Skandali i ambasadorit shqiptar në SHBA, Fatos Tarifa

[Albo]

Fatos Tarifa akuzohet për abuzime të fondit, me dëm në 100 mijë USD

Tarifa , thanë burimet e prokurorisë, akuzohet se ka abuzuar me detyrën në lidhje me shpenzimet e bëra në më tepër se një vit, për rikonstruksionin e godinës së Ambasadës shqiptare në SHBA si dhe me shpenzime të tjera si blerje makinash dhe riparime të ndryshme në këtë Ambasadë.

Prokuroria e Tiranës, bëri të ditur dje se ka përfunduar hetimet në ngarkim të ish ambasadorit shqiptar në SHBA, Fatos Tarifa. Burime zyrtare nga Prokuroria e Tiranës thanë , "dosja penale në ngarkim të ish ambasadorit Tarifa do të dërgohet ditët në vijim për shqyrtim gjyqësor". Sipas prokurorisë, Fatos Tarifa, akuzohet për veprën penale të shpërdorimit të detyrës, gjatë kohës që ka qenë Ambasador i Shqipërisë në SHBA, në periudhën 2001-2005.

Tarifa , thanë burimet e prokurorisë, akuzohet se ka abuzuar me detyrën në lidhje me shpenzimet e bëra në më tepër se një vit, për rikonstruksionin e godinës së Ambasadës shqiptare në SHBA si dhe me shpenzime të tjera si blerje makinash dhe riparime të ndryshme në këtë Ambasadë.


"Nga hetimet e kryera për këtë çështje rezulton se, këto shpenzime nuk janë të dokumentuara", thane burimet e mësipërme.
Ndërkohë, vlera e dëmit të shkaktuar buxhetit të shtetit nga abuzimet në Ambasadën shqiptare në SHBA, gjatë kohës që Fatos Tarifa ishte ambasador, përllogaritet në 100 mijë dollarë.


Ish ambasadori i Shqipërisë në SHBA, Fatos Tarifa, u denoncua pak muaj më parë në Prokurorinë e Rrethit Gjyqësor të Tiranës, nga Kontrolli i Lartë i Shtetit (KLSH) dhe u hetua në gjendje të lirë.

KJ

[Albo]

Prokuroria e Tiranës ka mbyllur hetimet kundër Fatos Tarifës, i akuzuar për shpërdorim të 100 mijë dollarëve

Ish-ambasadori në SHBA, i zhdukur, dosja në gjykatë


Flamur Vezaj

TIRANË-Edhe pse ish-ambasadori shqiptar në SHBA, Fatos Tarifa, rezulton i zhdukur, prokuroria e Tiranës do të dërgojë së shpejti në gjykatë dosjen penale në ngarkim të tij. Burime zyrtare pranë organit të akuzës bëjnë të ditur se dosja në ngarkim të ish-ambasadorit Fatos Tarifa është gati për t’u dorëzuar në Gjykatën e Tiranës, ku edhe pritet të fillojë procesi gjyqësor nën akuzën e “shpërdorimit të detyrës”. Sipas prokurorisë, ish-ambasadori Tarifa i ka shkaktuar një dëm prej 100 mijë USD shtetit shqiptar, gjatë kohës që ka qenë ambasador në SHBA në periudhën 2001-2005. “Pas hetimeve disamujore është provuar nga ana jonë se ish-ambasadori Tarifa ka kryer veprën penale të shpërdorimit të detyrës, gjatë kohës që ka qenë në krye të ambasadës si administrues i fondeve të lëshuara nga shteti shqiptar për selinë diplomatike në Uashington”,-pohuan burime nga grupi hetimor për “Shekullin”.

Akuza
Ish-ambasadori Tarifa ka abuzuar me detyrën, në lidhje me shpenzimet e bëra në më tepër se një vit, për rikonstruksionin e godinës së Ambasadës Shqiptare në SHBA si dhe me shpenzime të tjera, si blerje makinash dhe riparime të ndryshme në këtë ambasadë. Sipas prokurorisë, nga hetimet e kryera për këtë çështje rezulton se disa nga këto shpenzime nuk janë të dokumentuara. Ndërkohë, vlera e dëmit të shkaktuar ndaj buxhetit të shtetit për këtë mosdokumentim kap shifrën e 100 mijë dollarëve. “Tarifa, gjatë hetimeve paraprake është hetuar në gjendje të lirë dhe gjykimi i tij pritet të bëhet në gjendje të lirë”,-thanë përfaqësues të prokurorisë, duke shtuar se ende nuk dihet vendndodhja e ish-ambasadorit në SHBA.

***

Fatos Tarifa u denoncua pak muaj më parë në Prokurorinë e Tiranës nga Kontrolli i Lartë i Shtetit.

