Daçi dhe Kosumi: Në Kosovë ka filluar një luftë speciale

[RTP]

Në Kosovë ka filluar një luftë speciale, pohojnë Kryeparlamentari Daci dhe Kryeministri Kosumi

Prishtinë, 21 prill - Në Kosovë ka filluar një luftë speciale, ku është identifikuar edhe nëntoka kanë pohuar Kryeparlamentari Nexhat Daci dhe Kryeministri Bajram Kosumi. Ata kanë thënë se në sulmet e fundit dhe shpërthimet që po ndodhin në Kosovë është e implikuar edhe nëntoka, por janë shprehur të bindur se Kosova dhe bashkësia ndërkombëtare nuk do të luhaten në axhendën e përcaktuar për të ardhmen e Kosovës.
Zhvillimet e fundit Kryeparlamentari Daci i ka cilësuar si pjesë e një projekti kundër Kosovës, që i ngjan luftës speciale.
"Në Kosovë po fillon një pjesë e luftës së egër, e cila i përngjan luftës speciale në kohërat e luftës së ftohtë, që mund të jetë pjesë e demokracisë, por institucionet duhet t'i kryejnë me përgjegjësi punët e veta", ka thënë Daci.
Ndërkaq Kryeministri Bajram Kosumi tha se institucionet dhe qeveria të cilën ai e drejton janë më se të përkushtuara që Kosova të vazhdojë rrugën e plotësimit të standardeve dhe diskutimeve për statusin përfundimtar të Kosovës gjatë këtij viti. Sipas tij, zhvillimet e fundit ndikojnë negativisht në imazhin e Kosovës, ndikojnë negativisht në pozicionin e Kosovës në muajtë e ardhshëm. Kosumi thotë se kjo është njëfarë politike që buron prej nëntokës dhe qëllimin themelor e ka për ta lodhur popullin e Kosovës, për të bërë obstruksion në rrugën, në procesin e krijimit të shtetit të Kosovës, por kjo nuk do të ndodhë, sepse populli ynë ka investuar 100 vjet për arritjen e pavarësisë.

Daci e përjashtoi mundësinë që instalimet eventuale të gjendjes së përgjithshme të ndikojnë në koalicionin qeverisë ndërmjet LDK-së dhe AAK-së.

"Mundet vetëm Zoti të rrezikojë, sepse ky koalicion ka mjaft mend, ka kredibilitet dhe strategji për atë që është përcakutar", thotë Daci.

[RTP]

Shkruan: Xhafer SHATRI

1. Krahasimi që vret

Muajt e fundit në Beograd janë bërë përpjekje serioze për unifikimin e qëndrimit politik serb lidhur me të ardhmen e vendit; për qëndrimin ndaj Kosovës, në radhë të parë, dhe për fatin e Bashkësisë Shtetërore Serbi dhe Mali i Zi, në radhë të dytë. Më sa shihet, jo vetëm nga protokolli, ky qëndrim është kristalizuar dhe takimi i fundit i parisë serbe me Grupin e Kontaktit e dëshmon këtë: përballë mysafirëve qëndronin jo ndarazi si deri dje por bashkë: Maroviç, Tadiç, Koshtunica, Drashkoviç dhe Çoviç.
Edhe deklaratat e tyre, pas shumë kohësh, ishin unison, sepse çështja e kombit dominoi tekat e personaliteteve dhe grindjet partiake në Beograd.
Krejt e kundërta po ndodh në Prishtinë. Këtu është një çaprapikje e pashëmbullt: harrohet kaq shpejt dërgimi i kryeministrit të Kosovës në Hagë si rezultat i pazarllëqeve diplomatike, harrohet tentim atentati kundër kryetarit të Kosovës, e që të dyjat u bën me qëllim që t’i futet flaka Kosovës; lihen anash probleme madhore të vendit dhe personalitetet dominuese politike lëshohen në ndërskamca të ulëta të luftës për pushtet, ndërkohë që në muajt që vijnë ravijëzohet e ardhmja e vendit.
Më e keqja është se edhe ata pak personalitete prej të cilëve pritej një qëndrim burrështeti, po bëhen pjesë e kësaj loje, thënë më së buti, të rrezikshme dhe të ndyrë.

