Mbahen zgjedhjet e para demokratike në Irak

[Albo]

Presidenti amerikan dhe ai irakian kundër shtyrjes së datës së zgjedhjeve në Irak

AP

Presidenti Bush zhvilloi sot takime të nivelit të lartë për Irakun, me presidentin e përkohshëm të Irakut Ghazi al-Yawar dhe Mbretin Abdullah të Jordanisë në Shtëpinë e Bardhë, ku të dy udhëheqësit u zotuan se zgjedhjet në Irak do të zhvillohen më 30 janar, sipas planit.
Zoti Yawar tha se zgjedhjet do të jenë arritja e parë pas çlirimit të Irakut. Ai shtoi se shumica e irakianëve presin me padurim të hedhin votën e tyre në mënyrë demokratike për herë të parë pas 45 vjetësh. Presidenti Bush tha se dëshira e popullit irakian për të votuar është jashëzakonisht e madhe dhe ajo e mbizotëron kapacitetin e terroristëve.

Mesazhi i Presidentit Bush ishte i njëjti gjatë takimeve: zgjedhjet e përgjithshme në Irak duhet të mbahen në datën e parashikuar, pavarësisht nga intensifikimi i dhunës.

“Unë besoj se është e nevojshme që populli i Irakut të votojë më 30 janar, sepse kjo u jep njerëzve mundësinë të thonë fjalën e tyre në procesin demokratik”, tha Presidenti.

Duke folur vetëm disa orë pas një sulmi terrorist në konsullatën amerikane në Jeddah të Arabisë Saudite, zoti Bush theksoi se Shtetet e Bashkuara nuk do të frikësohen. Ai tha se Amerika do të vazhdojë të përkrahë përpjekjet për të vendosur demokracinë në rajon dhe shtoi se një shoqëri e lirë në Irak do të ishte një humbje e madhe për terrorizmin.

Presidenti i përkohshëm i Irakut i cilësoi kryengritësit “ushtri të errësirës”. Ghazi al-Yawar tha se populli i Irakut është i vendosur që të ecë përpara.

“Fitorja nuk është vetëm një mundësi, ajo është një fakt. Ajo ekziston dhe ne jemi të angazhuar. Ne i kemi të gjitha mundësitë të fitojmë”, tha zoti Anwar.

Ndërsa Shtetet e Bashkuara e kanë rritur numrin e trupave në Irak nga 138 mijë në 150 mijë, presidenti i përkohshëm i Irakut e quajti këtë veprim një hap të nevojshëm në mënyrë që zgjedhjet të mbahen sipas parashikimeve.

Edhe Mbreti Abdullah i Jordanisë u takua me Presidentin Bush në Shtëpinë e Bardhë për të diskutuar mbi Irakun. Bisedimet u përqendruan gjithashtu në procesin e paqes në Lindjen e Mesme dhe perspektivat e zgjedhjeve të ardhshme palestineze.

[^TIRONA^]

Vertet me pelqejne tema qe kane te bejne me ngjarjet qe po vijne dhe ceshtje madhore sic eshte kjo e votimeve ne IRAK.
Votimi ne Irak do ishte nje fitore per kualicionin dhe nje shpetim i popullit Irakian. Deri tashi proceduart po kalojne shume mire (flas nga lajmet qe shof ne TV). Dhe mendoj qe zgjedhjet do realizohen ne daten e caktuar me 30 Janar.

Alby

[leci]

Qe nga ora 7 e mengjesit kane filluar votimet e shumepritura ne Irak.
Ne nje klime terrori irakenet po shkruajne nje faqe te re ne historine tyre.
Megjithe masat e marra per te siguruar qetesine e votimeve mbi 8 atentate nga ana e terroristeve dhe rejistrohen mbi 22 te vdekur.
6 persona te vdekur ne rastin e nje "kamikaz" qe priste ne rradhe per te votuar.
Ministri i pare Iyad Allawi fton irakenet te marrin ne dore te ardhmen e tyre dhe te sfidojne terroristet,me voten.
Ky eshte nje moment historik per Irakun-shtoi ministri-nje dite qe irakenet te mbajne koken lart dhe te fillojne te shkruajne per nje te ardhme demokratike.
Sulme ndaj votuesve jane regjistruar edhe ne qytetet e tjera si Bassora,Mosul,Baquba e Hilla.
Grupet terroriste te udhehequr nga Al Zarqawi kane betuar qe do te bombardojne qendrat e votimeve dhe dote vrasin kushdo shkon te votoje.
Ky eshte lajmerimim i fundit per te krishteret,ebrejt,dhe mercenaret qe punojne per Ameriken dhe Allawi-lexohet ne nje deklarim te Al Zarqawi.
Votimet do te mbyllen ne oren 17.

