Nga gazeta Korrieri
Bujar Himci: Ju rrefej te gjitha prapaskenat e "pasaportave..."
E Diele, 17 Prill 2005
INTERVISTE/ Ish- zv/ ministri i Rendit Publik, per here te pare plot 30 muaj pas arrestimit te tij te bujshem dhe perfundimit edhe ne Gjykaten e Larte te procesit te quajtur skandali i tenderit te pasaportave te reja (me vlere mbi 9 milione USD), rrefen ekskluzivisht per "Korrieri" te pathenat e ketij proces: Roli i Kryeministrave Meta dhe Nano, ish ministrave te Rendit Ilir Gjoni e Luan Rama dhe ministrit Anastas Angjeli. Por, edhe presionet e diplomateve ne Tirane, perfshi ish- Ambasadorin e ndjere Amerikan, Limpreht. Bujar Himci sjell argumentat per ate qe ai e quan pafajesia e tij duke kerkuar pergjigje per kete, edhe nga Presidenti Moisiu dhe Prokurori i Pergjithshem Sollaku. Dhe ne fund, ai i pergjigjet edhe pyetjes: Kush dhe pse ishin te interesuar per arrestimin e tij dhe ish- Drejtorit te Pergjithshem te Policise, Veli Myftari
Zoti Himci, Vendimi i Gjykates se Larte pak dite me pare ju dha pafajesine per vepren penale te "shperdorimit te detyres dhe fallsifikimit te dokumentave zyrtare" ne lidhje me tenderin nderkombetar te pasaportave te reja, ne kohen kur ju keni qene zv/ minister i Rendit Publik. Nderkohe qe ju deklaroi fajtor per "shkelje te barazise te pjesmarresve ne tendera publike". Si e pritet fundin e ketij procesi qe nisi me aq buje, me arrestimin tuaj duke qene ne detyre?
Gjykata e Larte, mbas tre vjet hetimesh e gjykimesh, ne te tria shkallet e gjyqesorit, ndaj "Gjeneraleve" te krimit te organizuar dhe te korrupsionit ne Shqiperi, sic na cilesuan para ketij vendimi politikane te ndryshem, na shpalli fajtore vetem per shkelje te barazise se pjesmarresve ne tenderat publike, ndersa na cliroi nga akuza si pervetesues te miliona dollareve sic na etiketoi shteti . E gjitha kjo te kujton ate thenien e famshme te popullit: "U mbars mali dhe polli nje mi".
Eshte jo pa domethenie te shpjegoj se kur u arrestuam, vendimi i gjykates, ju dha te gjitha mediave elektronike e te shkruara, te cilat e pasqyruan ate si nje lajm te rendesishem, cka do te thoshte se "ne Shqiperi u godit korrupsioni ne radhet e zyrtareve te larte te administrates shteterore". E them kete, sepse pas arrestimit te personave te procesit te pasaportave, qeveria njoftoi menjehere Brukselin, c'ka flet se jo vetem kishte dore ne pergatitjen e goditjes por, edhe e paragjykoi ate si nje rast te suksesit ndaj korrupsionit, nderkohe qe drejtesia nuk e kishte thene fjalen e saj.
Sa per mua, po te kishte drejtesi te pavarur nga politika, sigurisht qe ne perfundim te gjyqeve, do te merrja pafajesi. Ndonse ne cdo faze te hetimit dhe te gjykimit, nga organi i prokurorise me eshte ngritur nga nje akuze e re, duelin me shtetin, e konsideroj te fituar, pasi me fakte dhe argumente te pakontestueshme jam mbrojtur nga akuza qe do t'me kushtonin vite burgu. Ndersa sot, shteti detyrohet te me paguaj muajt e burgut qe kam bere padrejtesisht. Nga ky pozicion gjej kurajon te prononcohem publikisht, tani kur kane mbaruar pune, edhe tre shkallet e gjyqesorit.
