TEC i Vlorës fillon punën në muajin qershor

[Albo]

Jepet sheshi i ndërtimit për TEC-in e Vlorës

Nga Ergys Mertiri

Korporata Elektroenergjitike Shqiptare njofton, se u miratua dje nga KRRT e qarkut të Vlorës leja e ndërtimit të TEC-it të Vlorës. Leja e ndërtimit u miratua në unanimitet të plotë në KRRT, duke hapur kështu dritën jeshile për futjen e makinerive të rënda në kantier dhe fillimin e punës. Të 15 anëtarët e KRRT së qarkut të Vlorës votuan pro dhënies së sheshit të ndërtimit për kompaninë intaliane “Maire Engineering” për ndërtimin e këtij TEC-i, i cili do të mbarojë plotësisht në muajin maj të vitit 2009.

Pas plotësimit dhe dorëzimit të dokumentacionit të domosdoshëm për miratimin e lejes së ndërtimit të TEC-it në Urbanistikën e qarkut të Vlorës, u krye shqyrtimi i dosjes, si dhe miratimi, duke lënë të lirë sheshin e ndërtimit, terreni i të cilit, që prej bërjes efektive të kontratës më 5 maj 2007, është përgatitur me studimet inxhinierike, gjeologjike dhe planimetrisë, si dhe pas pastrimit të kantierit nga ndërtimet pa leje, që në mars 2007. Shpallja e raportit gjeologjik dhe planimetrisë i paraprin nisjes së punimeve për rehabilitimin e rrugës Port-Kantier, për futjen e makinerive të rënda si dhe piketimit të linjës 220 KW të transmetimit Kantier-Babicë.

Fazat

Menjëherë pas firmosjes së kontratës për ndërtimin e Tec-it mes KESH-it dhe “Maire Engineering”, më 9 shkurt 2007, nisi faza e engineering, e parashikuar në kontratën EPC (Engineering Procurement Construction). Kjo fazë përfundoi brenda muajit mars, përpara afatit të parashikuar dhe nëpërmjet një bashkëpunimi të favorshëm me të gjitha institucionet përgjegjëse u arrit dhënia e lejeve dhe prishja e ndërtimeve pa leje, që përgatiti terrenin për fazën e dytë të këtij projekti, e cila përmban nisjen e studimit gjeologjik dhe atë të planimetrisë. Për këtë fazë, për studimin gjeologjik dhe të planimetrisë, kanë punuar dy kompani dhe më pas do të nisë dhe puna për rehabilitimin e rrugës port-kantier për futjen e makinerive të rënda, si dhe piketimi i linjës 220 kW, Kantier-Babicë.

Kapaciteti

Me një kapacitet të instaluar prej 2.4 milionë kWh dhe me një fuqi prodhuese vjetore prej 800 milionë kWh në vit, ky TEC do të plotësojë 15 për qind të nevojës për furnizim në qytetet kryesore të jugut të Shqipërisë, si dhe do të sigurojë shtesë energjie si rezultat i uljes së humbjeve nga transmetimi i energjisë elektrike nga veriu në jug. Por, prodhimi i energjisë elektrike do të fillojë në gjysmën e kohës së ndërtimit përfundimtar të këtij projekti, duke prodhuar një sasi energjie prej rreth 60 mW/h që në vitin e parë të punimeve. TEC-i do të jetë i përbërë nga një sistem krejtësisht i vetëmjaftueshëm dhe autonom për të pasur një operim dhe funksionim të sigurt.

Teknologjia

Termocentralet si burime energjie vlerësohen si impiantet që kanë eficiencën më të lartë bazuar në lëndën që digjet dhe prodhimin ekuivalent në MW, ndërsa kostoja e prodhimit të tyre varet nga çmimi i tregut të lëndës djegëse, që zë edhe 80 për qind të kostos. Lëndët djegëse, me të cilat do të punojë TEC-i i Vlorës do të jenë naftë me nën 0.1% përmbajtje squfuri, si dhe gaz natyror, kur ky të jetë i disponueshëm në Shqipëri. TEC-i i Vlorës do të funksionojë me cikël të kombinuar, duke prodhuar energji elektrike jo vetëm nga gazi, por edhe avulli. Kjo bën që ky TEC të ketë parametrat më të lartë bashkëkohorë të rendimentit me mbi 50%. Studimet e BERZH-it dhe Bankës Botërore për ndikimin në mjedis flasin për një teknologji të standardizuar që do të përdoret për këtë objekt të ri energjitik. TEC-i shikohet si një mundësi e mirë për të bërë të mundur shpërndarjen e burimeve energjitike.

Kontrata

Kontrata për ndërtimin e këtij TEC-i kap shifrën 92 milionë euro, të cilat janë siguruar nëpërmjet një financimi të Bankës Botërore, BERZH-it dhe BEI, ndërkohë që kostot lokale, të cilat shkojnë në 10 për qind, do të mbulohen nga KESH-i. Kontrata do të implementohet nga kompania “Maire Engineering” e përzgjedhur si fituese në tenderin e zhvilluar për ndërtimin e TEC-it. Në tenderin për ndërtimin e këtij TEC-i morën pjesë rreth 13 kompani, por vetëm 4 prej tyre u kualifikuan. Kështu, kompania “Maire Engineering” ishte ajo që u klasifikua si kompania me çmimin më të ulët, duke fituar tenderin, përballë kompanive “Siemens Ag”, konsorciumi “GE Iberdola”, kompania indiane “Bhel”. Kompania “Maire Engineering” është një ”, konsorcium, i cili ka në vetvete dy kompani italiane të specializuara për ndërtimin e veprave energjitike, të cilat do të merren me ndërtimin e këtij TEC-i, "Ansaldo" dhe "Tecnomod".

