueshëm të menaxhimit të kompanive (Albtelecom dhe Eagle Mobile) është vendosur që një përfaqësues i Qeverisë Shqiptare do te emërohet në këshillat mbikëqyrese të këtyre kompanive për 5 vjet, apo derisa shteti shqiptar të ketë të pakten 10% të aksioneve në Albtelecom.

7.Transferimi i Aksioneve

Eshtë parashikuar që për 5 vjet, transferimi i aksioneve të Albtelecom apo i aksioneve të kompanive që do të kenë pronësinë e Albtelecom, nuk do të transferohet pa miratimin e Qeverisë Shqiptare. Në të kundërt marrëveshja është e pavlefshme dhe Blerësi paguan një penalitet të lartë.

[Pedro]

Duke qene se parlamenti i sotem eshte i konfiguruar kesisoj vetem ne saje te premtimit te Berishes, qe do te ktheje mbrapsht kontraten e shitjes se Albtelekomit dhe do te coje perpara pergjegjesise penale ata persona, te cilet shkelen ligjin me shitjen e Albtelekomit, lind krejt natyrshem pyetja, nese ky parlament dhe kjo qeveri kane legjitimitetin e duhur per te qeverisur kete shtet?

A i ka mbetur PD ndonje karte tjeter nen menge per t´ja nxjerre popullit kur ti duhet ti kerkoje voten? Me c´sy e faqe dhe me cfare argumentimi do ti kerkoje rradhes tjeter voten popullit, kur deri me sot nuk ka bere asgje nga premtimet e zgjedhjeve te kaluara?
Apo dini ju te kete permbushur ndonje premtim kjo qeveri?

[Albo]

“Albtelecom”-i, kontrata e re ka sjellë kushte më të favorshme për konsumatorët

Kompania turke “Çalik Holding” nënshkroi dje me Ministrinë e Ekonomisë marrëveshjen për blerjen e “Albtelecom”-it. Kontrata e re ndërmjet qeverisë shqiptare dhe kompanisë turke ka sjellë një sërë kushtesh më të favorshme për konsumatorët shqiptarë. Sipas kësaj kontrate, kompania “Çalik” ka nënshkruar për rritjen e kapitalit fillestar për të realizuar kërkesat e shtetit shqiptar në investimet që do të bëhen në “Albtelecom”. Në ndryshim nga e vjetra, kontrata e re do të detyrojë kompaninë turke të paguajë çmimin e “Albtelecom”-it në një ditë të vetme dhe jo me këste siç ishte parashikuar. Gjithashtu, në kontratën e re janë parashikuar penalitete shumë të forta në rast të moszbatimit të planit të biznesit nga kompania turke, madje për këtë gjë është vendosur që në këshillat mbikëqyrëse që do të ngrihen për të mbikëqyrur manaxhimin e kompanive “Albtelecom” dhe “Eagle Mobile” do të ketë edhe përfaqësues të shtetit shqiptar. Gjithashtu, “Çalik Holding” është tashmë zotërues edhe i Bankës Kombëtare Tregtare, pas blerjes së aksioneve të saj.

Nënshkrimi i marrëveshjes

Nënshkrimi i kësaj marrëveshjeje ka sjellë përfundimin e procesit të privatizimit të kompanisë më të madhe të telefonisë fikse në vend, duke i hapur rrugën krijimit të një tregu të mirëfilltë të telekomunikacionit. Marrëveshja u firmos dje nga ministri i Ekonomisë, Genc Ruli dhe presidenti i konsorciumit turk “CETEL” Ahmet Çalik, në mjediset e hotel “Sheraton” në Tiranë. Të pranishëm në ceremoninë e zhvilluar ishin edhe ministri turk i Transportit Ismet Yilmaz, ministri i Transporteve Sokol Olldashi, ambasadori turk në Tiranë Suphan Erkula, si dhe mjaft titullarë të lartë si dhe përfaqësues të biznesit. Në bazë të marrëveshjes, tashmë 76 për qind e aksioneve të kompanisë “Albtelecom” iu shit konsorciumit të përbërë nga Çalik Holding, Çalik Energy Telekomunikacion (CETEL) dhe Turk Telekom.

