Skandali i ambasadorit shqiptar në SHBA, Fatos Tarifa

[ChuChu]

Mund te jete loje e Nanos, te tregoje se ka ngritur shpaten kunder korrupsionit. Edhe nese nuk eshte loje e tij, Nano s'ka per ta falur Tarifen sepse zgjedhjet jane shume afer.
por sigurisht qe cdo gje eshte e kalkuluar mire nga Nano-Kac.

[Xhuxhumaku]

Faqja 7 - POLITIKE Maj 11, 2005


Skandali i ryshfeteve. Tarifa flet nga Washington: Nuk kthehem në Shqipëri

Tarifa: Islami dinte gjithçka në 4 maj
Ministri i Jashtëm pezullon ambasadorin në SHBA


--------------------------------------------------------------------------------

a.k.


Plas më egër se kurrë skandali në Ministrinë e Jashtme, këtë herë me një ambasador. Revista Klan publikoi ditën e dielë një bisedë të përgjuar mes ambasadorit shqiptar në SHBA, Fatos Tarifa dhe një biznesmeni shqiptar, emri i të cilit sipas Zërit të Amerikës është Indrit Bregasi. Reagimi ishte i menjëhershëm nga ana e Ministrit të Jashëtm. Ai e ka pezulluar ambasadorin Fatos Tarifa dhe ka njoftuar edhe presidentin Moisiut për këtë. Taifa tha se Islami e dinte këtë fakt por nuk i kishte thënë gjë dhe ai ishte nisur të dielën në mëngjes për në SHBA. Ndërsa për kthimin? Tarifa nuk do kthehet tani në Tiranë edhe pse është thirur nga ministria e Jashtme. Ai thotë se është nomenklaturë e kryeministrit dhe presidentit dhe jo e ministrit të Punëve të Jashtme. Edhe në SHBA, shqiptarët përzihen në histori tenderash njësoj si në Tiranë. Një zyrtar që kërkon ryshfet dhe një biznesmen që negocion. Pas publikimit të bisedës në revistë, ministria e Jashtme njoftoi se kishte thirur urgjentisht në Tiranë për shpjegime ambasadorin Tarifa. Gjatë një interviste dhënë dje për VOA në gjuhën shqipe, Tarifa përgënjeshtron gjithë bisedën duke thënë se ajo është copëza bisede të mbledhura në telefon apo në ambjent dhe akuzon se kjo është bërë për të dëmtuar imazhin e tij dhe të Shqipërisë në një kohë kur ambasada shqiptare në Ëashington është duke bërë një punë shumë të mirë. "E vërteta është se ai ka humbur tenderin. Unë nuk pranova të nënshkruaj sepse më thanë se është një firmë fantazmë", tha Tarifa dje për Zërin e Amerikës. Biznesmeni Indrit Bregasi ka konfirkuar për VOA se ambasadori i kishte kërkuar një ryshfet prej 3000 USD për punimet që do të bënte në godinën e ambasadës shqiptare në Ëashington. Kjo nuk është e vërtetë, replikon Tarifa, historia e libirt që do botoja unë është e para dy vjetëve dhe nuk ka lidhje me këtë. Më pas Tarifa ka aluduar për ministrin Islami duke thënë se ai e dinte për çështjen e përgjimit që në datën 4 maj dhe nuk i kishte thënë asgjë Tarifës. Ambasadori është larguar nga Shqipëria të dielën ndërsa në media plasi skandali. Burime në Ministrinë e Jashtme thotë se ministri Islami ishte në djeni të një bisede të përgjuar mes ambasadorit të Shqipërisë në SHBA dhe një biznesmeni të quajtur Indrit Bregasi. Ministri nuk ka vepruar sepse burimi i informacionit që kishte nuk ishte tërësisht i besueshëm. Me këtë shpjegohet edhe reagimi i djeshëm, ndërsa ishte publikuar skandali në media, Ministri i Jashtëm morri vendim për pezullimin e ambasadorit Tarifa dhe për këtë ka njoftuar edhe Presidentin Mosiu. Njoftimi është dhënë në një konferencë për shtyp nga Sekretari i Përgjithshëm Roland Bimo, i cili është shprehur se Tarifa duhet të vijë për të dhënë shpjegime për akuzat për mitmarrje. Sipas tij ai nuk ka pse të paragjykohet nëse është fajtor apo jo, pavarësisht nga kjo Tarifa është pezulluar deri sa të sqarohet çështja në fjalë.


Incidenti 100 dollarësh i ambasadorit Tarifa

Refreni i të gjithë bisedës së përgjuar të ambasadorit shqiptar në SHBA dhe biznesmenit Bregasi, sillej tek pamundësia e njërit prej diplomatëve më të rëndësishëm shqiptarë për të përballuar jetesën me pagën dhe buxhetin e përcaktuar nga Tirana. Nuk duhet harruar që në të njëjtat kushte financiare, mbrojnë imazhin e vendin tonë në botë të gjithë ambasadorën e tjerë shqiptarë. Buxheti i varfër i ambasadës sonë në Washington ishte shkaku edhe i një incidenti të Fatos Tarifës me ekipin kryeministror që vizitoi Shtëpinë e Bardhë në marsin e kaluar. Ambasadori Tarifa kërkoi të rimbursohej një shpenzim prej rreth 100 dollarësh që ishte kryer nga llogaria e ambasadës nga njëri prej vartësve të tij, për pagimin e një dreke të stafit të gazetarëve që shoqëronte kryeministrin. Revolta e ambasadorit arriti deri në veshin e kryeministrit Nano, i cili për të evituar vazhdimin e mëtejshëm të incidentit u detyrua t'I kërkojë stafit të tij pagesën e shpenzimit.


