Arrestohen Shqipetaret, tutoret e 21 femrave!

[White_Angel]

Antiprostitucioni në Londër sekuestron 6 shtëpitë publike dhe kap
shokun e tyre

Shqiptarët, tutorë të 21 femrave
Angli, zbulohet rrjeti i 4 vëllezërve Demarku


Nga Londra Muhamed Veliu


ANGLI

Pas 90 ditë survejimi intensiv, policia londineze ka bërë të mundur
dje arrestimin e pjesëtarëve të një klani shqiptarësh që merrej me
trafikun dhe shfrytëzimin e femrave. Grupi shumë i ngushtë që
mendohet të ketë fituar miliona paund, ishte ndërtuar nga katër
vëllezërit dhe një bashkëpuntor i tyre, të pestë nga Shqipëria, të
cilët vepronin në perëndim të Londrës dhe në qytetin Birmingam.
Skuadra e antiprostitucionit "Vice Scuad" në Londër ka bërë të ditur
se operacioni për shkatërrimin e këtij klani ka përfunduar me
sukses, duke vënë në pranga Flamur Demarkun 33vjeç, Agron Demarkun
21 vjeç, Bedri Demarkun 22 vjeç, Xhevahir Demarkun 28 vjeç, të katër
vëllezër dhe mikun e bashkëpunëtorin e tyre Izet Fejzullahu 32 vjeç.
Ndërsa nga kontrollet në disa shtëpi atyre u janë gjetur 21 femra që
prostituonin për ta.

Operacioni

Aksioni për arrestimin e pesë shqiptarëve kishte kohë që përgatitej
me kujdes. Çdo lëvizje e shqiptarëve, banesat ku jetonin, shtëpitë
publike që kishin ndërtuar, lokalet që frekuentonin, miqtë që
takonin, makinat që lëviznin ishin të filmuara. "Kishim informacion
të saktë se një grup shqiptarësh të mirëorganizuar kishin nën
kontroll një numër të kosiderueshëm shtëpish publike në zonën e
Honsloët", ka thënë një nga oficerët e antiprostitucionit në Londër,
i cili ka marrë pjesë në operacionin e arrestimit të vëllezërve
Demarku. Fillimisht detektivët janë marrë me dokumentimin e
aktivitetit të tyre kriminal, duke i survejuar shqiptarët hap pas
hapi për 3 muaj. Operacioni i survejimit do të kodohej me
emrin "Rotunda". Kur policia ishte bindur se kishte prova të
mjaftueshme që inkriminonin klanin Demarku, ka vendosur goditjen e
tij. Dhe, dje në orën 06.30, "Rotunda" do të finalizonte misionin.
Oficerët e antiprostitucionit kanë ekzekutuar shtatë leje për
kontroll banesash në lagjet "Hounsloë" e "Feltham", së bashku me një
kontroll banese në qytetin e Birminghamit.

Policia

Disa orë pas përfundimit të operacionit "Rotunda", numri një i
antiprostitucionit për Londrën, Superintendent Chris Bradford, ka
thënë se ai dhe oficerët e tij ishin të kënaqur me arrestimet. Në
një bisedë telefonike për Gazetën, Bradford ka sqaruar se arrestimet
janë pjesë e vazhdueshmërisë së aktivitetit policor për të
shkatërruar strukturat që ndihmojnë futjen e grave dhe vajzave në
industrinë e prostitucionit në Londër. "Ne jemi të vendosur të
vazhdojmë punën tonë, në mënyrë që të minimizojmë shfrytëzimin e
këtyre grave, nga të cilat fitohen shuma të mëdha parash", ka thënë
ai. Duke folur më tej për rreth 21 vajzat e shpëtuara, Bradford
është shprehur se "21 vazjat e gratë, të cilat punonin për
klanin "Demarku" dhe që janë gjetur në tri shtëpi publike, janë
akomoduar në një qendër pritje".




White_Angel

[Leandra]

Pash te Madhin Zot pse prape vazhdojne shqiptaret me keto budalleqe. Futjuani ore nje tigel pushke se keto njeres se meritojne te jetojne.

[Rebele]

S'ndodh vetem nga Shqiptaret- rasti i lartpermendur ka shtrirje universale. Ti Leandra mendon se me nje "tigel pushke" i jepet fund prostitucionit? Ja u ekzekutuan 4 tutore- do u pritet hovi te tjerve? Ja u shpetuan 21 vajza- do te thote se nuk ka qindra te tjera qe futen ne rrugen e prostitucionit me vullnet te lire?

White, thote gje nese denoncoi ndonjera nga vajzat?

[bija_e_detit]

ne shqiperi thone qe te vine femrat ne krevat per nje sufllaqe( jo te gjitha) por varferia eshte aq e madhe ne nje pjese te popullit sa te ngopin zorren nuk kane jo me te nderrojne mbathjet edhe gjera intime te femrave, pahhhhhhh varferi qeneri i thone kesaj..............