Treguesi i ri i Lirisë së Shtypit: Shqipëria 107 nga 194

[Dr Rieux]

Freedom House ka publikuar raportin e ri per lirine e shtypit si dhe nje tregues rendites per 194 vende. Shqiperia futet ne shtresen e vendeve me shtyp "pjeserisht e lire" me nje koeficient 51. Treguesit nga 0 ne 31 konsiderohen me shtyp "te lire", 32-60 si "pjeserisht i lire" dhe 61+ me shtyp "jo te lire". Nder problemet e shtypit ne Shqiperi permenden

• gjyqet e Nanos ndaj Lesit dhe Bazes
• faktin qe televizioni shteteror eshte ne dispozicion te qeverise dhe kontrolli i PS-se mbi keshillin e RTSH
• gazetaret ne pergjithesi nuk i afrohen dot problemeve qe kane te bejne me Nano ose PS-ne
• ne pergjithesi mediat pasqyrohen si te anuara nga pozita ose opozita dhe jo si te pavarura
• mospranimi i News24 ne aktivitetet e PD-se
• rritja e lidhjeve te shtypit me bizneset dhe politiken
• per shkak te qarkullimit te ulet te shtypit, gazeten jane shume te varura ndaj reklamave ndaj kompanive shteterore (mbi 60% e te ardhurave nga reklamat)
• qeveria subvencionon dhe favorizon me kontrata te ndryshme mediat me pak kritike
• perpjekjet e qeverise per te luftuar evazionin fiskal jane shnderruar ne mjet per te luftuar mediat kundershtare

Raportin origjinal dhe renditjen e gjeni ne faqen e Freedom House.
raporti: http://www.freedomhouse.org/research...ey/pfs2005.pdf
treguesi: http://www.freedomhouse.org/research...lscore2005.pdf

[Pride]

RD


PD denoncon kthimin e TVSH në megafon personal të Fatos Nanos

Zheji, para drejtësisë për abuzimet

Partia Demokratike i ka kërkuar Drejtorit të Përgjithshëm, Artur Zheji, që të ndërpresë transmetimet e njëanshme në favor të kandidatëve të Partisë Socialiste, duke e paralajmëruar se për shkelje të ligjit do të përgjigjet para drejtësisë.

Shkak për këtë reagim të zëdhënësit të PD-së, Edi Paloka, është transmetimi i një emisioni special nga TVSH për kandidatin e PS-së në zonën nr.99 të Sarandës, Fatos Nano. Ky është denoncimi i dytë i bërë nga PD brenda një jave, kundër drejtorit të RTSH-së. Siç tha Paloka, "herën e fundit që kemi komunikuar bashkë, unë, si zëdhënës i Partisë Demokratike, denoncova Drejtorin e Përgjithshëm të RTSH, njeriun që i zhgjyer në afera korrupsioni dhe në bixhoz me Fatos Nanon vazhdon ta trajtojë televizionin publik, sikur të jetë pronë e tij apo e Xhoanës dhe Fatosit". Sot, tha Paloka "jam prapë për të denoncuar Drejtorin e Përgjithshëm të Televizionit publik, i cili, me paratë që paguajnë qytetarët shqiptarë, futet nëpër kazino me Fatos Nanon dhe përgatiten të nesërmen kronika speciale për kryetarin e PS-së".

"Kush e ka ndjekur, nga ata që e ndjekin ende TVSH, ka parë që dje në të gjithë emisionet e lajmeve është bërë një speciale me kandidatin e PS në Sarandë, Fatos Nano. Ky është një abuzim që Arturi i zhgjyer bën me TVSH, duke e përdorur atë sikur të jetë prona e tij dhe e Fatos Nanos".

Ne si PD, tha në vijim Paloka, "duke denoncuar këtë fakt, bëjmë të qartë se kjo tregon vetëm frikë dhe panik". Siç tha ai, "Fatos Nano, që është kryeministër dhe kryetar i PS-së, i cili mendon se ka dalë në një zonë të sigurt, edhe pasi ka rregulluar zonën, duke përdorur Arturin e zhgjyer për të bërë speciale për të, tregon se vetëm i sigurt për fitore nuk është, për fitoren e tij personale se nuk mund të flasim për atë të PS".