Pjesë nga biseda

- Fatos Tarifa- Ato dy rrjedhat kanë dy gomina, në të vërtetë. Dy gomina ti i gjen me ****ë po të shkosh tani në dyqan. Vetëm të mos rrjedhë uji se është humbje e madhe. Të thashë 1000 dollarë në muaj vjen fatura e ujit, rrjedhë natë e ditë, plus zhurma e të gjitha. Një nga ata djemtë ta bëjë atë punë. Ajo puna nuk kushton as 40 dollarë ja do të marrësh 500 për të parën. Iku e para.
- Po pastaj çfarë munmd të bëjmë atje?
- Fatos Tarifa- Pastaj ka plot të tjra. Po do të bëhen aty, do sajojmë. Me derën do të bëjmë ndonjë gjë. Kemi plot gjëra.
- Buxheti apo...
- Fatos Tarifa- Gjërat e vogla i bëj unë atje. Edhe vetë unë i sajoj. Gjërat e mëdha nuk i bëj dot sepse duhet të më japin ata para.
- Të kuptoj. Mirë se i rregullojmë atëherë.
- Fatos Tarifa- Kështu që çfarë është detyrimi im ai do të shlyhet se edhe mua më vjen keq për ata djemtë se ed i që për bukën e gojës punojnë. Nuk ke ti t'i paguash nga xhepi tënd kur ata punojnë për ne.
- Po unë nga xhepi im i pagova ata.
- Fatos Tarifa- Dakord, po ti e thua fjalën e fundit të parën. Thuaj të parën, të dytë, të tretën, leje të katërtën...
- Drejt.
- Fatos Tarifa- Të pestën mos e thuaj kurrë.
- Drejt.
- Fatos Tarifa- Kështu atëhere.
- Mirë atëhere hajt se do të dëgjohemi.
- Fatos Tarifa- Kur do të ikësh në Nju Jork ti.
- Unë duke u nisur jam po erdha mora ca plaçka në shtëpi.
- Fatos Taria- Dëgjo se ka stufi të madhe, ka rënë gjithë ditën shiu, unë mezi kam ardhur. Më mori 5 orë rrugë këtej nga Filadelfia. Kujdes se ka shi të madh.
- Ehe. Mirë atëhere hajde do dëgjohemi. Ciao.
- Fatos Tarifa- Hajde mirupafshim. Adio.
Marrë me shkurtime nga publikimi i bisedës së përgjuar, në Revista Klan

Sipas "Gazetes Shqiptare"

[Xhuxhumaku]

ja dhe versioni i "Panorames",

skandali tarifa

shkarkimi

Reagon sekretari i përgjithshëm, Roland Bimo: Milo e emëroi Fatos Tarifën si diplomat

Islami: Tarifa pezullohet si ambasador

Një

grup ekspertësh niset në Uashington për të hetuar tenderimet

Bledar Hoti

Ministri i Punëve të Jashtme, Kastriot Islami pezullon Fatos Tarifën nga detyra e ambasadorit shqiptar në SHBA.

Vendimi është bërë publik menjëherë pasi Tarifa u prononcua në një intervistë te “VOA”, i cili theksoi se nuk do të kthehet në Tiranë për të sqaruar akuzat e ngritura ndaj tij gjatë publikimit të një bisede të zhvilluar me një biznesmen nga Korça. Sekretari i përgjithshëm i Ministrisë së Punëve të Jashtme, Roland Bimo ka bërë të ditur se “është marrë vendimi për pezullimin e ambasadorit Tarifa”. Sipas tij, ky vendim ka hyrë në fuqi menjëherë dhe vetë atij i është bërë e ditur kjo masë. Gjithashtu Bimo bëri të ditur se një ekip ekspertësh financiarë do të shkojë në SHBA, në ambasadën shqiptare në Uashington për të hetuar të gjitha procedurat tenderuese që janë kryer nga ana e Tarifës. Ndërkohë detyrën e ambasadorit do ta ushtrojë Mirosh Sako, funksionari i dytë i lartë në ambasadën shqiptare në SHBA. Bimo bëri të ditur dje se për këtë vendim ministri i Jashtëm, Islami ka njoftuar edhe kryeministrin për pezullimin nga detyra.

“Milo emëroi Tarifën”

Sekretari i përgjithshëm u ka kërkuar politikanëve dhe ish-ministrave të Jashtëm të mos përfitojnë politikisht nga kjo situatë, pasi diplomatët punojnë me dedikim dhe përfaqësojnë një pasuri kombëtare. “Eshtë i pafalshëm, qoftë për zotërinjtë Milo, Mustafaj e Xhufi qëndrimi i tyre, shërbimi i jashtëm është një pasuri kombëtare, nuk mund të luhet me dinjitetin e tyre. Dua t’i kujtoj zotit Milo se dëmi i tij si ministër ndaj shërbimit të jashtëm është 12 milionë lekë. Eshtë ai që ka marrë me dhjetëra letra. Dua të them se dy zotërinjtë Tarifa dhe Sejdiaj janë njerëzit e tij që ka zgjedhur si drejtues”, theksoi Bimo.