2. Sekretet publike për të cilat nuk flet askush

Me këdo që të bisedosh në Kosovë di të tregojë se partitë kryesore, LDK dhe PDK, i kanë shërbimet e veta sekrete, shikat dhe shikasit e vet (shërbimi informativ kombëtar apo i Kosovës!). Fjala është për struktura të organizuara anë e kënd Kosovës, në të cilat pa dyshim ka jo pak njerëz të ndershëm, që mashtrohen se po i shërbejnë vendit, por ka edhe jo pak të tjerë për të cilët dihet poashtu se janë banditë, që punojnë për dreqin e të birin, por më së shumti për Serbinë.
Këta shika prej themelimit të tyre e deri më sot kanë vepruar në mënyrë ilegale, pa pasur mandatin e askujt, e aq më pak të qytetarëve të Kosovës. Gjithë energjinë e tyre diabolike e kanë harxhuar në luftë kundër njëri-tjetrit, ndërkohë që shërbimet serbe kanë bërë dhe bëjnë në Kosovë çka ua do qejfi. Ka fakte se jo pak dosje që këta shika i kanë sajuar kundër kundërshtarëve të vetë, kanë përfunduar në duart e shërbimeve sekrete serbe. Pa folur për shërbimet e tjera të shumta që veprojnë krejt hapur në Kosovë.
Krahas luftës partiake shikat "tanë" janë marrë aktivisht me disiplinimin e biznesmenëve, për të siguruar edhe kështu financimin e aktivitetit të vet. Në këtë funksion, këto pyka, që janë pasqyra më e mirë e mjerimit tonë kolektiv, kontrollojnë edhe segmente të krimit të organizuar në Kosovë.
Duke pasur mbështetjen e subjekteve dhe personaliteteve kyçe të vendit, këto struktura ilegale antikombëtare, duke shfrytëzuar dosje e shantazhe, kanë disiplinuar jo vetëm politikanë, por edhe shumë gazetarë dhe bosë të mediave. Sepse nuk mund të shpjegosh ndryshe faktin se për ta nuk shkruan dhe nuk flet askush, edhe pse njëri prej tyre i ka zyrat përball Grandit ndërsa tjetri disa qindra metra më larg.
Ndërkaq raporti i fundit që PDK-ja i dorëzoi UNMIK-ut është vetëm maja e Aisbergut e një lufte sans merci që këta shika e bëjnë, jo kundër armiqve të Kosovës, por kundër njëri-tjetrit dhe bashkë kundër ne të gjithëve.
Të ashtuquajturit analistë që dominojnë gjithandej ekranet dhe faqet e gazetave tona, e që bëhen se ua ka hapur sytë denoncimi publik i PDK-së, me dosjet e shërbimit të saj sekret, dëshmojnë se janë të pamoralshëm, në radhë të parë, dhe njerëz me ndërgjegje të mbërthyer, në radhë të dytë.
Prandaj edhe s’është për t’u çuditur pse opinioni i Kosovës manipulohet kaq lehtë, sepse jo pak nga ata që sajojnë opinionin, janë njerëz që, veç të tjerëve, edhe shikat “tanë” ua kanë zënë bishtin me derë.


3. Kur përleshen qentë, bishat hedhin valle


Në kohën kur lufta e shikave partiakë të Kosovës mori përmasa të jashtëzakonshme ridoli në skenë shërbimi fantom "Sigurimi i Atdheut". Kjo sajesë e stisur dy vjet më parë nëpër "banhofet" e Zvicrës nga oficerë e kalemxhinj të dështuar, ka dërguar herë pas herë nëpër redaksi kumtesa gjoja në mbrojtje të LDK-së dhe të kryetarit të Kosovës. Askush nuk e ka marrë seriozisht këtë sajesë. Për më tepër LDK-ja dhe Zyra e z. Rugova kanë dalë me kumtesa që dënonin dhe distancoheshin prerazi nga dacibaot e "Sigurimit të Atdheut".
Mirëpo leximi i fjalëpërfjalshëm në lajmet kryesore të RTK-së i një kumtese të të ashtuquajturit "Sigurimi i Atdheut", më 12 prill tregon përmasat e mëdha e të rrezikshme që ka marrë lufta e nëntokës politike në Kosovë.
Kjo kumtesë kërkon pëgjigje në shumë pyetje:
- A mund ta kenë shkruar këtë kumtesë shërbimet serbe të zbulimit në mënyrë që ta shfrytëzojnë rastin dhe zjarrit të përçarjeve në Kosovë t’i japin dimension edhe më të madh?
- A mund ta kenë shkruar këtë kumtesë analistët e shikut të PDK-së, në funksion të mbështetjes së të dhënave që ia dorëzuan UNMIK-ut në formë të një dosjeje prej 150 faqesh me fotografi e skema plotësuese?
- A mund ta kenë shkruar analistët e shikut të LDK-së?
Përgjigja duhet kërkuar në një pyetje tjetër: kush përfiton nga kjo kumtesë?
Logjika më e thjeshtë thotë se, kësaj radhe, prapa "Sigurimit të Atdheut" qëndron ose kreu i PDK-së, ose shërbimet serbe, ose një klan i LDK-së që ka humbur luftën për pushtet, ose një i tretë në spektrin e imtë politik kosovar që mëton të përfitojë nga rrëmuja. Përndryshe strukturat e mirëfillta të LDK-së gjithsesi jo, sepse kjo do të ishte një vetëvrasje para ekranit televiziv.
Por kryepyetja duhet të jetë: Si i lejon vetës RTK-ja, që si institucion publik të lexojë kumtesa të dyshimta, të cilat hapin terren për qërim hesapesh në Kosovë?
Në këtë rast detyra elementare e çdo gazetari do të ishte të pyes zyrat e informacionit të institucioneve të Kosovës, zyrat e partive politike etj. Dhe vetëm atëherë të japë një informacion të ekuilibruar, profesional.
Mjerisht, ky shembull dëshmon se nëntoka politike po e bën ligjin edhe në mediat e Kosovës.

