Ledina Çelo ne Festivalin Europian

[MI CORAZON]

Unë kam nja 10 vjet pa parë Eurovision e tani që pashë e dëgjova këto këngët, mbeta pa mend, ( tani, pa mend fare jo, po bie fjala).
E pse këndojnë anglisht këto? Kujtojnë se e dinë si Toni Blleër?
Uaaaa, u habita. Desha me dëgju shqip, s'kishte as shqip, as greqisht, as frëngjishtja s'ishte më frëngjisht.Këngë rrëmujë këto që sapo dëgjova. ....Turqia mbahet akoma. S'pranon të këndojë anglisht më duket.
Edhe Ashley Simpson këndon më bukur se këta konkurentë.

P.S. Ahhhh, fola pa dëgjuar Suedinë. Megjithëse figura s'është shumë e qartë, doja të pyesja : Kaq elegantë e kinga i paska meshkujt Suedia? Uaaaaaaaaaaaaaaa ...
....Edhe kënga e bukur.

[BvizioN]

Arsyja e prezantimit te kengeve ne gjuhen Anglisht eshte per tu bere te kuptueshme vargjet e kenges ne nje auditor me te gjere,e megjithate une mendoj se eshte ide e gabuar.Nese muzika eshte e tabanit tend pse duhet te jene vargjet ne tjeter gjuhe?
Persa i perket Turqise....kenga fituese e Eurovizionit 2003 ka qene Turke dhe.......ne gjuhen Anglishte Dhe kenga fituese vjet pothuajse komplet ne gjuhen Anglisht.
Persa i perket Eurovizionit kete vit dhe vidios se kenges! Une nuk mendoj se ka ndonje gje te perbashket me Kazakistanin! Kostumi eshte veshje tradicionale e zones veri lindore te Shqiperise dhe muzika (Daulle,dajre,qifteli,kitare) perseri jane veglat me te perdorura ne Shqiperi.
Eshte shume interesante kur Evropa e vlerson muziken Shqipetare dhe kengetaret tane..ne Shqipetaret mundohemi ti ulim,nderkohe qe vendet e tjera te Evropes bejne te kunderten per artin e tyre.
Dhe kenga Suedeze nuk me pelqen fare!!! Pak kenge ka per 'Las Vegas'? Duket sikur eshte USvision dhe jo Eurovision! Muzika e kenges puro muzike e viteve 70.
Kenget qe preferoj jane Iclanda,Franca,Greqia dhe Hungaria.


ZiM

[mary-anne]

www.escforum.com/showthread.php?t=12673

[MI CORAZON]

Dhe kenga Suedeze nuk me pelqen fare!!! Pak kenge ka per 'Las Vegas'? Duket sikur eshte USvision dhe jo Eurovision!
ZiM

Ke qenë ndonjëherë ne LLas Vegas ti mo?
Shko provoje një herë, kur të na vish këtu me një këngë për të.

[BvizioN]

Ke qenë ndonjëherë ne LLas Vegas ti mo?
Shko provoje një herë, kur të na vish këtu me një këngë për të.

Nuk kam qene ne Las Vegas...e mendoj qe eshte vend i bukur po nese une do kendoj per te kenga nuk do kete origjinalitet pasi ka kushedi sa kenge per te.

Eurovizioni vlerson shume origjinalitetin.

ZiM

[shigjeta]