Mustafaj“

Moisiu të ndalojë emërimet”

“Skandali i fundit i ndodhur në ambasadën e SHBA-së tregon edhe një herë fytyrën e vërtetë të këtij shteti klientelist. Veprime të tilla duhet të marrin fund, pasi dëmtojnë imazhin e Shqipërisë. Dua që me këtë rast t’i bëj thirrje presidentit të Republikës se një valë e re emërimesh pritet tani në prag të zgjedhjeve për ambasadorë. I kërkoj Moisiut që të mos pranojë këto emërime të njerëzve që s’kanë lidhje me shërbimin diplomatik, por vetëm i marrin ato për privilegje. I bëj thirrje edhe deputetit Bardhyl Agasi që të mos bëhet pjesë e kësaj loje politike, sepse kjo nuk është në natyrën e tij, prandaj të tërhiqet”.



Milo
Hetim të gjithë ambasadorëve

“Skandali i ndodhur me ambasadorin tonë në SHBA dëshmon që në Ministrinë e Jashtme ka hyrë fort krimbi i korrupsionit. Janë dy raste njëra pas tjetrës që e dëshmojnë një gjë të tillë, por që nuk lë jashtë përgjegjësisë drejtuesit e MPJ-së, të qeverisë dhe të shtetit shqiptar në përgjithësi në të gjitha institucionet. Këto gjëra po ndodhin dhe nuk janë vetëm këto që kanë ndodhur dhe po ndodhin, se po të gërmohet në mjaft ambasada të tjera do të gjenden me siguri edhe shkelje të tjera të kësaj natyre ose më keq, sepse është krijuar një qerfull diplomatik njerëzish të priveligjuar, të cilët nuk pyesin as për ligj e as për shtet, as për opinion publik e as për imazh të shtetit shqiptar”.



Reagimi i ambasadorit dhënë VOA-s
Tarifa: Kthehem po më kërkoi Nano ose Moisiu

Zoti ambasador do të ishim të interesuar për sqarimin tuaj për bisedën. A ka ndodhur, dhe në çfarë kushtesh ka ndodhur?
Unë isha në Tiranë dhe u ktheva mbrëmë. Televizioni Klan dhe shtypi shqiptar, më thanë sot, po bën zhurmë për një çështje që quhet skandal financiar dhe unë dua të sqaroj se asnjë skandal financiar nuk ka në këtë mes. Flitet për një kasetë që përmban një bisedë të incizuar timen me një biznesmen shqiptar në Uashington. Në fakt unë nuk jam në dijeni se një bisedë e tillë është bërë, pasi lexova sot transkriptimin e saj. Ajo kasetë, siç lexova në shtyp, më duket një montazh bisedash të ndryshme të bëra, ose jo nga unë, në telefon, ose mjedise të tjera.

Pra ju e mohoni faktin se ekziston një bisedë e tillë midis jush dhe biznesmenit shqiptar në Uashington.
Unë pohoj që flas në telefon me të gjithë shqiptarët që jetojnë në Uashington, disa dhjetëra qindra, siç flas nëpër kafene dhe pritjet që bëj. Unë nuk di të kem bërë një bisedë të tillë, kaq të gjatë sa ç’shkruhej sot në shtyp. Pra e mohoj tërësisht. Eshtë një montazh bisedash që nuk kanë koherencë dhe që përpiqen të duken komprometuese.

Ne kontaktuam me biznesmenin shqiptar. Ai është Indrit Bregasi. Ai pretendon veç atyre që kanë dalë në shtyp, se ju i keni kërkuar një borxh atij para gjashtë muajsh, për të paguar një libër që është botuar në Holandë, siç është thënë edhe në materialet e botuara nga shtypi shqiptar. Ai ua ka dhënë borxh paratë, por pasi i keni marrë ju keni mohuar marrjen e tyre dhe pastaj ka filluar e gjithë peripecia?
Eshtë një shpifje e pështirë dhe e tmerrshme. Unë për një botim timin që është bërë në Holandë kam biseduar, jo me Indritin, por me shumë njerëz, por nuk është këtu vendi për t’i përmendur, pra kam biseduar në ambasadë, miqësisht me ta, pa i kërkuar askujt lëmoshë, sepse se kam bërë kurrë. Dhe e vërteta që thotë ai nuk ekziston. E vërteta është që çështja, zemërimi dhe intriga e këtij individi, me sa duket shkaktohet për faktin se ai nuk fitoi një tender, ose nuk mori paratë që do të merrte nga ai tender, që po bëhej në ambasadë. Prandaj unë dua që të them dy fjalë për këtë punë nëse më lejoni.

