Kongresi i demokratëve: "Koha për ndryshim"

[Albo]

Pyetjet që nuk i bëhen sot Sali Berishës

Nga Mero Baze

Kritikët veteranë të Sali Berishës i kanë pasur gati pyetjet, që do t’ia bënin sot atij, nëse disa gjëra nuk do të ndryshonin shpejt dhe befasisht kohët e fundit. Para çdo Kongresi, prej vitit 1992, atij i është kujtuar se nuk pranon disidentët brenda partisë. Si ilustrim është marrë Pashkoja, Imami, Zogaj, etj. Pyetja tjetër e gatshme ishte se ka flakur tej bashkëpunëtorët e tij në qeveri. Me këtë rast i është kujtuar Ruli, Uka, etj. Pyetje më të reja kanë pasur të bëjnë me armiqësitë e reja, të krijuara brenda PD-së pas vitit 1997 dhe sidomos me ikjen një ditë para Kongresit nga gara të Genc Pollos, në vitin 1999. Dhe kryepyetja retorike që përpiqej të krijonte alibi, ishte se PD nuk ka platforma dhe njerëz për të qeverisur. Tashmë që KOP ka promovuar disa pjesë të platformës së qeverisjes dhe ka bërë publike disa figura shpresëdhënëse për qeverisje, kjo pyetje është rralluar. Por, në të vërtetë, janë rralluar ose zhdukur nga qarkullimi të gjitha këto pyetje. Sot që Berisha çel një Kongres, ku demonstron bashkimin e së djathtës dhe shpresat për rikthimin në pushtet, kritikët kanë ngritur si pyetje dhe pikëpyetje traditën e vjetër të PD. Pyetjet që ngrihen tani janë; pse Sali Berisha ka kthyer Gramoz Pashkon, Preç Zogajn dhe Arben Imamin, pse ka ftuar të kandidojnë Genc Rulin dhe Rexhep Ukën, pse po bashkëpunon prapë me Genc Pollon dhe kundërshtarët e pas vitit 1997, dhe së fundi pse ka sjellë këta djemtë e rinj në PD, të cilët po u prishin punë të vjetërve. Të gjitha pyetjet e reja, natyrisht më parë kanë pasur përgjigje, por tani përgjigjet kanë rënë. Për më tepër, pyetësit nuk janë të paqartë, por janë thjesht të shqetësuar nga ndryshimi real i opozitës dhe Berishës. Nëse mbledh titujt e disa gazetave anti-Berishë të disa viteve më parë, kur ai çelte Kongresin, ka pasur plot helm dhe egërsi për kandidimin e tij, qoftë dhe me kandidatë formalë përballë. Mbaj mend se në vitin 1999, ditën e Kongresit, kur iku Genc Pollo, një ish- gazetë afër PD, hapej me titullin: “Berisha po përsërit 26 Majin”, ndërkohë që më 27 Maj ishte hapur me titullin “Komunistët ikën”… . Sot nuk ka më pyetje tradicionale për Sali Berishën. Ata që mendonin se kritikët e tij kanë qenë të shqetësuar për fatin e opozitës, tani që ajo është e bashkuar, janë kundër saj. Në vitin 1997, kjo kategori ishte ajo që thoshte se ishin pro PD dhe kundër Berishës. Tani kanë filluar të shfaqen me teorinë se janë pro Berishës, por kundër opozitës së bashkuar. Në të vërtetë kjo ka qenë dëshira e tyre e vjetër. Nuk kanë ndryshuar pyetjet, por janë shtuar pikëpyetjet që kanë ata nga frika reale se mos opozita vjen në pushtet.

[Llapi]