TEC-i, projekti i parë për shtimin e prodhimit të energjisë në vend

TEC-i i Vlorës shënon dhe kontratën e parë në fushën e gjenerimit të energjisë elektrike që prej më shumë se dy dekadash. Që nga viti 1985, në Shqipëri nuk është bërë asnjë investim për shtimin e prodhimit të energjisë. Përveç kësaj, llogaritet që 20 vjet më parë Shqipëria prodhonte rreth 300 MW energji elektrike prej TEC-eve, ndërsa sot, sasia e prodhimit të energjisë prej tyre është zero. Jo vetëm kaq, por amortizimi i rrjetit, i cili është tashmë mjaft i vjetëruar, ka bërë që një pjesë e mirë e energjisë së prodhuar të humbasë rrugës. E gjithë kjo situatë ka bërë që sot, Shqipëria të mos mbulojë dot nevojat e vendit për konsum energjitik dhe njëkohësisht të ketë mundësi të kufizuara për importin e energjisë, gjë që bën që në situata të caktuara të ketë ndërprerje. Në këtë mënyrë, ky investim përbën hapin e parë drejt projekteve për shtimin e kapaciteteve prodhuese të energjisë në vend, si dhe për diversifikimin e burimeve energjitike, të cilat sot janë 100 për qind prej burimeve hidrike. Në këtë mënyrë, përveç shtimit të prodhimit në vend, ky TEC do të ulë edhe varësinë e prodhimit të energjisë nga reshjet, duke ulur mundësitë për të pasur kriza energjitike. Gjithashtu, duke qenë në jug të vendit, ky TEC shihet i rëndësishëm edhe për faktin se ai do të ulë humbjet në rrjet. Kjo vjen, pasi ai shkurton rrugën e energjisë nga hidrocentralet, të cilat ndodhen thuajse tërësisht në veri, për në jug të vendit. Në këtë mënyrë, ky projekt shihet si një projekt i një rëndësie të veçantë lidhur me zbutjen e problemit të energjisë në vend. Gjithashtu, së bashku me linjën e interkonjeksionit 400 kW pritet të jenë projektet e para, të cilat pritet të sjellin mundësi më të mira për mbulimin e konsumit në vend.

BB dhe BERZH: Impakti mjedisor, brenda standardeve të BE

Studimet e Bankës Botërore dhe BERZH tregojnë se ndotjet në atmosferë nga ky termocentral janë brenda limiteve të standardeve që parashikon të implementojë Komuniteti Evropian më 1 janar të vitit 2008. Sipas udhëzimeve të këtyre studimeve, KESH ka ndërtuar një data-base për matjen e parametrave të cilësisë së ajrit, që do të përbëjnë bazën krahasuese të këtyre parametrave, kur TEC-i të nisë nga puna. Sipas korporatës, ky data-base do të ofrojë të dhëna, të cilat do të jenë të monitorueshme nga publiku për të mos lejuar tejkalimin e masës së ndotjes së parashikuar nga normat e BE. Megjithë kundërshtimet nga shoqatat të ndryshme që kanë kundërshtuar ndërtimin e këtij TEC-i, Banka Botërore është shprehur, se ndërtimi i tij do të jetë brenda të gjitha parametrave të përcaktuara në vendet e BE.

Dhënia e sheshit të ndërtimit është kundërshtuar pak ditë më parë nga Aleanca për Mbrojtjen e Gjirit të Vlorës, e cila më parë ka dërguar një kërkesë për rishikimin e investimit të saj për ndërtimin e TEC-it, si dhe rivlerësimit të impaktit mjedisor të tij. Pas dërgimit të një ekipi nga BB për të marrë në shqyrtim kërkesën e tyre, Aleanca u shpreh në shtyp, se banka u tërhoq nga investimi dhe se KRRT e Vlorës është duke përshpejtuar procedurat e dhënies së lejes së ndërtimit në kundërshtim me vendimin e Bankës Botërore. Kjo deklaratë u kundërshtua nga vetë banka, e cila u shpreh, se nuk ka asnjë tërheqje të saj nga ky projekt dhe se studimet për efektin e tij në projekt flasin për parametra të pranueshme nga të gjitha standardet ndërkombëtare. Në fakt, sipas vetë BB, mundësitë që paneli i inspektimit i BB të kërkojë terheqjen nga projekti janë thuajse zero, pasi, së pari, vetë banka ka marrë pjesë në studimet për efektet mjedisore, të cilat kanë qenë profesionale dhe, së dyti, ka edhe organizma të tjerë ndërkombëtare, të cilat janë bashkëfinancuese të këtij projekti si BERZH dhe BEI. Të dyja këto institucione kanë qenë dakord me këtë projekt, si dhe me parametrat e tij mjedisore. Në fakt, janë bërë dy studime lidhur me efektet që ndërtimi i këtij TEC-i ka në mjedisin e zonës. Një studim është bërë nga një kompani amerikane, ndërsa tjetri është bërë nga UNDP dhe, sipas të dyja studimeve, ndërtimi i TEC-it ka qenë brenda parametrave të pranueshme të efekteve mjedisore.

Tema

[Brari]