A e ka fituar tenderin Indriti në ambasadë fillimisht?
Jo. Disa kompani kanë hyrë në lojë, sikurse kërkohet edhe nga shteti shqiptar. Kompania e tij ishte njëra nga ato kompani. Eshtë firmosur një kontratë sipas porosisë së dhënë nga Drejtoria e Shërbimit të Trupit Diplomatik në Tiranë, pasi oferta e tij qe më e lirë dhe në momentin e fundit, unë jam bërë pishman, sepse kam pyetur shqiptarë të tjerë në Uashington dhe më kanë thënë “pse merresh me atë njeri, ai s’ka fare firmë”, pra qe një firmë fantazmë. Dhe në këtë moment kontrata nuk është dërguar asnjëherë në Tiranë për dërgim fondesh.

Indriti këmbëngul, të paktën në bisedën paraprake që bëri me Zërin e Amerikës, që ju ka dhënë juve tre mijë dollarë borxh për punën e librit në Holandë. A ekziston ky fakt, a i keni marrë prej tij këto para?
Jo, asnjëherë. Ai mund të thotë edhe tridhjetë mijë dollarë, por nuk ka ndodhur kurrë.

Indriti nuk ju ka dhënë para borxh dhe sipas jush e gjithë kjo histori është e sajuar. Pyetja që kam për ju është, në gjithë këtë histori, kush është i interesuar për të shpifur gjëra të tilla për ju?
Shumë njerëz mund të jenë të interesuar. E para, posti që kam unë në Uashington është post i lakmuar nga shumë. Ky post bën shumë për Shqipërinë dhe qeverinë shqiptare. Dhe nëse duhet të goditet qeveria shqiptare, unë jam një objektiv mjaft i përshtatshëm. Me goditjen time personale goditen arritjet mes Shqipërisë dhe Amerikës. Goditet imazhi i mirë që ka kjo ambasadë në Uashington edhe është një presion që bëhet pikërisht para zgjedhjeve dhe jo më parë. Problemi është që çdo procedurë që është bërë lidhur me këta tendera për riparimin e ndërtesës së keqmbajtur të ambasadës së Shqipërisë, e cila për katër vjet me radhë që unë shërbej këtu nuk ka marrë asnjë qindarkë të vetme buxhet nga shteti shqiptar për t’u riparuar, kërkesa të herëpashershme për çdo vit nga ministri Islami janë konstatuar nevojat për riparimin e ndërtesës në korrikun e kaluar, kur ai vizitoi Uashingtonin. Një ekip i Drejtorisë së Shërbimit të Trupit Diplomatik ka ardhur në dhjetor në ambasadë, ka verifikuar dhe ka ikur me një listë me 17 lloje punimesh që duhen bërë. Në bazë të kërkesës së tyre janë çuar porositë dhe ofertat që këtej. Oferta që është nënshkruar dhe kontrata që është nënshkruar janë bërë me miratimin e Ministrisë së Jashtme. Por unë, engjëlli që kam në kokë për të më shpëtuar, më ka thënë mos e dorëzo dhe nuk është dërguar asnjëherë në Tiranë një kontratë e tillë. Prandaj asnjë kontratë nuk është nënshkruar. Asnjë para, asnjë cent, nuk ka ardhur në ambasadë dhe asnjë cent nuk është vjedhur as nga unë, e as nga askush tjetër në ambasadë. Kjo është e vërteta e çështjes.

Po ju do të ktheheni në Shqipëri sipas kërkesës së shkresës?
Unë i kam dërguar një letër kryeministrit dhe Presidentit të Republikës si dhe ministrit të Jashtëm dhe i sqaroj se arsyeja pse unë duhet të shkoj atje është për të çuar dokumentet financiare, që fare mirë mund të vërtetohen aty ku janë në ambasadë, siç është edhe rregulli. Nuk di nëse duhet të shkoj apo jo tani, sepse sapo u ktheva mbrëmë. Arsyet shëndetësore nuk më lejojnë që të shkoj për dy-tre javë, por sidoqoftë nuk kam pse të mos shkoj në qoftë se më kërkojnë. Por unë nuk jam nomenklaturë e ministrit të Jashtëm, jam nomenklaturë e kryeministrit dhe presidentit. Në qoftë se ata më thonë hajde, domosdo që unë do të shkoj.

[ArberXYZ]

Intervista qe dha bisnesimeni korcar Indrit Bregasi, per "Zerin e Amerikes":

Fillimisht, a mund të na shpjegoni variantin tuaj të incidentit me ambasadën shqiptare, me ambasadorin Tarifa?

Ne kemi punuar për ambasadën shqiptare për një periudhë prej dy vjetësh dhe kemi ofruar shërbimet tona si firmë modeste ndërtimi në zonën e Uashingtonit. Kemi qenë pjesëmarrës për riparime të ndryshme dhe tashti më së fundi, morëm pjesë në tenderin që ambasada shqiptare organizoi për të bërë mirëmbajtjen dhe rregullimet në ambasadë dhe ndihmuam ambasadorin drejtpërdrejt për mbarëvajtjen e këtij projekti.


A filluan punimet në ambasadë për këtë tender?

Ambasadori Tarifa ka firmosur kontratën, firma jonë fitoi tenderin. Unë kam sjellë këtu kopjen origjinale të kontratës me firmën e ambasadorit Tarifa.

Pra, ju fituat tenderin, por punimet në ambasadë nuk filluan?

