Gazeta Elektronike: "Futbolli Ndërkombtar"

[Davius]

Samp-Lacio, mundësi për hakmarrje historike


Shaka të fatit dhe të kalendarit. Faza finale e këtij kampionati u jep mundësi dy skuadrave që të hakmerren për padrejtësi që u janë bërë në të shkuarën. Kjo vlen për Sampin, që mund ta dërgojë Bolonjën në Serinë B, pasi pikërisht pas një barazimi ndaj emilianëve, gjenovezët ranë nga kategoria e parë në vitin '99. Dhe tifozët e Lacios kujtojnë se si gjithnjë, në '99-n, një tjetër vendim i dyshimtë arbitral u kushtoi atyre titullin pikërisht ndaj Fiorentinës.
Tifozët e Lacios, hakmarrjen e tyre, mundën ta shijonin të dielën e kaluar. Në fakt, barazimi 1?1 që e katandisi Fiorentinën në fundet e renditjes, u karakterizua nga gabimi gjigant i gjyqtarit Rozeti, që nuk pa një prekje të qartë të topit me dorë nga ana e Zaurit, në vijën e portës.

Një ditë pas ndeshjes kanë qenë vetë përkrahësit bardhekaltër, përmes emisioneve radiofonike të kryeqytetit, që kanë kujtuar një precedent veçanërisht të dëmshëm. Në kampionatin '98/'99, Fiorentina dhe Lacio po përballeshin gjithnjë në javën e parafundit: edhe me atë rast përfundoi 1?1, rezultat që u hoqi titullin nga duart bardhekaltërve dhe në atë rast pati shumë polemika. U bë fjalë për një faull të pastër për penallti të Mirrit ndaj Salasit. Mbrojtësi vjollcë e rrëzoi në tokë kiljanin, me një goditje që ngjasonte më shumë me një veprim karateje sesa futbolli, për të cilën gjyqtari Treosi e konsideroi si normal. Ky fakt më pas u bë "gjahu" i preferuar i të gjithë "moviolistëve" dhe zgjoi shpërthimet e Serxhio Kranjotit.

"Treosi nuk pa asgjë, ? kujtuan mbështetësit e Lacios. ? Kësaj here e kishte radhën Rozeti dhe kështu që po bëre, edhe do të pësosh". Por ka edhe një tjetër skuadër që mund të hakmerret të dielën. Po në kampionatin '98/'99, Sampdoria u dërgua në B nga Bolonja, pas barazimit 2?2 në javën e parafundit. Gjenovezëve, që ndodheshin ?3 pikë nga e pesta nga fundi, u duhej një fitore në "Dall'Ara", por Bolonja, e cila po mundej 1?2, barazoi në minutën e 94-t me Ingesonin. Sampi ndeshet këtë të diel pikërisht me Bolonjën, e cila rrezikon seriozisht të bjerë nga kategoria, nëse mundet.

[Davius]

Zauli: Tani shpresoj të luaj në Romë

Lamberto Zauli do të largohet thuajse me siguri nga Palermo, në fund të sezonit, dhe do të jetë një lojtar i lirë në merkato. Ka qenë vetë fantazisti që ka folur gjatë një interviste për të ardhmen e tij: "Në këtë pikë ka shumë mundësi që ta lë klubin siçilian. S'e di se ç'do të bëj, edhe sepse në këtë moment është e vështirë të kesh shumë kontakte me skuadra të Serisë A apo B, të cilat s'e kanë mbylur ende programin sezonal. Unë, - ka përfunduar Zauli, - shpresoj të qëndroj në kategorinë e parë, do të më pëlqente të luaja në Romë."