gazeta Sot

Krizat e energjisë dhe shteti shqiptar

09 August 2007

Nga Ali ELTAR


- E kemi thënë edhe herë të tjera se fuqia dhe përparimi i kombit qëndron te sasia e Energjisë që është në gjendje të prodhojë, sidomos të asaj elektrike.Ajo duhet gjithnjë t’i paraprijë, duke plotësuar më së miri të gjithë nevojat në rritje në sektorë të ndryshëm të ekonomisë kombëtare. Për sigurimin e mjaftueshëm duhet të përfitohet nga të gjitha mënyrat e jo vetëm në një rrugë, sado e lirë të jetë ajo. Për këtë duhet të bëhen hapa të shpejta dhe të gjithanshme, duke shfrytëzuar burimet e mundshme, që ka vendi. Është e pafalshme që vendi ynë të ballafaqohet gjithnjë me kriza ekstreme, e cila prej vitesh dëmtojnë ekonominë, kulturën dhe të ardhmen shqiptare. Nuk ka fushë të jetës ku energjia, në mënyrë të veçantë energjia elektrike, nuk është e dukshme me dëmtimin e zhvillimit të vendit tonë. Dhe ky dënim po i sjell pengesa të jashtëzakonshme dhe të vazhdueshme zhvillimit tepër të ngadalshëm të vendit. Shqipëria është mund dhe duhet të sigurojë sasi të pafund energji elektrike. Relievi i Shqipërisë, grykat dhe malet, fushat dhe prania e deteve i japin mundësi për sigurim të bollshëm të saj nga të gjitha mënyrat. Ndaj nuk kemi përse të presim dhe mburremi vetëm mbështetjen e të huajve për ndërtim hidrocentralesh dhe termocentralesh, të cilët krahas sigurimit të energjisë elektrike, kanë edhe të metat e tyre. Në kushtet tona ka mundësi dhe burime të tjera alternative, në mënyrë të veçantë ato ripërtëritëse, për të cilat “Shteti” ynë ende nuk e ka vënë ujin në zjarr. Ndër to mund të përmendim energjinë e diellit, të erës, baticave, gjeotermale dhe në mënyrë të veçantë atë të biogazit. Të gjitha, në fillim, mund të bëhen me fonde shumë më të vogla dhe të shfrytëzohen në krahina ku sigurohen më lirë dhe e sigurojnë me tension më të qëndrueshëm. Por të arrihen këto nuk është e thënë të mendohet në mënyrë globale (vetëm nga shteti), por edhe nga shoqatat, që po nënvlerësohen, si dhe individë të veçantë. Në këtë mënyrë shteti duhet të mos qëndrojë indiferent, por të jetë rregullator largpamës. Ai duhet të nxisin njerëz të veçantë, që kanë dijenitë e duhura të zhvillojnë alternativa të ndryshme të energjisë. Këta njerëz, duke parë edhe interesat e tyre vetjake, do të punojnë më me pasion të zbusin sado pak krizat që lindin dhe kërkesat në ngritje për energji elektrike, në mënyrë të veçantë ato që mund të sigurohen me fonde sa më të paktë. Për fat të keq nuk ndodh kështu. Shteti shqiptar nëse kërkojnë fonde shoqatat joqeveritare, edhe nëse fondet e kërkuara janë shumë të pakta, as që u jep përgjigje projekteve të tyre të dobishme për kombin. E theksoj këtë se Klubi Ekologjik Shqiptar- Miqtë ndërkombëtar të Natyrës ka dërguar shumë projekte në Ministri të ndryshme, por asnjërës prej tyre nuk i është dhënë as dhe përgjigje rutinë si “Na vjen keq, por...” Në vend të përgjigjeve shihet se ato projekte i zbatohen nga dikush tjetër, kuptohet të bastarduara për të përfituar nëpunës dhe të afërtit e asaj Ministrie. Shembuj të tillë kemi pafundësisht, që nga ajo për mbrojtjen e pyllit natyral të Spillesë në Kavajë, kur atëherë Ministri i Mjedisit, Et’hem Ruka na këshillonte t’i ofronim donatorët, se ai ishte i aftë për t’i përfituar ato fonde. Projekti për mbrojtjen dhe ripërtritjen e Parkut të Dajtit, i cili u zbatua nga Drejtoria e Pyjeve, por fitimet nuk shkuan në dobi të Komunës së Dajtit, e cila do t’i përdorte fondet për përmirësimin e atij ekosistemi. Projekt tjetër është ajo e rrethimin dhe mbrojtjen e Parkut të Tiranës. Pak vet e dinë se vendosja e policisë në Parkun e Tiranës më 1997 për mbrojtjen e asaj pjese që ka mbetur, u bë me përpjekjet e Klubit Ekologjik Shqiptar- Miqtë Ndërkombëtarë të Natyrës dhe mbështetjen personale të Zhan Pier Ribosë, në Strasburg. Gjithashtu anëtarët e kësaj organizate kanë ndërhyrë deri në fondet e OKB për të dhënë kontributin e tyre në zhvillimin e Shqipërisë. Për fat të keq gjithnjë kanë hasur në pengesa nga më të ekstremet nga nëpunësit e shtetit shqiptar. Ata nuk duan të punojnë për zhvillimin e shpejt të Shqipërisë, por sa janë në poste, kërkojnë të përfitojnë sa më shumë para për xhepat e tyre personal. Shembull mund të sjellim për ujin e pijshëm. Nga organizatë ndërkombëtare GVEP na u ofruan fonde për ndërtimin e ujësjellës qyteti. U këshilluam më drejtorinë e Ujësjellësit dhe Sanitetit në Tiranë, të cilët na udhëzuan të lidhemi me Drejtorinë e Ujësjellësit të Vlorës. Drejtoresha e ujësjellësit në Vlorë, Varvara Truja, sapo mësoi se këtë projekt do të zbatohej nga ajo dhe ndërmarrja private, por nën kontrollin e Klubit Ekologjik Shqiptar- Miqëve Ndërkombëtar të Natyrës, e refuzoi menjëherë. Arsyeja kuptohet. Fitimi për xhepin e saj do të ishte zero. Dhe e la popullin e Vlorës, siç e kam thënë në artikullin për këtë çështje “me këmbë në ujë dhe me fyt të