Pranvera dhe moda

[StormAngel]

T-shirt mania, veshjet ideale pranverore


Olsi Kolami

Veshje të përditshme dhe mjaft sportive, ky është sugjerimi i fundit i pasarelave për sezonin Pranverë-Verë 2005. Bëhet fjalë për T-shirt, bluzat praktike, mjaft komode dhe të freskëta krahasuar me çdo lloj veshje tjetër. Pavarësisht ngjyrave dhe përmasave, ato mbeten simboli i stinës së nxehtë. Ndër versionet e prezantuara në pasarela, janë ato me mbishkrime dhe mesazhe promocionale nga më të ndryshmet. Kështu në treg gjenden T-shirt Chupa Chups, prej pambuku, ku mbizotëron imazhi i lëpirëses më të famshme në botë. Por nuk mundojnë as t-shirt ato me personazhet më të njohur të botës së fumetit, me stampa plastike që i rrezistojnë temperatures, larjes dhe janë mjaft komode. Ndërkohë që industria e tekstilit këtë vit ka sjellë një risi në këtë fushë, duke kombinuar teknologjinë me modën. Dhjetra mesazhe dashurie që lindin nëpërmjet chatit gjenden tashmë në të gjitha pjesët e bluzave pranverore. Për nostalgjikët, tregu ofron edhe emrat e mëdhenj të muzikës dhe kinemasë, sigurisht që nuk mungon as simboli i lirisë Che Guevara. Për këtë stinë stilistët sugjerojnë një koleksion të tërë veshjesh që bazohen tek t-shirtet e kombinuara me pantallona të lehtë me ngjyra të ndezura dhe me mesazhe mjaft ironike.

[StormAngel]

Duoja e papritur e verës i jep vitalitet të famshmit “revival” të viteve ‘70

Funde zhupon dhe çizme: feminiteti i nëndheshëm

Tendenca

Shekulli

Gjatë dimrit u hezitua mes çizmeve me lëkurë të kthyer së prapthi dhe atyre me peliçe të përveshur lart. Dhe megjithë ardhjen e pranverës, çizmet nuk largohen. Sipas stilistëve, ato do t’i konkurrojnë fort sandalet edhe në pranverë. Tendencën e kanë hedhur yjet e kinemasë dhe të ekranit të vogël dhe veçanërisht Pamela Anderson. Përpara tri vjetësh ajo përbënte sensacion në plazh me kostum banje dhe çizme. Shumë shpejt shembulli i saj u ndoq nga njerëz të famshëm si Paris Hilton dhe Kate Moss. Pra, terreni u përgatit nga yjet. Por çizmet që janë në modë këtë sezon mbështeten edhe në një tendencë tjetër: fundet zhupon. Sipas stilistëve, çizmja kauboj përshatatet për bukuri me zhuponët e gjerë, të gjatë ose gjysmë të gjatë, që ishin tendenca kryesore e frymës uesterne të viteve ’70. Çizmet u sjellin atyre në mënyrë të pakundërshtueshme një dimension dinamik dhe rebel, që e pengojnë siluetën të bjerë në një feminitet të tepruar. Çizmet u japin këtyre fundeve karakter modern, u japin stil urban dhe në mënyrë paradoksale i bëjnë të duken edhe më seksi. Edhe nëse nuk guxoni t’i vishni që këtë sezon, në dimër keni për t’i veshur patjetër.
Versaçe

Stampa mbi stampa, ngjyra mbi ngjyra: kështu përkthehet optimizmi i Versaçe. Lule të të gjitha llojeve, formave, ngjyrave dhe vendeve, nga ato tropikale deri tek ato baroke. Mbi veshje të ngushta dhe fare të holla. Ndërsa surpriza e sfilatave Versaçe pranverë-verë ishin veshjet bardhezi. Pantallona dhe kanotiere të bardha si asnjëherë tjetër, në sfilatën Versaçe. Ndërsa për në mbrëmje stili është pikërisht ai i lehtësisë hollivudiane: me dekolte të thella, me taka super të larta, me pëlhura sensuale, me silueta farfuritëse, materiale të shndritshme. Joshje e kulluar!

Roberto Cavalli

Cher, këngëtarja dhe aktorja, është akoma muza e Roberto Cavalli në një koleksion eklektiv dhe të tepruar. Pendë dhe mëndafsh të përpunuar bashkë për të të dhënë një ndjesi lehtësie. Veshje të mbivendosura njëra mbi tjetrën, tipike për një “cowgirl”, pa harruar edhe materialet e lëkurta që i përshtaten këtij stili. Stampa të frymëzuara nga mozaikët e Pompeit dhe nga arti i piktorit hollandez, Alma Tadema. Sa shumë teprime Cavalli i këtij sezoni!

Alberta Ferretti
Gruaja-perëndeshë e stilistes italiane Alberta Ferretti del nga olimpi i ngjyrave të zbehta dhe delikate për t’u hedhur në botën e ngjyrave të forta dhe të vendosura, të plota dhe të nuancave origjinale: çiklamin, jeshile, bojëqielli dhe kafe. Jaka të rrumbullakosura dhe bluza që varen sensualisht në shpatulla. Vëllimet janë të drejta dhe të pastra. Lehtësi e përsosur!