Papadopulo: Në Palermo, për shpëtimin
Trajneri bardhekaltër, Xhuzepe Papadopulo, i pyetur lidhur me ndërhyrjen e Luçiano Zaurit, i cili në ndeshjen e së dielës ndaj Fiorentinës e hoqi topin me dorë nga porta e klubit lacial, ka përmendur një episod të disfavorshëm që u ka ndodhur romanëve gjatë kampionatit: "Kjo na ndodhi edhe ne në Mesinë, me golin që s'iu quajt Tomazo Rokit, por s'thamë asgjë dhe gjëra të tilla mund të ndodhin në futboll." Trajnerit lacial i vjen keq vetëm që ekipi i tij s'arriti të fitonte: "Me tripikëshin do të kishim festuar shpëtimin, por tani duhet të shkojmë në Palermo për të arritur synimin që i kemi vënë vetes." Për Paolo Di Kanion, ai tha: "Me të nuk kam asnjë problem, marrëdhënia jonë është e sinqertë dhe direkte. Unë kam vepruar gjithnjë për të mirën e skuadrës".

Siena, De Kanio: Mendojmë vetëm për fitoren
Temperatura e 90-minutëshit të fundit, temperatura e shpëtimit, Siena e De Kanios duhet t'i japë goditjen e fundit këtij kampionati të vështirë ndaj Atalantës, tanimë të rënë nga kategoria. Trajneri u duk i qetë: "Do të mendojmë vetëm të fitojmë. Asnjë llogari, me tri pikët si minimum do të garantojmë ndeshjet shtesë. Bergamaskët s'do të na dhurojnë asgjë, ne do të jemi të vendosur dhe të bindur, dhe publiku ynë do të na ndihmojë."

Breshia, Kavazin: Do të luajmë të qetë
Alberto Kavazinit i paraqitet përpara syve mundësia e shpëtimit. Një vit pune që mund të përmblidhet në një çast të vetëm në ndeshjen e së dielës ndaj Fiorentinës. Trajneri i Breshias ka folur qartë: "Preferoj situatën time ndaj asaj të vjollcëve, sepse atyre fitorja s'u mjafton. S'do të kemi shqetësime të asnjë lloji, s'do të na kushtëzojë fakti që do të luajmë në transfertë. Do të jetë një javë shumë e rëndësishme, të cilën do ta përballojmë pa frikë."

[Davius]

Lajme shkurt nga Seria A

Lipi: Futbolli është edhe dinakëri
"Futbolli është edhe dinakëri". Edhe Marçelo Lipi jep mendimin e tij mbi episodin e "Olimpikos", duke "e falur" Zaurin, autor të prekjes së topit me dorë në portën e tij në ndeshjen Lacio-Fiorentina. Episod që nuk u pa nga gjyqtari Rozeti. "E vetmja gjë që e ndiej të mbështes, - tha Lipi në një takim me studentë, - është një instrument që shërben për të shmangur mosdhënien e një goli të vlefshëm, kur topi kalon linjën e portës. Turneu në SHBA? Do të thërras lojtarë të rinj, që deri tani me skuadrat e tyre nuk kanë pasur mundësinë të luajnë ndeshje në veprimtaritë europiane".

Juvja kampione rigjen Mutunë
Juventusi, kampion i saposhpallur e Italisë, ka një tjetër motiv për të festuar. Dje i ka skaduar pezullimi 7-mujor Adrian Mutusë, për pozitivitetin me kokainë. Sulmuesi rumun, i lënë i lirë nga Çelsi dhe i blerë menjëherë nga "Zonja" pikërisht në momentin më delikat të jetës së tij, mund të veshë për herë të parë fanellën bardhezi të dielën e ardhshme, në javën e fundit të kampionatit, kundër Kaljarit. Për Mutunë është fundi i një ankthi, ndërsa për Juven, një tjetër bast i fituar.

Reali: Asnjë ofertë për Ibrahimoviçin
Reali i Madridit ka përgënjeshtruar përmes adresës së vet në internet, informacionet e dala nga organe të ndryshme shtypi, sipas të cilave klubi i paska afruar një ofertë 70-milionëshe Juventusit, për Zllatan Ibrahimoviçit. Reali i Madridit pohon se nuk ka pasur asnjëherë, direkt ose indirekt, bisedime as me përfaqësues të suedezit, as me drejtues të Juventusit.