tharë”. Pra janë këto arsye pse projekte e organizatës sonë kanë rënë në vesh të shurdhët. Duhet të dini se kjo organizatë ka hyrë në të gjitha sferat dhe është anëtare e thuajse të gjitha forumeve ndërkombëtare, duke u trajnuar në fusha të ndryshme ku mund të jap kontribut të fuqishëm në zhvillimin e vendit. Por, për fat të keq, kudo që trokasim në dyert e “Shtetit” tonë na japin përgjigje mospërfillje me heshtjen e tyre të plotë. Në vitin 2001 përfaqësuesi ynë u kthye nga Danimarka dhe Gjermania me njohuri shumë të mëdha në fushën e energjisë ripërtëritëse. Ne bëmë përpjekje dhe sigurojmë një fond të vogël nga të huajt dhe përkthyem materialet e para t’u vinte ndihmë shqiptarëve që dëshironin të nxirrnin vendin nga gjendje e rëndë energjetike që sa vinte e rëndohej. Pas një viti arritëm të sigurojmë fonde, gjithnjë nga të huajt, por një pjesë të parave ai i pagoi nga xhepi i tij për të bërë trajningun e parë pasunivesitar. U ndanë edhe materiale në CD në gjuhën shqipe, megjithatë nuk u panë arritje. Arsyeja? Sepse njerëzit nuk i kanë parë ato në praktikë. Përse ai nuk e bënë këtë? Sepse shteti shqiptar nuk e ka ndihmuar. Ai vërtetë futi ca fonde për kursin pasuniveritar, por nuk është aq i pasur sa të ndërtojë më fondet e tij modelin e parë. Për këtë ka bërë projekte në shumë vende të botës si Danimarkë, Gjermani, Holandë, Austri, ambasadat Norvegjeze në Tiranë, në OKB e deri në Jordani, por nuk ka gjetur azgjëkundi mbështetje. Për fat të keq edhe nga shteti shqiptar. Para katër vjetësh, organizata, me ndihmën e mikut në SHBA Sidney Clouston arritëm më hyjnë në lidhje me Ministrinë e Mjedisit të Suedisë, e cila jepte fonde për projektet që quheshin “Joint Implementation”, por nga ata morëm përgjigjen: “Nuk i japim grante (para të falura për veprimtaritë rëndësishme) Shqipërisë, se ata kanë firmosur Konventën e Kyotos, por nuk e zbatojnë”. E thënë më ndryshe, të huajt nuk shohin ato që thonë qeveritarët shqiptar, por ato që bënë, ndaj me të drejt Lara Stefansdottir, përgjegjëse e fondacionit Islandes, e cila duhet të ndihmonte organizatën tonë i shkruante Sidney Clouston, se për “Shqipërinë nuk kanë mendime të mira”. Si mund të ketë mendime të mira kur ish kryeministri shqiptar Nano bënte projekte në Bankën Botërore me 7 milionë dollarë për të pastruar ujërat e zeza të qytetit të Durrësit, para se të derdheshin në det! Për pastrimin e tyre do të krijohej këneta artificiale (ajo nuk u bë se u shfrytëzua pellgu i rasateve të peshkut që i përhapnin në të gjithë liqenet e Shqipërisë). Dhe fitimet shkonin në xhepat e kryeministrit dhe sigurisht edhe të të huajve, që e dinin të fshehtën, por që e mbyllnin gojën. Ato para, si dhe përqindjen, do të vazhdoj t’i paguajë populli i thjeshtë. Janë këto shkaqe që në Shqipëri po pasurohen me shpejtësi njerëzit e politikës dhe varfërohen me shpejtësi shtresat e gjera të popullit. Ndërsa projekti jonë, nëse do të ishte fituar nga Sidney Clouston, do të kishin marrë ujërat e zeza të një qyteti prej 30 000 banorësh, me të cilat do të përfitohej energji elektrike, pleh për tokës, ujë të pastër nga sëmundjet dhe mbeturinat e ndryshme, duke dhënë ndihmesë në zhvillimin e kombit. Duhet të pranojmë se në vitin 2001 Kina prodhonte në provinca 40% të energjisë elektrike nga mbeturinat organike të bujqësisë. Dihet se prodhimet organike, pasi shfrytëzohen për vlera ushqimore, mbetet pa përdorur kashte, që hidhet tutje. Edhe ushqimet e kafshëve nuk tretet plotësisht në stomakët e tyre, kështu që një pjesë e rëndësishme e celulozës del jashtë i patretur. Vetëm nga jashtëqitjet e kafshëve mund të sigurohet lëndë e parë me vlera të jashtëzakonshme për sigurim energjie. Të mos harrojmë se atë që nuk e bënë stomaku i tyre e bëjnë bakteret, të cilat rriten në mungesë ajri. Ato shkatërrojnë celulozën, duke siguruar ushqim për jetesën e tyre. Nga shkatërrimi del nga plehu gazi me erë të keqe që vështirëson jetesën e fshatarëve. Ky gaz përbëhet nga metani dhe ato që rrjedhin prej tij: etan, protan, butan etj. Të gjitha këto së bashku përmblidhen me emrin e përbashkët “metanole”. Është pak a shumë gazi që blihet në treg me bombola e që vjen nga jashtë. Nëse arrijmë që këto mbeturina organike, duke filluar nga jashtëqitjet e kafshëve dhe mbeturina e tjera organike, të jemi në gjendje t’i shpërbejmë në mjedise të mbyllura, secili fshatar, jo vetëm që do të shpëtojë nga erërat e pakëndshme dhe nga mizat që përhapin sëmundje, por edhe do të mund të shfrytëzojë për nevojat familjare në gatim e ngrohje, pa u detyruar të ngrenë dru në krahë të lodhen t’i çajnë ato. Në se mund të sigurojë me shumicë lëndë të parë do të jetë në gjendje të prodhojë edhe energji elektrike për nevojat familjare. Nëse secili fshatar do të ndërtojë tretësin e tij, kështu quhen ato, me fonde jo të mëdha për një familje në krahasim me fitimet që do të ketë, do të shpëtojë përjetësisht nga nevoja