Shekulli dhe Gazeta Shqiptare: Kthimi i Berishes ne pushtet perben rrezik

Lajmi i ores 5:45 PM


TIRANE (25 Prill) -Dy gazetat me te medha dhe me autoritare ne vend, Gazeta Shekulli dhe Gazeta Shqiptare, e kane pare si rrezik te vertete kthimin e Berishes ne pushtet, si nje mundesi te cilit shqiptaret nuk duhet t'i besojne. Mjaft i ashper opinioni i analistit Mustafa Nano sot, ku ne nje titull kategorik shprehet se "Eshte koha per t'i thene jo Berishes. Berisha ben c'te doje me partine e opozites: kush kerkon te beje politike ose do te behet me Berishen, ose duhet te qepe gojen. Ne shkrimin e tij te sotem ne gazeten Shekulli, analisti Mustafa Nano shprehet se ndryshimi i vertete gjigand do te nise ne momentin qe Berisha do te largohet. Nderkohe nje tjeter analist, kete here ekonomik, Fatos Cocoli ka analizuar programin ekonomik dhe premtimet ne Gazeten Shqiptare. Sipas Cocolit fjala e kryetarit te PD-se ishte e mbushur me premtime te parealizuara. Premtimet e kreut te partise me te madhe te opozites si vendosja e linjes se internetit ne te gjithe shkollat e vendit, rritja e rroges se arsimtareve me 50%, sigurimi i energjise elektrike dhe uje te pijshem per 24 ore, ndertimi i shtepive per te pastrehe, mbajtja e administrates ende te fryre shteterore etj, kerkojne shuma te medha parash. Analisti Cocoli thekson me tej se ne cdo fraze te thene nga kreu i PD-se Berisha, permenden reforma. Sipas Cocolit "keto reforma per nje vend si Shqiperia jane t려himbshme, pse kane te bejne me humbjen e vendit te punes per nje pjese te administrates publike, ndersa kreu i PD-se premton mbajtjen e ketyre vendeve te punes dhe njekohesisht kryerjen e reformave". Analisti ekonomik vijon me tej mendimin e tij duke u shprehur se nje force politike qe e ka seriozisht deshiren per te punuar per rregullimin e mireqenies dhe uljen e papunesise se shqiptareve, duhet te tregohet me serioze dhe me me kembe ne toke kur u premton atyre. Dicka me shume rreth opinioneve te analisteve Mustafa Nano dhe Fatos Cocoli mund te lexoni ne gazetat e sotme "Shekulli" dhe "Gazeta shqiptare". em/em(/BalkanWeb)

[Brari]

Mu.tafa Nano vertet sheh rrezik tek ardhja e Berishes..ne Pushtet ( sikurse dhe Llapi i KEK-ut.. katundarise Enveriste Kosovare..) .

por rreziku i Mu.t-afes ska lidhje me rrezikun e Shqiperise..

mutafa trembet se..po erdh Berisha ne pushtet mund vihet ne krye te Shish shikut.. ndonje olldash.. e gjen te pa djegur ndonje fature ku tregohet se Mutafa e shume gazetare te tjere ne Shqiperi kan marrre Rroga si spiune ne Shish te Klosit..

po ashtu i trembet ardhjes se Berishes ne pushtet dhe PDk e Thaq Llap qose jakup Vesel Demaqit.. sepse mundet pa dashje ne krye te Shish shikut vihet ndonje njeri i ndershem.. e atdhetare.. e gjen aty ndonje fije pusulle ku shik shishi i tos nanos klosit e atyre prel bashkimave ne preshtine.. ku del se kan lidhje shiku xhavito-ist e taoso kloso-ist me shkaterrimet e shtetit ne 97-ten e me vrasjet e Azem hajdarit.. Ahmet Krasniqit e shum e shum atdhetareve te tjere..deri dhe me Marset e vjetshme e kto fushatat e sotme terror psiqiko tritol ..fishkellim stadium -hagave.. ne Kosove..

Prandaj mu.tafat e Shqiperise e Thaq Llapat e Kosoves do bejne te 999999 -tat te sabotojne Votimet qe ne pushtet te mbetet Partia Kanibale e Nano Klosave.. tutorja e kanibaleve te Qose Thaq jakupave..

qashtu..

Por kot tremben se.. nuk ka tek PD e Sali Berishes ashtu Burrash ..

Do presim ende per Shkemb graniti qe do tu thyej hundet tere krimineleve..

Me sa pashe.. asnje fjale ne Kongres te Pd.. se Berishes.. kunder terrorizmit enverist ne Kosove..

turp te kene..




qashtu..

[Brari]

moderator fshiji postimet e mija me siper e ler vetem kte..