Megjithate, ju jeni nga zyrtaret e larte te shtetit, qe gjate periudhes 8-vjecare te qeverisjes socialiste, u deklaruat fajtore, qofte edhe per "shkelje te barazise te pjesmarresve ne tendera". Perse duhet te ndjeheni fitimtar,- sic thate,- ne duelin me shtetin?
Gjate qeverisjes socialiste, kam qene ne funksione delikate ne periudhat e veshtira qe ka kaluar vendi, te cilat kerkonin perkushtim dhe profesionalizen te vecante pasi atakonin fuqishem krimin e organizuar dhe prapavijen politike qe e mbeshtet ate. Ne rrethana specifike, fuksionare te tille behen viktime e hakmarrjes politike, fat, nga i cili nuk shpetova as une. Kisha menduar se Sali Berisha, asnjehere nuk do ma falte vendimin per heqjen e imunitetit paralementar dhe kerkesen,- ne kohen kur kam qene Drejtor ne Prokurorine e Pergjitheshme,- per marrjen ne pergjegjesi penale per ngjarjet e 14 shtatorit 1998. Kur i beja thirrje per tu paraqitur ne Prokurori, femijet e mi u goditen nga njerez te tij, me bombe ne shtepi.
Dija se as Fatos Nano, nuk do ma harronte mendimin e c'faqur ne instancat perkatese, ne funksion te pergjegjesit te grupit te prokuroreve, per marrjen e tij ne pergjegjesi penale, per braktisje te detyres dhe institucionit te Kryeministrise ne po kete ngjarje. Pak e dine sot, se kur Fatos Nano braktisi shtetin, pra detyren dhe e la vendin ne dore te bandave, une dhe grupi hetimor qe drejtoja, mblidhnim gezhojat ne shkallet e Kryeministrise. Te dy, Nano dhe Berisha, asnjehere nuk i'u pergjigjen thirrjes per te deshmuar ne gjykate e per te sqaruar pozicionin e tyre ne keto ngjarje, duke treguar shembullin e politikanit te mbrapshte, te kompromentuar ne ate konflikt te armatosur me pasoja te renda per vendin, duke na servirur ne kete menyre, modelin e mosnjohjes se institucioneve shteterore.
Ajo qe nuk dija atehere dhe nuk mund ta mendoja kurre, eshte e verteta e hidhur qe te arrestuarit per kryengritje te armatosur dje, per merita ne tentativen per marjen me dhune te shtetit, do beheshin deputete te Kuvendit sot dhe nga ai podium do cfaqeshin si prokurore e do kerkonin denimin e "kriminelit" Bujar Himci.
Ishte kjo arsyeja qe ndaj meje u ngriten 4 akuza te renda dhe pa asnje baze ligjore, qe i kam rrezuar gjate hetimit dhe gjykimit. Jo pa qellim organi i akuzes, cdo vendim gjyqesor e ka atakuar ne shkallet me te larta duke kerkuar shpalljen time fajtor, per akuza te pa qena dhe rritjen e mases se denimit. Perballe kesaj tendence hakmarrese, dola fitimtar ne betejen mes meje, shtetit dhe politikes.
Kur ju zoti Himci e keni ditur rrezikun, pasi ishit bere zv/ minister i Rendit Publik, perse pranuat te merrnit pjese ne drejtimin e tenderit nderkombetar te pasaportave te reja 10- vjecare, si kryetar i komisionit te vleresimit te ofertave?
Kur merr persiper nje detyre te rendesishme, duhet te marresh mbi vete edhe pergjegjesite qe mbart ajo. Tenderi i pasaportave u zhvillua ne nje situate te veshtire dhe problematike per paisjen e shtetasve me pasaporta per jashte shtetit, prandaj kerkonte dhe procedura te pershpejtuara. Cdo firme pjesemarrese ne kete tender, kishte mbeshtetje politike, ose perfaqesonte interesa te amabasadoreve te huaj ne vendin tone. Presioni i tyre ka qene i madh, e per rrjedhoje, tenderi i pare i pasaportave deshtoi. Koha kalonte, kerkesat nga ana e qytetareve ne sportelet e komisariateve te policise sa vinin e shtoheshin, pra shqetesimet kishin filluar. Ne keto kushte, ish ministri i Rendit Ilir Gjoni, kerkoi qe une te isha kryetari i komisionit te vleresimit te ofertave, si autoriteti i ministrise se Rendit pas tij, pergjegjesi te cilen e mora persiper. E verteta eshte se e lehtesova nga veshtersite zotin Gjoni, por ai ne asnje rast nuk mu ndodh prane.