I pyetur nëse këtë çështje do ta ringrenin në Komisionin e Medias, Paloka tha se kjo gjë është trajtuar disa herë me radhë. Siç tha ai, "në Komisionin e Medias është diskutuar disa herë para fillimit të fushatës elektorale çështja e drejtorit. Ai është i denoncuar në Prokurori edhe nga Kontrolli i Lartë i Shtetit për abuzime skandaloze në TV publik. Kjo çështje është ngritur disa herë nga anëtarë të Këshillit Drejtues të RTV, që nuk janë përfaqësues të PD-së, por në atë këshill ka vendosur diktati i Nanos. Përderisa anëtarë të Këshillit Drejtues të RTV dalin kandidatë të PS-së, merreni me mend se sa i pavarur është ky këshill". Paloka u shpreh në vazhdim se "kjo çështje është ngritur, e kemi paralajmëruar Zhejin se kjo që po bën është shkelje ligjore dhe për këtë përgjigjen të gjithë. Sot, drejtësia kontrollohet prej tyre, por nesër do të përgjigjet".

Pyetjes se a është Zheji i detyruar me ligj të kompensojë kandidatin e PD-së, Paloka iu përgjigj duke thënë se "unë nuk mendoj se Arturi nuk e njeh ligjin, por e thyen me vetëdije ligjin dhe do të ndëshkohet".



KQZ dhe KKRT firmosin për mbulimin e skandaleve të Artur Zhejit

Lalaj - Celibashi, marrëveshje fasadë

Kryetari i Këshillit Kombëtar të Radio-Televizioneve, Halil Lalaj, dhe kreu aktual i Komisionit Qendror të Zgjedhjeve, Ilirian Celibashi, nënshkruan dje një marrëveshje për monitorimin e përbashkët të kohës televizive të mediave elektronike në dispozicion të partive politike gjatë fushatës elektorale për zgjedhjet e 3 korrikut.

Kjo marrëveshje fasadë, e nënshkruar me pompozitet në prani të mediave, më shumë se sa ligjore është një kontratë pazaresh të dy shërbyesve të zellshëm të Fatos Nanos, për t'iu imponuar radio-televizioneve publike kohë të mjaftueshme për pasqyrimin e fushatës elektorale të Partisë Socialiste dhe të qeveritarëve të saj të korruptuar.

Lalaj dhe Celibashi, në vend të një shou mediatik si ai i djeshmi në KQZ, duhet të përgjigjen për mbrojtjen që i bëjnë drejtorit të diskretituar të Radio-Televizionit publik Shqiptar, Artur Zheji, që e ka kthyer institucionin që drejton në zëdhënës të flaktë të PS e qeverisë së tij.

Kreu i KKRT që mbajti të mbyllur për afro dy muaj "Shijak TV", me urdhër të Fatos Nanos, në vend që të nënshkruajë marrëveshje fasadë me Celibashin, le të përgjigjet për shndërrimin e institucionit të tij në mburojë të korrupsionit galopant të Artur Zhejit apo dhe për qëndrimin abuziv të tij me paratë e taksapaguesve shqiptarë, si në rastin e transmetimit të drejtpërdrejtë nga RTSH të të famshmit kongres elektoral të Partisë Socialiste.

H.R





---
Subvencione nga shteti për bujqësinë dhe turizmin

Komiteti i Orientimit të Politikave ka prezantuar platformën e Partisë Demokratike për "Zhvillimin e sektorit privat dhe kreditimin e ekonomisë". Platforma e përgatitur nga ekspertët e PD-së ka si qëllim të forcojë ekonominë shqiptare në përmasa të larta. Ekspertët më të njohur të ekonomisë kanë vënë re se nivelet e kreditimit janë tepër të ulëta dhe se përmes platformës së përgatitur do të synohet reformimi i disa sektorëve publikë, që do të krijojnë kushte të reja për rritjen e rolit të sektorit bankar, si kusht i domosdoshëm për forcimin e sipërmarrjes private. Disa nga masat e propozuara dje në kuadër të kësaj pakete kanë si objektiv garantimin e konkurrencës së barabartë në treg, duke luftuar monopolet, përmes fuqizimit të institucioneve të kontrollit dhe mbikqyrjes së tregut, fuqizimit dhe rritjes së rolit të Autoritetit të Konkurrencës, reformave në administratën doganore dhe tatimore. Paketa synon edhe ngritjen e institucioneve për të shtuar kreditimin, si krijimi i bankës për kreditim të bujqësisë, zhvillimit rural, si dhe mbështetja dhe vënia në funksionim e Zyrës së Informacionit të Kredive. Me konsolidimin e të ardhurave buxhetore do të ofrohen subvencione shtetërore, kryesisht për bujqësinë dhe turizmin, pjesërisht ose krejtësisht. Do të ofrohen gjithashtu hua shtetërore dhe/ose bashkiake. Do të synohet gjithashtu nxitja e financimit të ekonomisë, duke mbështetur në periudhë afatshkurtër shtimin e kreditimit nga sektori bankar dhe duke përgatitur kushtet që në periudhë më afatgjatë, të zhvillohet në tërësi sektori financiar në vend me institucionet dhe tregjet.