Punimet nuk filluan, pasi siç ka bërë të ditur ambasadori, paratë nuk janë lëvruar ende në llogarinë e ambasadës.

Atëherë, çfarë ndodhi midis jush dhe ambasadorit?


Kjo është zhvilluar në dy plane. Njëri është plani personal. Ambasadori kishte një periudhë 6-mujore që kërkonte një sasi të caktuar lekësh, 4 mijë e 500 dollarë për të qenë më i saktë, për të nxjerrë nga shtëpia botuese një libër, që ai e kishte çuar aty dy vjet më parë. Mbas tentativave të ndryshme të ambasadorit, rashë dakord t’ia jepja privatisht shumën prej 4 mijë e 500 dollarësh. Nga ana tjetër, ne kishim kontratë, ishim strikt në biznes, në bazë të rregullave të lojës, që bëhet këtu në Shtetet e Bashkuara, ku kontratat janë të përpiluara me avokat.

A është shkëmbyer ndonjë lek, pra a janë dhënë para fizikisht nga ambasadori te ju, ose nga ju tek ambasadori?

Unë i kam dhënë ambasador Tarifës 3 mijë e 500 dollarë amerikanë, në formë kesh, nga llogaria ime personale bankare. U la që këto t’ia jepja me dy këste, për arsye teknike me bankën. Kur unë vonova përgjigjen për tri-katër ditë për shumën e dytë, ambasadori filloi të bënte presione, shantazhe dhe kërcënime në telefon. I thashë në telefon se kjo ishte absurde dhe dola e takova të nesërmen, duke i thënë se nuk do ta vazhdoja më kontratën me ambasadën. I thashë që nuk i jam i interesuar për këtë marrëveshje dhe i kërkova lekët e mia. Ambasadori e mohoi. Kështu u detyrova, edhe me këshillën e avokatit personal, të bënim regjistrimin e bisedës telefonike, e cila hedh dritë mbi faktet dhe mënyrën si është zhvilluar e gjithë ngjarja.

Ju pretendoni se në ambasadë keni kryer punime dy vjet më parë, apo jo?

Po, sigurisht.

Nga regjistrimi i bisedës kuptohet se ka shkelje si nga një zyrtar publik, me fondet publike të amabasadës, po ashtu aty kuptohet që bëhet shkelje edhe nga ju, për praktika jo të ndershme biznesi, për ta faturuar ambasadën më shumë se ç’duhet, që ju të merrni paratë që i keni dhënë ambasadorit privatisht. A kanë ndodhur raste të tjera të kësaj natyre, me këtë ambasadë, gjatë dy vjetëve që ju keni kryer punime atje?

Kjo nuk ka ndodhur as më parë e as tashti. Çdo marrëdhënie që është kryer midis firmës sime dhe ambasadës shqiptare ka qenë në bazë të rregullave të lojës të biznesit në Amerikë. Nuk e di si bëhen kontratat në Shqipëri, por kontratat e mia janë të përpiluara nga një grup avokatësh që merren me këtë punë. Ne kemi punuar për ambasadën dhe të them sinqerisht që, duke qenë shqiptarë dhe duke qenë të interesuar për mbarëvajtjen e punëve në ambasadë, duke patur parasysh edhe faktin që ambasadori ka bërë gjithmonë të ditur se fondet për ambasadën nuk kanë qenë kurrë të mjaftueshme, ne kemi ofruar gjithmonë shërbimet tona dhe jemi treguar shumë modestë në çmimet me ambasadën. Marrëdhëniet e mia me ambasadën në këtë drejtim, kanë qenë gjithmonë në disfavorin tim ekonomik. E kam bërë thjesht si një qytetar që pata mundësi të ofroja diçka pozitive për ambasadën e shtetit për të cilin unë jam krenar.

Atëherë, si ju lindi ideja për të bërë regjistrimin e bisedës, cili ishte motivi kryesor?

Unë u befasova nga sjellja e ambasadorit. Ishte diçka që nuk e prisja, më befasoi, duke patur parasysh që ai është një titullar dhe duhet të jetë shembull për të gjithë qytetarët që jetojnë në zonën e Uashingtonit. Faktin që ai filloi të bënte shantazhe dhe presione në telefon, unë kam zërin e tij në sekretarinë telefonike, ia shpreha këtë shqetësim avokatit tim, i cili më sugjeroi të përgjonim bisedën dhe t’ia çonim organeve përkatëse në Shqipëri që kjo çështje të marrë drejtimin e duhur. Ky ishte motivi.

Ju nuk bëtë ndonjë përpjekje për t’u ankuar në Ministrinë e Jashtme të Shqipërisë për të marrë paratë?

Unë ia bëra të qartë zotit Tarifa, i thashë në bisedën para se të shkonim te finalja, i thashë që unë dua lekët e mia, dua ta mbyll këtë çështje, nuk dua të kem të bëjë më me ambasadën dhe këtë mënyrë të korruptuar. Kaseta flet vetë dhe ambasadori madje, më bëri ofertë në bisedën telefonike të regjistruar, që unë të kthehesha dhe të merrja shumën e dhënë hua prej meje personalisht tek ai dhe ta merrja me buxhetin e ambasadës, të cilën nuk e pranova dhe çështja erdhi deri këtu ku është tani.