për dru dhe energjia elektrike nga “shirat”. Dhe për të gjitha nuk do të harxhojë më as një qindarkë, duke siguruar në vazhdimësi energji elektrike dhe mjetin për ngrohje dhe gatim. Atij do t’i duhet vetëm të pastrojë tretësin një herë në 10-15 vjet, kur shpenzimet e ndërtimit do t’i shlyej me parat që do t’i japi KESH-it brenda 1-2 vjetësh. Në se kjo punë do të kishte filluar para 6 vjetëve do të ishin harruar parat për ndërtimin e tretësit dhe do të ishin kursyer sasira të mëdha parash për të përmirësuar më tej ekonominë e familjes së tyre. Fshatarët kanë të drejtw të thonë se nuk kanë parë si punon ky tretës dhe a është ky i siguruar nga ndonjë shpërthim i papritur? Kjo është arsyeja që kemi dërguar projekte në “Shtetin” tonë dhe në shumë shtete të huaja për mbështetje financiare. Dhe a e dini sa shumë para kërkojmë? Vetëm 300 000 lek për tretësirë e parë te një fshatari me pesë lopë. Duhet thënë se secila lopë, nëse mbahen brenda në stallë, jep secila nga 2m³ gaz në 24 orë, ndërsa pesë lopë japin 10m³ gaz në ditë. Ato janë pasuri e madhe e familjeve, që humbasin çdo ditë. Na vjen keq dhe turp të theksojmë se “Shteti” ynë jep fonde të mëdha për priftërinjtë të huaj që vijnë në Shqipëri për shtimin e influencave të tyre, ndonëse krahas asaj bëjnë edhe punë edukative. Por ato nuk mund kurrsesi të krahasohen me vlerat e organizatës vendase, të cila jo vetëm përpiqet të lehtësoje sado pak krizat e energjisë, por, në të njëjtën kohë, do të sigurojnë vende punë për të rinjtë shqiptarë që po bëjnë çmos të braktisur vendin e lindjes dhe të begatojnë vende të huaja, duke vuajtur nëpër rrugët e kurbetit për jetë më të mirë. Nga ana tjetër këta të rinj që sot janë të papunë dhe përpiqen me të gjitha mënyrat të largohen nga Shqipëria, në se arrijnë të ndërtojnë tretësirë e parë të vogël, do të ndërtojnë shumë shpejt industrinë e biogazit në Shqipëri, duke mos lënë asnjë mbeturinë të tretet në natyrë dhe metanolet të ngjiten në stratosferë për të shtuar nxehjen e Planetit, nga e cila jeta jonë do të bëhet edhe më e vështirë. Por edhe do të sigurojnë për veten dhe familjen e tyre jetë më të begatë. Brenda këtyre gjashtë vjetëve Shqipëria do të kishte bërë hapa të dukshme në sigurimin e më shumë energjisë elektrike të nevojshme, sidomos për fshatrat ku kjo energji do të kishte dhënë frutat e saj të dobishme në jetën ekonomike, shoqërore dhe kulturore të fshatarëve. Kështu që secili fshatarë do të lidhej me shpejt dhe më mirë me zhvillimin kulturor të vendit dhe do të ndjente vendet më të sigurt dhe më të kënaqur në vendin e tij. Edhe Klubi Ekologjik Shqiptar- Miqtë ndërkombëtar të Natyrës do të përpiqej të ndërtonte impiante më të mëdha në pastrimin e ujërave të zeza të qyteteve, por edhe të shtonte veprimtarinë edhe në alternativa të tjera energjisë, si atë të baticave, nga të cilat do të siguroheshin edhe centrale të tjerë të vegjël krahinor, por edhe të energjisë së erës, gjeotermale etj. Të gjitha këto së bashku, në se do të ecnin me ritmin e duhur, do të zbusnin nevojat e Shqipërisë për energji elektrike. Arritjet do të shpejtonin zhvillimin e qëndrueshëm të ekonomisë, duke siguruar më shumë vende pune për inteligjencën tonë sidomos të rinjtë, që do të specializoheshin më tej e do të siguronin jetesë më të qetë e pa streset, që rrjedhin nga humbja e dinjitetit, duke u endur nëpër botë si njerëz të braktisur. Vetëm 300 000 lekë grant u kemi kërkuar Ministrisë së Punës, por me sa duket kjo Ministri ka vetëm emrin e “Punës”, ndërsa merret me punë të tjera ashtu si “Ministria e Energjetikës”, para disa vjetësh, kur ne shkuam për tu thënë se bota jep grante për projekte “Clean Mechanism” dhe nëpunësi, jo vetëm që nuk na lejojë të takonim persona përgjegjës, por as denjojë të na dëgjonte. E njëjta gjë mund të thuhet edhe për trajningun që donim të organizonim me ndërtues dhe punonjës të Ministrisë së Mjedisit, në lidhje me ndërtimet e reja të kërkonin sa më pak energji elektrike. Ata, me sa kuptuam, e quanin për fyerje të merrnin mësime nga shoqata joqeveritare, ndonëse këta ishin trajnuar në qendrat ne teknologji më të lart shkencore të Europës. Nëse nëpunësit e “Shtetit” shqiptar do të vazhdojnë ende të sillen me mospërfillje dhe do të përbuzin punën e intelektualëve shumë të aftë, të cilët janë të gatshëm të vënë në dispozicion të kombit njohuritë e tyre të reja, por që kërkojnë mbështetje financiare aq të vogël, gati qesharake, prej vetëm 300 000 lekë, atëherë krizat energjetike, jo vetëm që nuk do të zhduket, por do të thellohet dhe bëhet gjithnjë e më e rëndë. Qeveritarët duhet të bashkëpunojnë me shoqatat që janë të gatshme të japin ndihmesën e tyre. Shteti asnjëherë nuk do të jetë në gjendje ta nxjerri kombin nga vuajtjet dhe varfëria ekstreme ku e kanë futur, në se për përparimin e Shqipërisë nuk do të përpiqen së bashku të gjithë shqiptarët, sidomos shtresa e inteligjencës.

