Klubi i Milanistëve #12 - (Forza Milan)

[inter_forever]

Kur te dali lajmi zyrtar , te pakten me thoni qe ''kishe te drejte'' ....se kam 2 muaj qe ju them ....

p.s
informacionet qe kam une , jane me te sakta se gazetat zhurmuse qe duan vetem te shesin sa me shume

[Bledari]

Kristian Vieri: Interi më dha duart!

Një javë pas nënshkrimit për Milanin, Kristian Vieri ka thënë të vërtetën e tij për divorcin me Interin: "Klubi zikaltër thirri agjentin tim dhe i kërkoi zgjidhjen e kontratës, unë nuk mund të qëndroja në një skuadër ku nuk më donin më. Gjëja më logjike ishte të gjeja një skuadër të re dhe të largohesha, më pas më thirri Milani dhe pranova menjëherë." Për aventurën e re: "Ndihem shumë i emocionuar dhe kam dëshirë të paraqitem mirë." Fjalë të zjarrta ato të Bobo Vierit, i cili në ditën e tij të parë si kuqezi nuk kursen asnjë fjalë dhe shpjegon atë që ndodhi në ato dy ditë që ndryshuan të ardhmen e tij. Nuk ka qenë ai që kërkoi të largohej nga Interi, sikurse mund të ishte menduar fillimisht: pra ka qenë një divorc i njëanshëm, ose më saktë, që u kërkua vetëm nga njëra palë. "Njëzetë ditë më parë, Interi thirri agjentin tim për të zgjidhur kontratën, por unë s'kisha kërkuar asgjë, as garanci teknike e as përzgjatje, - tha Vieri. - Mendoja se do të qëndroja tek Interi edhe një tjetër sezon dhe më pas në fund të vitit do të gjeja një skuadër tjetër. Nuk e di përse vendosën kështu, edhe pse në futboll këto gjëra ndodhin. Në kontratë nuk kishte asnjë klauzolë që më pengonte të shkoja te Milani". Ish-golashënuesi zikaltër vijoi për Interin: "Nuk mund të qëndroja në një skuadër, ku nuk më donin më, ? vazhdoi Vieri, ? dhe, duke qenë se isha i lirë, ishte e drejtë që të zgjidhja skuadrën më të fortë. Në momentin kur u paraqit Milani, thashë menjëherë "po", ishte një marrëveshje që u arrit brenda dy orëve." Për marrëdhëniet me Mançini, që pëshpëritej se nuk ishin të mira: "Nuk kam asnjë problem me Mançinin. Përse nuk isha në finalen e Kupës së Italisë? Isha i dëmtuar dhe i kërkova klubit të shkoja me pushime dhjetë ditë më parë." Pavarësisht nga miqësia e madhe me Paolo Maldinin, Bobo nuk i kishte thënë se do të kalonte te kuqezinjtë. "Askush nuk dinte gjë për këtë çështje, ? rrëfeu ai, ? por është normale se kur njeh ndonjë lojtar, është edhe më mirë." Vieri u shpreh "tepër i emocionuar, sepse të ndërrosh skuadër pas gjashtë vitesh tek Interi, të bën disi përshtypje. Por kam shumë dëshirë të paraqitem mirë, - përfundoi sulmuesi, - për të fituar besimin e klubit, të trajnerit dhe të shokëve." Vieri ka nënshkruar për dy vjet, por për një zgjatje të mëtejshme, ai thotë: "Më parë të mendojmë të paraqitemi mirë në këtë sezon, më pas të shohim. Do të jenë shumë ndeshje dhe do të përpiqem të shpalos vlerat e mia. Shpresoj që më në fund të arrij të fitoj diçka." Ç'përshtypje keni pasur për Milanin? "Më është dukur një klub me një organizim të madh".


Maldini: Bobo s'do ta ketë të lehtë
"Është një kënaqësi të kthehesh në fushë pas shumë ditësh pushim. Kisha filluar të ndieja mungesën e Milanelos, të shokëve dhe të stërvitjes." Kapiteni i Milanit, Paolo Maldini, shprehet i gatshëm për sezonin e ri në ditën e grumbullimit. "Blerjet? Milani tregohet gjithnjë i kujdesshëm ndaj zhvillimeve të merkatos dhe ndaj nevojave të skuadrës. Vieri? Pas gjashtë vitesh tek Interi s'do të jetë e lehtë, është një ndryshim i fortë edhe për dikë si Bobo, por një qendërsulmues i bëshëm dhe mëngjërash na mungonte."

mare nga Sporti Shqiptar

[Bledari]