A do ta ndiqni këtë çështje në organet e drejtësisë në Shqipëri?

Unë do të vë në dispozicion të gjithë dokumentacionin që kam, për t’i dhënë lehtësi organeve kompetente për ta çuar këtë në drejtimin e duhur.

[BOKE]

KUSH I KONTROLLON AMBASADORET DHE AMBASADAT?

Rasti i ambasadorit shqiptar ne Uashington mund te kete ngjallur reagime te shumta e te ndryshme, qe shprehin shqetesimin e thelle te opinionit shqiptar per katandisjen e vendit dhe imazhit te tyre. Ky imazh prej kohesh ka rene aq poshte dhe eshte perbaltur aq keq, sa edhe nje rast me shume si ai i zotit Tarifa nuk perben ndonje gje te re. Natyrisht rastet me diplomatet jane me delikate per shkak te natyres se punes se tyre dhe jehones qe mbartin raste te tilla. Nuk dime me siguri si qendron e verteta, pavaresisht se ne biseden e pretenduar permenden detaje te tilla qe lidhen me vete ambasadorin Tarifa (paga 1200 dollare, shkollimi i femijeve ne Holande, libri, etj qe i takojne vetem atij). Ajo qe bie ne sy ne reagimin e ambasadorit eshte qendrimi i tij arrogant dhe fyes ndaj Ministrise se Jashtme dhe ministrit te Jashtem. As me shume e as me pak ai shprehet pothuajse drejtperdrejt se nuk pyet per ministrin e Jashtem, se nuk eshte nomeklature e tij, per pasoje nuk eshte i detyruar te vije ne Tirane per te dhene shpiegime. Ndryshe do te ishte po ta kerkonte kryeministri apo Presidenti. Do te mjaftonte vetem ky deklarim, qe ambasadori te shkarkohej menjehere nga detyra. Vetem ne Shqiperi ndodh qe punonjes te shtetit deklarohen kunder institucioneve te shtetit dhe titullareve te tyre duke qene akoma ne detyre. Ligji per sherbimin e jashtem percakton qarte se perfaqesite diplomatike, titullaret dhe punonjesit e saj varen drejpersedrejti nga Ministria e Jashtme. Vetet ambasadoret kur emerohen firmosen nga ministri i Jashtem, kryeministri dhe dekretohen nga Presidenti, por kur fillojne pune varen nga Ministria e Jashtme. Kjo eshte praktike ne te gjitha vendet e botes demokratike. As Presidenti e as kryeministri nuk merren me aktivitetin e ambasadave dhe ambasadoreve. Zoti Tarifa nxiton t'i jape rastit te tij nuance politike, mjet tashme i njohur dhe i perdorur ne shume raste. Eshte bere eksperience bajate tashme per titullare perfaqesish diplomatike qe provokojne perplasje politike apo me institucione te shtetit per te realizuar qellime meskine pas largimit nga detyra. U lepihen shefave te tyre deri ne perulje dhe sapo ndiejne se gjerat mund te mos shkojne sic u intereson jane gati t'i blasfemojne e t'i akuzojne per cdo gje. Ceshtja e ambasadoreve prej kohesh eshte kthyer ne nje shqetesim te madh per Ministrine e Jashtme. Kjo kryesisht per ambasadoret qe jane emertesa politike, sic eshte zoti Tarifa, dhe nuk vijne nga stafi i karrieres diplomatike te MPJ-se. Ata e mendojne veten te plotfuqishem ndaj Ministrise dhe perpiqen ta kene mire vetem me kryeministrin dhe lejojne te perdoren prej tij. Ministrine e konsiderojne thjesht si vendi ku duhet te kerkojne te drejtat e tyre, por jo si institucioni nga ku varen per cdo gje. Ka shume te tille. Te derguar neper perfaqesi si shprehje te perkatesise politike, klanore, nepotike dhe per interesa qe nuk lidhen me diplomacine dhe fatet e vendit, ata nuk respektojne rregullat dhe ligjet qe rregullojne marredheniet e tyre me MPj-ne, sic ben zoti Tarifa. Mirpo ai e di mire se nga i vjen kurajoja. Per sa kohe ta kete mire me ate tjetrin, asgje nuk i ndodh. Sepse ai ka privatiuar cdo gje, perfshire edhe sherbimin diplomatik. Ai ben listat, ai cakton njerezit, dhe jo vetem ambasadoret. Ai vendos te terheqe nje shef misioni per te kandiduar ne zgjedhje dhe urdheron qe bashkeshortja e tij te mbetet ne Danimarke si punonjese e perfaqesise, sepse keshtu behet pazari. Ajo duhet te mbetet atje, te shfrytezoje apartamentin, te paguhet, dhe keto ne kurriz te taksapaguesve shqiptare. Te kalohet brenda nates ne punonjese perfaqesie diplomatike, vetem per meriten se bashkeshorti do kandidoje per deputet, kjo ndodh vetem ne shtetin shqiptar. Ministri Islami e kupton mire kete absurditet, por nuk ka fuqi ta ndaloje. Ashtu sic e kupton edhe absurditetin e dergimit si shef misioni te nje anetari parlamenti, qe nuk e ka per gje te behet komik e te shkoje shef misioni. Se si do prezantohet ai atje, nga anetar parlamenti ne punonjes ambasade, as ai nuk e di, por kjo eshte gjeja me pa rendesi. Islami e kupton mire se sa absurde eshte te caktohet ish-bashkeshortja e kryeministrit si punonjese ambasade ne Paris, vetem e vetem se asaj i duhet te jete atje per interesat e saj familjare. Por qendrimi ne Paris kushton shume, dhe ndoshta shpenzimet prekin vete kryeministrin. Keshtu le te futet ne ambasade, te paguaje shteti per apartamentin, rrogen, uje, drita, makine. Nuk ka rendesi diplomacia dhe integrimi. C'nuk ndodh neper perfaqesi. Ka raste kur titullaret nuk komandojne as shoferet, sepse kane nje mburoje pushtetari dhe Islami i ka duart e shkurtera. Emigrantet shqiptare mese nje here jane ankuar per titullaret e konsullatave per sherbimet qe u behen. Por kush pyet. Edhe konsujt i kane marre nga rruga e jo nga MPJ-ja per te bere pune konsullore. Nje turp me vete ky, por per te cilin nuk turperohet askush. Vijne turma kinezesh mjerane e te keputur me viza "turistike" nga ambasda e asgje nuk ndodh. Shkruajne e deklarohen ne publik titullare ambasadash per opinionet e tyre, deri edhe per rrogat e pamjaftueshme, dhe ministri nuk mund te beje asgje, vetem te perserise shkresa per respektimin e rregullave te komunikimit me masmedian. Dhe keshtu trimerohen njerez si Tarifa qe thote se nuk pyet per Ministrine e Jashtme dhe ministrin e Jashtem. Prandaj edhe shume si ai kane kaluar cdo kufi ligjor te kohes se sherbimit jashte vendit dhe nuk i kthen askush. Edhe nese do ministri nuk e pyet njeri. Prandaj titullaret e ambasadave jane me shume se gjysma emertesa politike, nderkohe qe ligji parashikon vetem 20% te jene te tille. Por kush pyet per ligjin.

