Veglat

[Brari]

Veglat sherbejne per te fabrikuar vegla me te komplikuara.
Vjen nji dite ato ndrrohen per tu zevendesuar me te reja.
Kohet e fundit shume "vegla" flaken nga administrata.
Ata e kane kryer ciklin e tyre.
Iku Klosi ..iku Bilbil Mema..

Ja fati i nje vegle, dikur "parimor" i madh per te kritikuar PD-ne e kohet e fundit i pandjere, i rrasur diku ne zyrat e Ministrive dhe pa thene asgje "parimore" megjithse mali me Korrupsion i eshte cfaqur perdite para syve te penes se tij POETIKE "goditese" sic e quan vegla tjeter Shab Sinani, poetin dhe zyrtarin XH,SPAHIU...

shekulli
--------------
Bisedë me poetin e mirënjohur Xhevahir Spahiu.

Kultura- një flamur në gjysmështizë

Dje u pushua nga puna, pa asnjë motivacion poeti ynë i njohur, ish kryeatri i Lidhjes së shkrimatrëve dhe artistëve të shqipërisë, Xhevahir Spahiu.
Ai punonte që prej katër muaj e gjysmë si këshilltar i ministrit të kulturës. Sipas zotit spahiu, ministrja Arta dade, nuk mori anjë takim me të; midis shtatëdhjetë- tetëdhjetë nëpunësve, ku pjesa më e madhe e tyre pa emër, ajo prefëroi të largonte nga puna Njeriun më me emër mes tyre. Lidhur me këtë z. Spahiu jep mendimet e mëposhtme.

Zoti Spahiu, ministrja e porsa vënë, ju pushoi nga puna. Cila është arsyeja dhe a u takuat me të?
Jo. Megjithëse ditën e parë, kur shkova t'i uroj punë të mbarë, më tha: do të shihemi.
Përse nuk ju thirri , si mendoni ju?
Mbase nuk e ka guximin t'i shikojë njerëzit në sy.
Sa kohë ishit këshilltar i ministrit pararendës dhe si kaluat me të?
Punova vetëm katër muaj e gjysmë. Zoti Agron Tato ishte njerëzor dhe ç'është më e rëndësishmja di të dëgjojë. Kush di të dëgjojë, di edhe të mendojë.
Kush u njoftoi për pushimin nga puna?
Drejtoresha e Burimeve (ç)Njerëzore.
Biseda me të?
"Ju, zoti Xhevahir, duhet të jepni dorëheqjen me shkrim, - më tha zonja në fjalë. "Përse?", - ia ktheva gjakftohtësisht. "Bëni pjesë në shtabin politik". "Kur kam ardhur nuk kam bërë ndonjë kërkesë me shkrim. Ka ligj për këtë?". "Jo, kjo është një praktikë pune". 'Unë njoh vetëm ligje të shkruara. Pastaj, ç'punë keni ju, pse s'më thërret vetë ministrja?". "Nuk e di, kështu më tha, kështu bëra". Në zyrë ishin edhe dy të tjerë që kishin ardhur s'di për ç'punë, po për këtë zonja në fjalë më pas kërkoi të falur.
Domethënë?
"Domethënë, nëpunësi shqiptar është në vartësi të ndërrimit të kuajve apo pelave qeveritare. Kaq besoj se ju mjafton.
Ju çudit kjo gjë?
Aspak. Ka kohë që nuk çuditem. Ndonjëherë, më kish shkuar në mendje se mund të më pushonin nga puna veëtm: Millosheviçi, në se pafajësohet nga Gjykata e Hagës, Bin Ladeni, nëse del gjallë nga shpellat aziatike, ose Esat Pashë Toptani, - në se ngrihet si lugat nga varri. Humor i zi, apo jo? është mirë që njeriu të bëjë pak humor me vetveten.
Ju vjen keq për veten?
Më vjen keq për punën. Kisha menduar që së bashku me shokët të vinin disa gjërqa në vijë; shkrimtarë dhe artistë të njohur vinin çdo ditë dhe shkëmbenim mendime si mund të delet nga gjendja mjerane e kulturës. E dini ç'thotë një poet i madh? "Në qoftë se letërsia e një kombi pëson rënie, kombi atrofizohet dhe kalbet". Kultura shqiptare e ka ulur flamurin në gjysmështizë. I kini ndjekur konferencat e shtypit? Për gjithçka flasin, vetëm për librin asnjë fjalë. Libri është i persekutuar. Një Ministri që harron qëllimisht librin, duhet pagëzuar Ministri e antikulturës.
A kishte diçka vetijake ministrja me ju?
Jo. madje kur ishte ministre herën e parë dhe na thirri një grup shkrimtarësh për të marrë mendime, i thashë: "Në mos të artë, siç e ke emrin, të paktën të na i bësh kulturën të argjentë". Ajo, jo me të argjentë që s'e bëri, po e ktheu në bakërr; e teneqizoi.
Ju jeni pa parti, vini nga shoqëria e hapur dhe, siç e keni parë, orë e çast flitet për qeverisje profesionale.
Përralla! Po s'qe në një parti, s'të varros as komunalja; gjithçka bëhet e mbyllur, fise-fise; paaftësia bën ligjin, aftësia merr arratinë.
Çfarë roli luan një drejtues shtetëror, sidomos kur është i paaftë?
Do të më falni, po kësaj radhe do të përdor një fjalë të urtë, jashtë natyrës sime të të folurit: "Po vure ****ën guzhiniere, *** do gatuajë". Nuk e them unë, e thotë populli.
Ku do të punoni paskëtaj?
Jam mësuar me pushime nga puna, qysh prej 34 vjetësh. Një historian i njohur që e mori vesh ketë histori, më tha: "Të paskan bërë nder". Ai më ndali dhe më dha një lajm të rrallë: "Dua të të njoh me këtë mikun tim, Hekuran Dino e quajnë. Ky ka zbuluar në arkivat osmane poezi të panjohura nga Naim Frashëri, Abdyl Frashëri, Sami Frashëri dhe Abedin Dino. "Kjo është dita më e gëzuar për mua", i thashë dhe i putha të dy në ballët e dejrsitur. Kjo më ndodhi sot, një orë pas fermanit ministror. Të vërtetën duhet ta shohim në sy: vite më parë, kur një gazetare amerikane më pyeti: "A punohet këtu tek ju?", iu përgjigja "po", "kush", nguli këmbë gruaja e përtej Ujanës, "Varrmihësit", ia ktheva me një ndjenjë pikëllimi të palejueshme.
Po nesër?
Nesër nisem në Maqedoni për të marrë pjesë për të tretën herë në "Mbrëmjet Poetike të Strugës", veprimtaria më e madhe poetike në Evropë, ku zakonisht ftohen 100 poetë nga 40 vende të botës.
Vetëm?
Me mikun tim, poetin e shkëlqyer Visar Zhiti, tanimë të dy të papunë. Me sa duket, këta të sotmit, nga Platoni kanë lexuar vetëm atë pjesë ku ai kërkon dëbimin e poetëve nga Republika e tij "ideale".