4. Lufta për ta rrëzuar qeverinë

Lufta e shërbimeve sekrete partiake në Kosovë nxjerr në pah krizën e thellë në partitë kryesore politike të vendit. LDK-në vazhdojnë ta trandin bërrylimet e brendshme të klaneve, që po reflektohet edhe në skandalin e fundit.
Ndërkaq PDK-ja pas humbjes radhazi të 4 zgjedhjeve përballet me krizë të identitetit. Në vend që të merret me shkaqet e këtyre humbjeve të thella kreu i saj është lëshuar në një luftë të rrezikshme politike për ta rrëzuar qeverinë me çdo kusht. Zatën dosja e famshme ka këtë qëllim dhe vetëm këtë qëllim.
Më të zhgënjyerit duhet të jenë ata që kanë pritur që PDK-ja të jetë një opozitë e mirëfilltë, që do të hapë debat për statusin, për decentralizimin, për privatizimin, për papunësinë, për reformat rrënjësore e aq të domosdoshme në të gjitha fushat në Kosovë, sidomos në arsim e shëndetësi. Mirëpo, PDK-ja po merret me veprime që nuk u takojnë shërbimeve sekrete partiake, por organeve të drejtësisë.
Sipas logjikës së kreut të PDK-së ne duhet të presim në ditët që vijnë dosjen e shërbimit rival, ku do të lexojmë gjëra edhe më të zeza se këto që kemi lexuar kësaj radhe.
Skandali i shërbimeve sekrete partiake dhe i dosjeve të tyre që dihen e që nuk dihen nxjerr në pah stërkeqjen kolektive të lëvizjes politike në Kosovë dhe kthimin e saj nga një lëvizje shtetformuese në një lëvizje shtetrrënuese.
Te ekzistenca e këtyre shërbimeve duhet të kërkojmë përgjigjen e vërtetë pse paria e Kosovës nuk ka kërkuar asnjëherë para ndërkombëtarëve themelimin e agjencisë kombëtare të zbulimit si organ i domosdoshëm për t’u përballur me sfidat e kohës: luftën kundër terrorizmit, luftën kundër krimit të organizuar, luftën kundër shërbimeve që punojnë natë e ditë për t’ia futur flakën Kosovës…
Vetë ky fakt tregon për mungesën e një qëndrimi shtetformues në partitë kryesore të Kosovës.
Sepse jo më shumë se para 5 muajsh Kosova ka pasur një "qeveri gjithëpërfshirëse", por ajo asnjëherë gjatë gjithë mandatit të saj nuk ka dalë me një projekt konkret për themelimin e shërbimit të zbulimit, pa të cilin është qesharake të mendosh se do të formosh ndonjëherë shtetin.
Eshtë për të adhur keq se këtyre praktikave të rrezikshme jo vetëm nuk po u dalin në udhë subjekte e personalitet të tjera në Kosovë, por, për më keq, ose po u fryjnë flakëve ose po i fërkojnë duart.
Kjo e bën perspektivën edhe më të errët, sepse dëshmon apatinë kolektive dhe mungesën krejt të dukshme të burrave të shtetit.

[deqanas]

tung RTP,

flm per kete postim te qelluar!
maturia dhe integjilenca e z. Daci - asgje e re, por sic shkruajte ti ne nje thread tjeter edhe mua ka nis me´m pelqy kryeministri i ri...

sa mir te befasohesh pozitivisht nga dikush

do benin mir te komunikonin edhe me shume me popullin qe ta mbajn situaten nen kontroll, se vertet po na kanoset nje rrezik i madh.

pershendetje

[RTP]

E vertet eshte kjo cfar konkludoi z.Daci.

Situata eshte goxha e koklavitne.
Armiku i Kosoves nuk fle,ai mundohet me shfrytezue cdo imtesine
cdo zbrazti e me shkaterrue gjithe luften e bere per pamvarsin e Kosoves.

Keshtu o Deqanas,
edhe pse ka zane me me pelqye B.Kosumi,prap e ndiej thelle
se mungon nje burre i madhe si Ramushi.

Nje shok me tha:"E kjo kurva qe kom votu per to, Vetoni, i gjun
tash bombe vetes me u ba ma p.. nane se Ram'qe.

Jemi ne prag te se vertetes...
andaj edhe kane zane me u shplue t`gjithe.


respekt
rtp

[deqanas]

kuku RTP,

edhe qasi shokve te kqi paske, a? ncncnc


po bej pak shaka se ka nis me ju sharru kungulli, hiq mos ta ndin.

fakt eshte qe kosumi e ka veshtir ta mbush shprastine qe la pas tajsoni, por ky duhet te jete vetem edhe nje motivacion me i madh per te punuar pa pushim dhe - fillimi nuk eshte edhe i keq, apo jo?

dita e mire shihet ne mengjes.

