Francë:Në Lion të Francës u shënuan dy ngjarje të rëndësishme kulturore,nga A.Bislimi

[projekti21_dk]

Në mesin e shumë shkrimeve, në adresën e redaksisë sonë erdhi edhe shkrimi

” Shkolla shqipe në Lion të Francës themel i së ardhmes, libri i Nusret Pllanës dëshmi e terrorit dhe gjenocidit serb në Kosovë”, nga Arban Bislimi (Magjistër i shkencave politike).

Unë po e sjell edhe për Forumin Shqiptar.

[projekti21_dk]

Shkolla shqipe në Lion të Francës themel i së ardhmes, dhe
libri i Nusret Pllanës, "Dëshmi e terrorit dhe gjenocidit serb në Kosovë"


Në prag të njëvjetorit të themelimit të Shoqërisë "Bashkimi Shqiptar", që vepron në Lion (Lyon) të Francës, mërgata shqiptare organizoi dy veprimtari të rëndësishme për promovimin e kulturës dhe historisë shqiptare në Universitetin Ndërkombëtar Profesional të Lionit "René Cassin". Në pajtim me moton e shoqërisë: "Të njohim të kaluarën tonë, të punojmë për të ardhmën", ishte organizuar promovimi i librit të Nusret Pllanës, "Terrori i Serbisë pushtuese mbi shqiptarët 1844-1999" dhe vizita në shkollën shqipe e diplomatëve shqiptarë dhe e profesor Nusret Pllanës.


Ambasadat dhe personalitetet shqiptare bashkohen për të vizituar shkollën shqipe në Lion

Të shtunën, më 28 maj, në orën 10.00 të mëngjesit mbërritën në Universitetin Ndërkombëtar, ku është hapur shkolla dhe mësohet gjuha shqipe, Ambasadori i Shqipërisë, Ylljet Aliçka dhe atasheu i kulturës së Ambasadës shqiptare, Luiz Ejlli, si dhe konsujt e Ambasadës së Kosovës në Paris, Kadri Dakaj dhe Mustafë Avdiu. Në këtë veprimtari dhe vizitë ishte edhe profesori dhe luftëtari i lirisë, drejtori i Arkivit të Qeverisë së Kosovës, Nusret Pllana. Fatkeqësisht, mungonte ish-udhëheqësi i Shoqërisë famadhe "Fan Noli", që vepronte para lufte në Lion, Xhevat Bislimi, të cilit iu pamundësua udhëtimi.
Mbas vizitës, nxënësve të tri klasëve të shkollës shqipe, ku vijojnë mësimin e rregullt plotësues çdo të shtune 35 nxënës shqiptarë, diplomatët dhe Nusret Pllana morën pjesë në takimin me prindërit ku u bisedua rreth nevojave të bashksisë shqiptare me një theks të veçantë mbi shkollimin në gjuhën shqipe.

Takimin me bashkatdhetarët e hapi Ambasadori Ylljet Aliçka, i cili u befasua këndshëm me arritjet e mahnitshme të shkollës shqipe dhe vijimin e saj nga mërgimtarët e vegjël shqiptarë. "Të dashur bashkatdhetar, unë vërtetë jam jo vetëm i nderuar por, edhe i befasuar me atë që pashë", tha Ambasadori shqiptar. Ai tha se erdhi në Lion për të parë funksionimin e shkollës shqipe, duke e cilësuar arsimimin në gjuhën shqipe si "sfidën kryesore që ka çdo shqiptar në mërgatë" dhe kujtoi se "gjuha jonë është vlera dhe simboli themelor i identitetit shqiptar dhe i Shqipërisë. Me një tonë vërtetë plotë emocione, Ambasadori tha se "kur sheh se ka përpjekje të këtilla, që lindin nga dëshira dhe vullneti i lirë, që janë nisma kombëtare dhe bëhen me djersën, me vullnetin, me pasionin dhe dashamirësinë e secilit kjo është tepër prekëse".