Autorët e këngës “Nesër shkoj”, kompozitori Adrian Hila dhe hartuesi i tekstit, Pandi Laço, kanë deklaruar dje, tërheqjen e tyre nga Festivali Evropian, ku do të merrnin pjesë pas disa ditësh. Sipas tyre, Ledina Çelo mund të shkojë në Kiev, por me një këngë tjetër, ose në të kundërt, duhet të merren parasysh pasojat. Një konferencë shtypi e zhvilluar mesditën e djeshme nga drejtuesit e Televizionit Publik Shqiptar dhe njërës prej kompanive të telefonisë celulare në vend, për promovimin e këngës së kënduar nga Ledina Çelo, i ka shtyrë dy autorët të marrin një vendim të tillë. “Ne autorët e këngës “Nesër shkoj”, sipas dispozitave të ligjit për mbrojtjen e të drejtave të autorit dhe kontratës me Radio Televizionit Publik Shqiptar, deklarojmë me përgjegjësi të plotë se RTSH, rrjedhimisht dhe kompania e telefonisë celulare AMC, organizatore e konferencës për shtyp pak orë më parë, kanë shkelur të drejtat tona si autorë të këngës”, - kanë deklaruar autorët, duke shtuar se në bazë të kontratës ata janë të vetmit përfaqësues ligjorë shqiptarë në Festivalin Evropian. “Kushdo tjetër që merr një përgjegjësi të tillë përsipër, përvetëson të drejtat e autorit dhe do të ndiqet nga organet e drejtësisë”, - është shprehur kompozitori Hila, duke shtuar se tashmë ata kanë kontaktuar me një studio ligjore që do të merret me këtë çështje. Gjatë konferencës për shtyp të organizuar dje në orën 13.00, përveç përfaqësuesve të kompanisë celulare që janë paraqitur si sponsorë gjeneralë të përfaqësimit të Shqipërisë në Kiev, kanë qenë të pranishëm edhe drejtues të RTSH-së, këngëtarja Ledina Çelo, koreografi Arian Sukniqi, ndërkohë që mungonin dy realizuesit e këngës, Hila dhe Laço. Kjo ka qenë një tjetër arsye, që autorët ta ndiejnë veten të fyer. Sipas tyre, askush nuk i ka ftuar të merrnin pjesë në këtë përfaqësim. Por problemi nuk qëndron thjesht këtu. Kjo konferencë shtypi përbën shkelje të njërës prej pikave të kontratës së nëshkruar me RTSH-në. “Sipas kontratës, veprimtaritë promovuese, konferencat e shtypit, i takojnë licencuesit dhe licencues të saj janë Adrian Hila dhe Pandi Laço. Licencuesi i jep të drejtën TVSH-së të mbivendosë informacione dhe grafika në transmetim televiziv, por këtu përjashtohen informacionet grafike e zanore të sponsorëve”. Gjithashtu, gjatë konferencës së djeshme promovuese, janë shpërndarë edhe CD e DVD të këngës, të cilat janë realizuar me shpenzimet e Laços e Hilës. Ndërkohë mësohet se për këtë aktivitet Këshilli Drejtues i TVSH-së ka firmosur një shumë prej 100 milionë lekësh. “Produksioni audio i këngës në studiot më të mira italiane, produksioni i videos në Maqedoni, duke përfshirë udhëtimet e stafit, janë realizuar me shpenzimet tona. Gjithashtu me shpenzimet tona kemi nxjerrë 2500 CD dhe 2500 DVD. TVSH nuk ka dhënë asnjë qindarkë për këngën. Nuk bëhet fjalë vetëm për një fyerje morale, por edhe për dëm ekonomik”, - është shprehur Hila, duke shtuar se për këtë çështje kanë kontaktuar edhe me “Albaautorin” dhe EBU-në. “Ne si autorë tërhiqemi nga konkurrimi në Festivalin Evropian, duke hapur një çështje gjyqësore për dëmshpërblim moral dhe financiar”, - janë shprehur ata.