[ademur]

Në Kosovë ka filluar një luftë speciale, pohojnë Kryeparlamentari Daci dhe Kryeministri Kosumi

Prishtinë, 21 prill - Në Kosovë ka filluar një luftë speciale, ku është identifikuar edhe nëntoka kanë pohuar Kryeparlamentari Nexhat Daci dhe Kryeministri Bajram Kosumi. Ata kanë thënë se në sulmet e fundit dhe shpërthimet që po ndodhin në Kosovë është e implikuar edhe nëntoka, por janë shprehur të bindur se Kosova dhe bashkësia ndërkombëtare nuk do të luhaten në axhendën e përcaktuar për të ardhmen e Kosovës.
Zhvillimet e fundit Kryeparlamentari Daci i ka cilësuar si pjesë e një projekti kundër Kosovës, që i ngjan luftës speciale.
"Në Kosovë po fillon një pjesë e luftës së egër, e cila i përngjan luftës speciale në kohërat e luftës së ftohtë, që mund të jetë pjesë e demokracisë, por institucionet duhet t'i kryejnë me përgjegjësi punët e veta", ka thënë Daci.
Ndërkaq Kryeministri Bajram Kosumi tha se institucionet dhe qeveria të cilën ai e drejton janë më se të përkushtuara që Kosova të vazhdojë rrugën e plotësimit të standardeve dhe diskutimeve për statusin përfundimtar të Kosovës gjatë këtij viti. Sipas tij, zhvillimet e fundit ndikojnë negativisht në imazhin e Kosovës, ndikojnë negativisht në pozicionin e Kosovës në muajtë e ardhshëm. Kosumi thotë se kjo është njëfarë politike që buron prej nëntokës dhe qëllimin themelor e ka për ta lodhur popullin e Kosovës, për të bërë obstruksion në rrugën, në procesin e krijimit të shtetit të Kosovës, por kjo nuk do të ndodhë, sepse populli ynë ka investuar 100 vjet për arritjen e pavarësisë.

Daci e përjashtoi mundësinë që instalimet eventuale të gjendjes së përgjithshme të ndikojnë në koalicionin qeverisë ndërmjet LDK-së dhe AAK-së.

"Mundet vetëm Zoti të rrezikojë, sepse ky koalicion ka mjaft mend, ka kredibilitet dhe strategji për atë që është përcakutar", thotë Daci.

Luftë speciale nuk ka.Lufta fjithnjë është luftë,por metodat ndërrojnë! Nëse këta nuk janë në gjendje të merren edhe me këto metoda të reja të luftës, le të tërhiqen. Nëse po, le të vazhdojnë punën pa u ankuar në mjetet dhe metodat e reja që po përdorin armiqt kundër tyre dhe Kosovës! Ata janë zgjedhur nga populli për shkakun se mendohet se janë më të menqur se sa populli që i ka votuar,e jo se janë më të dobët!...
Mossuksesin e tyre ,politikanët nuk guxojnë ta arësyetojnë me ndërrimin e mjeteve dhe të metodave që dalin gjatë luftes politike nga kundërshtarët!

[Nice_Boy]

Po Shkrimi i jem?

[EveryWare]

Revista Java, Prishtinë

Shkruan: Bardhyl Metaj

Dosjet politike, gjithherë krijojnë, Dosje të reja...

