Amerikanët e NDI kundër Dushkut të PS-së

[Albo]

Bush, Nanos: Zgjedhjet, sipas standarteve

E Shtune, 09 Prill 2005

Presidenti amerikan i kerkoi Kryeministrit Nano dhe te gjithe shqiptareve te organizojne zgjedhje parlamentare sipas standarteve, duke nenvizuar se ato do te sherbejne si moment i rendesishem i progresit te Shqiperise

Presidenti amerikan, Xhorxh W. Bush i kerkoi Kryeministrit Nano dhe te gjithe shqiptareve te organizojne zgjedhje parlamentare sipas standarteve, duke nenvizuar se ato do te sherbejne si moment i rendesishem i progresit te Shqiperise. "Zgjedhjet e kesaj vere do te sherbejne si nje moment i rendesishem i progresit ne kete proces dhe ne jemi te bindur se te gjithe shqiptaret do te punojne se bashku per te siguruar qe keto zgjedhje te jene sipas standarteve te duhura", shkruan Bush, ne nje leter per Kryeministrin shqiptar, percjelle nepermjet ambasadores se SHBA ne Tirane, Marsi Ris.

Ne te njejten kohe, shefi i Shtepise se Bardhe, vleresoi vendimin e fundit te Qeverise se Shqiperise per rritjen numrit te forcave te saj ushtarake ne Irak. "Une shpreh falenderimet e mia personale dhe ato te Shteteve te Bashkuara per kete hap te rendesishem. Ky eshte nje tjeter tregues i angazhimit te vazhdueshem dhe te thelle te Shqiperise ne luften kunder terrorizmit ne mbare boten dhe sigurimit te paqes, stabilitetit dhe demokracise ne Irak", shkruan Bush.

Ne te njejten kohe, Presidenti amerikan nenvizoi se SHBA vleresojne rolin e Shqiperise ne promovimin e stabilitetit dhe bashkepunimit rajonal. "Perpjekjet e vendit tuaj gjate kryesimit te tanishem te Kartes se Adriatikut, jane nje kontribut i rendesishem per rajonin dhe qellimin tone te perbashket per nje Europe te bashkuar, te lire dhe ne paqe", shkruan Bush ne letren per Nanon. Presidenti Bush deklaron se Shtetet e Bashkuara po presin me kenaqesi pjesemarrjen ne takimin e Kartes se Partneritetit, kete maj ne Tirane. "Shtetet e Bashkuara vazhdojne te mbeshtesin fuqimisht aspiraten e Shqiperise per nje integrim te plote ne komunitetin euro-atlantik", thuhet ne letren e Bushit per Nanon.

E.M

[Albo]

Delegacioni i Institutit Demokratik Amerikan komenton situatën parazgjedhore. Listat problem

Amerikanët e NDI kundër Dushkut të PS-së

“Kjo taktikë tjetërson ndarjen e vendeve në Parlament dhe do të minonte besueshmërinë e tij”