Nga 4 firmat pjesmarrese ne tender, tre ishin te njohura, ndersa firma Greke "Euroget" eshte futur ne gare me vendim te qeverise, si rrjedhoje e nderhyrjes se ish ambasadoreve amerikan dhe grek ne Shqiperi, prane ish- ministrit te Rendit, gje te cilen e ka pranuar vete Gjoni, ne nje koference shtypi.
Presionet ishin te atilla, sa anetaret e komisionit ndiheshin nen nje trysni qe nuk e perballonin dot pa autoriten e Zevendesministrit. Shtypi shkruante, se pas firmes gjermane, qendronte Kryeministri dhe ministri i Financave te asaj kohe. Per firmen franceze, ishte i interesuar nje ish- keshilltar i Kryetarit te Partise Socialiste Fatos Nano, i cili merrte kontakte me ministrin dhe anetaret e komisionit. Jo pa domethenie ne kete linje, ishte edhe letra e Vasil Papajorgjit, zevendes i ketij keshilltari ne aktivitetin e tyre privat, qe ne kulmin e politizimeve te tenderit, qe ai i shkroi Kryeministrit Fatos Nano dhe zyrtareve te tjere, se gjoja demi ekonomik qe pesonte shteti nga ky tender, per l5 cope printera ishte rreth 700 mije USD. Nje "prove" kjo qe u perdor nga prokuroria, per marrjen e mases se sigurimit tim.
Ndersa, pas firmes greke "Euroget", sic e cilesova me lart, qendronin ish ambasadori i Greqise dhe ai i SHBA ne Shqiperi. Eshte i paprecedent presioni qe Charls Levesque, (ekonomik officer) i Ambasades Amerikane ne Tirane, i beri ish- Sekretarit te Pergjithshem te Ministrise se Rendit Ylli Dylgjeri, qe fituese e tenderit te ishte firma "Euroget". Nga ana tjeter, askush nuk mund ta kuptoje dhe imagjinoje se si ambasadori amerikan i asaj kohe, mund t'i drejtohej titullarit te ministris se Rendit me nje leter, ku vihej ne dijeni dhe ish- Kryeministri, e cila mbyllej me nje fraze urdherore: "...Une fuqimisht ju detyroj Juve, te lejoni "Euroget" te marre pjese ne tender ne baze te meritave te tij..." Mjafton te citoj te tilla detyrime, qe vetem dipllomatike nuk jane, e qe ndodhin tek ne ne Shqiperi qe te imagjinoni presionet qe jane bere per kete tender.
Megjithese tenderi i pasaportave u zhvillua ne keto kushte, ruaj mendimin, se vleresimi i cdo firme pjesemarrese ne te, eshte bere ne perputhje me legjislacionin, duke shmangur nderhyrjet dhe presionet ndaj nesh. Ndoshta eshte kjo aresyeja qe e shpjegon edhe goditjen tone.
Zoti Himci, jeni deklaruar se procesi ndaj jush ka qene politik. Te njejten deklarate ka bere edhe ish- ministri Gjoni kur u kthye nga studimet ne SHBA. A mund t'i komentoni keto deklarata?
Eshte e vertete se ish- ministri Gjoni e ka bere nje deklarate te tille pasi eshte kthyer nga Amerika, pra pas dy vjeteve, kur ne i kishim mbaruar hallet, madje ishim liruar edhe nga burgu. Eshte ne nderin e tij te prononcohet, te argumentoje qendrimin rreth arrestimeve dhe ketij gjyqi, mbasi ka qene drejtuesi me i larte politik i ministrise Rendit Publik dhe njeriu me i afert me faktoret kryesore politik te mazhorances qeverisese, te interesuar per zhvillimet e ketij gjykimi. Sa per deklaraten time ate kohe, sot ajo eshte pasuruar me fakte te tjera edhe per shkak te evoluimit te ngjarjeve ne vend.
