Çmimet e energjisë elektrike rriten, gjendja ngelet njësoj

[gabriel]

KeShi & Harasoni i shtetit ka kohe qe eshte shderruar ne MAKTH per gjithe qytetaret qe paguajne rregullisht faturat e dritave.
Jo vetem pse i ngrene vazhdimisht cmimet per kv/ore, por sepse KESH sot eshte HAJDUTI me i madh i licensuar nga shteti.
Kjo shpjegon dhe faktin qe dy nga firmat me te medha kliente te KESH-it qe derdhnin disa miljon euro ne vit ne arkat e LESH-it, tani i zgjidhen kontratat me kete kompani dhe i lidhen me nje korporate Rumune.Te tjera priten ti zgjidhin kontratat me LESH-in ne te ardhmen.
Por Kesh i pa-kenaqur ne babezine e tij, vjedh edhe qytetaret e thjeshte. Dhe ketu nuk i referohem thjeshte asaj qe ndodh me faturat e dritave ne familjen time,por edhe nje cift pensionistesh paguajne 60-70 mij leke ne muaj ndersa me pare kane harxhuar vetem 10-15 mij leke energji...
Ndersa kulmi eshte qe nje familje, qe e njoh prsonalisht, ka 3 muaj qe ndodhet jashte Shqiperise ndersa fatura e Harasonit i ka ardhur 70 MIJE LEKE NE 1 MUAJ...
Perballe ankesave te PA-NUMERTA qe drejtohen te LESH-i c'do dite, Harasoni i ka te pje*dhura edhe syte edhe veshet...
Vetiu lind pyetja;;; A ka pje*dhur Harasoni i LESH-it ?

[Brari]

nuk ka pje.rdhur harasani po ne..
jan pensionistet ..prinderit e gjysherit tan qe po i rrjep harasani per te paguar mafien.. dhe ne kto raste i pj.erdhuri eshte ai qe rripet jo ai qe rrjep..
hajde llogjik hajde.. oj ka pj harasani thot.. harasani jeton si sheik..
ka pje... nena e atij Ilir Demalis qe merr borxh me pagu faturen e elektrikut.. e ai magari ilir Demalia eshte Hero i demokracise...eshte ai qe i pari guxoj te flas kunder regjimit te Ali Hoxh Nano Thanas Rucave ne 1990-ten..e sot nenen e tij e rjep dhe e pj.erdh ne xhep e ne krye ai harasani me shok.. o pallavesh..


--

RD

--------

Rritet me 50 përqind numri i kolive të cigareve kontrabandë të kapura në magazinat e Shkozetit