Çelo, asnjë provë me këngën
Pjesëmarrja e vetme në konferencën për shtyp të organizuar nga AMC-ja, deklarata e Gëzim Podgoricës, por edhe e vetë autorëve të këngës. Laço-Hila gjatë konferencës për shtyp, të dhënë dje pasdite, dëshmojnë për një konflikt mes këngëtares Ledina Çelo dhe autorëve të këngës “Nesër shkoj”, Adrian Hila dhe Pandi Laço. “Nuk e dimë sesi mund të këndojë Ledina live në festival, pasi deri më sot, ajo nuk kanë bërë asnjë provë me këngën, për shkak të impenjimeve dhe udhëtimeve të saj të shumta”, - është shprehur kompozitori Hila, sipas të cilit, Çelo nuk ka pranuar të marrë pjesë në konferencën e organizuar nga ata. “Nuk e dimë se çfarë kontratash në favor të saj, mund të ketë lidhur Ledina”,- ka vazhduar Hila, i cili është shprehur i fyer prej pjesëmarrjes së saj e vetme në konferencën promovuese dhe për faktin që as ajo nuk denjoi të ftonte atë dhe Pandi Laçon. Autorët e këngës janë shprehur se Çelo, në bazë të ligjit “Mbi të drejtat e autorit”, është thjesht një ekzekutuese e këngës dhe nuk ka asnjë të drejtë mbi të, kështu që nëse ajo do të shkojë në Kiev, duhet të shkojë me një këngë tjetër, por jo me krijimin e tyre.

Ku është shkelur e drejta e autorit
Sipas kontratës, veprimtaritë promovuese, konferencat e shtypit, i takojnë licencuesit dhe licencues të saj janë Adrian Hila dhe Pandi Laço. Licencuesi i jep të drejtën TVSH-së të mbivendosë informacione dhe grafika në transmetim televiziv, por këtu përjashtohen informacionet grafike e zanore të sponsorëve

Në bazë të kontratës autorët janë të vetmit përfaqësues ligjorë shqiptarë në Festivalin Evropian. Kushdo tjetër që merr një përgjegjësi të tillë përsipër, përvetëson të drejtat e autorit dhe ndiqet nga organet e drejtësisë.

TVSH nuk ka shpenzuar asgjë për këngën. Produksioni audio i këngës në Itali, produksioni i videos në Maqedoni, duke përfshirë udhëtimet e stafit, janë realizuar me shpenzimet e autorëve. Gjithashtu me shpenzimet e tyre janë nxjerrë 2500 CD dhe 2500 DVD.


Alma Mile - Shekulli

[BvizioN]

Shkeputur nga Albaniac.com

Pas një nate të gjatë koncerti e lodhur , ajo gjatë takmit me ne është veshur shumë sportive me xhaketë dhe pantallona xhinse blu të hapur, një bluze të hollë , ngjyrë e zezë të cilës i varen mëngët, syzet të mëdha, sip ajo gjithmonë preferon ti mbajë, i fshehin sytë e bukur. Ulemi në cepin e një pabi të vjetër në lagjen e famshme “Noting Hill Gate”, nga e cila ka marrë emrin filimi “Notinghill”, ku luan e famshmja Xhulia Robert flokët e të cilës janë të ngjashme me të Çelos.Ledina gjatë ditëve në Londër, sikurse gjatë intervistës, shoqërohet kudo nga kushërira simpatike Suela Gostivari që jeton në Londër, e cila është një vajzë po aq shumë simpatike dhe e sjellshme sa vetë Ledina.”Suela është engjëlli im mbrojtës që më jep fat, por që më mungon shumë kur janë në Shqipëri apo në turne” tregon me ëmbëlsi këngëtarja duke i hedhur dorën në qafë dhe shtërnguar me xhentilesë.Suela Gostivari që është vajza e dajës së Ledinës, nuk është thjeshtë një kushërirë për Ledinën. Gjatë kohës kur ajo jetonte në Londër dhe provoi botën e modes si modele ato të dyja ishin të pandara. “Edhe motra sikur të ishim nuk do të duheshim aq shumë” thotë Suela një vajzë me flokë të verdha shumë simpatike.Stresi për kushërirën e Ledinës sikurse për këngëtaren ka filluar momentin kur ajo fitoi koncertin në RTSH. Suela kujton “Nata e fundit e festivalit përkonte me ditëlindjen time. Mbusha 18 vjeçe. Ledina më telefonoi dhe më uroi. Ishte e lodhur dhe e stresuar nga festivali. Nuk e dija nëse do të fitonte, paçka se ajo shpresonte që kësaj here të triumfonte. Më telefonoi motra nga Shqipëria dhe më tha që ajo fitoi.U hodha përpjetë nga gëzimi. Duhemi shumë shumë me njëra - tjetërën.Pres me padurim Eurovizionin, dua që Ledina të fitojë”. E nganjeherë të fitosh duhet edhe fat. Pikërisht një të tillë edhe Suela ja uron kushërirës. “Të uroj fat!” i thotë ajo duke u përqafuar me njëra tjetrën me shumë dashuri.Ledina pranon që ka disa kohë që nuk prononcohet në media, pasi kërkon të jetë e fokusuar njëqind përqind në sfidën e saj të radhës Eurovizionin.Pasi ka gëlltitur disa gllënka lëng domateje që duket se i qëlqen, pranon të rrëfehet jo vetëm për atë që do të ndodhë në natën më të rëndësishme të muzikës europiane por edhe për shumë detaje rreth jetës së saj, duke u lutur shumë herë. “Aman mos më ndryshoni fjalët. Jam e lodhur me thashethemet. Kam pas boll. Nuk dua të krijoj ndonjë të ri vete nga vetja ime”.