[Albo]

Mbarojnë burokracitë, jepet leja për TEC-in

KRRTRSH-ja miratoi në mbledhjen e djeshme lejen e ndërtimit për TEC-in e Vlorës. Kjo vepër, sipas Kryeministrit Berisha, do të futet në kapacitet të plotë në vitin 2009.

Sipas parashikimeve, TEC-i i Vlorës pritet të prodhojë rreth 800 milionë kilovat/orë energji në vit, çka do të ndikojë ndjeshëm në prodhimin vendas të energjisë me rreth 3 milionë kilovat/orë në ditë. Një gjë të tillë e konfirmoi edhe Kryeministri Berisha, duke vlerësuar këtë TEC, në ndryshim, sipas tij, nga projekti i mëparshëm, i cili nuk ishte TEC, por një park energjetik në qytetin bregdetar të Vlorës. Ndërsa përfaqësuesi i këtij projekti, duke folur para anëtarëve të Këshillit të Rregullimit të Territorit të Republikës së Shqipërisë, u shpreh se TEC-i nuk do të prekë zonën e plazhit, por do të ndërtohet në zonën e Pyllit të Sodës. “TEC-i do të ndërtohet në zonën e portit të ri, gjashtë km nga qyteti i Vlorës. Në këtë mënyrë, projekti do të lërë të lirë plazhin dhe do të shtrihet në zonën e degraduar të Pyllit të Sodës”, u shpreh përfaqësuesi i këtij projekti. Pas tij, sekretari i KRRTRSH-së, Marin Biçoku, konfirmoi se ky TEC do të zërë një hapësirë prej 14 hektarësh. Por pas tij, ministri i Bujqësisë, Jemin Gjana, u shpreh se në këtë projekt nuk është bërë ndryshimi i zërit nga “pyll” në “truall”, çka është e domosdoshme para miratimit të projektit, sipas tij. “Nuk gjej një dokument që zëri pyll të kthehet në truall. Çështjen e pronësisë ne këtu e tejkalojmë herë pas here”, u shpreh Gjana. Këtë propozim të Gjanës e mbështeti edhe Kryeministri Berisha, i cili u shpreh se duke qenë se kjo është një prerogativë e Këshillit të Ministrave, do të bëhet shumë shpejt. Gjatë miratimit të lejes së sheshit për ndërtimin e TEC-it të ri në Vlorë, Kryeministri Berisha u shpreh se, “po punojmë me intensitet për të ndërtuar të tjera TEC-e, në zona të tjera të vendit”. Ndërtimi i tyre, sipas Kryeministrit Berisha, “do të ndërmerret duke u mbështetur në investimet private me koncesion, si rezultat i partneritetit publik-privat, por edhe si investime publike”.

Panorama

[Alienated]

Z. Berisha kundershtonte kete vendim te ish kryeministrit Fatos NANO duke thene se TEC-i i Vlores demton ambientin e se nuk do ndertohej aty! Ne fushate e thoshte. Tani s'e prish ekosistemin sepse ekosistemi eshte demokrat tani!

[Ozzy]

keto projekte jane si puna e cekut te bardhe te te ndjerit tashko.
per sa kohe qe ketu nuk ka transparence se kush kur dhe cfare do te beje do te kete gjithmone pasiguri dhe moskenaqesi pra propabiliteti qe zano caushte te vijne eshte shume i madh.

rreziku i katastrofave natyrore ne projekte te tilla eshte shume i madh ( alaska perpara 16 vjeteve kur u mbyt nje cisterne ) nga ana tjeter po te kesh politikane pak te ndergjegjshem ( jo si ka.k berisho rulo edvine serbo greke harasansa )eshte fitimi per popullin shume i madh.
pra varet thjeshte nga politika shqiptare nese ky projekt te dale i sukseshem per popullin shqiptar.
sa per argumentat e trurismit:
shqiptaret dhe ate pak potencial qe kishin nuk ishin ne gjendje ta shfrytezonin.
ndertime skandaloze asociale ( vlora himara saranda )
cmime deri ne qiell
papasterti
me nje fjale injorance tamam sic e duan armiqte e shqiperise grekerit dhe serbet
ketyre te fundit i ruajti sala trimi shqiptar by.then
ata ambjentalista qe shkruajne kunder ketij projekti jetojne ne itali ose gjermani pra me nje standart social evropian.

standartet e turismit evropian sic eshte ne itali france ose spanje ne do ti arrijme te pakten mbas 500 vjetesh

[Lioness]

TEC-i në Vlorë, Këshilli bashkiak OK për referendumin

Këshilli i bashkisë së Vlorës miratoi kërkesën e disa këshilltarëve drejtuar KQZ-së për zhvillimin e referendumit në lidhje me Petroliferën

Të djathtët nuk shprehen me anë të kartonit, njëri abstenon. Me 20 vota "pro", miratohet kërkesa për referendum

Vlorë-Do të jenë vetë qytetarët e Vlorës që do të vendosin, nëse duan apo jo që në qytetin e tyre të ngrihet TEC-i. Vendimi është marrë dje nga Këshilli i Bashkisë së Vlorës, i cili në mbledhjen e radhës ka miratuar dhënien e mundësive qytetarëve të Vlorës për vetëvendosjen nëpërmjet referendumit për ndërtimin e veprave me bazë nafte. Pas kësaj, sipas vendimit të këshillit dhe si e duan procedurat ligjore, kjo kërkesë do t'i depozitohet KQZ-së.

Mbledhja

Miratimi ose jo i referendumit ka qenë edhe pika më e diskutuar në mbledhjen e këshillit bashkiak të radhës, e cila parashikohej në rendin e ditës. Gjithçka është kryer me iniciativën e një grupi këshilltarësh, shumica të LSI-së, të cilët i kanë drejtuar këshilltarëve të tjerë kërkesën për diskutimin e kësaj çështjeje, vlerësuar si e një rëndësie të veçantë për ta. Në emër të këshilltarëve që kanë firmosur kërkesën, kryetarja e grupit të Lëvizjes Socialiste për Integrim, Albana Hodo, ka theksuar se është detyrë e tyre marrja parasysh e kërkesës së mijëra qytetarëve vlonjatë. "Duke qenë përcjellës të zërit të tyre, ne e ndiejmë për detyrë të marrim parasysh kërkesën e mijëra qytetarëve",- tha ajo, dje në mbledhjen e këshillit bashkiak, duke theksuar se askush nuk mund të bëjë indiferentin kur komuniteti është kundër ndërtimeve të tilla. Këshilltarja është mbështetur në fjalën e saj dhe nga këshilltarët të tjerë.

Pro dhe kundër referendumit

Për rishqyrtim të vendimit nëpërmjet referendumit është shprehur dhe kryetari i grupit të këshilltarëve të PS-së, Eltar Deda, dhe përfaqësues të tjerë të këshillit, sipas të cilëve një vendim i tillë për kësi lloj ndërtimesh i duhet lënë në dorë komunitetit.Qëndrime të kundërta kanë mbajtur këshilltarët e grupit të djathtë.Sipas tyre, një vendim i tillë nuk është normal, pasi tashmë vepra ka nisur ndërtimin, ndërsa kërkesa e dërguar nga kolegët e tjerë nuk ishte e mirëformuluar. Këshilltarë që kishin qenë në këtë funksion dhe legjislacionin e mëparshëm, janë shprehur sespecialistët e ministrisë dhe projektit kishin ardhur, ishin njohur me situatën e ndërtimit, ndotjeve ambientale, por gjithçka ka mbetur deri në këtë kuadër.