Dhe keshtu do kaloje edhe ceshtja Tarifa. Cudia me e madhe zgjat tri dite. E pergenjeshtron, hidhet ne sulm, i jep natyre politike, ben insinuata per konspiracion dhe thote se nuk varet nga ministri i Jashtem dhe e vendos vete nese do vije ne Tirane sic i kerkon MPJ-ja apo jo. Mirepo ligji thote ndryshe. Por ai e di se kush e ben ligjin. Dhe nese ai vendos ta flake i kundervihet edhe atij dhe vete shtetit qe ka perfaqesuar, qe sic pretendohet edhe ne bisede, sipas tij eshte .....Keshtu e mendon me te lehte per te qendruar atje ku eshte ashtu sic shprehet ne biseden e pretenduar. E nderkohe vendi ecen perpara me suksese te medha drejt integrimit ne institucionet euro-atlantike dhe ne balle te tij qendrojne ambasadoret si Tarifa qe nuk pyesin per institucionet e vendit te tyre nga ku varen.

[DYDRINAS]

Nuk eshte dicka e jashtezakonshme kjo historia e Tarifes por ajo qe te ben pershtypje eshte publiciteti qe po i ben vete partia ne pushtet.
Te ishin kaq te "mire" ata nuk do te merreshin tani ne fund me Tarifen kur kishin me para skandale milioneshe si ai Benzit te Nanos e sa e sa ceshtje te tjera qe Zoti e di a do te behen ndonjehere publike.
Kjo puna e parave eshte nje gje "normale" tek pushtetaret e cdo ngjyre ne Shqiperi.
Provo te zgjidhesh nje ceshtje sado te vogel pa para?!
Lere me tenderat ne te cilat qe te fitosh duhet te paguash gjithmone 10% te vleres se tenderuar se perndryshe kot qe hyn aty.
Tarifa nuk eshte as i pari e as i fundit por ajo qe duhet te behet eshte qe tek shqiptaret te krijohet nje vetedije e larte shoqerore lidhur me korrupsionin sepse jane dy pale qe bejne korrupsionin ajo qe jep dhe ajo qe merr.
4500 $ te Tarifes jane nje hiq para milionave te tenderave qe behen ne Shqiperi e per te cialt nuk flet askush.
Sic duket Tarifa eshte nje "viktime" e klaneve brenda PS apo me ngushte te klaneve brenda Ministrise se Puneve te Jashtme.
Historia e korrupsionit as ka filluar sot e as do te mbaroje neser (me kete nuk dua te justifikoj Tarifen) sepse shoqeria shqiptare eshte ne nivele te tilla.
Korrupsioni nuk luftohet me "duar te pastra" nga njerez ose politikane pisa por luftohet nga nje sistem demokratik i zhvilluar dhe nga nje shoqeri e emancipuar ne te gjitha drejtimet.
Personalisht nuk shikoj asgje te re dhe ne deklarimet e fundit te te gjitha paleve lidhur me korrupsionin sepse nuk mjafton vetem deshira e mire apo fjalet e bukura se per kaq kohe e per kaq dite do te zhdukim korrupsionin.
Ajo eshte dhe duhet te jete nje lufte e perditshme qe duhet te filloje qe nga bankat e shkolles (ku dhe mesuesi u merr para nxenesve per provimet).
Fjale,fjale dhe vetem fjale!