Blumarine
Fuqia e joshjes i është besuar vetëm veshjeve të linjta: Blumarine u bën elozh si domosdoshmëri gjatë ditës dhe për në mbrëmje. “Robe de chambre” dhe bustiera, body dhe veshje të brendshme, “babydoll” dhe gepjere janë ridizenjuar nga “Blumarine”, për t’u paraqitur më në fund zbuluar, pa ndrojtje false. Më sensuale se me të linjta, nuk ka sesi të dukesh. Aq më tepër, kur këtyre veshjeve të vogla të adhurueshme u shtohen kristale e materiale të çmuara që i shndërrojnë në një pasuri të vërtetë. Gratë që do të zgjedhin stilin e “Blumarine” këtë sezon, janë të ndërgjegjësuara se trasgresioni është zbavitje.

Missoni
Sot ashtu si edhe dje, të thuash Missoni do të thotë viza, onde dhe zig-zage. Përzierje formash dhe triko. Veshje fluide, të buta, me ngjyra të ëmbla… Këtë herë Missoni ka ngërthyer edhe stampa kafshësh mbi materiale transparente, materiale të tylta dhe të mëndafshta. Ndërsa linja klasike vazhdon me këmisha mashkullore dhe pantallona të drejta. Teprime te vetme janë bolerot dhe pendët. Variant “sexy” janë pantallonat transparente që nxjerrin në pah të brendshmet. Kombinimi i ngjyrave është pak të thuash i studiuar, është një strategji e vërtetë që i jep pëlhurave një efekt tridimensional!

Byblos
New York, New York, jo ai i Liza Minnelli, por i Sarah Jessica Parker në "Sex and the City". Moderne dhe femërore, gratë e Byblos nuk heqin dorë nga veshjet joshëse: jelekë të hapur mbi vithe dhe funde tenis, “beby-doll” me fjongo të lidhura nën gjoks dhe xhaketëza fine, si dhe funde me shtat të lartë. Lulet e preferuara janë orkidetë, ndërsa rrjetat e argjendta u japin më shumë dritë bluzave.


Max Mara
Një garderobë e pakëmbyeshme, ku veshjet më të rëndësishme janë kryekëput të ndryshme: për Max Marën, modernitet do të thotë shpejtësi përdorimi. Jeleku ka rolin e protagonistit: kur është prej pambuku është casual, kur është prej damasku është shik dhe kur është prej shifoni është sexy. Për t’u mbajtur me funde të ngushtë dhe të gjatë dhe dekolte të thella. Kostumi bën gjithnjë figurë të mirë: xhaketa me xhepa dhe pantallona të gjera.

Rocco Barocco
Sa shumë grintë për gratë e Rocco Barocco! Për këtë markë ka marrë fund era e femrës menaxhere dhe arrin femra femër, e sigurt dhe moskokëçarëse. Ngjyrat e preferuara janë e kuqja, e zeza, korali, e verdha vezë, por me sfumatura të rralla të përftuara në saje të pëlhurave të laminuara lehtas, plot dritë dhe të tejdukshme. Për ditën shifon, organza, lëkura ultra e butë, mëndafsh, ndërsa për në mbrëmje kryesisht tyl. Por gjithnjë më shumë grintë!

[StormAngel]

Louis Vuitton, një qershizë mbi çantën tuaj


Olsi Kolami

Nje qershize mbi canten tuaj do ti jepte veshjes tuaj nje pamje totalisht pranverore. Ky eshte sugjerimi i fundit i botes se modes ne sektorin e aksesoreve qe shoqerojne veshjet e perditshme. Behet fjale per ngjyrat e ndezura, te cilat me saduket do te shoqerojne moden e sivjetshme deri ne fund te stines se veres. Kete here dizenjatoret kane zgjedhur qe simbol i stines te jete nje fruti familjar si qershia. Gjithcka eshte frymezuar nga mangat japoneze, te cilat jane bere frymezim per koleksionin Louis Vuitton, i cili ka vendosur qe te gjitha produktet e tij te lekures te shoqerohen me frutin me joshes. Sipas autoreve gjithcka eshte vendosur pas nje bashkepumi me artistin japonez Takashi Murakami, nje nder dizenjatoret me te njohur ne Azi. Keshtu eshte zgjedhur qe nje prej puneve te tij me te mira, pra ai i qershizes te transferohet tek te gjitha cantat apo valixhet, te cilat do te shoqerojne sivjet ne aksesoret e modes ne New York, Paris dhe Tokio. Pasi ka marre te drejten e autorit Louis Vuitton, ka hedhur ne treg koleksionin e pare, qe jep imazhin e freskise se stines, te konfiguruara ne nje qershize apo disa syresh, qe do te gdhenden mbi lekuren e çantave femereore. Sfondi eshte kryesisht i bardhe i ndjekur nga simboli i stines, i cili mesa duket kete vit do te zere vend te dukshem ne te gjitha koleksinet me aksesore te modes.