M.Veliu: Data e interpretimit të shumë pritur në Eurovizion nga ju dhe të gjithë shqiptarët po afron. Si ndjeheni?

Ledina Çelo:Natyrshëm emocionet kanë filluar. Mundohem ti harroj ato, pasi momenti më i ngarkuar për mua nga ana emocionale mendoj se do të jetë dita kur do të nisem për atje. Por them se do t’ja kaloj mirë, pasi e di që atje nuk do të jem vetëm por me shumë nga adhuruesit e mi, jo vetëm në Shqipëri por edhe në të gjithë botën që do kenë mundësi të ndjekin natën finale të Eurovizionit.Kanë filluar përgatitjet intensive, ndërkohë po punohet me veshjet, dhe kënga është përkthyer në anglish. Këto ditë qëndrimi në Londër do ti shfrytëzojë për të perfeksionuar theksin e këngës në anglisht, për ta bërë sa më të thjeshtë dhe original.Kam disa pengesa të vogla në këtë drejtim që do ti kaloj pa problem.

Si do të jetë koreografia, pasi është një nga elementët më të rëndësishëm pas interpretimit perfekt të këngës?

Balerinët po punojnë në këtë drejtim nën drejtimin e koreografit Arjan Sukniqi. Mendoj se nuk ka ndonjë vështirësi për ta realizuar.Koreografia do të jetë me disa vajza të cilat i bien violinave gjatë të gjithë kohës, sepse instrumenti i violinës është brënda në këngë, e cila nga katër minuta që ishte në fillim është reduktuar në tre. Kjo është një kohë standarte për të gjithë pjesëmarrësit. Vështirësitë e koreografisë kanë kaluar pasi çdo gjë e kemi bërë me mirkuptim. Vajzat janë shumë simpatike dhe elegante të cilat janë përkushtuar maksimalisht.

Si do e cilësonit këngën tuaj, kujt rryme muzikore i përket?

Ritmi i këngës është i rrymës muzikore Etno, e ndërthur me modernen, por kam dëshirë që ti bashkangjisim edhe disa elementë të muzikës tonë.

Konkretisht?

Ritme popullore.Ndërkohë që çiftelija është një element ekzistues sëbashku me daullen, që mbahet nga një djalë ku ai luan dhe vërtitet përreth vajzave.

Cila do të jetë veshja juaj dhe e balerinëve?

Veshja do të jetë një nga suprizat.

Kush po i qep ato?

Në fakt për veshjet ka patur shumë ide.Kam punuar me shumë stilistë nga të cilët jam shumë e kënaqur.Por për këtë rast stilistët e përzgjedhur nga unë janë Enada Atnikolla dhe një stilist i ri dhe shumë i talentuar, Joni Peçi për të cilën dua të nënvizoj faktin që publiku duhet ta njohë cili është ai. Joni është një stilist që ka punuar për Armanin në Milano.Materialet janë marrë nga Italia dhe po qepen nga dora e artë e Shpresa Zaraliut.

