Teodor KEKO

[Brari]

TIRANE (20 Gusht) - Vdes në moshën 45-vjeçare shkrimtari dhe publicisti i njohur Teodor Keko. Lajmi është bërë i ditur nga media të ndryshme në Tiranë, të cilat saktësojnë se Keko vdiq sot në Hollandë, ku gjendej për kurime. Ai vuante nga një sëmundje shumë e rëndë e pashërueshme.

in/mr (BalkanWeb)

-------

Ngushellime familjes se te ndjerit !

[Kallmeti]

U nda nga jeta Shkrimtari i njohur dhe depudet i partise Demokratike zoti Teodor Keko .



U nda nga jeta shkrimtari, publicisti dhe intelektual i njohur, ish-deputet i Parlamentit Shqiptar, këshilltari për kulturën pranë kryeministrit , Teodor Keko




Pas një sëmundjeje të rëndë vdiq sot në Selanik, në moshën 44-vjeçare
shkrimtari, publicisti dhe intelektuali i njohur Teodor Keko, ish-deputet
i Parlamentit Shqiptar.

Teodor Keko u lind në 2 shtator 1958 në Tiranë. Bir i kineastëve të njohur
Endri dhe Xhanfize Keko ai u fut shpejt në rrugën e krijimtarisë letrare,
duke u shquar si një nga shkrimtarët më të njohur të brezit të vet. Në
fund të viteve ’80 Teodor Keko kishte krijuar personalitetin e tij letrar
dhe intelektual, duke u shquar për shpirtin e tij antikonformist, humorin
njerëzor dhe satirën e tij të mprehtë.

Teodor Keko lë pas një numër të madh veprash: romane, poezi, tregime,
pamflete të mprehta politike, etj, ndër të cilët më i njohuri mbetet
vëllimi me tregime “Lajmëtarja e vdekjeve”.

Gazetar i njohur i së përjavshmes kulturore “Drita”, anëtar i Këshillit
Botues të gazetës së parë opozitare në Shqipëri “ Rilindja Demokratike”,
kryeredaktor i së përditshmes “ Koha Jonë” dhe i së përjavshmes “ Aks”,
Teodor Keko është padyshim nga nga penat më të mprehta të publicistikës
sonë gjatë dy dekadave të fundit.

Teodor Keko ishte ndër intelektualët e parë që iu bashkua lëvizjes
demokratike në Shqipëri. Ai u zgjodh deputet i Partisë Demokratike në dy
legjislaturat e para të parlamentit pluralist shqiptar. Më pas Teodor Keko
ka shërbyer si këshilltar për kulturën pranë kryeministrave Meta, Majko
dhe Nano. Personaliteti i tij i gjerë kulturor dhe publicistik i dha
dimension të vecantë edhe veprimtarisë së tij publike dhe politike

Teodor Keko do të kujtohet nga të gjithë ata që e njohën si një mik i
mirë, do të kujtohet nga të gjithë ata që e lexuan si një shok i
pazëvendësueshëm.

Me humbjen e Teodorit familja ka humbur njeriun e dashur, shokët- mikun e
paharruar, kultura shqiptare- shkrimtarin e talentuar, gazetaria jonë- një
nga penat e saj më të shquara.

Fatos Nano, Sali Berisha, Ilir Meta, Pandeli Majko, Dritëro Agolli, Ismail
Kadare, Besnik Mustafaj, Remzi Lani, Agim Isaku, Gramoz Pashko, Frrok
Çupi, Genc Ruli, Edi Rama, Preç Zogaj, Ben Blushi, Bardhyl Minxhozi,
Ilirian Zhupa, etj.

[krispi]

Vdekja e shkrimtarit Keko eshte humbje per Shqiperine.
Humbja e nje shkrimtari dhe e nje njeriu.
Mbreme edicionet e lajmeve e njoftuan si lajm te fundit !!!!

Shqiperia s'do behet kurre, te pakten derisa te filloje te respektoje veten.

[Albo]

Postuar më parë nga krispi
Vdekja e shkrimtarit Keko eshte humbje per Shqiperine.
Humbja e nje shkrimtari dhe e nje njeriu.
Mbreme edicionet e lajmeve e njoftuan si lajm te fundit !!!!

Shqiperia s'do behet kurre, te pakten derisa te filloje te respektoje veten.

Shqiperia nuk do te behet per aq kohe sa injorantet behen kryeministra, kryeredaktore lajmesh, gazetash, revistash, institucionesh.

Mos ia vesh fajin Shqiperise por shqiptareve. Ne jemi turpi dhe nderi i Saj.