Policia arrestoi dhe liroi Fatmir Zotajn

Fakte të reja janë zbardhur dje nga kontrabanda e klaneve të fuqishme të qeverisë, me cigaret që u bllokuan tre ditë më parë në magazinat e qytetit të Durrësit. Ndryshe nga sa ishte deklaruar tre më parë, numri i kolive të cigareve që janë sekuestruar rezulton që të jetë të paktën dy herë më i madh. Kështu sipas burimeve të Ministrisë së Rendit, numri i kolive ka kaluar shifrën 7800, megjithëse nuk dihet se sa mund të rritet ky numër. Nuk kuptohet se përse shifra për sekuestrimin e kolive të cigareve është zvogëluar në lajmet e para dhe se përse nuk jepet zyrtarisht sasia e mallit të bllokuar. Kontradikta të shumta po e shoqërojnë hetimin e kontrabandës së cigareve. Nëse kjo ishte kontradikta e parë, ajo e dyta është akoma dhe më serioze. Njoftimet zyrtare të Ministrisë së Rendit deklaruan vetëm pak minuta pas realizimit të operacionit se ishte arrestuar pronari i anijes "Eni", Fatmir Zotaj. Por dy ditë më pas, në komunikatën tjetër të dalë nga Ministria e Rendit zhduket emri i Fatmir Zotajt si i arrestuar dhe për të thuhet se është shpallur në kërkim. Një deklaratë e tillë e ndryshuar brenda disa orëve, zbardh të vërtetën se Fatmir Zotaj është arrestuar që në momentin e parë të bllokimit të cigareve kontrabandë. Por pas presioneve të shumta të klaneve të qeverisë, Zotaj është lënë i lirë. Igli Toska mendohet të ketë marrë porosi nga Fatos Nano për të liruar pronarin e anijes me të cilën zhvillohej kontrabanda e Klanit të Zemunit. Pronarët e vërtetë të mallit, që janë miq të ngushtë me kryeministrin, kanë pasur frikë se duke qenë në burg, Zotaj do të dekonspironte të gjithë skemën e kontrabandës së cigareve. Arsyet e këtij lirimi të menjëhershëm janë të thjeshta. Nëse Zotaj do të ishte nën prangat e policisë, atëherë ai nuk kishte se si të merrte përsipër të gjithë kontrabandën e cigareve që sipas shifrave të fundit, kalon edhe shumën e 7 milionë dollarëve. Por frika se mos Zotaj do të "tregonte shokët", ka bërë që klanet e tij në qeverisje dhe krerët e kontrabandës të ndërhyjnë për të liruar menjëherë Zotajn. Po këto klane të qeverisë, të inkriminuara me këtë rrjet kontrabandistësh, janë kujdesur edhe për të fshehur në deklaratat e Ministrisë së Rendit arrestimin e Zotajt, duke e korrigjuar menjëherë dhe duke thënë se është në kërkim. Po të kihet parasysh se pas Zotajt fshihen njerëzit e afërt të kryeministrit, Dukët dhe Kokat, është e kuptueshme se operacioni është mundur që të cungohet, duke evituar nga hetimi kokat e kësaj kontrabande. Arrestimi dhe lirimi i Zotajt flet qartë për implikimin e njerëzve të afërt të kryeministrit Nano në këtë rrjet kontrabadistësh. Vetë operacioni është ideuar dhe drejtuar nga shërbimet sekrete të disa vendeve mike, dhe jo nga shërbimet vendase apo policia që kanë qenë thjesht vetëm zbatues të planit të operacionit. Ajo që policia shqiptare ka bërë, ka qenë jo vetëm dekonspirimi në vonesë i operacionit, por edhe lirimi i një prej njerëzve kyç që mund të çonte te koka e këtij rrjeti kontrabandistësh.




Gjykata vendos për kontrabandën e cigareve

Gjykata e Shkallës së Parë në Durrës ka vendosur dje në mesditë masa të ndryshme sigurie për shtatë personat e arrestuar para dy ditësh nën akuzën e kontrabandës së cigareve, në bashkëpunim. Kështu Fatmir Zotaj, 41 vjeç, pronari i kompanisë Zotaj & Shipping sh.p.k. u la nën masën e sigurisë arrest në burg pa afat, por në mungesë. Ai u shpall zyrtarisht në kërkim policor. Me të njëjtën masë sigurie të arrestit me burg pa afat mbetën marinarët e anijes "Eni", Ligor Todi, 54 vjeç, banues në Kavajë, Hamdi Peza, 65 vjeç, banues në Durrës, si dhe Bilal Koçi, 59 vjeç, banues në Durrës, kapiten në anijen "Eni", Gentian Koçi, 32 vjec, banues në Durrës, agjent i kompanisë Zotaj Shipping & Trading sh.p.k. dhe Petrit Cila, 35 vjec, banues ne Durres, oficer i parë në anijen "Eni".

Ndërsa Adrian Gokaj, 47 vjeç, banues në Durrës, mekanik në anijen "Eni", u la nën masën e sigurisë arrest në burg me afat një muaj. Të njëjtën masë mori edhe Gëzim Çyrbja, 39 vjeç, banues në Durrës, kuzhinier në anijen "Eni".

