Vdes pas lindjes se djalit 4 kg!!

[Shpirt Njeriu]

POGRADEC- Ka ardhur menjëherë nga emigrimi në Greqi pasi ka mësuar lajmin se pas tre vajzave gruaja e tij ka lindur djalë, por e ka gjetur të vdekur bashkëshorten e tij. 38- vjeçarja Bedrie Avdullari, nga fshati Lin, ka gjetur vdekjen dy ditë më parë, disa orë pas lindjes së një djali me peshë 4 kg. Si pasojë e një hemorragjie të brendshme, ndonëse nën kujdesin e mjekëve dhe të nje ndërhyrjeje kirurgjikale, gruaja nuk ka mundur te shpëtojë nga vdekja duke lindur një djalë te mbarë me peshë 4 kg.
Ngjarja ka futur në dëshpërim të plotë të afërmit e gruas, nënë e katër fëmijëve, por është bërë dhe objekt i hetimeve të policisë së Pogradecit. Oficeri i policisë gjyqësore, Ilir Zhupa, tha dje për gazetën se sipas ekspertizës rezulton se shkak i vdekjes së nënës 38-vjeçare ka qenë një hemorragji e brendshme, që nuk ka qenë e mundur të ndalet nga mjekët pas lindjes.

Në shtëpinë e viktimës
Familja Avdullari banonte pranë xhamisë së fshatit, në një shtëpi buzë liqenit, në fshatin Lin, që ndodhet rreth 20 km larg qytetit të Pogradecit. Prej dy ditësh aty ka rënë zija. Tre vajzat e shtëpisë, më e madhja e të cilave 15 vjeç, u gëzuan shumë kur mësuan se nëna e tyre u lindi një vëlla dhe menjëherë kishin telefonuar babanë e tyre emigrant në Greqi. Kryefamiljari Astrit Avdullari ka ndërmarrë menjëherë udhëtimin drejt Shqipërisë, pa e ditur se katër orë pas lindjes, gruaja e tij kishte ndërruar jetë. Mësoi gjithçka kur mbërriti në oborrin e shtëpisë, teksa pa duke qarë tre vajzat e tij, Fabiolën 15 vjeç, Orestën 12 vjeç, dhe Ambrën 10 vjeç. Dje në dhomën e burrave qëndronte babai i Bedries, Vezir Alla, bashkëshorti i saj Astriti dhe shumë të afërm të tjerë. “S’dimë ç’të themi. U gëzuam që vajza lindi djalë dhe kur na thanë se i duhej gjak u nisëm urgjent nga Rrajca (vendlindja e Bedries). Të 6 vëllezërit e Bedries dhanë gjak, por ajo nuk mundi të shpëtojë”,- thotë babai i 38-vjeçares. Ndërsa Astriti përlotet dhe thotë “se e keqja s’ka fund”.

Mjekët
Mjeku gjinekolog, Refki Pere, i cili u kujdes për nënën 38-vjeçare gjatë lindjes, ishte i tronditur nga ngjarja që kishte ndodhur. “Ka dy ditë që nuk fle. Bëmë të pamundurën për ta shpëtuar”,- thotë mjeku Pere. Sipas tij, shkak ka qenë një hemorragji e brendshme që nuk pushonte. “Ne i dhamë gjak nënës dhe më pas e futëm dhe në operacion, duke i hequr dhe mitrën, por shpëtimi i jetës së saj ishte i pamundur”,- shpjegon mjeku. Sipas tij, fëmija lindi në peshë shumë të madhe. Po ashtu dhe mosha 38- vjeçare e Bedries …Këto kanë ndikuar në hemorragji. Ne bëmë të pamundurën; përsërit mjeku Refki Pere.

[someone22-99]

Ngushellimet E Mia Familjes Avdullari

[shkodrane82]

Mjekesia le shume per te deshiruar atje, gjynah. Por dhe qe e ka pase rrisk deri
aty te shkoje udhetimi i saj ne kete jete.. Ngushellime.

[Nico11]

Ngushellime familjes,kurse vogelushit shendet.