N. Perndoj

TIRANË- Instituti Demokratik Kombëtar amerikan nuk e ka mirëpritur dje skemën e “Dushkut”, që po pregatitet të aplikojë Partia Socialiste dhe aleatët e saj në zgjedhjet e korrikut. Drejtori Rajonal për programet e Evropës Qendrore dhe Lindore për NDI-në, Robert Benjamin, ka deklaruar dje se një fenomen i tillë do të shtrembëronte përfaqësimin e elektoratit në Kuvend. “Ekziston një shqetësim i gjerë në lidhje më një taktikë zgjedhore, me anë të së cilës një parti e madhe udhëzon mbështetësit që votën e listës proporcionale t’ia japin një partie më të vogël të afërt dhe në këmbim mbështetësit e kësaj partie do të votojnë kandidatin e partisë së madhe në listën maxhoritare. Qëllimi është maksimalizimi i mundësive për partinë e madhe që të formojë një qeveri, duke rritur numrin e vendeve për partitë aleate. Ndërsa kjo taktikë mund të mos shkelë e Kodin Elektoral apo Kushtetutën, nëse realizohet, ajo mund të tjetërsojë ndarjen e vendeve parlamentare, në një mënyrë të tillë që do të shtrembëronte përfaqësimin e elektoratit në Parlament dhe do të minonte besueshmërinë e Parlamentit”, - tha ai. Benjamin i ka bërë thirrje gjithashtu udhëheqëve politikë që të dëshmojnë vullnet politik dhe konsensus, përmes veprimit dhe jo vetëm retorikës për të kryer fushata paqësore të lidhura me interesat e votuesve. Ata, theksoi Benjamin, duhet të parandalojnë praktikat korruptive, të tilla si ndryshimi i listave të votimit, mbushjen e kutive të votimit, përdorimin e burimeve financiare të paligjshme dhe votimin alternativ jo të duhur. Ai ka rekomanduar gjithashtu se partitë politike duhet të sigurojnë vetveten dhe elektoratin se kandidatët e tyre nuk kanë interesa private ose biznesi, të cilat ngrenë shqetësime për korrupsion dhe shkelje të tjera etike, që do të kompromentonin besueshmërinë e tyre si zyrtarë të zgjedhur për të respektuar sundimin e ligjit. Deklarata e lexuar dje nga Benjamin është përgatitur nga një delegacion (pjesë e së cilës është edhe ai) parazgjedhor ndërkombëtar i organizuar nga NDI-ja, në prag të zgjedhjeve parlamentare shqiptare të 2005-s. Delegacioni i NDI-së vizitoi Shqipërinë nga data 17 prill deri në datën 21 prill dhe u takua me udhëheqës politikë, qeveritarë dhe të shoqërisë civile, sikurse edhe me përfaqësues të bashkësisë ndërkombëtare.

Vërejtjet

Në të njëjtën kohë, delegacioni ndan shqetësimin se momentalisht procesi zgjedhor është më i tepër i ndikueshëm sesa i mbrojtur, siç duhet prej korrupsionit, i cili do të minonte integritetin e tij. Veç kësaj, procedurat e reja zgjedhore, sipas vëzhgimit që kanë bërë, mundet që të krijojnë konfuzion administrativ që do të provokonte tension politik. Delegacioni i NDI-së ngriti dje si shqetësim edhe mundësinë prekjes së kutive të votimit gjatë transportimit nga qendra e votimit te qendra e numërimit. Një tjetër shqetësim lidhet edhe me integritetin e listave të votuesve, që, sipas tyre, janë ende ekzistente. “Ngërçi politik për angazhimet financiare dhe konfuzioni në lidhje me zbatimin kanë vonuar veprimtarinë edhe më tej. Pa një vullnet politik të mjaftueshëm ndryshimi i listave dhe gabimi administrativ ende mund të zgjasin vonesat dhe të çojnë në mohimin e të drejtës së votimit për zgjedhësin si dhe votimin e shumëfishtë”,- vëren delegacioni.


Rekomandime

Delegacioni i NDI-së rekomandoi se një komision shumëpartiak duhet të mbikëqyrë verifikimin në bazë kombëtare të listave provizore të votuesve të hartuara nga Ministria e Pushtetit Vendor dhe Decentralizimit. Një tjetër rekomandim i këtij delegacioni është se shteti, pushteti vendor, dhe aktorët politikë duhet të marrin masa të menjëhershme për të siguruar përpilimin e duhur dhe të saktë të listave të votuesve. NDI-ja rekomandon gjithashtu që partitë politike duhet të zotohen për zbatimin e Kodit të Sjelljes. Përpjekjet për edukimin publik për të luftuar “votimin familjar”, si dhe procedura e re e numërimit të votave duhet të forcohen, sipas NDI-së.

[Albo]

Skema e Dushkut do të shtrembëronte përfaqësimin e elektoratit në Parlament dhe do të minonte besueshmërinë e tij.

