Prec Zogaj dhe libri "Finalja"

[Brari]

---


Meqense Libri "FINALJA" i Prec Zogajt ka brenda Histori te ktyre viteve po e postoj ketu ne "Dollapin" "Historia" te Forumit tone njoftimin per "promovimin " ..sic thone Kosovaret .. e librit te Precit..

Kush mundet le te sjelle ketu pjese nga ky liber..

Pamvaresisht nga "lajthitja" qe beri Preci ne pozicionimin e tije politik.. ne vitet 96-97 e cazë ne 98-ten.. ai mbetet nje Pende brilante e Kultures Shqiptare.. dhe mbi te gjitha nje Njeri i Mire..

------


Ja c'thot Rd

---





Promovohet në Lezhë libri "Finalja" i një prej publicistëve më të shquar shqiptarë

Berisha: Zogaj, militant i interesit kombëtar

Promovimi i librit "Finalja" të Preç Zogajt në Lezhë u shndërrua dje në një manifestim të mendimit krijues të qindra intelektualëve lezhianë. Në këtë festë të bukur të njerëzve të shquar të letrave dhe artit të qytetit të Lezhës, kryetari i PD-së, Sali Berisha, vlerësoi librin "Finalja" si kryeveprën që Zogaj ka paraqitur para publikut shqiptar. Pasi falenderoi pjesëmarrësit në këtë promovim, Berisha u shpreh se "Libri "Finalja" është kryevepra që Preç Zogaj ka paraqitur para publikut shqiptar, në llojin e vet, në krijimtarinë e shkëlqyer të poetit dhe shkrimtarit". Kryetari i PD-së tha se kur lexon librin "Finalja" të Preç Zogajt, është normale të shtrosh pyetjen: Çfarë e ka shtyrë poetin e ndjenjave të forta të kalojë në një libër të një zhanri tërësisht politik? Kjo për faktin se libri për Preç Zogajn është një apel.

"Preç Zogaj nuk vjen këtu si militant i PD-së, vjen këtu si militant i interesit kombëtar, i interesit qytetar, i interesit demokratik të shqiptarëve. Kjo është e vërteta e veprës së tij "Finalja", tha Berisha. Sipas tij, vjen një moment që shkrimtari, studiuesi, shkencëtari, politikani, një raport ka më madhorin, raportin me të vërtetën. Berisha u shpreh se Preç Zogaj me librat, krijimtarinë e tij, kapet tek një e vërtetë tjetër e madhe, shumë e madhe, vota.

"Imagjinoni tani se ç'e shtyn muzën e tij të spostohet nga hiret e bukurisë, tek vota. Është po ai motiv që e shtyu atë 15 vjet më parë të bashkohet me studentët, po ai motiv që e shtyu atë të jetë me themeluesit e PD-së. Preç Zogaj është vetvetja. Ai e ka orientuar muzën e tij të merret me atë çka është më fondamentale sot për Shqipërinë, për shqiptarët, për të sotmen dhe të ardhmen tonë, votën e lirë", tha Berisha. Kryetari i PD-së vlerësoi gjithashtu natyrën rebele të poetit dhe analistit të shquar lezhian.

"Natyrisht, Preç Zogaj është rebel. Të mos harrojmë që shkrimtari, me rebelen e tij, bëhet avokat i shoqërisë. E ka përcaktuar veprën e tij të fundit "Finalja" dhe faktikisht "finalja" është. Por ne synojmë që kjo finale të jetë një finale siç e meritojnë qytetarët shqiptarë", tha Berisha.

Duke u ndalur tek domosdoshmëria e zgjedhjeve të lira, kryetari i PD-së u shpreh se duhet të votojmë për një proces pa të cilin nuk ka shoqëri të lirë, nuk ka prosperitet, nuk ka garanci të lirive dhe të drejtave njerëzore.

"Historia ka provuar se vota ka qenë zemra e lirisë. Ky është mësimi më i madh i historisë. Ky është dhe motivi, shtysa më e thellë e shkrimtarit në veprën e tij "Finalja", tha Berisha. Kryetari i PD, krahas vlerave të librit "Finalja", vlerësoi në takimin promovues të këtij libri në Lezhë rolin që ka luajtur deputeti dhe analisti Preç Zogaj në fushatën elektorale për zgjedhjet vendore të vitit 2003 në Tiranë.

"Preç Zogaj ka drejtuar fushatën elektorale më të shkëlqyer që Shqipëria ka njohur dhe kjo ka qenë fushata e Spartak Ngjelës. Ai ka qenë drejtor i saj. Zogaj dhe Ngjela bënë që fitorja e PD-së të shtrihej në gjithë vendin. Në këtë fushatë, avokati u provua një aktor i shkëlqyer, Preçi, një menaxher i mrekullueshëm i kësaj fushate", tha Berisha. Kryetari i PD-së u ndal në këtë aspekt, duke i vlerësuar zgjedhjet e lira e të ndershme si një proces vendimtar për fatet e demokracisë dhe të ardhmen euroatlantike të Shqipërisë. Në këtë kontekst, Berisha vlerësoi librin "Finalja" të Zogajt si një kushtrim të madh për të gjithë shqiptarët. Kryetari i PD-së tha se "Finalja" do të mbetet si monument i përkushtimit intelektual të shkrimtarit në mbrojtje të interesave më jetike të shoqërisë së lirë.

Duke e përgëzuar autorin për këtë kryevepër të mrekullueshme, Berisha shprehu bindjen se këto zgjedhje që do të jenë finalja, do të fitohen nga forcat demokratike.

Gjithashtu, në çelje të promovimit të librit "Finalja", piktori lezhian Pashk Përvathi e vlerësoi Preç Zogajn si poet të madh dhe analist të shquar. Ndërsa Albert Nikolla, pedagog në Universitetin "Zoja e Këshillit të Mirë", foli për mesazhe të qarta etiko-estetike që përcjell Zogaj nëpërmjet librit "Finalja". Vetë Zogaj, pasi falenderoi pjesëmarrësit, tha se libri i tij "Finalja" i bie këmbanës së zgjedhjeve të lira e të ndershme. Pasi foli për kurthe të dukshme e të padukshme elektorale në kurriz të zgjedhjeve, Zogaj shprehu angazhimin e tij për një proces zgjedhor të lirë e të ndershëm dhe bindjen për fitoren e sigurt të Partisë Demokratike në këto zgjedhje.

Halil RAMA