Kush do t’ju shoqërojë në Kiev?

Bashkë me mua do të jetë një staf prej 19 vetave, ku mes tyre do të jetë drejtori i përgjithshëm i RTVSH z.Artur Zheji, drejtori i radios Gëzim Podgorica, si dhe gazetarë të ndryshëm.

A do të kemi rastin të shikojmë një interpretim me koreografi si të thuash alla Rusllana e cila u shpall fituese vjet?

Sëbashku me kompozitorin Adrian Hila që kompozoi këngën Pandi Laçon që e shkruajti tekstin, dhe unë që e këndoj , kemi menduar të paqyrojmë atje ritme shqiptare në mënyrë që të dali në pah vlera e popullit tonë.Ne nuk mund të shkojmë atje me ritme rrok apo Hip Hop, pasi ky është Euro Vizion. Siç e ra në sy edhe vjet atje këngëtarët sollën pjësë nga kultura e vëndeve të tyre.Ajo që duam të bëjme ne është të sjellim ritmet, atmosferën e vëndit tonë . Dhe kjo unë mendoj se është diçka që kemi synuar dhe do ta pasqyrojmë atë natë.Është diçka interesante pasi ne do të sjellim shumë Shqipëri në Eurovizion.Unë dua të jem origjinale në kete festival.

Dikush në koncertin e së martës këtu në Londër ju cilësoi si Ambasadorja e Shqipërisë në Europë. Sa e denjë është Ledina ta bëjë këtë rol?

Kjo më jep forcë dhe kurajo dhe impenjim të dal sa më mirë atje.Nga momenti në moment ja ushqej vetes, që atë ditë në ato tre minuta të jap maksimumin, do të jenë 3 minutat më live të karrierës sime.

Dihet që votat e votuesve marrin një rol të veçantë në këtë konkurim.Padyshim që shqiptarët kudo në botë përmes internetit apo mesazheve telefonike do t’ju votojnë. Cili është mesazhi juaj për ata?


Dua t’i falenderoj të gjithë ata që do më mbështesin me votat e tyre. U them se nuk do t’i zgënjej. Padyshim që i dua votat e tyre dhe ata të votojnë më gjith shpirt, por mbi të gjitha dua ti bëj ata të ndjehen krenar. Për mua e rëndësishme dhe parësore është prezantimi sa më dinjitoz i Shqipërisë në Euro Vizion. Ndërsa fitimi i vendit të parë, pse jo do të ishte një mrekulli e vërtetë, jo vetëm për mua. E nëse një gjë e tillë ndodh do t’ja dedikoj vëndit tim.

A i keni ndjekur këngët e konkurentëve të tjerë?

I kam dëgjuar disa prej tyre. Mund të them se ata janë përpjekur të sjellin rryma të ndryshme nga vëndet që vinë.I vleresoj të gjithë konkurentët. Unë nuk doja ta quaj një festival, por thjesht një festë.

Por ama ju shkoni me shpresë për të fituar?

Padyshim që po. Kryesore është paraqitja me dinjitet.

Dhe nëse atë natë do të triumfoni dhe do të fitoni vendin e parë, ç’do të ndodhë me ju?

(Qesh) Do jëtë një mrekulli e vërtëtë, që nuk gjej dot fjalë për ta përshkruar. Pse jo, atë natë do të mendojë për ndonjë sponsër të fuqishëm që të organizoj koncertin e ardhshëm në Shqipëri.

A ka filluar ankthi në familjen Çelo, në Tiranë për këtë eveniment që është një nga kulmet e karierës tuaj?

