Alternativa studimi per shkolla te larta dhe postgraduime

[ganoid]

Master në Universitetin e Harvardit

Universiteti i Harvardit është një nga universitetet më të mira në botë. Kostoja e masterit për Administim-Biznes në këtë universitet është shumë e madhe, por përfitimi që merr një student është disa herë më i lartë. Vetëm emri që ka ky universitet hap dyert e suksesit për këdo


Në Universitetin e Harvardit kanë filluar tani aplikimet për MBA (Masterin në Administrim-Biznes) të vitit akademik 2006-2007. Për shkak të volumit të madh të aplikimeve në çdo raund, kandidatët duhet të dërgojnë aplikimet e tyre sa më shpejt të jetë e mundur. Ka tre raunde aplikimesh për këtë master. Raundi i parë përfundon zakonisht në tetor 2005, raundi i dytë në janar 2006 dhe raundi i tretë në mars 2006. Kandidatët ndërkombëtarë duhet të aplikojnw sa më shpejt, pasi atyre u duhet më shumë kohë për të siguruar vizat, shtëpitë, ndihmën financiare dhe të perfeksionojnë anglishten. Disa kandidatë mund të ndjekin edhe kurse paraprake para se të futen në master, pasi kërkesat e pranimit janë shumë të rrepta.
Aplikimi për master në Harvard bëhet nëpërmjet internetit, online. Udhëzimet, linja e veprimit dhe materialet janë të gjitha online në sitin http://www.hbs.edu/mba/admissions/apply.html.
Studentët mund të përfitojnë edhe ndihmë financiare, vetëm pasi të jenë pranuar për masterin në Universitetin e Harvardit.
Çmimet e strehimit në universitet janë shumë konkurruese. Apartamentet në Harvard fitohen në bazë të një llotarie, e cila organizohet para pranimit për Master.
Nuk ka një formulë të vetme për kandidatin më të suksesshëm. Kandidatët do të vlerësohen për arritjet e tyre, potencialin që kanë për të adoptuar një program masteri në Harvard. Në qoftë se ka pyetje lidhur me mënyrat e aplikimit, mund të kontaktoni në (617) 495 – 6128 ose në mba_questions@hbs.edu.
Kriteret e pranimit
Çdo vit universiteti përzgjedh kandidatët me potencial më të madh për t’u bërë liderë. Selektimi e vë theksin te potenciali i lidershipit, diploma, karakteristikat dhe cilësitë personale. Bordi i selektimit mundohet që çdo vit të krijojë një klasë me njerëz që vijnë nga vende të ndryshme, për t’i rritur më shumë njohuritë e studentëve.
Për të aplikaur për master në Harvard nuk ka minimum moshe; ju këshillojmë të vlerësoni zgjuarsinë tuaj. Edhe në qoftë se je akoma duke vazhduar shkollën, ose jeni në hapat e para të karrierës, ju mund të aplikoni për master në qoftë se e ndieni se keni potenciale të larta lidershipi. Është një mundësi e mirë për të ngjitur shkallët e karrierës.



Kostoja për të studiuar master në Harvard
Kostoja për të studiuar një master në Administrim-Biznes në universitetin e Harvardit është shumë e lartë, por po aq i lartë është edhe përfitimi që sjell ky master për karrierën e çdo njeriu. Për ta lehtësuar paksa koston e lartë universiteti është lidhur me shumë banka dhe fondacione. të cilat mund të japin kredi me terma të buta për të gjithë studentët që pranohen për master në Harvard. Siti ku ju mund të gjeni të dhëna për fondacionet dhe bankat që ndihmojnë me kredi është ky: http://www.hbs.edu/mba/admissions/funding.html


Dokumentacioni i kërkuar
Dokumentet e mëposhtme mund të plotësohen të gjitha online në sitin http://www.hbs.edu/mba/admissions/apply.html.