[Albo]

Irakianët sfidojnë rrezikun, votojnë në zgjedhjet e para të lira që prej gjysmë shekulli

Dërgoja këtë tekst një miku Variant i lehtë për tu shtypur

Një numër i madh irakinësh kurajozë nuk i përfillën kërcënimet e kryengritësve dhe shkuan sot për të hedhur votën e tyre - zgjedhjet e para të lira të vendit në rreth 50 vjet.

Qendrat e votimit u mbyllën në orën tre pasdite, por zyrtarët e zgjedhjeve thanë se edhe njerëzit që rrinin në radhët e gjata para mbylljes së kutive të votimit, patën rastin të votojnë.

Megjithë frikën për dhunën, shumë irakianë kishin marrë me vete fëmijët e tyre në qendrat e votimeve, për të qenë dëshmitarë të votimeve historike.

Në disa lagje në Irakun verior dhe atë jugor, atmosfera ishte festive dhe irakianët shprehnin gëzimin e tyre gjatë votimit. Kryeministri i Përkohshëm Iyad Allawi, që votoi në Zonën e Gjelbërt nën masa të rrepta sigurie, tha se zgjedhjet janë fillimi i një epoke të re në Irak.

Masat e sigurisë ishin të jashtëzakonshme me rastin e zgjedhjeve. Mbrojtjen e qendrave të votimit, e kishin marrë përsipër ushtria irakiane, Roja Kombëtare dhe forcat e policisë.

Por, megjithë masata e rrepta të sigurisë, Ministria e Brendshme tha se sot u vranë 30 civilë dhe 6 policë, shumica në sulme vetëvrasëse me bombë.

Në një mesazh në internet, grupi i udhëhequr nga terroristi i kërkuar Abu Musa al-Zarqawi, mori përgjegjësinë për shtatë nga sulmet. Më tepër se 5 mijë qendra votimi u hapën për votimet, ku morën pjesë 14 milionë irakianë të ligjshëm për të votuar.

[Albo]

Presidenti Bush përshëndeti zgjedhjet në Irak


Presidenti Bush i përshëndeti zgjedhjet në Irak, si një ”sukses i bujshëm”, duke thënë se populli irakian tregoi përkushtimin ndaj demokracisë.

Duke folur sot në Shtëpinë e Bardhë, Presidenti Bush tha se pjesëmarrja e irakianëve në votime ishte e madhe, edhe pse rreziku për të votuar ishte i madh në mbarë vendin.

Ai tha se votuesit e sfiduan kërcënimin e dhunës dhe nuk pranuan të përqafojnë, atë që ai e quajti ideologji anti-demokratike e terroristëve.

Presidenti tha se tani bota po dëgjon zërin e lirisë nga qendra e Lindjes së Mesme.

Presidenti shtoi se qendrat e votimit mbroheshin nga rreth 100 mijë forca irakiane të sigurisë, të cilat kryenin operacione ndaj grupeve terroriste gjatë votimeve.

Presidenti gjithashtu u zotua se Shtetet e Bashkuara do të vazhdojnë të stërvisin forcat irakiane të sigurisë për të luftuar terrorizmin dhe për të mbrojtur demokracinë në rritje të Irakut.

[Albo]

Pjesëmarrje e mirë në votime

Irakianët po votojnë në zgjedhjet e para kombëtare që nga rrëzimi i Sadam Huseinit.

Komisoni elektoral tha se pjesëmarrja ishte më e madhe nga ç'pritej. Në shifrat e dhëna në orën 1400 thuhej se pjesëmarrja në votime ishte 72%.

Autoritete të komisonit zgjedhor në Irak kanë bërë të ditur se plani i sigurisë për zgjedhjet kishte qenë i suksesshëm.

Një oficer i komisionit zgjedhor tha:

"Mund t'u jap tani lajmin e mirë. Lajmi është se liria ka fituar. Ne kemi fituar mbi terrorizmin. Deri në ora 2 pasdite, numri i votuesve në gjithë provincat e Irakut ishte 72%."

Sulme të kryengritësve

Në orët e para të votimit në kryeqytetin Bagdad janë dëgjuar disa shpërthime të mëdha.

Një shpërthim tek një qendër votimi në Qytetin Sadr, në Bagdad ka vrarë tre persona dhe plagosur disa të tjerë.

Në Bagdadin perëndimor një sulmues vetvrasës ka goditur një qendër votimi duke vrarë një polic.

Ndaj ndërtesave qeveritare janë bërë disa sulme me mortaja.