Vërejtjet dhe sugjerimet e NDI-së

Shekulli

Udhëheqësit politikë duhet të dëshmojnë vullnet politik dhe konsensus, përmes veprimit dhe jo vetëm retorikës, për të kryer fushata paqësore të lidhura me interesat e votuesve.
Partitë duhet të parandalojnë praktikat korruptive të tilla si ndryshimi i listave të votimit, mbushja e kutive të votimit, përdorimi e burimeve financiare të paligjshme.
Partitë duhet të sigurojnë vetveten dhe elektoratin se kandidatët e tyre nuk kanë interesa private ose biznesi që ngrenë shqetësime për korrupsion dhe shkelje të tjera etike, të cilat do të kompromentonin besueshmërinë e tyre si zyrtarë të zgjedhur për të respektuar sundimin e ligjit.
Procedurat e reja zgjedhore mundet që të krijojnë konfuzion administrativ, që do të provokonte tension politik.
Shqetësim shfaqet edhe mundësia e prekjes së kutive të votimit gjatë transportimit nga qendra e votimit te qendra e numërimit.
Integriteti i listave të votuesve është ende ekzistent.
Një komision shumëpartiak duhet të mbikëqyrë verifikimin në bazë kombëtare të listave provizore të votuesve të hartuara nga Ministria e Pushtetit Vendor dhe Decentralizimit.
Shteti, pushteti vendor, dhe aktorët politikë duhet të marrin masa të menjëhershme për të siguruar përpilimin e duhur dhe të saktë të listave të votuesve.
Partitë politike duhet të zotohen për zbatimin e Kodit të Sjelljes.

[Pride]