Akuzat e PDK-ës dhe arsyetimet e Ramë Bujës

Bardhyl Metaj

Të gjitha vendet e ish Bllokut Socialist dhe vendet postdiktatoriale, kanë thyer shpatat për hapjen apo moshapjen e Dosjeve Politike. Përgjithësisht, dosjet trajtohen si të “pavlera”, duke pas parasysh autorët, qasjen dhe kriteret që ishin aplikuar për përpilimin e tyre. Më tepër shërbejnë si dëshmi inkriminuese për Sistemin dhe vartësit e tij. Të tilla janë edhe Dosjet politike të Serbisë, për shumë personalitete Kosovare, me një dallim. Serbia ende mundet, dhe ndoshta edhe shantazhon përmes tyre! Njëkohësisht, në Kosovë “po ngjajnë” Dosjet e reja Politike! Kush don, heton kend don!
Kështu të paktën shpalosej ky fenomen në Intervistën e Adriatik Kelmendit, në KTV, me Ramë Bujën, pas aferës së quajtur “Materiali i dërguar në UNMIK, nga PDK-ja” dhe fantomit “Sigurimi i Atdheut”. Nuk do të merremi këtu, me fajësinë apo pafajësinë, si dhe fatin e epilogun e protagonistëve të akuzuar rëndë, ngase akuzat tashmë janë objekt i policisë dhe organeve përkatëse, por po shqyrtojmë dilemat dhe rreziqet, të cilat i bartë me vete fakti i ekzistimit të konstrukteve paralele e parapolicore në Kosovë, në kuadër të ndonjë partie politike.
Gjatë Intervistës së përmendur, Ramë Buja, funksionarë i lartë i PDK-së dhe kandidat i saj për President të Kosovës, me një e vetëkënaqësi të jashtëzakonshme, dhe një entuziazëm të dukshëm, u humb në labirinttin e pyetjeve shumë logjike të Adriatik Kelmendit, dhe sikur të fliste një Kryeministër i intervistuar me rastin e një suksesi, të njërës nga Ministritë e tij, arsyetonte plotë gojë aktivitetet e ndërmarra në Parti, rreth përpilimit të disa dosjeve politiko-“policore”. “Çdo gjë, kishte rrjedhë pa dijen e iniciativën e Kryesisë së PDK-ës!”, si akt i “anëtarëve të devotshëm” dhe “veprimtarëve të vullnetit të mirë”, të cilët janë vetorganizuar dhe si aktivistë “të natyrës tjetër të informimit”, kishin survejuar, përgjuar, fotografuar dhe përcjellë: Presidencën, Ministrat dhe personalitete politike, aktivistë partiakë, por edhe të tjerë, të cilët për momentin nuk i dimë.
Ramë Buja tha edhe shumëçka në atë emision, por po veçoj edhe këtë: Kemi, shumë më shumë të dhëna, detaje dhe dëshmitarë...! Ne, tashmë dimë, se me emra dhe mbiemra, përmenden rreth 200 persona.
Natyrshëm, por edhe nga frika, i thahet pështyma çdonjërit dhe pyet: Po dosjet e tjera, kur do të hapen?
Ato për Gazetarë, Kryeredaktorë, Botues, Biznismenë e personalitete të tjera të papërshtatshme politike, apo një dreq e din çfarë?
A mund të garantojë kush në këtë mes se sa larg është shkuar dhe do të shkohet nga “anëtarët e devotshëm” në këtë veprimtari? Kush e kontrollon apo i ka frenat e këtij konstrukti organizativ?
Siç ngjanë me të gjitha konstruktet e ngjashme parashtetrore, edhe tek ky, të cilin na e përshkroi z. Ramë Buja, nuk dihet akoma e gjithë gama e veprimtarisë. Pyetjet thelbësore mbeten: Kundër kujt, për kend, ku dhe kur fillon veprimtaria e tillë ”politiko-policore”? Pastaj, deri në çfarë shkalle dhe kur mbaron kjo masë partiako - “policore”?
Me vendim të kujt, në Parti?! Të Kryesisë, Kryetarit, Kuvendit apo...?
E dimë, sepse është në natyrën e Dosjeve, të gjinden për shantazh dhe denime. Dihen edhe konsekuencat për një shoqëri, ku X organizma parashtetrorë bëjnë Dosjet për personalitete të ndryshme. Por, ta shtjellojmë pak fenomenin Devotshmëri?
Shembujt historikë na dëshmojnë se devotshmëritë njerëzore nuk kanë kufij. Dhe, se “të devotshmit” nuk kontrollohen gjatë, edhe nga vetë-vetja, e lëre më nga shefat, të cilët një kohë kanë kanalizuar energjitë e tyre! “Anëtarë të devotshëm” ka gjithandej, e jo vetëm në PDK, por edhe në LDK e AAK, Ora dhe LPK, LKÇK, etj, së këndejmi përfundimet që mund të nxjerrim mbi përleshjet “eventuale”, janë të zeza korb! Si realiteti ynë!
Por, duhet ta dinë të gjithë se Devotshmëria dhe Atdhedashuria nuk i sigurojnë askujt Licencë Ekskluzive për veprimtari ilegale apo edhe legale, ngase, si dukuri, nuk kanë gjithherë parashenjë Pozitive, në aspektin dhe dimension moral.
Devotshmëria, nuk është licencë dhe aq më pak përligj aktet apo veprimtaritë siq na e servon z Buja.
Mbetet edhe këtë herë pa përgjigje dilema, nëse janë deformimet partiake rezultat i mungesës së Kreativitetit të mirëfilltë politik, dhe në vend se të kanalizohen energjitë kreative për shtet, ato po prodhojnë “Dosje Politike” dhe, rrjedhimisht, edhe Sindromin e Vietnamit. Me një fjalë, po e lanë “Drejtësinë” në duar të Individëve!
Prandaj mbetet kërcnimi i kohës: Çfarë të bëjmë të gjithë ne, por edhe UNMIK-u dhe shteti ynë i brishtë, nëse këta individë - shumëllojesh e fatesh të ndryshme - marrin në dorë drejtësinë dhe, si të devotshëm e të vrullshëm që janë, nisin t’i ekzekutojnë viktimat? Që përkthyer do të thotë: në “emër të Kosovës”, palosin Kosovën përtoke!
Për të gjitha vrasjet politike në Kosovë, pa asnjë përjashtim, pa harruar edhe këtë të fundit, të Enver Haradinajt - dihet vetëm një gjë - se janë ekzekutime të Dosjeve të ndryshme politike. Të tjerat janë spekulime. Por, me to duhet të merret ekskluzivisht policia dhe shteti.
Partitë, Mediumet dhe Shoqëria civile, kanë detyra të tjera. Hapja dhe jo mbyllja e perspektivave për bashkëqytetarë dhe anëtarë të devotshëm, është detyrë e politikës. Dosjet politike, gjithherë kanë krijuar, Dosje të reja.

[dodoni]

Revista Java, Prishtinë

Shkruan: Bardhyl Metaj

Dosjet politike, gjithherë krijojnë, Dosje të reja...