Brazili nuk ia lë Adrianon Interit
Vazhdon gjithnjë e më shumë gjendja e nderë mes Interit e Brazilit për Adrianon. Federata Braziliane e Futbollit i është përgjigjur negativisht, përmes një faksi, klubit zikaltër, ku kërkohej të lihej i lirë sulmuesi për grumbullimin për Kupën e Konfederatave, që nis nga 15-a deri më 29 qershor në Gjermani. "Bomberi", në këtë aspekt, mund të luajë vetëm në finalen e parë të Kupës së Italisë, më 12 qershor, dhe jo në atë të kthimit.

Makinua, sinjale dashurie zikaltërve
"Unë tek Interi? Ndoshta". Sytë që shkëlqejnë para një rasti të tillë, janë të Stefan Makinuasë, aktualisht tek Atalanta, por i kërkuar edhe nga Palermo: "Nuk kam thënë asnjëherë se kam marrë oferta nga zikaltrit, - tha nigeriani, - por nëse bisedojnë, do të them sigurisht "po". Ëndrra ime është ajo që të luaj në një skuadër të madhe dhe Interi është padyshim, madje do të ishte maksimumi".

Seria A, 5 lojtarë të pezulluar
Gjykatësi sportiv, Laudi, ka dhënë verdiktet e tij pas javës së parafundit të kampionatit italian, ku ka pezulluar 5 lojtarë me një ndeshje: Bovo (Parma), Ferrari (Roma), Rui Kosta (Milan), Zauli (Palermo) dhe Stankoviç (Inter).

[Davius]

Domenek grumbullon Francën

Sulmuesi i Liverpulit, Djibril Size, do të rikthehet në ekipin kombëtar të Francës, pas një kohe të gjatë mungese. Trajneri Rejmond Domenek e ka grumbulluar lojtarin për ndeshjen miqësore ndaj Hungarisë, në një ekip ku nuk luan asnjë lojtar fitues i Kupës së Botës, për herë të parë në gjashtë vitet e fundit.

Miqësorja e Hungarisë do të zhvillohet më 31 maj dhe trajneri Domenek nuk do të ketë në dispozicion sulmuesin e dëmtuar, Tieri Henri. Karriera e Piresit në kombëtare duket se ka marrë fund, pasi nuk është grumbulluar në ekip, që nga tetori i vitit të kaluar. Kapiteni Patrik Vieira është lënë jashtë ekipit, për shkak të martesës së tij më 4 qershor.

[Davius]

Mourinjo: Kemi çdo gjë nën kontroll


Trajneri portugez i ekipit të Çelsit, Hoze Mourinjo, u shpreh se nuk kishte nevojë të menjëhershme për lojtarë të rinj, pasi pothuajse të gjithë lojtarët e sezonit të kaluar do të qëndronin në "Stemford Bridge" edhe në sezonin e ardhshëm. "Nuk jam i shqetësuar për merkaton e verës, pasi kemi akoma të gjithë lojtarët e ekipit tonë. Ata dëshirojnë të qëndrojnë këtu edhe për sezonet e ardhshme. Tani çdo gjë është në dorën tonë," - përfundoi Mourinjo. Trajneri portugez, i cili e drejtoi Çelsin drejt titullit të parë kampion pas 50 vitesh, deklaroi se do të donte që edhe mbrojtësi Skot Parker të qëndronte tek ekipi i tij, por kuptonte dëshirën e lojtarit për të luajtur me shumë takime. 24-vjeçari Parker erdhi te Çelsi në janar të 2004-s, nga ekipi i Çarltonit. Ai ka luajtur vetëm në 11 takime, gjatë këtij sezoni, pas dëmtimit që e la jashtë fushave për katër muaj.

"Eshtë normale që ai kërkon të luajë rregullisht. Ai dëshiron të luajë në kombëtare dhe e vetmja mënyrë për ta bërë këtë, është aktivizimi në kampionat. Por në këtë moment, Makelele nuk e lëshon lehtë vendin e tij, pasi po kalon një formë të shkëlqyer. Nëse ai është i gatshëm të presë, aq më mirë për Çelsin. Por nëse ai nuk është dakord, mendoj se duhet ta konsiderojmë shitjen e tij," - deklaroi trajneri portugez. Media britanike ka shkruar për një kalim të mundshëm të Parkerit drejt ekipit të Evertonit, i cili ka fituar një vend në edicionin e ardhshëm të Ligës së Kampioneve. Gjatë një emisioni televiziv, Mourinjo deklaroi se klubi ishte në kërkim të një talenti të ri, në rolin e mbrojtësit të djathtë. Ai u shpreh se Uejn Brixh, i cili theu krahun në muajin shkurt, nuk do të ishte i gatshëm në fillim të sezonit të ardhshëm. Në Spanjë flitet se Çelsi është vënë në ndjekje të mbrojtësit të ekipit të Atletikos së Bilbaos, Asier Del Horno.