Ançeloti: Organika është përmirësuar

Në prezantimin e Milanit 2005/2006, Karlo Ançeloti është shprehur i kënaqur me lëvizjet e klubit në merkato: "Klubi ka lëvizur me nivel të lartë, në një moment në të cilin është e vështirë të veprosh në merkato. Janë bërë sforcime të mëdha dhe organika është përmirësuar ndjeshëm." Trajneri ndihet që tani i gatshëm për sezonin e ri: "Ka ardhur momenti që të rifillojmë me dëshirë dhe entuziazëm. Do të punojmë për të arritur suksese të tjera. U uroj lojtarëve të rinj të gjejnë mjedisin dhe motivacionet e duhura dhe të integrohen mirë", - shtoi Ançeloti. Mes fytyrave të reja ishte edhe Vogeli, që u mor me çmimin zero nga Psv Eindhoveni, detyra e të cilit do të jetë ajo e zëvendësit të Pirlos. "Vogeli është një lojtar shumë i zgjuar taktikisht, - ka thënë Ançeloti, ? u treguam të shkathët dhe patëm fat që gjetëm një lojtar si ai, që ka edhe shumë përvojë ndërkombëtare. Kush vjen këtu, duhet të ketë dëshirën për të luajtur titullar. Atij i them që të bëjë çmos të luajë në vend të Pirlos, kurse Pirlos i them që të luftojë, sepse prapa ka një kampion të madh." Sipas Ançelotit, ata që do të luftojnë për titullin, do të jenë Juvja, Interi dhe vetë Milani. "Këto tri skuadra do të luftojnë për të fituar edhe Ligën e Kampioneve. Secili prej nesh mendon se është më i forti, por këtë do ta shohim në fund." Trajneri i Milanit, më pas, shpjegoi se objektivi do të jetë që skuadra të niset menjëherë fort. "Faza e fillimit të sezonit do të jetë shumë e rëndësishme. Kemi një potencial tepër të madh, por për të shmangur problemet, duhet të nisemi shumë fort." Trajneri më pas u ndal te çështja "Krespo" dhe i dha mirëseardhjen pasardhësit të argjentinasit, që është Bobo Vieri: "Krespo s'ishte i Milanit, klubi bëri gjithçka për ta mbajtur, por Çelsi preferoi ta rimerrte. Por ndihem i kënaqur për ardhjen e Vierit dhe jam i sigurt se ai do të bëjë që mungesa e Hernanit të mos ndihet."


Mare nga Sport Shqiptar

[Bledari]

Shevçenko: Konkurrenca më pëlqen

Në prag të grumbullimit me Milanin për sezonin e shtatë, Shevçenko nuk i druhet konkurrencës madje i pëlqen, pavarësisht ardhjes së Vierit dhe zyrtarizimit të mundshëm të Xhilardinos: "Nëse grupi është i fortë, problemi është i të tjerëve, - thotë ukrainasi. - Pyesja miqtë e mi: "A ka nënshkruar Xhila?". Ndërsa ardhjen e Vierit e mora vesh nga Maldini. Ishim me pushime bashkë në një vend të bukur. Celularët funksionin pak a shumë dhe një gjë e tillë s'mund të mos më kënaqte. Kisha nevojë për të qetësuar mendjen, të shijoja me familjen tinme për të kaluar një periudhë pa stres.
Ky Milan i ka "letrat" në rregull për të fituar. Është një nga më të mirët, si gjithnjë". A jeni i kënaqur për ardhjen e Vierit? "Unë jam gjithnjë i kënaqur kur Milani merr lojtarë të mëdhenj, - sqaron Sheva. - Xhila? U nisa me pushime i sigurtë se blerja e tij ishte e mbaruar, por më pas mësova se jo gjithçka ishte arritur. Isha kureshtar të dija se kur do të nënshkruante. Megjithatë tani më duket një formalitet. Unë nuk kam frikë nga konkurrenca, kurrë. Çelsi? Nuk di asgjë për ofertat e Çelsit, di atë që dua unë. Nëse klubi nuk ndryshon ide, unë do të qëndroj këtu".

Galiani: Tomasoni, drejt Benfikës
Adriano Galiani, në konferencën për shtyp të prezantimit të sezonit të ri të kuqezinjve, ka bërë të ditur se ka shumë mundësi që Tomasoni të kalojë te Benfika: "Tomasoni nuk ka ardhur në grumbullim, sepse për të ka disa bisedime me Benfikën që ndodhen në një pikë tepër të avancuar dhe që mund të mbyllen me sukses që sot." Dhe për Krespon shpjegoi: "Bëra gjithçka për ta mbajtur. Vieri është zëvendësuesi i tij ideal". Më pas, duke folur për blerjen e Alberto Xhilardinos, ai tha: "Çështja ekziston, do të mbërrijë një sulmues dhe uroj që të jetë ai. Megjithatë, sezonin e ardhshëm do të kemi 4 pyka".

