Fjalë të urta

[torrkerry]

SEKRETE...

Kush shkon rreth e qark duke përfolur,
nxjerr sekretet,
por ai që ka një shpirt besnik i fsheh ato.


Fu 11,13.

Torrkerry

[torrkerry]

UDHEHEQJE.

Pa një udhëheqje të urtë populli bie,
por gjen shpëtim në numrin e madh të këshilltarëve.

Fu 11,14.

Torrkerry

[torrkerry]

GARANCI.

Kush bëhet garant për një të huaj
do të pësojë dëmet e këtij veprimi,
por ai që refuzon të japë dorën si garant
është i sigurt.

Fu 11,15.

Torrkerry

[torrkerry]

URTIA E PERDITSHME


Gruaja e bukur fiton lavdinë
dhe njerëzit e dhunshëm grumbullojnë pasuri.


Njeriu i mëshirshëm i bën të mirë vetes,
kurse njeriu mizor mundon mishin e tij.


I pabesi realizon një fitim të rremë,
por ai që mbjell drejtësi do të ketë një shpërblim të sigurt.

Fu, 11,16-18.

Torrkerry

[e panjohura]

Një fjalë e vjetër, e urtë, thotë: “Nëse i humb paratë, ke humbur pak. Nëse e humb shëndetin, ke humbur shumë. Nëse e humb karakterin (ndërgjegjen), ke humbur gjithçka.

[torrkerry]

DREJTESIA E SHENJTERIA

I pabesi realizon një fitim të rremë,
por ai që mbjell drejtësi do të ketë një shpërblim të sigurt.


Ashtu si drejtësia të çon në jetë,
kështu ai që shkon pas të keqes gjen vdekjen.


Të çoroditurit nga zemra janë të neveritur për Zotin,
por ata që janë të ndershëm në sjelljen e tyre pëlqehen nga ai.

Fu 11,18-20.

Torrkerry

[BShkembi]

-N'kame nuk pleqnohet.
-Buk't simite nuk vijne ku ka lakna.
-Menja e madhe e zeza e krese.
-Vakti e ha kashten.
-Voja e kojshise eshte me e madhe.
-Qengji i bute s'mund e thithe as nenen e vet.
-Mos u bofsh met kajte Stambolli.
-Gazi me gaz,vaji me vaj, se pela qet shkelum.
-Behanja e qervishit nje luge t'lyen.
-Me pase t'lyn edhe nana jem di me qite pite.
-Gardhi ka veshe e fusha ka sy.
-Katuni qe duket kallauz nuk do.

[torrkerry]

SHPETIMI.

Dora‑dorës e s’do të mbetet i pandëshkuar i keqi,
kurse fara e të drejtëve do të shpëtojë.

Fu 11,21.

Torrkerry

[Lulzim7]

O NJERI I MIRË!



- Poezi -



O njeri i mirë

Nuk do të jesh i mirë për të gjithë

Ashtu si mjalti që nuk do jetë i ëmbël për të sëmurët

Edhe nëse je pafundësisht i mirë

Nuk do të jesh i mirë për ata që s’e besojnë pafundësinë



Edhe po u ngjite në majen më të lartë

Edhe po u zhyte në detin më të thellë

Prapë se prapë s’do të jesh i mirë për të gjithë

Zogjtë e malit e peshqit e detit do të tremben nga ti

Edhe pse ti nuk jeton për ta trembur askë



Edhe nëse për të gjithë bëhesh dritë

Dije se ata që lakmojnë jetën e hutinit

Do të dëshpërohen nga prania jote

Edhe nëse vetmohesh në shpellën më të errët

për të mos e lënduar asnjë zemër në botë

Sërish nuk do të jesh i mirë për të gjithë

Sepse ata që ndjekin gjurmët e mirësisë

do të kenë nevojë për dritën tënde



Ti shembëllehesh me pemën që u bën hije të gjithëve njëlloj:

Si atyre që të ujisin, ashtu edhe atyre që të gjuajnë me gurë

për t’i këputur frytet nga dega atëherë kur nuk arrijnë t’i kapin dot me dorë.

Ti nuk mashtrohesh me hijen tënde

Sepse sado e madhe apo e vogël të shfaqet ajo në takim me dritën

Ti e njeh veten dhe njerëzit i peshon me cilësitë e tyre



O njeri i mirë

Edhe nëse e ushqen me nektar gjithë njerëzimin

Prapë se prapë nuk do jesh i mirë për ziliqarin

që pranon të jetojë vetë i uritur

Vetëm e vetëm që ti të mos jesh i ngopur

Edhe ty të shijon ushqimi i këndshëm

Por kur sheh se mizat kanë filluar të bien në ushqim

Ti e braktis atë fare dhe largohesh

Sepse ti je për të gjithë, por nuk je si asnjëri



Ti nuk grindesh me ata që janë veshur me qefinin e paditurisë

Sepse zemra jote e di se diçka që ata e kanë përqafuar pa arsye

Ti s’mund t’ua heqësh me arsye

Por mirësia jote është mbi arsyen tënde dhe paarsyen e tyre

Sepse e mira ekziston para arsyes dhe arsyeja ekziston për ta zgjedhur të mirën

Meqë ti nuk mund ta zgjedhësh ardhjen apo mosardhjen tënde në botë

Ti ke zgjedhur të mirën e botës që të mos zgjidhesh nga e keqja e saj

Atëherë, si mund të jesh i mirë për të gjithë kur ti nuk e do të keqen?



O njeri i mirë!

Ti ke pranuar të durosh dhimbjen që vjen nga e vërteta

Prandaj nuk i merr për ilaç gënjeshtrat

Ti ke vdekur para se të vdesësh, prandaj je më i gjallë se të gjallët

Ti ke shkruar në epitafin tënd një fjalë të urtë si gjithë njerëzit e dlirë:

“Është mirë të jesh i rëndësishëm, por më e rëndësishme është të jesh i mirë.”







AUTOR: FATMIR MUJA

[torrkerry]

Nderin e humb atehere kur fillon ta mbrosh

Sh. Tereza e Aviles.

Torrkerry