“Çalik”: Më shumë abonentë të “Albtelecom”-it dhe çmime më të ulëta për celularët

Në bashkëpunim me Turk Telekom, kompania “Çalik” do të rrisë numrin e abonentëve të telefonisë fikse, ndërsa nga ana tjetër do të përgatitet për të vënë në shërbim të konsumatorit kompaninë e tretë të telefonisë celulare “Eagle Mobile”. Sipas kompanisë, kjo do të sjellë krijimin e një klime konkurrence në tregun vendas, si dhe krijimin e një shërbimi me kosto më të ulët për qytetarët.


“Çalik”: Do të investojmë në krijimin e një teknologjie të përparuar

Presidenti i konsorciumit turk, Ahmet Çalik, tha në fjalën e tij gjatë nënshkrimit të marrëveshjes se do të investojë në futjen e teknologjisë më të përparuar në këtë kompani, duke synuar që të arrijë standardet bashkëkohore të Shqipërisë në rrjetin e telekomunikacionit dhe informacionit global. Sipas tij, në muajt në vazhdim kompania “Çalik” do të ofrojë investime moderne në infrastrukturë dhe në shërbime të mbështetura në teknologjinë e avancuar. “Shprehim dëshirën që pas firmosjes së marrëveshjes, procesi i transferimit të aksioneve të kryhet në një kohë sa më të shkurtër, në mënyrë që të fillojmë realizimin e projektit”, - u shpreh presidenti Çalik në fjalën e tij.

Olldashi: Privatizimi sjell një treg krejtësisht privat të telekomunikacionit

Ministri Olldashi e ka vlerësuar si mjaft të efektshëm privatizimin e kompanisë telefonike “Albtelecom”. Sipas tij, ky privatizim do të sjellë një përfitim tepër të ndjeshëm për konsumatorët, duke rritur konkurrencën në tregun e telefonisë. Olldashi u shpreh se me realizimin e këtij privatizimi tregu shqiptar i telekomunikacioneve bëhet tërësisht privat dhe kjo përbën një risi për Shqipërinë në lidhje me këtë treg të ndjeshëm të shërbimeve. Rritja e konkurrencës, sipas ministrit të Transporteve do të sjellë përfitime të ndjeshme për konsumatorët, duke sjellë uljen e kostove të telefonisë për ta.

Ruli: Marrëveshja e sotme shumë më e mirë se ajo e dy viteve më parë

Ministri i Ekonomisë, Genc Ruli, tha gjatë ceremonisë së nënshkrimit të kontratës se kontrata e re ishte mjaft e favorshme për konsumatorët, sepse është arritur të merret shumë më tepër nga kontrata e parë. Për ministrin Ruli, dy vitet e vonesës së nëshkrimit të kësaj kontrate nuk kanë qenë vite të humbura kot, pasi kontrata e firmosur tashmë, është shumë më e balancuar në të drejta dhe detyrime për palët dhe nuk ka riskun e përfundimit nëpër arbitrazhe e gjykata. Sipas tij, përmirësimet e kontratës janë të tilla që japin garancinë e zbatimit të saj. “Mbi të gjitha, mendoj se nuk është kohë e humbur as për konsumatorin shqiptar, pasi kontrata jep garancinë e zhvillimit të një konkurrence të efektshme në tregun e telekomunikacioneve, që së shpejti do të jetë shumë i dukshëm në çmimet e shërbimeve që do të ofrohen si dhe cilësinë e tyre”, - u shpreh Ruli në fjalën e tij. Gjithashtu, gjatë këtyre dy viteve, fuqia financiare e “Çalik” është rritur ndjeshëm dhe kjo ka sjellë që nënshkrimi i kontratës të bëhet në kushte më të favorshme se dy vjet më parë. Nga ana tjetër ministri ka shprehur vendosmërinë e qeverisë për të ndjekur dhe kontrolluar me kujdes realizimin e planit të biznesit të paraqitur nga kompania turke, me qëllim që kushtet e marrëveshjes të zbatohen plotësisht në lidhje me shërbimin e ofruar ndaj konsumatorëve. “Krijimi i një ambienti të përshtatshëm për konkurrencën e drejtë dhe të ndershme është premtimi që ne japim sot dhe që për qeverinë shqiptare është një detyrim që kalon caqet e çdo detyrimi tjetër kontraktual; është një detyrim ndaj konsumatorit shqiptar dhe ndaj investitorëve dhe ne jemi të vendosur ta zbatojmë”, - tha Ruli gjatë ceremonisë së nënshkrimit të marrëveshjes.