Mu.tafa Nano vertet sheh rrezik tek ardhja e Berishes..ne Pushtet ( sikurse dhe Llapi i KEK-ut.. katundarise Enveriste Kosovare..) .

por rreziku i Mu.t-afes ska lidhje me rrezikun e Shqiperise..

mutafa trembet se..po erdh Berisha ne pushtet mund vihet ne krye te Shish shikut.. ndonje olldash.. e gjen te pa djegur ndonje fature ku tregohet se Mutafa e shume gazetare te tjere ne Shqiperi kan marrre Rroga si spiune ne Shish te Klosit..

po ashtu i trembet ardhjes se Berishes ne pushtet dhe PDk e Thaq Llap qose jakup Vesel Demaqit.. sepse mundet pa dashje ne krye te Shish shikut vihet ndonje njeri i ndershem.. e atdhetare.. e gjen aty ndonje fije pusulle ku shik shishi i tos nanos klosit e atyre prel bashkimave ne preshtine.. ku del se kan lidhje shiku xhavito-ist e taoso kloso-ist me shkaterrimet e shtetit ne 97-ten e me vrasjet e Azem hajdarit.. Ahmet Krasniqit e shum e shum atdhetareve te tjere..deri dhe me Marset e vjetshme e kto fushatat e sotme terror psiqiko tritol ..fishkellim stadium -hagave.. ne Kosove..

Prandaj mu.tafat e Shqiperise e Thaq Llapat e Kosoves do bejne te 999999 -tat te sabotojne Votimet qe ne pushtet te mbetet Partia Kanibale e Nano Klosave.. tutorja e kanibaleve te Qose Thaq jakupave..

Po ashtu dhe Ballkan VVebi kjo axhensi mafioze..trembet nga Sali Berisha..

qashtu..

Por kot tremben se.. nuk ka tek PD e Sali Berishes ashtu Burrash ..

Do presim ende per nje Shkemb graniti qe do tu thyej hundet tere krimineleve..

Me sa pashe.. asnje fjale ne Kongres te Pd.. se Berishes.. kunder terrorizmit enverist ne Kosove..

turp te kene..




qashtu..

[Llapi]

Brari Po si nuk shof rrezik nga ky person po erdhi ne pushtet.

A eshte ky person qe ishte ne pushtet kur ndodhi ajo qfar sduhej te ndodhte per jet me 1997, ku shqiptaret ndoshta sdo munden ti sheroin plaget edhe per disa shekuj.

A eshte ky person qe kur OKB-ja i vuri serbis embargon e kur serbija bente luft te ndyt ne bosnje ky e thej embargon e furnizoi kriminelin millosheviq dhe kriminelin arkan me arme e derivate.

A eshte ky person kur ne shtator 1998 kur kosova ndizet flak nga serbet ky e keqperdori vorrimin e te ndjerit A Hajdari dhe dha urdhnin per te marrshue drejt institucioneve per te ber puq .

A eshte ky person kur ishte ne pushtet qe e burgosi Heroin ton Zahir Pajazitin dhe kerkoi mioto ryshfet per ta lirue.

A eshte ky person qe gjat luftes qe u thvillue ne kosove ky u solli mjaft telashe luftarve te UÇK-se nese ata nuk i kan ble armet prej bandes se tij.

E shume e shume dobesi e gabime te ketij personi prandaj une shof rrezik per shqiptaret ne pergjithesi po qe ky person te vjen ne pushtet,vetem shpresoi se shqiptaret do te dine se kujt tia dhan besimin.

[Xhuxhumaku]

Anëtari i Këshillit Kombëtar ishte dje i vetmi zë kundër kryetarit Berisha në Kuvendin e PD-së

Uran Butka: Berisha jo më kryetar

“Berisha është shkëputur nga baza, nuk analizon kurrë gabimet, votimi pa kandidat nos sens”