- Përgjigjet për pyetjet e esse-së, të dhëna në sitin http://www.hbs.edu/mba/admissions/apply.html.
- Curriculum Vitae
- Tri letra rekomandimi, të cilat do të plotësohen në site online.
- Përkthimin e të gjtha diplomave universitare dhe pasuniversitare të ndjekura.
- Përmbushje e standardeve të Universitetit të Harvardit
- Dëshmi nga gjykata ose prokuroria
- Rezultatin e testin GMAT (Graduate Managment Admission Test) që mund të bëhet online në adresën http://www.gmac.com/gmac/thegmat/
- Pagesa e aplikimit është 215 dollarë që mund të bëhet vetëm nëpërmjet kartës së kreditit.


Duke pasur parsysh se programi i masterit është shumë rigoroz, aplikantët bëjnë mirë të ndjekin kurse për financë, ekonomi ose statistika para se të aplikojnë për master. Aplikantët duhet të flasin, të shkruajnë dhe ta kuptojnë shkëlqyeshëm anglishten.
Shkolla do të bëjë verifikime për të gjitha informacionet e dhëna nga aplikanti.


Esse
Një kusht për aplikantët është mbushja e esse-ve.
Esse-të që do të plotësohen për vitin 2006 do të jenë të ndryshme nga ato të bëra këtë vit. Për një ide të përgjithshme po japim esse-të që janë mbushur këtë vit nga aplikantët.



Pyetjet për esse-të e klasës së masterit të futur në vitin 2005-2006


1- Përshkruaj një ndryshim të rëndësishëm në një organizatë dhe impaktin që pati në zhvillimin tuaj si lider? (400 fjalë maksimumi)
2- Cilat janë tri arritjet tuaja më të rëndësishme në jetë, dhe pse ju i shikoni ato si të tilla? (600 fjalë maksimumi)
3- Jep një vlerësim të sinqertë të anëve të forta dhe të dobta që ju keni. (400 fjalë maksimumi)
4- Si e përshkruani ju suksesin? (400 fjalë maksimumi)
5- Cilat janë aspiratat tuaja për karrierën, dhe si mund t’ju ndihmojë një master në Harvard për t’i arritur ato? Pse tani? (400 fjalë maksimumi)
6- Çfarë pyetje do donit të dëgjonit nga bordi i pranimit të masterit? (400 fjalë maksimumi)


Aplikantët ndërkombëtarë
Universiteti i Harvardit mirëpret aplikime nga e gjithë bota. Kriteret e pranimit për aplikantët ndërkombëtarë janë të njëjta me kandidatët amerikanë. Të gjitha materialet, përfshirë edhe rekomandimet, janë të gjitha online në gjuhën angleze.
Diplomat e kërkuara
Një aplikant ndërkombëtar duhet të ketë një diplomë universitare ose kolegji. Të gjitha shkollat ose kurset e ndjekura duhet të listohen në formën e aplikimit, duke përdorur emrat e plotë të institucioneve dhe të diplomave të marra.
Përkthimet
Gjatë aplikimit online të gjitha diplomat do të përkthehen në gjuhën angleze dhe do të dërgohen me aplikimin online. Në qoftë se kandidati pranohet në universitet, atëherë do t’i kërkohet të bëjë përkthimin zyrtar të diplomës (në agjenci që njihen edhe jashtë) dhe do ta dërgojë këtë në agjencinë World Education Services (WES), e cila bën verifikimin e diplomave për llogari të Universitetit të Harvardit.
TOEFL
Duke pasur parasysh natyrën e programit MBA, studentët duhet të kenë rrjedhshmëri në të folur e në të shkruar të anglishtes. Kandidatët nga vendet joanglishtfolës duhet të paraqesin pranë universitetit rezultatet e testit të TOEFL-it.



Ne edukojmë liderët
Motoja e Universitetit të Harvardit është “Ne edukojmë liderët, të cilët ndryshojnë botën”.
Me 32 ndërtesa të përhapura në mijëra hektarë sipërfaqe universiteti është i shtrirë në anë të lumit Charles. I themeluar që në vitin 1908 kompleksi i godinave me ndërtesat madhështore gjeorgjiane është dizenjuar nga Frederic Law Olmsted, i cili ka bërë edhe dizenjon e parkut qendror të Nju-Jorkut.
Libraria Baker e Harvardit është zemra e Universitetit të Harvardit. Është libraria më e madhe në botë me libra biznesi. Aty ndodhen më shumë se 600 mijë volume dhe është një burim si për komunitetin ashtu edhe për studentët nga e gjithë bota.
Kompleksi i Harvardit është i shtrirë që nga Bostoni në Cambrige. Kjo është edhe qendra më e madhe në botë, përsa i përket qendrave akademike, sipërmarrëse, financare dhe kulturore.