Akuzat e PDK-ës dhe arsyetimet e Ramë Bujës

Bardhyl Metaj

Të gjitha vendet e ish Bllokut Socialist dhe vendet postdiktatoriale, kanë thyer shpatat për hapjen apo moshapjen e Dosjeve Politike. Përgjithësisht, dosjet trajtohen si të “pavlera”, duke pas parasysh autorët, qasjen dhe kriteret që ishin aplikuar për përpilimin e tyre. Më tepër shërbejnë si dëshmi inkriminuese për Sistemin dhe vartësit e tij. Të tilla janë edhe Dosjet politike të Serbisë, për shumë personalitete Kosovare, me një dallim. Serbia ende mundet, dhe ndoshta edhe shantazhon përmes tyre! Njëkohësisht, në Kosovë “po ngjajnë” Dosjet e reja Politike! Kush don, heton kend don!
Kështu të paktën shpalosej ky fenomen në Intervistën e Adriatik Kelmendit, në KTV, me Ramë Bujën, pas aferës së quajtur “Materiali i dërguar në UNMIK, nga PDK-ja” dhe fantomit “Sigurimi i Atdheut”. Nuk do të merremi këtu, me fajësinë apo pafajësinë, si dhe fatin e epilogun e protagonistëve të akuzuar rëndë, ngase akuzat tashmë janë objekt i policisë dhe organeve përkatëse, por po shqyrtojmë dilemat dhe rreziqet, të cilat i bartë me vete fakti i ekzistimit të konstrukteve paralele e parapolicore në Kosovë, në kuadër të ndonjë partie politike.
Gjatë Intervistës së përmendur, Ramë Buja, funksionarë i lartë i PDK-së dhe kandidat i saj për President të Kosovës, me një e vetëkënaqësi të jashtëzakonshme, dhe një entuziazëm të dukshëm, u humb në labirinttin e pyetjeve shumë logjike të Adriatik Kelmendit, dhe sikur të fliste një Kryeministër i intervistuar me rastin e një suksesi, të njërës nga Ministritë e tij, arsyetonte plotë gojë aktivitetet e ndërmarra në Parti, rreth përpilimit të disa dosjeve politiko-“policore”. “Çdo gjë, kishte rrjedhë pa dijen e iniciativën e Kryesisë së PDK-ës!”, si akt i “anëtarëve të devotshëm” dhe “veprimtarëve të vullnetit të mirë”, të cilët janë vetorganizuar dhe si aktivistë “të natyrës tjetër të informimit”, kishin survejuar, përgjuar, fotografuar dhe përcjellë: Presidencën, Ministrat dhe personalitete politike, aktivistë partiakë, por edhe të tjerë, të cilët për momentin nuk i dimë.
Ramë Buja tha edhe shumëçka në atë emision, por po veçoj edhe këtë: Kemi, shumë më shumë të dhëna, detaje dhe dëshmitarë...! Ne, tashmë dimë, se me emra dhe mbiemra, përmenden rreth 200 persona.
Natyrshëm, por edhe nga frika, i thahet pështyma çdonjërit dhe pyet: Po dosjet e tjera, kur do të hapen?
Ato për Gazetarë, Kryeredaktorë, Botues, Biznismenë e personalitete të tjera të papërshtatshme politike, apo një dreq e din çfarë?
A mund të garantojë kush në këtë mes se sa larg është shkuar dhe do të shkohet nga “anëtarët e devotshëm” në këtë veprimtari? Kush e kontrollon apo i ka frenat e këtij konstrukti organizativ?
Siç ngjanë me të gjitha konstruktet e ngjashme parashtetrore, edhe tek ky, të cilin na e përshkroi z. Ramë Buja, nuk dihet akoma e gjithë gama e veprimtarisë. Pyetjet thelbësore mbeten: Kundër kujt, për kend, ku dhe kur fillon veprimtaria e tillë ”politiko-policore”? Pastaj, deri në çfarë shkalle dhe kur mbaron kjo masë partiako - “policore”?
Me vendim të kujt, në Parti?! Të Kryesisë, Kryetarit, Kuvendit apo...?
E dimë, sepse është në natyrën e Dosjeve, të gjinden për shantazh dhe denime. Dihen edhe konsekuencat për një shoqëri, ku X organizma parashtetrorë bëjnë Dosjet për personalitete të ndryshme. Por, ta shtjellojmë pak fenomenin Devotshmëri?
Shembujt historikë na dëshmojnë se devotshmëritë njerëzore nuk kanë kufij. Dhe, se “të devotshmit” nuk kontrollohen gjatë, edhe nga vetë-vetja, e lëre më nga shefat, të cilët një kohë kanë kanalizuar energjitë e tyre! “Anëtarë të devotshëm” ka gjithandej, e jo vetëm në PDK, por edhe në LDK e AAK, Ora dhe LPK, LKÇK, etj, së këndejmi përfundimet që mund të nxjerrim mbi përleshjet “eventuale”, janë të zeza korb! Si realiteti ynë!
Por, duhet ta dinë të gjithë se Devotshmëria dhe Atdhedashuria nuk i sigurojnë askujt Licencë Ekskluzive për veprimtari ilegale apo edhe legale, ngase, si dukuri, nuk kanë gjithherë parashenjë Pozitive, në aspektin dhe dimension moral.
Devotshmëria, nuk është licencë dhe aq më pak përligj aktet apo veprimtaritë siq na e servon z Buja.
Mbetet edhe këtë herë pa përgjigje dilema, nëse janë deformimet partiake rezultat i mungesës së Kreativitetit të mirëfilltë politik, dhe në vend se të kanalizohen energjitë kreative për shtet, ato po prodhojnë “Dosje Politike” dhe, rrjedhimisht, edhe Sindromin e Vietnamit. Me një fjalë, po e lanë “Drejtësinë” në duar të Individëve!
Prandaj mbetet kërcnimi i kohës: Çfarë të bëjmë të gjithë ne, por edhe UNMIK-u dhe shteti ynë i brishtë, nëse këta individë - shumëllojesh e fatesh të ndryshme - marrin në dorë drejtësinë dhe, si të devotshëm e të vrullshëm që janë, nisin t’i ekzekutojnë viktimat? Që përkthyer do të thotë: në “emër të Kosovës”, palosin Kosovën përtoke!
Për të gjitha vrasjet politike në Kosovë, pa asnjë përjashtim, pa harruar edhe këtë të fundit, të Enver Haradinajt - dihet vetëm një gjë - se janë ekzekutime të Dosjeve të ndryshme politike. Të tjerat janë spekulime. Por, me to duhet të merret ekskluzivisht policia dhe shteti.
Partitë, Mediumet dhe Shoqëria civile, kanë detyra të tjera. Hapja dhe jo mbyllja e perspektivave për bashkëqytetarë dhe anëtarë të devotshëm, është detyrë e politikës. Dosjet politike, gjithherë kanë krijuar, Dosje të reja.