Gjithashtu, Çelsi është në kërkim të një sulmuesi, pas largimit të Mutusë dhe serbit Mateja Kezhman, i cili nuk mundi të siguronte një vend në formacionin titullar të ekipit të drejtuar nga Hoze Mourinjo. Lojtarët e Çelsit do të rikthehen në Londër më 4 korrik, për të filluar trajnimin parasezonal. Trajneri Mourinjo deklaroi se në sezonin e ardhshëm, motivacioni do të ishte më i madh: "Pavarësisht fitimit të titullit dhe të Kupës së Ligës, nuk mundëm të siguronim një vend në finalen e Stambollit, pasi u eliminuam nga Liverpuli. Sezonin e ardhshëm do të mundohemi të mos bëjmë gabimet e këtij sezoni. Megjithatë, unë e përsëris që jam krenar për të gjithë lojtarët e ekipit, pasi ata zhvilluan një sezon fantastik", - përfundoi Mourinjo.

[Davius]

Ronaldinjo: Henri, eja te Barça!

Ronaldinjo Gauço pranon: "Tierri Henri është një futbollist ideal për Barcelonën." Braziliani më pas nuk e fsheh dëshirën e tij për të luajtur përkrah sulmuesit francez të Arsenalit dhe u bën një apel drejtuesve të Barcelonës: "Çdo skuadër do të dëshironte ta kishte Henrinë në radhët e saj, për këtë mendoj se francezi duhet marrë sa më parë. E ftoj atë te Barcelona, duke i premtuar se do të fitojmë gjithçka. Henri ka një teknikë të rrallë dhe është një nga sulmuesit më të shpejtë. Ka karakteristikat ideale për të luajtur përkrah meje dhe Etosë."

Ronaldinjo e bën të ditur dëshirën e tij: "Sa herë e vlerësoj një futbollist si nga më të mirët në botë, dua që ai të luajë me Barçën. Ne kemi disa kampionë, por ëndërroj që një ditë kjo skuadër të jetë e mbushur me futbollistët më të mirë të planetit." Më pas, fantazisti brazilian nuk hetizon të komplimentojë trajnerin Frank Rajkard, i cili, sipas brazilianit ka qenë një nga faktorët kryesorë që ndikuan në fitoren e titullit nga Barcelona: "Për mendimin tim, liria që i jep çdo futbollisti për të shprehur aftësitë e tij gjatë një ndeshjeje, është cilësia më e rëndësishme e Rajkardit. Ai nuk nevrikoset asnjëherë, në rast se sheh një futbollist të godasë portën nga 35 apo 40 metra.

Për këtë përpiqemi t'ia shpërblejmë besimin që ka në aftësitë tona, duke luajtur si një skuadër e vërtetë. Pa Rajkardin do ta kishim të vështirë të bënim një sezon në këtë nivel. Personalisht kam gjetur trajnerin ideal për të shprehur aftësitë e mia." Në lidhje me të ardhmen e këtij grupi futbollistësh që i dha Barcelonës titullin që i mungonte prej gjashtë vitesh, ish-fantazisti i Paris San Zhermenit u shpreh: "Kuptohet se një skuadër si Barcelona e ka të detyrueshme të fitojë gjithmonë, për këtë, fitimi i titullit nuk duhet të na vetëkënaqë. Kemi një grup të ri futbollistësh dhe vitin e ardhshëm do të synojmë fitoren e Ligës së Kampioneve, vetëm kështu mund të futemi në histori." Në fund të deklaratës së tij, Ronaldinjo komentoi lojërat olimpike të vitit 2012. Braziliani ka treguar se është ende i lidhur me Parisin: "Do të më pëlqente që Parisi të organizojë Lojërat Olimpike të vitit 2012. Zemra ime është edhe në atë qytet madhështor dhe do të jem spektakori i parë i këtij aktiviteti."