Duke vënë theksin në rëndësinë e nismës që u mundësoi për këtë gjysmë vjetori fëmijëve të mësojnë (për herë të parë mbas lufte) gjuhën, historinë dhe letërsinë shqiptare, Ambasadori shqiptar tha se politika e nxitjes së shkollimit ka filluar të institucionalizohet dhe premtoi se do të bëjë maksimumin për të mbështetur shkollën shqipe me materiale dhe me të gjitha mundësitë që i jep funksioni. Ne u pajtuamë me Kryetarin e Shoqërisë, Labinot Bislimin, për një program formal që ta përkrahim këtë nismë pioniere në Francë. Ka disa përpjekje edhe në Itali por, megjithatë, shoh se ka një dallim në përmasa. Këto përpjekje dëshmojnë se identiteti dhe gjeni shqiptar nuk vdes kollaj, tha Ambasadori Ylljet Aliçka.
Konsulli i Ambassadës së Kosovës, Kadri Dakaj, përshëndeti të gjithë bashkatdhetarët shqiptarë, duke falënderuar Shoqërinë "Bashkimi Shqiptar" dhe theksoi kënaqësinë që dy ambasadat tona u bashkuan për të mbështetur këtë veprimtari duke i siguruar bashkatdhetarët për mbështetjen e Ambasadës së Kosovës.
Drejtori i Arkivit të Qeverisë së Kosovës, Profesor Nusret Pllana, përshëndeti ambasadorët duke falënderuar edhe Shoqërinë "Bashkimi Shqiptar", që mundësoi "që sot të krijohet një atmosferë kaq madhështore e një Shqipërie Natyrale, ashtu siç e ka falur Zoti", duke vënë theksin në rëndësin e veçantë që ka shkolla shqipe për të ardhmen tonë të përbashkët.


Promovimi i librit të Nusret Pllanës, "Terrori i Serbisë pushtuese mbi shqiptarët 1844-1999"

Ambasadori Ylljet Aliçka përshëndeti edhe publikimin dhe promovimin e librit të Profesorit Nusret Pllana. Ai tha se "ajo gjë që ka kërkuar edhe Shqipëria edhe Kosova në arenën ndërkombëtare s’ka qenë asgjë më shumë se sa të dali e vërteta, e cila shpesh herë është manipuluar. Vetëm kur doli e vërteta si në këtë libër u kuptua se çfarë ka ndodhur gjatë luftës në Kosovë".

Ai theksoi se promovimi i këtij realiteti të dhimbshëm bëhet "jo për të bërë propagandë artificiale, jo për të manipuluar, por thjesht për të thënë atë realitet që ka ndodhur mbasi duke thënë realitetin të gjithë jemi të bindur se e drejta ka qenë në anën e shqiptarëve... Duke dëshmuar me fakte atë që ka ndodhur dhe duke treguar se cila ishte e vërteta historike fiton vetë çështja shqiptare. Në këtë kuptim e përshëndes sinqerisht punën dhe kontributin e profesorit Pllana. është gjë e mirë që ky libër është bërë në disa gjuhë."
Ambasadori shqiptar kërkoi një kopje për vete, një kopje për ministrin e jashtëm francez, Alan Zhype dhe një kopje për Kadarenë, i cili përshëndet promovimin e këtij libri në Lion."
Nusret Pllana i dorëzoi Ambasadorit Ylljet Aliçka me respekt të veçantë vëllazëror një libër edhe për ish-ministrin e jashtëm francez, Bernard Koushner dhe një ekzemplar shkrimtarit dhe veteranit të njohur të Luftës së Dytë Botërore, Mark Dodanit. Profesor Nusret Pllana përshëndeti edhe njëherë Shoqërinë "Bashkimi Shqiptar", ambasadat tona dhe bashkatdhetarët e shumtë me thënien: "Ju fletë Kosova e lirë".

