LSI: Nuk bëjmë aleancë me PS, para apo pas zgjedhjeve

[Albo]

LSI: Aleancë me PS, kur të pastrohet nga të korruptuarit

Shekulli

TIRANË- Kryetari i grupit parlamentar të LSI-së, Sabit Brokaj, është shprehur dje se kjo parti nuk bën aleancë me PS-në, për sa kohë ajo nuk pastrohet nga elementët e korruptuar. Brokaj është shprehur i hapur për aleanca paszgjedhore me partitë e majta. Një ditë më parë, sekretari i Përgjithshëm i PS-së, Gramoz Ruçi, është shprehur se më parë do të shihet rezultati i zgjedhjeve për të vendosur edhe për ndonjë aleancë me LSI-në, duke mos e mbyllur plotësisht shtegun e një aleance të tillë. “Ne kemi deklaruar se synojmë fitoren. Në këtë kuptim, nëse ne e realizojmë këtë objektiv për të cilin luftojmë dhe kemi siguri se do ta arrijmë, thënia e Ruçit natyrisht nuk mund të përfshihet në qëndrimin tonë. Në rast tjetër, do ndjekim përsëri një princip bazë që ne nuk mund të bëjmë asnjë koalicion me përfaqësues të korrupsionit, të monopoleve. Është jashtë filozofisë sonë, është në kundërshtim me principet tona një bashkëpunim dhe një koalicion i tillë”,- deklaroi dje Brokaj. Ruçi u shpreh se PS-ja nuk përjashton bashkëpunimet paszgjedhore me partitë e majta apo ato të qendrës, të deklaruara si të tilla. “Lidhur me aleancat me parti të përveçme, me parti të qendrës apo të majta, unë nuk kam asnjë arsye të paragjykoj askënd, se nuk e di se kush do rezultojë, e cikluar apo e ricikluar, në zgjedhjet që do të zhvillohen gjatë muajit korrik”,- tha Ruçi.

[Albo]

META: NUK QEVERISIM ME MONOPOLISTET

Tedi Blushi

Ilir Meta deklaroi dje se Levizja Socialiste per Integrim nuk do te kete nje bashkepunim para apo paszgjedhor me Partine Socialiste. Ai e argumentoi kete qendrim me vullnetin per te mos u shnderruar sipas tij pjese e monopolisteve dhe bashkeautor me ata qe synojne te cenojne rende integritetin e zgjedhjeve. Keto deklarata kreu i LSI-se i dha gjate nje komunikimi me gazetaret ku ai u shfaq ne krah me zv/kryetarin Pellumb Xhufi te sapovotuar nga Konventa Kombetare. "Ne e kemi konfirmuar duke e bere te qarte qe pavaresisht se jemi nje force e majte, ne nuk mund te bejme asnje koalicion jo vetem parazgjedhor, por as paszgjedhor me monopolistet, per me teper me te gjithe ata qe synojne te cenojne kaq rende kete proces dhe ne menyre kaq arrogante e te papergjegjshme integritetin e zgjedhjeve te ardhshme", u shpreh Meta. Mes te tjerash ai rikonfirmoi gjithashtu besimin se LSI do te jete forca e pare politike ne keto zgjedhje c'ka praktikisht sipas tij e lehteson LSI-ne nga cdo lloj detyrimi per te bere koalicion me ato forca qe ka dallime parimore. "Mendoj se LSI do te jete forca e pare politike ne keto zgjedhje, ajo qe do t'i fitoje keto zgjedhje. LSI do te jete forca politike, qe do te qeverise Shqiperine, do te nenshkruaje marreveshjen e stabilizim-asociimit, do te pergatise aplikimin e Shqiperise per ne BE, sepse ne fund te fund ne, jemi Levizja Socialiste per Integrim dhe jo per izolim", vuri ne dukje ai. Ndersa duke iu pergjigjur interesit te gazetareve sa i takon qendrimit te LSI-se per daten e zhvillimit te zgjedhjeve Meta u shpreh se ky nuk eshte ky thelbi i problemit te procesit zgjedhor. "Persa i takon dates mendoj se kjo nuk eshte gjeja me e rendesishme per procesin zgjedhor, dy jave para apo dy jave mbrapa, nuk eshte ky thelbi i problemit te procesit zgjedhor te cilesise se tij, te ndershmerise se tij. Ekzistojne probleme shume te medha, te cilat kercenojne kete proces qe nga ndryshimet e bera ne kod, te cilat ne i kemi konsideruar si hapa prapa, deri tek perpjekjet per te organizuar secila parti Dushkun e vet, qe do te demtoje mjaft seriozisht legjitimitetin e zgjedhjeve te ardhshme, ne rast se nuk do te parandalohet", nenvizoi kreu i LSI-se. Ne vijim te ketij argumenti ai preferoi gjithashtu te ndalej ne menyre te vecante edhe ne ceshtjen e "Dushkut" per te cilen beri dhe komentet perkatese. Sipas Metes, LSI-ja nuk do te mbeshtese insiativat e asnje prej atyre, te cilet kane pergjegjesine, ne demtimin serioz te besimit te shqiptareve tek vota e lire.Njekohesisht ai siguroi se LSI-ja eshte e vendosur per te kontribuar, "ashtu sic percaktojne edhe rezolutat qe ajo miratoi ne Konventen e fundit, persa i takon ceshtjes se zgjedhjeve te pergjithshme, ne cdo inisiative qe garanton integritetin e votes se qytetareve shqiptare". Ne kete menyre Meta la te nenkuptohet se partia qe perfaqeson nuk do te rradhitet as perkrah nje amendimi te mundshem te Kodit Zgjedhor per "Dushkun" nga ana e opozites si dhe as perkrah perpjekeve te PS-se qe sipas tij synojne te devijojne ne menyre jokushtetuese votat e shqiptareve.