Si çdo fëmijë edhe unë kam një respect të madh për prindërit. Janë njerëz që më kuptojnë dhe ju jam shumë mirënjohës për mbështetjen e tyre pa të cilën nuk mund të isha në këto pozita që jam sot në botën e muzikës.Që nga momenti që fitova festivalin në RTSH ata gjithnjë më thonë: “ Hë Ledian si po ecin përgatitjet”. Më vjen keq që nuk kam shumë kohë të shpenzoj sëbashku me ta, pasi karriera intensive e viteve të fundit ka qënë shumë e ngarkuar. Jam e bindur që do të gjej kohë të jem mes tyre dhe të gëzohemi sëbashku.Ata do të jenë natyrisht njerëzit të cilët do ta përjetojnë me shumë se gjithkush,çdo emocion,minutë pas minute te Eurovizionit.


Keni zhvilluar një tur promocional të këngës në vendet ku ka shqiptarë. Çfarë atmosfere i ka karekterizuar ato ...

Po, kam zhvilluar disa koncerte ku më i fundit ishte në Athinë, i cili më la shumë mbresa.Për mua ishte hera e parë që shkoja në Athinë ku emigrantët tanë atje, kësaj radhe ata donin të njihnin nga afër Ledinën, atë të cilën do ta ndjekin nëpërmjet ekranit si përfaqësuesen e tyre në këtë aktivitet shumë prestigjoz.Pashë njerëz që qanin dhe që këndonin me mua.Më bëri gjithashtu përshtypje media Greke e cila u interesua për mua si këngëtare, edhe meqënëse Shqipëria është komshije e tyre dhe nga intuita ime arrita të kuptoj se greket e cilësojnë Shqipërinë si një konkurente të fortë.Kam qënë në Maqedoni, Bosnjë Hercegovinë.

Po në Kosovë?

Jo, për faktin se ka qënë një periudhë intensive, por dua tu them shumë fansave njëkohësisht miqve të mij atje që “Më prisni në Prishtinë” nuk ka kuptim që turi im të mbyllet pa vajtur edhe atje.

Sa mbështetje keni nga shteti shqiptarë në këtë aktivitet, kam parasysh ndonjë sponcorizim?

Është thënë që do të kem.Deri tani nuk kam gjë. Dua të theksoj se shteti shqiptarë nuk duhet t’ja vërë theksin gjithmonë futbollit me anë të sponsorizimeve mijëra dollarëshe, por edhe tek muzika dhe në veçanti në një aktivitet të tillë si ky.


Paraqitja juaj e jashtëme kohët e fundit ka krijuar si të thuash shumë thashetheme,ose Bla-Bla-Bla siç i keni cilësuar.Pse krijohen të tilla thashetheme, cili është shkaku?

Thashethemet i konsideroj si diçka pozitive, se përderisa merren me ty do të thotë që je dikushi.Në fillim më bënin përshtypje nga mos eksperienca me të tilla gjëra, por tani ja kam marrë dorën. I kaloj me ndonjë të qeshur të sinqertë.

Cili ka qënë thashethemi që ju ka bërë më shumë përshtypje?

Nuk mund të veçoj ndonjë, por më ka bërë shumë përshtypje kur dilja në ndonjë duet me ndonje këngëtar më të madh se unë në moshë, e ma ngopnin duke thëne “ Eh!Ajo Ledina, e ka të dashur atë”. Nga kjo më vinte keq pasi isha shumë e vogël, dhe e ndjeja që më vriste. Megjithëse thashethemet janë sofistikuar tani duke thënë se unë kam bërë operacione, prapë i kaloj pa problem.

Dhe në të vërtetë a keni bërë ndonjë operacion të tillë në pjesë të tjera të trupit, përveç atij në hundë që e keni pranuar se e keni bërë?

Operacioni në hundë është bërë kur unë isha adoleshente. Një shoqe shkolle në lice hapi këtë temë, dhe unë e ndërmora një gjë të tillë, pasi jo vetëm femrat por edhe meshkujt duan të duken perfekt. Ishte një diçka momentale. Nuk ishte një problem që më pengonte të dilja në skenë.

E keni bërë zmadhimin e gjoksit me silikon siç flitet?

Jo, nuk e kam bërë një gjë të tillë.

Por, në një intervistë me gazetaren Zefina Hasni, u keni premtuar atyre që kanë hapur këtë thashethem se do ta bëni një gjë të tillë. Kur atëherë dhe pse?