[Brari]

gaz.shqiptare
-----------------------
Artistë e politikanë nderojnë kolegun e mikun e tyre

Teodor Keko përcillet për në banesën e fundit


--------------------------------------------------------------------------------

mi.ho

Eshtë përcjellë dje për në banesën e fundit shkrimtari, publicisti dhe intelektuali i njohur Teodor Keko. Fillimisht trupi i tij i pajetë, i sjellë nga Greqia, është vendosur në Lidhjen e Shkrimtarëve dhe Artistëve ku dhe është nderuar për rreth një orë rresht.

Në homazhet e bëra me këtë rast merrnin pjesë personalitete jo vetëm të fushës së letrave, veçanërisht shkrimtarë e gazetarë, por dhe artistë të skenës e ekranit, si dhe politikanë. Teodor Keko nuk u nderua vetëm si një publicist dhe shkrimtar i njohur, por dhe si djali i dy artistëve me emër, regjisorëve Xhamfize e Endri Keko. Mjaftonte të shihje vargun e gjatë të artistëve që kishin ardhur për ta nderuar. Nuk mungonin në të edhe artistë të ardhur nga rrethet. Për të nderuar autorin e 7 romaneve, e një serie të gjatë tregimesh e novelash dhe të mjaft artikujve publicistikë, deputetin e Parlamentit të parë pluralist shqiptar, ish-kryeredaktorin e disa të përditshmeve në Shqipëri, këshilltarin e dy kryeministrave, erdhi dhe presidenti i Republikës së Shqipërisë, Alfred Moisiu, kryeministri i vendit, Fatos Nano, kryetari i Akademisë së Shkencave Ylli Popa, Ministrja e Kulturës Arta Dade, kryetari i Bashkisë së Tiranës Edi Rama etj. Momente prekëse ishin ato të takimeve të nënës dhe të gruas së Teodor Kekos, me shokët dhe miqtë më të ngushtë të tij, si: Arben Imami, Ben Blushi, Preç Zogaj, Genc Ruli, Gramoz Pashko etj.

Teodor Keko prej kohësh vuante nga një sëmundje e rëndë. Për këtë ai kishte filluar të kurohej në një nga spitalet e Greqisë. Shpeejt ai kuptoi se i kishin mbetur dhe pak kohë jetë. E megjithatë ai arriti që brenda një kohe të shkurtër të mund të konsolidonte vëllimin e fundit me tregime e novela të titulluar "Hollësira fatale".
-----------
Besnik Mustafaj, shkrimtar

...Do apo s'do ti, ato orë jetoje për të nesërmen, lije për ne, për fëmijët e për nipërit tanë të ardhshëm, një shenjë që shkon përtej kujtimit përmallues, lije veprën tënde, përmendoren tënde të vërtetë, atë që do të ruante lidhjen tënde të përjetshme jo vetëm me familjarët e miqtë e tu, por sidomos me ata që s'arritën të të njihnin. E kupton ti ç'i ke bërë vdekjes, o budalla? Edhe punët e perëndisë i ke sjellë të bëhen sipas dëshirës tënde. Ik tani, ik!


Dritëro Agolli, shkrimtar

Teodor Keko ishte poet, prozator, publicist. Ishte njeri me një krijimtari të ndjeshme ndaj problemeve të shoqërisë dhe të jetës dhe këtë diti ta transmetojë me nivele në çdo gjë që ai shkroi. Në të gjitha veprat, si në poezi ashtu edhe në prozë, ndihet atmosfera e një shoqërie në tranzicion që prek të gjitha anët e jetës. Tek veprat e Teodor Kekos, ndihet njerëzorja. Fenomenet e ndeshura në Shqipëri ai i shkroi me keqardhjen e një njeriu që kërkon të ndryshojë statukuonë e një shoqërie dhe në fund të fundit, të plotësojë misionin e vërtetë që ka arti.


Natasha Lako, poete

Ka momente që një komb dhe një ndërgjegjje kombëtare ndien një humbje të madhe. Kjo është humbja e Teodor Kekos. Ne e kemi ndonjëherë një rast të tillë, që të vemë në piedestalin e lartësive të mëdha njerëz që i kemi parë dhe i kemi ndier nga afër krejt zakonshëm. Këtë na e mëson Teodor Keko, njeriu më i lirë i kësaj shoqërie në kuptimin më të bukur të kësaj lirie njerëzore. Ai na mësoi të jetojmë më densitet të madh. Ka vdekur shkrimtari i madh shqiptar dhe njeriu i lirë i botës, Teodor Keko.

--------------