Votimi, indiferentë të djathtët

Gjithsesi kryetari i këshillit, Arben Sinani, i ka hapur rrugë votimit, ku për procedurën kanë nguruar të bëjnë publike votën përfaqësuesit e spektrit të djathtë. Vetëm një prej tyre ka abstenuar, ndërsa të tjerët nuk janë shprehur me anë të kartonit, por as nuk kanë dalë nga salla kur është kryer votimi. Me 20 vota pro dhe një abstenim, kërkesa për referendum ka marrë OK, duke e depozituar këtë çështje në KQZ për të dytën herë. Vendimi erdhi pas një "lufte" të gjatë, debatesh pa fund, e protestash të shumta të komunitetit paraprirë nga aleanca për mbrojtjen e gjirit të Vlorës.

----------------------------------------------------------------------

Pak koment.

Me pare shkruaja teorikisht, si ne hava dmth, pa qene ne Vlore 9 vjete, dhe pa njohur nga afer situaten atje.
Tani po shprehem praktikisht. Jam shume e kenaqur qe me ne fund, mundi i NGO-ve dhe i qytetareve vlonjate nuk shkoi dem, dhe u vendos qe ky "projekt" te behet me referendum.
Eshte ironik fakti qe te djathtet ne qeverine e Vlores nuk votuan mbi referendumin, kur ne zgjedhjet e 2005 Berisha i premtoi Vlores pikerisht kete gje.
Gjithesesi, pertej politikes, Bashkia beri detyren ndaj qytetareve te Vlores. E kunderta do te kishte qene krim.

[Brari]

bashkia oj qike.. dhe gjiket e saje jane pronare te trojeve ne bregdet..pra dhe TEC-i do ngrihet mbi ato troje e llokmen e luanit do e marre gjika me shpetot e tjera..

prandaj nuku e ke pare shpeton ti andej nga pyjet e sodes.. duke demonstruar..
do e shesin sa frëngu pulen ata meter katrorin qe e kan marre me kallash 97-ti..
pra toka e perendise do shitet nga shpetimi i partise.. tek shteti i berish-rulise.. e drita do marre mafia e laberise.. e llogarine do e paguaj barku i vegjelise..

keshtu moj mengjerashe kacurele.. as ti nuku do ndihesh me per ekologjine sa te marc vesh se kan rene dakort shpetimat per tec..

qe thua tine.. ne koh te partise punes.. ishin me kokrra maqinat ne vlore e mileti dilte ne udhe e i ngrinte doren ndonje zuku a zisi ushtrie qe conte mallra nga vlora ne pasha..
e nje plake nje dizaj i ngre doren nje makine qe shkonte tujte nga skela per ne orikum.. e qe i binte udha dhe neper tynelin e ujftohtes....
i thote plaka shoferit ushtar..
biro.. kur te arriç te vërra..mbaje..
e kish fjalen plaka per te tyneli.. ne uj te ftonët..
aha tha ushtari.. po vajti te vërra nuk mbahet më moj neno..

lol


po mir ja kalove ne vlore..
cbenej andej.. e shanin vençe berishen apo jo..

kur do ja bënin 97-ten prap ca thoshin..
me shokun shpeto e edvin meto-gjinush nuk e len pa ja bere fora ata..

ta gezoni tec-in pra..

[Qyfyre]

qe thua ti lionesh te njejten filozofi ke me kte dervishin e vlores..
meqe e ben berisha rrugen o burra ta pengojme ne dervisho gjiko kanibalo 97-tshit.. se pse na ka ven partia ketu ..ja per kto pune..
kjo eshte.. motivi si per anti tecllekun si per anti rrug llekun..

ja cthot edvini i vlores ki dervishgjiku nga soji i pusi-prit-pabes-beresave te njohur te kapo bako manusho m.utave te enver dushanit qe i filluan kto punë qe me dizet e din-ë.. duke shpartalluar "fraksionet armiqesore"..
te njejtet si ahere si me 97 qe thithnin gjak e vinin zjarre shtetit dhe nashi qe ku te gjejne te pengojne cdo nisme te mire..

kta jan reaksioni barbaria e primitevet me armani e bmw-ra e grataciela ne pronesi ne bregdet ne mes tirane e kudo.. e konto jashte.. edvin lahperet e PS-se..

..




..........................
balkanweb

--

Vlore, bashkia pezullon punimet për rrugën transballkanike

23/05/2007 - 14:20

• Vendoret e Vlores kane qene te prere ndaj vendimit deri ne gjetjen e zgjidhjeve te plota teknike te projektit te rruges. Nenkryetari i bashkise Dervishaj tha se pezullimi i punimeve nuk eshte bere per arsye politike por me ceshtje qe lidhen me cilesine e rruges.

Bashkia e Vlorës ka vendosur të pezullojë punimet e firmave për rrugën transballkanike. Pas afatit 5 ditor lene nga bashkia e Vlores firmave zbatuese te projektit per rrugen transballaknike për përmirësimin e punimeve ka ardhur dhe vendimi i institucionit vendor. Sot nje prej firmave qe punon ne kete rruge ka nisur largimin e mjeteve nderkohe qe 2 firmat e tjera jane lejuar te kryejne vetem punime riparuese te dy efekteve ne tubacionet e ujesjellesit. Vendoret e Vlores kane qene te prere ndaj vendimit deri ne gjetjen e zgjidhjeve te plota teknike te projektit te rruges. Nenkryetari i bashkise Dervishaj tha se pezullimi i punimeve nuk eshte bere per arsye politike por per ceshtje teknike dhe cilesine e rruges. Edhe pas fazes paralajmeruese sipas tij nuk ka pasur asnje reagim nga drejtoria e pergjithshme e rrugeve.“Ka një indiferencë të dukshme te Drejtorise se Pergjithshme te Rrugeve, por pavarësisht kësaj ne jemi të prerë dhe të vendosur përsa i përket pezullimit, shkak i të cilit është vetëm cilësia e rrugës. Deri tani ne nuk i kemi kerkuar ende drejtorise se rrugeve per te lidhur kontraten me Bashkine e VLores , sipas ligjit, por i kemi kerkuar vetem qe keto firma te punojne me nje sistem te sakte, jo nje cop ketu e nje cop aty. Nese firmat do te rinisin punen perseri ne transballkanike pa nje urdher te dyte,do te jete policia bashkiake ajo qe do te marre masa per pezullimin e punimeve.”,- tha Dervishaj.