N. Perndoj

TIRANË- Anëtari i Këshillit Kombëtar i PD-së, Uran Butka, ka qenë dje i vetmi zë kundër lidershipit demokrat që, sipas tij, duhet të ndryshojë, duke filluar nga kryetari demokrat Sali Berisha, sekretari i përgjithshëm, Ridvan Bode e të tjerë. Në një sallë pothuajse të boshatisur, në ditën e dytë të Kuvendit të 8-të të Partisë Demokratike, Butka ka kritikuar hapur votimin pa kandidaturë alternative për kryetarin e partisë. Kuvendin e kaluar Uran Butka ka qenë kandidatura e vetme përballë kryetarit demokrat Berisha për postin e kryetarit. “Mendoj se dalja me një kandidaturë për kryetar partie, pa kandidatura alternative, është një non sens, krahasuar me praktikën e zgjedhjeve të kryetarëve të strukturave të tjera, ku është vonuar për dy a më shumë kandidatura. Ka personalitete që mund ta konkurrojnë denjësisht Berishën. Mendimi se gjoja ata mund të humbasin prestigj duke humbur në garë, është fals”, - tha dje Butka. Më tej ai shtoi: “Justifikimi i kryetarit Berisha se nuk mund të ndërtojë kandidatë, nuk qëndron. Institucioni i kryetarit mund dhe duhet të inkurajojë këtë proces demokratik, por ai për asnjë çast se ka bërë këtë gjë, nuk ka krijuar një klimë optimale, madje e ka frenuar me heshtjen e tij”. Të tepërt dhe emocional, Butka ka cilësuar edhe fjalimin e Berishës dy ditë më parë, gjatë shpalosjes së programit politik të saj. “Deklarata “Unë jam Sali Berisha”, ngjante me një ditiramb për vete, në vend të një analize të gabimeve që gjithnjë ka munguar”, - tha ai. Butka rekomandoi se ndryshimi duhet të vijë fillimisht brenda vetes. “Degët e partisë, kryesia dhe Këshilli Kombëtar thuajse janë margjinalizuar. Ka një shkëputje të institucionit të kryetarit Berisha me bazën. Ai shkon atje për aktivitete publike, por jo për probleme dhe analiza pune. Analizën e gabimeve nuk e ka bërë kurrë. Kryesinë e mbledh për çështje thjesht teknike, Këshillin Kombëtar për miratime formale, pa votime e debate, siç ishte edhe mbledhja e pardjeshme dëgjimore e tij. Në të gjitha këto tri vite e gjysmë, të tëra kandidaturat e PD-së për institucionet e rëndësishme shtetërore, me ndonjë përjashtim të rrallë, i ka vendosur Berisha pa e pyetur fare kryesinë, që e ka detyrim statutor. Lista e deputetëve dhe lista e mazhoritarit kanë qenë dhe mbeten pronë e tij”,- tha Butka, duke shtuar se Berisha i konsideron zonat si “domenet e tij dhe shpërndan indulgjenca apo ndëshkon si një patriark”. “Në legjislaturën që ende jemi, ai bëri gabime të pafalshme, duke vendosur në listën e PD-së deputetë që u shitën për pesë grosh, apo të tjerë që nuk e kanë hapur gojën qoftë edhe një herë të vetme në Kuvend. Tendenca për t’i gjetur njeriut zonë të sigurt dhe jo zonës njeriun e sigurt është e gabuar’, - tha ai. Butka ka kundërshtuar gjithashtu edhe figurat e rikthyera në PD. “Edhe themeluesit e kthyer nuk e kanë tagrën dhe mbështetjen e duhur, sepse janë përthyer, madje dhe kompromentuar keq, disa prej tyre protagonistë të përmbysjes me dhunë të shtetit, ministra zv.ministra në qeverinë socialiste”,- tha ai. Pas përfundimit të fjalimit, delegatët e pranishëm në sallë thirrën: “Berisha, Berisha ….”.



25/04/2005
KATEGORIA: Politike

Shekulli

[Albo]

Në votimin e djeshëm nga 750 votues, 700 pro, 27 kundër, 14 abstenime dhe 9 të pavlefshme


Berisha rizgjidhet me 93% të votave


“Duhet t’i tregoni qytetarëve se kjo nuk është fitorja e PD-së, por është fitorja e të gjithëve”