Procedurat e zhvillimit te tenderit te pasaportave, jane sqaruar qe ne kohen kur ne krye te qeverise ishte zoti Ilir Meta, ku pas kerkesave nga une dhe informacioneve perkatese, jane bere disa ballafaqime me Kontrollin e Larte te Shtetit, me ministrin e Shtetit dhe me Kryeministrin. Nderkohe, problemet u sqaruan edhe nga Prokuroria e Pergjitheshme, e cila ne njoftimin e dhene per shtyp ne mars te vititi 2002, cilesonte se ceshtja eshte mbyllur dhe nuk ka elemente qe kerkojne ndjekje te metejshme penale.
Kuptimplote eshte fakti se perse ceshtja u rihap pas zgjedhjes se Presidentit te ri te Republikes dhe Prokurorit te Pergjitheshem, te dy konsensuale, si dhe me rizgjedhjen e zotit Nano si Kryeminister. Pra loja nisi pas kompromisit Nano- Berisha. Ky i fundit, ne takimet me elektoratin, ne muajt korrik- gusht 2002, filloi te me godiste politikisht duke shpifur per gjoja nje vile qe une kisha ne Qipro dhe duke i bere thirrje Kryeministrit per largimin tim nga detyra. Me vone pasuan deklarimet e ish- ministrit te Rendit Publik Luan Rama, para Komisionit Parlamentar te Rendit dhe SHISH-it, vegel e te cileve u be dhe Kryetari i ketij komisioni Neritan Ceka. Mediat bene te tyren, duke influencuar ne opinion, per krijimin e bindjes qe servirte politika se ne tender ishte bere hataja dhe ne kishim vjedhur 2. 2 milione dollare.
Nderkohe, komisioni parlamentar per kontrollin e veprimtarise se SHIK-ut, gati doli me konkluzionin se ngjarjet e 14 shtatorit 1998, ishin kryer nga ish- kryetari i SHIK-ut dhe Presidenti Republikes se asaj kohe. A e kam une sot te drejten per ta pyetur Prokurorin e Pergjithshem, se c'behet me dosjet e 14 shtatorit, ne nje kohe kur ai i kerkon llogari qeverise Belge per strehimin "e krimineleve" te 14 Shtatorit dhe a ka dijeni Presidenti i Republikes per fatin e tyre, apo te gjitha keto tashme jane lene ne harrese, nga marreveshja Nano- Berisha?!
Ne daten 4 tetor 2002, une u arrestova sebashku me Veli Myftarin dhe Arben Priftin, nen akuzen e "vjedhjes me ane te shperdorimt te shumes se 2.2 milione dollareve, te fallsifikimit te dokumentave zyrtare dhe shkeljes se barazise ne tenderat publike". Si prova per vjedhjen e kesaj shume marramendase jane paraqitur ne gjykate dy shkresa; njera qe mbante firmen e ish- ministrit te Financave Anastas Angjeli dhe letra qe dergonte Vasil Papajorgji (e cituar me lart).
Mbi bazen e shkreses se ish- ministrit Gjoni me Nr. 2344 date 6 gusht 2001, ish- ministri i Financave Angjeli pergjigjet me shkresen Nr.1974/3 date 8 gusht 2001 ku vec te tjerash thote: "... Ministria e Rendit Publik, si importuese, eshte e detyruar te paguaje detyrimin per TVSH-ne e importit (te pasaportave nga firma fituese gjermane), pasi kjo e fundit ne marredheniet me vendin tone, prezantohet si eksportuese...". Nga c'motive shtyhen dy ministrat, qe ne korespodencen mes tyre te gjykojne sa me siper, nuk kuptohet, por qe ne ate kohe, e kam konsideruar ate si nje mundesi per vjedhjen e buxhetit te shtetit.