Unë nuk jam kundra operacioneve plastike, tek çdo femër që të ndihet në formë. Jam e parimit që nëse diçka ja vlen për tu bërë dhe femra duket më e bukur jam dakort të bëhet.

Gjatë një interviste po prapë në Londër në vitin 2003 keni deklaruar se pavarsisht se shkuat në Paris, vzhdonit ti mbanit lidhjet me të dashurin dhe më konfirmuat gjithashtu se dashurija juaj ishte njësoj si në ditën e parë.Jemi në vitin 2005 a vazhdon kjo lidhje?

(Vihet në siklet dhe luan kokën) Nuk dua ti shtoj ndonjë detaj tjetër asaj qe të deklarova gjatë intervistës në 2003.

Pra nuk e mohoni ekziston e kësaj lidhje? A është ende gjallë një e tillë?

Po. Ne vazdhdojmë të jemi bashkë.Kaq mjafron.Nuk më pëlqen të flas për jetën time private.

Si shkon biznesi i dyqanit që keni hapur në Tiranë? A jeni një biznesmene e suksesshme?

Nuk ja them fare. Është diçka që më pëlqen të këshillosh njerëzit që ata të vishen bukur.

Ke provuar të dizenjosh rroba?

Po gjera të vogla, pasi që e vogël e kam patur dhunti të pikturoja.

U bë kohë që nuk keni publikuar ndonje album të ri. A keni ndonjë plan të afërm ta bëni një gjë të tillë?

Është e vëretë ajo që thoni. Ka kohë që nuk kam nxjerrë ndonjë album, ku ti jepja më shumë këngë të reja fansave të mi.Kjo ka ndodhur nga lëvizjet e mija dhe aktivitet e shumta. Jam duke e përgatitur një album, që do të dalë shumë shpejt nga rryma të ndryshme dhe kompozime. Albumi do të mbajë emrin e një kënge që do ta përzgjedh nga kënget e përfshira në të.

Ledina faleminderit dhe paçit fat në Eurovizion. Ishte kënaqësi të bisedonim sëbashku…

Faleminderit juve!

Per Albaniac: Muhamed Veliu

[BvizioN]

Delegaconi i perfaqesuesve te Shqiperise ne Eurovision 2005 ndodhet tash me ne kryeqytetin e Ukraines,Kyiv.
Sot,e Hene 16 May Ledina dhe grupi koreografik do bejne provat e para ne skene ne oren 11:00 per 30 minuta dhe 30 minuta te tjera nje konverence shtypi.




ZiM

[Qerim]

Une kam besim tek Ledina se eshte nje femer e apasionuar dhe profesioniste.

Kenga eshte gjithashtu profesioniste, pakez e veshtire per veshin e amatoreve te muzikes ashtu si te gjitha kenget e dasmave qe e kane lezetin vetem ne dasma, por ka avantazhin qe ne skene te imponohet.

Edhe sikur te deshtoje , nuk u be qameti , fundja do kete edhe eurovisione te tjere.
Nuk mund te behet asnje parashikim, pervoja e viteve te kaluar tregon se nuk mund te bazohemi as tek sondazhet neper saitet e ndryshme.

Une jam i bindur se eshte nje kenge qe nuk mund te kalohet pa u vene re, per vete skenografine dhe motivet popullore, ne kete mori kengesh moderne.

Une mendoj se kete vit do jemi mbi Serbine dhe Fyromin.

[BvizioN]

Faktikisht per mendimin time ne Eurovizion nuk behet fjale per deshtim! Nga 39 vende qe paraqiten eshte e natyreshme qe jo te gjitha do fitojne qmimin e pare dhe vertet un mendoj se pak rendesi ka.
E rendesishme eshte qe te jete nje prezantim i mire dhe te pelqehet nga auditori Europian.

PS;Ps pak do postoj ca foto te marra nga provat e para te Ledines ne skenen e Eurovizionit,sot nga ora 11:30.

ZiM