Pas dhënies së këtyre masave sigurie, dosja voluminoze i ka kaluar për hetime të mëtejshme Prokurorisë së Krimeve të Rënda. Gjatë seancës së djeshme, të pandehurit si dhe avokatët e tyre mbrojtës vlerësuan se ishin të pafajshëm për akuzat evazion fiskal dhe kontrabandë mallrash në bashkëpunim. Sipas tyre, edhe nëse ka patur elementë të akuzës kontrabandë, "ajo nuk është realizuar në bashkëpunim". Gjykata nuk mori parasysh pretendimet e të pandehurve dhe mbrojtjes, dhe hodhi poshtë kërkesën e tyre për mosaplikim mase sigurie me izolim në paraburgim.






Ujqërit e kontrabandës dhe të parave të pista do të mbrojnë ngjyrat e Partisë Socialiste

Nano çon në Shkodër peshkaqenët e trafiqeve

Kryeministri Fatos Nano po tregon se është i vendosur të hyjë në fushatë me emrat më të zinj të botës së krimit dhe të bizneseve të lidhura me trafiqet, dhe paratë e zeza në Shqipëri. Shembulli më i qartë për këtë është Shkodra, ku vetë Fatos Nano shpalli kandidatët e tij, të cilët jo vetëm fyejnë të gjithë trevën, por nga ana tjetër ata janë një paralajmërim i frikshëm se Partia Socialiste po kërkon në këtë fushatë çimentimin e lidhjeve të saj me krimin e organizuar.

Kryeministri i shpalli kandidatët e tij në mbledhjen me strukturat e Partisë Socialiste në Pukë, pasi shkoi për një vizitë që synonte mes të tjerash edhe rikonfirmimin si kandidat të ministrit të Energjitikës, Viktor Doda. Ajo që bie në sy në një shikim të përciptë të emrave që Nano ka zgjedhur për të konkurruar në Shkodër, është fakti se ato të kujtojnë menjëherë trafiqet, kontrabandën dhe paratë e zeza të investuara në biznese të mëdha, por që bien erë të keqe.

Ata me sa duket janë urdhëruar nga Fatos Nano që të investojnë paratë e tyre të fituara me rrugë të paligjshme, për të mbajtur në këmbë pushtetin e inkriminuar, që u ka krijuar mundësi për të bërë para në këto vite. Në një farë mënyre, ata janë peng i Nanos, por edhe kryeministri është peng i tyre, pasi të dy palët kanë arritur tashmë një marrëveshje që nuk funksionon në heshtje si deri dje, por në formë institucionale.

Sigurisht që emra të tillë veçse e shtojnë edhe më shumë irritimin e shkodranëve të dëshpëruar dhe të revoltuar boll me politikat tërësisht diskriminuese dhe armiqësore të Fatos Nanos, dhe të qeverive të tij në këto 8 vjet. Njerëz që të kujtojnë maunet e kontrabandës, trafikun e kokainës dhe llojeve të tjera të drogave apo dikush tjetër që meritën më të madhe e ka pasur se ka qenë emëruar drejtor burgjesh, nuk ka asnjë dyshim se rizgjojnë neverinë dhe zemërimin e shkodranëve.

Kandidatët e zinj të Nanos në Shkodër nuk mund të konsiderohen kurrësesi si befasi e fushatës së Partisë Socialiste. Duket se kjo është një skemë që do të funksionojë në çdo cep të Shqipërisë, ku Fatos Nano ka ndërmend të hedhë në fushë "të fortët" e bizneseve të pista dhe të dyshimta, në këmbim të luftës për mbijetesën politike të Partisë Socialiste. E njëjta gjë po ndodh në Durrës, ku gati të gjithë kandidatët do të jenë të emëruar apo do të jenë të afërt dhe me lidhje farefisnore nga klani i "Zemunit", grupi i fuqishëm që kontrollon portin e Durrësit, gjë që e dëshmoi edhe kontrabanda spektakolare e cigareve që u zbulua para pak ditësh në magazinat e Shkozetit. Edhe në Tiranë është i njëjti mekanizëm që funksionon, por ndryshon vetëm forma. Në vend të biznesmenëve trafikantë, në kryeqytet do të hidhen në lojë drejtorët e fuqishëm, që janë bërë parallinj me fondet e grabitura në mënyrat më mafioze nga buxheti i shtetit.