Bisedoi: Admirina Peçi

Kush është Xhevahir Spahiu
Ka botuar rreth 20 libra dhe poezitë e tij janë përkthyer në 20 gjuhë të botës. Në vitin 1973 është kritikuar publikisht nga Enver Hoxha, për ndikim e të ideologjisë antimarksiste të Sartrit. Më 1979 libri i tij "Zgjimi i thellësive" u mblodh dhe u bë karton si libër rrebelonjës dhe sfidë ndaj shoqërisë e partisë në fuqi. Më 1984-1985 vëllai i tij Seit Spahiu u dënua me vdekje dhe poetit iu hoq e drejta e botimit për të disatën herë, kësaj radhe vazhdoi një vit e gjysmë. Më 1998 zgjidhet Kryetari i Lidhjes së Shkrimtarëve dhe Artistëve të Shqipërisë. Është vlerësuar me 5 çmime të para kombëtare dhe me çmimin e karierës "Një jetë poetike" (2001). Ka përfaqësuar me dinjitet poezinë shqipe në dhjetra takime të rëndësishme ndërkombëtare.

Ç'kanë thënë për poetin tonë?
"…Xhevahir Spahiu, një nga poetët më të fuqishëm, më energjik e më të talentuar të Shqipërisë së sotme, që mund të quhet "zë i mbijetesës".
Robert Elsie
History of Albanian Literature
Neë York 1995

"E njoh shumë mirë poezinë bullgare dhe rumune, po sikur një gjysmë Xhevahiri të gjeja në Bullgari, do të isha i kënaqur".
"Me Xhevahir Spahiun edhe vetë poezia evropiane fiton në origjinaliet dhe modernizim".
Ante Popovski
Akademik

"Poezia e Xhevahir Spahiut hap një etapë të re me poezinë bashkëkohore shqiptare duke i zgjeruar mundësitë e saj reflektive".
Ali Aliu

"Kjo është një poezi emocionale, e tingëllueshme dhe me figuracion origjinal… Fjala shfaq veten në një strukturë, në një sintezë poetike, ku shfrytëzohen me mjeshtëri pasuritë fonetike të shqipes".
Xhevat Lloshi