Ne rast se kjo gje do te sanksionohej ne kontrate, c'ka pergjigjej ne shkresa ministri Angjeli, shtetit do ti shkaktohej nje dem ekonomik prej 2. 2 milione dollaresh, shume kjo e barabarte me vleren e detyrimeve fiskale te parashikuara ne dokumentat e tenderit. Te dy ministrat, e dinin se detyrimet fiskale ne nje rast te tille, i paguante firma fituese e tenderit, pasi ata vete e kishin pergatitur dhe miratuar Vendimin ne Qeveri per kete projekt dhe fondin limit ku perfshiheshin edhe keto detyrime fiskale. Per me teper, kur ne te gjitha dokumentat e tenderit parashikohej e zeze mbi te bardhe, se "firma fituese paguan edhe detyrimet fiskale".
Nga pozicioni i Zevendesministrit te Rendit, sapo mesova kete pergjigje kam kontaktuar me zotin Angjeli dhe pasi kam kundershtuar pergjigjen e tij dhe kam argumentuar aresyet se perse firma gjermane duhet te paguante detyrimet fiskale. Pas kesaj, kam derguar ne ministrine e Finances edhe nje antare te komisionit me gjithe dokumentat per sqarim. Dy dite me vone, po nga ministri i Financave, na vjen pergjigja urgjente me shkreseq Nr.1974/4 date 10 gusht 2001 ku thuhet: "... Meqenese pergjigja e pare u be pa i ditur kushtet e vendosura ne dokumentat e tenderit dhe duke qene se ne keto dokumenta del se pasaportat do te prodhohen jashte vendit dhe cmimi i mallit eshte "CIF-magazina e bleresit", atehere shoqeria prodhuese eshte e detyruar te paguaj te gjitha detyrimet qe lindin deri ne berjen hyrje te pasaportave, ne magazinen e Ministrise se Rendit Publik..."
Kerkesa e zotit Gjoni dhe shkresa e ministrit Angjeli, s'kane lidhje me veprimet e mia ne drejtimin e procedurave te tenderit te pasaportava, pasi si kryetar i Komisionit te Vleresimit te Ofertave, mbaj pergjegjesi deri me 15 qershor 2001, kur une e kam drejtuar kete komision dhe sebashku me te gjithe anetaret e tij, beme vleresimin e ofertave dhe renditjen e firmave, sipas pikeve qe kishin marre. Me tej, une s'kam marre pjese ne shpalljen e fituesit dhe lidhjen e kontrates, sepse kjo procedure eshte detyre e Agjensise se Prokurimeve Publike dhe e ministrit. Megjithate, duke i konsideruar si momente te dyshimta, keto shkresa une i kam denoncuar qe ne kohen e qeverise se zotit Meta. Ne shtator te 2002, gjithashtu kam informuar Kryministrin Fatos Nano, Presidentin Alfred Mosisiu, duke i vene ne dispozicon shkresat dhe verbalisht, Prokurorin e Pergjithshem zotin Theodhori Sollaku.
Une u arrestova per vepren penale te vjedhjes me ane shperdorimi, te shumes 2. 2 milione dollare, e cila eshte as me shume e as me pak, por thjeshte detyrimi fiskal qe do te paguante firma fituese e tenderit, gjate sjelljes ne Shqiperi te pasaportave dhe materialeve te tjera te porositura. Kjo akuze me eshte pushuar pas 6 muajsh te zhvillimit te hetimit paraprak.