“Çalik Holding”, 2 miliardë dollarë asete në të gjithë botën

Kompania turke “Çalik Holding”, me qendër në Stamboll, së bashku me firmat që e përbëjnë është një prej grupeve më të fuqishme dhe konkurrentë në një sërë vendesh të Europës, Shteteve të Bashkuara të Amerikës, Ballkanit, Azisë së Mesme, Afrikës dhe Lindjes së Mesme. Investimet e kësaj kompanie shtrihen në të gjitha këto vende, duke zotëruar një vlerë asetesh prej 2 miliardë dollarësh. “Çalik Holding’ ka një fuqi punëtore prej rreth 15 mijë e pesëqind punëtorësh kudo në investimet e saj në të gjithë botën. Investimet e saj shtrihen në një sërë fushash si ajo e ndërtimit, tregtisë, sistemit bankar, energjisë, telekomunikacionit dhe tekstilit. Ajo është një kompani e cila zotëron një shtrirje të gjerë, duke investuar në një mori shërbimesh dhe prodhimesh në këta sektorë. Lidhur me energjinë kjo kompani ka investime të mëdha në prodhimin e energjisë nëpërmjet burimeve hidrike, termike, si dhe nëpërmjet burimeve të energjisë diellore dhe erës. Po kështu, ajo zotëron një sërë bankash në vende të ndryshme të botës, duke përfshirë këtu edhe blerjen më të fundit të saj të BKT-së në Shqipëri.

PËRMIRËSIMET E KONTRATËS

1. Statusi i blerësit

Në ndryshim nga kontrata e parë, aksionet e “Albtelecom” do të zotërohen nga një kompani, ku “Turk Telecom’ do të zotërojë të paktën 20 % të kapitalit. Për më tepër që, një kontratë menaxhimi me “Turk Telecom” është firmosur për administrimin e “Albtelecom”-it.

2. Gjendja financiare e blerësit

Gjendja financiare e blerësit në krahasim me 2 vite më parë është më e konsoliduar; kështu ÇALIK (që është akioneri kryesor i CETEL) ka vendosur për rritjen e kapitalit themeltar për ta bërë atë në përputhje me kërkesat që ishin në tenderin e vitit 2005, si dhe do japë një letër garancie (përveç garancise bankare për pagimin e çmimit) për të garantuar detyrimet që ka CETEL sipas kontratës.

3. Pagimi i çmimit

Në ndryshim nga kontrata e parë, që parashikonte një pagim me këste për një vit, pagimi i çmimit do të bëhet i menjëhershëm (upfront payment) me bërjen efektive të kontratës.

4. Heqja e detyrimeve që bien në kundërshtim me WTO

Në përputhje me rekomandimet e raportit të “Deloitte’, nga kontrata janë hequr një sërë parashikimesh (siç eshte rasti i roaming kombëtar) që kishin riskun ta vendosnin qeverinë shqiptare në kushtet e shkeljes së marrëveshjes me WTO (OBT).

5. Business plan

Në kontratë janë parashikuar penalitete shumë të forta për mosrespektimin e “business plan”-it të paraqitur nga blerësi.

6. Pjesëmarrja në këshillat mbikëqyrëse

Për të pasur një kontroll të vazhdueshëm të manaxhimit të kompanive (“Albtelecom” dhe “Eagle Mobile”) është vendosur që një përfaqësues i qeverisë shqiptare do te emërohet në këshillat mbikëqyrese të këtyre kompanive për 5 vjet, apo derisa shteti shqiptar të ketë të paktën 10 % të aksioneve në “Albtelecom”.

7. Transferimi i aksioneve

Është parashikuar që për 5 vjet, transferimi i aksioneve të “Albtelecom”-it apo i aksioneve të kompanive që do të kenë pronësinë e “Albtelecom”, nuk do të bëhet pa miratimin e qeverisë shqiptare. Në të kundërt marrëveshja është e pavlefshme dhe blerësi paguan një penalitet të lartë.

Tema

[Albo]

E shiten dhe telekomin per te permbushur mareveshjet e fsheta te Nanos
Tani ngelet vec ta vem dhe nanon president qe te vertetohet plotesisht teza se gjith keto vite na kan udhehequr kopilat e Enver Hoxhes Nr 1 Ramiz Alia Nr 2 Sali Berisha dhe nr 3 Fatos Nano

Mos krahaso te pakrahasueshmit. Fatos Nano e shiti Albtelekomin tek turqit fale ndermjetesimit te Erdoganit, me nje kontrate skandaloze ku as pagesa nuk behej me para ne dore por me keste te shtrira ne kohe. Kurse qeveria qe Berisha kryeson ndoqi nje proces teper transparent: thirri nje kompani te huaj auditimi per te hetuar kushtet e kontrates, ato rekomandime ia vuri si parakushte kompanise turke dhe nuk e shiti Albtelekom per 2 vjet, per aq kohe sa kompania i plotesoi te gjitha kushtet e vena. Bile nje nga kushtet e kontrates eshte qe kompania turke te mos shesi dot aksionet e saja nje kompanie tjeter pa aprovimin e qeverise shqiptare.