Promovimi i librit të Nusret Pllanës: "Terrori i Serbisë pushtuese mbi shqiptarët 1844-1999", ngjalli një interesim të madh edhe të dielën e 29 majit si te publiku shqiptar edhe te publiku francez. Promovimi udhëhiqej nga Arban Bislimi, në amfiteatrin e madh të Universitetit ndërkombëtar, i cili e nisi atë me një fjalë përshëndetëse, duke vënë theksin në vlerën e veçantë të dokumentarit "Pas 2000 vjet rrugëtim" të realizuar nga Nusret Pllana dhe vlerën e madhe të tij informative mbi luftën e drejtë të UÇK-së, mbi rolin e radios "Kosova e lirë" në luftë dhe mizoritë e pushtuesit serb.

Promovimi mbahej në kushte teknike shumë të përsosura ku ishte në dispozicion i tërë materiali audiovisual që mundësonte shkëmbimet e drejtpërdrejta me publikun fal mikrofonëve lëvizës, shfaqjen cilësore të dokumentarit dhe diaporamës së përgaditur për rastin. Pas shfaqjes së dokumentarit u mbajt një debat me publikun, i cili nuk e kurseu Nusret Pllanën me pyetje rreth luftës, kontributit të tij në radion "Kosova e lirë", etj. Z. Nusret Pllana mbasi dëshmoi mbi vështirësit e shumta për funksionimin e radios "Kosova e Lirë", kur ajo granatohej çdo ditë nga artileria madje edhe nga aviacioni serb vuri theksin në moralin e lart të ekipit të radios "Kosova e lirë", duke theksuar si dëshmi të këtij morali dhe vullneti të lart faktin se vetëm njëher ka ndodhur të jetë vonuar në emetimin e programit të saj të rregulltë.

Nusret Pllana dëshmoi para publikut shqiptar dhe francezë edhe për rolin e rëndësishëm dhe historik të radios "Kosova e lirë", e cila veproi në kushte të një lufte kaq të pabarabartë. Rolin e radios në ngritjen e moralit të ushtarëve të UÇK-së dhe popullatës u cilësua gjithashtu duke vërë edhe një theks të veçantë mbi rolin e saj në informimin dhe transmetimin e informacioneve të dorës së parë të gjitha agjencive ndërkombëtare të lajmeve mbi ngjarjet, luftimet, masakrat që bota të njoftohet mbi gjenocidin dhe luftën e pabarabartë që ndodhte në Kosovë.

Gérard Bodé, një Profesor i universitetit elitistë francez "shkolla normale superiore" (ENS) e Parisit, duke theksuar se kishte qenë shumë i mahnitur nga dokumentari dhe shfletimi i librit shtroi pyetjen: "Me qenë se dokumentari përfundon me një vizion optimist për një paqe të ardhshme a mund të imagjinohet se edhe përkundër historisë së gjatë të dhunës dhe gjenocidit ndaj shqiptarëve serbet dhe shqiptarët mund të lënë anash historinë dhe të bashkëpunojnë në të ardhmen brenda Bashkimit Evropian"?
Nusret Pllana u përgjigj se pikërisht këtë mesazh e ka ky dokumentar dhe libri, duke theksuar se populli ynë ka forcë morale që të ketë këtë gatishmëri por, megjithatë, klasa politike, populli shqiptar e ka një mesazh për njerëzit dhe vendet përparimtare. Mesazhi i veprave të mija dhe i yni në përgjithësi është që viktima dhe krimineli të mos barazohen kurrë! Gatishmëria e popullit shqiptar dhe klasës politike është e lart por, këtë gjë e presim edhe nga pala serbe. Ai theksoi se "ne nuk kërkojmë hakmarrje por presim që Evropa dhe bota demokratike të jen të drejtë deri në fund ndaj shqiptarëve".

Plaku i mirënjohur Sherif Basha (nga Berati) pyeti Nusret Pllanës se kur Kosova dhe Shqipëria do të hapin një muze mbi gjenocidin e ushtruar ndaj shqiptarëve, kur do ta kenë shqiptarët një memorial të tillë. Nusret Pllana u përgjigj se hapja e një muzeu dhe një memoriali është më se e nevojshme duke besuar se institucionët tona janë përditë e më shumë duke u ndërgjegjësuar rreth nevojës për komunikimin rreth luftës së Kosovës, viktimave të gjenocidit serb duke theksuar se edhe turneu promovues i librit tregon një interesim më të lartë edhe të institucioneve sikur promovimi i organizuar nga Shoqëria "Bashkimi Shqiptar" dhe prezenca masive tregon për ndërgjegjësimin edhe të popullit tonë gjithmon më të lartë.