Për këtë do të punohet bashkarisht me institucionet financiare private ndërkombëtare dhe autoritetet mbikqyrëse e rregullatore. Platforma ka si qëllim gjithashtu zhvillimin e infrastrukturës institucionale mbështetëse për sektorin e eksporteve, që do t'i shërbejë veçanërisht fuqizimit të institucioneve të çertifikimit, kontrollit të cilësisë dhe standarteve, etj. Paketa fiskale e propozuar synon të realizojë rimbursimin e menjëhershëm të TVSH-së për firmat e eksportit dhe lehtësimin me 20% të tatimit të korporatës, për firmat që punojnë për eksport. Platforma ka si objektiv riorganizimin e institucioneve që lidhen me promovimin e tregtisë dhe investimeve, rishikimin e strategjisë së ndërmarrjeve të vogla dhe të mesme, si dhe lehtësimin për krijimin e bizneseve. Për këtë të fundit do të synohet krijimi i një sistemi "one stop shop", sipas eksperiencave më të mira të zbatuara edhe në vende të tjera të rajonit për regjistrimin e bizneseve. Synohet të realizohet gjithashtu edhe garantimi i furnizimit të pandërprerë me energji elektrike të firmave, si një çështje prioritare e ndikimit në konkurrueshmërinë e produkteve. Platforma do të ketë si objektiv edhe zhvillimin e zonave industriale, që do të ofrojnë një infrastrukturë të përqëndruar fizike për operatorët ekono-mikë. Do të vlerësohet gjithashtu mundësia e përdorimit të inkubatorëve të biznesit, për të mbështetur sektorët e teknologjisë së informacionit dhe zhvillimin e bizneseve në zonat rurale.






KQZ dhe KKRT firmosin për mbulimin e skandaleve të Artur Zhejit

Lalaj - Celibashi, marrëveshje fasadë

Kryetari i Këshillit Kombëtar të Radio-Televizioneve, Halil Lalaj, dhe kreu aktual i Komisionit Qendror të Zgjedhjeve, Ilirian Celibashi, nënshkruan dje një marrëveshje për monitorimin e përbashkët të kohës televizive të mediave elektronike në dispozicion të partive politike gjatë fushatës elektorale për zgjedhjet e 3 korrikut.

Kjo marrëveshje fasadë, e nënshkruar me pompozitet në prani të mediave, më shumë se sa ligjore është një kontratë pazaresh të dy shërbyesve të zellshëm të Fatos Nanos, për t'iu imponuar radio-televizioneve publike kohë të mjaftueshme për pasqyrimin e fushatës elektorale të Partisë Socialiste dhe të qeveritarëve të saj të korruptuar.

Lalaj dhe Celibashi, në vend të një shou mediatik si ai i djeshmi në KQZ, duhet të përgjigjen për mbrojtjen që i bëjnë drejtorit të diskretituar të Radio-Televizionit publik Shqiptar, Artur Zheji, që e ka kthyer institucionin që drejton në zëdhënës të flaktë të PS e qeverisë së tij.

Kreu i KKRT që mbajti të mbyllur për afro dy muaj "Shijak TV", me urdhër të Fatos Nanos, në vend që të nënshkruajë marrëveshje fasadë me Celibashin, le të përgjigjet për shndërrimin e institucionit të tij në mburojë të korrupsionit galopant të Artur Zhejit apo dhe për qëndrimin abuziv të tij me paratë e taksapaguesve shqiptarë, si në rastin e transmetimit të drejtpërdrejtë nga RTSH të të famshmit kongres elektoral të Partisë Socialiste.

H.R