[Brari]

kurse kryetari i Partise tende o r2t i hedh ne gremina dashnoret dhe ne kanal pleqte..
Po ti perseri do e votosh se..

Boku..

po dhe Kaci nje cop hajdut e kanibal eshte..
me dhimbset Tarifi i Nanos..
nuk i ka vajtur ne mendje se ai katunari indrit bregasi ka futur kasetofonin ne xhep..

po mire a vut re nje gje?????

hmmm jo sigurisht..

po VOA-ja e pate sa e shqetsuar eshte qe ju deskreditua nje Tarif i Nanos?
eshte gati ta haj te gjalle byberi i Elezajve te Nanos te ngratin indrit..



po ambasadoren emerikane prapa mulla.qeve te Nanos e pate duke prere shirita kto dite bashk me Tosin e Nasit?

Me nje fjale e kan prere shiritin ata te stejt departmentit qe ta lene Nanon dhe nje dekade tjater ne pushtet...
sikurse lane Enverin 50 vjet..

Tarifen nuk e heqin se te heqesh tarifen do te thote ta prishesh punen me Sevon me shoke qe lehin neper lagje der me dere per Social imperialisten bark madhe te Nanos..

cna bere mo indrit more malukat..
Ne kemi vrare e vjedhur miliarda e sna ka hire ferre ne kembe thone nashti ata boset e PS-se .. e ki kullufi i Sevos vate e u zbulua nga nje zhbllokus lavamani..
kulmi eee..
sa inat na vjen..

[ChuChu]

Tarifen nuk e heqin se te heqesh tarifen do te thote ta prishesh punen me Sevon me shoke qe lehin neper lagje der me dere per Social imperialisten bark madhe te Nanos..

jo brar e ke gabim se Tarifes ia kane vene syrin prej kohesh Nano & Kaci, po vendosen te nderhyjne tani qe eshte kohe zgjedhjesh. As per sevon nuk i behet vone Nanos qe la grua e femije rrugeve per nje cope baxhelle.

biseda e rregjistruar nuk ishte koherente, nuk e vuri re njeri kete?

sa per shkollimin e Tarifes qe eshte hedhur poshte me siper, pervec titullit doktor shkencash qe ka ne Shqiperi, Tarifa ka qene 5 vite student PhD ne North Carolina nga 94-99, dhe ka titullin Doktor Profesor ne Sociologji. Le te thuhen gjerat ashtu sic jane.

[green]

.......................................

[ArberXYZ]

Moisiu: Tarifa, nuk do të hezitoj të veproj


“I kam ndjekur dhe vazhdoj t’i ndjek me mjaft shqetësim njoftimet e medias dhe komentet lidhur me ambasadorin e Shqipërisë në SHBA”,- tha dje presidenti Moisiu pas interesimit të gazetarëve gjatë takimit të zhvilluar në Bukuresht në kuadër të SEECP-së.
Sipas tij, Ministria e Punëve të Jashtme ka ndërmarrë tashmë hapin e parë, thirrjen urgjente të ambasadorit në Tiranë për sqarimin e rrethanave dhe verifikimin e fakteve.
“Unë pres nga Ministria dhe ambasadori që ky problem të trajtohet me seriozitet dhe transparencë të plotë.
Mbi bazën e konkluzioneve të sakta zyrtare, ju siguroj se nuk do të ketë asnjë hezitim nga ana e ime për të vepruar në mënyrën e duhur”.
Fatos Tarifa. Diplomati në fjalë, nëpërmjet një bisede të zhvilluar me biznesmenin Indrit Bregasi, i ka kërkuar 4 500 euro ryshfet, të cilat do të përfshiheshin në shpenzimet që do të realizoheshin për rikonstruksionin e godinës së ambasadës. Nisur nga këto të dhëna, ministri i Jashtëm, Kastriot Islami, ka pezulluar nga detyra dhe zhveshur nga imuniteti i diplomatit Tarifën, deri në sqarimin e plotë nga ana e tij të kësaj historie, ndërsa kreu i qeverisë, Fatos Nano, ka urdhëruar kthimin e njëhershëm të ambasadorit në Tiranë dhe dërgimin në SHBA të një ekipi auditimi adiministrativ. KLSH-ja ka të dokumentuar në materialet e raportit vjetor të vitit 2002 edhe disa shkelje të tjera financiare të realizuara në ambasadën tonë në SHBA. Në një kontroll të ushtruar nga KLSH-ja në dhjetor të vitit 2002 në këtë ambasadë, ka rezultuar se veprimet financiare të kryera nga selia jonë diplomatike nuk kanë qenë të sakta dhe ligjore. Konkretisht, ndryshe nga sa kërkohet në procedurat financiare, të gjitha veprimet janë bërë pa fatura dhe të paregjistruara në librin e arkës, dokument që mungonte në dokumentacionin financiar të përfaqësisë sonë diplomatike.

Marre nga gazeta "Shekulli"