Shpërthime janë dëgjuar edhe në qytetin e Bakubas dhe Mosul, si dhe është sulmuar një qendër votimi në qytetin jugor të Basras.

Thirrje për votim

Presidenti kalimtar, Ghazi al-Yawar, e hodhi votën e tij vetëm disa minuta pas fillimit të votimit në një qendër votimi në Zonën Gjelbër, një zonë e fortifikuar mirë në qendër të Bagdadit.

Ai u bëri thirrje bashkëpatriotëve të tij të mos heqin dorë nga e drejta e tyre edhe përballë kërcënimeve nga militantët.

"Thellë në zemrën time e ndjej se irakianët i meritojnë zgjedhjet e lira," tha presidenti kalimtar irakian pasi hodhi votën e tij.

"Ky do të jetë hapi ynë i parë drejt bashkimit me botën e lirë dhe fillimin e një demokracie për të cilën irakianët do të jenë krenarë," tha ai.

Korrespondenti i BBC-së në qytetin jugor irakian të Basras thotë se në një qendër votimi ku ai ndodhej kishte radhë të gjata votuesish që prisnin të hidhnin votën e tyre.

Kjo është situata në Basra dhe në disa qytete të tjera jugore me shumicë shiite.

Por në qytetin me shumicë sunite Samara, në veri të Bagdadit, janë hapur vetëm dy qendra votimi dhe deri në këto moment nuk ka dalë të votojë asnjë votues.

Kreu i këshillit vendor, Tana Hussein, tha se asnjë qytetar nuk do të votonte për shkak të situtës së sigurisë.

[Albo]

Eshte kenaqesi e jashtezakonshme te deshmosh ne ekrane televizionesh se si nje prej popujve me te shtrydhur dhe te sakatosur ne bote, doli ne votime per te vendosur per te ardhmen e tij, duke sfiduar ne kete menyre te gjithe ata qe mundohen te ndalin Irakun nga rruga e lirise dhe demokracise. Ajo qe ndodhi sot ne Irak, ishte nje moment akoma me i rendesishem ne historine e ketij populli, se sa rrezimi i bustit te Sadamit apo kapja e tij. Pas gati 2 vjetesh, irakianet hodhen hapin e pare te tyre ne rrugen e re te nisur te demokracise. Kete hap e hodhen vete, pa ndihmen e askujt, edhe pse mbi kokat e tyre rendonit kercenimet e atyre qe presin koka njerezisht, hedhin veten ne ere duke marre jete njerezish te pafajshem dhe kercenojne me vrasje te gjithe ata qe guxojne te dalin te votojne ne votime. Me pjesmarrjen e tyre ne mase ne votime, pavaresisht nga rezultati, irakianet deshmuan se tirania dhe Sadam Husein i perkasin tashme te shkuares, pasi duke filluar qe sot Iraku ka celur nje epoke te re ne historine e tij.

Zgjedhjet ne Irak ishin madheshtore per popullin irakian qe per here te pare shijoi kenaqesine e lirise se tyre. Miliona irakiane shijuan sot lirine e zgjedhjes me vote te se ardhmes se tyre: krijimin e nje ansambleje kushtetuese qe do te hedhi themelet e shtetit te pare demokratik ne mbare boten arabe, me perpilimin e nje kushtetute demokratike qe do te garantoje me ligj keto liri dhe keto te drejta qe jane fituar dhe po mbrohen me nje kosto kaq te madhe jo vetem nga irakianet, por edhe nga forcat aleate.

Dita e sotme ka qene madheshtore edhe per ata mijra ushtare te huaj ne Irak qe jane atje ne nje mision: mbeshtetjen e popullit irakian ne ndertimin e nje shteti demokratik. Ne qofte se deri dje ne emer te Irakut flisnin grupet terroriste qe numerohen me gishtat e nje dore, sot ne Irak u degjua zeri i nje shumice te heshtur qe e vrau heshtjen, e shkeli edhe friken dhe e permbushi me nder pergjegjesine e nje shtetasi demokratik. Tashme nuk ka asnje iluzion as ne mendjen e ushtareve amerikane dhe as ne mendjen e administrates amerikane ne Washington, qe liria nuk eshte luksi i pakices, por eshte dhurata e Zotit mbi cdo njeri ne kete bote. Te gjithe popujt, te gjitha rracat, pavaresisht nga besimet e tyre, e kerkojne dhe vleresojne lirine njesoj.