Koha Jone

E Shtune, 07 Maj 2005


EMIGRANTET PRIVOHEN NGA E DREJTA E VOTIMIT

Nga Agim Jazaj

VLORE - Mbi nje e treta e kombit (eshte thene edhe nga gjuha e statistikave zyrtare) gjendet jashte shtepise se kombit, por me shpirt e zemer brenda kufijve te kombit. Emigracioni ose "diaspora e re" eshe dhe pjesa me e civilizuar e shoqerise shqiptare. Ajo eshte gjendur ne nje terren me te civilizuar dhe me te demokratizuar, doemos dhe e percaktuar si "lokomotiva e shoqerise" ne stertranzicionin e vendit tone. Zgjedhjet e 3 korrikut te vitit 2005 jane testi percaktues nga bashkesia nderkombetare per t'u peraferuar ne kalatat e Europes, nje aspirate e kahershme mbarekombetare shqiptare. Pervec politikaneve te cilet nuk jane te interesuar qe "Anija Shqiperi" te ankorohet ne "Port Europen", sepse me kete pilotazh nuk mund te ankorohet dhe jane ata te pranueshem, shqiptaret jane te etur per te shkuar ne brigjet e Europes. Per te dale nga kolapsi i gjate i politikes "ne vend numero" nga pakica refraktare dhe nga "hapa prapa" nga shumica, progresiste, duhet angazhimi plebishitar i qytetarise shqiptare per te dale nga ngerci ku e ka futur politika tranzitive vendin. Edhe nga opozita e sotme dhe nga forca te tjera politike, si dhe nga partia qeverisese, emigracioni, ose diaspora e re eshte vleresuar si pjesa me progresiste e shoqerise. Ajo, e cila do te sillte edhe me shpejt demokratizimin e shoqerise postotalitare. Ende duartroket politika deshtake, kur duhet te shihet me percmim dhe duhet bere ndryshimi i vonuar, duke u kthyer politika ne sherbim te qytetareve, e jo qytetaret ne sherbim te politikes. Keto dite, kur emigrantet jane me lejen e "radhes" te dhene per Pashket, shume prej tyre te ndodhur ne Greqi, kane kerkuar emrat e tyre te regjistruar dhe te afishuar ne qendrat e votimit. Shume jane gjendur perpara absurdit te radhes: mosperfshirjes se emrave te tyre ne listat e publikuara. Ne lagjen "24 Maji" qendra e votimit, shkolla "15 Tetori", shume emigrante e familje te ardhur nga Greqia nuk mund te gjenin emrat e tyre ne listat e formuluara. Eshte fjala per banore te vjeter dhe jo te "levizjes se lire", te cilat nuk jane perfshire ne listat e votimit. Proceduara absurde e regjistrimit te qytetareve nuk mund te perjashtoje asnje qytetar me kombesine shqiptare dhe me dy kombesine dhe shumekombesine, brenda dhe jashte shtetit, nga e drejta fondamentale e votes. Nese nje qytetar eshte emigrant perkohesisht, dhe nuk eshte gjendur nga "regjistruesit" ne kohen e kalimit te komisionit, ata e kane emrin e tyre ne regjistrat themeltare te lagjeve perkatese te qytetit. Por per fatin e keq as nga regjistrat themeltare te qytetareve te cilet jane te regjistruar nga nepunesit civile, apo administrata shteterore nuk jane perfshire ne listat e publikuara. Harrese apo e qellimshme?! E qellimshme argumentonte dje emigranti A. Laze, i cili kishte kerkuar gjithe diten emrin ne lagjen "15 Tetor", apo "24 Maji", dhe ne rajonin se bashku me gjithe familjen e tij dhe nuk kishte mundur te gjente emrin te regjistruar. "Por edhe pozimi i listave atje,- thote per "Koha Jone" emigranti,- ishte bere per te mos u lexuar nga votuesit. Listat ishin vendosur ne nje lartesi qe kerkonte shkalle, per t'u mundesuar leximi i tyre". Nuk jane te vetmet raste qe ngriten emigrantet per "Koha Jone", por edhe ne rajone te tjera te qytetit te Vlores emigrantet jane perjashtuar nga listat e votimit!! Ata jane qytetare autoktone dhe te paprivuar nga e drejta e votes. "Te mos harrojme,- theksonte njeri prej tyre,- se dhe te privuarit nga liria nuk jane te perjashtuar nga e drejta fondamentale e votimit!" Dje disa emigrante u paraqiten ne zyrat e Bashkise se qytetit dhe kerkonin te komunikonin me zyrtaret per te "lypur" k-te te drejte. Punonjesi i bashkise, Lulo Kanaj, mban shenin dhe e quan nje problem i cili do dhe duhet te zgjidhet sa me pare dhe te mos i privoje emigrantet nga e drejta e votimit. Po dje ne Vlore kishte zbritur edhe Fatos Beja, per te verifikuar procesin e listave te zgjedhesve. Nga komunikimi i shkurter me "Koha Jone", Beja e quajti nje shqetesim real dhe te drejte, por per emigrantet nuk mjafton vetem ky vleresim. Ne gjithe gjendjet civile te qytetit te Vlores nuk jane pasqyruar te gjithe qytetaret me te drejte vote. Keta jane emigrante, apo mund te mos jene ndodhur ne kohen e regjistrimit. Regjistrat themeltare jane dokumente baze, ku edhe emigrantet si qytetare shqiptare marrin certifikata, madje dhe paguajne edhe taksen e pastrimit te qytetit. Punonjesit e gjendjeve civile dhe vetem punonjes civile nuk mund te quhen, i perjashtojne keta, kete pjese te kombit!!! Nje apel i ngritur edhe perpara opinioni vendas per gjithe organizmat qeverisese dhe politike dhe perpara opinionit nderkombetar e ngrejne zerin emigrantet shqiptare te ndodhur ne Greqi, afro 500 mije, ne Itali me 300 mije, ne gjithe Europen me gati 500 mije, pra gati me shume se nje e treta e kombit per te ndaluar marrezine qeverisese. Emigrantet shqiptare jane pjesa e kombit shqiptar dhe pjesa me civilizuese sa dhe me kontribuesja! Kush mund te privoje emigrantet dhe t'i perjashtoje nga lista themeltare e gjendjeve civile keta qytetare shqiptare?! Nepunesit e politizuar qe duhet te lene menjehere vendin e punes, e paketa, apo drejtuesit lokale qe tunden ne maje te pushtetit?!