A ishte i drejte tenderi i shitjes? Jo nuk ishte, ishte teper i dyshimte dhe askush nuk e mori vesh se sa oferta u bene per Albtelekom, por ky nuk eshte faji i Berishes por Nanos dhe qeverise se tij qe e nenshkroi ate kontrate.

A eshte 120 milion eura shifra e duhur per te shitur 2/3 e aksioneve te Albtelekom? Eshte e debatueshme si shume. Por ajo qe nuk eshte aspak e debatueshme, eshte fakti qe duke filluar qe sot nje prej industrive me potencialin me te madh te zhvillimit, ajo e telekomunikacionit, eshte 100% private, dhe si e tille konsumatori shqiptar do te perfitoje ndjeshem nga konkurrenca e tre kompanive te medha qe veprojne ne vend. Ashtu sic do te arrihet permiresimi me hapa shume me te shpejta i futjes se teknologjise se re qe do te jete me kosto me te ulet per konsumatorin shqiptar.

Dhe ajo qe shteti shqiptar perfiton eshte:

- 120 milion euro te cilat mund ti perdori per investime ne infrastrukturen e vendit.
- Te ardhurat vjetore qe do te vjeli ne taksa nga kompania e re private.
- Modernizimin e rrjetit te telekomunikacionit ne vend jo me investime nga fondet publike por ato private.

Dhe lajmi qe nje kompani turke e telekomunikacionit blen nje kompani si albtelekom ne Shqiperi, do te joshi edhe investitore te tjere te huaj qe te investojne ne Shqiperi.

Albo

[ina_31]

Duke i hequr ngjyrat politike, nuk mendoj se Shqiperia ka fituar nga privatizimi i "Albtelekom".
Arsyet jane te shumta sidomos duke ditur qe ERT nuk do arrije ta kontolloje Albtelekom dhe pronaret e saj te rinj, dhe do et ndodhe ajo qe ka ndodhur me telefonine celulare, sepse tashme i kemi te qarta sjelljet monopoliste te dy telefonive qe operojne ne Shqiperi.
Per me teper shteti shqiptare duhej te kishte mbajtur shumicen e aksioneve, sic ka ndodhur ne pjesen me te madhe te vendeve te Europes, dhe pjesen tjeter ta kishte ndare mes investuesve SHQIPTARE dhe te huaj.
Sidurisht qe ne kete menyre shteti shqiptar terheq investitore te huaj, sepse asnje vend tjeter nuk u jep mundesine ketyre invesitoreve te krijojne monopol

[no name]

Albtelekom, turqit marrin administrimin ne shtator

E Enjte, 21 Qershor 2007

Transferimi i plote, real i Albtelekom-it tek konsorciumi turk CETEL, do te behet ne muajin Shtator, deklaroi dje ministri Ruli. Ky proces parashikon miratimin ne Kuvend, dhenien e lejeve nga ERT dhe Autoriteti i Konkurrences, deri ne pagimin e 120 milione eurove. Gjate periudhes se transferimit, krahas menaxhereve te sotem te "Albtelekom", do te kete dhe perfaqesuesin turk te "Calik". Statusi i bleresit ne ndryshim nga kontrata e pare, aksionet e "Albtelekom" tashme do te zoterohen nga nje konsorcium, ku "Turk Telecom", do te zoteroje te pakten 20% te kapitalit dhe kjo, sipas Rulit, ishte pike e panegociueshme. Pervec 2 kritereve themelore te kontrates qe lidheshin me sherbimin roaming dhe investitorin strategjik jane rregulluar edhe shume pika te tjera kontrates. Ceshtja tjeter e rishikuar ne kontrate lidhet me "Business-Plan". Ne kontrate jane parashikuar penalitete shume te forta per mosrespektimin e "business plan"-it te paraqitur nga Bleresi. "Keto penalitete jane teper te medha, gati ne 20% te vleres se pa-investuar ne kete kompani", tha Ruli. Edhe pika "Pagimi i cmimit", ka rendesi te madhe ne kontraten e ri-negociuar, theksoi ministri Ruli. "Pavaresisht nga mos ndryshimi formal i kontrates prej 120 milione euro, ajo qe ka ndryshuar, eshte vlera qe shteti ka perfituar nga shitja e "Albtelekom"-it, tha Ruli. Ai shpjegoi se "se fundi eshte bere nje pakesim i kapitalit te kompanise, ku si pasoje, numri i aksioneve te saj, ra nga 13 320 000 aksione, ne 11 400 000 aksione, ku duke pasur te njejtin cmim te kuotuar, pra 120 milione euro, si pasoje eshte rritur vlera e 1 aksioni, prej gati 15%". Nga ana tjeter, "ne arken e shtetit, jane futur deri sot, rreth 70 milione euro, pervec 120 milione euro, qe pritet te futen ne castin e transferimit te kompanise, duke arritur ne nje vlere prej gati 200 milione euro", tha Ruli.