Fatos Nano me sa duket e ka ndarë mendjen për të luajtur edhe kartën e fundit në fushatën elektorale, që do të shënojë edhe humbjen e pashmangshme të Partisë Socialiste. Hedhjen në treg të të gjitha fondeve të zeza të biznesit të paligjshëm që është lidhur ngushtë tetë vjetët e fundit me pushtetin e tij.




-----

[manoklla]

Harasani:Si tirans kam dyfish përgjegjësi


Z.Harasani! Për herë të parë, PS-ja po vë "në rrezik" fitoren e saj në Tiranë, me kandidatë të rinj në të gjitha pikëpamjet: në moshë, në anëtarësim, në kontribute për PS-në, në përvojën e punës, në imazhin publik…A e ndieni peshën e përgjegjësisë që ju është vënë dhe që e keni marrë mbi vete, krahasuar me figurat e njohura e shumëkontribuese të PS-së në vite?

Unë e ndiej shumë përgjegjësinë, aq më shumë se kandidoj në Tiranë, që është kryeqyteti i vendit dhe beteja kryesore ku do të vendoset fati i zgjedhjeve të ardhme. E kuptoj çfarë përgjegjësie kam marrë duke kandiduar për PS-në, aq më shumë që unë jam vetë tiranas dhe përgjegjësia për këtë është dyfishe. Nuk besoj që është hera e parë që PS-ja po kandidon të rinj. Mjafton të shikojmë kandidatët historikë të PS-së apo kryetarin e Bashkisë së Tiranës, që është zgjedhur për herë të dytë…. Partia Socialiste, në rrugën e zhvillimit të vet gjatë gjithë këtyre 15-vjetëve ka afruar gjithmonë njërëz të rinj, përvoja të reja, eksperienca të reja.



Përse po kandidoni për PS-në?

PS-ja është e vetmja parti, që më mbështeti e në radhë të parë më dha besimin që në këtë moshë të re të drejtoja kompaninë më të madhe në Shqipëri, Korporatën Elektroenergjitike Shqiptare. Eshtë kjo parti që më ka mbështetur gjatë kësaj periudhe trevjeçare për të bërë këtë proces reformash dhe ndryshimesh në Korporatë e, arsyeja e tretë e më kryesore është që unë nuk shoh asnjë forcë tjetër politike në Shqipëri të prirur drejt integrimit europian dhe drejt procesit të thellimit të reformave.



Politikisht, ju mbështeteni tek partia, që ju kandidon. Po personalisht, ku do të mbaheni gjatë kësaj fushate, ku do t'i gjeni forcën dhe kurajon për t'u kërkuar votën, qytetarëve?

Edhe personalisht do të mbështetem tek partia, që po më kandidon. Kurajon dhe forcën për t'i kërkuar votën qytetarëve do ta gjej në radhë të parë tek zhvillimet e ndodhura që nga viti 1997. Në 1997 jam larguar nga Shqipëria, sepse nuk mund të jetohej në ato kushte. Pikërisht kjo është arsyeja që unë do t'ia kërkoj votën shqiptarëve, që të mos hapen përsëri depo armësh e gjëra të asaj natyre; do ta gjej forcën tek ndryshimet rrënjësore që kanë ndodhur në të gjithë vendin, në rritjen ekonomike e po ashtu, tek transparenca, që përshkon gjithë rrugën e Partisë Socialiste deri tek njohja e gabimeve, njohja e problemeve dhe dëshira e kurajua për t'i rregulluar ato.



U shprehët se keni një eksperiencë e përvojë të konsiderueshme pune, pavarësisht nga mosha juaj e re? A mund të flisni pak për veten tuaj, duke filluar që nga momenti i diplomimit? Apo është më shumë se një?