N. Perndoj

TIRANË- Kryetari i Partisë Demokratike, Sali Berisha, është rikonfirmuar dje pa kandidaturë rivale për një mandat tjetër katërvjeçar. Kryetari demokrat Berisha ka fitur 93% të votave në Kuvendin e 8-të të Partisë Demokratike. Kanë qenë plot 834 delegatë, nga të cilët 750 iu nënshtruan votimit të djeshëm. Pas numërimit të votave, rezultoi se lideri demokrat Berisha kishte fituar plot 700 vota kundrejt 14 abstenimeve dhe 27 votave kundër. Ndërsa 9 vota kanë rezultuar të pavlefshme. Pas shpalljes së rezultatit të votimit, duke iu drejtuar delegatëve, Berisha theksoi se PD-së në rast fitoreje, do të udhëhiqet nga toleranca. “Që sot dhe deri ditën e zgjedhjeve, ju do të shkoni shtëpi më shtëpi të prezantoni platformën tonë të qeverisjes. Projektet e hartuara nga ne duhet t’ia tregoni me modesti çdo qytetari. Lini mënjanë akuzat. Sëmundja tashmë dihet. Duhet vetëm mjekimi. Nuk është momenti të konsumojmë kohë me akuza dhe denoncime. Ato tashmë janë thënë dhe janë përsëritur shumë herë. Duhet t’i bëni të qartë atyre se në qeverisjen tonë asgjë nuk do të ketë më të shenjtë se toleranca. Duhet t’i tregoni qytetarëve se kjo nuk është fitorja e PD-së, nuk është lavdi e askujt, por është fitorja e të gjithëve”,- tha Berisha. Sipas tij, në këto zgjedhje PD-ja ka marrë mbështetje të plotë dhe nga partitë anëtare të PPE-së.
Ndryshe nga vitet e kaluara, kësaj here Berisha kandidoi pa kandidaturë rivale. Pak kohë më parë në një nga konferencat për shtyp të selisë blu, ai u shpreh i hapur dhe i gatshëm që të kandidonte me cilindo. Por një kandidaturë rivale nuk pati. Dy ditë më parë, kryetari demokrat, Sali Berisha, krahas shpalosjes së programit politik të saj, si rrallë herë u ndal gjatë edhe në vetë figurën e tij. “Unë ftoj çdo qytetar shqiptar të më gjykojë mua nga ndjeshmëria ime, respekti, dashuria ndaj qytetarit. Ju më keni dëgjuar ndonjëherë të ngre zërin në Parlament, të bëhem i ashpër dhe të tregoj me gisht apo të vë ndonjë nofkë. Unë ju betohem se kurrë nuk e kam bërë për inatin personal, por vetëm e vetëm nga dhimbja, ndjeshmëria që kam ndaj varfërisë të pamerituar, që mbyll para syve tuaj dyert e së ardhmes”,- u shpreh Berisha dy ditë më parë. Kryetari demokrat bëri me dije gjithashtu se ai do të jetë kryeministri i ardhshëm i vendit, teksa shprehej se ai do të zbatonte vetëm ligjin. “Unë besoj se detyra supreme e kryeministrit dhe kabinetit të ardhshëm është të mbrojë qytetarët shqiptarë nga korrupsioni dhe me duart e pastërta sterile të kirurgut, forcën e drejtë të ligjit”, -është shprehur ndër të tjera ai, dy ditë më parë.

Në kuvendin e djeshëm morën pjesë 834 delegatë
750 iu nënshtruan votimit të djeshëm
700 vota pro rizgjedhjes së kryetarit demokrat Berisha
14 abstenime
27 vota kundër
9 vota të pavlefshme

[Albo]

Mbyll punimet Kuvendi i 8-të i demokratëve. Kundër kryetarit të opozitës votojnë vetëm 27 vetë

Berisha ribëhet kryetar me 700 vota

Ndryshon statuti: Tani anëtar partie që nga mosha 15-vjeçare

Eva GJura


Sali Berisha është rikonfirmuar për të pestën herë në krye të Partisë Demokratike.

Pas votimit të djeshëm të delegatëve të Kuvendit Kombëtar të PD-së, nga 750 delegatë, që kanë marrë pjesë, 700 kanë votuar pro Berishës, 27 vota kanë qenë kundër, 14 abstenime dhe 9 fletë votimi kanë dalë të pavlefshme. Ndërsa rezultatet për anëtarët e Këshillit Kombëtar pritet të dalin sot ose nesër pas numërimit që do t’u bëhet 300 emrave të kandidatëve nga të cilët do të fitojnë vetëm 100 prej tyre. Në listën e kandidatëve të Këshillit Kombëtar përveç emrave tradicionalë të saj ka pasur edhe mjaft propozime të reja. Ish-themeluesit e PD-së Pashko, Ruli, Imami e Zogaj, të cilët janë rikthyer pranë kësaj partie kanë qenë të renditur në listën e 300 kandidatëve për Këshillin Kombëtar, por vend në këtë listë kanë pasur edhe anëtarët e KOP-it, që janë anëtarësuar pranë kësaj partie, duke marrë teserën blu. Pas shpalljes së rezultatit, Berisha ka garantuar se do ta lexojë me modesti votën e të gjithë atyre që votuan kundër dhe abstenuan për të. “Fitorja jonë është e sigurt dhe asgjë nuk mund t’i mposhtë më demokratët shqiptarë. Ky tashmë është një fakt evident”, u shpreh ai.