Shume analize e drejte kjo. Te gjitha vrasjet politike qe kane ndodhur deri me tani ne Kosove, jane ekzekutime te bera nga dosje te tilla politike.

PDK po akuzon LDK-ne per struktura te tilla sigurimi bazuar ne deshmite dhe te dhenat qe i ka siguruar, sic po e thote PDK-ja, Sigurimi i PDK-se!!!!!
A nuk ju duket absurde nje akuze e tille?

Une nuk di asnje shtet ne bote, ne te cilin, partite politike kane sigurime te tilla.

Nese duhet te kete sigurim (per qe gje jam me se i bindur se duhet), ai duhet te jete legal, i krijuar nga institucionet shteterore, dhe veprimtaria e tij duhet te jete e bazuar ne ligje qe i nxjerr Kuvendi atje, me pergjegjshmeri te plote qytetare dhe duke pasur ne epiqender te gjithe veprimtarise se tij, lirite dhe te drejtat themelore te njeriut.

Tung

[rudo]

...ku efekti i tritolit është më i ndjeshëm dhe më i dobishëm për serbët. Kalkulimi serb ishte shumë i qartë; më mirë është të vriten shqiptarët sesa serbët. Ndërsa ky terren që “gjoja” administrohet nga shqiptarët vazhdon të jetë në ujëra shumë të turbullta, ku madje pretendohet se paska edhe “shërbime inteligjente” shqipfolëse?! Tritoli dhe shpërthimet nuk janë zbuluar nga “shërbimet inteligjente”, sepse shërbime të tilla kryen edhe minatori, ndërmarrja e ndërtimit të rrugëve e madje edhe furrnaltat që ndërprejnë prodhimin.
Absurdi i gjithë këtij kaosi filloi që nga dita e formimit të koalicionit qeverisës LDK-AAK, për të cilën thuhej se i kishte ditët e numëruara. Dhe bomba nuk shpërtheu kur kryeministri i këtij koalcioni shkoi në Hagë, sepse ishte përgjegjësi e ndërkombëtarëve, por atë ditë kur gjeneralët serbë, përgjegjës për masakrat e Kosovës u liruan nga Gjykata e Hagës. Kështu kërcënimet e “shërbimeve inteligjente online” u bënë realitet.
Inteligjenca shqiptare
Pas kapitullimit të Serbisë në vitin 1999, kur pretendohej se Kosova ishte e lirë, në të vërshuan shërbimet të ndryshme inteligjente, që ishin në kërkim të trafikut të armëve nga më të ndryshmet, cigareve, pijeve alkoolike, qenieve njerëzore dhe drogës. Këto shërbime, ndërsa kërkonin trafiqe dhe trafikantë të tillë kishin për detyrë që për llogari të disa veprimtarive të “ruanin” edhe destabilitetin në Kosovë. Edhe pse u përfol shumë për këto shërbime inteligjente shqipfolëse, ato vërtetë mund të kenë struktura shqiptare, por në anën tjetër janë të shumta faktet që përgënjeshtrojnë ekzistencën e tyre si shërbime inteligjente.
E para, që nga viti 1912 asnjë strukturë inteligjente, shërbim inteligjent jo se jo, nuk është themeluar për ruajtjen dhe mbrojtjen e çështjes kombëtare shqiptare në Kosovë.
E dyta, si mund të shpjegohet veprimtaria e këtyre shërbimeve inteligjente shqiptare në Kosovën e pasluftës, kur nuk u shënua vrasja e as edhe një serbi të vetëm, që për hir të së vërtetës ka aq shumë keqbërës serbë, sa të gjitha shërbimet inteligjente të botës po të aktivizoheshin nuk do të mund t’i kapnin.
E treta, që është edhe më qesharakja, flitet për shërbim inteligjent të organizuar dhe financuar nga Lidhja Demokratike e Rugovës?! Në përfundim, gjithë këto shërbime inteligjente shqiptare si mund të organizojnë ndonjë aksion pikërisht në ditën kur po liroheshin nga Gjykata e Hagës të gjithë të akuzuarit për krime lufte në Kosovë. Vitin e kaluar Serbia festoi 200-vjetorin e krijimit të Shërbimit Inteligjent të Serbisë. Edhe pse kjo ishte shumë e hiperbolizuar dhe ndërlidhte tradhtitë me ekzistencën e shërbimeve inteligjente, zyrtarët