Unë kam mbaruar Fakultetin Ekonomik e më vonë atë "Juridik" me korrespodencë. Kam përfunduar edhe "Associate Chartered Institute of Bankers" Londër. Puna e parë, që kam bërë ka qënë hapja e Bankës Arabo-Islamike Shqiptare ; më vonë kam hapur Bankën Amerikane në Shqipëri - jam një ndër 3-4 njërëzit e parë; eksperienca me bankat ka vazhduar në Rusi, ku kemi hapur disa degë të "Alfa Bank", një nga pesë bankat më të mëdha të Rusisë në Sant Petersburg e në disa qytete të vogla të Rusisë; kam hapur Bankën Amerikane të Kosovës, e cila iu shit më vonë bankës "Raifeeisen"; kam punuar në disa vende, si në Angli, për një kompani, që merrej me shitjen e blerjen e aksioneve; në Rusi për një kompani, që edhe kjo merrej me shitje-blerje aksionesh; kam punuar në Bullgari; në Amerikë dhe në Shqipëri për "Deloitte & Touche"…Pra, besoj se është një eksperiencë e madhe për këto 10-12 vjet punë, që kam.



Përse u kthyet në Shqipëri, z.Harasani? Nuk fitonit mjaft?

Unë fola për eksperienca, jo për ikje jashtë shtetit. Arsyeja kryesore për të cilën unë fillova të punoj jashtë shtetit ka qënë pikërisht viti 1997, kur filluan trazirat në Shqipëri, kur u krijua një "non sens". Arsyeja pse u ktheva është se këtu është vendi im, janë prindërit e mi, njërëzit e mi; 7- 8 vjet punë jashtë shtetit besoj se kam fituar mjaft për të bërë një jetë të mirë. Nuk kam ardhur për përfitime materiale në Shqipëri, por thjesht se besoj se duke kontribuar të gjithë sëbashku do të arrijmë në ato nivele, që janë edhe ato vende ku kam punuar.



Po në rast se nuk do të mund të votoheni, keni ndërmend të largoheni nga Shqipëria?

Nuk mund të flas me "në qoftë se". Nuk besoj se do të largohem nga Shqipëria, besoj se do të jem fitues, ashtu sic do të jetë dhe partia, e cila më kandidon. Në rast se sovrani, populli, vendos të mos më votojë, ç'ka më duket një mundësi shumë e vogël, atëherë përsëri do të kontribuoj edhe në opozitë.



Në rast se fitoni, do të jeni si një ndër ata deputetë, që shkojnë në zona vetëm kur kërkojnë votën?

Gjëja më e vështirë për shumicën e personave dhe gjëja më e lehtë për disa të tjerë është që të deklarojnë se në të ardhmen unë do të jem filani. Eshtë shumë e lehtë që të them se do të jem ndryshe nga të tjerët, por nëse do t'i referohem "historisë", eksperiencës së punës sime do të thoja se nuk kam lënë asnjë njeri në baltë nga ata që më kanë mbështetur dhe punuar për mua. Mendoj se do të jem gjithnjë nga ata deputetë, që do t'i rri gjithmonë pranë zonës dhe për një arsye të thjeshtë: sepse nuk dua të jem si disa kandidatë për deputetë, që për çdo katër vjet ndërrojnë zonat.



Na kanë treguar se jeni "diktator" në kërkimin e punës dhe "mik për kokë", në miqësi me të njëjtëj kolegë, që punoni….Si ndodh kjo? Si arrini t'i alternoni këto? Mos jeni nga ata me "dy faqe"?

Të gjithë janë me dy faqe; nuk njoh njeri me një faqe. Nuk di të jem diktator, di se jam shumë kërkues në punë. Përsa kohë punoj vetë që nga ora 8 e mëngjesit deri kur largohem në 11 të natës, pretendoj nga i njëjti ekip me të cilin unë punoj, që të punojë me të njëjtin orar. Kuptohet që njërëzve, që më mbështesin e unë mbështetem, mundohet t'u rri pranë për gjithçka që ata kanë. Eshtë thjesht respekt reciprok.