Skandali i përfshirjes në afera korruptive të ish-ambasadorit shqiptar në SHBA u bë publike menjëherë pas regjistrimit të një bisede telefonike të biznesmenit Indrit Bregasi dhe Tarifës. Telefonata u regjistrua në mënyrë të fshehtë nga emigranti që banonte në Uashington, i cili merrej me ndërtime dhe kishte kryer shpesh punime në ambasadën shqiptare. Bregasi kishte disa kohë që bënte punë ndërtimi, kur Tarifa i kërkoi atij si borxh një sasi parash. Sipas Bregasit, ai i ka dhënë 3 mijë dollarë në dorë Tarifës, ndërsa ky i fundit e kishte garantuar se do t’ia shlyente borxhin personal përmes fondit të ambasadës shqiptare, duke falsifikuar faturat e punimeve të kryera nga punëtorët e biznesmenit korçar, me banim në SHBA. Më pas, KLSH-ja kreu një kontroll në ambasadë, gjatë së cilave dolën në pah abuzimet financiare të kryera me firmën e Tarifës.

Shekulli

[Albo]

Abuzimet e Tarifës, prokuroria kërkon 500 mijë lekë dëmshpërblim

Nga Bledar Lumani

Abuzimet e ish-ambasadorit shqiptar në SHBA, Fatos Tarifa, për prokurorinë vlejnë vetëm 500 mijë lekë të reja. Megjithëse Tarifa akuzohet për shkelje të rënda, të cilat, sipas Kontrollit të Lartë të Shtetit, kapin shifrën e 150 mijë eurove, prokuroria ka kërkuar si dëmshpërblim nga ai 500 mijë lekë të reja. Pas shqyrtimit të të gjitha provave dhe materialeve hetimore, në seancën e djeshme gjyqësore përfaqësuesit e organit të akuzës kanë dhënë konkluzionet përfundimtare, ku kanë kërkuar si dëmshpërblim nga ish-ambasadori një shumë qesharake.


Akuzat

Skandali për abuzimet e ish-ambasadorit në SHBA, Fatos Tarifës, u zbuluan gjatë muajit maj të vitit 2005, pas denoncimit të një biznesmeni. Biznesmeni shqiptar, Bregasi, akuzoi ambasadorin se ai i kishte marrë hua një shumë prej disa mijëra dollarësh, në këmbim të disa punimeve që do të duhej të kryeshin në mjediset e ambasadës sonë në SHBA. Biznesmeni, i cili kishte regjistruar bisedën me Tarifën, deklaroi se në momentin që ai kishte kërkuar të tërhiqej nga kryerja e punimeve, ish-ambasadori ynë kishte refuzuar t’i kthente borxhin. Kjo bëri që Kontrolli i Lartë i Shtetit të ushtronte një kontroll për fondet që ishin administruar nga Fatos Tarifa. Sipas këtij kontrolli, Tarifa, i cili është shkarkuar nga detyra, ka administruar vetë të gjitha fondet sipas dëshirës, duke kryer shkeljen financiare. Kështu, pas shqyrtimit të të gjithë veprimtarisë financiare të ambasadës në tre vitet e drejtuara nga Tarifa u gjetën shpërdorime të mëdha, të cilat kapnin shifrën e 150 mijë eurove. Sipas Kontrollit të Lartë të Shtetit, abuzimet e ish-ambasadorit kishin të bënin me pagesat e pajustifikuara ndaj të tretëve, shpenëzime të larta për udhëtimet dhe telefonin dhe deri tek abuzimet me organizimin e pritjeve të ndryshme dhe pagimin e personave që nuk kanë patur lidhje me amabsadën tonë. Këto pagesa, ekspertët e Kontrollit të Lartë të Shtetit dyshojnë se mund të jenë kryer në favor të njerëzve me lidhje farefisnore me Tarifën. Ndër shkeljet e konstatuara ka gjithashtu edhe pagesa për riparime të pajustifikuara apo të kryera jo si duhet në ambasadën tonë në SHBA. Ky skandal bëri që fillimisht Fatos Tarifa të pezullohej nga detyra e ambasadorit dhe më pas të shkarkohej. Pas gjithë këtij skandali, prokuroria e ka çuar këtë çështje në gjykatë, ku ditën e djeshme ka dhënë edhe konkluzionet përfundimtare, ku është kërkuar dëmshpërblim nga ana e ish-ambasadorit tonë në SHBA, në shifrën e 500 mijë lekëve të reja, një shumë kjo mjaf e vogël në krahasim me abuzimet e Tarifës.

Tema

[ISIDORA]

Mbas gjithe komenteve te lexuara dhe sidomos edhe shpjegimin e ish ambasadorit mendoj se eshte jo pak por jashtezakonisht qesharake qe ne “auditim’ te pasqyrohen te tilla shpenzime.
Si nuk kane harruar te vendosin se Ambasadori per rastin e Festes te Flamurit apo Clirimit I ka blere dreken stafit te vet? Sa qesharake per zotin…
Kryeministria shpenzoi $1 million dollare per nje ambazhur kur Bushi beri viziten dhe jo ambasada shqiptare per te mirmbajtur ambasaden tone ne Washington per 3 vjet rresht 150+ mije dollare. (perfshi ketu shpenzime te tjera)
Nese do vazhdojme te merremi me gjera kaq te vogla ne BE harroje se marrim pjese se shpejti.