Me gjithë interesimin e madh për të shtruar pyetje dhe vazhduar debatin u detyruam, mbas më se gjysëm ore, shkëmbim ta përmbyllim debatin. Arban Bislimi bëri një prezentim njëzet minutësh në gjuhën frenge me diaporamë ku shfaqeshin materiale dhe fakte të shumta të shkruara por edhe audiovizuale mbi gjenocidin ndaj shqiptarëve të Veriut në periudhën 1844-1999 dhe planët e shumta serbe për shfarosjën e shqiptarëve. Ai cilësoi lart kontributin e profesor Nusret Pllanës duke vu theksin edhe në rëndësinë e librit të tij për të "përjetuar" dhe kuptuar gjenocidin e ushtruar mbi Shqiptarët e Shqipërisë veri-lindore. Ai bëri një paralelizëm interesant me origjinën dhe historinë edhe të vet autorit duke theksuar se Ai është nga një familje muhaxhere e cila ka përjetuar këtë gjenocid që nga fillimi i periudhës të trajtuar në libër dhe ka mbajtur dhe marrur mbiemrin pikërisht nga fshati Pllanë, i cili si 650 tjerë u shua nga faqja e dheut në periudhën 1876/1878 në trojet e Toplicës dhe Sanxhakut të Nishit.

Në fjalimin e tij përshëndetës Nusret Pllana vlerësoj lart kontributin e të gjitha institucioneve të Kosovës në këtë promovim, duke falënderuar edhe Shoqërinë "Bashkimi Shqiptar" dhe ekipin e gjirimit "Bicephale Production", i cili kishte ardhur nga rrethina e Lozanës së Zvicrës vullnetarisht për të gjiruar këto dy ngjarje madhështore. Ai falënderoi qytetarët e shumtë që ishin prezent që kishin ardhur jo vetëm nga rrethina e Lionit por edhe nga Gjeneva, Friburgu, Lozana madje edhe nga Curihi për të marrë pjesë në promovim.
Veterani i luftës së dytë botërore Mark Dodani shprehu dëshirën e tij të flakët të përshëndes Profesor Nusret Pllanën për "veprën e tij lapidare, veprën e tij monumentale", të cilën ai e konsideroi "se e ardhmja e saj do të jetë mikroenciklopedia e Kombit tonë për rezistencë, për heroizëm dhe për fitore. Në të vërtetën historike Nusret Pllana qëndron si një piramidë e kuqe që nuk kapërcehet më nga armiqtë"

Këto dy ditë nuk ishin ditë bashkimi vetëm për shqiptarët rreth shkollës shqipe dhe promovimit të librit të Nusret Pllanës, por edhe dy ditë kur njerëzimi denoi edhe në Lion të Francës gjenocidin dhe barbarinë serbe mbi shqiptarët. Këto dy ditë nuk ishin vetëm ditë përkujtimi të dhimbjeve, vuajtjeve të shumta të shqiptarëve por, edhe bashkim i dy ambasadave tona në Francë.

Përshkrimin më të bukur të dy ngjarjeve të mëdha në Lion të Francës e ka bërë sigurisht Profesor Nusret Pllana, i cili falënderoi Shoqërinë "Bashkimi Shqiptar" që mundësoi "të krijohet sot në këtë atmosferë kaq madhështore një Shqipëri Natyrale ashtu siç e ka falur Zoti".

Arban Bislimi (Magjistër i shkencave politike)

[Endless]

.............

[Ziti]

nga eshte ky nusreti? po me duket si emer maroken

[projekti21_dk]

. .

fshijeni. eksperimenti doli i suksesshëm

[Xhenet.M.S.]