Në miqësi, afroni ndihmë dhe siguri? Kur ka qënë rasti më tipik, pra, ndihma më e madhe që i keni dhënë ndokujt? Ishte për miqësi apo mëshirë?

Kjo është pyetje, e cila duhet t'i drejtohet miqve të mi, që janë të shumtë….Besoj se jam ruajal, bëj shumë për miqtë. Jam tip i vështirë, nuk bëj miqësi që në fillim me këdo, por pasi zgjedh miqësitë e mia jam i gatshëm të sakrifikoj për to. Di shumë raste kur shumë persona më kanë ndihmuar mua dhe për to jam i gatshëm të flas, ndërsa për ndihmën, që u kam dhënë unë personave të tjerë, e kam parim të brumosur që në kohën kur isha në shkollën tetëvjeçare e te mesme, kur luaja tavëll më djemtë e lagjes, që sot janë refugjatë, që, nderet që bënim nuk përmenden.

Sa për mëshirën, besoj se ajo nuk ekziston në shoqëri; ka vetëm detyrim shoqëror reciprok.



Po sot, a gjeni kohë të lirë për të luajtur tavëll?

Jo dhe aq. Me shume mundohem te gjej kohen kur jam me pushime ose kur jam në udhëtime jashtë vendit. Mendoj se jam lojetar i mirë e në shumicën e rasteve dal fitues. Megjithëse, ka disa persona, që në momentin kur do të shikojnë këtë interviste, e dinë që më mundin gjithmonë; një nga ato persona është edhe femër.



Në zonën tuaj ka shumë familje rome, e dini? Cfarë keni menduar t'ju afroni atyre në vecanti në këmbim të votës?

Kam bërë një program pas një studimi të detajuar statistikor, që nuk e di a bëhet në zona të tjera; një program, ku prek të gjitha shtresat e popullsisë së zonës. Nuk dua t'i trajtoj romët veç nga të tjerët, nga katolikët apo ortodoksët apo nga veriorët apo jugorët - ato janë thjesht pjesë integruese e zonës. Unë kam shpërndarë formularët e pres brenda kësaj jave të marr të gjitha ankesat dhe mendimet, që ata kanë për ndonjë ndryshim në zonën e tyre. Në momentin që do t'i mbledh, do t'i diskutoj me të gjithë banorët e zonës e do të fillojmë të shikojmë se mund të veprojmë.



Cfarë keni dëshirë të më tregoni nga vetja? Keni ndonjë peng, që doni ta thoni publikisht?

Nuk kam ndonjë peng. Ajo që e them publikisht dhe jam krenar ta them publikisht është se nuk kam marrë asnjëherë ndonjë punë përsipër e të mos ia kem dalë mbanë. Besoj se nuk do të më rastësë.



Cili është politikani opozitar, që ju ka mërzitur më shumë?

Lideri i opozitës, Sali Berisha.



Cili është politikani opozitar, që e vlerësoni?

Janë shumë politikanë opozitarë, që i vlerësoj. Nuk mund t'ua them emrat, sepse do t'iu krijoja probleme me liderin e tyre.



Cili është mendimi juaj për rivalin tuaj, që parashikohet të jetë Shaban Memia?

Po, do të jetë z.Shaban Memia. Nuk kam ndonjë mendim. Pres vetëm një fushatë të ndershme. Kujtoj që është hera e katërt që z.Memia po kërkon të dalë deputet. Fakt, që nuk mund të fshihet është se ka kandiduar në katër zona të ndryshme, ç'ka tregon destabilitet.



Sa e njihni Meminë në politikë, për cfarë e vlerësoni dhe për cfarë, jo?

Ndoshta unë jam i ri në jetën politike shqiptare, por nuk besoj që ai, përvec hapjes së depove të armëve në '97-ën, të ketë ndonjë kontribut tjetër.

Dorina Hamzallari