[ganoid]

Nje alternative studimi jashte Shqiperise

Ne nje moshe shume te pjekur te gjtheve na duhet te marrim vendime te rendesishme dhe te bejme zgjedhje qe ndikojne te gjithe jeten tone. Fatmiresisht koha po ecen ne favorin tone duke e bere cdo dite e me te qarte rrugen qe na noc rreth zgjidhjeve tona. Per pjesen me te madhe te nxenesve shqipetare, pasi maturohen nje pykpyetje e madhe behet vazhdimi i studimeve te larta. Sipas mundesive qe kane familjet e tyre, nje pjese dermuese e studenteve shqipetare i vazhdojne studimet, jo vetem ne Shqiperi por edhe jashte vendit. Alternativa te medha ofrojne vendet perendimore, shkollat e te cilave niqen me shume ne saj te emrit te shtetit ku ndodhen dhe aspak ne saj te cilesise studimore qe ofrojne. Ndersa alternativa te tjera ofrojne edhe nje ser shkollash te tjera qe ndoshen ne shtete te Evropes Lindore dhe qe fatkeqsisht ne vendin tone jane „diskriminuar“ ose anashkaluar, per shkak te vendit u ndodhen.
Duke qene se experienca ime kufizohet ne Rep. Ceke po e profilizoj shkrimin tim me alternativen e Rep Ceke.
Rep. Ceke ndodhet ne qender te Evropes, ka rreth 10 milione banore dhe kryeqyteti i saj eshte Praga. Praga sot per sot eshte nje nga qendrat kulturore me te medha ne bote. Vizitohet nga qindra mijra turist ne dite nga te cilet vilen rreth 3 miliarde euro ne vit. Cmimet ne kompleks jane pak me te larta se ne Shqiperi. Nje studenti per te bere jete normale i duhen 400-500 euro ne muaj.
Niveli i arsimit rritet nga dita ne dite. Shkolla e pare ne Ceki eshte Karlova e cila e ka zanafillen e saj ne shekullin e 13. Pra eshte nje nga shkollat e para ne bote. Megjithe experiencen e gjate qe ka arsimi ne Rep. Ceke duhet thene se shkollat shteterore ende nuk e kane krijuar lidhjen teori-praktike ne nivelin maximal, mgja sistemi arsimor qendron shume larte.
Universitetet ndahen ne disa grupe. Universitete shteterore ne gjuhen ceke te cilat jane falas, por per tu futur duhet te besh provim hyres, universite private qe japin mesim ne gjuhen ceke dhe kushtojne 2-3 mije euro ne vit (pa provim hyres), si dhe universitete ne gjuhen angleze te cilat kushtojne nga 5 mije Euro e me shume.
Rruget qe mund te ndiqni per te arritur te studioni ne shkollat e Rep. Ceke jane disa.
E para eshte nepermjet qendres UJOP e cila pergatit studentet e huaj me gjuhen ceke si dhe i profilizon ata per provimet hyrese ne universitete te ndryshme. Kursi 1 vjecar kushton rreth 4000 euro. Rruga e dyte eshte te rregjistrohesh ne nje kurs gjuhe qe kushton shume here me pak dhe per profilizimin te pergatitesh vete .
Rruga e trete eshte te rregjistrohesh direkt ne Universitete ku mesimi sherbehet ne gjuhen angleze.
Kohet e fundit studentet shqipetare kane formuar nje organizate te quajtur Lidhja Studentore Shqipetare ne Rep. Ceke, si dhe kane faqen e tyre te intrnetit www.lssh.cz ose www.bsnp.netfirms.com ne kete faqe mund te merrni me shume informacione, ose mund te kontaktoni me studentet qe jetojne ne Ceki.