Tani une pyes Prokurorin e Pergjithshem: Perse nuk zhvilluat hetime edhe ndaj zotit Gjoni e ministrit Angjeli, mbasi une hetohesha per nje korrespondence te zhvilluar mes tyre dhe lidhja ime me te ishte indirekte, ne te kundert, nderkohe qe une kam denoncuar dhe parandaluar pasojat e saj. Si organ i akuzes, ju nuk denjuat t'i pyesni ata as si deshmitare, megjithe kerkesat tona te vazhdueshme, ne organin tuaj dhe ne te dy shkallet e gjyqesorit. Per ti shkuar deri ne fund kesaj ironie, ne gjykate u pyeten dy ish- ministra te Rendit qe pasuan Gjonin, te cilet s'kishin asnje lidhje me zhvillimin e procedurave te tenderit dhe nenshkrimit te kontrates. Dihet se krimi ekonomik i organizuar, si vecori ka ndryshimin e ligjeve apo te Vendimeve te Qeverise dhe intepretimin e tyre ne favor te kompanive te interesuara. Gjate hetimit gjyqesore, kur ne mbrojtjen time jepja argument per ndonje politikan qe vepronte si me siper, ju si mjet presioni per t'me detyruar te heshtja, me ngritet nje akuze te katert, ate te "shperdorimit te detyres", per te cilen tashme kam marre pafajsine.
Pyes Kryeministrin Fatos Nano: Perse arrestohet zevendesministri i Rendit nen akuzen e vjedhjes se 2.2 milione dollareve, kur kishit informacion dhe shkresat perkatese te derguara per zotin Angjeli, nderkohe qe ate e bete minister edhe ne kabinetin tuaj? Ne ose ishim te dy fajtore, ose nuk ishte asnjeri!
Ju zoti President i Republikes, pas arrestimit tone keni deklaruar ne disa mbledhje, se do te arrestoni "Gjeneralet" e korrupsionit dhe nuk do te dekretonit asnje minister te pergojuar per korrupsion. Atehere pse e dekretuat minister Angjelin, ne nje kohe kur une isha i arrestuar per fakte, qe ne realitet ngarkonin ate dhe per to, une ju kisha informuar me shkrim?
E verteta eshte se ne te vertete, as Ilir Gjoni dhe as Anastas Angjeli nuk abuzuan me kete tender, por shtroj pyetjen, si mund te arrestohet nje zevendesminister me akuza te pa qena dhe kujt i sherbente kjo?
Ne te vertete, sipas mendimit tuaj, kujt i sherbente arrestimi i Bujar Himcit?
Per t'i dhene pergjigje te sakte kesaj pyetje, duhet te keni ndjekur me vemendje zhvillimet politike ne vend, gjate dhe pas burgosjes sime. Sillni ne kujtese menyren si u intepretuan dhe si u vleresuan nga komisioni parlamtar problemet ne SHIK dhe drejtimi qe kerkoi ti jepte ai ngjarjeve te 14 shtatorit 1998. Mos neglizhoni hetimet e grupit qe une kryesorja per keto ngjarje. Pas kesaj do te jete e lehte te kuptohet se procesi i pasaportave u sajua, si shprehje e kontraditave brenda qeverive qe u nderruan ne ate kohe dhe luftes politike ne lidershipin e Partise Socialiste. Burgosjet mbi gjoja vjedhjen me tenderin e pasaportave jane pjese e makinacioneve te Kryetarit te Partise Socialiste njiherazi Kryeminister, per te goditur e bere presion, me synim tkurrjen dhe tulatjen e grupit kundershtar te Fatos Nanos, te kryesuar nga Ilir Meta. Eshte sinjifikativ rasti Angjelit, kur nga minister i qeverise Meta dhe pjese e grupit te tij, pasi vajti ne kabinetin Nano, mallkoi publikishte vehten, per kohen kur sherbeu tek i pari.
Zoti Himci, Vendimi i Gjykates se Larte, si shkalla me e larte e gjyqesorit ne Shqiperi, tashme eshte i formes se prere. A keni alternativa te tjera per te kerkuar te drejten qe pretendoni?