[Davius]

Lajme shkurt nga Primera Division


12 mijë euro gjobë për EtonëSulmuesi i Kamerunit, Samuel Eto, është gjobitur me 12 mijë euro nga Federata Spanjolle e Futbollit, pas deklaratës së tij: "Madrid bastard, përshëndeti kampionët", gjatë festës së titullit në Barcelonë. Këtë frazë Eto e tha përpara 100 mijë tifozëve në "Kamp Nou". Gjoba për sulmuesin e skuadrës së Rajkardit mund të kishte qenë edhe më e majme, në rast se Reali do të kishte kërkuar dëmshpërblim, por drejtuesit "merengesë" pranuan faljen publike të futbollistit. Falje, e cila nuk u duk e mjaftueshme për drejtuesit e futbollisit spanjoll.


Figo kërkon përgjigje nga Reali
Luis Figo, mesfushori i Realit të Madridit, ka deklaruar se nuk e ka vendosur ende të ardhmen e tij dhe se kërkon sa më parë shpjegime nga Luksemburgo. 32-vjeçari portugez u shpreh: "Nuk dua të largohem nga Reali dhe kam dhënë gjithmonë maksimumin për këtë skuadër. Janë njerëz të tjerë ata që duan largimin tim. Nuk do të marr asnjë vendim pa pasur një bisedë me trajnerin Luksemburgo. Për atë që kam dhënë me Realin, mendoj se e meritoj diçka të tillë.

Kasiljas-Real, vështirësohet rinovimi
Iker Kasiljas duket se do ta ketë më të vështirë nga ç'mendohej rinovimin e kontratës me Realin e Madridit. Portieri i skuadrës së Luksemburgos dukej pranë marrëveshjes, por vetë menaxheri i tij, Karvajal, ka deklaruar se bisedimet me Realin për rinovimin e kontratës kanë mbetur në vend. Nga ana tjetër, drejtuesi Butragenjo u shpreh: "Nuk kemi përse të shqetësohemi. Ikeri do të qëndrojë dhe ne duam ta mbajmë. Ky është thelbi."

Rikelme, lamtumira me Championsin!?
Mesfushori argjentinas, Huan Ramon Rikelme, përgatitet të luajë në Levante, atë që mund të jetë ndeshja e fundit e tij me fanellën e Vilarealit. Vetë futbollisti, kartela e të cilit i përket Barcelonës, u shpreh: "Nuk e kam vendosur ende të ardhmen time, por e ndiej se të dielën do të jetë ndeshja ime e fundit me fanellën e Vilarealit. Për këtë do të përpiqem të ndihmoj skuadrën në arritjen e fundit. Ky grup futbollistësh e meriton një vend në Ligën e Kampioneve."

[Davius]

Balak: Kjo finale, për të bërë "bis"
Pas dy ditëve pushim, ekipi i Bajernit ka nisur përgatitjet për finalen e Kupës së Gjermanisë, e cila do të zhvillohet ditën e shtunë në stadiumin "Olimpik" të Berlinit. Në finale, Bajerni do të ndeshet me ekipin e Shalkes, e cila ka qenë rivalja kryesore për titull gjatë këtij sezoni, në Bundesligë. Përveç mungesave të Andreas Gërlitz dhe Tobias Raut, trajneri Feliks Magat do të ketë të gjithë lojtarët e tjerë të gatshëm për ndeshjen ndaj Shalkes. Paolo Guerrero dhe Roi Makai e kanë nisur më shpejt stërvitjen, pasi u është dashur të rikuperojnë disa dëmtime të lehta muskulare. Kapiteni Oliver Kahn, i cili doli jashtë fushës në ndeshjen gjatë Shtutgartit, për shkak të problemit në stomak, ka konfirmuar se do të jetë në finalen e kupës. "Pata një problem të lehtë në stomak, por tani ndihem mirë. Të dyja ekipet do të jenë të çliruara nga çdo lloj presioni. Shalke ka arritur të kualifikohet për në Champions dhe ky është një sukses i madh për ata.