Vogel: Do të jap kontributin tim
Një botë e vështirë por tërheqëse. Në ditën e prezantimit të Vierit si sulmues i ri i Milanit, zvicerani Johan Vogel ka folur për ditët e tij të para si kuqezi dhe është i bindur se mund të zërë një vend të rëndësishëm në skuadrën e re të Karlo Ançelotit: "Kam dy ditë që ndodhem këtu dhe gjëja që më ka bërë më shumë përshtypje në të gjithë mjedisin, është organizimi i madh teknik dhe sportiv: kam bërë më shumë teste se thuajse në të gjithë karrierën time. Duke i lënë shakatë, shpresoj me të vërtetë që të kontribuoj, që te Milani gjërat të shkojnë më mirë se në sezonin e kaluar."

Jankulovski: Dua të mësoj nga Maldini
Në ditën e parë të tij te kuqezinjtë, Marek Jankulovski tha: "Kam ardhur në një skuadër të madhe. Objektivi im tani është të shërohem plotësisht, por mund të them se ndihem mirë. Fizikisht jam mirë, kam filluar të punoj dhe kam nisur të vrapoj. Shpresoj të jem gati për ndonjë miqësore. Dëshiroj të mësoj shumë nga këta kampionë, nga yje si Maldini për shembull. Është bukur të jesh këtu, shpresoj të përshtatem sa më shpejt të jetë e mundur. Ku parapëlqej të luaj? Në mesfushë, në mbrojtje, të shohim. Jam i gatshëm".

Sedorfi i vë "kapakun" Stambollit
Klarens Sedorf prezantohet në Milanelo me një luk të ri dhe i motivuar: "Jam i lumtur që po filloj që nga dita e parë, - tha mesfushori holandez. - Mund të them vetëm se jam i karikuar për nisjen e sezonit të ri. E kam rigjetur skuadrën të qetë dhe në këtë aspekt nuk është për t'u nënvlerësuar. Stambolli për ne është një kapitull i mbyllur. Sot (dje) kam gjetur një entuziazëm të ri. Milani do të mbesë një skuadër e fortë, me shumë dëshirë për fitore. Shpresojmë natyrisht që rezultatet të na e konfirmojnë këtë në fushë".

Mare nga Sporti Shqiptar

[Davius]

Kur te dali lajmi zyrtar , te pakten me thoni qe ''kishe te drejte'' ....se kam 2 muaj qe ju them ....

p.s
informacionet qe kam une , jane me te sakta se gazetat zhurmuse qe duan vetem te shesin sa me shume

Tash na doli edhe nje gazetar qe ka extra informata hahah hahaha

Nejse Gila shkoj tek Milani

[StormAngel]

Sa mire i ngjajka bluza e Milanit.

[jonka]

[QUOTE=Davius]Milan-Çelsi, "luftë" nervash në merkato

Ndoshta jam jashte teme por do shkoj te shof ndeshjen Milan- Celsi. Per ata qe jetojne ne New York ndeshja eshte ne Giants stadium ne 3:45 31 korrik. Mbase ju sjellim ndonje foto atyre qe s'jetojne ketu

[niku-nyc]

[QUOTE=jonka]

Milan-Çelsi, "luftë" nervash në merkato

Ndoshta jam jashte teme por do shkoj te shof ndeshjen Milan- Celsi. Per ata qe jetojne ne New York ndeshja eshte ne Giants stadium ne 3:45 31 korrik. Mbase ju sjellim ndonje foto atyre qe s'jetojne ketu

Do ket shum njerz ne stadium sigurisht dhe shum shqiptar

[Davius]

Xhilardino: Fanella me nr.11, një nder

Dje ka qenë dita e parë e Alberto Xhilardinos si lojtar i Milanit. "Ishte e vështirë të më zinte gjumi një natë më parë, ? shpjegoi sulmuesi për mikrofonët e "Studio Sport". ? Ishte një emocion tepër i madh. Nuk e prisja se do të kishin dalë aq shumë njerëz për të më duartrokitur, shpresoj që t'ua shpërblej me gola ngrohtësinë tifozëve". Xhilardino do të veshë fanellën me numër 11, të cilën vjet e mbante Krespo: "Është një nder për mua, falënderoj Galianin për këtë fanellë".

Ai ka kryer vizitat mjekësore rituale dhe më pas ka hyrë në derën prej hekuri të qendrës sportive Milanelo. Vetëm në atë moment, pas një nate pa gjumë, Alberto Xhilardino duhet të jetë bindur se ëndrra e tij ishte bërë me të vërtetë realitet. Të riun nga Biela tani nuk e mban më vendi nga gëzimi. Ai ka luftuar për të vajtur te Milani, edhe atëherë kur rruga vinte në tatëpjetë dhe kur dukej se çështja do të dështonte.