[Gunnar]

Mos krahaso te pakrahasueshmit. Fatos Nano e shiti Albtelekomin tek turqit fale ndermjetesimit te Erdoganit, me nje kontrate skandaloze ku as pagesa nuk behej me para ne dore por me keste te shtrira ne kohe. Kurse qeveria qe Berisha kryeson ndoqi nje proces teper transparent: thirri nje kompani te huaj auditimi per te hetuar kushtet e kontrates, ato rekomandime ia vuri si parakushte kompanise turke dhe nuk e shiti Albtelekom per 2 vjet, per aq kohe sa kompania i plotesoi te gjitha kushtet e vena. Bile nje nga kushtet e kontrates eshte qe kompania turke te mos shesi dot aksionet e saja nje kompanie tjeter pa aprovimin e qeverise shqiptare.

A ishte i drejte tenderi i shitjes? Jo nuk ishte, ishte teper i dyshimte dhe askush nuk e mori vesh se sa oferta u bene per Albtelekom, por ky nuk eshte faji i Berishes por Nanos dhe qeverise se tij qe e nenshkroi ate kontrate.

A eshte 120 milion eura shifra e duhur per te shitur 2/3 e aksioneve te Albtelekom? Eshte e debatueshme si shume. Por ajo qe nuk eshte aspak e debatueshme, eshte fakti qe duke filluar qe sot nje prej industrive me potencialin me te madh te zhvillimit, ajo e telekomunikacionit, eshte 100% private, dhe si e tille konsumatori shqiptar do te perfitoje ndjeshem nga konkurrenca e tre kompanive te medha qe veprojne ne vend. Ashtu sic do te arrihet permiresimi me hapa shume me te shpejta i futjes se teknologjise se re qe do te jete me kosto me te ulet per konsumatorin shqiptar.

Dhe ajo qe shteti shqiptar perfiton eshte:

- 120 milion euro te cilat mund ti perdori per investime ne infrastrukturen e vendit.
- Te ardhurat vjetore qe do te vjeli ne taksa nga kompania e re private.
- Modernizimin e rrjetit te telekomunikacionit ne vend jo me investime nga fondet publike por ato private.

Dhe lajmi qe nje kompani turke e telekomunikacionit blen nje kompani si albtelekom ne Shqiperi, do te joshi edhe investitore te tjere te huaj qe te investojne ne Shqiperi.

Albo

Me mire te mos ishe shprehur fare ne lidhje me kete ceshtje more ditezi
Jo per gje po e kuptoj shume mire se ne c'situate te sikletshme je, se ne nje ane te marreveshjes eshte qeveria jote qe e ke aq per zemer dhe ne ane tjeter jane turqit qe i ke po aq "per zemer"

[Albo]

Me mire te mos ishe shprehur fare ne lidhje me kete ceshtje more ditezi
Jo per gje po e kuptoj shume mire se ne c'situate te sikletshme je, se ne nje ane te marreveshjes eshte qeveria jote qe e ke aq per zemer dhe ne ane tjeter jane turqit qe i ke po aq "per zemer"

Lexo perpara se te shprehesh qe te kuptosh qe nuk eshte qeveria turke qe e privatizoi albtelekomin por nje kompani private turke qe aktivitetin e vete e shtrin pertej kufijve te Turqise. Dhe ne biznes nuk ka vend per paragjykime, prandaj mos ngaterro Albon me veten.

Euro e dollari nuk kane kombesi dhe kushdo qe vjen e investon 120 milion euro ne Shqiperi une i them faleminderit.

Albo