po ashtu eshte politika ne shqiperi. kush tja prishi tjetrit dhe e ha populli. sala i prishi mbiikalimin e i ka ndaluar plot rregullime rames ne tirane. biles shkoi edhe kunder planeve qe ishin miratuar per planin e tiranes. tani keta i prishin planet qe ka Sala pa e care shume koken se a eshte apo jo per te miren e popullit.

sa per tec e per gjera te tilla, mos e mburr shum salen se njer ishte kunder e tani doli pro sic ishte dhe per albtelekomin. te gjithe behen te ndershem kur nuk kane gje ne dore, po sa i kane gjerat vete ne dore dhe kane mundsi te marrin pare fillojn pislliqet te gjithe si PS si PD e gjith partit e tjera rresht ca jane

[Qyfyre]

Z. Berisha kundershtonte kete vendim te ish kryeministrit Fatos NANO duke thene se TEC-i i Vlores demton ambientin e se nuk do ndertohej aty! Ne fushate e thoshte. Tani s'e prish ekosistemin sepse ekosistemi eshte demokrat tani!

po kshu jane punet tani se ka mundsi te marri milionat sala dhe se rru njeri per ambientin. tani nuk e do PS se u kujtua qe teci prish ambientin.

[njemik]

Pas refuzimit te forte, publikisht projekti i petroliferes u shty ose u refuzua, keto javet e fundit, ne menyre shume te qete dhe pa buje, ne Vlore kane filluar punimet per ndertimin e portit te petroliferes.
Pa komente nga qeveria, pa prerje shiritash.

Ne takim “PR” te rradhes nga perfaqesues te petroliferes, studente Vlonjate kane protestuar kunder ketij projekti me nje menyre qe ka dale pak nga kontrolli. Duke gjuajtur perfaqesuesit me peshq te ngordhur, veze dhe nafte. Shihni lajmin me poshte nga Balkanweb.

Kane bere mire, kane bere keq?

Dicka eshte e sigurt.

Duke gjykuar nga reagimi i perfaqesuesit Shalsi ndaj naftes dhe peshqve te ngordhur ne fytyre, mund te dyshohet se ai nuk do te jete frekuentues i rregullt i plazheve te Vlores pas ndertimit te petroliferes. Ceshtje shijesh


Lajmi nga Balkanweb.com
Vlore, sherr mes studenteve e perf. te Petroliferas
» Dërguar më: 19/11/2007 - 16:32

Studentet e pranishem ne takim kishin pergatitur pankarta me ane te se cilave shpreheshin kunder ndertimit te petroliferes ne qytetin e Vlores.

Eshte shoqeruar me incident takimi i sotem mes studenteve te Universitetit te Vlores dhe perfaqesuesit te petroliferes Gazmend Shalsi. Studentet e pranishem ne takim kishin pergatitur pankarta me ane te se cilave shpreheshin kunder ndertimit te petroliferes ne Vlore. Gjate fjales se zotit Shalsi, studentet filluan te hidhnin veze dhe fjale kunder investimit. Situata u acarua se tepermi kur nje nga studentet I hodhi ne fytyre perfaqesuesit te petroliferes, nafte. Ky veprim acaroi zotin Shalsi I cili I nxehur eshte ngritur nga tavolina dhe eshte drejtuar drejt studentit duke tentuar ta qelloje ate. Situate ka filluar te normalizohet pas daljes nga salla te zotit Shalsi.

Nga A1tv.al
VLORE-PROTESTA PER PETROLIFEREN

15:45 19/11/07

tudentët e universitetit “Ismail Qemali” te Vlores i jane kundervene sot me vezë e naftë përfaqësuesit te Petroliferës, gjate nje takimi te zhvilluar ne kete Universitet, qe ishte menduar si nje seance per transparence. Por gjithcka ka përfunduar në thirrjet “Jashtë, jashtë dhe kryemenaxheri I shoqërisë, Gazmend Shalsi, nuk ka mundur dot të japë sqarime, pasi në drejtim të fotos së Petroliferës së varur në ambjentet ballore të sallës së madhe, kanë fluturuar vezë, domate, peshq të ndenjur dhe në fund naftë. Shalsi shoqerohej në kete takim nga rektori Shkurtaj, por pasi ka filluar prwzantimin dhe ka nisur sqarimin per projketin e petroliferes, përfaqësuesi I qeverisë studentore, I është drejtuar Shalsit për të dalë jashtë nga salla, pasi sipas tij keto sqarime duheshin bere 3 vjet me pare. Kreu i qeverise studentore eshte pasura nga te gjithe studentet e pranishem ne takim. I mbuluar me nafte e veze perfaqesuesi i petroliferes ka lene sallen, i percjelle nga thirrjet e studenteve “Vlora nuk e do Petroliferën”. Ne nuk e duam këtë vepër, e kemi kundërshtuar, kështu që nuk kemi pse vijojmë me takime korteziale”- thane studentet. Ata janë shprehur të revoltuar se do të vijojnë protestat për veprën, e cila rrezikon seriozisht Vlorën. Projketi per ndertimin e poetroliferes eshte kundershtuar me force nga gjithe populli i Vlores, ambjentalistet dhe intelektualet e veretet te ketij qyteti. Madje vlonjatet kerkuan edhe nje referendum ku te shpreheshin per ndertimin e kesaj vepre, kerkese qe eshte hedhur poshte nga KQZ.