Ku qendron e verteta-apo gabim arithmetikor?

[Beqari002]

Trupat shqiptare në Afganistan janë 30 e jo 28, thotë Ministria e Mbrojtjes


Tiranë, 19 gusht 2002 - Ministria e Mbrojtjes e Shqipërisë ka deklaruar të dielën se nuk është e vërtetë se në Afganistan kanë munguar dy ushtarë shqiptarë. "Trupat shqiptare në Kabul janë 30, por në këtë numër, rreth 28 janë ushtarë dhe dy të tjerë janë oficerë.

Ndaj mund të ketë pasur keqkuptim përsa i përket artimetikës së shifrave", citohet të deklaruar zëdhënësja e Ministrisë së Mbrojtjes së Shqipërisë Marjana Zegali.

[Beqari002]

Sa eshte shpallur zyrtarisht nga trupat tona ne Kabull kan shkuar 30 e tani na del se te 25 jane shendosh e mire.
Ku qednorn e verteta te Majko apo realiteti te shofim !!!


Asnjë nga 25 komandot shqiptare që kanë nën mbikrqyrje aeroportin e kryeqytetit afgan nuk është dëmtuar nga incidenti

Nuk ka të dëmtuar. Forcat e paqes nisin hetimin për 3 shpërthimet

Kabul, bomba aeroportit që ruajnë shqiptarët


KABUL

Tri bomba kanë shpërthyer në aeroportin e Kabulit që ruhet nga komandot shqiptare me mision në Afganistan. Njoftohet se asnjë nga forcat tona nuk është plagosur në këtë incident.

Gjenerali turk, Altuq Akyuz, në krye të forcës shumetnike të paqes (Isaf) në aeroportin e Kabulit, tha se dy shpërthime janë verifikuar pak pas orës shtatë të mëngjesit të djeshëm. Një tjetër shpërthim është dëgjuar një orë më vonë. Akyuz ka siguruar se shpërthimet nuk kanë shkaktuar viktima dhe as kanë dëmtuar forcat e paqes Isaf. Ndërkohë ushtarët e forcave shumëkombëshe kanë nisur hetimet lidhur me tri shpërthimet e ndodhura dje në aeroportin e Kaulit. Mes trupave turke që marrin pjesë në ruajtjen e një prej objekteve kyçe në Afganistan, janë edhe ato shqiptare. Njoftimet bëjnë të ditur se asnjë prej tyre nuk ka pësuar gjë nga këto shpërthime. Mësohet se shpërthimet kanë qenë me intensitet të ulët.

Javën e kaluar dy bomba të tjera kanë shpërthyer në Afganistan. Njëra shpërtheu para Hotel Internacionalit dhe tjetra para "guest house" të Kombeve të Bashkuara në qendër të Kabulit. Nga bomba e shpërthyer në qendër u plagosën dy kalimtarë. Më parë një tjetër bombë shpërtheu në një kinema, por pa shkaktuar viktima. Sipas një zëdhënësi, situata në Afganistan po përmirësohet nga dita në ditë, por shpërthimet janë akoma një gjë fare e kollajtë. Deri më tash nuk ka pasur asnjë të arrestuar për atentatet që më së shumti u faturohen mbetjeve të talebanëve afganë. Talebanët u shkërmoqën nëntorin e kaluar nga "koalicioni ndërkombëtar i luftës kundër terrorizmit". Rreth 5 mijë ushtarë nga 40 vende të botës bëjnë pjesë në trupat shumetnike të paqes, mes të cilëve edhe Shqipëria, që kanë mandat për të garantuar sigurinë në Kabulin e shkatërruar nga luftërat. Forcat Isaf kanë edhe prezencën shqiptare. Pak kohë më parë ministri i Mbrojtjes, Pandeli Majko, i përcolli 25 komandot shqiptare për në Kabul, për të marrë pjesë në misionin e paqes së forcave shumëkombëshe.