Ndryshimet në statut

Kuvendi Kombëtar i PD-së në ditën e dytë të punimeve të tij, përveç zgjedhjes së kryetarit të PD-së dhe anëtarëve të rinj të Këshillit Kombëtar të kësaj force politike ka votuar edhe për ndryshimet në statut të paraqitura nga drejtuesit e PD-së. Ndryshimet e bëra në statut dhe të miratuara me shumicë votash, janë katër. Kuvendi i PD-së nuk do të votojë më për 85 anëtarë të Këshillit Kombëtar, por për 100 dhe pjesa tjetër kuptohet. 25 vetë futen automatikisht në Këshillin Kombëtar, të cilët janë ish-presidentët e Republikës, ish-kryeministrat, ish- kryeparlamentarët dhe ish-kryetarët e PD-së. Është futur parimi “Një anëtar, një votë”, ku PD-ja është bazuar në statutin e partisë së Shirakut në Francë. Këshilli Kombëtar do të mblidhet mbi dy herë në vit. Rrotacioni në parti do të bëhet çdo katër vjet, nga tre që është aktualisht dhe në parti mund të anëtarësohet çdo njeri që mbush moshën 15 vjeç.


Përshëndetjet

Në Kuvendin e tetë të PD-së, përveç përfaqësuesve të partive të djathta evropiane, të cilët kanë përshëndetur në ditën e parë të punimeve te tij, në ditën e dytë kanë qenë partitë e spektrit të djathtë shqiptar Mediu e Lesi, që kanë përshëndetur punimet e këtij Kuvendi. Por urime për Kuvendin, PD-ja ka marrë edhe nga partitë e djathta të Maqedonisë dhe Kosovës. Gjithashtu në Kuvend ka përshëndetur edhe ish-themeluesi i PD-së, Genc Ruli dhe anëtarët e KOP-it, Lulzim Basha dhe Ylli Pango.



Flet Stavros Papastavrous: Ndryshimin e vendosin shqiptarët
Sekretari i Nea Demokratia: Zgjedhje të ndershme, integrim në Evropë


Pse mendoni se PD-ja duhet t’i fitojë zgjedhjet në Shqipëri?

Ne jemi këtu për të mbështetur PD-në, si pjestarë të të njëjtës familje politike, të familjes së PPE-s dhe e mbështesim në fushatën e saj elektorale për zgjedhjet e ardhshme, që do të vijnë. Ne besojme, që axhenda e partisë së qendrës së djathtë është axhenda politike, që do të fitojë dhe që i adresohet në mënyrë më të suksesshme problemeve të shoqërisë së sotme në Evropë. PPE-ja është partia më e fortë politike në Parlamentin Evropian, mbas zgjedhjeve të korrikut të kaluar, e cila ka edhe përfaqësuesit më të mëdhenj në numër të qeverisë së Evropës së bashkuar.

Ju mendoni se ka ardhur koha për ndryshim në Shqipëri?

Kjo është një çështje, që vetë shqiptarët duhet ta vendosin. Ne shpresojme se në Shqipëri do të ketë zgjedhje të ndershme dhe transparente, sepse e gjithë kjo është shumë e rëndësishme për integrimin evropian të Shqipërisë. Kjo është identifikuar dhe është le të themi nga Komiteti Evropian në shtator të vitit 2004 dhe në prill të 2005-s, dhe çfarëdo që njerëzit të vendosin është shumë e rëndësishme që zgjedhjet të jenë të ndershme dhe transparente.

Si e vlerësoni realitetin e sotëm shqiptar?

Kam vetem një ditë këtu dhe nuk mund të them shumë gjëra, por një gjë do të doja ta theksoja për marrëdhëniet mes Shqipërisë dhe Greqisë: Duhet të evitojmë gabimet e së shkuarës, pra Shqipëria dhe Greqia duhet të kenë marrëdhënie të qëndrueshme dhe të mira, pavarsisht se cila parti është në qeveri.

Në hapje të fushatës elektorale në Gjirokastër, Nano ka kërcënuar me dëbim të emigrantëve shqiptarë nga Greqia në rast humbjeje. Cili është komenti juaj?