"Përsa i përket Xhevahir Spahiut, ai shquhet për një art origjinal të "poezisë që godet", e cila shfaqte, në se mund të themi kështu, si shprehja më elokuente e lakonizmit. Pa i kursyer evokimet e vrullshme, tonet e ngjeshura dhe të prera, ai arrin në një gjallëri të madhe shprehëse nëpërmjet së cilës ngre lart të gjitha freskitë rinore dhe zgjuarsitë e zemrës, kundër të gjitha errësirave kërcënuese".
Aleksandër Zoto,
Paris 1984

"Kalorësi i një urdhëri të bekuar që njerëzimi e krijoi mijra vjet më parë në kërkim të vetëpërsosjes, për të fisnikëruar mendjet dhe shpirtrat humanë, Xhevahir Spahiu nuk e sheh veten as tek shqytarët, as tek ustallarët e tyre. Por ai është qytetar krenar dhe nuk mund të qëndrojë as si Shen Pjetri. Ai është rob i poezisë dhe zot i saj gjithashtu.
Si një sizmograf modern, përmbledhja e Xhevahir Spahiut ka shënuar gjurmët e tërmeteve të jetës me sinjalet e fjalës artistike. I provoi të gjitha, suksesin e bujshëm, simpatitë e shprehura e të pashprehura, mpirjen e përkohshme të frymëzimit nga rrethanat e kohës, ndëshkimin, masat administrative, rebelimin poetik që vjen natyrshëm pastaj, humbjen apo rrallimin e shokëve të pavërtetë, një jetë tipike poeti, që bën bashkë diçka nga Migjeni, nga Petro Marko, nga rraca e talenteve të mëdhenj. Dhe mbeti prapë po ai, këngëtari i krenarive dhe dramave të botës shqiptare.
Shaban Sinani

-----------
gjynaf..

[ornament]

Intervista me e bukur qe kam lexuar, gjynah qe ajo shprehja popullore eshte me ***, gje me te bukur rradhe kam pare.
Sa per ate qe "komandojne te paaftet" ,ne kohe paqe , eshte ligj kudo jo vetem ne shqiperi. Provoni te kerkoni pune ne perendim, (pergjate proves) neqofte se tregoni me shume mjeshteri se shefi, ai s'ju puneson, fare thjesht ju beheni rival i tij per post. Po ashtu po te jeni me ambicioz se patroni, ai ju flak, qe te mos jeni ju ai qe do i blini ndermarjen.
Diferenca eshte se te paaftet tane si dhe te aftet, jane ne nivel shume te ulet ne raport me homologet e tyre perendimore.
Vetem kur stuhia sundon detin (kohe lufte) ekipazhi (shoqeria) ka nevoje per kapiten (individe) te zote, ngaqe e gjitha jeta e tyre varet nga zotesia e tij.
Prandaj populli shqiptar (jo vetem ai) vetem ne kohe lufterash eshte drejtuar nga HERONJ.
Ai historiani ka pas te drejte kur i thote; "te kan bere nder". Me se e vertete.
Nganjehere nje njeri megjithese i zgjuar, nga mungesa e kurajos, detyrohet intelektin e tij ta vere ne sherbin te te tjereve, vetem te siguroje nje rroge te vogel por te sigurte (çdo muaj).
Ai mund te vdese ne ket pozicion. Une vetem kete e quaj GJUNAF te vertete, per kombin dhe per te. Gjith inteligjenca e tij varet nga kapaciteti i ministrit (rastin tone) me kuptu gjerat.
Imagjino te varesha une nga kapaciteti Antonit (kukuja si thone kosovaret) bej shaka
Keshtu qe une them ; me per hajer ka per ti dal, po te jete me te vertet i zgjut, ashtu si te tjeret mendojne per te.
Kur kurajo mungon, çdo intervenim i jashtem eshte ndihmues.

Mbreti marokut, kur vuri kemben ne truallin spanjoll, si MBRET (njeri kurajoz) dha urdher: "Te digjen anijet!" (anijet e tyre qe sapo zbarkuan).
Pasi urdheri u ekzekutua, ai i drejtohet "shokeve te armeve":
" Tani s'kemi me si kthehemi m'prapa, rruga jone e vetme eshte; ja te vdesim, ja te sundojme" dhe marokenet e sunduan Spanjen per 7 shekuj. Ndryshe do te ishin thyer.
Keshtu e gjthe meseleja, kuptoj se Xhevati i ka kuptuar drejt gjerat, ai do te dije si te dale perseri ne breg.

ps, desha qe mbretit marokut ti jap theks lab, me qe maroku ndodhet ne jug, po me sa shoh s'ja kam arrit qellimit.