Zgjedhjet e sotme ne Irak, nuk ka se si te kenaqin syte apo mendjet e atyre qe u pelqen te flasin ne emer te Irakut, u pelqen te mbajne gjalle paragjykime e epokes koloniste, ku rracat, popujt, qyteterimet e asaj pjese te botes jane inferiore nga pjesa tjeter e botes, dhe nuk mund te vleresojne apo ndertojne dot nje shoqeri demokratike. Nje shuplake e madhe ne fytyren e ketyre njerezve erdhi sot nga Iraku, duke u deshmuar se irakianet e vleresojne lirine dhe demokracine njesoj si francezet, gjermanet apo belget. Sic dine te votojne evropianet, dine te votojne edhe irakianet me nje entuziazem te papermbajtshem, pa marre fare parasysh se nje vote mund tu kushtonte edhe jeten. Qe sot e tutje, askush nuk mund te guxoje te flasi me ne emer te Irakut, pasi Irakianet e thane fjalen e tyre, zeri i tyre u degjua nga mbare bota.

Zgjedhjet jane historike jo vetem per Irakun por per gjithe boten arabe. Sot irakianet jane pare duke votuar te qeshur e te gezuar nga miliona arabe ne gadishullin arabik. Ne syte e tyre do te gjesh dashamiresine qe me ne fund edhe ky popull i vuajtur do te jete i lire, por edhe ziline, pasi vete keta arabe vazhdojne te jetojne nen diktatin e tiraneve, qe edhe pse mund te mos jene aq te eger sa Sadam Husein, perseri ngelen tirane. Iraku beri sot histori ne boten arabe duke qene populli i pare arab qe mban zgjedhje te lira dhe demokratike ne histori! Le te shpresojme se shembullin e irakianeve ta ndjekin edhe sirianet, edhe egjiptianet, edhe sauditet, edhe jemenasit, edhe jordanezet, edhe iranianet. Le te sherbeje Iraku si deshmi konkrete per te kuptuar qe tirania prodhon vetem urrejtje dhe produkti i urrejtjes eshte shkaterrimi. Kurse liria e pastron qiellin dhe i hap te gjitha horizontet duke u dhene nje mundesi njerezve qe te ndertojne nje jete me te mire per vete dhe per femijet e tyre.

Sot ishte dita qe gjithe bota heshti, pasi fjalen e kish populli irakian. Dhe te gjithe popujt e kesaj bote kane sec te mesojne nga zelli, vendosmeria dhe ngadhenjimi i popullit irakian ne kete dite te shenuar. Historia u shkruajt sot para syve te gjithe botes.

Albo

[antares]

Kjo ishte nje farse edhe me komike se ajo e Afganistanit.
Kesaj here kandidatet dhe qendrat e votimit ishin sekrete!
Pra mund te quhet votimi i pare sekret ne histori i monitorizuar nga shtetet fqinje!

[Kryeplaku]

Edhe mua me beri pershtypje fluksi i madh i Irakieneve ne keto votime. Mesa duket populli irakien, ata qe nuk munden te luftojne me kallasha e bomba, vendosi qe te luftoje me voten e tij. Me kete vote i tha "jo" kthimit te sistemit te Sadamit por nga ana tjeter duket se ky popull mezi po pret krijimin e nje qeverije te re e cila do jet nje nga hapat e para qe do shtyjne pushtuesit qe te shporren nga ai vend.

Shpresojme qe me ne fund populli irakien te fitoje lirine e tij (te zhduken pushtuesit - te na kthehen edhe pushtuesit shqiptare ne atdhe para se te hajne kokat atje- dhe pastaj te behen votime te reja qe te lirohet Iraku edhe nga qeverija "kuisling")!

[Hyllien]

Vetem 60% e Irakeneve kane marre pjese ne votime, dhe ajo 40% nuk jane grate apo pleqte apo ata qe nuk paten mundesi te marrin pjese pasi ne zonat ku jane Shi'te pjesemarrja ishte mbi 95 % por ata qe nuk moren pejse jane Sunnit. Shi'te e paten te qarte qe do ti fitojen keto zgjedhje (kane dhe mbeshtetjen e SHBA-se deh te Iranit) keshtu qe moren pjese ne zgjedhje te nxitur edhe nga deshira dhe siguria per pushtet si dhe nga vendimet(fetwa) e mara nga udheheqesit e tyre fetare te cilet jane pro pjesemarrjes ne zgjedhje. Me te verte qe Irakenet jane te lire nga diktatura e Saddamit, por nen pushtetin e Amerikes, nuk e di se cila prej tyre eshte me e preferuar prej Irakeneve po te marrim parasysh sulmet e shumta ndaj forcave Amerikane atje. Le te shpresojme (se mos na mbetet gje tjeter) qe Irakenet te jene perseri te lire, si nga presioni i diktatoreve ashtu edhe prej pushtimit te te huajve.