Unë nuk e kam dëgjuar një deklaratë të tillë, por edhe po ta kisha dëgjuar nuk do të bëja ndonjë koment, pasi nuk është detyra ime të bëj komente për deklarat e politikanëve të tjerë. Mendoj se njerëzit në Shqipëri duhet të prezantohen për programe të qarta, sesi do të zhvillohet vendi dhe sesi të rinjtë duhet të kenë mundësinë të shkollohen dhe të ecin përpara. Njerëzit duhet të vendosin se cila parti politike reflekton më mirë aspiratat e tyre për të ardhmen.


Entuziazëm

Sekretari i marrëdhënieve ndërkombëtare të Nea Demokratia, është shprehur se Kuvendi i PDSH-së i ka pëlqyer mjaft, pasi aty ka parë entuziazmin dhe dëshirën, që ka kjo forcë politike shqiptare për të fituar zgjedhjet.


Statuti

* Është miratuar parimi “Një anëtar një votë”, i cili do të zbatohet për zgjedhjen e strukturave të partisë
* Nga 85 anëtarë të Këshillit Kombëtar, të cilët zgjidheshin nga Kuvendi, tani ky i fundit ka të drejtë të zgjedhë 100
* Mandatet e anëtarëve të Kuvendit nga 3 bëhen 4-vjeçare, ndërsa ai i anëtarëve përfundon me mbarimin e mandatit përkatës
* Të gjithë ata që mbushin moshën 15 vjeç mund te bëhen anëtarë partie.

[Hyllien]

Berishes i mungojne 760 mln euro per realizimin e premtimeve

-Kryetari i PD ne Kuvendin e partise se tij beri nje sere premtimesh elektorale, te cilat sipas tij do te jene pjese te programit te qeverise se tij pas zgjedhjeve. Vetem per disa pika te vecanta te programit te tij, qeverise se ardhshme te Berishes, nese ai fiton zgjedhjet, do ti duhen plot 1.026 miliarde euro ne nje kohe kur mundesite e vendit per te gjetur te ardhura nga buxheti i shtetit apo donatoret e huaj, jane vetem 226 milione euro.Paketa e premtimeve te PD ne Kuvendin e saj te fundit nuk tregonte se ku do ti gjente parate qeveria e Berishes si kryeminister per te realizuar te gjitha premtimet e saj. Shumat qe do te shpenzohen duken se jane kolosale dhe nuk kane asnje argumentim se ku do te gjenden keto shuma te medha parash. Vetem per premtimet qe lidhen me ujin, arsimin, energjine, ish-te perndjekurit, strehimi dhe ndonje premtim tjeter kane nje mungese financimesh prej 760 milione eurosh. Kjo eshte vetem nje llogari i thjeshte e cila nuk mund te justifikohet me "luften kunder korrupsionit", "goditjen e monopoleve" apo "zhdukjen e evazionit fiskal". Keto terma propagandistiko-politike nuk sjellin kaq shume para. Premtimet populiste mund te realizohen deri ne nje pike por por te shikohet me hollesi ekonomike shifrat nuk dalin ashtu sic premtoi dy dite me pare kryetari i PD. Vetem per te realizuar futjen e internetit ne te gjitha shkollat, ashtu sic premtoi disa here gjate Kuvendit, Berisha, Albtelekom apo edhe investitoreve te tjere ju duhen plot 90 milione investimr ne nje kohe kur totali i fitimeve te Albtelekom qe mund te realizoje lidhjen eshte vetem 18 milione euro ne vit. Njekohesisht me kete Berisha premtoi rritjen 50 perqind te pagave te arsimtareve dhe dyfishimin e tyre. Premtimi i Berishes kushton plote 36 milione euro ne vit ndersa mundesia e buxhetit te shtetit eshte vetem 6 milione euro. Premtimet me te medha duket se jane uji dhe dritat. Berisha ne Kuvend tha per nje kohe te shkurter do te realizonte uje dhe drita 24 ore per te gjitha qytetet e vendit. Ne total ky premtim kushton 526 milione euro, sipas perllogaritjeve te peraferta. Ndersa ne te vertete mundesite e shtetit, perfshi edhe donatoret, kontratat, marreveshjet me te huajt eshte vetem 202 milione euro. Deshira per te realizuar kete premtim eshte e madhe por mundesia financiare dhe ajo kohore duket se nuk jane shume te argumentuara ne programin e PD. Keshtu vazhdohet me demshperblimin e te perndjekurve te cilet kane nje fature ekonomike te larte qe duhet te paguhet nga buxheti i shtetit, plot 125 milione euro. Strehimi i te pastreheve sipas programit te PD kushton 150 milione euro dhe mundesite e shtetit dhe donatoreve jane vetem per 18 milione euro. Ndersa premtojne 1.026 miliarde euro investime, PD i mungon ne llogari afersiasht nje shifer prej 760 milione euro. Shume e madhe per nje buxhet si ai i shtetit shqiptar. (Gazeta Shqiptare)