Ne fituam titullin dhe kemi fituar në nëntë takimet e fundit. Logjikisht, të dyja ekipet kanë besim në vetevete. Besoj se dy humbjet në kampionat, të pësuara ndaj tyre, do të jenë një motivacion më shumë për ekipin tonë. Eshtë e vërtetë që ndihemi nën presion për ato dy humbje, por do t'i analizojmë me kujdes të dyja takimet dhe do të evitojmë një humbje të tretë," - përfundoi Kahni. Bajerni e ka fituar kupën 11 herë, por Kahni u shpreh se ekipi i tij nuk ishte favorit: "Nuk mund të flasësh për favoritë në një finale. Çdo gjë mund të ndodhë. Asnjë nga të dyja ekipet nuk ka asgjë për të humbur." Mesfushori Mikael Balak u shpreh optimist për fitimin e trofeut të dytë të sezonit. "Mbi ne nuk ka asnjë presion. Kemi fituar titullin, i cili do të thotë se jemi më të fortë se Shalke. Kjo finale është e rëndësishme për ne, pasi do të ishte mbyllja më e mirë për këtë sezon. Ndërsa Shalke rrezikon të dalë duarbosh nga ky sezon, kështu që

[Davius]

Roma-Kasano, intrigë e vërtetë

Françesko Toti ka nënshkruar (ose është gati për ta bërë) praktikisht përjetë. Po kështu edhe Vinçenco Montela. Dy "xhevahirë" të çmueshëm të "tredhëmbëshit" verdhekuq, që kanë vendosur të "martohen" me projektin e Rosela Sensit (vajza e presidentit dhe administratorja e deleguar). Ndërsa për Antonio Kasanon, i vetmi që ka mbetur pa u sistemuar dhe që shumë njerëz e shohin gati për nisje (ndoshta te Juvja), gjendja duket sikur ka marrë një tjetër rrjedhë. Pak për një riafrim të lojtarit me klubin dhe pak sepse klubi, që dukej më shumë i intresuar, Juventusi, në kohët e fundit ka frenuar ndaj tij. Kapelo do ta priste krahëhapur, por Moxhi e ka thënë qartë që për momentin nuk di se "ku ta vendosë", duke e pasur repartin e përparuar të mbipopulluar me lojtarë, me Trezegenë, Del Pieron, Ibrahimoviçin dhe tani rumunin Mutu. Për më shumë, është për t'u parë edhe aspekti ekonomik, duke parë që Juvja nuk ka ndër mend të bëjë çmendurira në merkato. Është pikërisht faktori ekonomik ai që ka shkaktuar një "minidivorc" dhe një mungesë të bisedimeve mbi rinovimin mes Kasanos dhe Romës. Sulmuesi 22-vjeçar i paska kërkuar Romës një rrogë, në mos të njëjtën, përafërsisht me atë të kapitenit Françesko Toti. Por një "sakrificë" të ngjashme, arkat e klubit mund ta durojnë vetëm për një lojtar, aq sa Vinçenco Montela, pas rinovimit të kontratës, pranoi një reduktim të rrogës së tij. Vlera e kartonit të tij aktualisht shkon rreth 25 milionë euro, por duke qenë brenda kontratës (i skadon më 2006-n), klubi mund të bëjë një ulje të ofertës (deri më 15 milionë), për të mos e shitur me çmimin zero. Ndeshja është ende për t'u luajtur, por për momentin asnjë nuk duket se ka ndër mend të bëjë lëvizjen e parë.

Baldini: Antonio? E ardhmja te Juvja
Gjatë një deklarate, ish-drejtori sportiv i Romës, Franko Baldini, është kthyer në fushë duke folur mbi merkaton: "Kasano? Mund të them se nëse nuk do të qëndrojë te Roma, do të shkojë sigurisht te Juventusi. Montela? Doja ta shisja, për të gabova vlerësim".
Sipas disa burimeve të pakonfirmuara ende, administratorja e deleguar e Romës, Rosela Sensi, paska takuar në Romë Alesandro Moxhin, djali i Luçiano Moxhit. Të dy paskan folur mbi programet e ardhshme. Drejtuesi i agjencisë "Gea" duket kandidati numër një për rolin e drejtorit të përgjithshëm të Romës.