e lartë kosovarë duhej të kishin shfletuar historinë e këtij shërbimi ose siç njihet në popull, UDB. Ndoshta nuk janë plot 200 vjet, por ky shërbim inteligjent e ka lënë Kosovën edhe 200 vjet prapa, duke bërë vetëm dy gabime në Kosovën e pasluftës: mospjesëmarrjen e serbëve në institucione dhe sulmin ndaj makinës së deputetit Ivanoviç. Nëse i bëhet një ekografi situatës në Kosovën e pasluftës del se pas vitit 1999, jo vetëm që nuk ka shërbime inteligjente shqiptare, por as shoqata të pederastëve inteligjentë, nga ekzistimi i të cilëve Kosova do të kishte dobi.
Kështu, këto “banda inteligjente shqiptare” jo vetëm që nuk arritën të vrasin asnjë keqbërës serb, por as edhe një trafikant që u pasurua pikërisht në kohën e pasluftës. Sikur të humbasësh një fundjavë në kufirin Kosovë-Serbi mund të takosh trafikantë serbë, jo me qerre kuajsh, por me maune që bëjnë tregti me “patriotët” shqiptarë. Ata nuk bëjnë asgjë të keqe, vetëm se mbajnë në këmbë ekonominë shqiptare që prej gjashtë vitesh nuk ka arritur të vendosë marrëdhënie ekonomike me asnjë vend të rajonit! Radha i vjen edhe humorit tragjikomik, ku në këtë botë paska edhe Shërbim Inteligjent të organizuar dhe financuar nga Lidhja Demokratike e Rugovës. Nuk mund të kuptohet se si mund të organizojë një shërbim inteligjent një njeri që ka frikë të shkojë vetëm edhe në banjo. Nëse asgjë tjetër, të paktën ky shërbim mund të bënte atë që bën Shërbimi Inteligjent shqipfolës i shtetit fqinj, Shqipërisë, që i mundëson lëvizje të lirshme kryeminstrit shqiptar, imagjinoni në gjithë territorin e Shqipërisë. Ndoshta këtu mund të asistojë ndonjë shërbim inteligjent i shtetit fqinj, por kjo është meritë e Fatos Nanos dhe jo e atij shërbimi inteligjent. Gjë të cilën do ta kishte bërë edhe Rugova sikur në rrethin e tij të ngushtë apo të gjerë të vërtitej edhe ndonjë individ inteligjent.
Dhe në fund fare, si mund të ndodhë një vrasje aq e bujshme, pikërisht në ditën kur po liroheshin gjeneralët dhe zyrtarët e lartë serbë, të akuzuar për krimet në tokën kosovare, ndërsa në Kosovë paska edhe shërbime inteligjente shqipfolëse. Ndoshta këto “banda inteligjente” e dijnë këtë informacion, por nuk është rastësi që gjeneralët Vlladimir Llazareviç dhe Dragolub Ojdaniç, ish-presidenti i Serbisë Millan Millutinoviç dhe zëvendëskryeministri jugosllav Nikolla Shainoviç u liruan në ditën kur u vra Enver Haradinaj, vëllai i ish-kryeministrit kosovar, Ramush Haradinaj. Nëse këto “banda inteligjente” shqiptare e njohin kaq mirë gjuhën e internetit, atëherë mund ta vërejnë se faktet më të pakontestueshme kundër këtyre personave i ka Natasha Kandiç nga Fondi Humanitar…dhe, besoj se nuk mund të jetë e pafalshme të djegësh shqiptarë në furrnalta dhe të rrish i qetë në Beograd, përderisa veprojnë shërbime të tilla inteligjente, dhe për çudi të të gjithëve edhe shqipfolëse. Ndërsa sulmi mbi partinë ORA nuk është alarm vetëm për institucionet kosovare dhe ndërkombëtarët, por edhe për këto “banda inteligjente”: institucionet kosovare dhe ndërkombëtarët duhet të ruajnë dhe respektojnë opozitën e Kosovës, sepse në asnjë mënyrë kritika nuk mund të jetë e dëmshme. Ndërkohë “bandat inteligjente”, qofshin ato të organizuara edhe nga shërbimi që ekziston prej 200 vjetësh, të heqin dorë nga këto veprime, sepse në Kosovë keqbërësit nuk mund të dënohen me vdekje, por askush nuk mund t’i garantojë ata se do të dalin domosdo para gjyqit?!


Agim Popoci
Gazeta Panorama