[rachi]

PD, ne ankth per Keshillin Kombetar
E Marte, 26 Prill 2005
Pas rizgjedhjes se Berishes si kryetar me mbi 93 % te votave, Partia Demokratike vijon numerimin e votave per zgjedhjen e 100 anetareve te Keshillit Kombetar. Uran Butka, opozitari i vetem i Kuvendit te demokrateve

Armando META

Gjithe vemendja e ish-drejtuesve me te larte te Partise Demokratike, deputeteve dhe nje pjese te mire te metonjesve per te kapercyer ne forumet vendimarrese te PD, tashme eshte perqendruar ne numerimin e votave per Keshillin Kombetar (KK) te demokrateve. Ky forum eshte institucioni me i larte vendimarres midis dy Kuvendeve. Votimi per KK eshte bere dy dite me pare ne Kuvendin Kombetar te PD, ne te cilin Sali Berisha u rizgjodh per te katerten here rradhazi me 93.3% te votave, si Kryetar i PD. Ne baze te statutit te PD, Kuvendi zgjedh edhe 100 anetaret e Keshillit Kombetar. Gara per ne kete forum eshte mjaft e forte, po te kihet parasysh se KK sherben edhe si trampoline per t'u zgjedhur ne Kryesine e PD-se, si dhe ne nivelet e sekretariateve dhe te nenkryetareve demokrat.

Pavaresisht nga fakti se KK i meparshem ishte pothuajse jashte loje, pasi vendimet u perqendruan ne menyre arbitrare dhe ne kundershtim me statutin e PD ne duart e Berishes, perseri perpjekjet per te hyre ne KK nuk jane teresisht te pavlefshme. Praktikisht, numeri i votave qe marrin anetaret e KK ne Kuvend, percakton edhe shkallen e ndikimit politik qe kane ne jeten organizative dhe strukturore te PD-se.

Por ajo qe ka bere se tepermi pershtypje ne kete Kuvend, ka qene shkalla minimale e oponences apo e shfaqjes se mendimit ndryshe, ne analizen e jetes politike dhe organizative te PD-se gjate ketyre kater viteve te fundit. Me perjashtim te anetarit te KK, Uran Butka, i cili mbajti nje fjalim teper kritik per menyren se si Berisha ka drejtuar PD-ne gjate ketyre viteve te fundit, asnje tjeter nuk pati guximin politik per te bere prezent ne Kuvend mendimet kritike ndaj mjaft hapave politik te hedhur nga Berisha, pavaresisht se korridoret e Pallatit te Kongreseve, pothuajse oshetimin nga pakenaqesite. Butka ka qene i vetmi ze kunder lidershipit demokrat qe, sipas tij, duhet te ndryshoje, duke filluar qe nga Berisha, Bode e te tjere. Sipas tij, dalja me nje kandidature per kryetar partie, pa kandidatura alternative, eshte nje non sens, krahasuar me praktiken e zgjedhjeve te kryetareve te strukturave te tjera, ku eshte vonuar per dy a me shume kandidatura. Por per ironi e cinizem, megjithese ai ishte i vetmi ze ndryshe ne Kuvend, u margjinalizua nga thirrjet e disa delegateve "Berisha, Berisha", pasi te tjeret kur degjuan kritikat e tij per kryetarin demokrat, renden te braktisnin sallen, per te mos qene te pranishem ne kete moment te vecante. Asnje Kuvend tjeter i PD nuk ka pasur fatin te perfaqesohet vetem me nje ze kritik, si ky i fundit, duke deshmuar ndoshta shkallen me te ulet te demokracise se brendshme ne PD.