Guidolin: Ndihem edhe unë si Kapelo
Françesko Guidolin është bërë i papërmbajtshëm. Trajneri i Palermos është i lumtur për fitimin e një vendi në Kupën UEFA dhe duke bërë shaka e krahason veten me megafituesin Fabio Kapelo. "Mendoj dhe shpresoj që të dielën të bëhet një festë e madhe në "Barbera", - tha trajneri i Palermos. - Kemi marrë shumë nga tifozët tanë, por besoj se edhe skuadra ka dhënë shumë. Unë ndihem disi si Kapelo, që e cilësoj si trajnerin më të mirë. Si ai kam marrë maksimumin e mundshëm. E ardhmja? Nuk ka asgjë të vendosur".

Novelino: Shpresojmë ende te Championsi
Ndoshta Novelino duhet t'i thotë lamtumirë Ligës së Kampioneve. Të dielën është java e fundit, por Udineze, me një pikë më shumë, do të ketë përballë Milanin e lodhur nga finalja e Championsit. "E vlerësoj ende paraqitjen e skuadrës ndaj Interit, - tha tekniku i Sampit, - por gjatë sezonit kemi luajtur mirë gjithnjë. Sigurisht, ka ende shpresa, edhe pse ne do të shkojmë të luajmë në Bolonjë, e cila duhet të shpëtojë. Dua të falënderoj tifozët, kanë qenë të jashtëzakonshëm. Shpresoj që t'u jap një kënaqësi të madhe".

Doraso, gati rikthimi në Francë
Vikash Doraso e nisi me këmbën e mbarë te Milani, por më pas ndaloi. Tani mesfushori është gati të rikthehet në Francë. Sipas shtypit vendës, Paris San Zhermeni është në gjurmët e 31-vjeçarit kuqezi, që mund të vlerësojë klubin kryeqytetas për të luajtur më me rregullsi dhe të presë një grumbullim me kombëtaren, në rast se Franca do të kualifikohet në Botërorin 2006. Kontrata e Dorasosë skadon më 2006-n, por mund t'i zgjatet nga Milani, përndryshe lojtari do të lihet me çmimin zero.

Inter, tentativë për anglezin Xherrard
Përpjekja e fundit e Masimo Moratit quhet Stivën Xherrard. Në të vërtetë nuk është një lajm që padroni zikaltër e çmon mesfushorin e Liverpulit dhe tani po nxiton për ta sjellë në skuadër, duke parë dhe konkurrencën e Milanit. Ëndrra e Moratit është ajo për ta bashkangjitur në krah të Veronit. Nuk ka ende oferta mbi tryezë, por duhet theksuar se 25-vjeçarin anglez e kërkojnë edhe Çelsi me Realin e Madridit.

[Davius]

H.Zaneti: Shumë shpejt, një dhuratë Moratit


Masimo Morati pret një dhuratë nga Interi i tij, e cila, përveç Kupës së Italisë dhe vendit të tretë për një vend në Champions, merr përmasa të vogla. Dy objektiva sa për të thënë se skuadra nuk doli pa gjë nga ky sezon, që pa dështimin në kampionat për titull dhe zhgënjimin në Ligën e Kampioneve. "Por Morati është vetë futbolli, pasioni, shija e sfidave, përkushtimi i çështjes, aftësia për t'u rinisur pas çdo zhgënjimi, - i del në mbrojtje padronit Havier Zaneti. - Ja pse Masimo Morati nuk do të dorëzohet dhe ja pse është i destinuar të rrezikojë herët a vonë". Kapiteni zikaltër është i sigurt teksa flet, duke qenë para së gjithash "i fundit i Mohikanëve".