Alternativat jane te hapura dhe ceshtjen do ta ndjekim deri ne Gjykaten e Strasburgut, gje qe kerkon kohe dhe profesionalizem. E them me bindje, se Vendimi i Gjykates se Larte, per akuzen qe me shpall fajtor, ka elemente dhe prova qe flasin ne favor te pafajesise time per vepren penale "te shkeljes se barazise se pjesemarresve ne tendera apo ankande". Nuk mund ta kuptoj qendrimin e Gjykates se Larte, qe disa prova shkresore prezente ne dosje qe provojne pafajesine time anashkalohen, nderkoh qe po ato perdoren per te provuar fajesine e personave te tjere, ne po kete proces. Ne vendim, kur argumentohet fajesia e te pandehurit Veli Myftari, merret si prove edhe shkresa me Nr.1974/4 date 10 gusht 2001 firmosur nga Anastas Angjeli, per te cilen kam folur me lart ne kete interviste, ku shpjegoj se permbajtja e saj, flet qarte per pafajesine time. Ne vendim, persa i perket argumentimit te fajsise te Veli Myftarit per vepren penale te "shperdorimit te detyres", nder te tjera thuhet: "...Pretendimi i te gjykuarit per gjoja padijenine e tij rreth ketyre momenteve qe kishin te benin me kontraten, sikurse me te drejte kane arsyetuar gjykatat, u rrezua gjate shqyrtimit gjyqesor te ceshtjes prej tyre me dokumentat qe u permenden me lart dhe shkresa Nr.1974/4 date 10 gusht 2001 e Ministrise Financave (ne te cilen sqarohej se detyrimet fiskale i takonin firmes prodhuese) ne te cilin, disa dite para kontrates ishte vene shenimi i Ministrit te Rendit Publik te asaj kohe, per tu patur parasysh gjate nenshkrimit te kontrates..." (f.13 e vendimit.)
Po te ishte marre parasysh permbajtja e kesaj shkrese, lidhur edhe me dy prova te tjera shkresore qe ndodhen ne dosje, te cilat bejne fjale per momentet e zhvillimit te procedurave te tenderit, duhet te deklarohesha i pafajshem edhe per vepren penale te "shkeljes se barazise se pjesmarresve ne tendera".
Keshtu, nuk eshte mbajtur parasysh si prove shkresore nga gjykata, shkresa shoqeruese e dokumentave te tenderit te firmes gjermane date 12 qershor 2001, e cila ka kete permbajtje: "...I kemi studiuar me kujdes kushtet e kontrates dhe Shoqeria garanton se i pergjigjet te gjitha kushteve te caktuara ne dokumentat e tenderit..." cka do te thote se ato i kane pranuar edhe detyrimet fiskale, sipas dokumentave te tenderit. Nuk eshte marre si prove, protokolli i mbledhjes se dates 12 qershor 2001, diten e hapjes se ofertave te firmave konkuruese, ku perfaqesuesi i firmes gjermane eshte shprehur: "...vlera 9 milione e 155 mije e 579 dollare... cmimi eshte i vlefshem ne rast te nje porosie te plote... "CIF.- magazine e Ministrise..." qe do te thote se ne oferten e tyre firma gjermane i ka parashikuar detyrimet fiskale. Ky protokoll eshte i firmosur nga te gjithe perfaqesuesit e firmave pjesmarrese ne tender.
Te tria keto prova te pakontestueshme, duhet te merreshin parasysh nga Gjykata e Larte duke me deklaruar te pafajshem edhe per akuzen e "shkeljes se barazise te pjesmarresve ne tendera". Konkludimi i vendimit gjyqesore se kam favorizuar firmen gjermane qe nuk kishte parashikuar detyrimet fiskale ne oferten e saj, nuk eshte i sakte dhe jo real, per aq kohe sa ne realitet, gjate zbatimit te kontrates,- qe eshte ne fund te realizimit,- i ka paguar te gjitha detyrimet e saj ndaj shtetit shqiptar.
Se fundi, do te thosha se po pergatis nje padi civile ndaj shtetit, per cdemtim material per burgun e padrejte qe kam bere dhe ndaj disa personave, si ish ministra, politikane apo deshmitare te rreme, per cdemtim moral e material, si rrjedhoje e shpifjeve te vazhdueshme qe kane bere ndaj personit tim.
"Korrieri", prill 2005
Krijoni Kontakt