Tani, më në fund, ka mbërritur atje ku kishte kohë që shpresonte të shkonte. Në sulm do të ketë shokë si Shevçenko, Vieri dhe Inzagi: "Te Milani do të gjej lojtarë të mëdhenj, do të ketë një konkurrencë të madhe, por është normale që në një klub kaq të rëndësishëm, do të përpiqem të punoj fort, megjithatë jam nën urdhrat e Ançelotit". Kur mund t'ju shohin në fushë tifozët kuqezinj? "Nuk e di ende nëse do të luaj në turneun amerikan, duhet të rinis të stërvitem më parë dhe më pas të shohim." Xhilardino do të veshë fanellën nr.11, që i është lënë në trashëgimi nga Hernan Krespo: "Për mua do të jetë një nder i madh", - përfundoi ai.

[Davius]

Ançeloti: Kam një ide për mesfushën

Karlo Ançeloti, i cili po përgatitet të niset për në Trieste me skuadrën, ku sot do të zhvillohet trofeu tradicional Tim ndërmjet Milanit, Juves dhe Interit, është shprehur entuziast për mbërritjen e Alberto Xhilardinos te kuqezinjtë. "Ndihem shumë i kënaqur që Xhilardino ka mbërritur te ne, ai është një armë shumë e rëndësishme për të tashmen dhe në të ardhmen mund ta veshë për shumë vite këtë fanellë prestigjioze", - në një repart të përbërë edhe nga Shevçenko, Vieri dhe Inzagi. Meqë ra fjala për Shevën, trajneri kuqezi i ka vënë një gur sipër gojëve të liga pas ballafaqimit të tij kokë më kokë me lojtarin dhe që u filmua fshehurazi nga "Sky". Ai e ka zvogëluar ngjarjen:

"Nuk ka qenë një zënkë, por një diskutim normal. Ka shumë interpretime dhe unë nuk ua them se cila është e vërteta. Sqaruam disa gjëra dhe gjithçka u mbyll me një shtrëngim duarsh." Ançeloti ka shpjeguar se nuk është folur për ndërhyrjen kirurgjikale, së cilës iu nënshtrua ukrainasi të premten e kaluar: "Jo, s'ishte kjo arsyeja. Operacionin duhej ta kishte kryer dhe e kreu pasi foli me mua dhe me stafin mjekësor." Dhe lidhur me mimikën e gojës së Shevës, nga ku mund të dallohej fjalia "nëse nuk më doni, më lini të iki", Ançeloti ka theksuar: "S'ka asnjë rrezik që Sheva të largohet. Ka qenë një fjali e interpretuar keq.

Shevçenko është një lojtar i domosdoshëm për Milanin dhe, sikurse të gjithë kampionët e mëdhenj, do të qëndrojë te Milani." Njerëz të rinj, motivime të reja dhe një ide e re. "Do të ketë diçka të re, po mendohem për këtë", - shprehet në mënyrë mjaft të mistershme Ançeloti. Me pak fjalë, për Milanin që do të lindë, trajneri jep një të dhënë të re, por pa hyrë fare në detaje: "Është diçka e re që lidhet me një lojtar në veçanti. Mund t'ju them vetëm se është një mesfushor, por nuk kam folur ende me të". Në pritje të Xhilardinos, sot do të jetë dita e Vierit. "Është prezantuar shumë mirë, vjet kaloi një sezon me dritëhije, por në këto ditë të para nuk ka munguar në asnjë minutë të stërvitjes, - rrëfeu ai. - Nuk është ende në formën më të mirë, por ka kryer një javë stërvitje që do t'i shërbejë shumë në vijim të sezonit.

Nëse do të jetë në gjendje, sot në Trieste mund të luajë edhe 90 minuta. Nga ai pres atë që ka bërë gjithnjë, të shënojë gola". Më pas, Ançeloti shtoi: "Do të mungojnë me siguri Paolo Maldini dhe Jankulovski. Paolo ka ndjerë një shqetësim muskular, ndërsa Mareku po vazhdon programin e tij të riaftësimit. Pritet të jetë i pranishëm edhe Vogel, ndërkohë që do të grumbullohet edhe i riu Ardemanji". Për të përfunduar, një porosi: "Duhet të rigjejmë menjëherë entuziazmin dhe dëshirën për të fituar, në këtë kuadër do të jenë të rëndësishme dy ndeshjet që do të luajmë. Për ndryshimet taktike mund të them vetëm se mund të provojmë mbrojtjen me tre lojtarë, por kjo mbetet vetëm një zgjidhje alternative."