I mbijeturari i çdo revolucioni, rithemelimi, rinisjeje, pra i vetmi lojtar i Interit që ka përjetuar deri tani ecurinë e bërë nga padroni. "Vërtet, kam ardhur këtu më 1995-96-n, fushata e parë e blerjeve, e nënshkruar nga Morati, - kujton argjentinasi. - Isha 20 vjeç dhe isha te Banfieldi, duke kaluar oqeanin për të ardhur në futbollin italian, një aventurë që të fut ethet. Sapo shkela në Pinetinë, u ndjeva si në shtëpi. Nëse do të më duhej t'i tregoja ndonjë fëmije se çfarë është Interi, do t'i thosha mbi të gjitha se është një familje, një mjedis i thjeshtë. Unë asnjëherë nuk e kam konsideruar Moratin një padron, por një baba. Më mori kur nuk isha askushi dhe më ka ndjekur me kënaqësi gjithë këto vite. Pjesa më e madhe që kanë pasur fatin të qëndrojnë tek Interi për pak kohë, u gjend para një njeriu të shkëlqyer".

Një Inter që nuk ka funksionuar në fund të rezultateve. Nga Baxhio, te Batistuta, nga Ronaldo te Adriano, nga Rekoba te Vieri, kanë kaluar shumë kampionë dhe në stol janë ulur teknikë me famë të madhe, njerëz që kanë treguar gjetkë se dinë të fitojnë. Por kur erdhën tek Interi, lojtarë dhe trajnerë u shndërruan në një dështim të vërtetë. Atëherë kritikat u drejtuan nga bosi: tepër i mirë, një baba që vëzhgon, më shumë sesa edukon. "Ne e dimë që na ndjek rregullisht, - vazhdon Zaneti. - Në këta dhjetë vjet, ne duhej të kishim fituar dy tituj dhe ndoshta ndonjë kupë prestigjioze, nëse do të na kishte ecur mirë. Por topi është i rrumbullakët, mund të shkojë sa andej e këtej dhe duhet të pranojmë pengesat. Ashtu siç humbëm ndaj Juves në '98-n, e dinë të gjithë, sepse, siç na shpëtoi titulli nga duart më 2002-shin, nuk e dimë as ne që ishim në "Olimpiko".

Nuk ekzistojnë analiza apo shpjegime të pritshme. Duhet të shikojmë përpara, siç ka bërë Morati, që na transmeton gjithnjë si këtë herë aftësinë e tij për t'u ringritur pas një goditjeje të fortë". Po hetohet prej kohësh mbi llojin e "makinës", që padroni do t'i japë Mançinit në merkato. Analiza e rendimentit të pasur nga Interi nga fundi i nëntorit, deri më sot, të çon në një vijueshmëri konfrontuese: është një skuadër prej kreu. Por fillimi i sezonit me hapa të gabuar dha sinjale krejt ndryshe. Dhe atëherë ç'duhet bërë? "Unë mund të them vetëm një të sigurtë: Interi i këtyre viteve, që kam përjetuar unë, nuk u ka afruar trajnerëve të tij zgjedhjet që afron kjo organikë, - shpjegon numri 4 i zikaltërve. - Me pak fjalë, është më e plotësuara, asnjëherë e drejtuar në këtë mënyrë. Pastaj, 54 pikët e arritura nga ndeshja e fazës së parë me Juven e deri më sot, janë një mesatare pikësh për titull.

Të njëjtën ecuri kanë edhe bardhezinjtë me Milanin. Ne ishim viktima të një nisjeje të gabuar, por kur një grup është në fazë ristrukturimi, mund të ndodhë". Pra duhet ndërhyrë me pak riparime? "Është një argument delikat që ia lë me dëshirë trajnerit dhe drejtuesve, - reagon mbrojtësi i Interit. - Nga ana ime, pasi e kam tërhequr "karrocën" për kaq vjet, po vdes nga dëshira të arrij ndonjë objektiv të rëndësishëm dhe mendoj se jam tashmë shumë pranë, edhe pse në mes është Kupa e Italisë. Duke pasur një kontratë deri më 2007-n dhe duke mos qenë më një 20-vjeçar, konsiderohem mes më të vjetërve, për t'ia ripaguar konkretisht Moratit sakrificat e bëra. Ai më ka thënë se kontrata mund të zgjatet sërish, në mënyrë që ta mbyll karrierën këtu. Dhe unë mendoj ta mbyll siç ëndërrojnë të gjithë tifozët".